DOSJE: DISKRIMINIMI i SHQIPTARVE NE IRJM - FAKTE

[Faik]

Shqiptarët të dyshimtë për ambasadorë!!

21/10/2009



Vendosja e ambasadorit maqedonas në Kosovë vlerësohet si një mosbesim ndaj ambasadorëve shqiptarë. Kështu i kanë vlerësuar analistët e ndryshëm, pohimet se në Prishtinë pas marrëdhënieve diplomatike Maqedoni-Kosovë do të vendoset ambasador një diplomat maqedonas. "Është një fakt i pamohueshëm se shqiptarët në Maqedoni permanent trajtohen si element i huaj. Dhe kur merren vendime të rëndësishme, shqiptarët janë të dyshimtë, survejohen ose eliminohen tërësisht. Një mënyrë e tillë e veprimit po ndiqet edhe me rastin e emërimit të ambasadorëve, siç janë vendet fqinje, si Shqipëria, Kosova por edhe Serbia Mali i Zi etj", tha analisti Naser Ziberi. Sipas tij, njëherë është bërë një përjashtim me Bullgarinë me një gjysmëmandat dhe këtu ka përfunduar e gjithë historia e përfaqësimit diplomatik të Maqedonisë nga ambasadorë shqiptar.

I të njëjtit mendim është edhe profesori universitar, Osman Kadriu. "Shumë herë edhe në shumë nivele, shqiptarët nuk dorëzoheshin në ato shtete në të cilat mendoheshe se ka ndonjë lloj dyshimi,pasi punët i konsideronin me interes shtetëror. Është e logjikshme që të kesh ambasador në shtetet në të cilët jetojnë shqiptarë, pasi ata i njohin rrethanat objektive e subjektive", tha Kadriu.

Analisti Ziberi mendon se vendosja e një ambasadori shqiptari në një shtet shqiptar ka efekte shumë pozitive. "Nuk ka asnjë argument që të mos ketë ambasador shqiptar në këto vende, në rend të parë në Shqipëri, Kosovë ose edhe Serbi. Sepse shqiptarët njohin më së miri marrëdhëniet mes këtyre shteteve dhe Maqedonisë. Sidomos në Shqipëri e Kosovë do të kishim elemente shtypëse, për zhvillim të marrëdhënieve diplomatike, ekonomike, por edhe kulturore", tha ai. Ish-deputeti Ziberi konsideron se shqiptarët shihen si të dyshimtë, dhe se ata nuk do të jenë përfaqësues jolojalë të Maqedonisë në këto vende për shkak të prejardhjes së tyre etnike me shtetet që do të përfaqësojnë Maqedoninë, prandaj eliminohen nga konkurrenca për t’u emëruar ambasador.

Sipas juristit Kadriu shqiptarëve me Kushtetutë u garantohet e drejta për të qenë në pozita të ndryshme të rëndësishme shtetërore. "Kjo është një situatë, e cila ndeshet me parimet e Kushtetutës aktuale, e cila për veç të tjerave përmend secilin qytetarë pavarësisht përkatësive nacionale në çdo funksion dhe në këtë rast kjo është e kufizuar për postet e ndryshme në nivel shtetëror", tha Kadriu.

Gazeta "Lajm" ka publikuar se ambasador i ardhshëm i Maqedonisë në Prishtinë do të jetë Todor Nanev, ish-kryetar i deritanishëm i Komisionit për shënimin fizik të vijës kufitare mes Maqedonisë dhe Kosovës. Njoftimi zyrtar pritet të bëhet pas dy-re muajve kur të përfundojnë të gjitha procedurat për akreditimin e Nanevit për ambasador nga Presidenti i Maqedonisë, Gjorge Ivanov.


Shqiptarët s’lejohen në pozita kyçe


"Shqiptarët nuk munden të bëhen President shteti, nuk mundet për kryeministër, kryetar parlamenti, ministër i mbrojtjes, prokuror i shtetit dhe ministër i jashtëm. Kjo është lista e funksioneve të cilët assesi nuk mund të depërtojnë shqiptarët. Kjo është në kundërshtim me atë që quhet marrëdhënie ndëretnike dhe në kundërshtim me kushtetutën", tha Osman Kadriu.


Sinani: Mungon besimi i ndërsjellë


"Paralajmërimet për emërimin e një ambasadori maqedonas, mendoj se janë edhe një dëshmi se në politikë tek ne mungon besimi i ndërsjellë. Gjithsesi do të ishte e udhës që në Prishtinë të shkonte ndonjë personalitet që e njeh kulturën shqiptare. Parashtrohet pyetja kush më mirë se vetë intelektualët shqiptar e njohin kulturën shqiptarë në Kosovë dhe Shqipëri. Fundja, besoj se emërimi i ndonjë ambasadori shqiptar edhe më shumë do t’i thellonte marrëdhëniet mes dy vendeve", tha analisti Ismail Sinani.


Sejdiu thërret në telefon Ivanovin


Presidenti i Maqedonisë Gjorge Ivanov përmes telefonit ka biseduar me kolegun e tij kosovar Fatmir Sejdiu. Në bisedën e iniciuar nga Sejdiu, dy presidentët, e kanë përshëndetur vendosjen e marrëdhënieve diplomatike dhe i kanë konfirmuar përpjekjet për zhvillimin e marrëdhënieve ndërmjet Maqedonisë dhe Kosovës dhe qytetarëve të dy vendeve. /Bekri Ajdini/

[Faik]

