Bashkim Kopliku: Votoni per te keqen me te vogel, votoni per PS

[palushi]

jo Dita, ajo ashte e djathta qe nenkupton zoti Kopil_iku jo une

une baj thirrje me votu PD, vendin majtas, djathtas apo ne mes gjejani vete

[Brari]

si gjithmon palushi i sakte e interesant..
palush.. sjena duk moti tek folklori.. te oxhaku lisi e zjarri..
pse valle..

[palushi]

per nder veç per kohe ...

po per me i rregullu gjanat nuk asht vone asihere apo jo ??

pershndetje .

[JACK FOLLA]

Nuk kuptoj pse duhet te humbasim kohe me kete idiot, qe merrej me trafikun e skafeve ne Vlore kur ishte Minister i Rendit.
Une jam nga Vlora dhe kam shume fakte rreth trafiqeve qe ka bere Bashkimi.

[Brari]

per mbas votimeve i ke lene faktet me na i tregue o xhak folla?

athere nuk i duhen kujt..

PS pa i pas fakte PD-s i thote me kohe "faktet"..

[DYDRINAS]

Turpi ynë para NATO-s

» Dërguar më: 04/04/2009 - 13:38

Bashkim Kopliku

Shqipëria u pranua në NATO (North Atlantic Treaty Organization). Pranimi ynë në këtë organizatë të mbrojtjes së vërtet është një nder i madh që i bëjnë popullit tonë vendet mike, ata të NATO-s. E pritëm këtë ditë me gëzim të madh, por ama të përzier me turp. Turpi ynë para NATO-s, është se po përfaqësohemi me kryeministrin Sali Berisha. Sa turp që nuk ka një protestë shqiptare mbarëpopullore, për të rrenën e madhe: “në NATO na paska futur Sali Berisha!”. Çdo njeri normal duhet ta ndjejë veten jo vetëm të turpëruar, por dhe të fyer rëndë, sepse propaganda berishiste po e trajton si budalla, që pranon një rrenë e hipokrizi të tillë.
* * *
“Sali Berisha na futi në NATO”, po përsëritet me nga dhjetë herë në ditë në të gjitha vendet e Shqipërisë, dhe nga të gjitha mediet. Po e përsërit këtë, jo vetëm Ai vetë, jo vetëm pjesëtarët e klanit berishist, por edhe shumë të tjerë që desh i dogji, dhe ata personalisht, zjarri që shkaktoi Ai, kryetari i vendit, kur bëri që të digjet Shqipëria që ai e kryesonte, në 1997-n.
Turp atyre që vajtën e iu ribashkuan berishizmit në 2005, e që kishin kontribuar një kohë, në 1997-n, që kryetari i kohës, Sali Berisha, të mos mund ta bënte Shqipërinë fare copa- copa. Kjo pjesëmarrje e tyre në këtë orkestrimin “Berisha na futi në NATO”, është një nga shërbimet e pështira të sotme, për të cilat ata u shpërblyen me postet në qeverisje, pranë tenderave miliona eurosh e ryshfeteve të majme; apo me mbyllje të dosjeve të shkeljeve ligjore që normalisht do t’i shpinin në burg.
E ata, të rikthyerit e 2005-s, i dinë faktet shumë më mirë se shumë të tjerë, sepse kanë qenë aty kur u rrënua shteti, nën udhëheqjen e Atij. Ata e dinë fare mirë se populli i mashtruar nga piramidat financiare u tërbua kundër krijuesit të atyre piramidave, kundër Atij, kryetarit të vendit. E Ai këmbëngulte që mos ta lëshonte se mos ta lëshonte pushtetin, ani se për këtë, përqark tij digjej Shqipëria e vriteshin shqiptarë.
Ishin vendet e NATO–s që na shpëtuan jetën dhe pasurinë tonë, në vitin 1997. Për turpin tonë, nuk ishim ne vetë, por ishin të huajt që erdhën e vunë rregull në shtëpinë tonë. Shqipërinë e shpëtuan nga shkatërrimi total, policët e ushtarët e vendeve të NATO-s, të atyre vendeve që u bënë atëherë armiket e Atij, kryetarit tonë të shtetit.
Edhe një vit më pas, në 1998, po Ai kryesoi puçin kundër shtetit, duke keqpërdorur si “dash beteje” arkivolin me trupin e dëshmorit të demokracisë Azem Hajdari. Ishin po vendet e NATO-s që e bënë terbjet kryetarin e puçit, Sali Berishën: “mos luaj me demokracinë se të ..., - e kërcënuan, - e ai u struk e ndenji sus, e Shqipëria prapë u shpëtua”.
