Fantazmat e fshehura…

[dikeafajtore]

Qesh me friken e tim biri
prej fantazmave
qe fshihen ne dollap

I them:
-Jane femije te humbur
qe duan te luajne.
Ushtare te lodhur
ne luftra yjesh.
Mbreter me shpata te thyera
dhe princesha qe presin te martohen
Sapo te degjojne trokun e kalit te argjendte.

Jane fshehur ne dollapin tend, shpirt
derisa te kaloje stuhia
dhe ne cepin e dritares te shkrepe
nje mengjes bukurosh.

Atehere do te shkojne ne pyll
ku keshtjellat shemben e ngrihen
si bregut te detit ne vere.

Ndersa te qete ate e merr gjumi
me thonjte kapur fort pas mishit tim,
shoh Friken te shtrihet prane meje
qe me gisht me tregon
drejt pyllit te zi
fantazmat e varura ne deget e pemeve...

[s0ni]

Dikeafajtore eshte gjithmone kenaqsi te lexoj krijimet e tua.
Admiroj ty qe shkruan kaq bukur se vete as nje fjale nuk di te lidh

[Brari]

hmm..e bukur poezia por e gabuar teoria..

Cka po e ngarkon djalin me shpata e ushtar te lodhur nga lufta .. pra te parruar e qe duken si si bubi faja martaneshi.. ose si talibana kandahari..qe jo ate po dhe mua do me tmerronin..

Nje miku im e ben ndryshe..
Ai e merr djalin para se me fjet dhe e con tek dollapi dhe ja hap e i thot .. ja ktu te keqen babi ka vec rrobe.. po thot ai.. eja tani e ul koken e shiko posht krevatit.. cfar ka aty.. ka nje top thot djali e ca pupla dysheku a jorgani.. a trembesh ti nga rrobet e puplat.. i thot cunit.. jo thot ai gjith kenaqsi.. dhe pastaj shtrihet me te ne krevat e i tregon pralla me lepurusha..ketrusha ..me kal e qen e zogj..

Mos e bej si PPSH-ja qe i tmerronte njerzit me idene se kudo ka gogola..pra armiq..
Dikur qe thua ti Dikea..Kur shikonin ndonje udhetar me bluxhins e favorite ne Bulqiz a Librazhd e Gramsh.. menjihere kolkozianet vigjilente te Enverit qe merrnin 30 lek dita rroge.. shkonin tek operativi deges e raportonin se ..kan zbuluar nje agjent e shkeles kufiri apo diversant..

Mos e mbush djalin me fantazi Kadarejane .. me mire thjesht e bukur.. ciu ciu mjau mjau.. dhe ham ham..e muuu beri lopa..

qashtu..


lol.

[Agim Doçi]

Në mbretërinë e njerëzve të vdekur
Atje ku shpirti në fakt është i gjallë
Mijëra princesha të veja kam gjetur
Dhe sonte për to seç ndjeva mallë…

Më vijnë çdo mbrëmje vejushat bukuroshe
Dhe futen si fantazmat në dollapin tim
Mëngjezeve gjej të hedhur në një qoshe
Kostumin e dhëndërisë të plakur në trishtim…

Dhe kështu numëroj netët me fantazma
Risjell në kujtesë shokët që më s’janë…
Parakalojnë vejushat që mbetën pa orgazma
Parakalojnë dhëndurët në varrezën aty pranë.

[pelin]

E pse e paskan fshire postimin e Liridones ? ( do te doja te mos ishte Shigjeta)
Verejtja e saj ishte krejtesisht e drejte.Komente si ky i mesipermi (#3) jane vertete bezdises.

Eshte bezdises sepse eshte i mbushur fund e krye me nje politizim te merzitshem e shterp. Aq sa te duket sikur e ka shkruar ndonje nga ata ishredaktoret e soc-realizmit. A thua se komentuesi eshte bashkautor i parrulles famoze “politika ne plan te pare” . Nese nuk i durohet pa folur le te veje andej nga ‘shtypi e politika’ e te grije sallate sa te doje. Ketu eshte forumi i letersise dhe nese e ka harruar dikush nga moderatoret duhet ta kujtoje.

