DOSJE: DISKRIMINIMI i SHQIPTARVE NE IRJM - FAKTE

[Faik]

Rritet fobia ndaj shqiptarëve në Maqedoni

Mungesa e precizimit të ligjeve të posaçme që kanë të bëjnë me zgjidhjen e statusit të shqiptarëve në Maqedoni, tejmase po mban në qendër të vëmendjes fobinë, e cila aplikohet në çdo sferë shoqërore dhe institucionale, por edhe në jetën private.

Shumica e institucioneve të Maqedonisë nuk praktikojnë gjuhën shqipe, por edhe refuzojnë aplikimin e saj, një situatë që shfaqë dozën e pranueshmërisë së albanofobisë. Praktikimi ndodhë në tabela treguese, faqe interneti, panoa dhe materiale të ndryshme propagandistike e deri tek treguesit e rrugëve, ku në një fshat me maqedonas në perendim të Maqedonisë, mbishkrimi në shqip është shlyer. Në institucionet komunale vazhdon të jetë në rritje e sipër fobia ndaj çështjeve që kanë të bëjnë me shqiptarët,andaj shpeshherë praktikohen anashkalimi dhe refuzimi i kërkesave me arsyetimin se nuk janë në gjuhën zyrtare. Këto dëshmohen nga shumë dëshmitarë që janë viktima të fobisë institucionale.

Ekspertë dhe njohës të zhvillimeve politike në Maqedoni vlerësojnë se shkalla e albanofobisë në vend është në rritje e sipër. Sipas tyre, po krijohet paragjykim për shqiptarët dhe çështjet që i përkasin atyre në përgjithësi.

Analisti, Jeton Shasivari në një deklaratë për agjencinë e lajmeve INA pranon se ky fenomen destruktivë është i pranishëm në Maqedoni.

“Mendoj se kjo ka të bëjë me rënien diskrete të vlerësimit të Marrëveshjes së Ohrit e cila trajtohet si një dokument i thjeshtë për punësime të shqiptarëve nëpër institucionet e ndryshme, edhe ata si shifra e jo si pika, nga ana tjetër askush nuk mban llogari për demolimin e frymës multietnike dhe multikulturore nëpër institucionet e shtetit. Kjo frymë assesi nuk arrin të nikoqirizohet sepse maqedonasit ende konsiderohen si më të privilegjuarit dhe më të barabartë prej të tjerëve mendoj se kjo marrëveshje është jo efikase dhe multinacionale ku bllokohet nga politika maqedonase”, thekson analisti dhe ligjëruesi universitar pranë UEJL-së në Tetovë, Jeton Shasivari.

Në të njejtën vijë është edhe ligjëruesi universitar Osman Kadriu, i cili pohon se albanofobia është e pranishme edhe në nivel institucional.

“Kjo është si rezultat i mospranimit të kërkesave të të drejtave të shqiptarëve që janë në Maqedoni. Kështu që kemi të bëjmë me një lloj averzioni ndaj asaj se çka është e drejtë dhe si duhet të realizohet. Institucionet e Maqedonisë deri tash për shumë çështje nuk e kanë parashtruar dhe nuk e kanë garantuar të drejtën e shqiptarëve në formë institucionale”, ka theksuar Kadriu, duke shtuar se urgjentisht duhet të shmanget fobia institucionale dhe injorimi dhe të merret përgjegjësi për zhvillime të barabarta dhe respektim të ndërsjelltë.

Sipas tij, derisa në Maqedoni nuk krijohen kushte dhe të realizohen kërkesat e shqiptarëve për të drejtat e plota të tyre për barabarësi me maqedonasit, gjithmonë do të ekziston fobia ndaj shqiptarëve.

“Kjo ka qenë edhe ne sistemin nje partiak edhe tash nuk ka ndryshuar në sistemin e ri demokratik”, ka theksuar profesori universitar Osman Kadriu.

Hulumtimet e opinionit publik thonë se ky fenomen mund të marrë forma racizmi dhe diskriminimi që ndikojnë në dhunimin e të drejtave të njeriut dhe kërcënojnë direkt kohezionin social. Ekspertë dhe njohës të zhvillimeve politike në Maqedoni vlerësojnë se shkalla e albanofobisë në vend është në rritje e sipër.Ne Maqedoni mësohet se krijimi i ndjenjave antishqiptare behet me përkrahjen e haptë apo të fshehtë të disa partive maqedonase që janë pjesëmarrëse në Qeverisjen aktuale.

************************************************** ***************

Qeveria skenarë ogurzi për Strugën

Çka po përgatitet për Strugën dhe cilat janë skenaret e radhës të Qeverisë aktuale, këto janë pyetjet e përsëritura të qytetarëve shqiptarë të Strugës, të cilët janë të revoltuar dhe kundërshtojnë hapur planin qeveritar për ndërtimin e shkollës së mesme për nxënësit shqiptarë në fshatin Veleshtë

Projekti i fundit qeveritar për ndërtimin e shkollës së mesme në Veleshtë të Strugës, për të cilën u ndanë me urgjencë një milion euro nga buxheti qeveritar, është një nga planet e fshehta qeveritare të pritura nga partia maqedonase në pushtet. Struganët theksojnë se me këtë plan qeveria synon që të realizojë qëllimet përfundimtare që Strugën ta kthejë në kufijt e vjetër, duke i hequr komunën e Veleshtës.

“Po duken qartë qëllimet e tij dhe strategjitë sekrete që kohë më parë ishin shpalosur edhe në fushatat e fundit zgjedhore se Struga do të kthehet në kufijt e vjetër”, theksojnë për agjencinë INA, struganë e veleshtarë, duke mos e mbështetur planin e ndërtimit të shkollës së mesme në Veleshtë, por duke kërkuar që një shkollë e tillë të ndërtohet në Strugë. Por kundër këtij skenari janë deklaruar të gjithë këshilltarët dhe përfaqësuesit komunal shqiptarë, por sipas tyre, ky skenarë është një marrëveshje politike mes krerëve të lartë politik të VMRO-DPMNE-së dhe BDI-së.

Këshilli nismëtar për bllokimin e këtij projekti ka tubuar të gjithë banorët shqiptarë të Veleshtës, por edhe të Strugës, të cilët janë të tmerruar që me këtë vendim qeveritar të çohen nxënësit shqiptarë të mësojnë në shkolla rurale të mesme dhe jo aty në qendër të qytetit të Strugës. Bashkësia lokale e Veleshtës ka dalur hapur kundër këtij projekti, duke refuzuar ndërtimin e shkollës. Por në të njëjtin zë janë edhe këshilltarët komunal si nga PDSH-ja, ashtu edhe nga BDI.

Xheladin Kica, këshilltar i PDSH-së ka theksuar se plani është destruktiv për ndërtimin e kësaj shkolle të mesme në zonë rurale, gjegjësisht në fshatin e tyre dhe jo siç shpjegon ai të ndërtohet shkollë apo të arrihet zgjidhje për një objekt në qytetin e Strugës. “Këtë plan e kemi hedhur poshtë kategorikisht, sepse Qeveria në bashkëpunim me komunën kanë rënë në ujdi për këtë plan të dëmshëm për shqiptarët, duke i çuar nxënësit shqiptarë të mësojnë shkollë të mesme në zona rurale. Raste të tilla nuk ka askund. Pse nuk shkojnë maqedonasit le të ndërtojnë me miliona euro shkolla në fshatrat e tyre, nuk jemi kundër. Por dihet se kjo ka qëllime që nxënësit shqiptarë të largohen nga shkollat aktuale amë në qytet”, thekson Xheladin Kica.

I të njëjtit mendim është edhe këshilltari i BDI-së, Pëllumb Qyra, i cili thekson se ai mbështet çdo kërkesë dhe qëndrim të banorëve shqiptarë, sepse ai është i zgjedhuri i tyre. “Unë jam me vlerësimin e përgjithshëm që del nga qytetarët e mi dhe nuk heqi dorë nga ato kërkesa. Mbetemi për ta shqyrtu situatën”, ka theksuar Qyra, i cili është pjesë e grupit të iniciativës qytetare për të kundërshtuar projektin. Derisa po vazhdojnë këto debate, Qeveria ka ndarë mjetet, por edhe është shpallur një kompani fituese e tenderit, por sipas banorëve të Veleshtës asnjëherë nuk do të lejohet ndërtimi i kësaj shkolle.