* * *
Ajo që Ai propagandon sot, është hipokrizia më e madhe e shekullit - “që nga pavarësia, viti 1912 e këtej”, duke përdorur zhargonin e tij. Ka guximin të mëtojë se shpejtoi futjen e Shqipërisë në NATO, pikërisht shkaktari kryesor i futjes sonë me kaq vonesë.
Po na rreshton pa pushim “rrugët e tija, reformat e tija etj”, siç na rreshtonte Enver Hoxha sukseset “e planeve të tija pesëvjeçare, me hidrocentrale, miniera, rrugë, pallate, kanale ujitëse e kulluese, me tufëzimet e blegtorisë, me zbatimin e komunizmit etj”. Llafe pa fund kur populli ishte në mjerim. Po, ka ecur Shqipëria përpara, edhe në këto 4 vitet e Saliut, siç kishte ecur përpara, dhe në ato 45 vitet e Enverit.
Ajo që nuk shqyrtohet për turp nga ne, as në rastin e të parit, e as në rastin e të dytit, është se me ç’shpejtësi ka ecur Shqipëria me ata, pra si do të kishte ecur pa ata: ata a e frenuan apo e shtynë përpara Shqipërinë, në ecjen e saj sipas kohës. Nëse Shqipëria nuk do të kishte 50 vjet komunizëm, por demokraci perëndimore, në 1991 ajo nuk do të kishte qenë disa fish më keq se p.sh. Greqia. Kjo prapambetje relative, ishte pasojë e “udhëheqësit tonë legjendar, Enver Hoxhës”, e frenimit të bërë nga ai.
Edhe sot, në 2009-n, dihet se nëse Shqipëria do të kishte bërë zgjedhje të parakohshme kur u kontestuan zgjedhjet e vitit 1996, apo kur u përmbysën piramidat financiare në fillim të 1997, tani ne do të kishim vite që do të kishim qenë anëtarë të NATO-s, por edhe anëtarë të BE-së: kjo vonesë është si pasojë e “Skënderbeut të sotëm, Sali Berishës”, e babëzisë së tij për pushtet, e frenimit që ai i bëri Shqipërisë.
Por ama, për të dy, si për Enverin e si për Saliun, e sidomos për të dytin, është turp që i lejuam, e bile këtë të dytin edhe e ricikluam në pushtet tani, në vitin 2005.
Është turp që ne shqiptarët e sotëm ngrihemi vetëm kur nuk kemi fare ç’të hamë, apo kur na grabitet pasuria individuale, por nuk lëvizim vendit kur na merret liria, apo kur na grabitet pasuria e përbashkët.
Të gjithë i dinë të vërtetat, por shumica po heshtin, për një copë punë në shtet, për frikën e taksidarit që u vjen tek dera e biznesit, për një kompensim burgu apo për një pronë të marrë para radhe etj. etj. Por aman, së paku të mos bëhemi pjesë e maskaradës, mos të bëhemi pjesë e mashtrimit “Ai na paska futur në NATO”.
* * *
Megjithatë, anëtarët e NATO-s janë treguar shumë zemërgjerë me ne: na futën në gjirin e tyre, megjithëse për turpin tonë, mbajmë akoma në krye këtë kryeministër. Nuk mund ta zgjasnin më duke pritur që ne shqiptarët të vinim krejtësisht në vete: të vetëm, ne mund të shkonim dhe më keq. Ata po respektojnë përpjekjet tona për të ecur para drejt perëndimit, përpjekjet e një populli të cenuar edhe në karakter, nga komunizmi 50 vjeçar, e prandaj po na pranojnë, edhe me Berishën në krye.
Na pranuan edhe sepse mendojnë se do të ecim më lehtë e më shpejt, duke qenë brenda NATO-s, sesa duke qenë jashtë saj, të vetëm, në duart e mafies politike berishiste, të babëzitur për pushtet e për para.
Me gëzim, por dhe gjithë turp e trishtim, falënderojmë NATO-n që na pranoi, por të shohim a do të dimë të reagojmë si duhet. Ka ardhur koha që dhe ne të bëjmë minimumin për vendin tonë: pas disa muajsh janë zgjedhjet e 28 qershorit 2009.