Nga ana tjeter eshte krejt alogjik. “ e bukur ..por e gabuar”?! E bukura e poezise eshte pikerisht tek ideja (apo tema nese doni) se nga figuracioni nuk ka ndonje gje te jashtezakonshme .Por komentuesi pasi e hedh poshte teresisht idene me ca argumenta blektorale ngrihet si pa te keq e na deklaron : poezia eshte e bukur (?!).
Ne kete pike qe t’i kursej ndonjerit ndonje koment ( dhe qe te jem formalisht ne teme) po e sqaroj pak me teper:
Nena e poezise preferon fantazmat ne vend te lopeve sepse nuk eshte nje nga te turmes; ajo pretendon te rrise nje femije me fantazi, me kurajo ,ajo do qe ai te krijoje identitet,te mos i trembet jetes qe do te jete e veshtire,ta shohe boten nga te gjitha kendet,te mos jete mendje e shpirtngushte.Prandaj i hap horizont,ia paraqet boten gjithe ngjyra, i flet per gjera te panjohura qe mendja e tij e vogel te filloje te punoje,te abstragoje,te fantazoje ,te krijoje lidhje te vetat ,origjinale.Dihet qe femija mendon ne menyre konkrete ( lopa, qe te nesermen do ta shohe ne oborr te shtepise,apo Tv, deri ne merzi) kurse i rrituri ka aftesine te mendoje ne menyre abstrakte.Kjo nene e kulturuar pra kerkon ta rrise te birin,ne te gjithe kuptimin e gjere qe ngerthen kjo fjale.
Bile ajo guxon t’i tregoje te birit ate zone ku ajo vete ka akoma frike te shkoje.

/shoh Friken te shtrihet prane meje
qe me gisht me tregon
drejt pyllit te zi
fantazmat e varura ne deget e pemeve/

Dhe kjo eshte thelbi i bukurise se kesaj poezie,origjinalja,e vecanta dhe njekohesisht talenti i Dikeas.Pjesa e pare e poezise ku emertohen fantazmat si femije te humbur, ushtare, mbreter,princesha ndonse e shkruar ne menyre origjinale prape se prape eshte e njohur si ide; por pjesa e fundit ,kur femija fle dhe nenen e mbetur zgjuar e tundon frika e fantazmave ,eshte krejt e vecante,origjinale ( nuk e kam pare asgjekundi me pare) ,aq e papritur dhe njerezore e filozofike njekohesisht.Mbetesh ne ate varg si ne nje kurth.Dhe kujtohesh se edhe ti vete ke frike; dhe kujtohesh se edhe ti vete do te doje qe femija yt te shkoje me larg se ti .
Bile ,nisur nga keto vargje te fundit, do te guxoja te mendoja se protagonisti i vertete i kesaj poezie nuk eshte femija por vete i rrituri.
Une nuk e di nese Dikea i ka menduar te gjitha keto qe shkruajta une ketu, por nepermjet poezise se saj ndjej se ajo i ka perjetuar dhe ne nje cast na i tha te gjitha.C’mund t’i them vecse : falemnderit.

Kurse komentatori i #3 thote teori e gabuar.Bile guxon t’i sugjeroje metodat e edukimit “masiv” qe perdor nje miku i tij sikur te ishte i sigurte se qellimi i nenes se poezise eshte rritja e sukseseshme e nje lopcari,mu-u-u-u,ham-ham…,ne rastin me te mire e nje veterineri .( Meqe jemi ketu une do t’i sugjeroja qe t’i sugjeronte atij mikut te tij qe te lexoje perrallat e Andersenit nese nuk do qe te rrise nje koperativist te dalluar te zones malore). Dhe si per te mos na lene ne medyshje per thellesine e vet e mbyll komentin me sentencen : “ Mos e rrit djalin me fantazine kadarejane….” ??? Po me cfare valle? Me fantazine e ndonje bejtexhiu te preferuar ?!

Si pra nuk paska te drejte Liridona?


P.S. - S’kam thene gje tjeter me shume se ajo qe shkruajti Liridona me dy rreshta.Dhe eshte e pritshme qe edhe posti im te fshihet.Bile dij te them edhe argumentimin : ‘Jashte teme” sic e kam pesuar dhe here te tjera. Kesaj une s'kam c't'i bej vecse do te doja t'iu kujtoja moderatoreve se shpesh eshte me mire te lejosh nje konflikt se sa nje perbaltje qe po e ben kete forum perhere e me medioker.

[Fiori]

pelin ketu nuk jemi ne gjyq. Kur u hoqen postet (dhe nq se e ve re nuk u hoq vetem posti i Liridones) nuk tha njeri qe brari ka te drejte dhe Liridona nuk ka, sepse ne nuk jemi ketu te gjykojme njerzit, ashtu si dhe ju (vizitoret) nuk duhet te hyni ne nje teme me qellimin te gjykoni njeri tjetrin.

Brari mund te jete i luajtur nga mendte, mund te jete politikan i keq, mund te jete cfare te duash ti, po ne fund te fundit dha mendimin e tij mbi poezine, nuk filloi te numeronte peline e Liridona. Mendim e dha mbi poezine e Dikeas e vetem ajo te ciles i drejtohet mund te ofendohet apo ta kuptoje. Ndersa Liridona hyn ne teme dhe thote mua nuk me pelqen si thote brari, po me pelqen si them une. Si rrjedhim gjithe tema ne vend qe te ishte letersi apo komente rreth poezise te dikeas, u be teme mbi komentet e brarit.

