DOSJE: DISKRIMINIMI i SHQIPTARVE NE IRJM - FAKTE

[Faik]

Diskriminimi etnik në Maqedoni po vazhdon

04/12/2012

Dr. FATMIR HASANI





Një sentencë tingëllon shumë bukur: “Të gjithë personat janë të barabartë para ligjit dhe kanë të drejtë pa asnjë diskriminim të mbrohen në mënyrë të barabartë nga ligji. Ligji duhet të ndalojë çdo diskriminim dhe të garantojë për të gjithë personat mbrojtje të barabartë dhe efektive kundër diskriminimit në çfarëdo baze si: race, ngjyre, gjinie, gjuhe, feje, mendimi politik, të origjinës kombëtare ose sociale, të pronës, apo rrethanave të tjera". Pastaj, radhiten fjalët tjera se: "Të drejtat dhe liritë e parashikuara (...) duhet t’i gëzojnë pa diskriminim të gjithë...” Dhe, këto Rregulla kundër diskriminimit janë të regjistruara pothuajse në të gjitha dokumentet për të drejtat e njeriut (kushtetutën, ligjin dhe aktet ndërkombëtare).

Në kontekstin e nevojës sonë për ta arritur këtë qëllim, pra, për ndalimin e diskriminimit në të gjitha sferat e jetës, në Maqedoni, nuk janë krijuar mekanizma për një mbrojtje efikase nga diskriminimi, veçanërisht ajo që ndodh në praktikë, si nga institucionet e qeverisjes, gjyqësori, etj., është shqetësuese, pasi që çdo ditë ballafaqohemi me veprime diskriminuese, ku viktimat e diskriminimit janë shqiptarët. Diskriminimi është i shumëllojshëm, por zakonisht godet në këto terma: pabarazi në trajtim dhe diferencim në baza nacionale.

Gjuha e urrejtjes përshkruan aktin se sa janë të diskriminuar shqiptarët në institucionet publike dhe jopublike. Megjithatë, edhe pse shpesh mund të dëgjohet në diskursin publik se nuk ka pabarazi, duke u munduar që trajtimi i pabarabartë të arsyetohet me përfaqësimin politik të shqiptarëve, megjithatë diskriminimi është i pranishëm gjithkund.

Është e njohur se diskriminimi mund të marrë forma të ndryshme, ndonjëherë është i fshehur, që manifestohet si një shkelje në një shumëllojshmëri të ligjit apo autoriteteve të tjera dhe shpesh diskriminimi etnik është objekt i interpretimeve të ndryshme apo edhe të kundërta nga ana e gjykatave dhe organeve të tjera shtetërore, etj.

E fillojmë nga dallimi që është reflektuar zakonisht në kufizimin, përjashtimin ose preferencën, për shembull, nëse pronari i një pishine publike (në këtë rast shteti), nuk lejon shqiptarët për të hyrë në pishinë pasi u pengon gjuha e folur shqipe. Kjo ka ndodhur në Shkup, në vazhdimësi, por sidomos pas luftës së vitit 2001 në Maqedoni.

Kufizimi ekziston edhe kur një përfaqësues i shtetit, ose autoritet lokal (ministri, kryetari i bashkisë, etj), në ministri, në qeverisje lokale, etj.), i punësojnë dhe vendosin në pozita më të larta vetëm personat që janë të përkatësisë maqedonase, pavarësisht kualifikimeve. Kjo, zakonisht ndodh në dikasterin e Ministrisë së Punëve të Brendshme, Mbrojtjes, Financave dhe Punëve të Jashtme. Diskriminimi për shkak të origjinës kombëtare, si dhe çdo rrethanë tjetër ka për qëllim apo efekt rrezikimin e ushtrimit në mënyrë të barabartë të të drejtave dhe lirive në të gjitha sferat e jetës publike.

Edhe pse ndalimi i diskriminimit vlen për të gjitha organet publike, si dhe për të gjithë personat fizikë ose juridikë, në të dy sektorët - publik dhe privat, në të gjitha sferat, veçanërisht në punësim, arsimim, trajnim, strehim, kujdes shëndetësor, mbrojtje sociale, në kryerjen e aktiviteteve ekonomike dhe shërbimet publike, kjo gjë nuk respektohet.

