DOSJE: DISKRIMINIMI i SHQIPTARVE NE IRJM - FAKTE

[Faik]

Shqiptarët po humbin kryeqendrën e Dardanisë

11/02/2010


Shqipëria dhe Kosova kanë dhënë alarmin për projektin e qeverisë së Maqedonisë “Shkupi 2014”. Analistë dhe veprimtarë të ndryshëm shqiptarë kanë shprehur shqetësimin e tyre se nëse vazhdon të aplikohet ky projekt, atëherë shqiptarët do ta humbin Shkupin që ka qenë kryeqendër e Dardanisë. Koço Danaj, analist i pavarur nga Tirana ka akuzuar politikanët shqiptarë në Maqedoni se nuk po udhëheqin politikë të mirëfilltë kombëtare. “Politikanët shqiptarë në Shkup, ose në Shqipërinë Lindore që fillon nga Struga e mbaron në Kumanovë, në qoftë se do të vazhdojnë me teorinë e sotme, ditën kundër Nikolla Gruevskit dhe natën përqafohen me të, natyrisht se Shkupin do ta humbin”, tha Danaj. Sipas tij, viti 2014 është në mes viteve 2013 -2015, viti kur do të sendërtohet “Shqipëria Natyrale” dhe kjo Shqipëri nuk do të ndërtohet pa Shkupin. “As Ali Ahmeti as Menduh Thaçi nuk janë politikanë të përjetshëm. Mua nuk më shqetëson nacionalizimi i Gruevskit, pasi ai në këtë pikë është shumë transparent. Ai u thotë politikanëve shqiptarë, ose bëheni vasal të mi, ose ikni, ose përballoni sfidën. Një pjesë e politikanëve shqiptarë nuk duan ta përballojnë sfidën dhe kanë zgjedhur rrugën e deklaratave”, tha Danaj. Autori i librit “Shqipëria Natyrale” e konsideron “Shkupi 2014” një projekt nacional-shovinist të krahut më nacionalist maqedonas. “Ky projekt jam i sigurt se nuk do të gjejë zbatim, sepse shqiptarët si në Kosovë apo Shqipëri, si dhe në Shqipërinë lindore, do nxjerrin njerëz të tillë që do të dinë t’i mbrojnë simbolet e tyre reale. Shqiptarët falë universiteteve, dhe qarkullimit të lirë me bashkëkombësit e tyre në Prishtinë ose Tiranë do të dinë me rrugë demokratike ta bëjnë që të dështojë projekti ‘Shkupi 2014’”, tha Danaj.

Për liderin e Lëvizjes “Vetëvendosja” në Kosovë, Albin Kurti qëllimi i Gruevskit është që t’i shpërngulë shqiptarët nga Shkupi. “Qeveria e IRJM-së, është e interesuar që tua bëjë situatën të padurueshme shqiptarëve dhe në këtë mënyrë t’i detyrojë ata të shpërngulen prej Shkupit kur dihet që afër gjysma e popullsisë janë shqiptarë. Me përpjekjen e tyre të dëbimit të shqiptarëve ata janë duke e përdorur politizimin e kulturës, me ç’rast qëllimet e tyre shoviniste i shprehin nëpërmjet përmendoreve, kishave të ndryshme. Kjo bëhet me qëllim që shqiptarët të ndjehen se janë në ndonjë ambient të huaj, ani pse shqiptarët janë autoktonë aty”, tha Kurti.

Albin Kurti që përfaqëson zërin revolucionar të Kosovës kërkon që politikanët shqiptarë në Kosovë dhe Shqipëri t’i ndihmojnë shqiptarët e Maqedonisë. “Mendoj shqiptarët në IRJM nuk mund t’iu kundërvihen suksesshëm si të vetëm qeverisë së IRJM-së dhe përpjekjeve të saja anti-shqiptare. Është domosdoshme që reagimi jonë të jetë kombëtar dhe i përbashkët. Jo vetëm shqiptarët në IRJM, por edhe Kosova e Shqipëria do të koordinonin veprimet kundër Shkupit zyrtar. Elitat politike në Prishtinë dhe Tiranë nuk e kanë fare në agjendë mbrojtjen e shqiptarëve në IRJM”, tha lideri i “Vetëvendosjes”.

Ndërkaq, analisti nga Tirana, Koço Danaj ka fajësuar politikanët e Maqedonisë për besimin që kanë ndaj qeverisë së Maqedonisë. “Duke mos hequre fare fajin as të Prishtinës e Tiranës, dua të them se populli shqiptar në Maqedoni ka përfaqësuesit e tyre politik, të cilët i ka zgjedhur për t’i mbrojtur interesat e shqiptarëve. Kush janë shqiptarët, rojet e Maqedonisë? Nëse ata nuk ngrihen, jam i sigurt se sërish do të kemi justifikime edhe nga Tirana edhe nga Prishtina. E keni dëgjuar ndonjëherë Ali Ahmetin ose Menduh Thaçin që të thonë se unë jetoj në Shqipërinë lindore. Ata e konsiderojnë Maqedoninë si atdheun e tyre”, tha Danaj.

Në fund të prononcimit për “Lajm”, Koço Danaj tha se nuk mjaftonte vërejtja e Ilir Metës ndaj Milloshovskit vetëm për gjuhën maqedonase qysh nga klasa e parë . “Meta duhej të kërkonte llogari pse s’ka ligj për flamurin shqiptar në Maqedoni, pse s’ka asnjë festë shqiptare në dhjetë festat shtetërore të Maqedonisë dhe pse bëhet vetëm një projekt ultranacionalist, për ta krijuar Shkupin nga ish-kryeqendër e shqiptarëve në kryeqendër të maqedonasve”, tha Danaj.

Ndryshe në projektin “Shkupi 2014” janë paraparë të ndërtohen ura, përmendore, skulptura të ndryshme të figurave maqedonase, kisha ortodokse në sheshin “Maqedonia” dhe fasada të reja për objektet në qendër.

　

Danaj – Thaçit: Lufta nuk shpallet në televizor

“Keni dëgjuar ndonjë luftë, kryengritje të shpallet në televizor. Ato lufta që shpallen në TV janë ato që nuk ndodhin kurrë. Ato janë ata shqiptarë të cilëve iu mungon ndërgjegjja etnike dhe besojnë në deklarata të tilla. Menuh Thaçi duhet të thotë se Tetova bën pjesë në Shqipërinë lindore ose jo. Lufta nuk bëhet sa herë do ky ose ndonjë politikan. Sa kohë ka që ka vdekur marrëveshje e Ohrit, ka vdekur edhe Maqedonia. Maqedoninë deri më sot e mbajnë në këmbë politikanët shqiptarë të cilët janë më shumë zëdhënës të nacionalizmit maqedonas se sa i mbrojnë interesat e shqiptarëve”, tha Danaj, duke komentuar fjalët e kryetarit të PDSH-së se Maqedonia kërcënohet nga lufta.

Kurti s’e njeh Maqedoninë me emrin kushtetues

“Me këtë rast unë dua të vë në pah se nëse Greqia nuk e pranon emrin e Maqedonisë dhe e quan IRJM, ne shqiptarët kemi shumëfish më tepër arsye që po ashtu të mos e pranojmë këtë shtet, i cili për çdo ditë dëshmon se është kundër shqiptarëve. Mendoj se diskriminimi ndaj shqiptarëve është në rritje e sipër, përderisa shqiptarët mbajnë qëndrim të butë”, tha Albin Kurti.

**********************************************

"Shkupi 2014", një kiç primitiv monoetnik
Evis HALILI


Shkup, 10 shkurt - Projekti "Qendra 2014", përveç se një etalon i shëmtuar i mediokritetit urban, cilësohet si një park monoetnik që do të ndezë tensione të rënda etnike. Lëvizja "Sheshi Liria" ka paralajmëruar se diskriminimi që ky projekt ushtron ndaj qytetarëve është shembulli më i keq i bashkëjetesës mes kulturave dhe etnive në ndryshme në vend. "Qendra e Shkupit përfaqëson thelbin e shtetit ku jetojnë kombe dhe besime të ndryshme fetare", shprehet Nikolla Gelevski. Për këtë arsye, ajo ka thënë se Qendra duhet të reflektojë pikërisht këtë qytetërim. Edhe historiania e artit, Nita Muça, pohon se sheshit i mungon fryma multietnike, por sipas saj, duhet që vendosja e përmendoreve të heronjve të përbashkët të bëhet pasi të krijohet një panteon me figurat emblematike të historisë. "Shkupi është ndërtuar mbi një koncept futurist, ndërsa ato që ofrohen nga ky projekt janë thellësisht primitive dhe jashtëzakonisht tendencioze. Sheshi që shërben për bashkimin e etnive, me këtë projekt çon në ndarje, është momenti që akademikët dhe historianët të thonë fjalën e tyre duke propozuar se cilat do të jenë emrat e atyre personaliteteve të cilëve do t'u ngrihen përmendore", thotë Muça.


