DOSJE: DISKRIMINIMI i SHQIPTARVE NE IRJM - FAKTE

[Faik]

BDI vazhdon të jetë indiferente ndaj projekteve antishqiptare

Ekspertët: Me formimin e koalicionit VMRO-DPMNE-BDI, u pengua ndërtimi i bibliotekës në Tetovë, qendra konservuese në Gostivar, kalaja në Tetovë, apo edhe shtëpia e Nënës Terezë, projekti i secilës, tashmë u dirigjua sipas preferencave maqedonase dhe antishqiptare.

Diskriminimi ndaj shqiptarëve vazhdon të jetë me përmasa drastike. Që pas zgjedhjeve të parakohshme parlamentare nuk është bërë asnjë investim për kulturën shqiptare. Ndërsa buxheti shkon vetëm për maqedonasit, BDI-ja vazhdon të thotë se koalicioni me VMRO-DPMNE-në është i shkëlqyer. Njëri prej themeluesve të Institutit të Trashëgimisë Shqiptare, Xhabir Ahmeti, shpreh indinjatën e thëllë lidhur me diskriminimin dhe mes të tjerash shprehet se pushtetarët aktuale shqiptare janë amatorë. Nga ana tjetër, ish ministri i kulturës në kohën e PDSH-së thotë: "Gjatë periudhës 2008-2009 investimet për promovimin e kulturës shqiptare janë anashkaluar së tepërmi.

Kjo shpjegohet edhe me indiferencën e partisë shqiptare në pushtet ndaj çdo gjëje që lidhet me kulturën, kështu që të tjerët i kanë duart e lira të shkojnë në ekstreme dhe të kryejnë punën e vet", thotë Beqiri. Sipas tij absurdi është edhe më i madh kur projektet e kulturës të hartuara gjatë periudhës së PDSH-së kanë qenë ndër projektet e para që janë bllokuar me ardhjen e palës tjetër në pushtet. Mes tyre janë pengimi për ndërtimin e bibliotekës në Tetovë, qendra konservuese në Gostivar, kalaja në Tetovë, apo edhe shtëpia e Nënës Terezë, projekti i secilës u dirigjua sipas preferencave maqedonase dhe antishqiptare.

[Faik]

VMRO-ja e vendosur për ndërtimin e Kishës në qendër të Shkupit

21/04/2009 13:07:00


Fitorja absolute në zgjedhjet e fundit, sipas VMRO DPMNE-së i jep të drejtë të plotë që me mjete të buxhetit në sheshin e Shkupit të ndërtohet Kisha ortodokse, thonë nga partia e Gruevskit. Sipas tyre “në këto zgjedhje VMRO DPMNE-ja fitoi përkrahje të madhe nga qytetarët, më afërsisht 500 mijë vota, e më këtë edhe përkrahjen e tyre që në këtë vend me mjete të buxhetit të ndërtohet tempull ortodoks”, thuhet në njoftimin e VMRO DPMNE-së.
Nga kjo parti përmendin disa fakte se për çfarë arsye duhet ndërtuar kisha në sheshin e Shkupit. Sipas tyre kjo kishë është rrënuar pas tërmetit katastrofal nga autoritet e atëhershme komuniste të cilët me masa represive kanë ndëshkuar të gjitha ata që nuk kanë menduar në të njëjtin drejtim. Nëse shteti ka rrënuar këtë kishë atëherë shteti ka edhe obligim ta ndërtoj të njejtën, thuhet në reagimin e VMRO DPMNE-së.

Por nga kjo parti harrojnë të përmendin edhe shumë xhami të rrënuara në periudhën e kaluar komuniste. Xhamitë në këtë njoftim të VMRO DPMNE-së përmenden vetëm në një vend edhe atë në pasusin i cili flet se Qeveria aktuale si dhe qeveritë e kaluara, deri tani kanë financuar objekte fetare, ndërtimin e Kryqit në Vodno, kishën në Pllaoshnik, ndërtimin e mijëra kishave tjera, manastire si dhe xhami në RM.

Edhe kryetari i porsazgjedhur i komunës Qendër nga radhët e kësaj partie Aleksandar Toodoroviç, ka ritheksuar vendosmërinë e tij për të realizuar ndërtimin e Kishës në sheshin e Shkupit. Ndërtimi i Kishës sipas tij është pjesë e planit urabanistik të kësaj komune, por jo edhe ndërtimi i xhamisë Burmali të cilën e kërkojnë 38 organizata joqeveritare islame dhe BFI në Maqedoni.

I pyetur se a do të kishit dhënë leje për ndërtimin e xhamisë, kryetar i ri i Komunës Qendër Vlladimir Todoroviç u përgjigj: “Po nuk kam menduar në të vërtet në këtë drejtim, unë jam i detyruar ta realizojë planin urbanistik, ai plan është miratuar dhe detyrë e imja është që të veproj sipas tij. Në planin urbanistik nuk është paraparë objekt fetar në atë parcelë dhe në përputhshmëri me këtë plan unë do të duhet të vazhdojë me punë”.

Xhamia Burmali ishte rrënuar në vitin 1925 nga autoritet e atëhershme dhe në të njejtin vend ishte ndërtuar shtëpia e oficerëve. Kryetari i Komunës Qendër Todorviç pas konstituimit të këshillit të kësaj komune gjithashtu bëri të ditur se në sheshin e Shkupit së shpejti do të vendoset edhe përmendorja e Aleksandrit të Madh.

Valmir Kuçi

[Faik]

Skulpturomania e Gruevskit

Sevdail Demiri


Duke hequr dorë nga origjina e vërtetë sllave, funksionarët e kësaj qeverie e kanë kthyer kokën kah antikiteti, kah Aleksandri i Madh dhe Filipi i Dytë i Maqedonisë së lashtë, të cilët nuk kanë asnjë pikë të përbashkët origjine me Gruevskat e sodit, përpos emërvendit.

Në përpjekje për ta mbindërtuar identitetin poroz etnik maqedonas, edhe përskaj krizës së madhe ekonomike që po mbretëron në Maqedoni, qeveria e Nikolla Gruevskit po harxhon miliona euro vend e pa vend.

Ditë më parë, para qytetarëve të Shkupit, pikërisht në kryeqendër, u promovuan dhjetë skulptura nga 36 sa janë paraparë me projektin e Ministrisë së Kulturës për ‘zbukurimin’ e qendrës së qytetit. Dhe, përpos shumë pamjeve gërditëse që ofrojnë këto skulptura, të njëjtat do të kushtojnë hiç më pak se 1 milion euro, të cilat në mënyrë të drejtpërdrejtë çjerrën nga xhepat e të gjithë qytetarëve të Maqedonisë, rrjedhimisht edhe të atyre shqiptarë, të cilët as që janë pyetur për një ndërmarrje të tillë.

Dhe, që të mos mbetet me kaq, përpos skulpturave, qeveria e Maqedonisë planifikon që së shpejti të vendosë edhe 17 përmendore të reja, projekt ky që do të kapë një shumë të madhe prej 8 milionë euro! Pra, nga buxheti i ‘shtetit të përbashkët’ të Maqedonisë, sivjet do të derdhen gjithsej 9 (nëntë) milionë euro vetëm për skulptura dhe përmendore!!!

Provokimi ndaj grekëve dhe shqiptarëve

Ky hap i qeverisë së Gruevskit, është në kundërshtim me dy gjëra shumë të rëndësishme që lidhen me aktualitetin në vend. Pra, përpos harxhimeve marramendëse që bënë shteti në kohë krize, kur të gjitha qeveritë e tjera bëjnë restrikcione të shumta, madje edhe në rrogat e funksionarëve, vetëm e vetëm të përballohet kriza më lehtë, qeveria e Maqedonisë bën shpenzime fare pa nevojë. Dhe, çështja e dytë me efekte shumëdimensionale, është provokimi i hapur që me këtë lloj skulpturomanie, Nikolla Gruevski bën ndaj fqinjëve grekë dhe bashkëqytetarëve shqiptarë.

Faktikisht, natyra e këtyre busteve dhe përmendoreve, është në vazhdën e përpjekjeve të kësaj qeverie për antikuizimin e Maqedonisë. Duke hequr dorë nga origjina e vërtetë sllave, funksionarët e kësaj qeverie e kanë kthyer kokën kah antikiteti, kah Aleksandri i Madh dhe Filipi i Dytë i Maqedonisë së lashtë, të cilët nuk kanë asnjë pikë të përbashkët origjine me Gruevskat e sodit, përpos emërvendit.

Me këto skulptura dhe përmendore antike, qeveria aktuale e Maqedonisë po bën provokim të hapur ndaj Greqisë, pikërisht në momentet kyçe për ardhmërinë e vetë evropiane, kur Greqia si anëtare e NATO-s dhe BE-së, po i bën bllokada në proceset integruese.

Me këto skulptura e përmendore, kjo qeveri në mënyrë të drejtpërdrejtë po provokon shqiptarët e Maqedonisë, të cilët realisht e përbëjnë rreth 30 përqindëshin e vendit.

Në sheshin kryesor të Shkupit do të ngrihen përmendore gjigande të Aleksandërit të Madh, të Goce Dellçevit, Nikolla Karevit dhe ‘branitellat’ e 2001-shit, por nuk do të ketë asnjë figurë emblematike të shqiptarëve. Aq më keq do të jetë tani kur do të ndërtohet edhe Kisha ortodokse mu në qendër të sheshit të Shkupit ‘Makedonija’, pikërisht andej portës kryesore (Urës së Gurit) që shqiptarët e anës tjetër të Vardarit duhet ta kalojnë për të shkuar në pjesën tjetër të Shkupit të urbanizuar.