Diskriminimi në Maqedoni përbën një dallim, apo trajtim të pabarabartë ndaj shqiptarëve që vjen nga institucionet publike (shtetërore) në rend të parë, pastaj edhe nga sektori privat. Kur ne përkujtojmë organet publike se kanë obligim për të respektuar parimin e barazisë dhe natyrën e detyrave që kanë si të adresuar në detyrime, ata bëhen edhe më agresivë dhe në këtë rast ndëshkimet ndaj shqiptarëve janë edhe më të rrepta dhe më me pasoja.

Të gjithë janë të detyruar të respektojnë parimin e barazisë etnike. Askush nuk ka të drejtë të ushtrojë diskriminim. Kështu, bartësit e detyrimit ligjor duhet që të përmbahen nga ushtrimi i diskriminimit etnik ndaj shqiptarëve. Shqiptarët janë të diskriminuar gjithkund: në të gjitha bizneset, organizatat, institucionet, agjencitë qeveritare dhe autoritetet tjera publike. Ndalimi i diskriminimit nuk vlen njëlloj për të gjithë. Shqiptarët ballafaqohen me gjuhën e urrejtjes edhe në median maqedonase, shpesh të subvencionuar nga shteti. Për shembull, redaktorët dhe gazetarët botojnë artikuj në të cilat përfshihet urrejtja ndaj shqiptarëve. Shqiptarët fyhen nga mesazhet ose simbolet me përmbajtje diskriminuese nëpër hapësirat publike, apo demolimi i varrezave, etj.

Lirisht mund të them se në Maqedoni janë evidente dy forma themelore të diskriminimit: i drejtpërdrejtë (direkt) dhe ai indirekt. Diskriminimi i drejtpërdrejtë ka të bëjë me shkeljen formale të parimit të barazisë, si diskriminim i qëllimshëm që shkel të drejtën e trajtimit të barabartë dhe ku viktima të diskriminimit janë shqiptarët. Në rastet e shumta ekstreme, qëllimi i këtij diskriminimi të drejtpërdrejtë apo i segregacionit është moslejimi i shqiptarëve që t’i gëzojnë tiparet pozitive si shoqëri e barabartë në shtetin multietnik. Natyra e këtij diskriminimi përbëhet nga një veprim i dukshëm i institucioneve, të cilat nuk e fshehin aktin e tyre diskriminues të procedurës. Përkundrazi, ato shpesh do të mbrojnë publikisht aktin e dallimit në mes të individëve të përkatësive të ndryshme etnike, duke përmendur nevojën “për të mbrojtur” qytetarët e përkatësisë etnike maqedonase si një e drejtë e tyre "legjitime" në përputhje me interesat “më të larta" të kauzës kombëtare maqedonase. Mjedisi ynë i jetesës është i mbushur me shembuj të këtij lloji të trajtimit diskriminues të shqiptarëve. Trajtimet antiligjore të policisë maqedonase, të cilët haptazi shprehin mos durimin etnik, justifikohen me gjoja “mosrespektimin e rendit dhe ligjit” e deri tek akuzat për gjoja “veprimtari terroriste”. Këtu, mjafton te përmendim “rastin e Sopotit”, “Monstra” etj., ku pas kurrfarë provash ligjore shqiptaret ishin viktima te një brutaliteti policor.

Nuk janë të pakta edhe format indirekte (të tërthorta) të diskriminimit të shqiptarëve, të cilat manifestohen në mënyra të ndryshme. Shpesh, në dukje janë neutrale dhe në praktikën e institucioneve ku bartës të funksionit janë maqedonasit zbatohen "fshehurazi", duke pamundësuar njerëzit për t’i shijuar disa të drejta.

Si shembull i një forme indirekte përmes të ashtuquajturave “kritere neutrale” mund të jetë fakti që lidhet me përparimin e oficerëve të policisë në shërbim dhe në armatën maqedonase. Prandaj, lufta kundër diskriminimit me mjete juridike presupozon, mbi të gjitha, konceptin e saktë të formave dhe rasteve të diskriminimit. Pra, ndalimi i diskriminimit duhet të përfshijë futjen e koncepteve të reja në sistemin juridik.

http://lajmpress.com/opinion/16924.html

[Faik]

Pastrim etnik 2 km larg Shkupit (VIDEO)

Tentim per pastrim etnik 2 kilometra afer Shkupit. Keshtu e pershkruajne prishjen e shtepive te tyre dy familjet shqiptare nga fshati Inxihkove ne komunen e Gazi Babës.