************************************************** *********

600 administratorë shqiptar këmbëkryq nëpër shtëpi

Shumica prej administratorëve shtetëror të pranuar gjatë këtij viti po qëndrojnë nëpër shtëpitë e tyre, për shkak të mos sistemimit nëpër vendet e tyre të punës nëpër institucionet shtetërore.

Kjo bëhet e ditur nga burime brenda sekretariatit të përgjithshëm të Qeverisë, ku ekskluzivisht për agjencinë “INA” konfirmohen faktet se gati të gjithë administratorët e pranuar gjatë këtij viti nuk janë të sistemuar nëpër vendet e punës.
Edhe anëtarë të BDI-së, që janë pranuar si terkut partiak konfirmojnë për gazetën se kanë ngelur në shtëpi dhe se nuk dijnë se ku do të sistematizohen nëpër vende të punës. Të gjithë këta kandidatë të pranuar posedojnë vendimet për punë dhe se rrogat për çdo muaj mbërrijnë në kontot e tyre. Në dikasteret që drejtohen nga VMRO-DPMNE dhe partitë e tjera nuk pranohen administratorët shqiptarë, me arsyetimin të mbingarkesës së administratës së tyre. Dy javë më parë nga Ministria e Kulturës u larguan disa administratorë të rinj, edhe ate me urdhër të zëvendësministrit, Dragan Nedelkoviç.

Nga kabineti i zëvendëskryeministrit Abdilaqim Ademi pohojnë se po bëhet procesi i sistematizimit dhe se brenda një periudhe të shkurtër, të gjithë kandidatët e pranuar do të vendosen në vendet e punës nëpër ministri e institucione tjera. Zëdhënësi i Qeverisë, Shefik Duraku ka theksuar se është në procedurë zgjidhja e problemit të sistematizimit të administratorëve të pranuar.

“Momentalisht sekretariatit për Marrëveshjen e Ohrit ka kërkuar prej të gjitha institucioneve shtetërore që të informojnë se sa vende pune kanë në dispozicion dhe pas kësaj do të fillojë sistemimi i administratorëve të rinj, varësisht nga profesionet e tyre që i kanë”, ka theksuar Duraku, duke shtuar se nga muaji i ardhshëm do të hapet konkursi i ri për pranimin e kandidatëve të tjerë në administratë.

Sipas sekretariatit për Marrëveshjen e Ohrit, gjatë vitit 2009 janë pranuar 600 nëpunës shtetëror, ndërsa është paralajmëruar se deri në fund të vitit të pranohen edhe 300-400 administratorë të tjerë

************************************************** **************

Mësim nën qiell të hapur

Mësojnë të shkruajnë dhe të shumëzojnë nën qiell të hapur. Nxënësit shqiptar të fshatit Trapiçndol në Kërçovë në mungesë të shkollës mësojnë në natyrë, nën qiell të hapur.
Afërsisht para pesë muajve gjysma e kulmit të shkollës kanë rënë në klasë. Muret në klasa janë krisur dhe çarë, kurse edhe pjesa tjetër e kulmit rrezikon të bie. Për këtë rast është informuar Ministria e Arsimit të Maqedonisë e cila pasi ka analizuar situatën ka ndërprerë mësimin, shkaku i kushteve të vështira dhe rrezikut që pjesa tjetër e tavanit dhe kulmit të bie mbi kokat e nxënësve. “Për fat të keq ky nuk është mësim, ne kemi improvizuar diçka, as nuk pranohet, as që duam të pranohet. Kjo është vetëm sa për të mos i lënë pa mësim nxënësit”, thekson Shefqet Ramadani, arsimtar në këtë shkollë. Prindërit e nxënësve kërkojnë nga Ministria e Arsimit ta rinovojnë shkollën ose të ndërtojnë një të re. Ata ankohen se edhe pas pesë muajve Qeveria e Maqedonisë nuk ka marrë ndonjë iniciativë për të siguruar mësim normal për nxënësit shqiptar.

************************************************** **

Ministria e Arsimit kundër kërkesave të nxënësve shqiptarë

Ministria e Arsimit dhe Shkencës hapur është deklaruar se nuk do të përfillë kërkesat e prindërve shqiptarë për t`i regjistruar fëmijët e tyre në shkollën e mesme të mjekësisë “Nikolla Shtejn” në Tetovë. Rreth 180 nxënës shqiptarë të rajonit të Tetovës edhe përkundër suksesit të shkëlqyeshëm kanë ngelur në rrugë dhe të paregjistruar. Për shkak të kësaj gjendje prindërit e tyre janë hedhur në protesta para shkollës, duke kërkuar zgjidhje urgjente për hapjen e paraleleve shtesë. Mirëpo, ministri i Arsimit dhe Shkencës, Nikolla Todorov, por edhe zëvendësja e tij, Lindita Qazimi u deklaruan të prerë se nuk do të ketë paralele shtesë dhe nuk do të përfillen kërkesat e prindërve shqiptarë, të cilët kanë paralajmëruar vazhdimin e protestave, edhe para Qeverisë. Zëvendësministrja e Arsimit, Lindita Qazimi theksoi se në shkollën e mjekësisë nuk ka probleme, por sipas saj, po tentohet të krijohen probleme.

“Nuk besojë se 180 nxënës kanë ngelur të paregjistruar. Të gjithë shkollat kanë kriteriumet e veta dhe një numër i nxënësve pa dashur të ofendojë dhe nënçmojë janë nga ata nxënës që ndoshta nuk e kanë plotësuar kriterin që është paraparë nga shkolla e mesme e mjekësisë. Ata mund të regjistrohen në shkolla tjera, ku ka plotë vende të lira”, ka theksuar zëvendësministrja Qazimi.

Edhe ministri i Arsimit, Nikolla Todorov ka theksuar se rasti më i fundit në mjekësinë e Tetovës është i motivuar. “Nuk e di se nga janë të motivuar që në këtë mënyrë të shprehin revoltën e tyre. Paralelet nuk mund të hapet me kërkesë të një individi sepse ka një procedurë.Kërkesa nga pushteti lokal parashtrohet në qeveri dhe pastaj në koordinim me Ministrinë e Arsimit, përgjigja i kthehet pushtetit lokal”, ka theksuar ministri Todorov. Por nga ana tjetër, sektori për arsim i komunës së Tetovës, thekson se ka parashtruar kërkesën për hapjen e paraleleve shtesë në mjekësi. Krerët e lartë të arsimit dje kanë marrë pjesë në ceremoninë e lëshimit të shkollës fillore në Drenovec të Tetovës, ku ishin të pranishëm edhe zëvendëskryeministri Abdylaqim Ademi dhe ministri i Ekonomisë, Fatmir Besimi.

************************************************** ***********

Iljazi: Qeveria po shkatërron arsimin shqip

Partia Demokratike Shqiptare në një konferencë për shtyp deklaroi se Qeveria e Maqedonisë synon ta shkatërroj arsimin shqip në Republikën e Maqedonisë.
“I tërë opinioni i gjerë është dëshmitar se Qeveria e R.Maqedonisë, e veçmas BDI-ja është tejet e interesuar për të shkatërruar arsimin shqip në Maqedoni. E gjithë kjo argumentohet me paralelet shqipe në shkollën e mesme të mjekësisë në Shkup, me situatën e shkollës në Idrizovë, me getoizimin e arsimit shqip në Strugë, me kantierët në Kumanovë dhe tani zullumi ka filluar edhe në Tetovë. Në shkollën e mesme të mjekësisë në Tetovë, qëllimisht mbyllen 5 paralele në gjuhën shqipe, ndërsa në anën tjetër paralelet në gjuhën maqedonase nuk preken fare”, theksoi deputetja e PDSH-së, Sadije Iljazi.

Ajo theksoi se po ashtu qeveria e R.Maqedonisë jep përgjigje negative për hapjen e 3 paraleleve të reja në gjuhën shqipe po në këtë shkollë.

“Situatë e njëjtë është edhe në shkollat tjera në Tetovë. Kjo Qeveri përveç përurimeve nuk di gjë tjetër, por edhe kjo në Tetovë nuk u eci për dore. Shkolla e cila u përurua në Drenovec, që nga ajo dite nuk u hap më. Ata menduan se tetovarët dhe gjithë shqiptarët do t’ju besojnë kësaj gënjeshtre”, theksoi Iljazi.