gazeta shqiptare

[Brari]

kopliki qenka terbuar fare me pranimin ne nato te shqiperise qe qeveriset nga berisha..

po na merret liria thote.. nga saliu..

mirpo cfar lirije do jet kjo qe po i merret koplikut qe cdo dite shkruan nga nje gjysem metro me urrejtje e shpifje ne gsh te anilbashmalltezo albe bollinos ..( te dekoruarit nga topthi bamir) se edvinit te nexhit.. kunder berishes ne kto 10 vjet..

??

[DYDRINAS]

Gracka me “sukseset” e qeverisë

» Dërguar më: 14/05/2009 - 15:00

Bashkim Kopliku

Në debatet televizive, shumë nga “propagandistët e opozitës” (të PS, LSI, Polit etj.) po e hanë karremin e propagandë berishiste me grafikë e tabela “suksesesh”: sillen vetëm e vetëm rreth atyre çështjeve që propaganda qeveritare i rreshton si suksese të saj. Bile, fatkeqësisht, edhe kundërshtimi i atyre “sukseseve të qeverisë” nuk bëhet racional. Këtu është dhe suksesi i vërtetë i grackës: dëgjuesit, edhe nga ata që e paragjykojnë qeverinë se ia fut kot, kur dëgjojnë ato lloj kundërshtimesh të opozitës, ka rrezik të fillojnë të besojnë gënjeshtrat e qeverisë. Prandaj, duhet që kundërshtimet e propagandës berishiste të jenë të sakta, por dhe pa humbur kohë shumë me to: të kursehet koha për goditjen e shumë e shumë fajeve e mosarritjeve të regjimit të Sali Berishës. Koha në dispozicion për të sqaruar zgjedhësit, nuk është pa kufi, saqë të shpërdorohet, apo mos të përdoret me racionalitet.