Lëvizja "Sheshi Liria", duke kërkuar që Qeveria të bëjë transparente procedurat dhe formën e realizmit të këtij projekti, ka paralajmëruar se përkeqësimi i marrëdhënieve ndëretnike mund të marrë pasoja të parashikueshme. "Në asnjë fshat apo qytet nuk mund të ndodhin transformime të dimensioneve të tilla pa iu nënshtruara debateve disavjeçare. Ky projekt është hartuar për t'na imponuar konflikte mes njëri-tjetrit dhe tregon se zhvillimi dhe karakteri multietnik i vendit nuk është prioritet i Qeverisë", thotë Danian Zdravev.

Mungesa e transparencës dhe mashtrimet vizuale të spotit vihen re te ndryshimi i një prej përmendoreve më grandioze, ajo e Aleksandrit të Madh, e cila nuk do të vendoset në qendër duke u zëvendësuar me atë të Filipit të Dytë. "Përmendorja e Filipit të Dytë është edhe një tregues i maskilitetit dhe i thirrjes për luftë, aty prezantohet Filipi me katër fëmijët dhe nëna e tyre që i përgatit për luftë", thotë Nikolla Naumovski.

********************************************

Tekstet shkollore maqedonase nuk e njohin Kosovën si shtet fqinj

11/02/2010

Demokracia e Re të enjten në një konferencë për shtyp ka reaguar ndaj disa botimeve shkollore në të cilat Kosova nuk përmendet si shtet fqinj i Maqedonisë.
“Para meje i kam të dy tekstet shkollore në gjuhën shqipe dhe atë maqedonase nga lënda “SHOQËRIA” për klasën e katërt të botuar në vitin 2009. Nëse i hapni në faqen 10 këto dy libra, do të shihni një tekst çoroditës i cili i mëson nxënësit edhe shqiptarë por edhe ato maqedonas se cilat janë shtetet fqinje të R. Maqedonisë. Në këtë tekst mund të shihni se fqinj verior i Maqedonisë na qenka vetëm Serbia, dhe askund nuk përmendet Republika e Kosovës” u tha në pres-konferencën e DR-së.

Nga kjo parti thonë ky gabim duhet të përmirësohet menjëherë, sepse Maqedonia e ka njohur shtetin e Kosovës, dhe ky realitet nuk mund të mohohet.

“I nderuar Ministër i Arsimit dhe Shkencës, ju pyesim publikisht, se a e dini ju se Maqedonia në vitin 2008 e ka njohur Kosovën si shtet të pavarur dhe a pajtoheni ju, që nxënësit maqedonas të mos e dinë që Maqedonia në veri kufizohet edhe me Kosovën? Ne dhe të gjithë qytetarët duam të dimë se kush mundohet që nxënësve maqedonas t’ua fsheh fqinjin më të ri të Maqedonisë, që është Kosova?”, deklaroi anëtarja e lartë e DR-së, Gjylymsere Kasapi

Demokracia e Re urgjentisht kërkon nga Ministria e Arsimit dhe Shkencës, që ta heqë nga përdorimi këtë libër, si dhe t’u kërkojë falje të gjithë shqiptarëve për nënçmimin që i ka bërë, duke lejuar që të botohet ky libër ku Kosova nuk është përfshirë, si një nga shtetet fqinje të Maqedonisë. (INA)

[Faik]

"Branitellat" mundet, xhamia jo

Qenan HASANI

Manastir, 15 shkurt - Me vendim të Këshillit Komunal të Manastirit, miratuar në nëntor të vitit të kaluar, në afërsi të fshatit Llazhec do të ndërtohet qendra memoriale, në të cilën, në mesin e shumë vojvodëve dhe komitëve, vend të posaçëm do të zënë edhe shtatë "branitellat" e rënë gjatë konfliktit të vitit 2001. Ndërtimi i kësaj qendre konsiderohet të jetë pengesa më e madhe për rindërtimin e xhamisë së këtij fshati me popullatë të përzier. Këtë, siç thotë koordinatori i Myftinisë së Manastirit, Pllumi Veliu, ia ka konfirmuar prefekti Vlladimir Talevski. "Në takimin e realizuar me kërkesën time, me prefektin e Manastirit Vlladimir Taleski, që u realizua më 17 nëntor të vitit të kaluar, pos tjerash kemi biseduar edhe rreth moslejimit të
rindërtimit të xhamive në fshatrat Llëzhec dhe Tërovë, si dhe rreth gërmimeve arkeologjike në enterierin e Jeni Xhamisë të Manastirit", thotë Veliu. Ai sqaron se gjatë takimit ia ka bërë me dije se prapa pengesave qëndrojnë institucionet qeveritare dhe përfaqësues të VMRO-së, parti kjo të cilës i takon edhe kryetari I Manastirit, Vlladimir Talevski. "I ndodhur ngusht, Talevski s'kishte arsyetim tjetër përveç të thotë se: pritni pak, ende nuk janë harruar "branitellat" e vrarë në konfliktin të 2001-shit", thotë Veliu. Sipas tij, Talevski në mënyrë të tërthortë ka pranuar qëndrimet antishqiptare të VMRO-DPMNE-së, kur bëhet fjalë për kërkesat e shqiptarëve, respektivisht muslimanëve. "Unë s'prita shumë, ia ktheva se, edhe ndjenjat e muslimanëve (shqiptarëve) të Leshkës ishin të njëjta si të maqedonasve, por askush nuk e pengoi rindërtimin e Manastirit të Leshkës, me ç'rast mblodhi supet dhe mbeti gojë hapur", thotë koordinatori i Myftinisë së Manastirit, Pllumi Veliu. "Ndërtimi i qendrës memoriale në afërsi të Llëzhecit dhe kufirit me Greqinë fqinje,

nuk është e rastit, por është edhe një provokim dhe porosi se, xhamia e Llëzhecit nuk do të rindërtohet kurrë, nga se edhe maqedonasit e vdekur janë kundër xhamive", thotë Pllumi Veliu. Që të jetë ironia edhe më e madhe, njëri nga shtatë "barnitellat" e rënë, është nga fshati i afërm me Llëzhecin, Porodina, që dikur ka qenë krejtësisht i banuar me popullatë shqiptare, të cilët me dhunë janë shpërngulur në Turqi.

************************************************** *

Gruevski deklasoi partitë shqiptare

Fitim KRYEZIU

Shkup, 15 shkurt - Politika antishqiptare e Nikolla Gruevskit, i ka deklasuar partitë politike shqiptare. BDI duhet ta lëshojë qeverisjen, vasalët shqiptarë shitën interesat e këtij populli. Këto janë vetëm disa nga kërkesat dhe akuzat, të cilat janë shprehur në tribunën e organizuar nga Unioni i Intelektualëve Shqiptarë në Maqedoni, të cilat diskutuan në temën "Projekti Shkupi 2014, projekt apo ide".

Tre analistët në këtë tryezë, Abdylmenaf Bexheti, Kim Mehmeti dhe Kujtim Elezi, dhanë shpjegime të qarta në të gjitha fushat se çka paraqet ky projekt, i ashtuquajtur nga të pranishmit, "famëkeq". "Lojërat të cilat luhen nga tre institucionet e vendit janë për t'u habitur, sepse askund nuk mund të shihet se sa mjete financiare do të ndahen për projektin 'Shkupi 2014'. Duhet të thuhet qartë se shqiptarët, çdo herë e kanë mbajtur gjallë këtë shtet, si politikisht por edhe financiarisht. Ne shqiptarët, fitojmë diku tjetër e harxhojmë në këtë vend, dhe e mbajmë gjallë këtë vend dhe pastaj me ato të holla, ndërtohen kisha e gjëra të tjera antishqiptare. Në bazë të disa analizave të cilat i kemi kryer me UNDP-in, tregojnë se 70 për qind të buxhetit të këtij vendi e sjellin shqiptarët, ndërsa nga ajo thithin vetëm 7.2 për qind, çka tregon se dikush tjetër luan me të hollat tona", tha profesori i ekonomisë, Abdylmenaf Bexheti. Ai është optimist se ky projekt nuk do të realizohet aq lehtë dhe ashtu sikur është parashikuar, por kjo është sa për ti fituar zgjedhjet parlamentare kryeministri Nikolla Gruevski. Ndërsa analisti politik, Kim Mehmeti, duke dhënë shpjegime se ku çon kjo politikë qeveritare, akuzoi se Gruevski ka deklasuar këtë politikë të çoroditur të partive politike shqiptare.

