"Skandali Pango": Gjykata denon "Top Channel" me 450,00 euro

**eldushka** · 14-07-2010, 05:04

Postuar më parë nga Albo

Cilin "ligj" te Republikes se Shqiperise shkeli ish-ministri Pango ne skandalin ne fjale? Ne videon qe une kam sjelle me lart, ministri eshte treguar shume i perpikte ne pritjen e vajzes ne zyre gjate orarit zyrtar. Ashtu sic i ka bere asaj te ditur ne telefon qe te paraqitet te nesermen ne mengjes ne zyre, ishte insistimi i vajzes, i shtyre nga tutoret e Top Channel qe kerkoi ti shkonte jo ne zyre por ne shtepi jashte orarit zyrtar te punes.

Pergjigju pyetjes me lart, cilin ligj ka shkelur ish-ministri qe meriton te hetohet e gjykohet? Une nuk shoh asnje shkelje.

Aspekti penal qofte ekzistues ose jo nuk influencon aspak ne padine edhe vendimin e marre ne dem te TCH. Nuk jane vepra qe ekzistojne kumulative, por jane te mevetesishme, rrjedhimisht qe as e shqyrtoj kete si aspekt. Eshte e njejta gje sikur te ndodhe qe nje person x shkon e vjedh tek shtepia e y nje shume parashe. Nese ato para jane te vjedhura nga y, kjo nuk do te thote se x nuk denohet per ate veper. Pra ne vendimin e marre ne dem te TCH nuk ka perse luan rol aspak fakti nese eshte e denueshme apo jo vepra e kryer nga Pango. Madje tani qe po kujtohem, nuk e kuptoj se perse kjo eshte shtjelluar ne vendim.

Postuar më parë nga Albo

Fjale e skena te marra jashte nje konteksti, quhen "montim" ose "montazh" mediatik. Ish-ministri ka siguruar video te xhiruara nga vete Top Channel te prapaskenave te Filip Cakullit (tutorit) dhe vajzes qe e perdori si karem. Shikoji nese nuk i ke pare dhe pastaj insisto mbi pafajesine e vajzes apo motivet e Top Channel.

http://www.youtube.com/watch?v=bPnyURQZW-U

Te me ndjesh qe nuk e pashe kete si video, deri ne fund, sepse pervec tekstit me gabime drejtshkrimore e plotesimit te imazhit se kush fshihet pas zerit te vajzes, nuk perfitova ndonje detaj te rendesishem qe per mendimin tim ka te beje apo luan rol per vendimmarrjen, por gjithsesi e kam pare nje here me pare.
Montimi i bere nuk eshte ndonje gje e jashtezakonshme, sepse eshte pjese e punes se nje gazetari. Ata kane prere pjeset ne interes te kazusit ne fjale. Fakti qe kane prere pjese nga xhirimi i plote nuk perben faj. Se qe te ekzistoje juridikisht si veper e denueshme manipulimi apo fyerja duhen plotesuar totalisht te tjera kushte.

Shpifja ne Kodin Penal shqiptar parashikohet sipas nenit 120 ku ne paragrafin 1 thuhet:

Perhapja e qellimshme e thenieve, si dhe cdo informacion tjeter qe dihet se jane te rreme, qe cenojne nderin dhe dinjitetin e personit perben nje kundervajtje penale dhe denohet me gjobe ose me burgim gjer ne nje vit.

Me thuaj te lutem se cfare eshte e rreme ne transmetimin e bere? Fakti se kush eshte ajo femra? Edhe ne qofte ashtu, kjo nuk perben ndryshim e as luan rol per vepren. Ajo cfare eshte e rendesishme eshte se fjalet e thena nga Pango nuk jane as te manipuluara, as te rreme. Vertetesia e fjaleve eshte e pamohueshme, rrjedhimisht nuk ekziston kjo si veper juridikisht.

Per sa i perket motiveve, ato jane te diskutueshme, por perseri qe te nevojitet nje motiv, duhet pasur me pare nje veper juridikisht e denueshme. Motivi ndihmon ne gjykimin e personit te duhur, por nuk perben pjese tek kushtet qe duhen plotesuar. Pra e thene disi me qarte, kushdo qofte motivi edhe ne mos ekzistofte nje i tille, serish kjo gje nuk luan rol ne denimin per nje veper penalisht. Pra eshte totalisht i panevojshem ekzistenca e tij.

A po, vajza nuk ploteson asnje aspekt per t'u pare qofte dhe si bashkefajtore ne veper.

Postuar më parë nga Besoja

Duhen njohur e pranuar vendimet e gjykatave?
Le që ne kundërshtojmë edhe ligjet...edhe duam demokraci!!!

Natyrisht qe jo. Vendimnjohja ekziston qe ne momentin qe ajo gjykate e ndermerr edhe resht se ekzistuari kur nje gjykate e cila eshte juridikisht e plotfuqishme per rishqyrtim e hedh poshte duke dhene nje vendim te ri.

**Noellag** · 21-09-2011, 07:19

Sipas Top channel:

Gjykata e Apelit ka rrëzuar vendimin e Gjykatës se Shkallës së Parë Tiranë të shpallur gati një vit më parë nga gjyqtari Agim Bendo, i cili penalizoi Top Channel me gjobën 400 mijë euro pas transmetimit të investigimit të emisionit 'Fiks Fare' ndaj ish-deputetit dhe ish-ministrit Ylli Pango që kërkonte favore seksuale në shkëmbim të vendeve të punës në ministri.

Ky vendim u dha nga treshja gjykuese me relatore te ceshtjes gjyqtaren Flutura Skenderi dhe anetare te trupit gjyqesor, Ilir Toska dhe Astrit Kalaja. Gjyqtarja Flutura Skenderi deklaroi ne shpallje te vendimit se ky vendim, qe i perket 2010 rrezohet dhe ceshtja ridergohet serish Gjykatës së Tiranës për rigjykim më një tjetër trupë gjyqësore.

Ky vendim do te thote se duke qene se ne procesin e pare gjyqsor ne te cilin Bendo gjobiti Top Channel nuk u ndoqen hapat qe duhet te ndiqeshin gjate nje shqyrtimi gjyqesor, tani qe ceshtja rikthehet ajo do t'i nenshtrohet nje hetimi te plote gjyqesor.

Në mars të vitit 2009 emisioni investigativ “Fiks Fare” denoncoi faktin se si nje anetar i Keshillit te Ministrave, asokohe ministri i Turizmit, Kultures, Rinise dhe Sporteve, Ylli Pango abuzoi me detyren e tij.

Permes kamerave te fshehta, “Fiks Fare” tregoi se si ministri tentoi te perfitoje seksualisht nga nje vajze e re qe kerkonte te fillonte pune ne MTKRS.Gjate takimit ne shtepine e anetarit te qeverise, ku e reja duhet te dorezonte dokumentat, ministri Pango tentoi te abuzoje me te.