PDSH i apelon BDI-së që ti mbajë duart larg nga arsimi shqip në Maqedoni.

“Ne do ta mbrojmë me çdo kusht arsimimin e gjeneratave të reja në gjuhën tonë shqipe. Publikisht pyesim BDI-në kur do të bëhet partnere e vërtet e koalicionit qeveritar, pasi që serviliteti i saj është bërë i padurueshëm për shqiptarët”, theksoi deputetja e PDSH-së.

************************************************** ******

Promovohet enciklopedia maqedonase, reagojnë historianët shqiptarë

Kryetari i Shoqatës së Historianëve në Maqedoni, prof.dr. Nebi Dervishi ka theksuar se Enciklopedia Maqedonase është në vazhdën e projekteve fashizoide që i përgatit Bllazhe Ristevski me bashkëpunëtorë në krye me Pasko Kuzmanin


Akademia e Shkencave dhe Arteve të Maqedonisë (ASHAM) në praninë edhe të kryeministrit Nikolla Gruevski dje ka promovuar Enciklopedinë të ashtuquajtur “Maqedonase” dhe jo të “Maqedonisë”, ku përmblidhen fakte kryesisht që kanë të bëjnë çështjen sllavomaqedonase dhe duke mos përfshirë asnjë elementë të rëndësishëm shqiptarë. Në prezantimin e kësaj vepre, kryetari i ASHAM, Georgi Stardelov ka theksuar se kjo enciklopedi nxjerrë në shesh fatin e kombit dhe popullit maqedonas dhe rrugëtimin e tij. Me fjalime të tyre rreth kësaj vepre janë paraqitur edhe akademikët Vllado Kambovski dhe Gane Todorovski.

Kryetari i Shoqatës së Historianëve në Maqedoni, prof.dr. Nebi Dervishi ka theksuar se kjo enciklopedi është në vazhdën e projekteve fashizoide që i përgatit Bllazhe Ristevski me bashkëpunëtorë në krye me Pasko Kuzmanin.

”Ky projekt është në vazhdën e projekteve të mëparshme antishqiptare dhe për këtë çështje si shoqatë do të ngrejmë zërin dhe do të hedhim poshtë këtë projekt të tillë që është kryekëput maqedonas”, ka theksuar historiani Dervishi.

Sipas tij, përderisa nuk merr pjesë asnjë historian shqiptarë në përpilimin dhe përgatitjen e saj kjo nënkupton se është krejtësisht antishqipare. ”Kjo enciklopedi qëllimin kryesor e ka që shqiptarët t’i përjashtojë nga antikiteti deri në shekullin 17 dhe të dëshmojë se kinse shqiptarët janë të ardhur “, ka theksuar kryetari i shoqatës së historianëve, prof.dr. Nebi Dervishi, duke paralajmëruar që është momenti i fundit për një Enciklopedi paralele të shqiptarëve.

Edhe historiani prof.dr. Vebi Xhemaili ka theksuar se këto punime shkencore janë tendencioze kundër autoktonisë së shqiptarëve dhe vlerave të mirëfillta të trungut shqiptar. “Për ne shqiptarët është e papranueshme kjo enciklopedi e tyre e shkruar në mënyrë tendencioze. Prandaj, në anën tjetër, shqiptarët dhe brezi i ri asnjëherë nuk do ta përdor këtë dokument dekstruktiv dhe të rrezikshëm për të ardhmen”, ka theksuar ligjëruesi universitar në USHT, Vebi Xhemaili.

************************************************** *

Përralla e sallës së Sllupçanit

Nazmije Kamberi - MURATI

Kumanovë, 16 shtator - Punimet në sallën sportive të fshatit Sllupçan ende nuk kanë përfunduar. Për këtë shkak ende nuk është bërë edhe inaugurimi pasi afatet e dhëna për përfundimin e plotë të punimeve shtyhen, duke e hedhur fajin institucional herë te njëra e herë të pala tjetër. Përfaqësuesit e shkollës thonë se ka një kohë të gjatë që nuk është prekur punë me dorë nga ana e punëtorëve, kurse e gjithë salla ka mbetur në një status quo, edhe pse nevoja është mjaft e madhe, sidomos tash kur edhe fillon të sezoni i vjeshtës dhe moti i ftohtë.

"Është dashur madje gjatë muajve të verës të punohet diçka kur nxënësit nuk kanë qenë në shkollë. Ka mbi 2 muaj që nuk është punuar asgjë, asnjë punë nuk ka lëvizur. Edhe pse sipas planit salla është me standarde të larta moderne, por nuk besoj që një plani i plotë do të realizohet. E mira e gjithë kësaj është se deri tash ka arritur salla të mbulohet, gjë që na jep shpresë se të paktën nxënësit do të strehohen brenda gjatë orëve të Edukatës fizike" thotë Nehat Jahiu, zëvendësdrejtor në shkollën fillore "Faik Konica" në Sllupçan.

Sallat sportive të cilat janë pjesë e projektit të Qeverisë në mbarë vendin janë nën kompetencë të Agjencisë për Rini dhe Sport. Ndërkaq, këta të fundit thonë se problemet apo vështirësitë që kanë hasur deri më tash gjatë procesit nuk janë të natyrës së financimit, por thjesht disa probleme që hasen mes njerëzve gjatë punës në këto salla.

"Është e vërtetë se punimet kanë ngecur në sallën sportive të Sllupçanit, por kjo është bërë për shkak të një problemi mes punëtorëve, që e ka ngadalësuar procesin. Ne do të mbajmë një takim me drejtorin e Agjencionit dhe kryetarit të Komunës së Likovës Sadulla Durakun, që të shohim se cilët janë ata që pengojnë punën dhe sa më shpejtë të bëhet inaugurimi", thotë Fevzi Mani, zëvendës drejtor i Agjencionit për Rini dhe Sport.

Sipas Manit ngecjet e punimeve nëpër sallat sportive tek vendbanimet shqiptare qëndron te firmat e ndërtimit. Nga ana tjetër, realizatorët e punimeve për këto salla nëpër vendbanimet shqiptare gjithmonë janë ankuar për mjetet financiare që nuk ndahen me kohë. Ndërkaq, zv. drejtori Mani potencon faktin se edhe salla sportive në Zherovjan është gati, megjithatë pritet një kohë e lirë për përfaqësuesit qeveritare që të vendoset në agjendën e tyre ditorë për të bërë inaugurimin solemn. Realizator i ndërtimit të disa sallave sportive në vendbanimet shqiptare është ndërmarrja "Vigan" nga Struga.

************************************************** ***************

Libra shqip me shkronja cirilike

Laura PAPRANIKU

Shkup, 16 shtator - Fraza të tëra dhe teste të plota në gjuhën maqedonase i gjen të shkruara në librat shkollore në gjuhën shqipe. Kjo është "moda" më e fundit e sakatimit të teksteve shkollore në gjuhën shqipe, ndërsa maqedonishtja me alfabetin e saj cirilik po kapërdihet pa u vërejtur nga kompetentët. Libra, të këtillë të cilët po çorodisin shqipen e teksteve shkollore, po shpërndahen pa asnjë problem nëpër shkolla dhe që aty u imponohen për mësim nxënësve shqiptarë.

"Makedonski"që në kopertina

Shtëpia botuese maqedonase, si "Tabernakulla", "Albi" apo Makedonska iskra, me të madhe po e imponojnë maqedonishten dhe ciriliken nëpër tekste shkollore. Të gjitha shkollat shqiptare, pa përjashtim janë shfrytëzuese të ndonjërës prej librave të këtyre shtëpive, në të cilat i gjen me mijëra "margaritarë" të zhvleftësimit të shqipes dhe alfabetit të saj latin dhe mbivlerësimit të maqedonishtes dhe cirilikes. Edhe atë kjo tendencë po bëhet aq hapur, sa në librat shqip të këtyre shtëpive botuese maqedonishtja servohet që në kopertinat e teksteve. Të shkruara me cirilikë "Tabernakulla", "Albi" dhe emërtimi i ndonjë shtëpie të ngjashme, nisin e bëjnë kërdinë edhe brenda teksteve shkollore. Me pretekstin e ilustrimit, aty gjen të shkruar më tepër maqedonisht se sa shqip, sikurse është rasti me Kulturën qytetare, për klasat VIII. Në disa fletë të këtij libri, botuese e së cilës është "Makedonska iskra", ndodhën që e numëruar në rreshta dhe e përpjesëtuar në hapësirë, të ketë më shumë tekst maqedonisht se sa shqip, edhe pse teksti shkollor u dedikohet nxënësve shqiptarë. Librin "Kultura qytetare" sivjet do ta shfrytëzojnë 90 për qind të shkollave shqiptare. Nëpër komuna, prej ku bëhet distribuomi i librave, thonë se nuk është shënuar asnjë rast që ndonjë shkollë të ketë kthyer mbrapsht librat e Makedonska iskra, ndërsa shkollat nuk ia kanë idenë se çfarë "malli" po u servohet në rastin konkret. Kështu, në Komunë e Çairit, në përjashtim të shkollës fillore "7 Marsi', të gjitha shkollat e tjera e kanë në program atë libër. Arsimtarët që do të mbajnë kulturën qytetare, thonë se ai është teksti i vetëm shkollor për këtë lëndë.