RRITJA NOMINALE DHE AJO REALE E PAGËS

Po e konkretizojmë sa thamë, me grackën me “rritjen e pagave dyfish”, që makina propagandistike e Berishës po e përsërit me dhjetëra herë në ditë. Ka të vërteta në sa mëtohet nga qeveria—po mos të kishte të vërteta, ajo gënjeshtër nuk do të hahej nga shumë njerëz. Por, shumë opozitarë propagandistë, thjesht kundërshtojnë çdo rritje pagash. Ata vuajnë që të korrin brohoritjet e fansave, e militantëve të tyre, që kur dalin nga debatet televizive, u thonë: “ah, sa mirë ia bërë atij të Berishës”. E pra, nuk ka asnjë përfitim nga kjo përkrahje nga militantët e tu. Mençuria, por dhe e mira e Shqipërisë, është të sqarosh, të tërheqësh për të votuar për ty, ata që nuk janë militantët e tu, por që janë njerëz të gënjyer nga propaganda berishiste.
E vërteta me “rritjen e pagave” të punonjësve shtetërorë, do saktësuar me “laps në dorë”. Vërtet që shumë pagat e punonjësve të shtetit, janë rritur nominalisht, bile edhe dy herë. Pra, X funksion e kishte pagën në vitin 2005, e zëmë 220 lekë në muaj, e sot e ka 440 lekë në muaj (po nënkuptojmë lekë në dorë, pra pasi janë mbajtur nga punëdhënësi tatimi mbi të ardhurat dhe sigurimet). Në vijim disa shpjegime e saktësime.
Saktësimi i parë duhet bërë duke marrë parasysh rritjen e çmimeve. Për të vlerësuar këtë, përdoret një parametër ekonomik që quhet koeficient i inflacionit (apo koeficienti i mallrave të konsumit, “consumer price index”). P.sh. koeficienti i inflacionit 3% në vitin 2007, do të thotë se gjatë vitit 2007 çmimet janë rritur mesatarisht 3%. Më në hollësi: caktohet një shportë mallrash (Shporta), pra një grup mallrash, të cilat ponderohen (përfshihen pjesë nga to) sipas rëndësisë së tyre në blerjet mesatare të popullsisë; në shembullin tonë, Shporta e ka çmimin 3% më të lartë në fund, sesa në fillim të vitit 2007.
Koeficienti i inflacionit nga 2005 deri në 2009, është afërsisht 12%. Për rastin e rritjes nominale dy herë të pagës, i bie që rritja reale (rritja e fuqisë blerëse) të jetë vetëm 76%, apo vetëm 76 lekë në çdo 100 lekë, dhe jo 100 lekë siç e kuptojnë shumë vetë nga mënyra mashtruese sesi jua servir shifrat qeveria. (Qejflinjtë e llogaritjeve mund të llogarisin vetë raportin e pagës reale sot, me pagën para 4 vjetësh: kështu, nëse 100 lekë page në vitin 2005, u bënë 200 lekë në vitin 2009, i bie se me këto 200 lekët tani blihen aq gjëra (nga Shporta) sa ç’ janë blerë në vitin 2005 me 176 lekë (ulje me 12%, sepse janë rritur çmimet me 12%). Pra, paga reale sot është 176 lekë, dhe jo 200 lekë.
Në shumë vende, por dhe tek ne, përdoren edhe koeficiente inflacioni të tjerë, të veçantë, jo si ai i mësipërmi, i cili futë në Shportë mallra sipas konsumit mesatar të të gjithë popullsisë. Këta koeficientet e veçantë theksojnë më shumë disa mallra që pasqyrojnë konsumin e disa grupeve të veçanta të popullsisë. P.sh. mallrat ushqimore janë mallrat që zënë pjesën më të madhe të shpenzimeve të familjeve me të ardhura të ulëta, ku hyjnë shumica e shqiptarëve, rreth 80% e tyre. E ky koeficient i veçantë i inflacionit, thuhet se është nja 30% për vitet nga 2005 në 2009. Si rezultat, jo të pasurve paga u është rritur vetëm 40%, apo 40 lekë në çdo 100 lekë, e jo 100 lekë.

Nuk janë rritur pagat e sektorit privat

Qeveria është fokusuar në rritjen e pagës së punonjësve të shtetit, sepse këtë e ka “të lehtë” ta bëjë: nga paratë që na merr secilit prej nesh shqiptarëve (me taksat, tatimet, borxhet etj.), i kalon një pjesë të madhe tek punonjësit e shtetit. E bën rritjen e pagës së tyre, pa pyetur për pasojat që u vijnë shumicë, atyre që nuk punojnë në shtet: të vetëpunësuarve apo të punësuarve tek privatët. Shumicës nuk ka ç’u bën tani, sepse ka katër vjet që qeveria ka vepruar keq.
Por, qeveria mashtron se gjoja u ka rritur pagat pjesës më të varfër të jo të punësuarve në shtet. Gjoja këtë e ka arritur nëpërmjet rritjes së “pagës dysheme”, apo pagës minimale të caktuar me detyrim ligjor. Por, paga minimale nuk është se ka atë influencë që besojnë të majtët, e natyrisht dhe qeveria jonë e majtë, që quan veten të djathtë.
Paga minimale nuk siguron të varfrit, por shpesh bën të kundërtën: ose rrit koston ekonomike, sepse detyron biznesin të mashtrojë; ose krijon papunësi për të varfrit, sepse shumë biznese detyrohen të mbyllen. Nuk do të ndalojmë në teoritë ekonomike, por vetëm në rezultatet në praktikën shqiptare. Shumë biznese nuk u paguajnë dot punonjësve pagën minimale, kështu që për të mbijetuar, detyrohen të bëjnë mashtrimin që vijon. U paguajnë punonjëseve p.sh. nga 17 mijë lekë nëpërmjet bankës, dhe pastaj u thonë të kthejnë në dorë tek pronari, një pjesë të parave që tërhoqën në bankë, p.sh. 5 mijë lekë. Nëse biznesi nuk do të mashtronte, pra do të zbatonte ligjin, do të mbyllej fare, dhe punonjësit do të humbnin fare pagën, edhe ata 12 mijë lekë që marrin neto në mënyrën që shpjeguam.
Pagat e punonjësve jo shtetërorë, nga llogaritjet tona dalin se jo vetëm nuk janë rritur si vlerë reale, por bile janë ulur. Nuk mund t’i rrisë ato paga kryeministri, sepse rritja reale e pagave është rezultat kompleks i zhvillimit të vendit, të ekonomisë, dhe jo i mashtrimeve elektorale.