“Kur femra eshte e guximshme, te gjitha rregullohen. Varet sa guxim ka. Ti mund te hysh tek panairet e turizmit dhe mund te dalesh me roba banjoje. Per kete une kam qejf te shoh ekspozene tende”, deklaroi Pango.

Madje, ministri ka tentuar t’i heqe vajzes edhe kemishen qe kishte veshur, pavaresisht kundershtimeve te saj. “Ti do ta heqesh per te tjere, si te mos e heqesh per mua? Po nuk u mesove me mua i bie qe...”, ishin disa nga fjalet e tjera te Pangos.Ne kembim te favoreve seksuale, ministri i ka premtuar vendin e punes vajzes. “Ti do te jesh prane meje ne panaire dhe do te kesh rroge te mire”, eshte shprehur Pango.

Menjehere pas transmetimit te skandalit, kryeministri shkarkoi Pangon nga detyra dhe po ashtu vendimi u dekretua shume shpejt nga presidenti. Lidhur me kete ngjarje reaguan politikane te majte e te djathte, gazetare, perfaqesues te shoqerise civile, madje jehona u percoll edhe ne mediat e huaja.

------------------------------------------------------------------------------------------------------

Padia u gjykua nga gjyqtari Agim Bendo.

Gjykata e Tiranes kishte vendosur gjobitjen e televizionit kombetar Top-Channel, per videon e cilesuar si skandal seksual te dhene ndaj ish-Ministrit te Kultures, Ylli Pango. Pas nje maratone te gjate gjyqesore, gjyqtari Agim Bendo, vendosi denimin e televizionit me nje shume prej 400 mije euro gjobe. Ne te njejten kohe, gjykata u shpreh se nuk duhet te transmetohen me video te tilla, qe cenojne jeten e tjetrit. Sipas vendimit te gjykates, gazetaret nuk kane te drejte te futen ne shtepine e asnje individi, qofte ky edhe minister, duke i shkelur jeten private. Gjate vendimit, gjyqtari Bendo u shpreh se ndaj Pangos jane shkelur te gjitha te drejtat, kur e kane cenuar pas shfaqjes se imazheve private te filmuara ne shtepine e tij. Kjo video, tha gjykata ne vendimin e djeshem, eshte e paligjshme dhe ne keto kushte nuk duhej te shfaqej publikisht. Po ashtu gjykata vendosi qe nuk duhet te publikohet nga ky televizioni asnje video, debat, interviste, apo koment per ish-ministrin. Gjate seances se djeshme nuk ishte i pranishem asnje prej paleve, por vetem mbrojtesit e zgjedhur prej tyre. Padia e Pangos mbante numrin 2669 dhe u regjistrua ne Gjykaten e Shkalles se Pare ne 24 shtator te vitit 2009, me baze ligjore padi shkaktim-demi. Ne objektin e saj, ish-ministri kerkonte “deklarimin e pales se paditur, pergjegjese per shkaktim demi ndaj personit, si rezultat i publikimit te te dhenave te pasakta, jo te verteta dhe te perfituara ne menyre te paligjshme. Detyrimin e pales se paditur te mos publikoje ne te ardhmen artikuj, intervista apo komente ndaj pales paditese, te cilat ne menyre direkt apo indirekte te mund te demtojne personin e tij. Detyrimin e pales se paditur te paguaje shperblimin per demin e shkaktuar ne vleren 1 milion eurove.” Trupi gjykues i perbere nga kryetari Agim Bendo, dhe anetaret Majlinda Doga e Bledar Abdullai, duke u bazuar ne nenet 8 dhe 10 te Konventes Europiane te te Drejtave te Njeriut, ne Kushtetuten e Shqiperise dhe ne dispozitat e legjislacionit vendas, vendosen te shpallin fajtor televizionin Top Channel qe publikoi materialin e pavertete, e per pasoje kerkoi prej tij, qe te demshperbleje ish –ministrin me 400 mije euro. Ngjarja per te cilen ish-ministri paditi ne Gjykaten e Faktit televizionin Top-Channel, kishte si zanafille te saj transmetimin e nje video me daten 4 mars te vitit te kaluar, ku Pango filmohej ne banesen e tij, duke i kerkuar favore seksuale nje vajze te re, e cila kishte aplikuar per nje vend pune ne Ministrine e Kultures Rinise dhe sporteve. Pas transmetimit te kesaj video, Pango u shkarkua nga detyra. 400 Mije Euro eshte gjoba qe duhet te paguaje televizioni Top-Channel ndaj ish-ministrit Ylli Pango, per video e cilesuar si skandali seksual, me nje vajze te re, e cila kishte kerkuar pune ne dikasterin e tij. 1 milion Euro ishte shuma qe Pango kerkonte nga personat e paditur prej tij, si dhe mos publikimin ne te ardhmen artikuj intervista apo komente ndaj pales paditese, te cilat ne menyre direkt apo indirekte te mund te demtojne personin e tij. Padia Padia ne ngarkim te televizionit Top-Channel u depozitua ne Gjykaten e Tiranes me 24 shtator te vitit te kaluar, ku ish-ministri e akuzonte palen e paditur per “shkaktim demi”.

**landi45** · 21-09-2011, 07:38

po pse mo

saliu thote paguajeni hajt jepni leket

**Noellag** · 21-09-2011, 08:28

Kronologjia e sulmeve te Top chanel kunder drejtesise

Trishtimi i Pangos, 400 mijë euro

Gjyqtari Agim Bendo ka penalizuar gazetarinë investigative duke marrë në mbrojtje një nga rastet më flagrante të abuzimit me detyrën në administratën shtetërore, të dënuar në unison publikisht si nga opinioni dhe nga krerët më të lartë të shtetit dhe të politikës.

Gjyqtari Agim Bendo ka dhënë vendimin kundër emisionit Fiks Fare, duke i dhënë të drejtë padisë së ish ministrit Ylli Pango edhe pse nuk vërtetohet në asnjë moment se emisioni ka shkelur ligjin. Per nje ore rresht gjykatesi Bendo lexoi vendimin per ceshtjen “Pango”, duke penalizuar ne menyre absurde me 400 mije euro gjobe televizionin Top Channel dhe duke e cilesuar si shkelje te te drejtave te njeriut, te privatesise dhe demtimin emocional te ish ministrit Ylli Pango, skandalin qe denoncoi emisioni Fiks Fare, me shume se nje vit me pare.

Gjyqtari Bendo iu referua ne vendimin kryesisht pretendimeve te pales paditese, duke nenvizuar ne argumentim se, ish ministrit Ylli Pango i ishte shkaktuar tronditje shpirterore, ankth, trishtim, pervecse demtim moral i figures se ministrit dhe profesorit, sikurse e nenvizoi gjykatesi.

