"Skandali Pango": Gjykata denon "Top Channel" me 450,00 euro

[INFINITY©]

Gazetaria investigative nuk mund ti atriboje vetes te drejtat dhe detyrimet e policise.Filip Cakuli nuk eshte as prokuror dhe as gjykates qe ti jape te drejte vetes qe te pergjoje njerez me mikrofona dhe tu fuse kamerat neper shtepi.
Ne bote ndodh problemi me paparacet.Por e di se nese nje paparac hyn ne teritorin e shtepise se "viktimes" se tij, nuk e ka te garantuar jeten? Prandaj ata hipin neper peme apo shtylla telefoni,por asnjehere nuk hyjne neper banesa.Fiksi mund ta filmonte Pangon ne zyre dhe ta degjeneronte fare,por jo ne shtepi private.
Faktikisht Pango nuk i kerkoi sex asja vajzes ne kembim te vendit te punes,por ajo vajza i ofroi joshjen ne kembim te punes.Keshtu e shpjegoi gjykata kete rast.

Une nuk e di nese Shqiperia ka ndonje ligj per kete gje, megjithate kjo ndodh kudo ne bote me gazeta dhe gazetar te cilet merren pikerisht me kete pune. Shume gazetar perpiqen pikerisht per ate breaking news qe ta sjellin te parin te shikuesi apo lexuesi dhe te bejne emer. Politikanet zakonisht jane "viktimat" e tyre te preferuara sepse dihet qe dhe lajmi do beje me teper buje, ratings te kanalit televiziv apo gazetes do ngrihen qe do te thote me teper fame dhe leke. Jam e sigurte qe dhe TOP-i prandaj e ben kete se nuk ju prish puna se ca ben Pango. Nqs do ju prishej puna, ata thjesht mund ta conin ate video ne prokurori ku kjo gje mund te investigohej me tej, megjithate ose TOP-i nuk i beson drejtesise shqiptare, ose thjesht eshte ajo tjetra per te cilen shkrova me lart.

[ChuChu]

sa e shpifur ajo video... si plak pusht. yuck, me te vjell te te kape pangoja.

[Mau_kiko]

Hallall Pangos qe fitoi gjygjin, dhe i jap te drejte madje.

450 mije euro.. shume pak u ka marre...

[DebatikasI]

Pango mire e kishte se nuk kishte lidhje me postin ajo skena qe i krijoi Tch ne shtepine e vet.

[_AuLoNa_]

Emisioni "Fiks Fare" do të transmetojë sot sërish denoncimin dhe argumentat per abuzimin me detyrën të ish-ministrit të Turizmit, Kulturës, Rinise dhe Sporteve, Ylli Pango, duke iu pergjigjur pikë për pikë vendimit të gjyqtarit Agim Bendo dhe ku duket qartë njëanshmeria e vendimit.

Por per gjyqtarin ne fjale ka edhe argumenta te tjere te gjyqesorit. Gjykata e Larte ka dy vendime te Agim Bendos, duke mos i kursyer kritikat ne adrese te gjyqtarit te Shkallës së Parë.

Njeri nga vendimet e kolegjeve civile ka padites shtetasin Gjergji Kotorri, i cili kishte paditur Drejtorine e Doganave per demshperblim page nje vjetore per shkak te nderprerjes se punes pa shkaqe te arsyeshme. Qytetari i larguar nga puna pasi eshte ankuar ne Komisionin e Sherbimit Civil i eshte drejtuar Gjykates se Tiranes per padi shkaktim demi.

Por cuditerisht sipas Gjykates se Larte gjyqtari Agim Bendo shpall moskompetencen e gjykimit dhe dergimin e ceshtjes ne seksionin e mosmarrveshjeve administrative. Kolegji Civil i Gjykates se Larte, i cili mori me pas per shqyrtim ceshtjen e refuzuar nga gjyqtari, shprehet konkretisht per kete vendim te Agim Bendos.