"Nga i gjithë projekti 'Shkupi 2014', vetëm porta triumfale ka rëndësinë dhe domethënien e saj, sepse ajo tregon se ky popull, për 20 vite të plota, është duke triumfuar dhe është duke e shkelur një popull me 30 për qind.
Nuk ka asnjë qeveri që do të mund të realizonte këso lloj projekte pa pasur mbështetjen edhe të ndonjë faktori shqiptar. Nga njëra anë dëgjojmë këta të BDI-së, të cilët thonë se ky projekt nuk është i pranueshëm, ndërsa nga ana tjetër, akoma qëndrojnë në të njëjtat kolltukë me ata. Kurse nga një politikë idioteske të ndonjë politikani shqiptarë të PDSH-së, tregon se vetëm Tetova qenka gjithçka për shqiptarët, por jo edhe Shkupi", potencoi Mehmeti. Ai akuzoi se dobësia e partive shqiptare është në atë se, ata e lusin Gruevskin ti marrë në qeveri, duke e delegjitimuar votën e popullit shqiptarë.

Memeti po ashtu ishte kategorik se, shqiptarët duhet t'i djegin selitë e partive politike shqiptare, e pastaj t'ju tregohet atyre se nuk guxon askush të luajë më interesat dhe me votat e këtij populli. Edhe profesori dhe njohësi i mirë i çështjeve arkitektonike, Kujtim Elezi, numëroi disa argumente se, në projektin "Shkupi 2014", ka përzierje të historisë dhe të identitetit nacional, por ka përzierje edhe të kulturave dhe të stilit barok.

[Faik]

Qeveria harxhoi 2.4 milion euro të mos i ketë shqiptarët nëpër këmbë

14/03/2010


Maqedonasit kurrsesi nuk mund të mësohen se edhe shqiptarët kanë hise në këtë shtet dhe janë pjesë e tij. Qeveria e mësuar që të këtë dorë të lirë, nën trysninë e kushteve që u krijuan pas vitit 2001, ka pranuar shqiptarë nëpër institucione, madje ajo paguan mijëra euro, vetëm e vetëm që ata të mos i ketë përpara syve dhe të mos shohin se ç’bëhet nëpër institucione. Rasti i fundit me administratorët shqiptarë, të cilët kanë marrë vendime pune, por nuk kanë vend pune tregon se kjo qeveri është e gatshme të paguaj kot, veç mos me i pas para syve shqiptarët. Rreth 800 administratorë të pranuar në punë në batë të konkursit të dytë dhe të tretë ka tetë muaj që marrin rroga dhe nuk shkojnë në punë, pasi nuk kanë një vend pune. Rroga mesatare e administratorëve është 300 euro. Dhe në bazë të një matematike të thjeshtë qeveria deri më tani ka paguar 2 milionë e 400 mijë euro për ta. Sigurisht se nuk e ka bërë nga zemërgjerësia për shqiptarët, por me të vetmin qëllim që ata të mos kem\në qasje nëpër institucione dhe të shohin se çfarë padrejtësish ndaj shqiptarëve përgatiten aty.

Nga Sekretariati për Implementimin e Marrëveshjes së Ohrit thonë se administratorët nuk kanë nis akoma me punë për shkak të procedurave. “Javën e ardhshme të gjithë administratorët do të nisin me punë. Vonesat kanë ndodh për shkak të procedurave”.

Ndërsa analistët mendojnë se gjithçka është e qëllimshme dhe procedurat mund të zgjaten aq sa të ketë qejf Qeveria. “Nikolla Gruevski është i gatshëm të paguaje edhe tre herë më shumë, vetëm e vetëm që të mos i ketë shqiptarët të kyçur në institucione, sepse aty ata do të shohin se si funksionon kjo qeveri. E keqja e asaj qëndron në atë se si këtë e pranon BDI-ja. E shihni se çfarë ndodh me të punësuarit shqiptar nëpër ministri të ndryshme? Ata thjesht nuk i duan nëpër institucione shtetërore dhe ky është çmimi më i vogël që mund të paguajnë për të”, tha analisti Kim Mehmeti. Sipas tij, VMRO-ja e Gruevskit paguan taksë mos me i pas shqiptarët nëpër institucione. “Imagjinoni, sa mund të kenë qasje shqiptarët në vendim marrje, kur edhe administratorët nuk duan që ti kenë nëpër këmbë. Fare. Në një farë mënyre Gruevski e ka zgjidh problemin që të mos e ndajë pushtetin me shqiptarët, pasi me këtë mënyrë e zgjedh edhe problemin që ky shtet të mos administrohet nga shqiptarët. Të jep para vetëm që të mos të të shohë me sy”, theksoi Mehmeti.

Edhe pas vitit 2001 maqedonasit nuk mund të pajtohen me faktin se edhe shqiptarët janë pjesë e këtij shteti.

[Faik]

Paralelet maqedonase me 90 për qind nxënës shqiptarë

http://lajmpress.com/lajme/maqedoni/4044.html


Enti Shtetëror i Statisikave Kosovën e njeh si Beogradi

http://www.ina-online.net/Default.as...753291946&ln=3

Naumovski ekskomunikon Fueren

http://lajmpress.com/lajme/maqedoni/4047.html

Në kreun e Këshillit të Evropës me vetëm 7 % shqiptarë

http://lajmpress.com/lajme/maqedoni/4045.html

Projektet e Gruevski habitin edhe mediat nga Luxemburgu

http://lajmpress.com/lajme/maqedoni/4040.html

Rasti i Sopotit, peng i gjyqësisë së politizuar

http://www.ina-online.net/Default.as...c278ed975&ln=3

Qeveria drejton veturat e konfiskuara të shqiptarëve

http://lajmpress.com/lajme/maqedoni/4026.html


Policia akoma heshtë për terrorin ndaj familjes shqiptare në Veles

http://www.ina-online.net/Default.as...715cb7804&ln=3

[Faik]

Operacion për zhdukjen e 40 mijë shqiptarëve

Maqedonasit planifikojnë të ulin numrin e shqiptarëve prej 25 në 23 për qind në regjistrimin e popullsisë që do të realizohet vitin e ardhshëm, kanë paralajmëruar kancelaritë diplomatike në Shkup. Paralajmërimet e këtilla ata ua kanë përcjellë partive shqiptare në Maqedoni, prej të cilave kanë kërkuar që prej tani të bëjnë presion tek pala maqedonase për të evituar synimet e këtilla.

Ndërkombëtarët janë të brengosur nga fakti se ndryshimi i përqindjeve të popullsisë mund të reflektohet në zhvillimin e mëtutjeshëm të raporteve ndëretnike, por edhe në situatën e sigurisë në Maqedoni.

"Qëllimi i maqedonasve është që kësaj radhe të zvogëlohet numri i shqiptarëve prej 25 në 23 për qind, me qëllim që të krijohet teren që në regjistrimin e vitit 2021 përqindja e shqiptarëve të ulet nën 20 për qind dhe në këtë mënyrë të zhvlerësohen të drejtat tona të fituara në bazë të Marrëveshjes së Ohrit", thotë një burim i lartë partiak në BDI, i cili insiston të mbetet anonim. Ai paralajmëron se do të kërkojë nga partia e tij që të mobilizohet në pengimin e këtij falsifikimi të paramenduar.

Edhe demografët shqiptarë paralajmërojnë se falsifikimi dhe parregullsitë gjatë këtij procesi do të jenë jenë të paevitueshme, nëse nuk ndryshohet qasja e pushtetarëve shqiptarë ndaj Entit Shtetëror të Statistikave. E gjithë kjo sipas demografëve vjen si pasojë e numrit të vogël të shqiptarëve të punësuar në Entin shtetëror për Statistikë, por edhe ata shqiptarë të cilët punojnë në këtë institucion gjatë regjistrimit nuk vihet në detyrën e mbikëqyrësit. "Vetë fjala statistikë do të thotë falsifikim. Problemi i falsifikimit gjatë procesit së regjistrimit gjithnjë ka ekzistuar dhe do të ekziston edhe në të ardhmen", tha Asallan Selmani, demograf. Ai shtoi se edhe këtë vit pritet të ketë falsifikime njëjtë si në regjistrimin e fundit. "S’ma merr mendja qe do të ketë ndonjë ndryshim gjatë procesit së regjistrimit në vitin 2002, kurse sa i përket falsifikimeve edhe ky regjistrim pritet të jetë pothuajse i njëjtë si ai i vitit 2002", tha Selmani. Ndërkaq, gjatë vitit 2002 e deri më tani, në shkollat e vendit dukshëm është rritur numri i fëmijëve shqiptarë, të cilët tani më kanë hyrë në moshën e pjekurisë dhe rrisin numrin e shqiptarëve në vend. "Në shumë shkolla numri i nxënësve shqiptarë është rritur dukshëm që nga viti 2002, të cilët tani më kanë moshën e pjekurisë me ç’rast këtë vit pritet të ketë për qind më të madhe të shqiptarëve në vend", tha Selmani. Sipas tij, në regjistrimin e vitit 2011 është e mundur që shqiptarët ta kalojnë 25 përqindëshin e popullsisë në vend, ndërkaq nëse kjo nuk ndodh atëherë mund të themi se ka pasur falsifikim të dukshëm të regjistrimit. Ndërsa, regjistrimi i popullatës, amvisërive dhe banesave në vend, do të zbatohet nga data 1 deri më 15 prill të vitit 2011, ku Enti shtetëror i statistikës që tani punon intensivisht në përgatitjet për regjistrim, i cili parashikohet të zbatohet me metodat e njëjta që janë zbatuar edhe në vitin 2002.