Pavaresisht profilit investigativ te emisionit Fiks Fare, gjykatesi Agim Bendo shkoi me tej dhe paragjykoi filmimet, qe sipas tij duhet te ishin marre ne dijenine e Ylli Pangos, sepse ai shfaqet ne keto filmime ne caste private. “Filmimet jane bere pa dijenine e tij. Ai shfaqet ne caste private ne shtepine tij me pizhame”, tha Bendo nder te tjera.

Ne cilesimin si fajtor te TCH, gjykatesi iu referua zotit Pango si individ, ndersa kur saktesoi masen e demshperblimit qe TCH duhet t’i paguaje Pangos, ne menyre absurde iu referua pervojes akademike te Pangos, profilit politik dhe postit te ministrit. Agim Bendo tha se pamjet filmike te transmetuara ishin pasoje e insistimeve te vazhdueshme dhe provokimeve te TCH.

Ne fakt, vendimi i gjykates perben nje rast te paprecedent kur pavaresisht se opinioni publik denoi veprimet e zotit Pango, duke e cilesuar si nje abuzim te paster me detyren, ndersa nje gjyqtar denon denoncuesin e ketij skandali. Pamjet filmike detyruan kryeministrin Berisha qe menjehere pas emisionit Fiks Fare te shkarkonte per kater minuta ministrin e atehershem te Turizmit, Kultures, Rinise dhe Sporteve, ndersa shkarkimi i tij ne Parlament u miratua pa asnje vote kunder dhe pa asnje abstenim.

Vetem dy here te tjera Kuvendi ka marre vendime ne unanimitet, ne rastin e votimit per Kosoven dhe ate per NATO-n. Madje, ne kohen kur skandali shpertheu, zera autoritare si ai i kryetares se Kuvendit, Jozefina Topalli nuk nguruan ta denojne me force veprimet e zotit Pango. Pas ketij vendimi, duke menduar se nje gjyqtar si Agim Bendo nuk perfaqeson drejtesine shqiptare, Top Channel do ti drejtohet Gjykates se Apelit per te vene ne vend drejtesine, e cila, ne shkallen e pare te gjyqesorit, ne nje rast po aq flagrant dhe te paprecedent sa ai i zotit Pango, rreshtohet ne krah te abuzimit me detyren te nje zyrtari te larte te qeverise.
===========

20.6.2010
Agim Bendo çensuron Prokurorine

Peshorja, e cila ndodhet në ambjentet e brendshme të Këshillit të Lartë të Drejtësisë është simboli i drejtësisë që do të thotë se një gjykatës është i paanshëm dhe i drejtë vetëm atëhere kur peshon qëndrimet e të dyja palëve në proçes.

Por duke ju referuar vetëm qëndrimit të Ylli Pangos në shpalljen e vendimit të tij, gjykatësi Agim Bendo, jo vetëm që ka marrë si argumenta të vendimit të gjithë pretëndimet e njërës palë, pa u hequr as edhe një presje, ka keqinterpretuar në mënyrë të njëanshme edhe vendimin e pushimit të hetimeve ndaj Ylli Pangos nga Prokuroria e Tiranës.

Pas publikimit të pamjeve filmike, ku ish-ministri i Turizmit, Kulturës, Rinisë dhe Sporteve, Ylli Pango shfaqej duke abuzuar me detyrën, prokuroria arsyetonte se filmimet audio e vizive nuk mund të konsideroheshin perove e mirëfillte ligjore pasi ato ishin kryer pa autorizimin e autoriteteve shtetërore, prandaj dhe vetëm prandaj ato nuk janë konsideruar provë proçeduriale për hapjen e çështjes penale ndaj ish-ministrit.

Por kjo nuk do të thotë se ish-ministri nuk ka abuzuar me detyrën, por vetëm se prokuroria nuk mund të nisë hetime me prova që janë marrë nga një investigim gazetaresk.

Gjithësesi, gjyqtari Agim Bendo ka marrë për justifikim të vendimit të tij vetëm pjesët që ai preferonte të lexonte nga ky vendim i prokurorisë.

Gjatë shpalljes së vendimit gjyqtari, Agim Bendo harroi ta lexojë më tej shkresën e prokurorisë e cila, sikurse nuk nis hetimin ndaj zotit Pango, nuk akuzon as gazetarët të kenë shkelur ndonjë nen të legjislacionit në fuqi.
Meqë gjyqtari Agim Bendo harroi ta lexojë të plotë vendimin e prokurorise, gjysma tjetër që ai i fshehu proçesit dhe publikut vijon si më poshtë:

Situata e regjistruar duket qartë se është një situatë jo në kushte normale, por një situatë gazetareske, ku një emision i një televizioni nën pretendimin në funksion të transparancës për publikun ka bërë të mundur të regjistrojë me gazetarët e vet bisedat e ish-ministrit. Kështu nuk mund të shërbejë kurrsesi si provë për të ngritur një akuzë konkrete, në raport me veprimet e gazetares A.B.

Gjatë leximit të pjesshëm të vendimit të prokurorise. gjyqtari Bendo nuk mori parasysh se vetë prokuroria e cilëson në vendim filmimet si një investigim gazetaresk në shërbim të transparencës për publikun dhe në asnjë rast nuk përmend shkeljen e privacisë së individit të thjeshtë.

Një vendim gjykate nuk intepretohet juridikisht, por duke u nisur nga fakti se gjyqtari Agim Bendo nuk argumentoi, por interpretoi në mënyrë të njëanshme një vendim të prokurorise, ne si media jemi të detyruar ta japim atë të plotë që gjithsecili të ketë njohuritë dhe faktet për të gjykuar vetë, vendimin e Agim Bendos.
=============

19/06/2010 15:35
“Hakmarrja” e Agim Bendos?
Gjyqtari Agim Bendo ka patur konflikt interesi me emisionin ‘Fiks Fare’ dhe si i tille ai duhet të kishte dhënë dorëheqjen nga gjykimi cështjes 'Pango'.

Dhe nuk do të ishte ky rasti i parë, pasi janë me dhjetëra gjyqtaret që kanë hequr dorë nga proceset gjyqësore që u kanë rënë për gjykim menjëherë sapo kanë konstatuar konflikte të ngjashme interesi.

Disa vite me pare emisioni ‘Fiks Fare’, gjate trajtimit te nje teme mbi fajdet, ne nje leter te Shemsie Kadries, permend edhe emrin e nje personi te quajtur Agim Bendo.
Menjehere pas emisionit, gjyqtari reagoi fort permes nje letre drejtuar emisionit ‘Fiks Fare’, qe te pergenjeshtrohej ky fakt, dhe te behej saktesimi se emri Agim Bendo nuk i perkiste gjyqtarit te Gjykates se Tiranes. E duke qene se gjyqtari kerkoi me ngulm saktesimin, ‘Fiks Fare’ ne ate kohe reagoi.