"Vendimi i gjykates se rrethit gjyqesor Tirane numer 11145, date 6.10.2008 eshte marre ne zbatim te gabuar te ligjit dhe per rrjedhoje duhet te prishet dhe ceshtja t'i dergohet prane po asaj gjykate per vazhdimin e gjykimit.Kolegji Civil i Gjykates se Larte konstaton se argumentat e perdorura nga gjykata ne vendimin e saj nuk qendrojne. Ky kolegj cmon gjithashtu se vendimi eshte marre ne kundershtim me nenin 181 te Kodit te Procedures Civile, sipas te cilit gjykata duhet te organizoje punen qe gjykimi te perfundoje nga i njejti trup gjykues", thuhet në dokument.

Duke vijuar argumentimin e saj per kete vendim te Agim Bendos, Gjykata e Larte vijon me tej duke u shprehur se ky vendim i tij cenon parimin per nje proces te rregullt, efektiv, te shpejte, brenda nje afati te arsyeshem, pasi behet shkak per zvarritje te procesit gjyqesor ne dem te interesave te paleve ne proces, duke cenuar nene te kodit procedures civile dhe duke shkelur te drejtat e njeriut.

Nderkaq nje tjeter vendim ne fushen civile hedh dyshime te forta mbi vendimet e gjyqtarit Agim Bendo. Kolegji ka qene i kryesuar nga ish kryetari i Gjykates se Larte te asaj kohe, Thimio Kondi. Objekti i padise civile ka qene kthim shume nepermjet dy paleve, per 9 milione e 500 mije leke te futura me interes tek firma piramidale "Sude". Pasi parashtron ecurine e ketij gjyqi civil, Gjykata e Larte thote: "Nuk ka ndonje shenim ne dosje se si kjo ceshtje i ka kaluar per gjykim Agim Bendos, i cili ka bere shenim te verifikohet a ka process penal tek F. Petku per kete ceshtje, njoftohet sekretaria se ceshtja pezullohet".

Pikerisht sipas Gjykates se Larte ketu nis edhe shkelja, pasi ceshtja nuk duhet te kishte vazhduar me tej.

"Gjyqtari Agim Bendo me gjithe shenimin e mesiperm per pezullimin e ceshtjes civile, nuk e ka vene ne diskutim kete problem dhe e ka kaluar ceshtjen per gjykim dhe ka vazhduar gjykimin deri ne marrje vendimi", thuhet në dokument.

Gjykata e Larte shprehet se tek kjo ceshtje gjyqtari Agim Bendo nuk ka marre ne konsiderate disa korrigjime te bera me stilolaps ne objektin e padise. Gjykata e Larte shprehet se ne kete dosje civile jane bashkuar edhe fotokopje te pavertetuara me origjinalin qe favorizojne ne menyre te njeanshme njeren pale. Prandaj dhe gjykata shprehet konkretisht per keto shkelje.

"Ne dosjen gjyqsore duhet te perfshihen vetem ato dokumente qe kane vleren e proves, domethënë qe jane pranuar procedurialisht te konsiderohen sit e tilla, duke u marre e administruar me formen e parashikuar nga ligji", thuhet në dokument.

Ne perfundim Gjykata e Larte e rrezon edhe kete vendim te Agim Bendos si nje vendim te marre ne keqzbatim te ligjit dhe duke lejuar shkeljet e renda te rregullave proceduriale si edhe sikurse thekson gjykata, shkelje te tjera me ndikim ne zgjidhjen e ceshtjes.

[_AuLoNa_]

Aulona,policia vishet si te doje te beje investigime,por mer leje nga gjykata nese hyn ne nje banese per te filmuar,apo kontrolluar me perjashtim rastet e kapjes ne flagrance.
Ajo shoqja qe Fiksi kishte paguar per tu zene mat me Pangon,shkoi me deshiren e saj tek Pango dhe Fiksi nuk lajmeroi policine per "rezikun" qe i kanosej vajzes,por e regjistroi te gjithe skenen.
Ketu askush nuk mbron moralin e Pangos,sepse ja pame moralin.Ketu vihet ne pikepyetje arbitreti i medias ne lidhje me te drejtat e qytetarit.Nuk mund te thuash qe edhe pse shkelen te drejtat,perseri ne denoncojme nje fenomen te pa drejte.Fenomenet negative investigohen dhe denoncohen vetem me mjete ligjore.Kjo eshte praktike boterore.Nese del jashte ketyre kornizave ligjore,atehere hajduti theret kapeni hajdutin.
Se fundmi shikojme se Top Media i eshte sulur gjyqtarit te ceshtjes.Pse po e ben kete? Thjesht per presion ndaj gjyqtareve te shkalleve me te larta,sepse edhe ata i kane "cenet" e tyre .
Po sikur te beje edhe ndonje tjeter nje emision investigativ sesi u ngrit "perandoria" e Top Medias, qe nga trafiku i "miellit te bardhe" dhe "Lori Caffes" e deri tek shantazhet qe Fiksi u ben viktimave te tij, tek zhdukja e asaj vajzes nga Vlora,tek kartat e Digitalbit qe i shet gjithmone e me shtrenjte,duke genjyer klientet me ofertat? Po te bejme nje ivestigim sesa taksa paguan Top Media per punonjesit e saj?Per sigurimet shoqerore te pa paguara qe arijne disa qindra milione leke? Per reklamat e pa kontrolluara ?
Eshte e gjate lista,te gjata jane edhe mekatet e Top Medias.