Veprime anakronike

Ç’është e vërteta, kjo strategji e veprimit anakronik të Qeverisë së Gruevskit, vazhdimisht ka marrë kritika konstruktive kryesisht nga opinioni i arsyeshëm i ekspertëve të ndryshëm maqedonas, e shumë pak nga opinioni shqiptarë, i cili realisht duhet të jetë më i zëshëm kundrejt këtyre budallallëqeve nacional-romantike të kësaj garniture qeveritare. Nga këtu, edhe rezistenca e faktorit politikë shqiptarë në Maqedoni ka qenë shumë e vogël dhe gati-gati e papërfillshme, gjë që po mundëson që kjo qeveri t’i realizojë me shumë lehtësi të gjitha planet e saja.

Gruevski të gjitha këto punë po i bën me një pompozitet të madh. Ç’është më e keqja, edhe shumica e popullit të vetë po i gëlltitë me shumë lehtësi këto fore të tija, gjë që vazhdimisht po reflektohet në rejtingun e lartë që e ka në popull dhe që po materializohet nëpër zgjedhje.

Mirëpo, ai dhe populli i vetë nuk janë ende të vetëdijshëm se sa në plan afatgjatë do t’i kushtojë Maqedonisë izolimi i brendshëm në njërën anë, dhe prishja e dalëngadalë e kohezionit ndëretnik, në anën tjetër, i cili po qëndron në këmbë të qelqta!

Dëmi, pa dyshim se do të jetë i madh.

[Faik]

Qeveria diskriminon gazetarët shqiptarë

Evis HALILI

Shkup, 26 prill - Kush thotë se peshku nuk qelbet nga koka dhe diskriminimi nuk nis nga maja e hierarkisë së shtetit. Shembulli më flagrant i politikës së preferencave në baza nacionale dhe diskriminimit mediatik e ka fillesën në dy kabinetet - qeveritar dhe presidencial. Edhe i pari, por edhe i dyti duket se vuajnë nga një alergji kronike nga mediat shqiptare, të cilat mundohen t'i mbajnë gjithnjë e më larg delegacioneve presidencialë, apo qeveritare kur udhëtojnë jashtë shtetit. Rekordin e injorimit e kanë thyer prej kohësh disa dikastere, si Ministria e Punëve të Jashtme, Ministria e Kulturës, Ministria e Financës, Ministria e Ekonomisë, por në garë nuk mbeten mbrapa as shefi i presidencës dhe ai i qeverisë, si edhe njëri prej zëvendësve të kryeministrit, ai i çështjeve ekonomike, Zoran Stavrevski. Me përjashtime tepër të rralla, mediat shqiptare - ato elektronike dhe të shkruara, nuk gëzojnë të njëjtat privilegje si ato maqedonase, të cilët e kanë gjithnjë të siguruar prezencën në delegacionet që shkojnë jashtë vendit. Në redaksitë shqiptare ka vite që janë harruar, madje kujtohen me nostalgji logot e disa ministrive, që prej një, apo edhe dy vjetësh kanë ndërprerë shpërndarjen e ftesave.

E ç'na duhen shqiptarët

Ironia më e madhe shprehet sidomos me justifikimin që shoqëron ftesat e munguara. "Duhet patjetër që të jenë edhe mediumet shqiptare?", ose "kemi ftuar gazetarë shqiptarë të serviseve publike", përgjigjen rëndom nëpër institucione. Redaksia "Koha", në kontuinitet i është drejtuar zyrave të shtypit pranë dikastereve të ndryshme, lidhur me arsyet që çojnë në anashkalimin e mediumeve shqiptare.

Dy javë më parë, zëdhënësi i Ministrisë së Financave, Martin Martinovski, do të përgjigjej me pyetje "Pse duhet të marrin gazetarë shqiptarë... kush janë ata... s'e shoh të arsyeshme të arsyetohem...". Nga kabineti i presidentit, pyetja nuk u tingëllon logjike. Zëdhënësi Zoran Ivanov hedh poshtë konstatimin se ndaj mediumeve shqiptare ndiqet politike diskriminuese. Sipas tij, praktika që ndjek presidenciale në takimet bilaterale të kreut të shtetit, parashikon pjesëmarrjen e dy shtëpive publike, Televizionit Publik, ku bën pjesë edhe kanali në gjuhën shqipe, si edhe agjencinë e lajmeve "MIA", ndërsa në rastet e tjera kur delegacioni zgjerohet edhe me mediume jopublike, Ivanov thotë se janë ftuar edhe mediat shqiptare. "Nuk është aspak e vërtetë, gjithmonë i ftojmë mediumet, në udhëtimin në Nju Jork, kishim përfaqësues nga mediat shqiptare", thotë zëdhënësja e Ministrisë së Kulturës, Anita Jovanovska.

Mediat: Jemi të diskriminuar

Fuqia mediatike shqiptare jopublike është e vogël, e përfaqësuar me një numër simbolik mediash të shkruara dhe elektronike. Tre gazeta ditore "Koha", "Lajm" dhe "Fakti", si edhe televizioni "Alsat-m", e artikulojnë në formë të njëjtë, edhe pse në qasje të ndryshme, injorimin permanent nga qeveria dhe presidenca.
Kryeredaktori i televizionit kombëtar "Alsat-m", Muhamet Zeqiri, thotë se anashkalimi i mediumeve shqiptare formulohet me një fjalë - diskrimin. Madje, siç shprehet ai, edhe në rastet kur ftohen të marrin pjesë, ftesa për mediumin shqiptar, mbërrin në redaksi në momentet e fundit, zakonisht një ditë përpara nisjes për jashtë shtetit. "Subjektet politike shqiptare, duhet të jenë më të kujdesshëm ndaj këtij anashkalimi. Gazetarët shqiptarë duhet të jenë pjesë e atyre delegacioneve që udhëtojnë të financuar edhe nga taksapaguesi shqiptar, për këtë arsye nuk duhet të lejohet të ndodhë një selektim i tillë", thotë Zeqiri. Diskriminimin e konfirmon edhe redaktori i rubrikës së brendshme në të përditshmen "Fakti", Fami Bajrami. Duke e ilustruar me shembullin më të fundit të delegacionit kryesuar nga zëvendëskryeministri për çështje ekonomike, Zoran Stavrevski, që deri të martën do të qëndrojë në Shtetet e Bashkuara të Amerikës, Bajrami përmend edhe anashkalimet nga ana e zyrës së shefit të diplomacisë, Antonio Milloshovski, apo edhe nga kabineti i presidentit në largim Branko Cërvenkovski. "Me ndarjen e këtillë në gazetarë maqedonas dhe shqiptarë, mendoj se e udhës është që gazetarët shqiptarë të bojkotojnë çdo aktivitet të qeverisë aktuale, dhe informimi të jetë i njëanshëm, pra të ndiqen vetëm aktivitetet e partive politike shqiptare. Ky është një defekt i qeveritarëve që ka marrë hov, sidomos pas zgjedhjeve të fundit parlamentare. Këtu nuk duhet aminstuar, madje edhe rolin e partisë shqiptare në pushtet - BDI, e cila fare pak ngrenë zërin ndaj këtij injorimi që praktikojnë zyrtarët maqedonas kundrejt gazetarëve shqiptarë", thotë ndër të tjera redaktori i "Fakti", Fami Bajrami.

Kur funksionarët injorohen, vaj halli për gazetarët

Ndërsa kryeredaktori i gazetës "Lajm", Hisen Saliu, është më kritik. Kur pohon se gazetarëve shqiptarë në Maqedoni u mungon një zë i përbashkët në mbrojtjen e të drejtave, shton se në kërkimin e fajtorëve, gjithnjë e më tepër duhet ta drejtojmë gishtin kah vetvetja, e më pak kah politikanëve shqiptarë. Me këtë pohim, Saliu nuk amniston politikanët shqiptarë, por vetëm konstaton se është e kotë që të kërkohet respektim i gazetarëve nga ata që nuk janë të aftë vetvetes t'ia sigurojnë vendin e merituar nëpër delegacionet shtetërore. "Në këtë kontekst, opinioni e ka të freskët rastin kur delegacioni shtetërorë i Maqedonisë në një Samit të rëndësishëm si Samiti i NATO-s në Bukuresht - vitin e kaluar, udhëtoi vetëm me një anëtarë shqiptarë. Është ky vetëm një rast, kurse ka edhe shumë rate tjera të ngjashme", thotë kryeredaktori i të përditshmes "Lajm".

[Faik]

Qeveria "shqelmon" Institutin nga Kurshumli Hani

Evis HALILI


Shkup, 28 prill - Instituti i Trashëgimisë Kulturore dhe Shpirtërore të Shqiptarëve do të zhvendoset drejt një destinacioni që ende nuk bëhet i ditur zyrtarisht. Në vend të tij, do të vendoset Qendra Turke e Kulturës. Nga Ministria e Arsimit mësohet se grupi i punës që po shqyrton vendndodhjen e re, pritet që së shpejti vendimin t'ia paraqesë ministrit Pero Stojanovski, ndërsa zhvendosja do të realizohet pas miratimit të propozimit nga ana e Qeverisë. Burimet pranë MASH-it nuk japin detaje as rreth arsyeve që kanë çuar deri në ndryshimin e adresës së Institutit, vendndodhja e së cilës është miratuar me vendimin për themelimin e Institutit.