"Lavdi Shën Kirilit"

Në këtë mënyrë edhe kur do të edukohen për rolin e medias në shoqëri, shqiptarëve u nxirren para syve vetëm gazetat maqedonase, ndërsa kur për ilustrim u jepet një tekst gazete, "Makedonska iskra" është kujdesur që në konotacionin negativ të fokuson shqiptarët. I këtillë është rasti me shkrimin "Tetova dhe Gostivari të pa përgatitura për zgjedhje" që shërben në librin shkollor si ilustrim përmes një faksimile që tërheqë vëmendjen. Po të analizohet ana vizuale e librave, nuk ka dyshim se ato kanë krijuar një Maqedoni ekskluzivisht të maqedonase dhe kishave. Në njësinë e trashëgimisë kulturore është vetëm një xhami dhe vetëm një pasues i vetëm për trashëgiminë kulturore islame, edhe pse gjysma e popullatës i takon këtij konfeksioni. Ndërsa në trashëgiminë kishtare është shkuar aq larg, sa nxënësve u imponohet mitizimi i misionarëve kishtarë. "Lavdi Shën Kirilit filozof" qëndron poshtë fotografisë, e shoqëruar me vargjet "të jetë bekuar goja jote/ Kiril, baba i bekuar, nga ajo në gojën time/ u derdh ëmbëlsira shpirtërore". Tekste me kësi lloj përmbajtjes gjen në Kulturën qytetare të SHB "Iskra maqedonase", faqja 51. Në Ministrinë e Arsimit dhe Shkencës për mungesë autorëve dhe botuesve shqiptarë, në konkursin për botimin e tekstit nga lënda e kulturës qytetare, kanë lejuar përkthimin e këtij libri nga maqedonishtja në shqip. Mirëpo, askush nuk është kujdesur, që të paktën ilustrimet teksteve të korrespondojnë me nevojat e nxënësve, të cilëve u dedikohet. Mbishkrimi për Kushtetutën e Republikës së Maqedonisë shuam mirë mund të qëndron edhe në shqip, pasi është i përkthyer dhe si i tillë shtetet dhe në gjuhën shqipe.

"Razmislli" në "makedonski"

Duke mos mbajtur llogari për nxënësit shqiptarë, apo për t'ua çoroditur gjuhën dhe përfytyrimin mbi vetveten, kur u mësohet për rolin e medias në shoqëri ilustrimi u bëhet vetëm me gazeta maqedonase.
Edhe kur poshtë fotografive vendoset legjenda shpjeguese e fotografive (me tekste dhe shkronja të mëdha cirilike) shqipja nisë të flet "makedonçe". Shembull për këtë është Historia e klasave V të "Tabernakullit", ku në shqip shkruhet "Nezavisna Makedonija", apo "Makedonija". Arsimtarët thonë se janë të detyruar ti kapërcejnë rastet e këtilla. "Ashtu është kur librat ti bëjnë të tjerët", thotë një arsimtar në shkollën "Penko". Në librin e Historisë që ai duhet ta ligjërojë me nxënësit e klasave të pesta, jo vetëm që në vend të fotografisë së Bajo Topullit është vendosur fotografia e Konstantin Kristoforidhit, por në pjesën "Mendo dhe përgjigju" vendin e ka zënë fjali "Razmislli i odgovori". Në SHB "Prosvetno dello", vulën e të cilës e mban libri në fjalë i historisë, arsyetohen se "duhet të jetë ndonjë gabim teknik", mirëpo për një shtëpi me 50 vjet përvojë në botim teksteve dhe që nuk është shëruar ende sa duhet prej manisë për të përdorur toponiminë maqedonase në libra shqip, është pak vështirë të bëhet në "gabime të pa qëllimshme".

[Faik]

Diskriminimi në shifra

Laura PAPRANIKU

Shkup, 28 shtator - Prindërit shqiptarë të shkollës fillore "Panajot Gjinovski" në Shkup, kanë vendosur t'i japin fund politikës diskriminuese dhe standardeve të dyfishta që përdor kjo shkollë në dëm të nxënësve shqiptarë. Këta të fundit ngulfaten në paralele me nga 38, 40 deri edhe 41 nxënës në klasë, kurse për nxënësit maqedonas formohen paralele me nga 15 nxënës në klasë. Të hënën prindërit shqiptarë edhe zyrtarisht kërkuan të takohen me përfaqësuesit e Komunës së Butelit, ku graviton ajo shkollë, ndërsa shkollën nuk e vizituan as inspektoret komunal të arsimit, sikurse u ishte premtuar të premten dhe presin që deri të mërkurën të korrigjohet kjo politikë diskriminuese dhe anti ligjor. Në të kundërtën, do të ketë radikalizim të situatës dhe marrja ë hapave tjera, si bojkotimi i mësim apo bllokimi i tërësishëm i shkollës, sikurse paralajmëron Gëzim Ahmeti, nga Këshilli iniciues i prindërve.
"Po qe se deri të mërkurën nuk marrim përgjigje pozitive për zgjidhjen e problemit, neve do të jemi të detyruar që marrim hapa më radikale, pra bojkotim të mësimit e ndoshta edhe bllokim të shkollës, pasi kjo problematik duhet të arrijë deri në veshët e atyre që duhet ta zgjidhi", pohon Ahmeti, babai i tre fëmijëve, që të gjithë nxënës në "Panajot Ginovki". Fëmija më i vogël i tij, në klasë të parë, është i detyruar që të ndajë bankën jo vetëm me një bashkëmoshatar, po me dy të tjerë. Meqë në klasë ka 41 nxënës dhe mungojnë hapësirat, mësuesja është e detyruar t'i ulën nga tri nxënës në bankë. Ahmeti, thotë se ky problem është lënë qëllimisht pa u zgjidhur dhe se në shkollë janë tri kabinete të cilat nuk shfrytëzohen fare.

Shqetësimin e prindërve e mbështesin edhe arsimtarët e kësaj shkolle, të cilët thonë se me 40 nxënës në klasë nuk mund të garantohet as suksesi në mësime. Arsimtari Salajdin Hamiti thotë se ky problem po ngrihet vazhdimisht pesë viteve e fundit në Këshillin e shkollës, ku ai është anëtarë prej para tetë viteve. "Kemi dërguar kërkesa në Ministrinë e Arsimit dhe Shkencës dhe në Komunën e Butelit pesë vite më radhë, mirëpo na kthejnë përgjigje se nuk ka vend apo nuk ka të holla", tregon Hamiti, kurse i vlerëson si të pabaza ato arsyetime. "Sipas ligjeve të arsimit, shkollat paguhen në bazë të nxënësve dhe nuk është e drejtë që për dikë të sigurohet klasa me 15 nxënës dhe të tjerët të ngulfaten në klasa me 41 nxënës", pohon ai. Shkolla numëron 367 nxënës maqedonas me 20 paralele, kurse për shqiptarë të cilët numërohen 341 nxënës funksionojnë vetëm 13 paralele, pra shtatë paralele më pak. Hamiti, gjithashtu e sensibilizon edhe mungesën e personelit teknik dhe personelit pedagogjik shqiptar në këtë shkollë. "Në administratën e shkollës prej te drejtori deri te pastruesi më i fundit të gjithë janë maqedonas", deklaron ai, ndërsa kërkon që edhe këtu të reflekton pak fryma e Marrëveshjes së Ohrit. Pranimi i nxënësve në klasë të parë bëhet prej pedagogëve maqedonas, vërejnë prindërit paradoksin e radhës në këtë shkollë të Butelit. Mirëpo, këshilltarët shqiptarë në Komunën e Butelit thonë se ky nuk është problem i vetëm i nxënësve shqiptarë në këtë komunë. Probleme të këtilla ka në :"Zhivko Bgrajkovki", "Penko" dhe "Liman Kaba", pohon Veton Ibrahimi, këshilltar i BDI-së. Ibrahimi shkakun e problemit e sheh tek kryetari i komunës, Pero Llatinovski, kuadër i VMRO-së dhe përgjegjësja për arsimi, Vesna Gazhovska. "Ata nuk japin leje për formimin e paraleleve tjera dhe më e keqja qëndron në atë se votat e shqiptarëve përçahen në Këshill". Dy votat e Partisë Demokracia e Re, sipas tij, shkojnë në favor të Llatinosvkit, kurse "DR-ja edhe pse opozitë në Qeveri, funksionon si pozitë në Komunën e Butelit", thotë Ibrahimi. Këshilli Komunal i Butelit numëron 19 anëtarë, prej të cilëve 10 të VMRO-së, 4 të LSDM-së, 3 të BDI-së dhe 2 të DR-së.