Se dija se paskam mungese llogjike , ka te tjere lexues se e gjykojne dhe shohin argumentet ..

Gazetari investigative nuk eshte te fuse nje kamer ne krevat , te paguaje nje femer te bukur te provokoje dhe ne fund ta quaje skandal seksi ..

Top -channel po sulmon gjykaten nga pakenaqsia e vendimit .. Media nuk mund te hedhe hije dhe balte mbi sistemin e drejtesise se ajo humbi gjyqin .. Sulmi eshte hakmarrje dhe i jep me shume te drejte gjykatesit per vendimin e tij

TCh ne asnje menyre te mos mendoje se eshte e paprekshme dhe qe mund te sulmoje ke te doje per interesat e saj ..

Prape po ngul kembe ne dicka qe eshte e praktikuar ne gjithe gazetarine investigatore te botes perendimore! Sa per llogjikimin, une jam nje nga lexueset dhe replikueset, keshtu qe me bie e drejta qe te shikoj ku ve llogjike ne teme dhe ku jo! Ne nje teme tjeter mund te mos e perdor une tamam llogjiken apo analizmin e duhur, nuk ka njeri perfekt me dituri absolute!

[INFINITY©]

Emisioni "Fiks Fare" do të transmetojë sot sërish denoncimin dhe argumentat per abuzimin me detyrën të ish-ministrit të Turizmit, Kulturës, Rinise dhe Sporteve, Ylli Pango, duke iu pergjigjur pikë për pikë vendimit të gjyqtarit Agim Bendo dhe ku duket qartë njëanshmeria e vendimit.

Nuk e di ne fakt se si FIKS FARE do ta transmetoje serish kete gje se me duket pjese e vendimit nga Bendo ne mos gaboj ishte qe TCH mos te transmetonte me gje ne lidhje me Pangon. Gjykata e larte ka rrezuar vendime te tjera te Bendos, por ky vendimi qe ka te bej me Pangon eshte akoma ne fuqi.

[_AuLoNa_]

Cipa: Privatësia e Pangos s’është cënuar

Gazetari Aleksandër Cipa ka deklaruar lidhur me skandalin me ish-ministrin Ylli Pango, se jeta private e këtij personi nuk është cënuar.

Duke folur në emisionin “Shqip” në Top Channel, Cipa është shprehur se denoncimi i këtij skandali përbën një fitore për gazetarinë investigative.

“Jeta e këtij personi nuk është cënuar. Në dëgjimet audio ai tha se shtëpia ishte pjesë e institutit të tij. Denoncimi përmes infiltrimit të një reportereje është një fitore për mediat”, ka pohuar Cipa.

Ngjela: Ndaj Pangos, jo shkelje e privatësisë

Politikani dhe avokati Spartak Ngjela ka deklaruar në emisionin “Shqip” në Top Channel se në denoncimin e “Fiks Fare” kundër ish-ministrit Ylli Pango nuk ka shkelje të privatësisë, por kemi të bëjmë me gazetari investigative.

“Nuk ka jetë private sepse ata nuk kishin lidhje dashurie me njeri-tjetrin. Këtu kemi të bëjmë më një gazetari investigative. Atje ka një jetë private të rrezikuar dhe ajo është e gazetares e cila ka qenë në rrezik. Por ajo ka marrë përsipër riskun për të treguar diçka”, deklaroi Ngjela.