Kjo perplasje ne drejtesi konsiderohet precedent dhe konflikt interesi, konflikt te cilin gjyqtari e permend ne rastin Pango, por sic duket ka harruar ta shohe ne rastin e tij.

Dhe, nje konflikt i tille, ne jo pak raste ndikon edhe ne gjykimin e ceshtjeve sic eshte kjo mes ‘Fiksit’ dhe zotit Pango. Ne pozicionin e juristit Spartak Braho shprehet se te pakten moralisht Agim Bendo duhet te jepte doreheqjen nga gjykimi.

“Nëse ka konflikt interesi kjo është një cështje proceduriale gjyqësore; nga pikëpamja morale po të isha unë në vend të tij do të hiqja dorë”, thotë Braho.

Vete Agim Bendo ka dhene doreheqjen nga gjykimi, ne procesin ku Agim Shehu kerkonte rikthimin e gradave tre vjet me pare, pasi ne vitin 1998 gjykata e Tiranes qe drejtohej ne ate kohe po nga Agim Bendo kishte dhene nje vendim qe ia kishte hequr gradat gjeneralit. Gjyqtarja Zina Sollaku refuzoi te ishte pjese e trupes gjyqesore kur nje 'showgirl' paditi Prokurorine e Krimeve te Renda per publikim te filmimeve, duke u shprehur se ne ate kohe bashkeshorti i saj Theodhori Sollaku ishte Prokuror i Pergjithshem e per rrjedhim edhe drejtues i Prokurorise se Krimeve te Renda dhe ajo kishte konflikt interesi.

Te tjere gjyqtare qe kane dhene doreheqjen per konflikt interesi jane Kreshnik Omari per ceshtjen Gerdeci, Fatos Qato per ceshtjen e Mero Bazes dhe po keshtu edhe per te njejten ceshtje serish Zina Sollaku pasi ajo kishte nje ceshtje te pazgjidhur ne Gjykaten e Shkalles se Pare me Bazen.
================

24/06/2010 15:10

Akuzohet Agim Bendo
Ana Preka jeton prej 17 vjetesh në Greqi dhe përplasja e parë e saj me gjyqësorin ka qenë kur ish-administratori i bizneseve të saj në Tiranë i shiti një shtetasi pa patur të drejtën juridike të njohur nga shoqëria “Albania Interlines” rreth 18 mije metra katrorë toke, pronë të saj, dhe që ndodhet në periferi të kryeqytetit.

Ndersa prokuroria nisi hetimet dhe dergoi ne gjykaten e Tiranes dosjen penale per akuzen e “vjedhjes duke shperdoruar detyren” ndaj ish- administratorit Kristodhulu Filopulus, ajo pretendon se paralelisht celi edhe nje padi civile per te kerkuar pavlefshmerine e kontrates se shitjes se tokes.

Dhe gjyqtare ne procesin civil qelluan te ishin Agim Bendo, Fida Osmani, gjyqtarja qe lexoi peticionin te merkuren pasdite dhe Kace Agolli, firmetare e tij. Kjo treshe gjyqtaresh rrezoi kerkesen e pales paditese me argumentimin se administratori kishte te drejte te kryente shitje prone.

“Kur te gjitha ishin te pastra se administratoti yne i meparshem kishte bere vjedhje te hapur, e sqarova gjyqtarin qe ishte bere revokim prokure dhe qe administratori nuk kishte të drejte për shitjen. Përgjigja e tij ishte: Kush paguan, fiton”. Që herën e parë të njohjes tendencat e tij dukeshin. Me beri pershtypje se jashte vendit seancat jane ndryshe, respekti e te gjitha jane ndryshe, ndersa kur shkuam në zyrën e këtij gjyqtari ai po priste thonjtë”, thotë Preka.

Menjehere pas ketij vendimi Ana Preka u ankua ne disa institucione.

“I kam cuar letër ministrit të atëhershëm të Drejtësisë Enkelejd Alibeaj, i shkrova leter kryeministrit por nuk kam marrë asnjë përgjigje”, u shpreh Preka.

Aktualisht ne gjykaten penale te Tiranes gjyqtari Gerti Hoxha po vazhdon gjyqin per akuzen e vjedhjes duke shperdoruar detyren ndaj Kristodhulos Filopulos, per te cilin ky gjykates ka derguar drejt Greqise edhe nje leterporosi qe autoritetet vendase t’i komunikojne faktin se eshte i pandehur per shitjen e tokes pa te drejte, perfitimet financiare prej te ciles as nuk i ka derdhur ne arken e kompanise.
=================

Bendo, dëm shtetit 71 milionë lekë
Tërhequr më 20 Qershor 2011

Të tre gjyqtarët që i dhanë pafajësinë ish-ministrit Pango, duke cënuar rëndë gazetarinë investigative në Shqipëri, rezultojnë të kenë probleme gjatë ushtrimit të profesionit të tyre si edhe gjykime të dyshimta.

Agim Bendo, siç shkruan edhe gazeta “Shqip”, në aktivitetin e tij si gjyqtar ka marrë masën “vërejtje” nga KLD-ja në vitin 2000. Inspektorati gjatë kontrollit vërejti shkelje në proçedurat e ndjekura nga Bendo, dhe mori masën e vërejtjes.

Bendo më herët rrezikonte të merrte një tjetër dënim nga KLD-ja, për vendimin e dhënë ndaj ish-kryeministrit Nano me tetë vjet burg, pasi ky i fundit mori pafajësinë, dhe e njejta gjykatë shpjegoi se vendimi i dhënë prej tij kishte të meta të theksuara ligjore.

Zoti Nano u shpall i pafajshëm më pas dhe përfitoi plot 71 milionë lekë nga shtetit shqiptar, dëmshperblim për vitet e burgut, para nga taksapaguesit shqiptarë dhe një dëm që atyre ua ka shkaktuar, mes të tjerëve, gjyqtari Agim Bendo.

Pas pafajësisë së marrë nga zoti Nano, gjyqtari Bendo nuk mori masë disiplinore për faktin se vetë kryeministri publikisht deklaroi se kjo do të konsiderohej si një hakmarrje personale pavarësisht faktit se, Bendo kishte shkelur rëndë ligjin.

Vetë gjyqtari në karrierën e tij gjyqësore ishte përballur me refuzime për ngritje në karrierë nga parlamenti shqiptar. Për nëntë vjet me radhë Bendo ka qënë specialisti juridik i Kuvendit Popullor gjatë viteve të komunizmit.