A duheshin rritur kështu pagat?

Pyetjes “a duhet që qeveria t’i rriste kështu pagat e punonjësve të shtetit”, nuk i është përgjigjur njeri “nga tanët”, në mënyrë racionale. Por. kundra kësaj “rritje pagash”, kemi dëgjuar ata që përzuri qeveria, ata specialistët e nivelit ndërkombëtar të FMN-së (Fondi Monetar Ndërkombëtar). Ata rekomandonin që rritja e pagave të punonjësve shtetërorë nuk duhet të ishte shumë më e madhe se rritja e pagave të punonjësve të tjerë shqiptarë. Ka raporte të koklavitura që përcaktojnë sesa duhet të jenë pagat e një shteti që ka PBB-në (prodhimin e vet) kaq apo aq.
Kriza ekonomike botërore e bën edhe më të rrezikshme situatën, sepse kryeministri ynë e ka lënë bosh arkën e shtetit, duke shpenzuar pa hesap, poshtë e përpjetë, vetëm e vetëm për të treguar se po “bëhet nami me rritje pagash, etj.”, pavarësisht se e gjitha është kallp. Na ngjan me situatën në vitin 1996, me piramidat financiare mashtruese, për të cilat dihet që kryeministri sotëm ishte “mjeshtër”. Dëgjuam se tani para zgjedhjeve po mbush arkën me nja 250 milionë euro të marra borxh me interesa nja 12% në vit, shumë më të larta sesa borxhet që marrin njerëzit e zakonshëm. Këtë borxh do ta merrnim nga FMN-ja, nja 3-4 herë më lirë, nëse nuk do ta kishte përzënë Berisha—edhe në 1996-n i pat përzënë! Nejse, kaq budallenj nuk duken, as kryeministri dhe as ministrat, prandaj dyshojmë se mos ka ndonjë trafik ryshfetesh nën dorë, nga bankat ku kanë marrë borxhin “250 milionësh”, tek ndonjë qeveritar...?!

Propaganda e opozitës të jetë më racionale

Opozitarët duhet që pasi të shpjegojnë të vërtetat për “dyfishimin e pagave” (natyrisht duke bërë saktësime të mëtejshme nga specialistët e opozitës), të pranojnë faktet: rritja e pagave të punonjësve të shtetit, vërtet nuk është 100% (dy-fish), por ama nuk është as zero, pra ka një rritje: me kaq të mbyllet muhabeti me “rritjen e pagave” të punonjësve të shtetit.
Opozita duhet të fokusohet në çështjet e tjera shumë më të rëndësishme, në fajet e gabimet e kësaj qeverisjeje, pra në çështjet që nuk janë në listat e “sukseseve” të qeverisjes. Opozita e ka për detyrë të mbrojë shqiptarët nga shpëlarja e trurit që po u bën propaganda qeveritare, shpëlarje që po jep efekte: sondazhet tregojnë “rritje të votuesve për PD-në”! Opozita nuk duhet të lodhet duke shpjeguar e denoncuar fajet e qeverisjes.
E faje e gabime ka plot kjo qeverisje. Këto faje janë që nga mungesa totale e demokracisë në partinë e maxhorancës, PD-në, e deri tek vrasjet në Gërdec, si rezultat i babëzisë për fitim të qeveritarëve; keqpërdorimi i burimeve kombëtare si ajri, ambienti etj. me gjithfarë termocentralesh me qymyr apo me atom; klientelizmi galopant në punësimet në shtet, ku në çdo zyrë e vend pune ke miqtë e kushërinjtë e këtij apo atij; tek korrupsioni, vendosja e hajdutëve të njohur në poste të larta, por edhe vjedhja e përditshme e në sy të të gjithëve; shpërndarja e pasurisë shtetërore për blerje votash (si legalizimet pothuaj falas, leje ndërtimi antiligjore në plazhe e kudo); moskokëçarja për problemet tona kombëtare si çështja e çamëve e të tjera faje pa fund që u duhen bërë të qarta shqiptarëve.
Tek çdo njeri në botë, shpresojmë se edhe tek ne shqiptarët, depërton në kokë më thellë e qëndron dhe më gjatë, logjikja, racionalja, dhe jo llafet, jo ulërimat nga ekranet e televizioneve tona, saqë thua sesi ka mundësi që ky apo ai të jetë ministër, apo zëvendësministër, apo personalitet i kësaj apo asaj partie.


