A duhet qe Ylli Pango te burgoset?

[Edvin83]

Hajde bre mose e bani ate punen te ati "ministri"kaqe te madhe, sa ministri ja kerkon femrave dhe shume prej tyre edhe e mshelin zyren dhe shkojn drejt ne hotele-motele, ky eshte i fundit, e qe besa keti ministri ja kishin ba kurthen!

Me para duhje te futet ne burge ajo femra me grupin e vet qe ja kane ba kuthen se sa ministri qe ja paska kerkue asaj femres qe ju dredhojke perpara, edhe une ja kisha kerkue bile bile eshte e mundshme me ba hore ne mese te zyres ne tavolin!

Perditesohu pak nga lajmet!
Ky nuk ishte kurth, ishte nje kunderpergjigjes qe Ministri i beri kandidates per post ne Ministri. E ke te gazeta shqip.

[goldian]

Me Erdhi Keq Aty Te Opinioni Po Fliste Me Nje Ze Me Ta Kput Shpirtin

[Apollyon]

Burgu eshte i egzagjeruar.. Si cdo mashkull tjeter ai ka tentuar qe ta fuse ne krevat kte vajzen, por jo ta perdhunoje! Ndaj dhe burgu ktu do ishte i tepert! Ok jam dakord qe ka abuzuar me postin qe kishte, po ta themi drejt cdo vajze e zgjuar nuk do kishte vajt ne shtepine e nje beqari ne oren 21.30 .. Aq me pak per te dorezuar nje CV! Ne ate ore vetem nje gje mund te dorezohet, edhe kjo gjeja nuk eshte aspak CV-ja!

Burgu apo sic thone disa qe te vrase veten.. pff jan gjera te egzagjeruara, o burra hajde ta vrasim sepse tentoi te fuste ne krevat nje femer! AI quhet flirtim, jo perdhunim. Ai derisa e ka ftuar ne shtepi ne oren 21.30, dihet qe per dicka e ka ftuar, edhe sigurisht jo per te marre CV.. Mos ta egzagjerojme kot tani, jo te vetvritet jo te hudhet nga pallati apo te burgoset. Pordhe me rigon.

[chino]

..
AKUZA PENALE
Neni 260
Korrupsioni pasiv i funksionarëve të lartë shtetëtor ose i të zgjedhurve vendorë.
Kërkimi ose marrja drejtëpërdrejtë ose tërthorazi i çdo lloj përfitimi të parregullt ose një premtimi të tillë, per vete ose për persona të tjerë, ose pranimi i një oferte a premtimi që vjen nga përfitimi i parregullt nga funksionari i lartë shtetëror ose i zgjedhuri vendor, për të kryer ose mos kryer një veprim që lidhet me detyrën a funksionin e tij, dënohet me burgim nga 4 - 12 vjet dhe me gjobë nga 1 000.000 - 5.000.000 lekë.

Nese kerkesa per seks eshte nje "perfitim" ne kuptim te ketij neni, dhe nese neni poashtu sanksionon tentimin per te arritur kete premtim, atehere Ylli Pango ka kryer nje delikt dhe duhet te denohet. Se a duhet te burgoset, apo a mjafton nje gjobe ne leke, varet nga faktore si perseritja, intenziteti i lendimit e tjera, te cilat nuk i shoh te permbushura. Problem per denimin e Ylli Pangos mund te jete poashtu indemniteti dhe imuniteti i tij si funksionar i larte. Por te cilat mund te pezullohen nga Kuvendi.