Edhe në Drejtorinë e Mbrojtjes së Monumenteve të Kulturës, konfirmojnë vendosjen e Qendrës turke. Pasko Kuzman, kreu i kësaj Drejtorie, thotë se është herët për të thënë se cilat hapësira do të vihen në dispozicion të turqve, i gjithë objekti, apo vetëm pjesë të caktuara. "Jemi ende në bisedime dhe është herët për të folur për shpërngulje. Instituti i trashëgimisë do të zhvendoset drejt një lokacioni tjetër, do të gjendet një zgjidhje e përshtatshme në mënyrë që palët të jenë të kënaqura", thotë Kuzman. Kërkesat për dhënien e disa prej ambienteve të Kurshumli Hanit në dispozicion të autoriteteve kulturore të Turqisë ka qenë më e hershme. Ish-drejtoresha e Institutit, Mirushe Hoxha, thotë se zhvendosja e destinacionit është absurde dhe nuk mund të justifikohet me kërkesën e bërë nga pala turke.
"Kjo për shkak se kërkesa nuk ka qenë për të marrë të gjithë Kurshumli Hanin, por vetëm një pjesë, kështu që edhe Instituti edhe Qendra turke, ashtu si edhe zyra të tjera mund të funksiononin brenda objektit", thotë Hoxha.

Ish-ministri i MASH, Sulejman Rushiti, nënshkrimi i të cilit figuron në aktet e themelimit të Institutit, njëherazi dhe ideatori i vendosjes së Institutit në Kurshumli Han, thotë se kjo është padrejtësia më e madhe që mund t'i bëhet një institucioni të tillë, ndërsa vendimi për ndryshimin e vendndodhjes është një nga veprimet më të dëmshme. "Është turp dhe fatkeqësi që ndodh një gjë e tillë", thotë Rushiti. Lajmi për zhvendosjen e institutit është një hap që e shpie atë drejt mbylljes, paralajmëron një prej arkitektëve të projektit dhe anëtar i Komisionit amë të themelimit, Xhabir Ahmeti. "Këto janë lojëra të natyrës politike, por janë të natyrshme kur e gjejnë të papërgatitur kuadrin shqiptar dhe në veçanti amatorët e elitës politike në pushtet", thotë Ahmeti. Përcaktimi i vendndodhjes së Institutit brenda hapësirave të një prej objekteve me vlera të veçanta kulturore dhe historike - Kurshumli Han, u shoqërua me polemika, ndërsa adaptimi i ambienteve në zyra funksionale u zgjat për një kohë të gjatë. Andrrallat për Institutin mesa duket nuk përfunduan edhe pas shuarjes së stuhive të shkarkimeve dhe emërimeve, ndërrimit të drejtuesve, stafit, bllokimit të buxhetit e që vijuan deri në kërkesën për ndryshimin e emrit në Institut Albanologjik. Ndërkohë, udhëheqësia e re e Institutit, drejtori Ramiz Abdyli, përkundër tentimit tonë, ka qenë i pakapshëm për të komentuar këtë vendim qeveritar.

[Faik]

10 milionë euro për kuaj dhe luanë

Shkup, 4 maj - Shkupi deri në fund të vitit do të "zbukurohet" me kuaj dhe luanë. Janë kuajt dhe luanët, për të cilët Komuna e Qendrës dhe Qeveria kanë ndarë rreth dhjetë milionë euro. Kafshë të derdhura në bronz, sipër të cilëve do të qëndrojnë disa nga emrat më të shquar të historisë maqedonase, ndërsa sipër njërit prej kuajve, do të qëndrojë prijësi më i madh luftarak i të gjitha kohërave - Aleksandri i madh.

Në radhë të parë, shumat marramendëse që shpenzohen për të njëjtat mbeten top-sekret, ndërsa Qeverisë së Gruevskit nuk i bëhet vonë për ngacmimet e fqinjëve, gjë e cila në vazhdimësi është vënë në dukje nga faktori ndërkombëtar, por edhe nga subjekte të ndryshme vendase.

Skulpturat, siç kanë raportuar mediat maqedonase, po përgatiten në qytetin e Firencës në Itali, ku monumente dhe skulptura deri më tani kanë porositur dhe kanë përgatitur disa nga shtetet më të mëdha në botë.
Duke lënë anësh një sërë projektesh që do të ishin të mirëseardhura për qytetarët, një e katërta e të cilës është e papunë, Qeveria aktuale dhe Komuna Qendrër gjatë vitit të kaluar zgjodhën firmën italiane të specializuar për derdhje në bronz, "Fonderija Artistika Ferdinand Marineli", me të cilën ka nënshkruar një kontratë sekrete që vendit i ka kushtuar rreth dhjetë milionë euro. Ditëve të fundit, mediat në Shkup kanë ardhur deri te të pesë kontratat, që bëjnë me dije se skulpturat e bronzit të porositura vjet, duhet të jenë gati deri në fund të këtij viti, ose në fillim të vitit të ardhshëm.

Në kontratat për disa skulptura, janë shënuar edhe emrat e figurave historike që janë duke u derdhur në bronz, ndërsa për disa të tjera - janë shënuar vetëm çmimet. Në përgatitjen e skulpturave që duhet të vendosen në pjesën qendrore të kryeqytetit përveç "Fonderija artistika Ferdinand Marineli", janë kyçur edhe dy firma të saj simotra. Me vendim të Komunës së Qendrës, skulptura bronzi do të fitojnë Goce Dellçevi, Dame Gruevi dhe Nikolla Karevi, por lista e figurave historike që mund të derdhen në bronz, mund të zgjerohet në kërkesë të subjekteve juridik dhe fizik, në bazë të Ligjit për monumente. Nga të dhënat e kontratave, mësohet se dy prej luanëve që do të vendosen në urën "Goce Dellçev", do të kushtojnë 1.150.000 euro, derisa çmimi i dy të luanëve tjerë - është 1.180.000 euro, ndërsa për të gjitha skulpturat nga buxheti i shtetit në atë të firmës italiane do të derdhen rreth dhjetë milionë euro. Shpenzimet e transportit nga Italia është paraparë të shkojë në konton e firmës italiane. (I.I.)

[Faik]

Qeveria aplikon diskriminimin fetar me paratë e popullit

25/03/2009 13:10:23


“Çdo bekim fetar duhet të behët edhe nga ana e Bashkësisë Islame, jo vetëm nga nja bashkësi fetare në Maqedoni. Këtë e themi duke marrë parasysh se pas Kishës Ortodokse vjen Bashëksia Islame. Ne do të vazhdojmë betejën tonë për të luftuar këtë diskriminim fetar”, ka theksuar sekretari i përgjithshëm i BFIM-së, Afrim Tahiri

Diskriminim i rëndë fetar por edhe tendenca për nxjerrjen në shesh të elementeve sllavo-ortodokse është vlerësuar ceremonia e vënies së gurëthemelit të ndërtimit të objekteve të reja shtetërore në afërsi të Urës së Gurit në Shkup, ku organizator ka qenë kryeministri Nikolla Gruevski.

Gjykata Kushtetuese, Arkivi Shtetëror dhe Muzeu Arkeologjik janë tre institucionet e reja që filluan të ndërtohen nga buxheti i shtetit, që janë para të qytetarëve të këtij shteti.

Bashkësia Islame Fetare në Maqedoni ka reaguar ndaj kësaj dukurie, e cila po merr hov të madh nga qeveria aktuale, ku në ceremoninë e gurëthemelit, bekimi i këtyre institucioneve është bërë vetëm nga prifti ortodoks.

“Duke marr parasysh se institucionet që ndërtohen janë për të gjithë qytetarët, për të gjithë besimtarët e vendit pavarësisht se cilës fe i takojnë dhe duke marrë parasysh se ato ndërtohen me të hollat të qytetarëve të Maqedonisë, Bashkësia Islame mohoi pjesëmarrjen pasi që nuk ishte ftuar me status të barabartë me Kishën Ortodokse Maqedonase. Çdo bekim fetar duhet të behët edhe nga ana e Bashkësisë Islame, jo vetëm nga nja bashkësi fetare në Maqedoni. Këtë e themi duke marrë parasysh se pas Kishës Ortodokse vjen Bashëksia Islame. Ne do të vazhdojmë betejën tonë për të luftuar këtë diskriminim fetar”, ka theksuar sekretari i përgjithshëm i BFIM-së, Afrim Tahiri.

Po ashtu dr Metin Izeti, ekspert i filozofisë dhe njohës i çështjeve fetare ka theksuar se rasti i mosprezencës së Bashkësisë Islame në gurthemelin e objejtit administrativ është shqetësues.