Komunat shqiptare larg banesave sociale

Fitim KRYEZIU

- Ministria e Transportit dhe Lidhjeve të hënën realizoi ndarjen preliminare të 102 banesave të vendosura në lagjen Juria në Komunën Gjorçe Petrov të Shkupit. Sipas listës preliminare, 97 banesa i kanë fituar fëmijët pa prindër apo pa përkujdesje prindërore, nga një banesë kanë marrë shfrytëzues të asistencës sociale apo ndihmë të përhershme në të holla, gjegjësisht persona individual apo persona të cilëve u nevojitet ndihma, ndërsa tre banesa u ndahen prindërve për vetë përkujdesje të fëmijëve minorenë. Ndarja e banesave është bërë në prezencë të përfaqësuesve të aplikuesve të gjithsej 719 aplikimeve të parashtruara, nga të cilat 111 nga fëmijët pa prindër, tetë persona të goditur nga fatkeqësitë natyrore, 316 prindër për vetë përkujdesjen e fëmijëve, 161 shfrytëzues të asistencës sociale dhe 24 persona nga popullata rome.
"Metodologjia e ndarjes parasheh prioritet për marrjen e banesës sociale për kategorinë fëmijë pa prindër, me ç'rast zgjidhen nevojat e këtij grupi, i cili do të ketë prioritet edhe gjatë ndarjeve të ardhshme", theksoi ministri i Transportit dhe Lidhjeve, Mile Janakieski, sipas të cilit, Qeveria do të vazhdojë të ndërtojë banesa sociale nëpër shtet në pajtim me Programin e miratuar nga Këshilli i Evropës. Ai njëherësh, njëjtë sikur vitin e kaluar, informoi se gjatë vitit 2010, do të fillojë ndërtimi i minimum katër objekteve të reja në Shkup me rreth 200 banesa sociale, pa precizuar se në cilët Komuna, ndërsa në vitin 2011 dhe 2012, ka siguruar se do të përfundojë ndërtimi i së paku 15 objekteve me gjithsej 800 banesa. Por, kjo do të jetë në Gjevgjeli, Prilep, Berovë, Shtip, Gostivar, Dibër, Kumanovë, Koçan, Kërçovë dhe Kriva Pallankë. Edhe në këto projekte të Ministrisë së Transportit, komunat që udhëhiqen nga shqiptarë si Tetova, Çairi, Struga dhe pjesë tjera të banuara me shqiptarë kanë mbetur jashtë projekteve.
Zyrtarë të Ministrisë së Transportit madje nuk kanë shpjeguar mungesën e shqiptarëve në marrjen e banesave sociale në Gjorçe Petrov, si dhe mungesën e ndërtimit të banesave në lagjet shqiptare në Shkup, konkretisht në Çair dhe Gazi Babë. "Ka qenë e pa pranueshme dhe e pa njerëzishme që të vendosësh kritere të tilla ku do të shiheshe përkatësin etnike të aplikuesit. Një ndër kriteret më kryesore ka qenë që personat të jenë të kategorisë së caktuar dhe që kanë gjendjen e vështirë financiare. Për atë shkak e kemi zbatuar edhe sistemin elektronik të ndarjes me qëllim që të anashkalohen të gjitha mundësit e gabimeve njerëzore, apo të korrupsionit eventual të administratës", tha Dragan Simonovski, zëdhënës i MTL-së. Arsye e vetme për mungesën e banesave sociale në Çair dhe qytetet tjera me shumicë shqiptare, Sipas zyrtarëve nga Ndërmarrja Publike për Ekonomizim me Hapësirat Banesore dhe Afariste, është se kryetarët e Komunave nuk kanë bashkëpunim me ta. "Të gjithë kryetarët komunal duhen të shkruajnë lutje deri tek ndërmarrja jonë dhe të na informojnë se në komunën e tyre ka tokë shtetërore dhe sipas planit detal urbanistik, ti plotësojë kushtet e ndërtimit të një ndërtese", pati thënë muaj më parë Zoran Misovski, drejtor i ndërmarrjes në fjalë. Ndërkohë, deri tani, projekti për banesat sociale ka përfunduar në Shkup, edhe atë në Komunën Qendër, Aerodrom dhe në Gjorçe Petrov, si dhe në qytetet Ohër, Gjevgjeli dhe Veles.

[Faik]

Ja si na këndojnë dhe urrejnë maqedonasit

As në tokë as në hava/ për shqiptarët vend nuk ka”. Kjo këngë gjendet në rubrikën “Kulturë, art dhe traditë”! tek një faqe e shumë vizituar Idividi. “Vetëm shqiptari i vdekur është shqiptar i mirë”, “O shqiptarë ju thaftë rrënja”, në vargjet e shkruara ngritet edhe kryeministri aktual Nikolla Gruevski, për të cilin thuhet se si luan i futi nën putra “terroristët e UÇK-së”

Faqe të ndryshme të internetit në gjuhën maqedonase, forume të ndryshme, himne të klubeve futbollistike dhe këngë patriotike maqedonase vlojnë dhe vërshojnë me porosi, sharje dhe thirrje antishqiptare.

Publiku shqiptarë shumë pak ka pasur rastin të përballet me faktin se çfarë në të vërtetë thuhet dhe shkruhet, por edhe këndohet nga bashkëqytetarët e ndryshëm maqedonas nëpër faqe të internetit, ku shfaqet urrejtja dhe fobia ndaj shqiptarëve. Kjo dukuri dhe këto vese dy viteve të fundit janë bërë trend në mesin e maqedonasve, por sidomos të rinjëve, të cilët preferojnë të përfshihen në debate të tilla, ku në mënyrë brutale ofendohen dhe përdoren sharje të urryera, të ndjekura me fjalor nacionalist dhe fashist kundër shqiptarëve. Këto senzacione janë hulumtuar nga gazeta “24 orë” në Maqedoni e cila ka arritur të mësojë më shumë nga qytetarë maqedonas, të cilët kanë rrëfyer dhe kanë ofruar faktet se çka nuk thuhet për shqiptarët.

“Vetëm shqiptari i vdekur është shqiptar i mirë”, “O shqiptarë ju thaftë rrënja”, në vargjet e shkruara ngritet edhe kryeministri aktual Nikolla Gruevski, për të cilin thuhet se si luan i futi nën putra “terroristët e UÇK-së”.

Himni i klubit të futbollit “TETEKS në Tetovë gjithashtu përmban ofendime të rënda kundër shqiptarëve: “As në tokë as në hava/ vend për shqiptarët nuk ka”, “Po të mos ishte NATO / deri tash do t’ju zhduknim-o”!

Këto këngë nuk janë këngë të ndonjë provokuesi të rëndomtë por, këngë të një “komuniteti sportiv” të gjërë i cili gjenë mbështetje në strukturat aktuale qeveritare. Me vetë faktin që nuk përndiqen, që nuk alarmohet kjo situatë, që nuk interventohet nëpër veb faqet maqedonase, nënkupton një përkrahje që vjen nga qarqe të caktuara që synojnë të promovojnë urrejtjen.