[F.Noli]

kjo nuk ishte hera e par e ministrit qe e beri ket pun ,kishte shum denoncime nga shum vajza ,un mendoj se nuk duhet ta gjykojn, mendoj se i mjafton kjo ,ai e ka gjykuar veten ,

[brooklyn2007]

Nuk mund te kerkosh nje njeriu te vrase veten, cfaredo te jete ky njeri. Te tilla gjera monstroze po ndodhin keto dite ne Shqiperi, qe shtyhet nje person te beje vetvrasje pas skandalit qe ndodhi. Ajo qe ndodhi ndodhi. Le te sherbeje si mesim i mire per kedo politikan. Pango u hoq si minister dhe le te hetohet nese ka bere gjera te tjera te paligjshme. Por nuk me pelqen gjithe kjo feste e shoqeruar me zhurmen e mprehjes se thikave per te bere kurban nje njeri qe me siguri s'eshte me i degjeneruari dhe me mekatari ne ate vend. C'te thuash, mjaftoi vetem nje video plot banalitet per te pare e kuptuar natyren kanibaleske te realitetit shqiptar

[chino]

kjo nuk ishte hera e par e ministrit qe e beri ket pun ,kishte shum denoncime nga shum vajza ,un mendoj se nuk duhet ta gjykojn, mendoj se i mjafton kjo ,ai e ka gjykuar veten ,

Po si do t'i "shpjegosh" ti pastaj nje qytetari tjeter qe ka bere krim perse nuk mundet edhe ky thjesht "ta gjykoj vetveten"?

.

[PINK]

Si shkojne shqiptaret nga ekstremi ne ekstrem . Lol

[chino]

Po si do t'i "shpjegosh" ti pastaj nje qytetari tjeter qe ka bere krim perse nuk mundet edhe ky thjesht "ta gjykoj vetveten"?

.

KUSHTETUTA E SHQIPERISE

PARIME TE PERGJITHSHME

Neni 18

1. Të gjithë janë të barabartë përpara ligjit.

[BOKE]

Pango dhe pangoizmi si fenomen zyrtar

Mentor Kikia

Ylli Pango është duke luajtur skenën e fundit, të asaj që ai vetë e cilësoi si telenovelën e tij. Në fakt, bëmat, apo dashuriçkat, e zotit Pango nuk do të duhej të na interesonin ne të tjerëve, por derisa ato lidhen me karrigen e një ministri, atëherë kjo telenovelë duhet të shfaqet në publik. Për ata që e njohin pedagogun e psikologjisë, ato që u shfaqën në ekranin e ‘Top Channel‘ nuk janë asgjë e re dhe e papritur, pasi Pango ka bërë shumë më shumë se kaq. Një përpjekje e tij në TV ‘Klan‘, të enjten në mbrëmje, për t‘u shfajësuar, nuk bëri asgjë tjetër veçse e thelloi skandalin edhe më tej, duke e shpënë edhe në Fakultetin e Shkencave Sociale, ku ai disa vite më parë e kishte "ndihmuar" vajzën për ta futur në shkollë. Studentët dhe pedagogët e këtij fakulteti e dinë shumë mirë se çfarë duhet të paguash te Pango për t‘u futur në shkollë apo për të marrë provimet. Duke e lënë mënjanë faktin se edhe pse ka një konkurs për t‘u futur në shkollë, është dekani Pango ai që vendos do të hysh apo jo, edhe pse ka një konkurs për t‘u futur në punë, sërish është ministri Pango ai që vendos, do të donim ta trajtonim pangoizmin si fenomen në Shqipëri. Themi pangoinzmin, pasi Pango nuk është i vetmi që e bën këtë punë. Absolutisht, në çdo institucion, femrat të paktën vihen përballë presionit për t‘iu nënshtruar epsheve mashkullore të shefave. Në shumë institucione ka femra që i kanë marrë vendet e punës, duke futur në CV edhe paraqitjen e tyre të jashtme, edhe gatishmërinë për të qenë e disponueshme seksualisht, apo siç thoshte Pango, e guximshme për të çarë në jetë. Pango e pagoi dhe do ta paguajë këtë kusur, pasi ai me sa duket e mbushi kupën dhe po paguan hakën edhe të ndonjë studenteje krejt të pafajshme moralisht, që ka qenë e detyruar t‘i nënshtrohet atij për të marrë diplomën.