“Rasti i fundit i mosprezencës së kreut të Bashkësisë Islame në gurëthemelin e ndërtesave të gjyqit, arkivit etj është një pasqyrë reale e asaj që Qeveria e Maqedonisë ka dëshirë ta bëjë me Maqedoninë. Mosprezenca e kreut të Bashkësisë Islame, pa marrë parasysh se dikush e dëshiron ose jo atë, pajtohet me botëkuptimet, mënyrën e veprimit të tij ose jo, është injorim dhe margjinalizim i elementit mysliman në Maqedoni , i cili nëse jo më tepër e paraqet gjysmën e popullatës së Maqedonisë”, ka theksuar dr.Metin Izeti. (INA/SHM)

*******************************************

Zgjohu: Incidenti i djeshëm, dëshmi për Albanofobinë

29/03/2009 13:33:00


Incidenti i djeshëm në sheshin e Shkupit, për Lëvizjen qytetare ‘Zgjohu’ dëshmoi albanofobinë e skajshme te një pjesë e bashkëqytetarëve maqedonas. ‘Zgjohu’ shpreh shqetësimin se parullat antishqiptare që u brohoritën në shesh mund ta kthejnë disponimin antishqiptar të një dekade më parë.
Ismail Krifca nga kjo lëvizje thotë se më brengosëse se dhuna që u shfaq gjatë kësaj përleshjeje ishin fyerjet ndaj shqiptarëve.
“Edhe më e rëndë se kjo është satanizimii shqiptarëve në këtë shoqëri, siç e dëgjuat edhe vet dje në media, një grup maqedonas grupit tjetër maqedonas i brohoriste ‘shiptari, shiptari’. Edhe më tutje trashëgimia jonë, kultura jonë po satanizohet në këtë mënyrë nga të rinjtë apo nga maqedonasit, madje mund të them edhe nga qeveria te ne”, deklaroi Ismail Krifca, nga Lëvizja qytetare ‘Zgjohu’.
Krifca shpreh habinë se as LSDM e as VMRO DPMNE nuk e dënuan këtë shprehje të ultranacionalizmit në qendër të Shkupit.

Kurse Shoqata e Historianëve Shqiptarë thotë se këto incidente ngjanin me luftërat e kryqëzatave që zhvilloheshin midis luftëtarëve të kryqit dhe heretikëve.

“Ne si shoqëri civile dhe historianë ngrejmë zërin e protestës që ti jepet fund kësaj periudhe që e kthen Maqedoninë në mesjetë, në vend se të shkojë përpara drejt integrimeve euro-atlantike neve na kthejnë në mesjetë”, tha Skender Hasani, nga Shoqata e Historianëve Shqiptarë.

‘Zgjohu’ dhe historianët vlerësojnë se akoma më skandaloze është fakti se kisha planifikohet të ndërtohet në vendin ku ka ekzistuar shtëpia e Nënës Terezë. Zgjohu pyet qeverinë se pse vendosjen e gurthemeleve e kryen vetëm me bekimin e kishës ortodokse, kur dihet se ato objekte ndërtohet me të hollat edhe të taksapaguesve, shqiptar, turk, boshnjakë, romë, maqedonas mysliman, që përbëjnë gjysmën e popullatës së vendit.

Naim Vrenezi

*********************************************

Kuadrot shqiptarë në shifra simbolike

Evis HALILI

Shkup, 2 prill - Shifrat e ulëta të përfaqësimit të drejtë të kuadrove shqiptarë nëpër dikasteret shtetërore, kamuflohet me mungesën e një pasqyre të të dhënave që do të zbardhte në formë të detajuar numrin dhe pozicionet e tyre në hierarkinë shtetërore. Edhe pse i paralajmëruar që në tetor të vitit të kaluar, afati i fundit për realizimin e analizës së përfaqësimit të drejtë është shtyrë deri pas mbarimit të zgjedhjeve, pohojnë nga kabineti i zëvendës kryeministrit për zbatimin e marrëveshjes së Ohrit, Abdylaqim Ademi. Atëherë pritet që të bëhen publike në mënyrë të sistemuar të dhënat, të cilat rëndom janë tepër të kufizuara dhe të mbledhura nga institucione të veçanta. Analiza po ashtu do të përfshijë edhe segmentet e decentralizimit, pjesën normative dhe arsimin në mënyrë që të dihet qartë se sa është implementuar ky dokument, sa zbatohen në praktikë dhe çka do të duhej të ndryshohej. Pas zgjedhjeve pritet që të punësohen edhe 240 administratorët që pas konkursit të mbajtur në dy muajt e fundit të vitit të kaluar, përfituan vetëm vendimet e punës, por jo sistemimin nëpër vendet e punës.

Po pas zgjedhjeve, pritet që të vijohet me dy shkallët e tjerat të konkurseve të punësimit të dytë dhe të tretë, pohojnë në kabinet. Të dhënat që do të konfirmonin zbatimin ose jo të drejtë të një prej pikave të marrëveshjes së nënshkruar shtatë vjet më parë, në të shumtën e rasteve janë objekt i spekulimeve qoftë nga pozita apo opozita, të parët pretendojnë për rritjen e numrit të punonjësve shqiptarë, të dytët për reduktimin në masë të kuadrit dhe diskriminim në baza etnike dhe partiake.

Duke iu referuar të dhënave parciale, konstatohet se gjyqësori, policia, presidenca, kultura dhe financat janë disa prej segmenteve që më së paku numërojnë shqiptarë, në gjuhën e shifrave përqindja e tyre nuk arrin më shumë se dy deri në katër për qind, ka edhe raste ku kalohet dhjetë përqindëshi, ndërsa më rrallë arrihet përqindja e duhur e përfaqësimit.

Në Gjykatën Themelore numër 1, numërohen vetëm dhjetë shqiptarë që përbëjnë katër për qind të totalit. Por përqindja e ulët shpjegohet edhe me deklaratën e kreut të saj, Dobrilla Kacarska, e cila pat vërejtur se nuk janë të obliguar ta plotësojnë 25 përqindëshin, pasi ligjërisht janë të çliruar nga një detyrim që buron nga marrëveshja. Numri i vogël është edhe në dikasterin e kulturës, sidomos në pozicionimin e kuadrove në poste drejtuese. Sekretariati për implementimin e Marrëveshjes së Ohrit gjatë këtij viti, u angazhua se prioritet do të ketë përfaqësimin e drejtë dhe adekuat të bashkësive në administratën shtetërore me punësimin e mbi një mijë personave edhe nga etnitete të tjera.

*******************************************


Qeveria e Maqedonisë nuk lejon librin shqip në panairin e Shkupit

Tre ditë të tëra libri shqip që vinte nga Tirana për në Panairin ndërkombëtar të librit në Shkup mbahet në Doganën e Maqedonisë dhe nuk lejohet të hyjë në shtetin fqinj. Në ditën e panairit, më tetë prill, vetëm stenda e “Toenës” ishte bosh. Libri shqip në vend që t’i prezantohej lexuesve, mbahet peng në Doganën e Maqedonisë.

I irrituar për këtë veprim, drejtori i Shtëpisë Botuese “Toena”, Fatmir Toçi thotë se kurrë nuk do të vijnë më në këtë panair. “Burokracia maqedonase, administrata e poshtër maqedonase ka tre ditë që e sorollatin makinën tonë të ngarkuar me libra. Është hera e fundit që vijmë në këtë palo panair. Ne vijmë në Shkup vetëm për hir të shqiptarëve që jetojnë atje”, tha për “Lajm” Toçi. Ai thotë se me këto veprime që bën, Maqedonia kurrë nuk do të hyjë në Bashkimin Evropian. “Nuk e di në është politikë, apo ka doganier të pakualifikuar që nuk dinë ta kryejnë punën e tyre”, tha Toçi, duke shtuar se i kanë në rregull të gjitha dokumentacionet e nevojshme. “Nëse nuk duan që të vijmë në atë panair, le të mos na sjellin ftesë”, tha ai. Ndërsa organizatorët e panairit thonë se gjithnjë botuesit nga Shqipëria mbërrijnë me vonesë, për shkak të disa formaliteteve doganore. Drejtoria e Doganave të Maqedonisë nuk është e informuar për rastin në fjalë. “Nuk kemi asnjë lloj informate për ndalesën e librave nga Shqipëria. Kontrolloni se në cilin stacion doganor të Shkupit gjenden librat dhe do t’ju tregojmë se çfarë problemi ka”. Kështu është përgjigjur zëdhënësja e Drejtorisë së Doganave, Lupka Mindoshevska.

Ndryshe, kjo nuk është hera e parë që libri shqip pengohet të hyjë në Maqedoni. Ndonjëherë për disa orë, ndonjëherë për një ose dy ditë, por kurrë nuk mbahet mend që libri shqip të ketë kaluar pa problem në Maqedoni, ashtu siç hyjnë librat që vijnë nga shtetet e tjera, ose siç shkon libri shqip në vende të tjera, përjashtuar Maqedoninë. Botuesit e Shqipërisë marrin pjesë në dhjetëra panaire ndërkombëtare që organizohen në vende të ndryshme të Evropës dhe asnjëherë s’kanë pasur probleme si në Maqedoni. Për shkak të këtyre formaliteteve doganore dhe disa arsyeve të tjera, botuesit nga Kosova kanë hequr dorë nga Panairi i Shkupit. Panairi i 21-të i librit që u hap të mërkurën do të qëndrojë i hapur deri të dielën.

************************************************** ****************

Ministrave shqiptarë vetëm 7 për qind

Zejnulla VESELI

Shkup, 18 maj - Ministria e Financave ka parashikuar se cilat dikastere do të përfitojnë me shumë fonde me buxhetin e vitit 2009. Por, ajo që tani më dihet është fakti se dikasteret që udhëhiqen nga ministrat shqiptarë, nuk do të kenë fonde të mjaftueshme për realizimin e projekteve.