gazeta shqiptare

[Brari]

po le ti bejme pak analize koplikut..

kopliku duhet te jete rekrutuar heret nga sigurimi..
ndoshta qe ne gjimnaz te shkodres..

i jati ka qen mjek i njohur.. ne shkoder e rrethine.. i nderuari bahri kopliku.. ne mos gaboj.. por jo i pare me aq simpati nga ppsh-ja..
kjo ndoshta e ka detyruar koplikun.. i cili ka qene nxenes i mire por dhe shum egoist qe ti trembet ndonje.. "pun biografieje" ne prag te mbarimit te gjimnazit..kur publikoheshin te drejtat e studimit.. dhe ndoshta aty ka gjetur piken dobet operativi i zones..
shkodra duke qene jo aq e besuar si popullate per mendjen e syrin e ppsh-se.. eshte veshguar me shum mjeshteeri nga ppsh-ja..
pra spiunazhi aty do ket qene shum perfid..
pra sigurimi enverist do ket provuar metodat me te rafinuara e rekrutimit te agjenteve sekret ..
mundet qe tek bashkimi duke pare djalin me shum vullnet per studime e me shum egoizem per te qene i veshur e i mbathur shik.. ti ken vene syrin.. e ta kushtezojne.. do shkolle.. mor djale.. po duhet te na sherbesh..

me von bashkimi gjat studimeve ne tirane.. i qepet nje vajzeje te bukur.. natashes.. bij e nje oficeri madhor e famekeq te sigurimit.. skender konices..
skender konica i njohur per aventurat e tij ne tiran e rrethe ..pra per egersine e dinakerine ndaj elementit "burgjez" e "reaksionar" ben terpjet ne sigurim e me von sic ish zakoni enverist qe sigurimsat inteligjent e te sprovuar kalonin ne diplomaci.. edhe skenderi punon dekada te tera ne zbulimin e jashtem pra si spiun me xhaket diplomati..

ishte nje grup diplomato-sigurimsash te regjur te regjimit enverist.. qe shtepite i kishin o brenda ne bllok o diku ne brinje te bllokut..
mes tyre kte privilegj e kish dhe Skender Konica vjehrri i mvonshem i bashkimit ton kopilo-ik.. sikurse ish sigurimsi e diplomati Nesti Nase etj etj..
keshtu pra bashkimi ( tashme inxhinier elektrik) me biografi jo aq te besushme benet dhender tek koloneli i sigurimit e diplomati skender Konica..
Skender Konica kishte dhe miqesi me beqir ballukne..
e nje dizaj kur bie nga fiku i ngrati beqir.. nje nga besniket me fanatike te enver hoxhes.. bie dhe skenderi i mjere..
beqiri vete ne pushkatim e skender Konica per mos vigjilence vete ne internim..
bie ne hall bashkim kopliku..
ta ndaj Natashen e mire e te bukur.. ( pra te bijen e skenderit konic) per te mos demtuar biografine.. apo ta mbaj e te rrezikoje ..