Sipas drejtoreshës së Entit për Statistika Bllagica Novkovska përqindja e ulët e shqiptarëve në këtë institucion është si pasojë e mungesës së kuadrit.

Në opinion poashtu qarkullojnë zëra se numri i popullsisë shqiptare ka gjasa te ulet nën 20%, ndërsa me këtë ulje shqiptarët do të humbin të drejtat e fituara me Marrëveshjen politike të Ohrit.

Regjistrimin e popullsisë do ta bëjnë 20 mijë persona nga 1 deri më 15 prill të viti 2011. Rezultatet definitive do të publikohen në vitin 2012.


Partitë shqiptare shfaqin dilema për procesin e regjistrimit

Menjëherë pas njoftimit nga Enti Shtetëror për Statistika se regjistrimi i popullsisë në Maqedoni do të realizohet në prill të vitit 2011, partia në opozitë Demokracia e Re, ka reaguar lidhur përqindjen e ulët të të punësuarve shqiptarë në institucionin që do të bëjë regjistrimin. Sipas DR-së, kyçja e shqiptarëve në Entin për statistika është e domodoshme për të pamundësuar falsifikimin e numrit real të popullsisë shqiptare që jeton në Maqedoni.

"Duke u nisur nga ajo se në entin shtetërorë ka vetëm 10 % të punësuar shqiptarë dhe duke marrë parasysh se asnjë nga ata shqiptarë nuk është në hierakinë më të lartë të vendosjes së këtij enti normalisht se ekzistojnë dyshime se këtu mund të ndodh dicka që do ta reduktojë numrin e popullsisë shqiptare. DR në komisionin e vet partiak do të përpilojë një propozim ndryshim të ligjit aktual për regjistrimin e popullsisë dhe atë propozim ligji do ta prezentojë në parlament. Do të kërkojmë që numri i popullsisë shqiptare në bazë të analizave tona duhet të ketë rritje për shkak të parametrave statistikore të natalitetit tek shqiptarët dhe jo të ketë reduktim që dikush dëshiron ta ulë numrin e shqiptarëve në Maqedoni" tha Arjani Hoxha, zëdhënës i DR-së.

Dyshime për mundësinë e falsifikimit të numrit të popullatës shqiptare ka shfaqur edhe partia në Qeveri Bashkimi Demokratik pwr Intregim.

"Projekti i quajtur regjistrim është shumë kompleks dhe shumë i rëndësishëm. Nuk bëhet fjalë thjesht për numra, nuk bëhet fjalë thjeshtë për të dhëna statistikore. Në shtete me përbërje të përzier të popullsisë siç është Maqedonia , gjithmon regjistrimet bartin me vete edhe dimenzionin politik. BDI me seriozitet tdo të përcjell çdo fazë të regjistrimit" tha Xhevat Ademi, deputet i BDI-së.

************************************************** ***************


VMRO-Popullore kundër paraleleve të mesme shqipe në Ohër

14/04/2010


Pas vendimit të Ministrisë së Arsimit për hapjen e paraleleve me mësim në gjuhën shqipe në disa qytete, e ndër të tjera edhe në Ohër, reagon menjëherë partia VMRO-Popullore, dega në Ohër.

Sipas saj, vendimi i tillë për hapjen e paraleleve me mësim në gjuhën shqipe në shkollën e mesme teknike “Sv.Naum Ohridski”, është i pabazë dhe është i motivuar politikisht.

“Reagojmë ndaj këtij vendimi të Ministrisë së arsimit dhe shkencës, për shkak se kanë shkelë procedurat sipas të cilave kërkesën për hapjen e paraleleve e bën Këshilli i shkollës, që pastaj i kalohet pushtetit lokal, ku duhet të prononcohet Këshilli i komunës, e mandej do të përcillej në Ministri të arsimit. Në rastin konkret, ministri Todorov ka anashkaluar këto procedura”, ka theksuar Vanço Kostoski, kryetar i degës së VMRO-Popullore në Ohër.

Sipas tij, nuk ka bazë për hapjen e paraleleve me mësim në gjuhën shqipe në këtë qendër shkollore, sepse siç theksoi ai, shkollën fillore në Ohër e përfundojnë rreth dyzet nxënës shqiptar, numër që nuk mjafton për të plotësuar dy paralele, po qe se të gjithë do të regjistroheshin në drejtimin elektroteknik.

“ A do të thotë kjo se do të sillen nxënës edhe nga qytetet përreth, që të plotësohen kriteriumet për formimin e paraleleve, dhe a nuk do të thotë kjo që të barten edhe konfliktet siç janë nëpër qytetet me popullatë të përzier në pjesën perëndimore të vendit”, ka theksuar Kostoski. Në këtë konferencë për gazetar, u theksua se në Ohër nuk ka as kuadër të mjaftuar dhe nuk ka as hapësirë për paralele me mësim në gjuhën shqipe dhe u kërkua nga ministri Todorov që ta tërheq vendimin e sjellur.

“Nëse në afat sa më të shkurtër nuk e bënë këtë, do të kërkojmë që ministri të japë dorëheqje” tha në vazhdim Kostoski. Mehmet Latifi/INA

************************************************** ********

[PLAKU]

Ja edhe te ky krye clirimtari tjeter ne taborrin e ti gjenden udbash te serrbis, lkj-is
Keta krye clirimetar i kem nga ishe garnitura envero-titiste, tahse ka fillua populli ti hap syt ,medet kujna ju kemi besu te na prine ne lufet, per ate edhe perfunedum , ma shum te vra shqyptar nga clirimtaret e keti lloji si hashimi me halita e ibrahima e alija e fazlija, duhet shqyptaret te pastrohen nag keta kryeclirimetar te rrejshem.
p.s. nuk jam adhurues i PDSH-es, por si duket pdsh-ja tash ua kethen kusurin enveristeve!
--------------------------------------------------------------------------------------------------------
Një deputet i BDI-së rezulton ish-bashkëpunëtor i UDB-së
15.09.2010, ora 10:29



Parlamenti maqedonas Të fundit nga kjo kategori
Një deputet i BDI-së rezulton ish-bashkëpunëtor i UDB-së
Regjistrimi, partitë shqiptare mbeten të ndara
Azil në Zvicër, më shumë kërkesa nga Maqedonia
Fuere: Gruevski e Ivanov kanë fantazi
BDI dhe PDSH përplasen për "gjuhën shqipe"
Një deputet i partisë shqiptare BDI dyshohet të jetë bashkëpunëtor i ish-shërbimeve sekrete, pas verifikimit të dosjes së tij. Këto akuza pohime vijnë nga qarqe politike opozitare, por edhe nga burime brenda Komisionit për verifikimin e dosjeve. Partia Demokratike Shqiptare (PDSH) në opozitë për sot ka paralajmëruar se do të publikojë emrin e deputetit, pasi që sipas tyre, komisioni për dosjet për shkak të presioneve nuk do të publikojë emrin e deputetit.

Kjo parti pretendon se ka dëshmi dhe dokumente për të dëshmuar involvimin e deputetit shqiptar si bashkëpunëtor i ish- UDB-së jugosllave.

Por nga ana tjetër, nënkryetari i Parlamentit dhe anëtari i lartë i BDI-së, Rafiz Haliti theksoi se është e padrejtë që të lustrohen ata që kanë qenë të diskriminuar apo nën kërcënim kanë pranuar dikur të bashkëpunonin me shërbimet sekrete.