Nëpërmjet projektbuxhetit janë përcaktuar fushat kryesore qe do te mbështeten me fonde shtese. Për anëtarin e Këshillit qendror të Demokracisë së Re, Bilall Kasami, me rishikimin e buxhetit për vitit 2009 sërish ministrat maqedonas do të menaxhojnë me shumën më të madhe të parave të buxhetit. Kështu, me 93 për qind të parave të buxhetit do të udhëheqin ministrat maqedonas, ndërkaq vetë 7 për qind të këtyre mjeteve do të jenë në disponim për ministrat shqiptarë", thotë Kasami. Sipas Bilallit, Ministria e Ekonomisë do të menaxhojë me më pakë se 2%, ministri i Ekologjisë me 1%, ministri i Punës dhe Politikës Sociale me rreth 1.5%, ministri i Shëndetësisë me më pakë se 2.5% dhe Pushtetit Lokal me jo më shumë se 0.3% të mjeteve buxhetore prej 1.2 miliardë euro. Për këtë pjesëmarrje me rreth 7 për qind në buxhet e ministrave shqiptarë, Kasami thotë se nuk mjaftojnë për ndërtimin e projekteve të paralajmëruara nga partia shqiptare në pushtete, siç janë Rruga e Arbrit, Autostrada Shkup-Bllacë, Zona e Lirë Ekonomike e Pollogut etj.

Nga ana tjetër, Ministria e Financave informon se me rishikimin e buxhetit për vitin 2009 nuk ka shkurtim të mjeteve për projektet e dobishme, siç janë infrastruktura dhe arsimi. Sipas ministrit Sllavevski, buxheti reduktohet për 170 milionë euro, por vëllimi i mjeteve financiare për realizmin e projekteve infrastrukturore dhe arsim, ku u përfshihen edhe vendbanimet shqiptare, mbetet i njëjtë, ndërsa shkurtesë të mjeteve financiare do të ketë për udhëtimet zyrtare të ministrave dhe pajisje tjera të nevojshme për ministritë. Për ekspertët ekonomik nuk është me rëndësi se në buxhet parashihen mjete shtesë apo reduktohen mjete financiare për ato dikastere që udhëhiqen nga ministrat shqiptarë, e rëndësishme është se sa realizohen projektet e parapara. "Nëse projektet në buxhet nuk realizohen sipas dinamikës së caktuar, ekziston një rrezik shumë i madh që këto projekte asnjëherë mos të realizohen", thotë Abdylmenaf Bexheti Dimensioni tjetër që është shumë i paqartë në buxhet për Bexhetin është çështja e strukturës së investimeve kapitale. "Qeveria premton se ka rritje të buxhetit për investime kapitale, duke mos pasur kujdes për kapacitetin e proceseve të realizimit të këtyre projekteve. Dhjetë vitet e fundit, as kjo qeveri, por as qeveritë e mëparshme, nuk kanë arritur t'i realizojnë investimet kapitale në tërësi", thotë Bexheti. Kjo, thotë ai, tregon se kemi kapacitet të ulët institucionale për të akceptuar këto dimensione dhe është shumë normale kur në kushte të kapaciteteve të cunguara institucionale kemi edhe këtë qeveri kështu si është. Ndërkaq, për ish ministrin e Financave, Xhevdet Hajredini, rishikimi i i projektuar për një rritje të bruto prodhimit dhe rritjes ekonomike ndryshe nga siç rekomandojnë institucionet e huaja financiare, vënë në pikëpyetje të gjitha shtyllat e projektuara në buxhet, përfshirë këtu dhe projektet infrastrukturore të parapara në vendbanimet shqiptare. "Fiasko më të madhe do të përjetojnë projektet infrastrukturore, sepse pikërisht ndërtimi dhe riparimin i rrugëve duhet të bëhen me marrjen e kredive nga institucionet financiare ndërkombëtare, të cilët tanimë kjo qeveri haptazi është shprehur se nuk i do këto kredi", thotë Hajredini. Refuzimi i marrjes së kredive më shkallë të interesit më të ulët nga FMN-ja për të realizuar projekte e filluara infrastrukturore do të detyrojnë këtë qeveri që në shtator të kemi sërish rishikim të buxhetit. Argument tjetër që rrezikohet i tërë buxheti i vitit 2009 për Hajredinin janë shpenzimet e fundit që kjo qeveri po realizon për projektet, siç janë muzeu i kukullave, i figura të ndryshme si dhe ngritja e përmendoreve.

**************************************************

Testet në maqedonisht

Hajrie AZEMI
Shkup, 18 maj - Një pjesë e madhe e fëmijëve gjashtëvjeçar shqiptarë do të testohen në gjuhën maqedonase dhe nga pedagogë maqedonas. Në mungesë të pedagogëve shqiptarë, gjashtëvjeçarët shqiptarë të fshatrave malore në disa komuna do të testohen në maqedonisht. Shembull konkret është shkolla "Marko Cepenkov" në Strugudic.

Përgjegjësi i paraleleve shqipe në shkollën periferike, Nehat Hasani, tregon se tanimë janë duke u grumbulluar dokumentet e gjashtëvjeçarëve shqiptarë, por se testimi do të kryhet në shkollën qendrore, atje ku mësimi ndiqet në maqedonisht.
"Arsimtarët shqiptarë deri në fund të muajit maj grumbullojnë dokumentacionet e fëmijëve nëpër fshatra, ndërsa të njëjtat më pas dorëzohen në shkollën qendrore 'Marko Cepenkov' në Zelenikov, pasi në shkollën tonë, nuk kemi pedagog", thotë Hasani. Megjithëse gjashtëvjeçarët shqiptarë asnjë fjalë nuk e dinë maqedonisht, Hasani shpreson se gjithçka do të kalojë mirë.

"Është procedurë e rëndë, sepse fëmijët e këtyre fshatrave nuk kanë njohuri të maqedonishtes. Arsimtari që starton klasën e parë obligohet gjatë testimit fëmijëve t'u përkthej testin në sy të pedagoges", sqaron Hasani, duke përmendur praninë e frikës frikës së nxënësve, por edhe prindërve lidhur me testimin në maqedonisht. Në maqedonisht, teste për gjashtëvjeçarët shqiptarë do të ketë edhe në shumë shkolla tjera të fshatrave malor, ku mungojnë pedagogët shqiptarë.

Ndryshe, regjistrimi i gjashtëvjeçarëve në klasë të parë filloi edhe nëpër shkollat fillore të Shkupit. Në shkollën fillore "26 korriku", në Shkup, gjatë ditës regjistrohen rreth 20 fëmijë në klasë të parë. Drejtori i kësaj shkolle, Halit Sejdiu, njofton se çdo ditë paraqiten nxënës të grupmoshës 6 vjeçare, ndërsa edhe në vitin shkollor 2009/2010, në këtë shkollë pritet të startojnë tetë paralele me nxënës të klasës së parë. "Për dallim nga vitit paraprake, sivjet si duket është ngritur vetëdijesimi i prindërve, sepse filluan me kohë ti regjistrojnë fëmijët. Lagja e Vizbegut është me popullatë të ardhur nga Tanusha, Breza, Malina, dhe për atë qëllim nuk kemi pasqyrë të qartë sa nxënës duhet të regjistrohen", shprehet Sejdiu. Edhe në shkollat fillore "Liman Kaba", në fshatin Luboten, shkolla fillore "7 marsi", në Shkup, "25 maji", në Hasanbeg informojnë se çdo ditë bëhet regjistrimi i fëmijëve gjashtëvjeçar.

*************************************************
ASHAM nuk zgjedh asnjë akademik shqiptarë

27/05/2009 16:58:30

Akademia e Shkencave dhe Arteve të Maqedonisë (ASHAM) ka zgjedhur sot 24 anëtarë të rregullt dhe të jashtëm, prej të cilëve nuk ka figuruar asnjë kandidat shqiptarë.


Për anëtarë të rregullt janë zgjedhur prof.dr Vitmor Mitevski, prof.dr Vera Bitrakova-Grozdanova, prof.dr. Goce Petrevski, prof.dr Leonid Grçev dhe të tjerë. Ndërsa si anëtarë të jashtëm janë zgjedhur prof. Predrag Matvejeviç, akademik Oleksej Semjonviç, akad. Robert Badenter, prof.dr Sllobodan Peroviç dhe emra të tjerë të akademikëve të huaj.

ASHAM njofto ise ishin bërë 32 propozime për zgjedhjen e anëtarëve të rregullt dhe 15 propozime për anëtarë të jashtëm. Deri tani vetëm dy personalitete të jetës shkencore dhe letrare shqiptare janë anëtarë të ASHAM. (INA)

************************************************** *******

Bllokohet përfaqësimi i shqiptarëve në administratën shtetërore

27/05/2009 13:50:21



Përfaqësimi i shqiptarëve në administratën shtetërore vazhdon të ngecë dhe deri tani nuk janë realizuar punësimet e parapara sipas Marrëveshjes së Ohrit.



Shqetësimi është paraqitur nga opozita shqiptare, e cila ka alarmuar se Qeveria aktuale që nga fillimi i saj ka ngecur me procesin e përfaqësimin adekuat të shqiptarëve dhe komuniteteve të tjera në institucionet shtetërore.

PDSH nëpërmjet një reagimi ka shpalosur të dhënat e saj lidhur me vazhdimin e procesit të përfaqësimit. “Jo vetëm që është bllokuar përfaqësimi, por me masat e reja qeveritare për përballimin e krizës një numër i madh i shqiptarëve të punësuar me kontrata të përkohshme pune janë larguar nga puna apo pas skadimit të këtyre kontratave pritet të largohen. Opinioni duhet të ketë të qartë se çfarë po ndodhë me këtë qeveri e cila po çon vendin dhe shqiptarët drejt regresit”, bëjnë të ditur nga selia e PDSH-së.