ajo koh ka qen e tmerrshme..
dike e lehtesonte ndarja kur burri i dilte armik i partise.. apo vellai apo familja e te shoqes.. mirpo ne fakt ishte ai..i madhi far..pra enveri.. qe vendoste se..i pi uj dikujt ndarja apo jo..
pra bashkimi nuk e ndan gruan..pra natashen.. a u be kjo me sugjerim nga lart a ishte kjo nje burreri e bashkimit ajo mbetet mister..
mirpo ne popull u morr si akt burreror qe bashkimi koplik nuk e ndau gruan edhe se babai i gruas vate nga blloku 50 metra larg shpis se enverit.. drejt e ne gulaget ne internim..
pra bashkimi nuk e ndau gruan por dhe partia nuk e hoqi nga puna si inxhinier ne nje ndermarrje me emer sikurse UEM-durres..
eshte pikerisht kjo ngjarje qe e beri me fame bashkim koplikun.. pra mileti mendoj se ai u tregua burre nuk e ndau gruan.. e pikerisht per kete "akt burreror" ai gezoj nje simpati ne qytetaret durrsak po dhe ne Tirane.. e kjo ishte dhe arsyeja qe u pa me simpati nga celulat e reja te PD-se qe kte inxhinier qe di dhe gjermanisht.. ta sugjerojne si kandidat per deputet nga ana e PD-se..
Ne fakt bashkimi nuk u hodh qe ne fillim me PD-ne..
Ai priti te kullohen caze ujrat e pastaj te shkoje atje ku do ta caktonte.. "shefi sekret"..

Sic duket Shefi sekret pra ndonje ruc a ramiz a zylyftar..do ti ket dhene leje.. hidhu ne Pd e mba vesh.. e rri gati ne pritje te porosive..

ketu ne forum kam postuar kujtme te mitro celes..

nje nga pikat me nteresante te kujtimeve te tije eshte situata para dhjetoriste..
ai pershkruan gjendjen ne radhet e nomenklatures..
ai hyn e del ne koridoret e poshtme te KQ-se meqe punonte si gaztar ne ZP i rubrikave ekonomike..
Kjo e kish bere te njohur me shum komiteto qendrorista.. e pikerisht ne ditet e dhjetorit ai eshe deshmitar dhe i situates ne komitet qendror ..
nje dit thot me therret te pim kafe thot nje sekretar i pare rrethi.. nga keta te brezit te mesem..
upu upu thot ai ne mirbesim.. e di cna ka thene Ramizi sot tha..
na thirri tha te gjithve ne sekretaret e pare e na tha.. shkoni te gjithe ne baze..pra ne qytetet tuaja e merrni listat e gjith agjentures nga dega e brendeshme e merrni takime sekrete me ata tha e jepuni urdher te futen te gjithe ne PD..

kush nuk perton le ta gjeje ne forum .. mitron e celes..
Kjo eshte nje nga mrekullite me interesante qe kam lexuar..
Pra Ramizi e mbushi PD-ne me spiune..

Mundet qe nje nga keta sepse perkon koha kur bashkimi paraqitet ne PD me momentin qe tregon Mitrua ine qe tani thon u martua..lol..
Thon qe u martua me nje grua te mire sikurse kengetarja LIbohova.. i urojme ciftit Lumturi..

nejse..

pra bashkimi koplik ka qene shum kohe nen trysnira jo te lehta.. e kjo shpjegon dhe sjelljet e tij e metamorfozen e karakterit te tije..

mirpo nuk eshte vetem bashkimi ketu..
dhe ish i vjehrri..pra sigurimso diplomati Skenderr qe u intenua ne zonen gulagore te Belshit ne elbasan.. mbas "shparTALLIMIT TE GRUPIT ARMIQESOR TE BEQO BALLUKUT".. nuku ka qene fort rehat atje ne gulag..

Ne belsh aso kohe kishte shum, "armiq" te partise te internuar.. duke filluar nga bedri spahiu e deri tek armiqte me te rinj te partise..pra grupet puciste beqir ballukoiste..
Ne belsh skenderi e shqetson shpesh qendren.. me raportime..
ai i bente kto raportime me qejf a me urdher.. ate nuk e dime..
mirpo ka nje fakt.. qe shum nga te internuarit politik te Belshit nuk e tregojne si burr me karakter te ngratin skender..
puna vete der aty sa nje dizaj Hekuran isaj.. aso kohe minister i brendeshem.. niset ne elbasan e bile thon mu ne belsh dhe e therret skenderin e thone qe i ka thene pak a shum keshtu..
na cave menderen me kto spiunlliqet..boll me se sta kemi ngene..