Analizë më vetë socio-kulturor janë edhe këngët e një romantizmi naiv të të rinjëve maqedonasë por edhe të estradës maqedonase që tashmë janë shndërruar pothuajse në lutje të përshpirtshme në çdo shtëpi maqedonase. I këndohet “Aleksandrit maqedonas”, por mallkohet edhe data e “Marrëveshjes së Bukureshtit” kur na qenka copëtuar Maqedonia e sotshme; i këndohet “Katilëve grekë” por edhe “Ditës së bashkimit të të gjithë maqedonasëve”. Në këtë kategori këngësh hyjnë edhe “këngët epike” për trimërinë e VMRO-së por edhe të liderit të VMRO DPMNE-së, Nikolla Gruevskit, i cili, ndonëse gjendet para situatës së nënshkrimit të paketit për ndërrim të emrit të Maqedonisë si dhe të çdo gjëje maqedonase, trajtohet si figurë e “shpëtimit kombëtar”: “O maqedonas i pastër këndo/ se jam patriot e hero... Kam shumë miq guximtar/ të gjithë vmro-istë dhe një kryeministër atdhetar/ zotëri Nikolla Gruevskin...” – është kënga me titull “Për Maqedoninë” të kënduar nga dy këngëtarë të estradës maqedonase, Vasko dhe Elizabeta. Në forumin e portalit të “Idividi” gjendet edhe kënga me titull “As në tokë as në hava/ për shqiptarët vend nuk ka”, edhe atë nën rubrikën “Kulturë, art dhe traditë”! Aty do të dëgjoni dhe gjeni vargjet e refrentit të kësaj kënge: “ Po na e ndotin Maqedoninë/ As në tokë as në hava/ vend për shqiptarët nuk ka/ O Zot dënoi/ i vraftë reja/ o ju zhduktë rrënja”.

Një nga këngët që mund të nxisë ndonjë konflikt të paparashikueshëm ndëetnik është edhe rap kënga e njëfarë aCe maFia me titull “Vdekje shqiptarëve”. Ja se me çfarë vargjesh na prezantohet ky këngëtar më i adhuruari nga të rinjtë maqedonasë: “O ju maqedonasë/ fleni me pushkë nën kokë/ kjo kërkesë nuk është e kotë./ Vdis shqiptar se je i tepërt/ vdis shqiptar i ndyrë/ mos më detyro të të vras/ jetën me ty nuk dua ta ngas./ Vdis shqiptar se i tepërt je/ vdis shqiptar se i ndytë je/ kurrë nuk do të dua/ kurrë nuk do të më vie keq për ty/ dua të të shfaros ty/ dy metra nën dhe të të varros. Atëherë për Maqedoninë/ një qiri do ta ndez”.

Institucionet qeveritare dhe Ministria e Kulturës duhet urgjentisht të reagojnë kundër këtyre tendencave për krijimin e urrejtjes publike kundër shqiptarëve, për shkak se ky zhanrë i preferuar po merrë përmasa të mëdha në mesin e të rinjve maqedonas. (INA-24 Orë)

*********************************

Ligji cenohet, pasaportat
mbeten "makedonsko"
Evis HALILI

Shkup, 11 nëntor - Përdorimi i emërtesave njënacionalëshe, jo vetëm nëpër institucione, por edhe në manifestime, botime e dokumente të ndryshme..., edhe pse konstatohet si shkelje e dispozitave ligjore nga organet më të larta qeverisëse, në praktikë nuk ka pësuar asnjë lloj ndryshimi. Rasti i ndryshimit të paragrafit të shtetësisë nga "R. Maqedonisë" në "maqedonas" që u alarmua disa muaj më parë nga "KOHA", ende nuk arriti të gjejë asnjë lloj zgjidhje, megjithë premtimet se ky paragraf do të pësonte ndryshime. Pasaportat e reja vazhdojnë të lëshohen nga Ministria e Punëve të Brendshme, të pandryshuara. Madje edhe pritjet për korrektime nuk janë reale. Në kabinetin e zëvendëskryeministrit Abdylaqim Ademi, pohojnë se vërejtjet i janë dërguar MPB-së dhe duhej të kishte ndryshime. Ndërsa kjo e fundit, nuk është në dijeni. Zëdhënësi Ivo Kotevski thotë se nuk e ka idenë se për çfarë ndryshimesh bëhet fjalë, pasi formati i dokumenteve të reja është hartuar konfrom standardeve ndërkombëtare dhe është i ngjashëm me modelin e shumë shteteve të tjera. Ndryshimet në paragrafët e pasaportave kanë ardhur bashkë me ndryshimet në Ligjin për dokumentet e udhëtimit..., për të cilin deputetët shqiptarë nuk kanë qenë në dijeni kur kanë votuar për të njëjtën. Deputeti i Bashkimit Demokratik për Integrim, Rafiz Haliti, i cili muaj më parë u angazhua në zgjidhjen e kësaj çështje, ripërsërit të njëjtën qëndrim.

"Kemi diskutuar në grupin parlamentar dhe jemi të mendimit se kjo çështje duhet patjetër të gjejë zgjidhje, ligjet duhet të respektohen edhe nga MPB-ja. Kjo është një padrejtësi që i bëhet shqiptarëve", thotë Aliti. Ndryshimi në paragrafin e shtetësisë, në pasaportat e reja biometrike, rezultoi me shndërrimin brenda natës të shqiptarëve në maqedonas, pasi formatimi i ri përjashtoi variantin e dikurshëm, "R. Makedonija", duke e zëvendësuar me "makedonsko". Ndonëse, në variantin shqip luhet me finesë, në pasaporta shënohet "Maqedonisë", të tjerat "maqedonas". Një element interesant në rastet kur mbajtësi i dokumentit është me kombësi shqiptare dhe pasaporta është katërgjuhëshe, maqedonisht, shqip, anglisht dhe frëngjisht, varianti në shqip, nuk ka domethënie të njëjtë me atë në gjuhët e tjera. Loja e fjalëve, fillon me "drzhavjanstvo" që në shqip përkthehet "shtetësi" dhe në gjuhët e tjera "nationality" dhe "nacionalite" dhe jo me "citizenship".

Ndërsa për më poshtë shënimet kemi "makedonsko", që në gjuhët e tjera përkthehet si - "maqedonisë" dhe "macedonian", që pavarësisht përkthimit sipas dëshirës në shqip, kuptimi mbetet i njëjtë - maqedonas. Sipas ekspertëve juridik, ndryshimet kanë cenuar identitetin e pjesës tjetër shtetformuese - shqiptarëve.

Sidomos kur në këtë rast kemi të bëjmë me një popullsi multietnike, gjë që ka sjellë edhe zvetënimin e identitetit kombëtar të një pjese. Sipas tyre, ndryshimi i paragrafit të shtetësisë është një formulim regresiv, i ngjashëm me atë të para vitit 2001, komb-shtet, njëherazi edhe tentativa më skandaloze në asimilimin e identitetit kombëtar.

Problemi trashëgohet si pasojë e neglizhencës së subjektit politik shqiptar gjatë ndryshimeve kushtetuese të vitit 2001, kur u miratuar promovimi i identitetit qytetar pa përmendur etnitetet.