Nga ana tjetër, sekretariati për implementimin e Marrëveshjes së Ohrit ka përjashtuar zërat se nuk do të ketë punësime të reja të shqiptarëve gjatë këtij viti. Kabineti i zëvendëskryeministrit për Marrëveshjen e Ohrit, Abdylaqim Ademi ka theksuar se nuk janë shkurtuar mjetet për punësime të reja që janë pjesë e planit të përfaqësimit të pjestarëve të bashkësive etnike.

Sipas planit të përfaqësimit të paraparë me Marrëveshjen e Ohrit,shqiptarët duhet të jenë të përfaqësuar në institucionet shtetërore me 26 për qind, ndërsa edhe përkundër kalimit të 8 viteve nga firmosja e marrëveshes, përfaqësimi ka arritur deri në 17 për qind.

************************************************** *********

Vetëm 2, 6 për qind mjekë shqiptarë

Anila Limani


Përfshirja e shqiptarëve nëpër institucionet shtetërore vazhdon të mbetet skandaloze. Ende ka institucione ku punojnë më pak se pesë për qind shqiptarë. Në Shtëpinë e Shëndetit në Shkup punojnë vetëm tetë mjekë shqiptarë dhe rreth 300 mjekë të tjerë. Ky institucion shëndetësor është më i madhi në Maqedoni me 1. 310 të punësuar, prej të cilëve vetëm 65 janë shqiptarë. Që ironia të jetë më e madhe pjesën dërmuese të këtyre të punësuarve shqiptarë (42) e përbëjnë vozitës, pastrues e rojtarë, ndërsa mjekë janë vetëm tetë, ndërkaq që punojnë dhe 15 infermierë. Nëse llogaritet përqindja e të punësuarve shqiptarë në këtë institucion, ata përbëjë vetëm pesë për qind të numrit të përgjithshëm të të punësuarve dhe 2, 6 për qind të numrit të mjekëve.

Migjen Selmani, drejtori ekonomist i këtij institucioni thotë se kanë bërë kërkesë në Ministrinë e Shëndetësisë për të punësuar edhe 50 shqiptarë, mirëpo vendimi i Qeverisë për të ndërprerë punësimet ia ka shuar optimizmin. “Kemi bërë kërkesë në ministri për rreth 50 punësime. Presim përgjigje, edhe pse s’jemi shumë optimistë për shkak të ndalesave që ka bërë qeveria për punësimet e këtij viti”, thotë Selmani. Ai sqaron se një ndër problemet me të cilat ballafaqohet ky institucion është edhe kuadri i vjetër që e përbën atë. “Ballafaqohemi me kuadër të vjetër të cilët çdo ditë dalin në pension, ndaj kemi bërë edhe një kërkesë tjetër në ministri për plotësimin e vendeve të punës të 15 personave që kanë dal në pension që nga fillimi i këtij viti”, thotë ai duke shtuar se është tepër e nevojshme që personi që ka dalë në pension të zëvendësohet. “Meqë në këtë institucion ka shumë pak shqiptarë, besoj se zëvendësimet do të bëhen me shqiptarë. Rreth 80 deri në 90 për qind shfrytëzues të këtyre shërbimeve p.sh. në poliklinikën e Bit Pazarit janë shqiptarë, ndërsa ata që i ofrojnë shërbimet janë maqedonas”, tha Selmani.

Nën ingerencat e Shtëpisë së Shëndetit të Shkupit janë 67 ambulanca, nëntë poliklinika më të mëdha dhe Ndihma e Shpejtë. Në kuadër të shtëpisë së shëndetit funksionon rengen diagnostika, mjekësia interne, oftomologjia, ORL, sëmundjet e lëkurës, laboratorët dhe ndihma e shpejtë. Ndërkaq, koncesionerët shqiptar mund të numërohen me gishta. Prej 900 mjekëve koncesionerë vetëm gjashtë janë shqiptarë.

************************************************** ******************

Asnjë kompjuterë për studentët e USHT-së në Kumanovë

Laura PAPRANIKU


Trajtim të barabartë brenda të njëjtit institucion, kërkojnë studentët e
Fakultetit të Administratës së Biznesit (FAB) në Kumanovë, që janë pjesë e Universitetit Shtetëror të Tetovës (USHT). FAB i themeluar vitin e kaluar me bekimin e Parlamentit, sipas studentëve përballet me mungesa të shumta në mjetet e punës dhe nuk trajtohet si duhet nga USHT-ja, Qeveria dhe nga Ministria e Arsimit dhe Shkencës (MASH). Shqetësimin e tyre e mbështesin edhe profesorët, të cilët tregojnë se mungojnë gjërat elementare të punës, kurse në USHT, pranojnë se nuk janë siguruar kushtet e nevojshme për funksionimin e FAB-it.

“Krejt çfarë ka qenë në mundësitë tona, kemi bërë”, thonë në USHT, duke shtuar se përveç pajisjes së objektit me banka karrige dhe kompjuterë për punët administrative, USHT ka paguar edhe qiranë (1 mijë e 500 euro në muaj) edhe pse ky është detyrim i MASH-it. “Kërkojmë që Rektorati i USHT-së të ndryshojë qasjen dhe trajtimin ndaj nesh”, thonë studentët e FAB-it, duke kujtuar se edhe ata janë pjesë e USHT-së dhe se të gjitha pagesat, i bëjnë në xhirollogarinë e USHT-së. “Prandaj, kërkojmë që USHT-ja të na konsideron edhe neve si studentë të këtij Universiteti dhe të na trajton në mënyrën e duhur”, shkruajnë studentët. Ata, shprehen të revoltuar pasi “udhëheqësia e deritanishme e USHT-së, Qeveria aktuale dhe MASH nuk na trajtojnë mirëfilli” kurse këtë e argumentojnë me mungesën e kushteve për studim.

Në dy programet studimore të FAB-it, në administratën e biznesit - semestrin e parë dhe administratën publike - semestrin e dytë, kemi lëndën e informatikës. Mirëpo, viti akademik mbaroi dhe neve nuk kem ende asnjë një kompjuter, thonë studentët. Sigurimi kompjuterëve dhe mjeteve të tjera të punës sikurse vërejnë ato është parakusht për mësim cilësor. Pra, bazuar në kërkesat e ekonomisë së tregut, kompjuterët nuk janë të domosdoshmëri vetëm për lëndën e teknologjisë informatike por edhe për lëndë tjera shkencore. Në USHT, presin që situatat të ndryshojnë për të mirë, pasi para një jave kishin filluar të lëvizin gjërat në drejtim të qirasë. Deri në muajin maj, në xhirollogarinë e USHT-së nuk ishte derdhur asnjë mjet për pagesën e qirasë së FAB-it në Kumanovë edhe pse për fillimin me punë në atij fakulteti, Qeveria, respektivisht MASH-kishte marrë përsipër të paguajë këto shpenzime, bashkë me ato të mirëmbajtjes dhe rrogave të punësuarve. Ato, shtresojnë të zgjidhet kjo çështje ashtu sikurse presin që Parlamenti të miraton vendimin e qeverisë për kthimin ne 10 milion denarëve, të USHT-së, duke rikthyer kështu buxhetin në gjendjen e tij të përparshme prej 50 milion denarë për pjesën e investime kapitale.

************************************************** ********
Harrohet punësimi i shqiptarëve në “Niko Nestor”
Laura PAPRANIKU


Po bëhen dy muaj e gjysmë nga Marrëveshja e Strugës, kur tre çereku i Qeverisë së Nikolla Gruevskit kishte shkuar atje që t’i bindin shqiptarët të pranojnë mësimin në turne etnike dhe Marrëveshja nuk ka lëvizur vendit sa u takon shqiptarëve. Për ndërtimin e dy shkollave të reja, të cilat qenë premtuar në Ministrinë e Arsimit dhe Shkencës (MASH) thonë se janë duke punuar në këtë drejtim dhe se procesi është në fazën e tenderimit. Mirëpo, për punësimin e gjashtë shqiptarëve në shërbimet pedagogjike administrative të shkollës së mesme “Niko Nestor” dhe për kthimin e raportit të përparshëm të këshillit të shkollës: gjashtë anëtarë shqiptarëve dhe pesë maqedonas, nuk është bërë asgjë. “U dërmova së shkruari shkresa zëvendëskryeministrit Abdylaqim Ademit dhe zëvendësministres së Arsimit, Lindita Qazimit por asgjë deri tani”, thotë Xhemi Ajredini, përgjegjës për arsimin në komunën e Strugës.

Marrëveshja për mësimin në turne etnike në “Niko Nestor” që u nënshkrua më 1 mars, ka mbetur në vend, thotë Ajredini, ndërsa zëvendësministrja Qazimi, premton se problemi do të zgjidhet shumë shpejtë, pasi “për Strugën është i interesuar edhe vetë kryeministri Gruevski”, pohon ajo. Qazimi, bëri të ditur se ditë më parë kërkesat për punësimin e gjashtë shqiptarëve në “Niko Nestor” i janë përcjellë Ministrisë së Financave, prej ku duhet të merret pëlqimi.
“Meqë kjo kërkesë është pjesë e një marrëveshje pjesë e së cilës është Qeveria, nuk ka si të bëhet problem nga ministri i Financave”, tha Qazimi, kurse Ajredini, përgjegjësi arsimor i Strugës, tha se i është premtuar nga zëvendësministrja që kjo çështje të mbyllet të martën e javës që vjen.