Misin Saiti dhe Muadin Saiti thone se shkak për prishjes e shtëpive është sepse ata i përkasin nacionalitetit shqiptar, sespe sipas tyre ata posedojnë leje për ndertimin e shtëpive, njofton MTV.

Prishja e dy shtëpive ka ndodhur në oret e hershme të mëngjesit të sotëm, dhe sipas tyre ata nuk janë njoftuar më parë.

Dëmi material për keto familje arrin shifrën e 30 mijë eurove dhe sipas pronarëce të shtëpisë ankesa e tyre do të arrijë deri në Gjykatën për të drejeta e njeriut në Strazburg.

[Faik]

Shqiptarët të padëshirueshëm në Veles

11/12/2012

Shqiptarët janë të padëshiruar në qytetin e Velesit. Familja tetë anëtare Ahmedi, që jeton në Veles, përballet me maltretime, fyerje dhe kërcime për jetën e tyre nga fqinjët e tij. Kryefamiljari Musli Ahmedi tha për ALSAT M se ata për çdo ditë fyejnë siç shprehet nënën shqiptare, bërtasin ‘dhoma gazi për shqiptarët’ e kërcënohen se do t’i presin e t’i djegin me benzinë. Në maj të këtij viti dy fqinjët e parë duke shfrytëzuar mungesën time thotë Ahmedi kishin tentuar të hyjnë në shtëpi për ti sulmuar fëmijët. Gjithë këtë skenë njëri prej fëmijëve ka arritur edhe ta fotografojë. Musli Ahmedi tha se për këtë problem i ka njoftuar policinë, por sipas tij ligji në Veles nuk vlen për të gjithë njësoj, ndërsa policia, edhe pse i njeh sulmuesit, i mbron ata dhe nuk merr masa ndaj tyre.

“Zoran Spirka dhe Krste Brzakov thonë do tu vrasim, do tu presim, shqiptarët nuk na duhen këtu, shqiptarët na kanë ardhur në shtëpi. Sa i ka të drejtat ai si maqedonas edhe unë dua ti kem ato të drejta si shqiptarë. Vijnë policia thotë mbylle derën mos dil përjashta, ku të shkoj unë, vetëm me vdes me bo varrin me hy gjallë në varr, me çka me i rrit unë 8 anëtarë, nuk shkon në punë askush. Meta mbyll besoni s’kam ku të dal, unë të dal ti lë fëmijët nuk mundem, ose gruaja do të shkojë të bëjë Pazar, ose unë, njëri duhet me mbet në shtëpi, fëmijët nuk mund të rrinë vetëm. Policia thotë nuk kanë fug asgjë as bombë asgjë, kur të fugin diçka atëherë e shohim, ku është ai ligj, vetëm në Veles? Nëse më vdes ndonjë fëmijë mua? Ata i mban shteti edhe bëjnë kështu, se mos ti mbaje shteti nuk bëjnë asgjë”, tha Musli Ahmedi, banor i Velesit

Ai tha se disa herë ka qenë edhe në polici për të ngritur padi ndaj fqinjëve të tyre, por nga atje e kanë dërguar në gjyq, ndërsa gjyqi në polici, e kështu familja Ahmeti ka bredh labirinteve të institucioneve të cilat assesi ti dalin në ndihmë.

“Nuk ka asnjë ditë që ai nuk shan nënën shqiptare edhe me bërtit ‘Smrt za Shiptari’, ‘Gasna Komora’, ku është ky ligj, e lëshon atë këngën ‘Smrt za shiptari’, hajde kënga nuk më intereson, por beso se deri këtu më ka ardhur, a më besoni. Ata i mbajnë policia dhe kanë krah, unë nuk kam asnjë krah, erdh shqiptari, polic shqiptari thotë mos shaj gjakun shqiptar se unë jam shqiptar, i thotë ‘Shto me boli’, paramendo policit shqiptar i thotë. Përse fëmijët e mi të jetojnë jetën me trauma, për çka? Mos të flenë fëmijët natën, nuk është gjynah për këtë fëmijë të vijnë 2 të natës të bërtasin ata uaa shqiptari, ku e kanë ata atë të drejtë?, tha Musli Ahmedi, banor i Velesit

Familja tetë anëtarëshe Ahmedi jeton e ngujuar në Veles. Musli Ahmeti kërkon të respektohet ligji, kërkon ndihmë nga institucionet që ti sigurojnë jetën atij dhe anëtarëve tjerë të familjes. Ai tha se për këtë rast janë të njoftuar edhe partitë politike shqiptare, por deri tani askush nga to nuk është marrë me këtë familje. Shkëlzen Aqifi