****************************************

“Bajaga” koncert me paratë edhe të shqiptarëve
12/11/2009 13:45:43


Komuna e Kumanovës me rastin e shënimit të ditës së 11 nëntorit nga nazifashizmi dhe 490 vjetorin e ekzistimit të këtij qyteti kishte ftuar si mysafirë special këngëtarin e njohur serb, Bajaga me grupin e tij Instruktori. Për këtë koncert të mbajtur parmbrëmë, Bajaga ishte paguar disa mijëra euro, para që vijnë edhe nga xhepi i popullatës shqiptare në Kumanovë, që është dominante.

Por më skandaloze rreth kësaj ka qenë edhe mosprania e asnjë grupi shqiptar apo të ndonjë këngëtari të estradës shqiptare.

Intelektualë dhe qytetarë shqiptarë të kësaj komune kanë reaguar në adresë të agjencisë së lajmeve INA lidhur me këtë skandal, që sërish nuk përfillet në këso koncerte edhe këngëtarët e estradës shqiptare. “Turp është kjo që po na ndodhë, çfarë këshilltarë kemi atje që na përfaqësojnë. Le të ngrejnë zërin, apo për çfarë kanë shkuar atje. Si mundet me paratë tona të na sjellin këngëtar edhe nga Beogradi, e na kemi emra të mirënjohur të estradës së muzikës së lehtë këtu në Kumanovë dhe nuk i ftojnë. Turp atyre që na përfaqësojnë dhe që kanë marrë votën”, thekson Fuati, një student kumanovar, i cili thotë se përgjegjësi duhet të jap dikush.

Edhe qytetarë të tjerë të anketuar janë zhgënjyer me kësisoj veprime që po bëhen nga komuna e Kumanovës. Por autoritetet e kësaj komune kanë theksuar se në këtë koncert nuk ka pasur shqiptarë, por në manifestime të tjera janë përfshirë me rastin e ditës së çlirimit. “Ne kujdesemi që të ketë edhe grupe dhe aktivitete nga shoqëritë apo estrada shqiptare. Në kuadër të këtyre manifestimeve vjetore kemi përfshirë edhe program të posaçëm duke mundësuar paraqitjen e grupeve apo shoqërive shqiptare”, ka theksuar zëdhënësi i komunës, Martin Kostovski.

Ajo që është më irituese për popullatën shqiptare është se Bajaga ka qenë një nga mbështetësit e regjimit kriminal të diktatorit serb Sllobodan Millosheviç. Pikërisht si mbështetës i këtij të fundit, Bajaga disa vite më parë u ndalua që të mbajë një koncert në Sarajevë. Kundër tij ishte organizuar, organizata joqeveritare boshnjake “Freedom of Srebrenica”. Mediat lokale maqedonase me emocione dhe me pamje të ambientit festiv kanë pasqyruar qëndrimin e këngëtarit Bajaga dhe takimin e tij me kryetarin e komunës, Zoran Damjanovski. Në komunën e Kumanovës, tani për tani asnjë shqiptarë nuk është i inkuadruar në pozitat vendimarrëse, pas zgjedhjeve të fundit ku dolën një numër pakicë i këshilltarëve shqiptarë. (INA)

********************************

[STUDENTI USHT]

eshte nje pyetje e cila ne vete ngerthen shum pergjigje por vetem njera eshte e vertet e cka do te thot se ne jemi shqiptar po pse po mundohemi ta cveshim petkun e shqiptaris e jo te mburremi me at qka jemi.
eshte me se e vertet se jemi shqiptar dhe se ne kto troje datojm shum me heret se te ishin maqedonasit po ku jan ata historianet tan qe heshtin dhe nuk ngren ze kunder kesaj padrejtesie po ku jan ata politikanet tane te ci;et mburren me ate se jan shqiptar dhe mashtyrojn popullin e mjer me mashtrimet e tyre klasike ku eshte i madhi si quhet Ali ahmeti i cili shitej patiot luftonte per popullin shqiptar e tash eshte futur ne rrugen epolitikes se felliqur dhe po mburet me ate se po ban marveshje me vmrn e cila ashte nje produkt i uidbes dhe se piksinim e ka shkatrrimin e shqiptareve po ku jan ata politikanet tjere te cilet po ne ket menyr shiten patriot te kombit shqiptar nje fjale e urte thot se trim asht ai qe qet pushk per vatan e jo ai qe qet pushk per te mar hakun e vellait .
te gjitha keto u harruan na u be nje fyrje ne sy dhe nuk po mund ta kuptojm kush na e beri shqiptaret e shitur apo maqedonasit nuk po mund te kuptojm ende se kush eshte trathtari nuk po mund te dime se nga ksuh te mrohemi nga shqoiptaret apo nga maqedonasit nuk po e njohim armikun .
pse nuk ngriten ne kemb patriotet e vertet qe i mbrojn interesat e shqipetareve interesat e kombit po me ket po tregojm se nuk po egostojn patriotet nuk po egzistojn forcat mbrojtese intelektuale te kombit shqiptar .te gjith kemi nje flamur te gjith kemi nje shqiponj pse nuk po mund te themi si i madhy yn PASHKO VASA mos shikoni kisha e xhamia se fe e shqiptarit eshte shqiptaria jemi ne te njejten gjendje ku jan forcat e reja pse po heshtim ku jemi ne rinia spe poo asimilohemi dit e me teper .
pse po na ndodhin kto fyerje te poshtera te cilat po na iritojn po spo i kushtojm rendesi ku kjo eshte qeshtje e rendesishme per xhdo njeri qe e ndjen veten te pakten shqiptar

O VLLEZER E MOTRA NE JEMI SHQIPTAR


ne kemi histori ne kemi te kaluar ne kemi identitet ne kemi bagazh te madh te njerezve te medhej po ku jemi ne pse spo behemi edhe me te medhej se ata ju ftoj ne bashkim komtar ju ftoj qe te mbroj idenititetin e kombit shqipetar ju bej thirrje edhe vellezerve dhe motrave kosovar se edhe ata jan nje gjak nje emer nje komb sikur ne jan shqiptar ore mos te kerkjn identitet tjeter sepse e kan identitetin e tyre jane shqiptar herdo kur do jemi SHQIPERIA E MADHE edhe ne qofte nuk ddo mundemi me teritor po me zemer o shqipetar te zgjohemi nga gjumi e kemi amanet nga te medhejt e kemi amanet nga shqipetaret ndaj shqipetareve ndaj atetheut . kerkoj falje per ndonje gabim teknik