[Modesti]

Qeveria ngulfat komunikimin në shqip 09/10/2009 20:58:10

Zëdhënësi i Qeverisë, Shefik Duraku mungesën e gjuhë shqipe e shef si gjoja çështje teknike. Shqiptarët hallexhinjë shfaqin problemet me komunikimin me Qeverinë

Asnjë dokument, kërkesë apo informatë zyrtare shqiptarët deri tani nuk kanë arritur që publikisht apo privatisht ta marrin në gjuhën shqipe nga Qeveria e Maqedonisë, edhe pse kjo e drejtë mundësohet me ligj, që buron nga obligimet e Marrëveshjes së Ohrit.

Qytetarët që probleme, nevojë apo kërkesa në Qeveri vazhdojnë të detyrohen t`i bëjnë kërkesat dhe lutjet në gjuhën maqedonase, sepse një sugjerim të tillë e marrin edhe nga zyrtarë dhe nënpunës shqiptarë në Qeveri.

”Kam pasur problem në komisionin e shkallës së dytë të Qeverisë, dhe ankesën më thanë ta bëjë në maqedonisht, sepse më mirë. Ose nëse do të ishte në shqip,as që do të përfillej dhe zvarritet” thekson Idriz M, nga Kumanova, i cili thekson se ka pasur komunikim me Qeverinë, por kryesisht në gjuhën maqedonase zyrtare.

Ai thekson se nuk mund të sigurojë informata dhe të njihet me aktivitetet, njoftime dhe shpalljet qeveritare, për shkak se edhe burimet e informimit apo faqja e internetit të Qeverisë, vazhdon të jetë vetëm në gjuhën maqedonase. Zëdhënësi i Qeverisë, Shefik Duraku për agjencinë e lajmeve INA ka theksuar se mungesa e aplikimit te gjuhës shqipe, bëhet per çështje teknike.

”Problemi është teknik dhe nuk kemi pasur ndonjë shqiptarë që të azhuronte faqen e Qeverisë dhe të mirëmbajë versionin shqip. Me konkurset e reja që kemi pranuar kuadro, do t`i punësojmë disa që të merren me këto çështje për azhurnimin e faqes”, ka theksuar zëdhënësi Duraku. Ekspertët për çështje juridike theksojnë se Qeveria me këtë shkelë të drejtën e përdorimit të gjuhës shqipe, por disa herë kjo nevojë ka hasur në veshë të shurdhër. (INA)

[Modesti]

Policia na trishtoi


Nazmije Kamberi-MURATI

Kumanovë, 9 tetor - Britmë, ulërimë, trishtim, maltretim dhe tollovi nëpër shtëpitë e pesë vëllezërve Sallahi nga Opaja e Kumanovës ka shkaktuar policia maqedonase gjatë bastisjes, nën dyshimin se kanë qëlluar mbi policët kufitarë në fshatin Bellanoc. Ndërkaq, policia njoftoi se dyshohet se pesë vëllezërit Sallahu kanë qenë të involvuar në incidentin e ndodhur në orët e vona të enjten e kaluar në fshatin Bellanocë. Megjithatë një ditë pas incidentit, policia me autorizim të gjykatës, ka kontrolluar pesë shtëpitë e personave të dyshuar. Edhe kundrejt dyshimeve, në policia kanë informuar se padi penale për armëmbajtje pa leje do të ngrihet vetëm kundër personit Sali Sallahu. Ndërkaq, vëllezërit ndjehen të pafajshëm dhe akuzojnë pushtetin për aksionin policorë në mëngjesin e hershëm të 4 tetorit.

Jemi të pa fajshëm

"Fëmijët tanë në mënyrë egërsisht janë maltretuar dhe janë traumatizuar nga ajo pamje, të cilët pasi kishin rënë në gjumë, janë zgjuar dhe janë mbikëqyrur nga policët me maska. Gjatë tërë kohës i kanë drejtuar automatikët drejt fëmijëve dhe grave tona. Kjo është jashtë çdo të drejte njerëzore pasi që ne nuk kemi bërë asgjë dhe jemi të pafajshëm. Në shtëpinë tonë nuk është gjetur asgjë. Unë kam qenë duke fjetur dhe aty rreth orës 1 e 30 pas mesnate kam dëgjuar britmat e policëve me qentë, të cilët hynë edhe brenda nëpër dhoma. Nuk e di çfarë të them..., kjo nuk durohet assesi", thotë Bajram Sallahi, njëri nga vëllezërit në shtëpinë e të cilit nuk është gjetur asgjë. Ai thotë se atë natë ka qenë gjatë tërë kohës në shtëpi, dhe ai bashkë më vëllezërit janë lidhur dhe janë shtrirë për toke, përderisa gratë dhe fëmijët kanë qenë nën tytën e pushkëve automatike të policëve.

Pas bastisjes, pesë vëllezërit Sallahi janë dërguar në stacionin policorë dhe janë lëshuar pas tre ditëve. Bajram Sallahi ka kritikon pushtetin lokal dhe atë qendror, pasi si[ thotë, askush nga subjektet nuk u ka dalë në mbrojtje.
"Nuk e di a ka ndonjë shqiptarë që ka një funksion, e që ne e kemi votuar dhe të vijë të na vizitojë. Të dëgjojë trishtimin që ne kemi përballuar së bashku me fëmijët tanë. Mbi 400 policë me maska, mund të them se kanë qenë në shtëpitë e tona. Ne nuk jemi kriminelë të trajtohemi në atë mënyrë, shteti duhet të jetë i njejtë për të gjithë. I kam thënë se edhe po të gërryejnë ndër tokë, nuk do të mund të gjejnë asgjë, pasi që s'kam çka të fsheh. Definitivisht nuk kemi asgjë, as kryetar komune, as liderë partiak për të na mbrojtur, nuk kemi as ku të ankohemi", rrëfen Bajrami, i cili gjatë bisedës disa herë shfrynte nga kjo gjendje që nuk ka zgjidhje. Ai mendon se ndoshta shpërngulja e familjes do të ishte alternativa më e mirë për të mos u keqtrajtuar.

Fëmijët në trajtim mjekësor

Përveç grave, të cilat duke fjetur nëpër dhomat e tyre janë kontrolluar duke mos u respektuar intimiteti i tyre, viktimë të bastisjes kanë qenë edhe fëmijët e pesë vëllezërve Sallahu nga Opaja. Iljasau 12 vjeçarë, djali i Bajramit, tregon që është kapur nga një polic dhe është shtrirë. "Më shtrëngoi fort dhe kisha dhimbje në krah. Polici mbante automatikun drejt mua dhe më tha duke bërtitur 'lezhi'(shtrihu) disa herë. Jam trishtuar, sepse kur kanë ardhur policët, unë kam qenë duke fjetur dhe pash shumë policë me maska dhe pushkë në krah", thotë ai. Edhe Nazlija, motra e tij, e cila është më e madhe se ai, rrëfen për keqtrajtimin që policët i kanë bërë. "Kisha frikë mos ti ndodh babit diçka, pasi e pashë me duar lidhur dhe të shtrirë në tokë, fillova të qaj, nënën nuk e kisha afër, nuk mundem as të qetësohem dhe nuk duroj të rri në shtëpi më vetë nëse nuk i kam prindërit këtu", sqaron Nazlija. Prindërit thonë se i kanë dërguar në mjek fëmijët për kontrollim mjekësor, pasi që sipas tyre, nga ajo ditë ndjehen të frikësuar dhe të traumatizuar.