Vendimet më të kontestueshme të Bendos janë shpallja të pafajshëm të dy mjekëve që akuzoheshin për mjekim të pakujdesshëm me pasojë vdekjen e nje foshnje 16 muajshe. Rrëzimi i padise civile të viktimave të Gërdecit për dëmshpërblim, padi e ngritur nga familja Kodra, që Bendo e cilësoi si padi të metë dhe të paplotë. Nisur edhe nga kjo çështje e fundit, duket se Agim Bendo në vendimet e tij, penalizon gjithmonë viktimat dhe denoncuesit, duke mbrojtur abuzuesit.

Rreth tre vjet më parë, një raport i Ministrisë së Drejtësisë, zbuloi një skandal, sipas së cilit mjekoligjorët dhe gjyqtarët lironin të dënuarit me pretendimin se ishin të sëmurë. Në një nga rastet e publikuara nga ministria në atë kohë, Bledar Abdullai, rezultoi i përfshirë se kishte liruar një të burgosur.

I burgosuri që liroi Abdullai çuditërisht ishte dënuar për “Marrëdhënie seksuale me dhunë me të mitur të moshës 14-18 vjeç” dhe “Rrëmbim personi në rrethana lehtësuese”.

Për Abdullain rezultoi të kishte probleme mendore prandaj e la të lirë. Gjyqtari Abdullai hyri në konflikt për çështje pronësie edhe me një nga komunitetet fetare në Shqipëri, pak muaj më parë. Pak pas gjyqit komuniteti denoncoi çrregullimet ligjore duke deklaruar se gjyqtari Abdullai gaboi rëndë, me dashje, duke vendosur masën për ekzekutim të përkohshëm mbi pasurinë e një komuniteti fetar, i cili e ka atë me çertifikatë pronësie”.

Ndërsa Majlinda Doga, që çuditërisht i ka shpëtuar penalizimeve të KLD-së disa herë, dha vendimin për shitjen e firmës së Fazlliç, për llogari të një firme qipriote. Praktika ligjore e ndjekur për shitjen u denoncua publikisht edhe nga raportet e prokurorisë.
=================

**Noellag** · 21-09-2011, 08:29

vijon......

Mëkatet e gjyqtarëve të Pangos
Publikuar më 20/06/2010

Agim Bendo ka marrë një “vërejtje” nga KLD-ja në vitin 2000, ndërsa Abdullai u procedua nga Ministria e Drejtësisë në vitin 2007

Specialisti juridik i Kuvendit Popullor gjatë viteve të komunizmit, aktualisht gjyqtar në Tiranë, Agim Bendo, ka marrë një “vërejtje” nga Këshilli i Lartë i Drejtësisë gjatë vitit 2000. Kryegjyqtari i “Pangos” njihet gjithashtu edhe si personi që ka futur në burg ish-kryeministrin Fatos Nano, i cili më pas fitoi një dëmshpërblim për burgim të padrejtë në bazë të vendimit të Bendos. Ndërkohë, gjyqtari Bledar Abdullai është proceduar nga Ministria e Drejtësisë në vitin 2007 në skandalin e “lirimit të të dënuarve gjoja të sëmurë”, ndërsa emri i gjyqtares Majlinda Dogga figuronte në dosjen “Fazlliç”, pas një vendimi që ka dhënë për shitjen e firmës “CROWN ACQUISITIONS” te qipriotët.
Agim Bendo

Karriera e zotit Agim Bendo nis që në kohën e komunizmit, ndërsa me kalimin e viteve ka qenë edhe anëtar i KLD-së, si dhe kryetar i Gjykatës së Tiranës. Në vitin 2000, sipas buletineve të Këshillit të Lartë të Drejtësisë, emri i Bendos radhitet me numër rendor 51 për marrje mase disiplinore gjatë ushtrimit të funksionit të gjyqtarit. Mësohet se vërejtja është dhënë për mangësi gjatë ushtrimit të detyrës, ndërsa një “goditje” për Bendon ka qenë pafajësia e ish-kryeministrit Fatos Nano. Ky i fundit është arrestuar më 31 korrik të vitit 1993 dhe qëndroi në qeli deri më 13 mars të vitit 1997. Më 3 prill të vitit 1994, Nano u dënua në Gjykatën e Tiranës prej gjyqtarit Agim Bendo me 12 vjet burg nën akuzën e “vjedhjes në bashkëpunim në favor të personave të tretë” të ndihmave italiane për Shqipërinë. Ndërkohë, rreth vitit 2002, Kolegji Civil i Gjykatës së Lartë vendosi të dëmshpërblejë me 71 milionë lekë Nanon për 4 vitet e burgut, duke rrëzuar në këtë mënyrë vendimin “e fajësisë” së Bendos. Ish-kryeministri ka kaluar në qeli rreth 1462 ditë burg nga të cilat 310 i përkasin kohës së paraburgimit, dhe e gjitha kjo ndodhi pas vendimit të dhënë nga gjyqtari i “Pangos”. “Mëkatet” e zotit Bendo vazhdojnë më tej në të tjera vendime të diskutueshme. Gjykata e Tiranës, ku në Kolegjin Penal ka qenë edhe Bendo, ka shpallur të pafajshëm dy mjekë që akuzoheshin për mjekim të pakujdesshëm me pasojë vdekjen e foshnjës 16 muajsh O.D. Prokuroria e Tiranës kërkoi në gjykatë se mjekët duhet të dënoheshin me burg, ndërsa togat e zeza kanë shpallur pafajësinë e bluzave të bardha. Ndërkohë, në të kaluarën e afërt, gjyqtari Bendo ka rrëzuar edhe një padi civile të viktimave të Gërdecit. Gjykata e Shkallës së Parë në kryeqytet, e kryesuar nga gjyqtari i vetëm, Agim Bendo, vendosi kthimin e padisë civile të familjes Kodra ndaj Ministrisë së Mbrojtjes dhe kompanisë “Albademil” për plotësimin e saj. Mbi bazën e vendimit me nr. akti 14514/3645 që u përket paditësve Sabri, Glodian, Fiqierete, Rajmonda dhe Adnan Kodra, që të gjithë banues në Kamëz, por në momentin e shpërthimit punonin pranë kësaj punishteje demontimi. Shpërthimi i kësaj fabrike, solli dëmtime të ndryshme ndaj pesë paditësve, të cilët i janë drejtuar Gjykatës së Shkallës së Parë me një kërkesë-padi, duke kërkuar “shpërblimin e dëmit pasuror dhe jo pasuror në vlerën prej 17 milionë lekëve të reja”. Ndërkohë, sipas vendimit të gjykatës, kjo padi u duhet kthyer paditësve, pasi është konstatuar se ajo është e metë dhe e paplotë.
Bledar Abdullai