[Faik]

Kultura shqiptare do të arnohet edhe në 2010

Evis HALILI

Shkup, 19 nëntor - Buxheti që parashikohet të jetë në dispozicion të disa prej institucioneve vitale të kulturës, nuk është asgjë më shumë sesa një arnë me të cilën ndoshta edhe do të justifikohen dështimet e projekteve të tyre për vitin e ardhshëm.
Drejtuesit e disa prej këtyre institucioneve pohojnë se me fondet që janë planifikuar nga Ministria e Kulturës, nuk do të mund të plotësohen as kriteret minimale dhe jo më të pretendohet për diçka serioze. Nga Teatri i Shkupit, të cilit planifikohet që t'i akordohen gjashtë milionë denarë, është e paimagjinueshme që të ketë një repertor dinjitoz për 2010. Drejtori Adem Karaga prej vitit të kaluar artikulon ankesa permanente për buxhetin e cunguar, si një pengesë kryesore për realizimin e shfaqjeve. Madje, disa javë më parë, Karaga akuzoi Ministrinë e Kulturës për dështimin e turneut në Prishtinë të një prej shfaqjeve më të arrira të këtij viti "Gjenerali i ushtrisë së vdekur".

"Për fat të keq, me buxhetin që parashikohet edhe për këtë vit, është e vështirë të thuhet se mund të bëhet diçka", thotë Karaga. Gjashtë milionë denarët që planifikohen t'i jepen Teatrit, janë e njëjta vlerë që përfitoi edhe për vitin 2009. Madje nga buxheti i këtij viti, ministria tërhoqi edhe një milionë denarë në kuadër të prolongimit të një projekti për vitin e ardhshëm. Në projekt-buxhetin e Ministrisë së Kulturës, Teatri i Tetovës që gjendet së bashku me Bibliotekën, parashikohet të përfitojnë së bashku vetëm pesë milionë denarë. Drejtori Artan Skënderi thotë se kemi të bëjmë vetëm me një ndryshim kozmetik, krahasuar me një vit më parë. Sipas tij, ky institucion i formuar rishtazi, ka një profil tejet specifik, ndërsa buxheti që i jepet është tejet i vogël për të përmbushur jo vetëm kriteret artistike, por edhe ato teknike. "Me këto para mund të realizohen dy shfaqje të mira, ose katër mesatare dhe kështu nuk i ndihmohet artit. I apeloj faktorit politik që të kontribuojë më seriozisht për këtë institucion, pasi arti ndërton ura më të sigurta sesa politika. Procesi i formimit të institucionit është në rrugë e sipër dhe mbështetja financiare duhet të jetë më e madhe", thotë Skënderi. Teatri i Tetovës që gjendet në hapësirat e Qendrës Kulturore, ka deficite të mëdha edhe nga aspekti i funksionimit teknik, numrit dhe gjeneratave të aktorëve, skenës e të tjera. Një shumë tejet simbolike parashikohet edhe për Qendrën Konservative të Gostivarit. Vetëm 1milion e gjysmë denarë akordohen për institucionin i cili eksiton simbolikisht. Vetëm me një të punësuar - drejtorin, Qendra ende nuk ka zgjidhur problemin hapësinor, ndërsa buxheti që derdhet me pikatore nga viti në vit, bëjnë që ky institucion të funksionojë vetëm në letër, pa lënë premisa për formësimin e tij si një qendër produktive. "Ne kemi kërkuar më shumë për këtë vit dhe kuptohet që shuma është e vogël", thotë drejtori i emëruar disa muaj më parë, Adnan Fejzullahu.

Sipas tij, deri në fund të vitit, Qendra do të presë shiritin e inaugurimit.
Planifikimet e këtij viti për financimin e institucioneve dhe projekteve në funksion të kulturës shqiptare janë jashtëzakonisht deficitare. Pa asnjë lloj përmirësimi nga viti i kaluar, ato vazhdojnë të mbeten periferike në suaza të mbështetjes dhe zhvillimit të kulturës në vend.

[Faik]

Kosovarët presin nga 3 orë për të hyrë në Maqedoni

01/12/2009


Zgjedhja që bënë qytetarët e Kosovës për të festuar Kurban Bajramin dhe 28 Nëntorin, nuk ishte shumë e qëlluar, pasi atyre iu desh të prisnin me orë të tëra për të hyrë në Maqedoni. Burokracia dhe formalitetet e shtetit fqinj ia shndërruan kosovarëve gëzimin në nervozë. “Kam pritur rreth tre orë për të hyrë në Maqedoni. Isha në makinë me nënë gruan dhe fëmijët, ndërsa makinat ishin rendit nga fabrika e Elez Hanit, deri në kufi. Se di çfarë bënin por shumë avash lëvizte kolona”, rrëfen Ekrem Rahmani, nga Vitia, i cili ishte në Shkup për të festuar dy fesat të rëndësishme, një fetare dhe një kombëtare. “Thamë të vijmë sivjet në Shkup, pasi edhe këtu kemi familje, por këta na lanë të presim me orë të tëra. Tani është edhe dimër dhe fëmijëve nuk i bën mirë që të rrinë kaq gjatë pa zjarr”, thotë ai.
Meqë e premtja ishte ditë pushimi për të gjithë myslimanët, gjatë fundjavës nuk ka pas asnjë shqiptar në vend kalimin kufitar Bllacë, aty ku pritjet ishin më të gjata. Megjithatë, kjo fundjavë nuk është e vetmja ku shqiptarëve të Kosovës, por edhe atyre të Shqipërisë i duhet të presin me orë të tëra për të hyrë në Maqedoni.

Edhe pse, edhe Kosova, edhe Shqipëria kanë marrëveshje me Maqedoninë, procedurat doganorë për të hyrë në këtë të fundit zakonisht janë tepër të gjata. Edhe në vendkalimin kufitar Qafë Thanë, shtetasit e Shqipërisë që dëshirojnë të hyjnë në Maqedoni, shpesh herë torturohen psiqikisht me pyetje banale, të tipit ku shkoni, pse shkoni, e si shkoni, duke lënë kështu edhe autobusët e linjës të presin me orë të tëra. “Na lanë të presim më shumë se një orë në kufirin maqedonas. E thirrën një djalë atje brenda dhe një orë e pritëm atë. Ai kishte edhe biletë kthyese, por këta vazhdojnë me avazin. Gjoja i kanë hequr vizat, por zakonin se kanë ndryshuar”, tha Djana D, e cila vinte nga Tirana në Shkup.