Të pa sigurt në vendin e tyre

Duke pasur parasysh që familja e Bajram Sallahit edhe në vitin 2005 janë maltretuar nga policia për shkak të një konflikti që kanë pasur, ata thonë se ndoshta do të detyrohen që të lëshojnë vendin dhe të shpërngulen nga këtu. "Unë nuk kam lidhje me rastin e Bellanocës, ne jemi me origjinë nga ai fshat, megjithatë un nuk kam as pronë, as tokë atje, ne mbi 70 vjet jemi tërhequr nga ai fshat i origjinës. Nuk ka ligj që na mbron, le të vijë le të sheh Ali Ahmeti si na maltretojnë, na bastisin e ne i kemi votuar ata, ne kemi qenë shkaktarë që ai të jetë në pushtet sot, turp për të gjithë liderët partiak. As kryetari i komunës, Sadullah Durakau, nuk është interesuar, bile as që interesuar dikush të qaj dertin dhe hallin tonë. Përfundimisht ndoshta më e udhës është të shpërngulemi nga këtu" rrëfen i revoltuar Bajrami. Gruaja e tij, Mevlude Sallahi, nënë e tre fëmijëve, shpreson që kjo të jetë bastisja e fundit dhe apelon që fëmijët e tyre të lihen të qetë dhe të mos keqpërdoren. Mevludja sqaron që qentë policorë kanë nuhatur gjithçka nëpër shtëpi. Katër telefonat celularë të familjes Sallahi janë marrë nga policia dhe nuk janë kthyer ende. Pesë shtëpitë e vëllezërve Sallahi janë bastisur kinse kanë qenë të të involvuar në rastin e fundit në fshatin Bellanoc, në të cilën drejt automjetit policorë është shtyrë me pushkë automatike. Në këtë incident tre pjesëtarë policor kanë kaluar pa ndonjë lëndim dhe u shkaktua dëm material.

[Explorer]

Tre musketaret nga Shqiperia qe "ndihmojne" çeshtjen shqiptare ne FYROM .

[Modesti]

Maksim Velo
Fatos Lubonja
Piro Misha

Tre musketaret nga Shqiperia qe "ndihmojne" çeshtjen shqiptare ne FYROM .

Këto 3 ishin maskarenj jo musketarë! Me siguri me origjinë sllave janë, pa dyshim.

[Faik]

Shtëpisë së Alfabetit iu vu dryni

Evis HALILI

Shkup, 9 tetor - Projekti për shndërrimin e Shtëpisë së Alfabetit në muze mbeti një ëndërr. Gati një vit pas inaugurimit dhe kremtimit të 100 vjetorit të datës historike, objekti i trukuar ka mbetur në të njëjtat faza restauruese, ndërsa për adoptimin e ambienteve të brendshme në muzeum, as që bëhet fjalë. Vendasit pohojnë se gjendja është e mjerueshme. Si pasojë e punimeve të kryera me sforcim dhe me ritme të përshpejtuara, disa prej dritareve dhe dyerve nuk mbyllen, tubacionet e ujërave të zeza janë bllokuar duke nxjerrë jashtë funksionit nevojtoret. Shtëpia, pas rikonstruktimit u kthye në një ngrehinë gati- gati funksionale, por përveç selive të dy partive, degëve të PDSH-së dhe DR-së, si edhe shoqatës "Kongresi i Bashkimit", në asnjë prej kthinave nuk është ngritur qoftë edhe një stendë me premisë për t'i shërbyer një muzeu.
Nga instancat përgjegjëse, përgjigjet janë kontradiktore dhe konfuze. Enti i Qytetit, që ka marrë përsipër realizimin e projektit restaurues, pohon se do të vijojnë me fazat e ngecura prej një viti. Por në Drejtorinë e Mbrojtjes së Monumenteve, thonë se pa u zgjidhur kontesti pronësor nuk mund të pretendohet për muze. Për këtë shkak, stagnimit të punimeve, edhe buxheti i akorduar për këtë vit, u tërhoq. Asnjë përgjigje nuk ka as edhe nga kabineti i zëvendëskryeministrit për implementimin e Marrëveshjes së Ohrit, Abdylaqim Ademi, i cili personalisht u angazhua një vit më parë duke premtuar restaurimin total dhe krijimin e një muzeu.

Përveç heqjes dorë nga Shtëpia, dikasteret e kulturës kanë pritur me indiferentizëm edhe çdo lloj projekti dedikuar objektit. Fërgim Demiri, kreu i shoqatës "Kongresi i Bashkimit", prej disa muajsh po troket në zyra të ndryshme për të kërkuar realizimin e një projekti, i cili do të grumbullonte ato eksponatë që i mungojnë godinës. Pasi i kanë detektuar familjet që disponojnë objekte të rrallë, Demiri, thotë se mund të mblidhen shumë të tilla me të cilat do të kompletohej muzeu i premtuar. Shandanë me qirinj, karrige, tavolina, veshje të kohës, si edhe shumë aksesorë të tjerë, përfshirë edhe shumë dokumente të vjetra e dorëshkrime të kohës. "Fatkeqësisht kemi hasur në një indiferencë totale, qoftë nga Ministria e Kulturës, apo edhe nga Enti Restaurues i Qytetit. Ky projekt do të realizonte atë që u premtua një vit më parë në inaugurim, krijimin e një muzeu. Po përpiqemi të bëjmë atë që faktikisht duhet të jetë - kjo shtëpi të jetë një muze dhe jo një objekt pa vlerë", thotë Demiri.

Ky projekt me ambicie më të mëdha, do të luajë edhe rolin e një qendre muzeale për rajonin e Pellagonisë dhe Prespës, duke arkivuar atë pjesë të trashëgimisë historiko-kulturore të zonës. Deri tani iniciativës i janë përgjigjur me donime modeste komuna e Manastirit dhe Gostivarit.

*****************************************

"Maqedonasit me 8 nxënës në klasa, shqiptarët me 38

12/10/2009

Për formimin e një paralele nuk vlejnë kriteret e njëjta ligjore për maqedonasit dhe shqiptarët. Një gjë e tillë po ndodh në shkollën fillore "Marko Cepenkov" në komunën e Zelenikovës, në shkollën fillore "Toli Zordomus" në Kumanovë, ku numri i shqiptarëve është më tepër sesa është e lejuar me ligj kurse maqedonasit janë të ndarë në 3-4 paralele me nja 10 nxënës. Një gjë e tillë ndodhë edhe në dhjetëra shkolla të tjera ku mësojnë nxënësit maqedonas. Ndërkaq, për formimin e paraleles së farmacisë në gjuhën shqipe në Shkup vlen e kundërta. Nuk lejohet nga drejtoria e shkollës së mesme "Maria Kiri" të hapet paralelja nëse nuk grumbullohen 24 nxënës ashtu siç kërkon ligji. Nga Lidhjes së Arsimtarëve Shqiptar të Maqedonisë (LASH) thonë që ky fenomen ka kohë që është prezent dhe nëse duam të hymë në BE duhet ti ketë standarde të barabarta. " Ky fenomen ka kohë që është prezent, ligji respektohet vetëm atëherë kur iu konvenon maqedonasve. Këto problem nuk kanë fund, në shkolla të ndryshme bëhen kësi lloj shkelje ligjesh dhe kështu nuk shkon më. Duhet ngritur zërin dhe duhet kërkuar të drejtat tona. Këto ndodhin vetëm e vetëm që të pakësohen arsimtarët shqiptar", tha kryetari i LASH-it, Nuhi Dardhishta.