Siç mëson agjencia e lajmeve INA nga burime jozyrtare, pranë Komisionit për dosjet janë të pranishme dokumente për deputetin, i cili kishte pranuar gjatë periudhës së vitit 1981-1982 që të bashkëpunoj me shërbimin sekret ish-jugosllav për të ofruar të dhëna dhe informacione mbi aktivitetin e grupimeve ilegale të lëvizjes shqiptare të asaj periudhe. (ina)

na rrofeshin clirimetaret me udbasha e isha lkj-ista titista-enverista

[Faik]

Vetëm një shqiptar drejtues në ushtri

Zejnulla VESELI

Shkup, 26 shtator - Përse nuk përfaqësohen proporcionalisht shqiptarët në strukturat udhëheqëse të Armatës së Maqedonisë? Kjo është pyetja që rishtazi është parashtruar viteve të fundit, por pa një përgjigje konkrete në emërimin në këto poste. Përveç partive opozitare, këtë problem e ka ngritur edhe vetë kreu i partisë shqiptare në pushtet Ali Ahmeti, kur ndër të tjera para do kohe pyeti se pse të mos jetë drejtues i ushtrisë edhe një shqiptar. Zëvendëskryeministri Abdylaqim Ademi, pajtohen se përfaqësimi i shqiptarëve në funksione të larta në ARM, por edhe në Ministrinë e Mbrojtjes, është i pamjaftueshëm. Ai garanton se tashmë janë bërë hapa konkret që të ketë ndryshime edhe në strukturën udhëheqëse të ARM-së.

"Po bëhen përpjekje serioze që të shtohet përfshirja e shqiptarëve në postet kryesore Ministrinë e Mbrojtjes dhe ditë më parë janë pranuar dy shqiptarëve, që së shpejti pritet të ushtrojnë detyrën e këshilltarëve shtetëror. Ndërsa sa i përket emërimin e kuadrove profesionale në funksione kyçe në ARM, në mungesë të kuadrit profesional, tani për tani, kemi vetëm një shqiptarë që ushtron funksion të lartë", thotë zëvendëskryeministri Abylaqim Ademi në një prononcim për "Koha". Në të ardhmen, sipas Ademit do të bëhen përpjekje serioze që shtimi i numrit të shqiptarëve në ministri dhe ARM të jetë përcaktim kryesor i BDI-së si në aspekt e rritjes së numrit të punësuarve në ministri po ashtu edhe pjesëmarrjen e tyre në kuadrin udhëheqës në ARM.

Mirëpo edhe për kundër këtyre premtimeve, siç mund të vërehet edhe nga të dhënat e paraqitura më lart, me gjithë angazhimin e faktorëve relevantë shqiptarë ne pushtet, për shtimin e numrit të shqiptarëve në MB-në dhe ARM edhe më tej rezultate të mjaftueshme nuk po arrihen. Ndërkaq, nga Ministria e Mbrojtjes informojmë se shtimi pjesëtarëve shqiptarë në përgjithësi dhe atyre në postet udhëheqëse mbetet prioritet. "Përfundimisht me 1 shtator të këtij viti, në Ministrinë e Mbrojtjes gjithsejtë numri i të punësuarve kap shifrën prej 606 persona, prej të cilëve 12.5 për qind janë shqiptar dhe asnjë nga këto nuk ushtron funksion të lartë", thotë Sasho Dimov, zëdhënës në Ministrinë e Mbrojtjes. Ndërkaq, përfaqësimi i shqiptarëve në ushtri, sipas zëdhënësit të MM-së, arrin 22.01 për qind, prej të cilëve 109 janë nënoficer dhe oficerë. "Në detyra të larta udhëheqëse në ARM është emëruar një pjesëtar shqiptar, edhe atë si zëvendës i shefit të Shtatmadhorisë, kurse të tjerët janë të punësuar si oficerë, nënoficerë dhe persona civilë", thotë zëdhënësi Dimov.

Mosemërimi i kuadrit profesional shqiptar në postet udhëheqëse të Mbrojtjes dhe ARM-së, sipas ish-zëvendësministrit nga PDSH, Iljaz Halimi, qëndron në paaftësinë e partisë shqiptare në pushtet. "Përfshirja e shqiptarëve në postën udhëheqëse në këtë ministri po ngec dhe këto dy vitet fundit partia në pushtet nuk ka bërë asnjë lëvizje në këtë drejtim, si në aspekt të shtimit të numrit të shqiptarëve dhe emërimin të kuadrit shqiptarë profesional në postet udhëheqëse", thotë ai. Sipas ish-zëvendës ministrit Halimi, gjatë qeverisjes së PDSH-së në detyra të larta udhëheqëse ka pasur më shumë pjesëtarë të shqiptarëve, përmend postin e zëvendësministrit të Ministrisë së Mbrojtjes, dy 2 gjeneralë në ARM, si dhe oficerë dhe nënoficerë.

"Me ardhjen në pushtet të BDI-së, në 9 sektorë që ka Ministria e Mbrojtës, shumica janë pjesëtarë të VMRO-së, pa asnjë shqiptar, ndërsa në Shtatmadhorinë ARM-së ka vetëm një shqiptarë, i cili kryen funksionin e zëvendës shefit", thotë ish-zëvendësministri Halimi.
Ndryshe, përfaqësimi i drejtë i shqiptarëve gjithmonë ka qenë objekt përplasjesh mes BDI-së dhe PDSH-së rreth asaj se në kohën e cilës parti janë punësuar më shumë, por ajo që mbetet si realitet është se shqiptarët vazhdojnë të jenë të shpërfillur nga strukturat udhëheqëse të sigurisë.

================================================== =========

Policia keqtrajton 32 vjeçarin Ali Abdullahu

Ali Abdullahu nga Hasanbegu i Shkupit ka akuzuar policinë për keqtrajtime. 32 vjeçari është marrë me dhunë nga njësitet speciale për t’a dërguar në burgun e Shutkës diku rreth orës 5 të mëngjesit të sotëm. Ali Abdullahu thotë se ishte liruar para 6 muajve nga burgu pas sigurimit të një lejeje nga autoritet mjekësore, për shkak se vuan nga gangrena. Të njëjtin, vërtetimin 32 vjeçari ua ka treguar edhe njësive speciale kur erdhën të bastisnin shtëpinë e tij, por ato nuk e morën parasysh. Nga ora 5 e mëngjesit deri në orën 10, Ali Abdullai është mbajtur para dyerve të burgut të Shutkës nga njësitet speciale, deri në ri-lirimin e tij.
“Nuk e di unë ata kanë ardhë, hynë brenda na ishim të gjithë tu fjet, mua më kapën këtu më tërhoqën zvarrë nëpër dhomë edhe kishin qenë të gjithë të maskuar dhe nuk e dija se kanë ardhë të më vrasin ose çka është puna…1 orë më kanë mbajtur në kombi, kamë qëndruar vetëm meqë ata qëndronin jashtë, pas 1 orë më kanë shty në burg brenda. Ata vetëm më kshyrën dhe pas 2 orëve më lëshuan dhe më thane na falni. Ju tregova se unë për çdo javë shkojë në kontroll dhe të gjitha i kam edhe mjekët e mijë që kontrollohem kurse ata mi sollën tek shpija 2 mjeke tjera dhe më thanë se patjetër duhet me shkua në spital edhe ashtu më mashtruan dhe më dërguan drejt në burg”, deklaroi Ali Abdullahi, ish i burgosur.
Ndërkohë nga Ministria e Brendshme arsyetojnë gabimin me faktin se fletarrestimi ndaj 32 vjecarit ishte ende aktivë.

“Është mbajtur ose jo në burg, kjo gjë bie të jetë në kompetencat e burgut hetues Shkup. MBP-ja nga aspekti i vet ka jo vetëm autorizime por është e detyruar të reagojë sipas çdo kërkese që është dhënë nga gjykata përgjegjëse ose nga ndonjë institucion ndëshkues për ndonjë person që refuzon, është arratisur ose nuk është paraqitur për mbajtjen e vuajtjes së dënimit me burg”, tha Ivo Kotevski, zëdhënës i MPB-së.
Nga MPB gjithashtu njoftojnë se nuk kishin dijeni për lirimin e Ali Abdulahut nga burgu i Shutkës për shkak të gjendjes së tij shëndetësore, pasi institucioni ndëshkues në Shuto Orizare nuk i kishte njoftuar më herët. Valmir Kuçi

http://alsat-m.tv/lajme/vendi/43269.html

[Faik]

Me paratë e shqiptarëve, reklamohet vrasësi i shqiptarëve!

Shkup, 9 tetor – I dënuari për krime lufte nga Tribunali i Hagës, Johan Tarçullovski është vlerësuar si hero i maqedonasve në turneun e kik-boksit të mbajtur për hir të tij. Vrasësi i 10 shqiptarëve civilë të fshatit Lubeten gjendet në burgun e Sheveningenit në Hagë dhe është dënuar me 12 vite burg për krime ndaj shqiptarëve në konfliktin e vitit 2001.

Televizioni i Maqedonisë, programi i parë në gjuhën maqedonase, ka emetuar drejtpërsëdrejti për dy orë me radhë të gjithë manifestimin e organizuar për Tarçullovskin. Edhe pse shqiptarët me paratë e tyre paguajnë taksat për televizionin publik aspak nuk është mbajtur llogari për viktimat shqiptarë të Tarçullovskit. Disa herë nga komentuesi i ndeshjes futbollistike Andorrë-Maqedoni janë paralajmëruar shikuesit që ta ndjekin spektaklin për Tarçullovskin.