Rreth tre vjet më parë, një raport i Ministrisë së Drejtësisë, zbuloi një skandal, sipas së cilit mjekoligjorët dhe gjyqtarët lironin të dënuarit me pretendimin se ishin të sëmurë. Në një nga rastet e publikuara nga ministria në atë kohë, anëtari i Kolegjit Penal të “Pangos”, Bledar Abdullai, rezultoi i përfshirë se kishte liruar një të burgosur. Gjyqtari u verifikua nga një grup specialistësh të ministrisë, ndërsa emri i tij nuk u dërgua për ndjekje penale. Sipas raportit të ministrisë, Abdullai u verifikua për një rast, ndërsa dosja që ndodhej në raport mbante numrin 7. Një i burgosur me inicialet A.A., ishte dënuar me vendimin nr.327 datë 11. 10. 2002 të Gjykatës së Shkallës së Parë Durrës, për veprën penale të “Marrëdhënie seksuale me dhunë me të mitur të moshës 14-18 vjeç” dhe “Rrëmbim personi në rrethana lehtësuese” me 11 vjet heqje lirie. Me vendimin numër 1439 datë 13. 11. 2006 të Gjykatës së Rrethit Gjyqësor Tiranë është vendosur lirimi i tij, pasi në bazë të aktit të ekspertimit numër 180 datë 08.11.2006 “… i dënuari vuan nga sëmundja çrregullim depresiv madhor kronik me tipare melankonike-me mendime dhe tentativa suicidale”. Këtij personi i mbetej për të vuajtur edhe 7 vjet nga dënimi. Gjyqtari i çështjes që ka dhënë vendimin për të liruar këtë person ka qenë Bledar Abdullai. Ndërkohë, jo më larg se disa muaj më parë, gjyqtari Bledar Abdullai ka hyrë në një konflikt për një çështje pronësie me një nga komunitetet fetare në Shqipëri. Gjyqtari rrëzoi pretendimin e komunitetit, ndërsa ky i fundit doli në një reagim publik. Sipas reagimit, “gjyqtari Abdullai gaboi rëndë, me dashje, duke vendosur masën për ekzekutim të përkohshëm mbi pasurinë e një komuniteti fetar, i cili e ka atë me certifikatë pronësie”. Po duke iu referuar reagimit, “Abdullai ligjëroi arbitraritetin dhe korrupsionin e gjykatës me vendime të tilla haptazi të kundërligjshme, duke i marrë forcërisht pronën pronarit të ligjshëm dhe ia jep në posedim një personi që nuk legjitimohet për shkak se nuk ka asnjë titull pronësie dhe asnjë tagër mbi këtë pasuri”.
Majlinda Dogga

Në dosjen “Fazlliç” rezulton edhe emri i gjyqtares Majlinda Dogga, pasi ajo ka qenë gjyqtarja që ka dhënë vendimin për shitjen e firmës së Fazlliç për llogari të një firme qipriote. Sipas raporteve të mediave më datën 9 korrik 2007, zoti Fazlliç kreu zyrtarisht shitjen e firmës “CROWN ACQUISITIONS” (me vendim gjykate nr. 34011/2, të gjyqtares Majlinda Dogga) për llogari të një firme të regjistruar në Nikosia të Qipros, e cila quhet “ALTARIA RESEARCH LIMITED”. Praktika e ndjekur për shitjen tregon se firma qipriote nuk solli ndonjë përfaqësues të sajin në Shqipëri, por autorizoi me një prokurë të posaçme një tjetër person.
=================

Gjykata e Lart rrzon Bendon
Tërhequr më 21 Qershor 2011

Emisioni ‘Fiks Fare’ do të transmetojë sot sërish denoncimin dhe argumentat per abuzimin me detyrën të ish-ministrit të Turizmit, Kulturës, Rinise dhe Sporteve, Ylli Pango, duke iu pergjigjur pikë për pikë vendimit të gjyqtarit Agim Bendo dhe ku duket qartë njëanshmeria e vendimit.

Por per gjyqtarin ne fjale ka edhe argumenta te tjere te gjyqesorit. Gjykata e Larte ka dy vendime te Agim Bendos, duke mos i kursyer kritikat ne adrese te gjyqtarit te Shkallës së Parë.

Njeri nga vendimet e kolegjeve civile ka padites shtetasin Gjergji Kotorri, i cili kishte paditur Drejtorine e Doganave per demshperblim page nje vjetore per shkak te nderprerjes se punes pa shkaqe te arsyeshme. Qytetari i larguar nga puna pasi eshte ankuar ne Komisionin e Sherbimit Civil i eshte drejtuar Gjykates se Tiranes per padi shkaktim demi.

Por cuditerisht sipas Gjykates se Larte gjyqtari Agim Bendo shpall moskompetencen e gjykimit dhe dergimin e ceshtjes ne seksionin e mosmarrveshjeve administrative. Kolegji Civil i Gjykates se Larte, i cili mori me pas per shqyrtim ceshtjen e refuzuar nga gjyqtari, shprehet konkretisht per kete vendim te Agim Bendos.

“Vendimi i gjykates se rrethit gjyqesor Tirane numer 11145, date 6.10.2008 eshte marre ne zbatim te gabuar te ligjit dhe per rrjedhoje duhet te prishet dhe ceshtja t’i dergohet prane po asaj gjykate per vazhdimin e gjykimit.Kolegji Civil i Gjykates se Larte konstaton se argumentat e perdorura nga gjykata ne vendimin e saj nuk qendrojne. Ky kolegj cmon gjithashtu se vendimi eshte marre ne kundershtim me nenin 181 te Kodit te Procedures Civile, sipas te cilit gjykata duhet te organizoje punen qe gjykimi te perfundoje nga i njejti trup gjykues", thuhet në dokument.

Duke vijuar argumentimin e saj per kete vendim te Agim Bendos, Gjykata e Larte vijon me tej duke u shprehur se ky vendim i tij cenon parimin per nje proces te rregullt, efektiv, te shpejte, brenda nje afati te arsyeshem, pasi behet shkak per zvarritje te procesit gjyqesor ne dem te interesave te paleve ne proces, duke cenuar nene te kodit procedures civile dhe duke shkelur te drejtat e njeriut.

Nderkaq nje tjeter vendim ne fushen civile hedh dyshime te forta mbi vendimet e gjyqtarit Agim Bendo. Kolegji ka qene i kryesuar nga ish kryetari i Gjykates se Larte te asaj kohe, Thimio Kondi. Objekti i padise civile ka qene kthim shume nepermjet dy paleve, per 9 milione e 500 mije leke te futura me interes tek firma piramidale “Sude”. Pasi parashtron ecurine e ketij gjyqi civil, Gjykata e Larte thote: "Nuk ka ndonje shenim ne dosje se si kjo ceshtje i ka kaluar per gjykim Agim Bendos, i cili ka bere shenim te verifikohet a ka process penal tek F. Petku per kete ceshtje, njoftohet sekretaria se ceshtja pezullohet".