[Faik]

Gazi baba “shkel” shqiptarët

18 dhjetor:

Bekim BUÇI

Komuna e Gazi Babës vazhdon me politikën diskriminuese sa i përket investimeve në vendbanimet shqiptare. Të gjitha investimet që realizon kjo komunë shkojnë kryesisht në vendbanimet me popullatë maqedonase, përderisa vendbanimet shqiptarë janë lënë në margjina dhe mëshirën e kohës. Këshilltarët shqiptarë në këtë komuna janë shumë të revoltuar nga qasja e kreut të kësaj komune Toni Trajkovski i cili vjen nga radhët e VMRO-DPMNE-së. Ata thonë se kryetari i kësaj komune ka shkelur të gjitha marrëveshjet kur është në pyetje ndarja e mjeteve buxhetore për rindërtime në vendbanimet me popullatë shqiptare.

Të neglizhuar me dekada të tëra

Pjesa ku jetojnë shqiptarët është shumë pak e zhvilluar se sa pjesa urbane dhe rurale ku jetojnë maqedonasit. Qytetarët shqiptarë të kësaj komune vuajnë me dekada nga neglizhenca dhe mungesa e investimeve. Këto zona ballafaqohen me një sërë sfidash: varfëria në rritje, papunësia e lartë, infrastruktura jo-adekuate, arsimimi i pakënaqur derisa shumica e shërbimeve sociale janë rrënuar. Këshilltarët shqiptarë thonë se nuk mund të heshtin ngaqë në lagjet dhe fshatrat ku jeton komuniteti maqedonas po investohet çdo ditë: në infrastrukturorë, arsim, çështje sociale, ndihmë për familjarët e ‘branitellave’ dhe profile të ndryshme të nevojtarëve. Burhan Sadiku këshilltar në Komunën e Gazi Babës thotë se numri një i komunës i ka anashkaluar të gjitha kërkesat e tyre duke filluar nga punësimet në administratë deri tek investimet. “Kërkesat tona nuk janë realizuar. Kemi kërkuar rritjen e numrit të të punësuarve shqiptarë në administratë, por ky numër ka ngelur në katër persona. Pastaj kërkuam rindërtimin e objektit të Bashkësisë Lokale në Hasanbeg, investime të cilat duhet të bëhen në objektet shkollore, por asgjë nga kjo. Të gjitha këto kërkesa nuk janë marrë parasysh nga kryetari i Komunës së Gazi Babës”, thotë këshilltari Burhan Sadiku. Ai thekson se nuk konsultohen nga ana e komunës dhe si rezultat i kësaj disa herë kanë bojkotuar mbledhjet e Këshillit komunal. “Ne dy këshilltarët shqiptarë do të jemi kundër miratimit të Buxhetit për vitin 2013 i cili nuk parasheh mjete për investime në vendbanimet shqiptare, përderisa investimet në vendbanimet tjera përreth me popullatë maqedonase rrjedhin”, shtoi Sadiku. Sipas këshilltarëve shqiptarë zbatimi i një strategjie të unifikuar shqiptare në nivel lokal do të kontribuojë për zhvillim dhe sigurim më të shpejtë dhe më kualitativ të procesit edukativo-arsimor, të avancuar për të gjithë nxënësit dhe si i tillë do të mundësojë realizim më të suksesshëm të evoluimit integral. Komuna e Gazi Babës vite me radhë shkel ligjin dhe të drejtat për arsim që nxënësit e komunitetit shqiptarë dhe të komuniteteve tjera jo maqedonase duke mos i plotësuar të gjitha kushtet për të pasur një mësim kualitativ dhe më cilësor siç i gëzojnë nxënësit e komunitetit maqedonase. Në vendbanimet shqiptare kemi klasa të stërmbushura me nxënës, pa ngrohje qendrore (në fshatin Straçincë, shkolla e vjetër në Hasanbeg) si dhe dyer, dritare, banka të thyera që të çojnë të mendosh se për nxënësit shqiptarë dielli nuk ngroh, ndërsa ora është ndalur.