Gjithashtu në fillim janë kënduar këngë nacionaliste për Johan Tarçullovskin, kurse përshëndetje vëllazërore ka pasur edhe nga përfaqësuesi i kik-boksierëve serb.

“Ai është heroi ynë. Më vjen keq që heroi ynë nuk mund të jetë prezent sonte, por ai është në mendjen dhe zemrat tona”, tha përfaqësuesi i shoqatës për Tarçullovskin.
Në sallën e sporteve “Boris Trajkovski” në Shkup kanë garuar kik-boksierë nga Bullgaria, Serbia dhe Maqedonia. / Zhurnal /

http://zhurnal.mk/mk/cont.asp?k=2120...&ID=9101091127

===========================================

Komuna po ndanë Kumanovën në baza etnike
15/10/2010

Kryetari i degës së PDSH-së në Kumanovë, Halil Kurtishi, ka akuzuar pushtetin lokal se po ndan qytetin në baza entike duke investuar në mënyrë jo proporcionale. Sipas Kurtishit drejtuesit komunal po investojn vetëm në pjesën e qytetit ku jeton popullata maqedonase, duke lënë lagjet shqiptare në kushte katastrofale

"Tash nuk e kemi te qartë se për cilin qytet bëhet fjalë, (Kumanova) bëhen investimet në infrastrukturë, një qytet që e dimë dhe e shohim çdo ditë se nuk ka nevojë për investime se ajo lagje i ngjan një rregullimi apo metropoli perëndimor: me rrugë të asfaltuara, ndriçim, parqe dhe fusha sportive. Ndërsa pjesa tjetër ku jetojnë shumica shqiptare i ngjan një katundi (fshati) me rrugë dhe rrugica apo thënë ndryshe sokakë të paasfaltuara, pa trotuare, pa ndriçim dhe fusha sportive, kur dihet që edhe kjo pjesë e popullatës janë taksapagues të kësaj komune dhe të këtij shteti" tha Kurtishi.

Sipas tij, PDSH do të detyrohet të ftojë popullatën në një protestë para organeve komunale. "Nëse edhe me këtë nuk arrihet ndonjë marrëveshje atëherë jemi të detyruar t’i ftojmë në padëgjueshmëri qytetare' u shpreh Kurtishi.

http://lajmpress.com/lajme/maqedoni/6160.html

==========================================

Ivanovi s’përfill shqipen

Gjuha shqipe nuk ekzistoi as në materialet as në prezantimet gjatë Konferencës ndërkombëtare me temë: “Civilizimi islam në Ballkan” që u mbajt në Shkup. Lidhur me këtë skandal ku injorohet gjuha shqipe heshtin edhe institucionet. Prononcime lidhur me këtë nuk dhanë as nga BFIM-ja as nga Kabineti i Presidentit Ivanov


Fitim KRYEZIU
Gjuha shqipe anashkalohet sërish, edhe atë nga numri një i shtetit. Kësaj radhe skandali i radhës ndodhi në Konferencën e katërt ndërkombëtare me temë: “Civilizimi islam në Ballkan”, nën patronatin e Presidentit të Maqedonisë, Gjorge Ivanov. Shqipja mungoi si në prezantimet ashtu edhe në materialet e kësaj konference. Lidhur me këtë skandal nuk u prononcuan as nga Bashkësia Fetare Islame e Maqedonisë (BFIM) e as nga Kabineti i Presidentit. Vërejtja kryesore e këtij Kongresi që patën një numër i madh i përfaqësuesve është se prezantimet dhe materialet nuk janë bërë në gjuhën shqipe. Materialet kanë qenë vetëm në tri gjuhë, maqedonisht, anglisht dhe turqisht ndërsa gjuha shqipe nuk ka figuruar as në prezantimet as në materialet e shtypura. Njëri prej pjesëmarrësve nuk mund të fshehte revoltën nga ky skandal ku pa fije turpi organizatorët dhe institucionet nuk përfillin gjuhën shqipe. “Duke marrë parasysh se pjesa dërmuese e myslimanëve në Maqedoni janë shqiptarë, mos të them diku rreth 90 për qind është dashur që të ketë ligjërues edhe në gjuhën shqipe, por edhe materialet duhej të ishin të shtypura në gjuhën shqipe”, tha njëri prej pjesëmarrësve në këtë konferencë me kusht anonimiteti.

Tubimi, që do të zgjasë deri të dielën, duhet ta cekë historinë dhe trashëgiminë e civilizimit islamik dhe civilizimin e Ballkanit nga aspektet e tyre të kaluara dhe të tanishme, ndërsa do të nxisë qasje interdisiplinare dhe ndërkulturore. Në kongres do të bisedohet për trendet dhe proceset e zhvillimit të kulturës islame, koekzistencën shumëkulturore, administratën shoqërore, institucionet kulturore dhe arsimore, shkencën dhe mësimin, arkitekturën dhe urbanizmin, artin, gjuhën dhe letërsinë, jetën shoqërore dhe traditën, trashëgiminë konkrete dhe jokonkrete islame - gjendja e tyre e tanishme dhe çështja për mbrojtjen e tyre, burimet e referencave në studimet që kanë të bëjnë me historinë islamike në Ballkan.

Asnjë ligjërues në gjuhën shqipe

“Duke marrë parasysh se pjesa dërmuese e myslimanëve në Maqedoni janë shqiptarë, është dashur që të ketë ligjërues edhe në gjuhën shqipe, por edhe materialet duhej të ishin të shtypura në gjuhën shqipe”, tha njëri prej pjesëmarrësve në këtë konferencë me kusht anonimiteti.

============================================

Gjeografisë do t’i përmirësohen vetëm disa fjali

15/10/2010

Gjatë javës së ardhshme do të bëhet e ditur se cilat libra do të tërhiqen, cilat do të përmirësohen dhe cilat do të mesin të njëjta. Nga Ministria e Arsimit dhe Shkencës, bënë të ditur se gjatë këtij procesi recensentët kanë hasur në disa gabime serioze, por emri i lëndëve librat e së cilave do të tërhiqen do të bëhet e ditur gjatë javës në vijim. “Në disa prej raporteve që janë dorëzuar nga recensentët është vlerësuar se disa libra do të tërhiqen, ndërsa në disa do të bëhet korrigjim i vogël si dhe në disa libra ku gabimet janë shumë të vogla, do të informohen shkollat për ato gabime që tejkalohen lehtë. Më shumë detaje në lidhje me këtë proces të rishikimit do të publikohen gjatë javës së ardhshme”, tha Goran Galevski, zëdhënës i MASH-it. Sa i përket librit të gjeografisë për vitet e dyta me mësim në gjuhën shqipe, i cili ka gabime skandaloze dhe fyerje ndaj popullit shqiptarë, ministri i arsimit Nikolla Todorov kohë më parë tha se ky libër nuk do të tërhiqet por do të përmirësohen disa fjali të përmbajtjes së tij. Ndërkaq kryetari i Lidhjes së Arsimtarëve shqiptar (LASH) Nuhi Dardhishta, u bën thirrje mësimdhënësve dhe drejtorëve të shkollave që të bojkotojnë librin e gjeografisë deri në tërheqjen e tij të plotë.

“Lidhja e Arsimtarëve Shqiptarë kërkon nga të gjithë arsimtarët, profesorët e gjeografisë që japin vitin e dytë dhe nga drejtorët e shkollave të mesme që këtë libër ta heqin nga përdorimi, ky libër nuk guxon të përdoret nëpër shkollat shqipe”, tha Dardhishta. Kohë më parë komisioni për rishikimin e librit të Gjeografisë kishte vendosur rishikimin e një fjalie problematike të librit ndërsa drejtorëve të shkollave u kishte sugjeruar t’i anashkalojnë pjesët kontestuese të tij, me të cilin vendim u pajtua edhe vetë ministri Todorov. Në librin e gjeografisë për vitin e dytë të shkollave të mesme thuhet se vendosja e shqiptarëve në Maqedoni ka filluar para 220 vitesh, nga Shqipëria dhe Kosova, dhe se kjo dyndje që akoma vazhdon, është e rrezikshme për Maqedoninë. Gjithashtu në këtë libër me përmbajtje skandaloze thuhet se ka fise shqiptare që kanë prejardhje maqedonase, turke, rome apo edhe çerkeze.