“Gjykatat janë në gjendje të rëndë në Shqipëri dhe janë të sulmuara nga të dyja kahjet e korrupsionit i cili ka një aspekt moral dhe një aspekt material. I pari kur jepet urdhër nga lartë për t’u bërë ndonjë favor”, është shprehur Ngjela.

“Vendimi kundër Fiksit nuk ka goditur Fiksin, por gjykatat”, shtoi Ngjela.

Skandali, Basha: Pango i shumëpërfolur

Drejtorja e “Gazeta Shqiptare”, gazetarja Anila Basha ka deklaruar se skandali seksual me ish-ministrin Ylli Pango nuk përbën një risi.

Duke folur në emisionin “Shqip” në Top Channel, Basha ka theksuar se Pango është përfolur për kërkesat e tij për favore seksuale që kur ka qenë pedagog.

“Ne kemi pasur shumë ankesa nga studentë për Ylli Pangon kur ka qenë profesor. Në shumë forume pas skandalit viheshin re shkrime që thoshin “sa mirë ia bënë””, ka deklaruar Basha.

Sipas saj, gjoba që gjykata e Tiranës i vendosi Top Channel është një tentativë për të intimiduar gazetarinë investigative.

Për më tepër, ka theksuar gazetarja, një funksionar publik nuk mund të pretendojë se ka një jetë private.

“Gjoba është një intimidim dhe nuk mund të thotë as Ylli Pango dhe asnjë funksionar tjetër, se ka një jetë private. Ai nuk e ka atë. Ne në gazetën tonë kemi suplementin “Blue Tooth”. Ne mund t’i kapim politikanët në momente të ndryshme dhe sulmohemi përse i shkruajmë në gazetë”, ka shtuar Basha.

Shkurti: “Fiks Fare” denoncoi korrupsionin

Kryeredaktori i emisionit “Fiks Fare”, Armir Shkurti ka deklaruar se zbulimi i skandalit seksual me ish-ministrin Ylli Pango ka ardhur si pasojë e një investigimi standart.

Duke folur në emisionin “Shqip” në Top Channel, Shkurti ka saktësuar se ndërhyrja e emisionit “Fiks Fare” u bë pas denoncimit të një vajze që kërkonte punë në Ministrinë e Kulturës.

“Historia është që një person i drejtohet ministrit për të filluar punë dhe i është kërkuar favor seksual. Pas kësaj u dërgua gazetarja, e cila u rekomandua që të mos provokojë”, ka deklaruar Shkurti.

Sipas tij, ky nuk është vetëm një skandal seksual, por një skandal që tregon praninë e korrupsionit në qeveri.

“Ky nuk është skandal seksual. Imagjinoni për një cast sikur vajza të kishte qenë një burrë që do kishte dërguar në zyrën e ministrit 100 mijë euro. Ajo vajzë shkoi për punë tek një ministër, i cili e ftoi në shtëpi. Ky ministër është një rast korrupsioni, nuk është një skandal seksi. Seksi ishte monedha”, ka nënvizuar Shkurti.

Ai ka shtuar më tej se “Fiks Fare” është një emision investigativ dhe depërton jo vetëm tek ministrat, por tek të gjithë funksionarët që abuzojnë me detyrën.

“Tek cdo funksionar për të cilin ne kemi indicje se ka probleme, “Fiks Fare” shkon. Në rast se do të jetë një ministër tjetër, “Fiksi” do ta ndjekë”, ka shtuar Shkurti.

[_AuLoNa_]

Nuk e di ne fakt se si FIKS FARE do ta transmetoje serish kete gje se me duket pjese e vendimit nga Bendo ne mos gaboj ishte qe TCH mos te transmetonte me gje ne lidhje me Pangon. Gjykata e larte ka rrezuar vendime te tjera te Bendos, por ky vendimi qe ka te bej me Pangon eshte akoma ne fuqi.

Siduket do t'ja transmetoje Gjykates se Larte!

[INFINITY©]

Siduket do t'ja transmetoje Gjykates se Larte!

Oh ok, thashe mos do e transmetonte TCH per shikuesit neper shtepira ta shikonin perseri.