Në takimin e një marsit, ku merrnin pjesë dy zëvendëskryeministrat, Zoran Stavrevski dhe Abdylaqim Ademi si dhe katër ministra, në mesin e të cilëve edhe ministri i Arsimit dhe Shkencës, Pero Stojanovski dhe zëvendësja e tij Lindita Qazimi, u vendos që në “Niko Nestor” të punësohet nga një zëvendësdrejtor, pedagog, psikolog dhe një përkthyes, si dhe dy kujdestarë shqiptarë. Mësimi në turne të pastra etnike, që me insistim ishte kërkuar nga maqedonasit, u vendos që të mbahet nga 11 marsi deri më 10 qershor, në përfundim të vitit shkollor. Marrëveshja e Strugës, u arrit vetëm 20 ditë para zgjedhjeve të lokale dhe presidenciale, që u mbajtën në Maqedoni. Në shkollën e mesme profesionale “Niko Nestor” numri i nxënësve shqiptarë është dy herë më i madh se i maqedonasve. Me ndarjen e shkollës në vitin 2004 në gjimnaz (që mori emrin “Ibrahim Temo”) dhe shkolla profesionale (që mbajti emrin “Niko Nestor”), kjo e fundit mbeti pa asnjë shqiptarë në pjesën pedagogjike dhe administrative të shkollës. Në gjimnazin “Ibrahim Temo”, maqedonasit kanë dy vende zëvendësdrejtori, nga katër sa numërohen gjithsej, kurse shqiptarët edhe këtu kryesojnë me numër nxënësish.

“Ibrahim Temo” ka 900 nxënës shqiptarë dhe 400 maqedonas, turq dhe të tjerë, kurse “Niko Nestor” ka 970 nxënës shqiptarë, 500 maqedonas dhe 250 të tjerë. Ka pesë vjet, që kjo shkollë administrohet vetëm prej maqedonasit, ndërsa secilin vit gjeneron nga një krizë të karakterit etnik.

************************************************** **************

Për projektet shqiptare, 2 për qind

Zejnulla VESELI

Shkup, 26 maj - Me rishikimin e buxhetit, sërish Qeveria parasheh mjete financiare prej 600 milionë denarë për ndërtimin e teleferikut deri te “Kryqi i Mileniumit” në Vodno, për rikonstruimin dhe adaptimin e vilës në Vodno dhe për kompleksin e vilave në Ohër do të harxhojë 180 milionë denarë. Ministria e Transportit dhe Lidhjeve për ndërtimin e tribunës së stadiumit të qytetit “Vardar” do të harxhojë 915 milionë denarë, ndërsa Agjencia për ndërtimin dhe rikonstruimin e rrugëve do të harxhojë mbi 4 miliardë denarë. Këto janë dikasteret, të cilat nga 400 milionë euro investime kapitale, do të përfitojnë më shumë fonde me rishikimin e buxhetit për vitin 2009. Derisa për këto projekte, Ministria e Financave saktë parasheh sa mjete do t’ju ndahen ministrive që do të udhëheqin me këto fonde, për dikasteret që udhëhiqen nga ministrat shqiptarë, nuk parasheh shifër të saktë se sa para nga investimet kapitale do të harxhohen për ndërtimin e projekteve në vendbanimet shqiptare.

Me rishikimin e buxhetit për 2009, Ministrisë së Pushtetit Lokal i shkurtohen mjete financiare në vlerë prej 34 milionë euro si dhe 2 milionë euro më pak do të merr Agjencia shtetërore për rrugë. Këto janë dy dikasteret, nga të cilat komunat shqiptare mund të tërheqin mjete financiare për ndërtimin e infrastrukturës rrugore nëpër komunat shqiptare.

Sa rishikimi i buxhetit mund të jetë realist ose më saktë sa për qind nga 400 milionë euro për investime kapitale do të shkojnë për projektet shqiptare, nga Ministria e Financave informuan se për përfundimin e punëve të filluara në disa komuna janë paraparë 300 milionë denarë. Nga këto mjete, 85 milionë do të shkojnë për komunat shqiptare. E shndërruar kjo në përqindje, do të thotë se vetëm 2 për qind nga totali i rishikimit të buxhetit për vitin 2009 do të shkojnë për projekte shqiptare.

Ndërkaq, sa i përket shumës reale të parave për projektet kapitale për rajonet shqiptare, siç janë ndërtimi dhe rikonstruimi i rrugëve, ndërtimi i objekteve shkollore, ndërtimi i ujësjellësve dhe kanalizimeve apo ndërtimin e Zonës së lirë ekonomike në Tetovë, nga Ministria e Financave thonë se për këtë duhet t’i pyetni ministrat shqiptarë, sepse ata duhet të dinë saktë sa para kanë kërkuar nga buxheti për realizmin projekteve kapitale në vendbanimet shqiptare.

Në buxhetin e vitit 2009 janë paraparë mbi 4 miliardë denarë për Agjencinë për ndërtimin e rrugëve shtetërore, ku parashihet ndërtimi i rrugës Radovish-Strumicë, Kuklish-Bansko, ski qendra Kozhuf, qarkorja e Ohrit, rruga anësore për Manastir korsi e tretë për në Pletvar si dhe rruga Tetovë-Jazhincë. Edhe këtu nuk parashihet shifra e saktë se sa para do të harxhohen për rrugën Tetovë-Jazhincë dhe aspak nuk parashihen mjete financiare për ndërtimin e rrugës magjistrale Shkup-Bllacë.

[Apollyon]

Dmth ti ose ai gazetari qe ka shkruar kte artikull, pretendoni qe dikush ta lexoje?

lol,jeni name fare.

[Faik]

Qeveria po e fut arsimin shqip në “kontejner”

Edhe ky vit shkollor po fillon me shumë probleme dhe të pazgjidhura, në arsimin e mesëm dhe ate fillor në gjuhën shqipe. Por, përveç kësaj po shfaqen hapur tendenca institucionale për ndarje në arsim dhe kjo po ndodhë në Kumanovë, Strugë, Shkup dhe qytete të tjera
Qeverisja aktuale në mënyrë të hapur po promovon politikën e ndarjes apo segreguese, sidomos me vendimin për të refuzuar hapjen e paraleleve shtesë në shkollën e mesme të mjekësisë “Pançe Karagjozov” në Shkup, ndërsa nëpërmjet këtij refuzimi lejohet që të njejtat paralele të hapen në gjimnazin “Zef Lush Marku”. Refuzimi për t`u zgjeruar shqiptarët në shkollën e mjekësisë tregon sipas arsimtarëve shqiptarë se me këtë tentohet që të largohen edhe ato paralele shqipe nga kjo shkollë.

Arsimi shqip sipas udhëheqësve të shumë shkollave të mesme po përballet me mungesë të objekteve dhe ambienteve mësimore, për shkak të numrit të shtuar të nxënësve, ndërsa Qeveria aktuale në mungesë të një plani strategjik për ndërtimin e objekteve shkollore, krijon kaos duke i dërguar nxënësit shqiptarë nëpër objekte të braktisura fabrikash, nëpër kontejnerë dhe ndërtesa të boshatisura, që improvizohen si shkolla. Një gjendje e tillë e rëndë gati për nëntë vite po ndodhë me nxënësit e shkollave të mesme të Kumanovës, të cilët po vijojnë shkollimin në kushte mizore, nëpër objekte të tilla, që nuk mund të konsiderohen shkolla.

Kryetari i Lidhjes së Arsimtarëve Shqiptarë (LASH) në Kumanovë e Likovë, Etem Xheladini thekson se arsimi i mesëm shqip është në gjendje të mjerueshme, ndërsa nuk dëgjohet zëri i tyre për të përmisuar këtë gjendje.

“Kemi një realitet të hidhur, pa objekte të posaçme shkollore dhe mësohet me improvizime për nëntë vite. Drejtorët e shkollave të mesme në Kumanovë janë maqedonas, të cilët aspak nuk interesohen për kushtet e nxënësve shqiptarë, ndërsa përgjegjësit shqiptarë për paralelet shqipe nuk i përfill askush. Edhe departamenti i arsimit në Kumanovë është kryekëput antishqiptar, për shkak se ai udhëhiqet nga njëfarë Mile Stojmenoviç, i cili njihet kundër arsimit shqip. Në këtë departament me keqardhje themi se nuk ka asnjë shqiptarë”, thekson Xheladini.

Sipas tij, është një kaos i përgjithshëm në shkollat e mesme shqipe dhe nuk dijmë për momentin se si do të dilet nga kjo gjendje e rëndë.

Ish-rektori i Universitetit të Tetovës dhe një nga veprimtarët e dalluar të arsimit shqip, prof.dr. Fadil Sulejmani vlerëson se qëllimisht qarqet e pushtetit maqedonas pengojnë avancimin e arsimit, shkencës dhe kulturës shqiptare.

“Problemet janë më të mëdha se sa duken në fakt. Shqiptarët diskriminohen në mënyrë Kushtetuese, sepse nuk jemi të barabarë me maqedonasit dhe nuk investohet në mënyrë të barabartë. Nuk ngriten objekte mësimorë për shqiptarët dhe projekte të tjera që na bëjnë shumë inferiorë.