Pikerisht sipas Gjykates se Larte ketu nis edhe shkelja, pasi ceshtja nuk duhet te kishte vazhduar me tej.

"Gjyqtari Agim Bendo me gjithe shenimin e mesiperm per pezullimin e ceshtjes civile, nuk e ka vene ne diskutim kete problem dhe e ka kaluar ceshtjen per gjykim dhe ka vazhduar gjykimin deri ne marrje vendimi", thuhet në dokument.

Gjykata e Larte shprehet se tek kjo ceshtje gjyqtari Agim Bendo nuk ka marre ne konsiderate disa korrigjime te bera me stilolaps ne objektin e padise. Gjykata e Larte shprehet se ne kete dosje civile jane bashkuar edhe fotokopje te pavertetuara me origjinalin qe favorizojne ne menyre te njeanshme njeren pale. Prandaj dhe gjykata shprehet konkretisht per keto shkelje.

"Ne dosjen gjyqsore duhet te perfshihen vetem ato dokumente qe kane vleren e proves, domethënë qe jane pranuar procedurialisht te konsiderohen sit e tilla, duke u marre e administruar me formen e parashikuar nga ligji", thuhet në dokument.

Ne perfundim Gjykata e Larte e rrezon edhe kete vendim te Agim Bendos si nje vendim te marre ne keqzbatim te ligjit dhe duke lejuar shkeljet e renda te rregullave proceduriale si edhe sikurse thekson gjykata, shkelje te tjera me ndikim ne zgjidhjen e ceshtjes.
==================

Kryegjyqtari i Pangos rrënoi të dëmtuarit e tragjedisë së Gërdecit
Publikuar më 21/06/2010

Vëzhgim U përgjysmoi dëmshpërblimin. Në vitin 2006 dëmshpërbleu me 18 milionë lekë ish-shikasit e akuzuar për rrëmbimin e Remzi Hoxhës

Në CV-në e kryegjyqtarit të “Pangos”, Agim Bendos, ka vendime të tjera absurde, krahas dënimit të emisionit “Fiks Fare”, që bëri publike abuzimet e ish-ministrit të Kulturës, Rinisë dhe Sporteve. Në përvjetorin e dytë të tragjedisë së Gërdecit, pikërisht në datën 10 mars 2010, Bendo ka rrënuar sërish të dëmtuarit, duke iu hequr dëmshpërblimin e fituar nga një vendim i qeverisë. Në një kohë kur shteti u ngrit në këmbë për të pakësuar sadopak ngjarjen e rëndë dhe për të dëmshpërblyer të gjitha viktimat, të dëmtuarit, si edhe banorët e zonës që u tronditën nga ngjarja e 15 marsit 2008, gjyqtari në fjalë u ka marrë qindarkë më qindarkë disa banorëve të zonës, me arsyetimin se dëmshpërblimi u ishte dhënë në mënyrë të padrejtë. Sipas çështjes civile me numër akti 10695/1929, Bashkia Vorë ka paditur Hamdi Koxherin, ndërsa gjyqtar u caktua Agim Bendo. Objekti i padisë ishte që Koxheri të kthente shumën e 368.888 lekëve. Sipas Bashkisë Vorë, Koxheri ka përfituar shumën prej 409.876 lekësh, nëpërmjet vendimit të Këshillit të Ministrave “Për miratimin e vlerës së dëmeve të shkaktuara në objekte pronë private, si rrjedhojë e aksidentit teknologjik të ndodhur në Gërdec dhe të listave me emrat e individëve e të personave fizikë e juridikë që do të kompensohen”. Në seancën gjyqësore u paraqit i dëmtuari, duke kërkuar që të rrëzohej padia. Ai pretendoi se vlerësimi i parë i dëmit të shkaktuar si pasojë e aksidentit teknologjik në fshatin Gërdec, është real dhe për këtë shkak kërkoi rrëzimin e padisë. Ndërkohë gjykata, megjithëse dëgjoi pretendimet e të dëmtuarit të tragjedisë, i dha të drejtë Bashkisë Vorë, duke zhvatur për herë të dytë të dëmtuarin, duke i marrë këtij personi rreth 80 për qind të dëmshpërblimit të fituar me arsyetimin se ishte bërë një “gabim”.

Në të njëjtën datë, gjyqtari Bendo ka “zhvatur” një tjetër familje në Gërdec. Në këtë rast i paditur ishte Edmond Muça, i cili kishte përfituar një dëmshpërblim në shumën prej 709.425 lekësh. Edhe ky person kërkoi të rrëzohej padia, por gjyqtari Bendo ia ka marrë lekët duke ia dhënë bashkisë. Ndërkohë, vendimi i tretë për këtë rast ka qenë në dëm të shtetasit Partizan Habiti, duke i marrë këtij të fundit të gjitha dëmshpërblimet e fituara si pasojë e dëmeve nga ngjarja e Gërdecit.
Në të kaluarën e afërt, gjyqtari Bendo ka rrëzuar edhe një padi civile të viktimave të Gërdecit. Bendo vendosi kthimin e padisë civile të familjes Kodra ndaj Ministrisë së Mbrojtjes dhe kompanisë “Albademil”. Vendimi ishte me numër akti 14514/3645 që u përket paditësve Sabri, Glodian, Fiqirete, Rajmonda dhe Adnan Kodra, të gjithë banues në Kamzë, por në momentin e shpërthimit punonin pranë kësaj punishteje demontimi. Shpërthimi i kësaj fabrike solli dëmtime të ndryshme ndaj pesë paditësve, të cilët i janë drejtuar Gjykatës së Shkallës së Parë me një kërkesë-padi, duke kërkuar “shpërblimin e dëmit pasuror dhe jo pasuror në vlerën prej 17 milionë lekësh të reja”. Ndërkohë, sipas vendimit të Bendos, kjo padi u duhet kthyer paditësve, pasi është konstatuar se ajo është e metë dhe e paplotë.
Dëmshpërblimi për ish-shikasit