Ti gjithashtu more gjithe kete mundim te shkruash ne forum vetem sepse Komente si ky i mesipermi (#3) jane vertete bezdises. Ti nq se ishe bezdisur kaq shume nga komentet e mesiperme shkruaje ate cfare te pelqente ne lidhje me poezine, qe mos bezdiseshe.


Fiori


p.s. postet nuk fshihen per qejf. Te lihet mesazhi yt dhe i imi tani, behet teme pyetje pergjigje dhe jo teme e Dikeas.

[dikeafajtore]

I kam lexuar thuajse te gjitha komentet, edhe ato qe s'jane me...nuk i kam keqkuptuar ...perkundrazi .ju lexoj te gjitheve me deshire
brari ben pak shaka, gimi -kuzhinier fjalesh, pelini-kritik i mirefillte, fiori- pakez e ashper, liridona-good, good)
I love all of you

gjithe te mirat

[shigjeta]

Nuk mendoj se ka rendesi se kush i ka hequr postimet. Asnje nga moderatoret e ketij forumi nuk ka per qellim te vecoje per mire apo keq, anetar te caktuar. Postimet levizen per ta mbajtur drejtimin e temes brenda letersise. Eshte nje gje te diskutojme per krijimin dhe dicka tjeter te diskutojme komentet e krijimit. Ky forum na mbledh te gjitheve si dashamires te letersise, le te diskutojme per te dhe jo te gjykojme njeri tjetrin.
Pershendetje

[Agim Doçi]

FIORI - JE SHUME E MIRE DHE E SAKTE. TE PERQAFOJ FORT.
BRARI - TE KAM MIK, POR TE LUTEM MOS ME KEQKUPTO, POEZIA E DIKEAFJATORES ASHTE E PERKRYER. MUA ME KISH MARRE MALLI TA LEXOJA DHE TEK TRE STROFAT E MIJA SHKROVA SHPEJT E SHPEJT...MEGJITHSE BRENDA TYRE KA DHIMBJE KA FILOZOFI TE MIRËFILLTE.

DIKEAFAJTORE - MEQENSE ME KE SHKRUAR (ME SHAKA) DHE ME KE QUAJTUR GUZHINIER FJALESH, PO TE PERGJIGJEM ME VARGJE, ASHTU SI E SHOH UNE ME VEND PERGJIGJEN.

ANTIFANTAZMAT....

NËSE HODHA DIKU NJA 12 VARGJE
SE KUSH JANE FANTAZMAT PER MUA
ME VJEN KEQ KOLEGE QE ME SHAVE
BILE DHE GUZHINIER FJALESH ME THUA.

MOS HANI JU LUTEM NGA MENYJA IME!
AJO ESHTE E VERTETE E MUND QE TU HELMOJ!
NGA SOFRA E POEZIS KAM MBLEDHUR DY THERRIME
ME TO GJITHE JETEN TIME, PERPIQEM QE TE RROJ...

TANI E DIJNE TE GJITHE SE NJERZIT SHUME I DUA
PAS NENES DHE FEMIJEVE, POETET ADHUROJ!
S'KA GJË SE GUZHINIER, DIKEA ME THOTË MUA
SA KEQ QË VARGUN TIM AJO NUK E KUPTOJ.

TANI MË LËR TË SHPLODHEM KU DERGJEN TË VËRTETËT
ATJE KU NUK KANË FRIKË INÇESTIN POETIK
ATJE KU KANË FLET - HYRJE TË VLEFSHME VEÇ POETËT
ATJE KU BREKËT E VARGUT, NUK MBAJN ASKURR LLASTIK!...

DIKUSH, NË DIKTATURË, USHQEHEJ ME RACION
SE ISHTE REALIZËM QË QELBEJ FRYMË...ENVERI
POETËT FRIKACAKËT QË HANIN ME TALLON
ÇDO MUAJ PYESNIN SHITSIN: - A ERDHI SHOK SHEQERI

KJO PYETJE E MJERUAR QË BËHEJ NË ÇDO MUAJ
"PO VAJI A KA ARDHUR, KAFEJA VALL KUR VJEN...?"
NA BËRI GUZHINIER TË FJALËVE QË I VUAJ...
KUR TREMBESHIM SI LEPUJ DHE LEHNIM SIKUR QEN!...

Agim

[lum lumi]

ËNDËRRA E KEQE E NJË KUZHINIERI

hedh biber dhe harron kripën
në vend vere i hedh uthull
e tundë corbën dhe tundon zemrën
dhe veshtron ashtu përbri
e veshtron plot madheshti
sy e vetull murrëtyer
se si vala vjen e rritet
se si corba vjen e nxihet
se si ëndërra nis e fiket
dhe
orgazma e harruar
as në gjumë s'vjen kalëruar! (lol..)