[PLAKU]

Të paharruarit e harruar
05/04/2011 00:24:00KOHA


http://www.koha.mk/thumbnail.php?fil...article_medium




Nëse para 10 viteve, policia maqedonase ekzekutoi babë e bir, jetimët që la Ramadani, fëmijët Tahirën, Elirën dhe Lulzimin mund të thuhet se janë ekzekutuar përjetë nga politika dhe shoqëria shqiptare në këtë shtet, e cila dhjetë vite me radhë nuk ka treguar asnjë interesim për këta jetimë që luftojnë me ekzistencën

Tetovë – Familja Kovaçi nga lagjja Drenovece Tetovës nuk do taharrojë kurrë 21 marsin e vitit 2001. Për një ditë, për një çast, nga policia maqedonase vriten babe e bir, Razim dhe Ramadan Koraci, në afërsi të stadiumit të qytetit në Tetovë, para shumë kamerave televizive që ndiqnin zhvillimet e konfliktit ushtarak. Këto pamje më pas tronditën gjithë opinionin e brendshëm dhe atë të jashtëm. Ndërkaq, 10 vite pas kësaj ngjarje, tani të mbeturit e familjes Koraci nga Tetova, përveç politikës ditore, janë harruar edhe nga shoqëria shqiptare. Jetojnë në kushte të vështira, pa asnjë anëtarë të punësuar dhe pa asnjëlloj ndihme.

I ndjeri Ramadan Koraci pas vetes la tre fëmijë, Tahiren 20vjeçare, Elirën 9 vjeçare dhe Lulzimin 17 vjeçar. Ata tani rriten jetimë, ndërsa krahas gjendjes së vështirë jetësore, dhimbjet dhe plagët në këtë shtëpi nuk janë shlyer. Tahirja,vajza e Ramadanit, pas kryerjes së shkollës së mesme nuk ka mundësi financiare të vazhdojë shkollimin. Ajo thotë se shumë herë ka trokitur nëpër dyer të ndryshme, institucione, parti politike, por askush nuk i ka ofruar ndihmë që të realizojë ëndrrën e saj për t'u bërë mjeke. Sot e kësaj dite, ajo e ka të vështirë të shlyejë nga memoria mëngjesin e kobshëm të21 marsit të vitit 2001.

"Ishte mëngjes kur u zgjova,ne ishim të strehuar tebanesa e hallës sime, ngase në lagjen tonë në Drenovec, bëhej luftë. Kisha shumë frikë se do të vdes nga krismat që dëgjoja, sepse isha fëmijë,vetëm 10 vjeçe. Ishim të kompletuar e gjithë familja,kurse gjyshi dhe babai im ishin me ne pranë në kohën kur hëngrëm mëngjesin. Gjyshi Razimi dhe babai Ramadani donin të shkonin te shtëpia për të marrë valixhet. Dolën nga banesa dhe nuk u kthyen më. Unë si fëmijë që isha atëkohë, nuk mundesha të kuptojë se çfarë po ndodh. Filluan të biejnë telefonatat nga të gjitha anët e familjes dhe pyesnin për regjistrimin e veturës së gjyshit. Pak kohë më vonë e kuptuamse gjyshi dhe babai im janë ekzekutuar nga policia maqedonase. Ishin çaste të vështira, trishtim...Shumë vështirë e përballuam edhe pse isha ende e vogël. Të nesërmen shkuam te varrezat e qytetit për t'u dhënë lamtumirën e fundit gjyshit dhe babait, por nuk mu dha mundësia t'a shihja për herë të fundit babanë tim. Isha me vëllanë dhe e kaluam edhe këtë tmerr", kujton 21 marsin vajza më e madhe e Ramadanit.

"Një ditë pas varrimit të gjyshit dhe babait, së bashku me anëtarët e familjes u kthyem në shtëpi. Shtëpia ishe e zbrazur, tmerri dhe dhimbja ishin kudo prezent. Gjatë dy javëve që qëndruam në shtëpi, shumë njerëz na vizituan për ngushëllime, por assesi nuk mundën të na shërojnë plagën e rëndë", kujton Tahire Koraci. Ajo shprehet se pas kësaj ngjarje, familjes së mbetur u është sugjeruar të largohen nga shtëpia. "E gjithë familja shkuam në Kosovë, ku kemi qëndruar deri sa ka përfunduar lufta në Tetovë. Në Kosovë ishte xhaxhai im, i cili kishte ardhur të na vizitojë nga Gjermania, pasi që këtu bëhej luftë. Pas pesë muajve nga ngjarja tragjike, lindi motra ime Elira në Spitalin e Prishtinës", rrëfen Tahirja për eksodin e familjes së saj. Edhe pas këtyre viteve, ajo ende ka mall, sepse nuk mundi ta shoh edhe një herë prindin e vet.

"Ëndrra ime ishte të bëhem një mjeke gjinekologe dhe ende po ëndërroj se do të bëhem, ngase shumë e dua atë profesion. Shumë herë kam trokitur në dyer të huaja, nëpër zyra të ndryshme që të paktën të punësohem pasi që nuk mund ta vazhdojë fakultetin papunë", thotë ajo.

Ndryshe, më 21 mars të vitit 2001, policia maqedonase ekzekutoi Ramadan dhe Razim Koracin, babë e bir, afër stadiumit të qytetit të Tetovës, në prezencë të shumë mediave vendore dhe atyre botërore. Ndërkaq, sot e kësaj dite nuk jepen sqarime në lidhje me këtë vrasje, ndërsa atë kohë, arsyetimi i policisë ishte se dy shqiptarët kishin pasur me vete bombë, arsyetim ky banal, pasi përveç nga dëshmitarët okularë, edhe nga shikuesit tjerë u pa se ata nuk kanë pasur bombë, por vetëm celularë. (Urim Hasipi/KOHA)

[Faik]

BESOJ KJO TEME DUHET RIAKTIVIZUAR... JU LUTEM TE PUBLIKONI C'DO LLOJ DISKRIMINIMI QE HASNI...
================================================

Maqedonasit nuk duan mbishkrime në gjuhën shqipe

17/04/2011




Institucione komunale e qendrore, dyqane, kafiteri dhe lokale të ndryshme në Shkup por edhe qytete tjera vazhdojnë të mos përfillin mbishkrimet në gjuhën shqipe.

Tabelat hyrëse dhe treguese të tyre vazhdojnë të jenë vetëm në gjuhën maqedonase dhe alfabetin cirilik, dhe në raste të ndryshme, përdoret një gjuhë e tretë, ndërsa anashkalohet gjuha shqipe.

Konkretisht tërë gjatësia e rrugës Shkup - Prishtinë, autostrada Shkup - Tetovë, Shkup - Kumanovë etj. të tëra njoftimet janë në gjuhën sllavo maqedonase, e bile në vendet e pagesës së autostradës njoftimet ndoshta janë deri në 5 gjuhë por ironikisht në shqip nuk janë.

Paradoksale është se Shqipëria respekton gjuhën e një grupi të vogël të maqedonasve në disa vendbanime ku ata jetojnë, ndërsa rreth 30 për qind e shqiptarëve në Maqedoni janë të privuar nga kjo e drejtë.

Shenja të institucioneve dhe rrugëve në gjuhën sllavo maqedonase janë vendosur në Komunën Liqenas (Pustec) të Prefekturës së Korçës.
Emrat e vendeve të njohura dhe të institucioneve që ishin të shkruara në shqip, tash janë të shkruara edhe në gjuhën sllavo maqedonase.

Në total janë 9 shenja rruge, tabela spitalesh, qendra kujdesi familjar, 2 shkolla dhe 56 rrugica dhe 11 lagje u bënë me mbishkrime dy gjuhësh, të cilat shenja janë të dhuruara nga komuna e Gazi Babës.

Duket se shqiptarët i japin çdo të drejtë minoriteteve etnike në një vend që nuk është multietnik si Shqipëria ,kurse në një vend zyrtarisht 'multietnik' si Maqedonia që përbëhet me mbi 35 për qind e popullatës shqiptarë, nuk ka shenja të trafikut dhe institucioneve dygjuhësh.

Edhe Tetova pa shenja shqip

E njëjta ndodh edhe n qytetin e Tetovës. Të gjitha bizneset private të qytetarëve maqedonas, por edhe institucione arsimore e bankare në komunën e Tetovës nuk respektojnë gjuhën shqipe. Mbishkrimet e vendosura në ndërmarrjet apo institucionet e tilla janë të shkruara vetëm në gjuhën maqedonase, ndërsa në disa prej tyre ka vend për gjuhën angleze dhe jo për gjuhën shqipe, edhe pse popullsia dominuese në këtë komunë është ajo shqiptare.

Në çdo anë ku janë të pranishme dyqanet apo lokalet e ndryshme me pronarë maqedonas shihet që nga largësia shkrimi cirilik i reklamave, duke mos përmbajtur asnjë fjalë shqipe. Në komunën e Tetovës theksojnë se nuk kanë çfarë të bëjnë përballë këtyre dukurive që janë evidente që nga e kaluara.