Nga vendkalimet kufitare justifikohen “se respektojnë ligjin dhe për çdo dyshim të vogël, ata pyesin”. Megjithatë dyshimet gjithmonë janë vetëm për shtetasit e Kosovës dhe të Shqipërisë, pasi për shtetasit e tjera nuk ka asnjë lloj dyshimi.

************************************************** *********

Për policinë, Kosova akoma mbetet Serbi

Vedat MEMEDALIU

Shkup, 29 nëntor - Ministria e Punëve të Brendshme vazhdon të mos e njohë Kosovën si shtet të pavarur. Kaçaniku, Ferizaji dhe qytete tjera të Kosovës, për policinë vazhdojnë të mbeten nën Serbi. Përveç në pasaporta, vendlindja e shtetasve të Maqedonisë, por që kanë lindur në Kosovë, edhe në letërnjoftime dhe leje vozitjesh figuron si Serbi. Përkundër njohjes së pavarësisë një vit më parë dhe nënshkrimit të marrëdhënieve diplomatike midis Maqedonisë dhe Kosovës, MPB nuk e ka ndërmend të ndryshojë regjistrin themeltar të qytetarëve shqiptarë të Maqedonisë. Ankesat e radhës kanë ardhur nga një grup qytetarësh shqiptarë, shtetas të Maqedonisë por të lindur në Kosovë. "Përkundër asaj se formularin e kërkesës për letërnjoftim dhe lejen e vozitjes e mbusha edhe në shqip, dhe vënien saktë të vendlindjes - Kaçanik, Republika e Kosovës, letërnjoftimin ma dhanë me vendlindje Serbi. Ashtu ndodhi edhe me lejen e vozitjes. U ankova, por administratori më kumtoi se akoma nuk është ndërruar regjistri", thotë një shqiptar nga Shkupit, i cili në letërnjoftim, ashtu sikurse në pasaportë, figuron se ka lindur në Serbi.

Raste të këtilla ka shumë, sidomos në Shkup, ku numri i shqiptarëve nga Kosova por që kanë shtetësi maqedonase, është më i madh nga vendbanimet tjera shqiptare.
Për Ministrinë e Punëve të Brendshme, nuk është ndonjë problem i madh pse në dokumentet e identifikimit - në vend të Kosovës, shënohet vendlindja si Serbi. Madje, arsyetimi shkon deri aty sa që, sipas zëdhënësit të policisë, Ivo Kotevski, kjo ndodh vetëm te qytetarët më të moshuar të Maqedonisë që kanë lindur në "Serbinë e atëhershme", derisa për të rinjtë, shënohet Kosova.

"Për të rriturit dhe të moshuarit, përdoret emri i vendit në të cilin këto persona kanë lindur, ndërsa në dokumentet e gjeneratave më të reja, përdoret emri Kosovë, në përputhje me ndryshimet e fundit që kanë ndodhur në rajon", thotë zëdhënësi i policisë, sipas të cilit, kjo bazohet në regjistrat themeltar të qytetarëve.
Ndër të tjerash, në Sektorin për marrëdhënie me opinionin pranë policisë kanë sqaruar se vet fakti që Maqedonia e ka njohur Kosovën dhe pasaportën e saj, tregon se nuk ka kurrfarë problemi ose pengese që edhe në dokumentet e udhëtimit t'u qëndrojë Kosovë dhe jo Serbi, megjithëse mungon sqarimi se kur do të ndodhin këto ndryshime të vendlindjes. "Bëhet fjalë për çështje teknike, pasi nevojitet të ndryshohen të dhënat e regjistrave themeltar", thotë zëdhënësi Kotevski.
Ndërkaq, qëndrimi zyrtar i Qeverisë është se ky problem do të anashkalohet së shpejti dhe shqiptarëve të lindur në Kosovë, e që janë shtetas të Maqedonisë, do t'u mundësohet që në dokumentet e tyre të qëndrojë emri Kosovë dhe jo Serbi.
"Nga bisedat me ministren e Punëve të Brendshme, jemi informuar se në certifikatë e lindjes së kësaj kategorie të qytetarëve qëndron Serbi, për shkak se Kosova është shtet i ri.

Duke u thirrur në ato certifikata, një pjesë e shqiptarëve vazhdojnë të marrin dokumente në të cilat figuron se kanë lindur në Serbi, por besojmë se me bashkëpunimin e mirë midis Maqedonisë dhe Kosovës, shumë shpejt do të zgjidhet edhe kjo çështje", tha Shefik Duraku, zëdhënësi i Qeverisë. Ndërkohë, edhe në raportet ditore të Ministrisë së Punëve të Brendshme, qytetarët e Kosovës shënohen si banorë të Serbisë. Ka qenë raporti i fundit i kësaj ministrie, e cila duke dashur të informojë për një vjedhje të një kishe në lagjen Draçevë të Shkupit, kishte informuar se "lidhur me vjedhjen e ikonave kishtare, policia ka arrestuar një të dyshuar me iniciale S.SH., banor i Serbisë...", por që në fakt bëhet fjalë për shtetas kosovar.

[Faik]

Vendimet e shqiptarëve i marrin maqedonasit
Laura PAPRANIKLU
Shkup, 3 dhjetor - Ministria e Arsimit dhe Shkencës (MASH) po përdorë të gjitha metodat për të bërë të përjetshme vendet e punës për mësimdhënësit maqedonas dhe për të diskriminuar në mënyrë më të paskrupullt mësimdhënësit shqiptarë. Këto akuza të rënda, për politikë të dyfishtë kadrovike, vijnë nga shkolla e mesme "Cvetan Dimov" në Shkup. Ndihmësdrejtori Abil Baush thotë se, "në këtë politikë të pistë është i përzier edhe Dojçin Cvetanovski, kryetari i Sindikatës së Arsimit dhe Shkencës". Në marrëveshjen për rregullimin e statusit të punës së mësimdhënësve, që vjet u nënshkrua mes MASH-it dhe SASHK-ut, kohëzgjatja e punës së pandërprerë - si kusht për marrjen e vendimit, është rritur në pesë vjet, nga katër sa kishte qene më parë.
"Nuk ka dyshim se Cvetanovski i SASHK-ut mbron vetëm interesat e maqedonasve dhe asnjëherë deri tani, nuk i ka marrë në dorë problemet e shqiptarëve", thotë ndihmësdrejtori i SHF "Cvetan Dimov". Baush pretendon se MASH-i dhe SASHK-u në mënyrë të koordinuar, po punojnë për të diskriminuar shqiptarët.