Asnjë projekt në vendbanimet shqiptare

Ata rikujtojnë se më shumë se 7 projekte janë realizuar për vitin 2010 vetëm nëpër shkollat ku mësojnë fëmijët maqedonas. Në vitin 2011 më shumë se 11 aktivitete shkollore janë realizuar nëpër shkollat maqedonase me financim të komunës. Sipas tyre, politika diskriminuese e kryetarit të komunës së Gazi Babës, Toni Trajkovski ka marrë hov të madh që s’ka të ndalur. Mjaft i revoltuar nga sjellja e kryetarit të Komunës së Gazi Babës, Toni Trajkovski është edhe këshilltari Miftar Kadriu i cili akuzon kreun e kësaj komune se i ka shkelur të gjitha marrëveshjet për investime në vendbanimet shqiptare. Ai akuzon kreun e kësaj komune se rrënon shtëpitë e shqiptarëve për të rritur rejtingun tek elektorati i vet në prag të zgjedhjeve lokale. “Që nga fillimi kryetari Trajkovski ka shkelur marrëveshjet me ne këshilltarët shqiptarë. Nga 53 mbledhje sa ka organizuar tash për herë të parë na ka ftuar në koordinim, por ne do ta bojkotojmë këtë koordinim. Tre shtëpi të shqiptarëve janë rrënuar, ndërsa nuk i sheh shtëpitë e maqedonasve që janë pa dokumente. Ai këtë e bën qëllimisht, tash kur afrohen zgjedhjet, për ta fituar edhe një mandat”, thotë këshilltari Miftar Kadriu.

Për Hasanbegun, Straçincën dhe vendet tjera ku dominojnë shqiptarët gjithmonë thuhet se s’ka mjete për t’u financuar projekte të infrastrukturës. Më 22 korrik 2009 në lagjen e Çentos në oborrin e kishës ‘Shen Arhangel’ u ndërtua ujësjellësi (kishë e ndërtuar në tokën e shqiptarit që u uzurpua me forcë). Gjatë vitit 2010 nga gjithsej 17 projekte infrastrukturore asnjë nuk është realizuar në vendbanimet shqiptare. Gjithashtu në vitin 2011 nga gjithsej 9 projekte infrastrukturore asfaltime, sanime si dhe rregullime të rrugëve nuk është realizuar asnjë në vendbanimet shqiptare. Prej fillimit të vitit 2012 e deri më sot komuna e Gazi Babës nga gjithsej 5 projekte që janë realizuar në pjesët ku jetojnë maqedonasit kurse asnjë nuk është realizuar në pjesën ku jetojnë shqiptarët. Dje kryetari i Komunës së Gazi Babës Toni Trajkovski ishte i pakapshëm për t’iu përgjigjur këtyre akuzave që vijnë nga këshilltarët shqiptarë. Nga regjistrimi i fundit i popullatës në Maqedoni të vitit 2002 del se në komunën e Gazi Babës jetojnë gjithsej 72.617 banorë. Nga ky numër i përgjithshëm maqedonas janë 73,3 për qind, shqiptarë 17,3 për qind, serbë 2,9 për qind, romë 2,9 për qind, turq 0,8 për qind, vllahë 0,3 për qind dhe të tjerë 1,3 për qind. Nga 27 këshilltarë sa numëron Këshilli i komunës së Gazi Babës vetëm dy janë shqiptarë të cilët vijnë nga radhët e Bashkimit Demokratik për Integrim (BDI). Në mandatin e mëparshëm në Këshillin komunal kishte 5 këshilltarë shqiptarë. Kjo ulje drastike e numrit të këshilltarëve shqiptarë është si rezultat i daljes së vogël të votuesve shqiptarë në zgjedhjet e fundit lokale në vitin 2009.

http://zhurnal.mk/content/?id=121219111327

[Faik]

Shqiptarët e harruar të Zelenikovës

Shkup, 26 dhjetor- Në pjesën e Maqedonisë ekziston një komunë në të cilën banorët shqiptarë të saj janë harruar nga autoritetet.

Të harruar dhe të papunësuar në komunën ku ata përbëjnë rreth një të katërtën e popullatës, edhe pse ata kanë degët e partive të tyre politike.Në Zelenikovë është harruar edhe Marrëveshja e Ohrit.

Zelenikova ka rreth 5000 banorë, prej tyre rreth 1200 shqiptarë, apo rreth 25 për qind. Mirëpo këto shifra nuk janë reflektuar në punësimin e tyre në administratën komunale, edhe pse Marrëveshja e Ohrit (MO) ndër shtyllat e përmbajtjes e ka punësimin proporcional në sektorin publik, pra në këtë rast edhe në Administratën komunale të Zelenikovës.