Megjithëse është treguar “dorëmbledhur” me viktimat e tragjedisë së Gërdecit duke iu marrë edhe qindarkat, pasi, sipas tij, i kishin marrë gabimisht, kryegjyqtari i “Pangos”, Agim Bendo, është treguar “dorëlëshuar” me ish-shikasit që po gjykohen për zhdukjen e Remzi Hoxhës. Në prill të vitit 2006, Bendo mori në shqyrtim në seancë gjyqësore çështjen civile me numër akti 2272 me paditës Arben Sefgjinin dhe Budjon Meçen. Të paditur ishin Ministria e Financave dhe dega e Thesarit Tiranë, ndërsa person i tretë ishte Prokuroria e Tiranës. Objekti i padisë ishte se Sefgjini dhe Meçe duhet të dëmshpërbleheshin me nga 2.8 milionë lekë të reja “për burgim të padrejtë”. Gjyqtari Bendo vendosi të pranojë pjesërisht kërkesën, duke detyruar të paditurit të kompensojnë Arben Sefgjinin dhe Budjon Meçen për burgim të padrejtë, por vetëm me shumën prej 1.865.000 lekë për secilin. Dy ish-shikasit, sipas vendimit të Bendos, ishin ndaluar më datë 21 maj 2003. Gjykata e Tiranës i liroi ish-shikasit më 28 maj 2004, pasi prokuroria ka vendosur pushimin e procedimit penal për mungesë provash në lidhje me akuzën e “torturës me pasoja të rënda”, ndërsa për akuzën e “shpërdorimit të detyrës” dhe të “torturës” organi i prokurorisë ka vendosur pushimin e çështjes, pasi këto dy vepra penale të fundit ishin amnistuar. Gjyqtari Bendo tha se paditësit ishin mbajtur padrejtësisht në burg për 373 ditë paraburgim secili. Ndërkohë, mësohet se gjatë vitit 2006, kur është dhënë vendimi për dëmshpërblimin e këtyre paditësve, Prokuroria e Përgjithshme urdhëroi rifillimin e hetimeve për këta persona nën akuzën e “rrëmbimit” dhe çështjen e dërgoi në Prokurorinë e Krimeve të Rënda. Disa muaj nga vendimi i dëmshpërblimit të ish-shikasve nga Bendo, prokuroria thirri për të marrë në pyetje personat që kishin parë për herë të fundit Remzi Hoxhën, ndërsa pas dy vitesh hetim, në muajt e parë të vitit 2008, dosja u dërgua për gjykim në Gjykatën e Krimeve të Rënda ndaj Arben Sefgjinit, Budjon Meçes dhe Ilir Kumbaros. Aktualisht, procesi është në fazën e pyetjes së dëshmitarëve dhe ende të pandehurit nuk janë dënuar apo shpallur të pafajshëm prej togave të zeza.
=============

Vendimet e Bendos u rrëzuan në Gjykatën e Lartë
Publikuar më 22/06/2010

Fakte

Gjykata e Lartë ka dy vendime të Agim Bendos, duke mos i kursyer kritikat në adresë të gjyqtarit të Shkallës së Parë.
Njëri nga vendimet e kolegjeve civile ka paditës shtetasin Gjergji Kotorri, i cili kishte paditur Drejtorinë e Doganave për dëmshpërblim page njëvjetore, për shkak të ndërprerjes së punës pa shkaqe të arsyeshme. Qytetari i larguar nga puna, pasi u ankua në Komisionin e Shërbimit Civil, depozitoi edhe një padi në Gjykatën e Tiranës për shkaktim dëmi. Sipas Gjykatës së Lartë gjyqtari Agim Bendo shpalli moskompetencën e gjykimit dhe dërgimin e çështjes në seksionin e mosmarrëveshjeve administrative. Kolegji Civil i Gjykatës së Lartë, i cili mori më pas për shqyrtim çështjen e refuzuar nga gjyqtari, shprehet konkretisht për këtë vendim të Agim Bendos.

“Vendimi i Gjykatës së Rrethit Gjyqësor Tiranë, numër 11145, datë 6.10.2008, është marrë në zbatim të gabuar të ligjit dhe për rrjedhojë duhet të prishet dhe çështja t’i dërgohet pranë po asaj gjykate për vazhdimin e gjykimit. Kolegji Civil i Gjykatës së Lartë konstaton se argumentet e përdorura nga gjykata në vendimin e saj nuk qëndrojnë. Ky kolegj çmon gjithashtu se vendimi është marrë në kundërshtim me nenin 181 të Kodit të Procedurës Civile, sipas të cilit gjykata duhet të organizojë punën që gjykimi të përfundojë nga i njëjti trup gjykues”, thuhet në dokument.

Duke vijuar argumentimin e saj për këtë vendim të gjyqtarit Agim Bendo, Gjykata e Lartë vijon më tej duke u shprehur se ky vendim i tij cenon parimin për një proces të rregullt, efektiv, të shpejtë, brenda një afati të arsyeshëm, pasi bëhet shkak për zvarritje të procesit gjyqësor në dëm të interesave të palëve në proces, duke cenuar nene të Kodit të Procedurës Civile dhe duke shkelur të drejtat e njeriut.

Një tjetër vendim në fushën civile hedh dyshime të forta mbi vendimet e gjyqtarit Bendo. Kolegji ka qenë i kryesuar nga kryetari i Gjykatës së Lartë të asaj kohe, Thimio Kondi. Objekti i padisë civile ka qenë kthim shume, për 9 milionë e 500 mijë lekë të futura me interes te firma piramidale “Sude”. Pasi parashtron ecurinë e këtij procesi civil, Gjykata e Lartë thotë: “Nuk ka ndonjë shënim në dosje se si kjo çështje i ka kaluar për gjykim Agim Bendos, i cili ka bërë shënim ‘të verifikohet a ka proces penal tek F. Petku për këtë çështje’ dhe njoftohet sekretaria se çështja pezullohet”.

Po sipas Gjykatës së Lartë këtu nis edhe shkelja, pasi çështja nuk duhet të kishte vazhduar më tej.
“Gjyqtari Agim Bendo, me gjithë shënimin e mësipërm për pezullimin e çështjes civile, nuk e ka vënë në diskutim këtë problem dhe e ka kaluar çështjen për gjykim dhe ka vazhduar gjykimin deri në marrje vendimi”, thuhet në dokument. Gjykata e Lartë shprehet se te kjo çështje gjyqtari Agim Bendo nuk ka marrë në konsideratë disa korrigjime të bëra me stilolaps në objektin e padisë. Gjykata e Lartë shprehet se në këtë dosje civile janë bashkuar edhe fotokopje të pavërtetuara me origjinalin që favorizojnë në mënyrë të njëanshme njërën palë. Prandaj dhe gjykata shprehet konkretisht për këto shkelje. “Në dosjen gjyqësore duhet të përfshihen vetëm ato dokumente që kanë vlerën e provës, domethënë që janë pranuar proceduralisht të konsiderohen si të tilla, duke u marrë e administruar me formën e parashikuar nga ligji”, thuhet në dokument. Në përfundim Gjykata Supreme e rrëzoi edhe këtë vendim të zotit Bendo si të marrë në keqzbatim të ligjit dhe duke lejuar shkeljet e rënda të rregullave procedurale, si dhe shkelje të tjera me ndikim në zgjidhjen e çështjes.

=================================================