Ai sqaron se këtë javë ndodhi problem me shkollën fillore "Panajod Ginovski", ku shqiptarët i kanë grumbulluar nga 38 nxënës në një klasë, vetëm e vetëm që të mos punësojnë arsimtarë shqiptar. Edhe përgjegjësi i shkollës fillore "Marko Cepenkov" në komunën e Zelenikovës, Nehat Hasani thotë se ligji që vlen për shqiptarët nuk vlen për maqedonasit "Në këtë shkollë nxënësit janë ndarë në mënyrë të parregullt dhe joligjore, pasi që me ligj për një paralele kërkohen 24 nxënës. Nga ana jonë ky ligj respektohet por nga ana e maqedonasve aspak, pasi që ata janë të ndarë nga 7 nxënës në 4 paralele. Kjo ndodh me të vetmin qëllim, që të punësohen sa më shumë arsimtar maqedonas kurse arsimtarët shqiptarë vetëm shikojnë se si t’i pakësojnë", tha Hasani. Megjithatë kryetari i LASH-it, Dardhishtës është optimist, pasi pak kohë më parë u nënshkrua edhe kontrata me ministrin e arsimit Nikolla Todorov për depolitizim të arsimit. "Shpresojmë që ky problem të zgjidhet dhe një herë e përgjithmonë të përfundojnë padrejtësitë ndaj shqiptarëve", thotë Dardhishta. /Natyra GRUBI/"

[Faik]

Libri i gjeografisë, si enciklopedia

14/10/2009


Shqiptarët kanë emigruar në Maqedoni para 230 viteve dhe se shqiptarët janë krijuar me shqiptarizimin e maqedonasve.

Kështu shkruan në librin e gjeografisë së vitit të dytë gjimnaz në faqen 104. Kontroverse nuk është vetëm enciklopedia maqedonase, por edhe tekstet shkollore me të cilat shërbehen nxënësit e shkollave të mesme. Profesorët shqiptar të gjeografisë ankohen për të pavërtetat shkencore që shkruhen në tekstet e gjeografisë. Azbi Ademi, profesori i gjeografisë në gjimnazin e Tetovës, tha se ky tekst është bojkotuar më 2004 në mbledhjen e profesorëve shqiptarë të lëndës së gjeografisë.

"Kur e pamë këtë libër vendosëm që mos të përkthehet në gjuhën shqipe pa u bërë njëherë korrigjimi rrënjësor i njësive mësimore sidomos te pjesa me kufijtë shtetërorë, toponimet që janë përdorur në gjuhën sllave si dhe strukturën etnike të popullsisë në Maqedoni, po ky tekst prapë se prapë u botua dhe tani përveç gabimeve të njësive mësimore tani ai ka edhe gabime gjuhësore", tha Ademi. Edhe profesorët e gjimnazit "Zef Lush Marku" në Shkup, thonë se ky libër është stërmbushur me të pavërteta.

"Ky libër është ashtu siç thonë shkrimtarët e tij të cilët janë maqedonas dhe nuk ka asnjë shqiptar në mesin e tyre dhe e kanë shkruar ashtu siç ju ka marr mendja atyre. Është skandaloze pjesa në të cilën thuhet se shqiptarët kanë emigruar në Maqedoni para 230 viteve dhe se shqiptarët janë krijuar me shqiptarizimin e maqedonasve, kjo është diçka joshkencore dhe fyese për popullin shqiptar por pasi që nuk kemi material tjetër duhet ligjëruar nga ky libër", thonë ata. Autorë të këtij teksti shkollor janë Dragan Vasileski, Bllagoja Markoski, Nikolla Panov, Nikolla V. Dimitrov dhe Gjorgji Pavllovski. Është botuar nga shtëpia botuese "Prosvetno dello".

Profesorët e Zef Lushit dhe ata të gjimnazit të Tetovës i bëjnë thirrje të gjithë mësimdhënësve shqiptarë të bojkotojnë librat jo shkencor të "Prosvetno dellos", pasi ato janë të mbushura me mashtrime dhe gënjeshtra.

[Faik]

Adem Jashari i pengon ministrave maqedonas

14/10/2009 20:21:46


Drejtori i shkollës fillore “Skenderbeu” në Haraçinë, Ibrahim Ajvazi ka theksuar se ministrave maqedonas i ka penguar fotografia e heroit kombëtar Adem Jashari, të cilën e mbante në zyrën e tij. Drejtori i kësaj shkolle ka theksuar se skandali ka ndodhur në ditën e vizitës së fundit të ministrit të Arsimit, Nikolla Todorov dhe atij të Transportit dhe Lidhjeve Mile Janakievski në shkollën fillore të kësaj komune, të shoqëruar edhe nga evroambasadori Ervan Fuere. “Sapo kanë hasur fotografinë, ministri i Transportit ka kërkuar heqjen e saj, por pas kësaj atij i sqarova se ky është hero kombëtar i shqiptarëve pas Skenderbeut”, ka theksuar drejtori Ajvazi në pronocimin e tij, duke shtuar se të njejtin mendim ka pasur edhe ministri i Transportit, Mile Janakievski.

Drejtori i kësaj shkolle, Ibrahim Ajvazi ka theksuar se asnjëherë nuk do ta heq nga zyra e tij, fotografinë e komandantit legjendar të U]K-së ,Adem Jashari. Mirëpo, kjo shkollë është në pritje edhe të ndonjë vendimi zyrtar nga Ministria e Arsimit.(INA)

[Faik]

Diskriminimi në arsimin e të ashtuquajturës Maqedoni
http://lajmpress.com/opinion/1744.html

*****

500 familje shqiptare disa ditë pa rrymë

Fitim KRYEZIU

Shkup, 19 tetor - 500 familje shqiptare nga lagja Serava të Shkup që nga dita e premte nuk kanë rrymë. Pjesëtarët e këtyre familjeve të hënën duke bllokuar disa akse rrugore të qytetit, kanë shpreh revoltin e tyre për shkak të mungesës (ndërprerjes) së rrymës elektrike. "Thjeshtë jemi të befasuar edhe nga organet shtetërore edhe nga Komuna e Çairit, por edhe nga e tërë qeveria. Si ka mundësi që me ditë të tëra të jemi pa rrymë dhe askush të mos mbajë përgjegjësi për ne. Me këtë lagje dikush po eksperimenton. 500 familje janë bërë viktimë e një mosmarrëveshje ndërmjet të disa individëve dhe EVN. Dhe tash e gjithë lagja është pa energji elektrike", thonë qytetarët e revoltuar.

Në orën 9 të mëngjesit të ditës së hënë Këshilli i grupit protestues, i përfaqësuar nga Ajvaz Avdiu, kërkuan ndihmë nga deputeti i zonës nga radhët e BDI-së, Nazif Bushi, i cili i priti te selia e kësaj partie. "I dëgjova hallet e këtyre personave dhe ne si BDI nuk kemi kurrfarë kompetenca për shkak se kompania EVN është pronë private. Por, megjithatë ne do të bëjmë të pamundurën që ta gjejmë një gjuhë të përbashkët dhe t'ju lëshohet energjia elektrike e pastaj të pastrohen të gjitha mosmarrëveshjet", tha Nazif Bushi, deputet i BDI-së. Pas bllokimit të aksit rrugor në Bit Pazar, protestat u shpërngulën te udhëkryqi pranë Qendra tregtare "Mavrova".

Sipas Nehat Ukshinit, ndërprerja e energjisë elektrike nuk ka të bëjë për shkak të mospagesës e as për shkak të vendosjeve së orëmatësve të rinj nga ana e EVN-së, por thjeshtë me këtë lagje po bëhen eksperimente. Gjithashtu nuk paraqet problem as pagesa.

Në vendin e ngjarjes ishte edhe OSBE, e cila u njoftua me natyrën e pakënaqësisë së këtyre qytetarëve. Këshilli organizativ e ka informuar me hallet e tyre edhe Komunën e Çairit, Avokatin e Popullit, Qeverinë, OSBE etj, por deri më tani nuk kanë marrë përgjigje nga askush. Dhe, nëse në ditët në vazhdim nuk përmirësohet situata, atëherë Këshilli i organizimit të protestave paralajmëron se pakënaqësia do të radikalizohet edhe më shumë.

****

Marrëveshja që debelldehasit i la pa 24 ha tokë

Një mjegull e dendur kishte mbuluar fshatin Debelldeh, të cilit me ratifikimin e marrëveshjes së demarkacionit Kosovë-Maqedoni, iu kanë shkëputur 24 hektarë tokë. Banorët thonë se ata jetojnë në këtë tokë denbabaden. Banorët e Debelldehut ndihen të shokuar nga vendimi i Qeverisë dhe Parlamentit dhe shprehen se tanimë jeta e tyre është bërë edhe më e vështirë, pasi që një pjesë e madhe e tokës së tyre "iu fal "palës maqedonase.