Ndërsa të gjithë ishin përfshirë në diskutimet rreth skandalit Pango, një kolegia jonë tregoi për një shoqen e saj që ishte në kërkim të një pune, pasi ishte diplomuar për Ekonomi vitin që shkoi. Ndërsa ndiqte njoftimet e gazetave, bie në kontaktet me kërkesën e një kompanie private që kërkonte asistente. Me CV-në në dorë ajo paraqitet, pasi kishte kontaktuar më parë në telefon dhe pronari i kompanisë, që e kishte marrë në pyetje, më shumë se për kurset e kualifikimit dhe gjuhët e huaja, kishte qenë i interesuar nëse vajza kishte apo jo pasaportë, si dhe kishte apo jo pengesa për të udhëtuar jashtë vendit me shefin. Njoftimet për vende pune shpesh shoqërohen edhe me kushtin që kandidatja (çuditërisht kur flitet për sekretare e asistente kërkohen gjithmonë femra) të jetë e pashme, e lirë, pa angazhime dhe e gatshme të udhëtojë jashtë vendit. Me kësi njoftimesh, këta horra nuk kërkojnë të punësojnë nëpunëse në sipërmarrjet e tyre, por dashnore me pagesë.

Pangoizmi si fenomen është i përhapur kudo, në institucione shtetërore, në sipërmarrje private, në universitete, në shkolla e autoshkolla e madje edhe në byrektoret ku vihen njoftime "Kërkohet shitëse në moshë të re". Përtej abuzimit seksual, që është kriminal, ai është i dëmshëm edhe në shumë drejtime të tjera. Së pari, ai është i dënueshëm si shkelje e të drejtave të njeriut, është tregues flagrant i dhunës mbi femrën, të cilës i kërkohet të shesë trupin për të përfituar vendin e punës, apo për të marrë provimin. Kujtojmë se pak vite më parë, një pedagog në Universitetin Elbasanit u rrah publikisht në auditor nga vëllai i një studenteje, vetëm e vetëm se i bënte presion asaj për të pasur raporte intime në këmbim të notës kaluese. Por, Pangoizmi është i dëmshëm edhe për faktin se, falë tij, administrata mbushet jo me nëpunëse të afta e të zonja, por me femra seksi e të paafta. Ashtu siç ka vajza që mbeten jashtë institucioneve, sepse nuk pranojnë t‘u dorëzohen si pre shefave të tyre, ka plot të tjera që nuk e kanë për gjë, që paaftësinë ta kompensojnë me prostituimin modern, në përfitim të vendit të punës apo favoreve të tjera.

Ja pse skandali "Pango" nuk duhet trajtuar thjesht si skandali i Ylli Pangos. Ish-ministri i Kulturës është thjesht përfaqësuesi tipik i kësaj ushtrie maskarenjsh. Duhet të kuptohemi, secili është i lirë të bëjë ç‘të dojë me jetën e tij, qoftë burrë apo grua. Zoti Pango apo kushdo tjetër, zyrtar, biznesmen, artist a çfarëdo qoftë, mund të ketë një harem me femra dhe femrat mund të kenë një harem me meshkuj dhe askush nuk ka pse t‘i paragjykojë. Por kur këto raporte kushtëzohen me të drejtën e punësimit apo një shërbimi çfarëdo, atëherë skandali i Pangos nuk duhet të trajtohet më si një gallatë, me të cilën fshati ynë i madh do të gajaset së qeshuri derisa të dalë skandali tjetër. Të enjten në Kuvend, Jozefina Topalli, më shumë se si Kryetare apo politikane, reagimi plot mllef si grua dhe si nënë, që u trembet këtyre maskarenjve për fatin e vajzës së saj. Ndaj ky rast duhet të shndërrohet në flamur të lëvizjeve ligjore për të denoncuar funksionarët tutorë, kudo që janë. Shteti dhe shoqëria duhet të krijojnë shtratin ligjor dhe infrastrukturën e nevojshme, duke i nxitur viktimat t‘i denoncojnë në mënyrë konspirative dhe publike këto abuzime.

"Shqip"