Pra ish vjehrri bashkimit merrej me spiunlliqe ne favor te Enverit kunder armiqve te tjere te partis ne gulaget Belsh-ore..

nejse..
pra bashkimi do ket ngrene patjater ndonje lug corbe te ndenjur..dhe..
edvini .. mjeshtri i madh qe do na behet kryeminister... jo me kot e mban prane gramozin ruc.. kolektorin e fundit te spiunazhit enverist.. pra te atij deti informativo agjenturor qe trashegoj ministria e brendeshme nga gjithe epokat.. e qe don te thote se pikerisht rucit ne fund ..ramizi do ja kete dorzuar Celsat e arkivit ..te agjentures..
Pra Ruci di shume e i di sakte e ja u a ka te gjithve letrat.. pra atyre qe kan ngrene ndonje here apo shum here lug corbash te prishura..
Pra me an te rucit..edvini mban nen zinxhirit e frikes nga demaskimi krejt agjenturen enveriste te 50 e ca viteve..
prandaj ai qe ka rucin ka Partine ne dore..ka agjenturen .. pra ka anteresine e ka fijet e gjithcka..

Bashkimi koplik si duket nuk iken dot nga ganxhat e rucit te edvinit..prandaj dhe.. ka marre porosine te bilbilose cdo dite ne gazeten e Rucit GSH.. kunder armikut nr 1 te PPSH-se e te rucit e te ramiz ali-xhuvanit.. e te kristaq nexhmije rames.. e te agjentures enveriste.. pra kunder Sali berishes..

pra un e konsideroj bashkimin.. gjynah..
dhe nuk eshte vetem bashkimi..
nje dizaj ketu postuam dokumente te nje gjyqit..e pikerisht te gjyqit kunder dy shkrimtareve jeros e luarasit..
aty dilte emri i gjyshes se ben blushit si gjykatese a ndihmes gjykatese ne ate gjyq.. pra gruaja e nje kryetari historik e lidhjes se shkrimtareve thirrej te gjykonte e denonte me burgje e gulage artise e shkrimtare..
pra metodat staliniste kan bere kerdine.. pra mo u cudisni me te ngraten socialiste-partine e me dobicet e saje te pafund.. duke perfshire dhe ushtrine e gazetareve e gazetareshave.. te llojit albo malltez e anil basho bylmez.. apo te erion velive brace gjiriz minjve.. e topo chanellinjve..


mua me dhimbset ai njeri..
i dua njerzit ta gezojne lirine..
mjer kush ka rene ne rrjetat e enverizmes.. nuk e shijon dot lirine edhe se mund ta shijojne benxerine armano-rine e tave karkalecerine..
mirpo te gjitha skan lezet pa AJRIN e LIRE.. pa lirin e vertete..

Prandaj ta votojme dhe njihere PD-ne per hir te clirimit dhe te ketyre mijra njerzve per te cilet aludon dhe mitrua..

un kur lexoj forumistet..i kuptoj..kush jan te lire e kush .. te zene baberisht mama-risht e gjysherisht nga rrjetat e merimanges enveriste ramizoiste rucoiste gjinushiste miloiste..

clirohuni miq e mikesha..shpetoni nje her e mire..

brari do ju ndihmoje..

lol..

[Duaje Siveten]

tabloja biografi-sinoptike e mesiperme eshte "selektive" ne ekstrem, si per çdo "karrige-thier", "ikanak", "çimka-mbartes", e te tjere te flamosur mos-pajtues me udheheqjen sigurim-puniste te PD me shokun salis ne krye.

recetat bari-falliste jane te demoduara nashti, duhet te gjesh ndonje recete me efekt-berese, sigurisht, absolutisht, dosmosdoshmerisht ... ne bodrumet e komitetit central ...

falemnderit per ndihmen e ofruar ... kalit te trojes nuk ka nevoje ti shihen dhembet plot helm ...