Kurrë s'pajtohemi me këtë marrëveshje

Në hyrje të fshatit takuam Tefik Ajetin, banor i fshatit, i cili për "Kosova Sot" tha se ndihet shumë i dëmtuar, pasi që atij iu janë marrë 3.5 hektarë tokë. "Që nga paslufta ne s'kemi qasje atje dhe arat dhe livadhet tona i kanë mbuluar therrat dhe drunjtë. Tregon me gisht se kufijtë me Maqedoninë janë larg atje, afër Malinës, por se si është bërë marrëveshja, thotë se nuk e di. "Është dëm i madh që kjo tokë na u mor neve. Me këtë marrëveshje ne kurrë nuk pajtohemi, e as që jemi pajtuar që toka jonë t'i falet Maqedonisë". Ajeti shpjegon se krejt ushqimin e bagëtisë e kanë marrë në ato livadhe, që u janë marrë me një marrëveshje ndërmjet dy shteteve. Kjo na ka detyruar që sot të mos mund të mbajmë më shumë se një lopë në fshat, sepse s'kemi më kullosa. Ai thotë se para lufte mbante 10 krerë bagëti dhe me ato mbante familjen 14-anëtarëshe. Nga toka e minuar Ajeti thotë se nuk kanë mundur të mbjellim as patatet. I brengosur Ajeti shprehet se është papunësi e madhe në këtë fshat. "Vetëm unë jam i punësuar në familjen dhe unë kujdesem për 14 anëtarët, por tash e kam problem se si do ta ushqejë familjen", shprehet ai i mllefosur.

Paralajmërojnë grevë urie dhe protesta

Nga ana tjetër, anëtari i Komisionit shtetëror për shënimin e vijës kufitare mes Maqedonisë dhe Kosovës për këtë fshat, dhe njëherazi kryetari i fshatit, Zymri Ilazi, vlerëson se vendimi Qeverisë së Kosovës është tejet i ngutshëm. Shprehet se komisioni ka punuar qe dy vjet dhe si komision nuk janë pajtuar që vendi Kodra e Furrës" të mbetet në anën tjetër të kufirit, "Këtu vendosi politikja pa pyetur banorët e këtij fshati. Ne aspak nuk jemi të kënaqur me këtë marrëveshje demarkacioni dhe vendim të Parlamentit të Kosovës", shprehet ai. Ilzai është i bindur se nuk i ka takuar Qeverisë ta marrë këtë përgjegjësi. "Shumë mirë e kuptoj interesin shtetëror, por nuk ka të drejtë askush që tokën private t'ia dhurojë dikujt tjetër, për hir të vendosjes së marrëdhënieve diplomatike", tregon ai i brengosur. Ilazi shprehet: "Ne do të shkojmë me metodat tona, me grevë urie, por nuk përjashtohet mundësia që të kemi edhe metoda ekstreme, të cilat s'i dëshirojmë as vetë. "Mund të ketë edhe ekcese se këtu nuk kemi të bëjmë me definim të kufijve, por me hapje të konfliktit. Jemi për një marrëveshje fer që kënaq të gjitha palët dhe jo të shfrytëzohen pronat private për interesa të tjera", thotë ai. Paralajmëron metoda të cilat thotë se banorët do t'i çojnë deri në fund.

Institucionet na tradhtuan

Zymri Ilazi thotë se këtë tokë e kanë mbrojtur nga Serbia e UNMIK-u, por tash i kanë tradhtuar institucionet. "Habitem se si ka guxuar Qeveria e Kosovës të marrë këtë vendim kur kemi kadastrën shekuj me radhë se këto prona janë të banorëve të Debelldehut dhe t'ia dhurojë Maqedonisë. Vërtet kjo s'do koment", shprehet ai. Vendi " Kodra e furrës" është zemra e bostanit, është pika më strategjike në mes tri shteteve, ku shumë mirë shihet Kosova Lindore, Maqedonia dhe tërë Kosova dhe këtë pretendim e kishte Maqedonia dhe ia arriti qëllimit. Shemsedin Murseli, nënkryetar i fshatit, në emër të fshatit, ndihet shumë i preokupuar nga kjo marrëveshje, pasi që mendimi i fshatit është anashkaluar. "Ne haptazi i kemi thënë kryeministrit Thaçi se kjo punë nuk bëhet. Ai na ka thënë se marrëveshja është e kryer, dhe na ka premtuar se ne kemi të drejtë të punojmë tokat tona dhe të qëndrojmë në to, por nuk kemi besim. Maqedonasit gjatë luftës na kanë gjuajtur me armë", thotë ai. "Kemi kërkuar dëmshpërblim për 10 vjet që ne s'kemi pasur qasje të tokat tona, por përveç premtimeve s'kemi pasur asgjë tjetër", shprehet ai. Murseli thotë se që nga nesër do të konsultohet me banorët se çfarë hapash do të ndërmarrin, të hyjnë në grevë urie apo forma të ndryshme të protestës.

Banorët ndihen të anashkaluar

Fshatarët janë tejet të prekur thellë, ata janë të revoltuar dhe ndihen të anashkaluar. Edhe xha Misin Feratin, 64 vjeçar, e kishte kapur sikleti dhe kishte dalë të dëgjonte se si po bëhen pazarllëqe me tokat tona. "Në qoftë se nuk i kemi ato toka, s'na mbetet asgjë neve. I kemi mbrojtur edhe në situata më të vështira , sepse ato janë tokat tona, është djersa jonë. Ankesat tona kanë shkuar edhe në Kombet e Bashkuara, por kot", tregon xha Misini. Ai mendon se maqedonasit e kanë mashtruar kryeministrin Thaçi. 'Kodara e Furrës i nevojitet Maqedonisë se nuk e ka hallin tek tokat punohen apo s'punohen ato. Krejt lufta është bërë për atë pikë", thotë ai. Shpjegon se në ato livadhe kam qëndruar më shumë se 20 vjet në stane me bagëti, kurse sot nuk guxon të dalë në tokat e tij". Shikon me inat vijën kufitare të vendosur mes dy shteteve. (kosova-sot)

*******

Tetë vite nga zhdukja e shqiptarëve në Maqedoni

20/10/2009


Qeveria e Maqedonisë dhe Bashkimi Demokratik për Integrim (BDI) si parti shqiptare në pushtet vazhdon të heshtë rastin e të zhdukurëve shqiptarë gjatë konfliktit të vitit 2001.

Në listën e të zhdukurëve janë gjashtë shqiptarët: Hajredin Halimi, Sulltan Memeti, vëllezërit Ibrahim dhe Zeqirija Veliu, Islam Veliu dhe Ruzhdi Veliu, ky i fundit vëllai i deputetit aktual të BDI-së, Fazli Veliu.

Edhe pas shumë viteve çështja e të zhdukurëve shqiptarë po vazhdon të heshtet, ndërsa është mbyllur edhe dosja e Komisionit për të zhdukurit dhe rrëmbyerit, që deri në vitin 2004 u bënë disa përpjekje në drejtimin e ish-diplomatëve perendimor. Në raportin e këtij komisioni të publikuar atëkohë theksohej se një pjesë e të zhdukurve shqiptarë janë arrestuar dhe marrë në biseda informative nga forcat policore, ndërsa më pas kanë humbur gjurmët e tyre.

Një dëshmi e fortë për hetimet për gjetjen e të zhdukurëve ishte pikërisht rasti i zhdukjes së Ruzhdi Veliut, vëllait të deputetit të BDI-së, vetura e të cilit ishte gjetur pranë stacionit të policisë në Manastir.

Deputeti i BDI-së, Fazli Veliu thekson se mëgjithë kërkesave për të vijuar hetimet edhe me ndihmën e bashkësisë ndërkombëtare, gjithçka sipas tij ka ngelur e heshtur. Ai ka theksuar se të zhdukurit shqiptarë janë vrarë dhe gjurmët e tyre janë zhdukur përgjithmonë.

“Unë kërkojë që të ndërmirren masa dhe të niset me hetimin e rasteve të të zhdukurëve shqiptarë dhe një thirrje të tillë i`a dedikojë edhe bashkësisë ndërkombëtare”, ka theksuar Veliu. Institucionet hetimore të Maqedonisë deri tani nuk kanë konkluduar asnjë të dhënë lidhur me zhdukjen e shqiptarëve në vitin 2001