“Maqedonasve i pengon dukshmëria shqiptare dhe prandaj duan të pengojnë progresin shqiptarë në të gjitha sferat . Në kokat e maqedonasve ka një bindje se Maqedonia është vendi i tyre dhe se aty nuk mund ta shohin shqiptarin qoftë edhe si punëtor fizik, bujk dhe jo më si njeri institucional ose të shkolluar. Nuk mund të arrihet asnjë përmirësim, por duhet të kërkohet një çlirim nga ligjet diskriminuese dhe krejt më pastaj duhet të kërkohen edhe forma të tjera të zgjidhjeve urgjente”, ka theksuar ish-rektori i USHT-së, Fadil Sulejmani.

Së fundi edhe komuna e Tetovës po përballet me injorimin nga Ministria e Arsimit dhe Shkencës, sidomos rreth meremetimit të disa shkollave dhe pajisjes së tyre me mjete dhe inventar të nevojshëm. Departamenti i Arsimit të kësaj komune ka apeluar që kjo ministri të përmbush kushtet sidomos për shkollën fillore të Drenovecit, ku kërkohet ndërhyrje urgjente për pajisjen e saj me mjete themelore për vijimin e procesit mësimor. (INA)

***********************************************

Agjentë serbë nëpër Maqedoni

Në mesin e agjentëve serbë është edhe ish-zëvendëshefi i Shërbimit sekret serb, Milorad Braçanoviç gjatë periudhës së regjimit të Sllobodan Millosheviçit, i cili shpeshherë është parë në Shkup dhe kryen detyrën e një zbulimsi në ambasadën serbe.

Një numër i madh i agjentëve serb janë të strehuar nëpër Maqedoni dhe aktivitetet e tyre i realizojnë në forma të ndryshme, nëpërmjet përfaqësive të bizneseve, diplomatë dhe nën petkun e kamuflimeve të tjera. Për praninë e agjentëve serb, kryesisht nga ata që kishin vepruar gjatë regjimit të kryekriminelit serb Sllobodan Millosheviç janë alarmuar edhe përfaqësuesit të disa ambasadave perendimore në Shkup.

“Prania e tyre është tejet me një mision të caktuar që ka për qëllim vetëm destabilizimin. Kjo konsiston edhe me disa deklarata që vijnë nga koluare zyrtare të Beogradit për të krijuar një situatë destabilizuese dhe për të goditur imazhin e shqiptarëve”, ka theksuar një diplomatë perendimor ekskluzivisht për gazetën “24 orë”, duke apeluar që kjo çështje të ngritet edhe në nivel të politikave.

Në mision zyrtar në Maqedoni është edhe ish-zëvendësshefi i shërbimit sekret serb BIA, Milorad Bradanoviç, në cilësinë e një zyrtar për çështje sigurie në ambasadën serbe në Shkup. Ai është një nga figurat më të afërta me klanin e njerëzve të ish-kryekriminelit serb, Sllobodan Millosheviç, të cilët operacionalizuan aktivitete të ndryshme në luftën në Kosovë.

Derisa Bradanoviç kryen misionin e tij në Shkup, ai në Beograd nga gjykatat akuzohet për krim të organizuar, i dyshuar për vrasjen e ish-presidentit serb Ivan Stamboliç dhe veprime të tjera kriminale dhe të dhunës në Kosovë, sepse gjatë kësaj periudhe ai ishte në krye të detyrës së shërbimit sekret BIA në Serbi.

Deklarata ndërlidhet me lansimin e lajmeve të ndryshme nga media të Beogradit, ku si qëllim është krijimi i një klime destabilizimi në Maqedoni, por edhe në Luginën e Preshevës. Në të njejtën vijë ishte edhe deklarata e fundit e presidentit serb Boris Tadiç, i cili ka nënvizuar se “ekstremistët shqiptarë tentojnë të destabilizojnë Maqedoninë”.

Deri tani nuk është ngritur asnjë nismë për të shqyrtuar këto elemente destruktive që janë të pranishme në Maqedoni dhe që paraqesin rrezik për vendin.

******************************************

Maqedonia e shurdhër për “Rrugën e Arbërit”

http://lajmpress.com/lajme/maqedoni/859.html

*******************************************
Gruevski kërkoi para nga Beogradi për ta penguar Kosovën

27/08/2009


Ish-Ministri i Punëve të Jashtme, Lubomir Frçkovski thotë se nuk ekziston as edhe një pengesë juridike që do të pengonte dhe prolongonte vendosjen e marrëdhënieve diplomatike me Kosovën.

Sipas pas tij, shtyrja e vendosjes së marrëdhënie diplomatike me Prishtinën bëhet për arsye politike dhe qëllimeve tjera për të përfituar nga Beogradi.

“Ekipi i Qeverisë së Maqedonisë në vizitën e fundit në Beograd, kërkoi para dhe investime nga Serbia, kurse kusht për këto investime është të mos i zhvillojnë marrëdhëniet me Kosovën. Ky është një moment politik në të cilin duhet të vlerësohet përse kjo Qeveri e bënë këtë. Çështja e dyta është se sipas të gjitha gjasave presin ndonjë balancë me demarkacionin e kufirit”, theksoi Frçkovski.

[Faik]

Mësime në bodrum për nxënësit shqiptar

"Nuk kemi objekt adekuatë për zhvillim normal të mësimit. Këtë vit të ri shkollor janë pranuar numër i madh i nxënësve të cilët nuk kemi ku ti vendosim. Mundësia e vetme është disa paralele të vendosen në bodrumin e ish-Kombinatit Bujqësor të Kumanovës", thotë për agjencinë e lajmeve INA përgjegjësi i paraleleve të ndara shqipe të gjimnazit "Goce Dellçev" në Kumanovë, Sami Latifi


Edhe ky shtator arsimin e mesëm në gjuhën shqipe në Kumanovë e gjeti në kushte të rënda dhe të mjerueshme.Nxënësit shqiptar edhe këtë vit shkollor, laboratorët e fizikës, kimisë dhe sallat sportive vetëm munden t`i ëndërrojnë. Ndërsa disa prej tyre do të fillojnë mësimin në bodrume dhe kontejnerë. Duke parë këto kushte mizore, nuk po përjashtohet mundësia që të fillojë bojkoti i mësimit dhe greva e prindërve, nxënësve dhe profesorëve, për të kërkuar ndërhyrje urgjente nga ministria e Arsimit dhe Shkencës.

Gati se gjashtë vite nxënësit e gjimnazit po ndjekin mësimin në objektin e ish-Kombinatit Bujqësor të Kumanovës, i cili është përshtatur në ambient shkolle.

Profesorët dhe nxënësit shqiptarë nuk pajtohen me realitetin e zymtë, ata kërkojnë nga Qeveria të ndaloj metodat diskriminuese dhe segregative ndaj arsimit shqip në Maqedoni.

"Vështirësitë edhe më tutje janë permanente, sepse në këtë objekt bujqësor nuk ka kushte mësimi dhe se nxënësit dita ditës po humbin shpresat si gjimnazistë", thekson maturanti Albiani.

"Mendojë se duhet të kemi kabinete të posaçme për të mbajtur orët në disa lëndë profesionale. Gjithashtu është një mosorganizim i madh ku shumë paralele janë të ndara në drejtime të ndryshme dhe mezi funksionojnë", thekson ai.

Përgjegjësi i paraleleve të ndara në gjuhën shqipe në Kumanovë, Sami Latifi thotë se kushtet mësimore nuk janë konform standardeve normale. "Ne nuk kemi salla sportive, e le më laboratorë të fizikës apo kimisë. Kushtet janë shumë të vështira. Nuk kemi objekt adekuatë për zhvillim normal të mësimit. Këtë vit të ri shkollor janë pranuar numër i madh i nxënësve të cilët nuk kemi ku ti vendosim. Mundësia e vetme është disa paralele të vendosen në bodrumin e ish-Kombinatit Bujqësor të Kumanovës", deklaroi Latifi.

Kryetari i Lidhjes së Arsimtarëve Shqiptarë "Naim Frashëri", Kumanovë, Etem Xheladini thotë se nxënësit shqiptarë në shkollat e mesme të Kumanovës edhe këtë vitë shkollor do të fillojnë në kushte të mjerueshme, pa salla, laboratore, objekte adekuate etj. Ai thekson se Qeveria e Maqedonisë nuk ka bërë as edhe një investim të vetëm për të përmirësuar në shkollat e mesme shqipe në këtë qytet. Në një gjendje të tillë nxënësit e shkollave të mesme në Kumanovë vazhdojnë do të vazhdojnë edhe këtë vit të vijojnë mësimet duke qenë të vetdijshmë për pasojat të cilat vijnë nga kushtet të cilat nuk u ofrohen standardeve normale.


Drejtoria shlyen shqiptarët


Nga ana tjetër, gjimnazi "Goce Dellçev" ku mësojnë nxënësit maqedonas disponon me kushtet më moderne për mësim. Diskriminimi i hapur që bën drejtoria e kësaj shkolle e udhëhequr nga drejtori Lubisha Arsiq, vërehet edhe tek faqja e internetit të kësaj shkolle http://www.gdku.edu.mk/index.php, ku aspak nuk janë evidentuar se ka paralele shqip, stafi i profesorëve apo ndonjë element shqiptar. Siç dihet, paralelet e ndara shqipe funksionojnë dhe udhëhiqen nga drejtoria e këtij gjimnazi, por përgjegjës për paralelet shqipe caktohet një profesorë shqiptarë, pa asnjë kompetencë juridike. (INA)