Diskriminimi me marifet
"Ku është tani SASHK-u të ngrejë zërin për gjithë ata profesorë shqiptarë që punojnë nga pesë, shtatë dhe dhjetë vjet në këtë shkollë e, të cilëve MASH-i nuk u jep vendime të punës", pyet Baush, ndërsa nënvizon se tendenca e diskriminimit të shqiptarëve, nga MASH dhe SASHK, u vërejt që në fillim, kur kohëzgjatja si kriter për punë të pandërprerë u rrit nga katër në pesë vjet.
Me Cvetanovskin, kryetarin e SASHK-ut, nuk arritëm të kontaktojmë në numrin e tij celular, kurse në MASH i hedhin poshtë pretendimet për diskriminim nacional. "Vendimet ndahen vetëm në bazë të plotësimit të kritereve të punës dhe këtu nuk ka asnjë lloj dallim etnik", thotë Goran Galev, nga kabineti i ministrit Nikolla Todorov.
Sipas tij, nuk duhet të jenë të vërteta pohimet e zëvendësdrejtorit Baush, se kanë mbetur pa vendime profesorë shqiptarë që kanë punuar në mënyrë të pandërprerë pesë vite dhe që plotësojnë kriteret për punësim. Mirëpo, Baush tregon se janë shume raste të këtilla në "Cevatn Dimov". Një prej tyre është edhe ai i profesoreshës së Informatikës, e cila në vitin shkollor 2009/2010, shënoi vitin e shtatë të punës së pandërprerë në këtë shkollë.
"Vendime, u janë dhënë pesë mësimdhënësve shqiptarë dhe 15 maqedonasve", pohon Baush. Ai gjithashtu sqaron se, profesorët shqiptarë, në përjashtim të njërit, gjithë të tjerët kanë nga 10-11 vjet stazh pune në këtë shkollë, pasi bëhet fjalë për profesorë të Shqipes, Matematikës dhe Historisë, pra që kanë punuar këtu që në kohën kur "Cvetan Dimov" ishte shkollë e mesme e tregtisë. Në mesin e profesorëve maqedonas, që në këtë shkollë kanë marrë vendime, janë mësimdhënës të cilët jo vetëm se nuk kanë fond të plotë të orëve të mësimit, por që pesë vitet e stazhit i kanë bërë nëpër shkolla të tjera.
"Kanë ardhur dje të punojnë tek ne dhe u bënë me vendime para nesh", thotë Baush. Edhe Galev i MASH-it, pohon se për të marrë vendim pune, nevojitet pesë vjet punë e pandërprere në të njëjtën shkollë.

Financimi me të vjetën
Për rastet, të cilat i denoncon Baush, Galev thotë se mund të kenë marrë vendime sipas "financimit të vjetër". "Mund të ndodhë që në një shkollë, një profesor me më pak përvojë pune, të merr vendim, nëse ai e ka trashëguar vendin e vjetër të punës, pra të ndonjë profesori që ka dalë në pension, ka vdekur apo e ka lëshuar vendin e punës për ndonjë arsye tjetër. Me profesorët maqedonas në 'Cvetan Dimov", mund të ketë raste të këtilla, të cilat ka mundësi të marrin vendime në bazë të financimit të vjetër", sqaron shefi i kabinetit të ministrit Todorov. Në "Cvetan Dimov", 35 profesorë shqiptarë kanë mbetur pa vendime pune. Gjysma e tyre nuk kanë pesë vjet punë të pa ndërprerë në "Cvetan Dimov". Dihet se formimi në masë të madhe i paraleleve me mësim në gjuhën shqipe ka nisur viteve të fundit. "Kur erdha në 'Cvetan Dimov', para pesë viteve, kishte vetëm një paralele shqiptare të drejtimit të ekonomisë, kurse tani janë bërë 10 paralele", tregon ndihmësdrejtori. Ndërkohë, plotëson më tej Baush, numri i paraleleve maqedonase në këtë shkollë, por edhe në shumë të tjera, po bie në mënyrë rapide.
"Paradoksi qëndron pikërisht në faktin se, maqedonasve vazhdohet t'ju jepen me shumicë vendime pune, kurse shqiptarëve jo". Pa vendime kane mbetur jo vetëm profesorë që pas disa muajve do ta kapërcejnë pragun e pesë viteve, por edhe ata që punojnë nga shtatë dhe dhjetë vjet.

[etc]

Shqiptarët, jetimët e DHP-së

Shqiptarët diskriminohen në Drejtorinë për të Hyra Publike (DHP) në Maqedoni. Të punësuarit shqiptarë tregojnë se kolegët e tyre maqedonas edhe pse janë punësuar më vonë se ata, statusi i tyre është rregulluar menjëherë. Si rezultat i këtyre rregullave, ata i shfrytëzojnë të gjitha beneficionet, i marrin rrogat më të larta, kanë vendime pune si dhe disa të tjerë kanë kontrata afatgjate të punës. E kundërta ndodhë me shqiptarët, të cilët përveç diskriminimit në paga dhe kontrata pune, në prill të vitit 2009 përbënin rreth 4, 5 për qind të të punësuarve. Megjithatë, pasi i kishin kthyer disa të punësuar në punë, përqindja e tyre arriti deri në 10 për qind. Alaudin Zeqiri, zëvendësdrejtor aktual i DHP-së, pranon se viti që kemi lënë pas ka qenë ndër më të vështirët për shqiptarët në këtë institucion. “Për shkak të krizës globale, ka pasur masa mbrojtëse financiare. Gjatë vitit 2009 nuk ka qenë i hapur asnjë konkurs për pranimin e të punësuarve të rinj, prandaj edhe statusi i atyre që janë pranuar me kontratë pune, shënon vonesë deri në vitin 2010. Sivjet besoj se do të rregullohet kjo çështje”, tha Zeqiri. Ai gjithashtu nuk e arsyeton vendimin që statusi i të punësuarve shqiptarë të mos ishte rregulluar deri më tani, duke akuzuar në këtë mënyrë ministrisë e financave.
Shqiptarët të cilët ndjehen edhe të përbuzur brenda këtij institucioni presin përgjigje se cili do të jetë momenti kur ata të ndjehen krenar me punën që e bëjnë. “Deri në muajin e katërt të këtij viti do të rregullohet ky problem, rreth të punësuarve që janë pa vendim pune. Do të kontribuoj që përqindja e të punësuarit të shqiptarëve në DHP të shënojë rritje edhe më të madhe, deri në 25 për qind. Do të pranojmë edhe kandidatë të rinj, në veçanti ekonomistë dhe juristë”, tha Alaudin Zeqiri.
Drejtoria e të Hyrave Publike është njëra prej institucioneve kryesore në sistemin financiar të Maqedonisë. Ajo kontrollon kompanitë sa i respektojnë rregullat e grumbullimit të gjitha llojeve të tatimit.

