Martiret e Kishes Katolike

[NoName]

Martirët e kishës katolike në 2005

Marjan Lumçi

Çdo vit Agenzia Fides publikon listën e punëtorëve baritor që kanë humbur jetën në mënyrë të dhunshme gjatë vitit që lëmë pas, dhe pikërisht 2005. Nga të dhënat rezulton se këtë në këtë vit janë vrarë 26 persona mes të cilëve Ipeshkvinjë, meshtarë, rregulltarë, rregulltare dhe laikë, gati dyfishi i vitit 2004. Bëhet fjalë pra për të gjithë ata shërbëtorë të Kishës të cilët janë vrarë në mënyrë të dhunshme duke qenë të vetëdijshëm për rrezikun që i priste vetëm për të mos braktisur angazhimin e tyre të fesë dhe dëshminë apostolike.
Si gjithmonë Kisha Nënë këta persona i porosit në lutjet e popullit për vetë kontributin që ato kanë dhënë në rritjen e Kishën në çdo anë të botës, në shërbim të rritjes njerëzore dhe ungjillëzimit.
Për sa u përket vendeve që në 2005 kanë pasur më shumë viktima, së pari bie në sy Amerika, e cila ka parë me sy vdekjen e dhunshme të 8 meshtarëve, 2 rregulltarëve dhe 2 rregulltareve. Sërish Kolumbia me 4 meshtarë dhe në murgeshë të vrarë, komb ky në të cilin konfliktet shoqërore janë më të mprehta, dhe Kishës i duhet të paguajë shtrenjtë praninë e saj në atë vend me punën e saj të madhe për drejtësinë dhe pajtimin në emër të Ungjillit. Mes viktimave në këtë vend janë edhe 2 meshtarë të vrarë “gabimisht” nga luftëtarët kolumbian. Në Meksikë janë vrarë 2 meshtarë të tjerë të cilët punonin në një zonë shumë të mjeruar që ishte edhe kryqëzim i famshëm trafiqesh të ndryshme jo-ligjore. Një rregulltare e angazhuar në Komisionin Baritor e cila punonte së bashku me punëtorët në fushë, si dhe 2 meshtarë të tjerë kanë gjetur vdekjen në Brazil. Dy rregulltarë misionarë, të angazhuar në shërbimin ndaj të varfërve janë vrarë më një plumb të vetëm në Gjamaika, ndërsa gjendeshin në bashkësinë e tyre në Kongston: shenjë kjo e klimës së pasigurt dhe e dhunës që sundon edhe në kryeqytet.
Afrika është njomur nga gjaku i një Ipeshkvi, 6 meshtarëve dhe një laiku. Kanë qenë vrarë në shtëpitë e tyre, nga keqbërës që kërkonin fitime të lehta ndoshta, dhe pikërisht në Kenya, Republika Demokratike e Bongos, Kongo Brazzavil dhe Nigeri.
Mes tyre spikat figura e meshtarit kongolez Francois Djikulo, i cili i vra në mënyrë barbare së bashku me një laik i cili po e shoqëronte në një mision paqeje, nga një kapo-fisi Kyungu Kuyungu, tip Gedeonit, tek i cili kishte shkuar në mënyrë spontane për ta bindur që të ulte armët dhe ti jepte fund tmerrit që po shkaktonte në popullsinë lokale.
Edhe kontinenti aziatik e ka derdhur kontributin e tij me gjak për shkak të ungjillit me tre meshtarë të vrarë në Indi dhe një në Indonezi. Nga meshtarë indianë kujtohet sakrifica e Dom Ignazio Bara, martir i paqes, i vrarë ndërsa kërkonte të parandalonte një konflikt të armatosur mes një fisi dhe një dhe një grupi fondamentalist indù në një zonë që vuante nga mosmarrëveshje ndër etnie. Janë për tu vënë në dukje edhe dy meshtarët e vrarë në Europë: i pari në Bruksel, i angazhuar në pritjen e emigrantëve dhe të të gjithë atyre që trokisnin në derën e tij, dhe tjetri në Rusi, saktësisht në rrethinat e Moskës, ku ishte duke rindërtuar bashkësinë famullitare. Dhe në fund nuk mund të harrohet lista e gjatë e shumë “martirëve të panjohur për fe” në çdo kënd të planetit, për të cilët ndoshta asnjëherë nuk do të mund të dimë asgjë.

[iliria e para]

Martiret

http://www.youtube.com/watch?feature...&v=jJ2mnTG6dPE