Atje punësimi është fjalë e panjohur për shqiptarët.Bashkëbiseduesit nga kjo komunë, thonë për Zhurnal Plus se janë gjithsej 11 të punësuar në administratën e komunës, por asnjë prej tyre nuk është shqiptarë.Në Zelenikovë ka vetëm dy anëtarë shqiptarë të Këshillit Komunal.

Dhe kjo është e tëra. Por këto poste janë politike. Dhe arsyetimet pse nuk po bëhen punësime në administratën komunale janë qesharake sa nuk ka më.Shqiptarëve të kësaj komune u thuhet se “është bllokuar xhirollogaria e komunës” dhe prandaj nuk po mund të bëhen punësime për shqiptarët.

“Në Këshillin e Komunës anëtarë janë dy shqiptarë, kurse në administratën e komunës janë të punësuar gjithsej njëmbëdhjetë persona, që të gjithë maqedonas, duke llogaritur edhe kryetarin e Komunës (v.j. Vele Gruevski nga VMRO-DPMNE),” thotë bashkëbiseduesi i “Zhurnal plus” nga komuna e Zelenikovës.

================================================== =============

PDSH: Projekt – buxheti 2013 antishqiptarë


Deputetët e PDSH-së janë të pranishëm në sallën ku është procedurë të votimit projekt –buxheti për 2013.

Pas fjalës së ministrit të Financave, Zoran Stavrevski që arsyetoi buxhetin 2013, fjalën e pati deputeti i PDSH-së, Bekim Fazliu, i cili shpalosi qëndrimet e partisë së tij kundër projekt – buxhetit 2013.

Deputeti Fazliu theksoi se në Maqedoni sot u suspendua gjithçka, suspendua demokracia dhe se sipas tij, kjo qeveri ka marrë dhunshëm institucionet.

“Projekt –buxheti i Qeverisë problemin kryesor e ka se ai është plotësisht antishqiptarë. Kjo projekt – buxhet paraqet vjedhjen pasurinë dhe pronën e shqiptarëve. Shqiptarët kanë kontribuar me mbi 1 miliardë euro në mbushjen e buxhetit, që kur është kjo maxhorancë, shqiptarët katër vite me radhë i japin çdo vit nga 1 miliardë euro dhe kur harxhohen këto para, ato as që shkojnë tek shqiptarët”, theksoi Fazliu.

Sipas tij, ky projekt –buxhet gjithmonë ka pasur mbështetje edhe nga partia shqiptare në pushtet BDI.

“Nëse vizitoni vendbanimet shqiptare nga Likova në Strugë, megjithatë për fat të keq kemi një diskriminim të shqiptarëve. Kemi shembullin e Likovës, ku janë dy penda për nevojat e Kumanovës, por banorët e kësaj komune nuk kanë ujë. Kemi edhe Rashçen e Shkupit, Strugës dhe këtu po merrë pjesë edhe BDI, e cila po vjedh shqiptarët”, deklaroi Fazliu, duke kërkuar nga deputetët e BDI-së të deklarohen se përse i japin mbështetje këtij buxheti antishqiptar dhe lejojnë partnerin e tyre VMRO-DPMNE që me paratë e shqiptarëve të bëjnë politikë nacionaliste. (INA)

================================================== ===========================

Qeveria i dhuron autobus dykatësh Ohrit, e harron Strugën

Shkup, 22 dhjetor - Me vendim të qeverisë së Maqedonisë komunës së Ohrit i ndahet një autobus i hapur dykatësh. “Konsiderojmë se një dhuratë e tillë do të jetë në shërbim të madh për Ohrin si qytet turistik, pasi është evidente se si një qytet turistik, do të ketë autobusin e vet për të parë në mënyrë panoramike qytetin”, thuhet në deklaratën e koordinatorit të këshillit të grupit të VMRO-DPMNE në Ohër, Dejan Panovski.

Por, përkundër Ohrit një autobus i tillë nuk është paraparë për qytetin tjetër turistik, Strugën. Nga qeveria nuk kanë dhënë asnjë sqarim se kur ky qytet do të fitojë një autobus me të cilin turistët do të kenë mundësi të shohin bukuritë natyrore të Strugës.

[ane]

Nuk mund te jene te verteta keto qe keni sjelle sepse Nuh Muha thote qe shqiptaret e Maqedonise kane "tere" shtetin maqedon ne dore ,kontrollojne ekonomine ,shendetesine etj etj

[Llapi]