“Për mbishkrimin e firmave dhe institucioneve në nivel të vetëadministrimit lokal në dy gjuhë ekziston ligji, por nuk ekzistojnë sanksionet dhe gjobat, për shkak të mospërdorimit edhe të gjuhës shqipe në vendet ku shumica e popullsisë është shqiptare. Ky ligj është i diskutueshëm dhe dualist që në një mënyrë e mbron gjuhën maqedonase”, ka theksuar kohë më parë zëdhënësi i komunës së Tetovës, Flakran Pustina.

Por nga ana tjetër, ndërmarrjet shqiptare gati se shumica e respektojnë dygjuhësinë në mbishkrimet e tyre, duke vendosur fillimisht gjuhën maqedonase dhe pastaj gjuhën shqipe, vetëm e vetëm për t`u mos u përballur me ligjin dhe sanksionet.

“Në bazë të ligjit për përdorimin e gjuhës që e flasin së paku njëzet për qind e qytetarëve në Republikën e Maqedonisë dhe në Njësinë e Vetëadministrimit Lokal duhet që mbishkrimet e firmave dhe institucioneve të shkruhen në dy gjuhë në atë maqedonase dhe shqipe dhe firmat me këtë rast janë të obliguara me ligj që t’i bëjnë këto mbishkrime thonë në zyrën për informim në Komunën e Tetovës.

Sipas tij, mosrespektimi i dygjuhësisë në rastin e maqedonasve ndaj gjuhës shqipe, nga komuna theksojnë se sqarime duhet të jap Regjistri qendror, atje ku bëhet regjistrimi i firmave, ku gjithashtu shumë ndërmarrje private të qytetarëve maqedonase tërheqin vendimet vetëm në gjuhën maqedonase.

Komuna e Tetovës kërkon ndryshime të ligjit, pasi që sipas tyre, ligji aktual në këtë sferë paraqet një hendikep dhe nuk mund të shqiptohen sanksione.

Kadriu: Të ndryshojë ligji për këtë problematikë

Eksperti për çështje juridike, prof.dr. Osman Kadriu thekson se sa i përket kësaj problematike në komunën e Tetovës, të gjitha ndërmarrjet duhet të respektojnë dhe zbatojnë gjuhën shqipe, konform kushtetutës. “Sepse për ato komuna gjuha shqipe është gjuhë zyrtare edhe ne nivel të organeve edhe njësive tjera, po edhe për gjitha ndërmarrjet tjera private e publike”, thekson Kadriu.

Ai vlerëson se në praktikë është e qartë se aspak nuk zbatohet gjuha shqipe në aspektin e mbishkrimeve nga qytetarët maqedonas në komunat me shumicë shqiptare.

“Patjetër që ligjdhënësit duhet të rregullojnë këtë gjë ose të miratohet një ligj i ri për këtë sferë të marrëdhënieve shoqërore komform Marrëveshjes së Ohrit, ku nëpër të gjitha këto sfera ku shqiptarët janë në një numër të konsiderueshëm gjuha shqipe duhet të jetë zyrtare dhe të zbatohet nga të gjitha sferat e marrëdhënieve shoqërore”, ka theksuar eksperti për çështje juridike, Osman Kadriu. (INA)

================================================== ====

Në shtëpinë e nxënësit të ndjerë Muhametali Jashari

Shkup - Muhametali Jashari, i riu nga fshati Kondovë i Shkupit, ndonëse e humbi tragjikisht jetën, ai tashmë është shndërruar në një hero i ditëve tona, duke i tejkaluar edhe barrierat etnike. Profili i tij në “Facebook”, me fansa maqedonas dhe shqiptarë, ka kaluar disa mijëra, ku ai nderohet dhe thuren lavde për gjestin e tij. Pjesa dërmuese e komenteve që vijnë nga bashkëmoshatarët maqedonas flasin për dimensionin moral, por edhe një gjest shembull të një shqiptari për marrëdhëniet ndëretnike. “Njeri i veçantë, fëmijë shembullor, shpresoj se institucionet do të gjejnë forcë që ky heroizëm në mënyrë përkatëse të jetë i pranuar dhe formësuar si hero, heroi i të sotmes. Për më të vjetrit duhet të jetë shembull për ndërtimin e besimit dhe bashkëjetesës në mes të gjithë qytetarëve të Maqedonisë.... Jemi krenar që ka fëmijë të tillë në vendin tanë”, shkruan mes tjerash Sllagjan Spasovski, në profilin e të ndjerit Muhametali Jashari. “A duhej kjo të ndodh që të kuptojmë të gjithë se ekziston shoqërim dhe unitet ndërmjet maqedonasve dhe shqiptarëve... Nën qiell të përbashkët jetojmë, duhet të respektohemi, ky djalosh i guximshëm vërtetoi se atë mund ta bëjmë... Prehu në Paqe!”, shkruan Aleksandra Damçevska.

I çojmë në shkollë, na vijnë xhenaze

Mesazhet ngushëlluese që vijnë nga të gjitha anët janë i vetmi inkurajim në këto ditë zie për familjen Jashari nga Kondova. Prindërit e tij nuk gjejnë fjalë për të përshkruar humbjen e djalit të tyre, ndërsa apelojnë që kjo tragjedi të mos i ndodhë askujt. “I çojmë fëmijët në shkollë e na vijnë xhenaze. Oh mor Zot nuk kam besuar se mua do të më ndodhte pikërisht ajo, tjetër apel nuk kisha dhënë. Të gjithë kanë thënë se ka qenë shumë shok i mirë për të gjithë, ka qenë djalë që rrinte vetëm me buzëqeshje...

Nuk di çka të them tjetër, askujt mos i ndodhtë kjo çka na ka ndodhur neve”, thotë nëna e të ndjerit, Fetije Jashari. Ajo me lot në sy vazhdon të tregojë se Muhametaliu asnjëherë nuk ka patur keqkuptime me askënd, e aq më pak me kryerësit e veprës makre. “Vet vepra e djalit tim të ndjerë, tregon shembull konkret se ai ka ofruar ndihmë në bazë humane, e jo në bazë të ndarjeve etnike. Është një shembull i mirë për të gjithë të tjerët të kuptojnë se të gjithë jemi njëjtë para Zotit dhe djali im dha jetën duke mbrojtur shokun e tij maqedonas. Është keq që duhet të humben jetë për të kuptuar se të gjithë jemi miq në këtë botë, dhe mu për këtë duhet të mos lëmë urrejtje ndërmjet veti, pa marr parasysh përkatësinë etnike”, thekson nëna e të ndjerit. Zonja Jashari ka apeluar deri te disa media maqedonase, që kanë transmetuar se i ndjeri ka qenë i sëmurë nga zemra, të mos keqinterpretojnë, pasi i ndjeri, sipas saj, nuk ka pasur probleme shëndetësore.

Dikush i fsheh dy të dyshuarit tjerë

Ndërkaq, baba i Muhametaliut, Xhevahir Jashari, thotë se janë gjetur vetëm dy kryerësit e veprës, kurse dy të tjerët i mbron shteti. “Nuk tregojnë se kanë katër, dhe jo vetëm dy të përshirë në ngjarje. Fajin duan ta hedhin vetëm në 16 vjetarin me iniciale D.T. që të mos mund të kapet nga ligji. E di që tre të dyshuarit tjerë janë në moshë mbi 19 vjeç, ndërsa vetëm D. T. është 16 vjeç.

Deri tash nuk kam marr asnjë informatë, as nga policia, as nga Avokati i Popullit, e as që dikush tjetër më ka thirrur për të më sqaruar si e humbi jetën biri im dhe çka do të ndodh edhe me dy të dyshuarit për veprën e kryer dhe që ende janë në arratisje”, thotë ai. Paralajmëron se pasi të kalohen ritualet tradicionale dhe fetare, do t’iu drejtohet institucioneve për të kërkuar drejtësinë rreth vrasjes së djalit. “Sigurimi i shkollës është fajtor që nuk ka intervenuar në zënkën e të rinjve. Në qoftë se sigurimi do ta kryente punën që i takon, për çka edhe paguhet, me siguri se nuk do të kishte ndodhur rasti tragjik”, thotë babai i të ndjerit.

Prindërit e Darko Ançevskit, djaloshit për të cilin Muhametaliu e humbi jetën duke e mbrojtur, të mërkurën në mbrëmje, kanë kërkuar leje për vizitë në familjen Jashari “Prindërit e djalit të lënduar u lajmëruan në telefon dhe pyetën a ka mundësi të vijmë në vizitë. Sigurisht që dera është e hapur për të gjithë ata që duan të shprehin ngushëllime, edhe pse djali më ka vdekur dhe për mua më asgjë nuk është e rëndësishme”, thekson babai Xhevahir Jashari.

Ndryshe, Muhametali Jashari humbi jetën të premten e javës së kaluar në oborrin e shkollës së mesme “Zdravko Cvetkovski”, pasi ishte përfshirë në mbrojtje të shokut, i cili ishte sulmuar nga dy persona të tjerë. M.I./KOHA

==================================================