[king Maqedonia]

po te diskriminuar jemi pak
per shembul te sheshi i shkupi do te ndertohet statuja e aleksandrit te math prej 25 metrash
dje ka arritur statuja, poastu edhe e goce delcev dame gruev ....
ne sheshi maqedonia nuk eshte asnje permendore e shqiptare e parapare, krejt jane te maqedonasve

fol per shkupin shum sepse shkupi eshte ZEMRA e maqedonise, e nqovse ajo maqedonisohet atehere edhe maqedonia maqedonisohet me ne fund ne jemi sikur emigrant ne maqedoni!
u bj krejtve thirrje mos lejoni qe ky shesh te maqedonisohet, keni te drejte per protesta!

[milot-02]

Ja si na këndojnë dhe urrejnë maqedonasit

As në tokë as në hava/ për shqiptarët vend nuk ka”. Kjo këngë gjendet në rubrikën “Kulturë, art dhe traditë”! tek një faqe e shumë vizituar Idividi. “Vetëm shqiptari i vdekur është shqiptar i mirë”, “O shqiptarë ju thaftë rrënja”, në vargjet e shkruara ngritet edhe kryeministri aktual Nikolla Gruevski, për të cilin thuhet se si luan i futi nën putra “terroristët e UÇK-së”

Faqe të ndryshme të internetit në gjuhën maqedonase, forume të ndryshme, himne të klubeve futbollistike dhe këngë patriotike maqedonase vlojnë dhe vërshojnë me porosi, sharje dhe thirrje antishqiptare.

Publiku shqiptarë shumë pak ka pasur rastin të përballet me faktin se çfarë në të vërtetë thuhet dhe shkruhet, por edhe këndohet nga bashkëqytetarët e ndryshëm maqedonas nëpër faqe të internetit, ku shfaqet urrejtja dhe fobia ndaj shqiptarëve. Kjo dukuri dhe këto vese dy viteve të fundit janë bërë trend në mesin e maqedonasve, por sidomos të rinjëve, të cilët preferojnë të përfshihen në debate të tilla, ku në mënyrë brutale ofendohen dhe përdoren sharje të urryera, të ndjekura me fjalor nacionalist dhe fashist kundër shqiptarëve. Këto senzacione janë hulumtuar nga gazeta “24 orë” në Maqedoni e cila ka arritur të mësojë më shumë nga qytetarë maqedonas, të cilët kanë rrëfyer dhe kanë ofruar faktet se çka nuk thuhet për shqiptarët.

“Vetëm shqiptari i vdekur është shqiptar i mirë”, “O shqiptarë ju thaftë rrënja”, në vargjet e shkruara ngritet edhe kryeministri aktual Nikolla Gruevski, për të cilin thuhet se si luan i futi nën putra “terroristët e UÇK-së”.

Himni i klubit të futbollit “TETEKS në Tetovë gjithashtu përmban ofendime të rënda kundër shqiptarëve: “As në tokë as në hava/ vend për shqiptarët nuk ka”, “Po të mos ishte NATO / deri tash do t’ju zhduknim-o”!

Këto këngë nuk janë këngë të ndonjë provokuesi të rëndomtë por, këngë të një “komuniteti sportiv” të gjërë i cili gjenë mbështetje në strukturat aktuale qeveritare. Me vetë faktin që nuk përndiqen, që nuk alarmohet kjo situatë, që nuk interventohet nëpër veb faqet maqedonase, nënkupton një përkrahje që vjen nga qarqe të caktuara që synojnë të promovojnë urrejtjen.

Analizë më vetë socio-kulturor janë edhe këngët e një romantizmi naiv të të rinjëve maqedonasë por edhe të estradës maqedonase që tashmë janë shndërruar pothuajse në lutje të përshpirtshme në çdo shtëpi maqedonase. I këndohet “Aleksandrit maqedonas”, por mallkohet edhe data e “Marrëveshjes së Bukureshtit” kur na qenka copëtuar Maqedonia e sotshme; i këndohet “Katilëve grekë” por edhe “Ditës së bashkimit të të gjithë maqedonasëve”. Në këtë kategori këngësh hyjnë edhe “këngët epike” për trimërinë e VMRO-së por edhe të liderit të VMRO DPMNE-së, Nikolla Gruevskit, i cili, ndonëse gjendet para situatës së nënshkrimit të paketit për ndërrim të emrit të Maqedonisë si dhe të çdo gjëje maqedonase, trajtohet si figurë e “shpëtimit kombëtar”: “O maqedonas i pastër këndo/ se jam patriot e hero... Kam shumë miq guximtar/ të gjithë vmro-istë dhe një kryeministër atdhetar/ zotëri Nikolla Gruevskin...” – është kënga me titull “Për Maqedoninë” të kënduar nga dy këngëtarë të estradës maqedonase, Vasko dhe Elizabeta. Në forumin e portalit të “Idividi” gjendet edhe kënga me titull “As në tokë as në hava/ për shqiptarët vend nuk ka”, edhe atë nën rubrikën “Kulturë, art dhe traditë”! Aty do të dëgjoni dhe gjeni vargjet e refrentit të kësaj kënge: “ Po na e ndotin Maqedoninë/ As në tokë as në hava/ vend për shqiptarët nuk ka/ O Zot dënoi/ i vraftë reja/ o ju zhduktë rrënja”.

Një nga këngët që mund të nxisë ndonjë konflikt të paparashikueshëm ndëetnik është edhe rap kënga e njëfarë aCe maFia me titull “Vdekje shqiptarëve”. Ja se me çfarë vargjesh na prezantohet ky këngëtar më i adhuruari nga të rinjtë maqedonasë: “O ju maqedonasë/ fleni me pushkë nën kokë/ kjo kërkesë nuk është e kotë./ Vdis shqiptar se je i tepërt/ vdis shqiptar i ndyrë/ mos më detyro të të vras/ jetën me ty nuk dua ta ngas./ Vdis shqiptar se i tepërt je/ vdis shqiptar se i ndytë je/ kurrë nuk do të dua/ kurrë nuk do të më vie keq për ty/ dua të të shfaros ty/ dy metra nën dhe të të varros. Atëherë për Maqedoninë/ një qiri do ta ndez”.





********************************

Po a nuk i ke keto linke te na i sollesh ketu e ti degjojme edhe ne