Rruga e Arberit: Berisha siguron financimin e rruges nga kompania kineze

[Brari]

Rruga e Arbrit, një premtim i mbajtur


Orhan SAKIQI


Rruga e Arberit ka një kuptim domethënës. Ajo quhet e tillë, sepse kalon në vend banimet e arbanasve (arbërve) dhe qyteti i tyre Albanopolis. E kjo nuk është e rëndësishme për shqiptarët jo vetëm nga emri, por sepse lidh Tiranën me Dibrën me vetëm 74 km. nga 173 që është sot, pra shkurton agërsisht 100 km rrugë.

Ajo fillon me rrugën e Dibrës që nga qendra e Tiranës për të vazhduar me rrugën e Tufinës, pastaj në të majtë të lumit të Tiranës në Zall-Dajt, në Qafe-Murrizë.në urën e Vashës, në Plan të Bardhë, në Qafë-Bull, Bulqizë, Ura e Qytetit, Zerqan, Ura e Cerenecit, Gjoricë, Dibër e Madhe.

Rruga është edhe alternative e Korridorit të tetë, sepse nga Dibra mund të zbresësh në Gostivar dhe pastaj në drejtim të Shkupit, duke shkurtuar më shumë se 90 km nga rruga ekzistuese..

Kjo ëndërr shekullore e shqiptarëve është duke u kthyer në realitet nga qeverisja e Partisë Demokratike. Ajo po vazhdon dhe do të ndërtohet me fondet e shtetit. Them ëndërr shekullore, sepse rruga, pak a shume ku do të kalojë ajo e projektuara, kalon në gjurmët e rrugës ku karvanat e matjaneve e dibranëve kanë lëvizur në drejtim të kryeqytetit në vite. Më e dukshme ishte kjo në ndjekjet masive të dibranëve në vitet e parë të shekullit të kaluar kur mijëra prej tyre u shpërngulën me forcë dhe gjetën mbështetje në Tiranë e gjetiu në Atdheun nënë.

Po si është gjendja e ndërtimit dhe projektimit sot në të gjithë gjatësinë e rrugës: Duke u nisur nga qendra e Tiranës deri në urën e Brarit është 8 km rrugë ekzistuese. Pastaj Brar hyrja e tunelit Murrizë 17 km. Këtu përfshihen 13 km të rrugës ekzistuese që shërben për të lidhur sot gjithë fshatrat e Komunës së Bastarit. Vjen hyrja e tunelit deri Ura e Vashës 14 km. Këto dy lote janë në fazë të avancuar projektimi nga kompani të vendit. Sikurse shihet këtu përfshihet tuneli rreth 3 km si edhe një urë e 150 m. Pjesa Ura e Vashës deri dalja Bulqizë prej 13 km. është në fazën e tenderimit të punimeve të ndërtimit. Pjesa e fundit dalja e Bulqizës-Ura e Cerenecit prej 17 km është drejt përfundimit të punimeve të ndërtimit. Mbetet 4km. në kufi për të hyrë në Dibër të Madhe. Sigurisht këto 4km. do të bëhen nga pala maqedonase.

Disa të dhëna teknike për rrugën: gjerësia 11 m 2 x 3,5 m plus bankinat. Shpejtësia e projektuar 80 km në orë fushore dhe 60 për malore. Rruga sidomos pjesa e mesit kalon në një terren të vështirë malor. Këto shtohen duke marrë parasysh ndërtimin e tunelit dhe urën e lartë. Pra, për një orë edhe pak je nga Tirana në Dibër.


Pa dyshim rruga do të japë një zhvillim ekonomik të gjithë zonës ku kalon. Me që e njoh më mirë, unë po flas për Komunën e Bastarit të Tiranës, e cila përbëhet prej 10 fshatrash. Në të vërtetë kanë qenë 12, por Zall-Mneri dhe Bulceshi janë mbytur nga liqeni i Buvillës.

Zall Bastari qendra e Komunës rrethohet si kurore me Mnerin e Sipërm, Murrizin, Selita dhe nga perëndimi fshati piktoresk i Dajtit, i cili shquhet për një pyll të mbushur me gështenja. Një zonë me të vërtetë e bukur edhe nga ana turistike sot është pjesërisht me shtëpi boshe. Ana turistike plotësohet me liqenin e Bovillës, e malin me gropa. Nga 8500 banorë sot kanë mbetur rreth 5000. Bastari sa afër se sa larg kryeqytetit dhe kjo vetëm për mungesë të një infrastukture të përshtatshme. Të jesh vetëm 13 km. Zall-Dajti dhe 18 km. qendra e Komunës Bastar nga kryeqyteti dhe mos të përfitosh nga një përparësi e tillë është një absurditet që ka vazhduar vite me radhë. Së shpejti ata do të lidhen jo me rrugë të zakonshme, por me një aks të rëndësishëm kombëtar dhe ndërkombëtar. Kjo s'do t'i japë zonës një zhvillim të gjithëanshëm.

Ndëtimi i rrugës është një premtim i hershëm i PD. Në Qershor e vitit 1997 i propozova kryetarit të P.D. Z.Berisha që të bënte një vizitë zonës, duke i kujtuar se sipas banorëve të vjetër nuk mbahet mend që ndonjë drejtues shteti të ketë ardhur në zonë. A.Zogu ka kaluar andej në vitin 1919, por kur ai nuk kishte ndonjë funksion shtetëror.

Berisha erdhi dhe në përgjigje të kërkesës së banorëve premtoi rrugën, sigurisht jo në këto përmasa që po zbatohet sot. Për arsye që dihen për tetë vjet nuk mundi ta mbaj premtimin, i cili po realizohet tani. Sipas të gjithë të dhënave që rendita më sipër ky premtim do të realizohet brenda mandatit të dytë të PD e mbase më parë. Ky aks rrugor do të shtohet ndërtimeve të shumta rrugore anë e mbarë vendit. Kjo tregon mbajtjen e premtimeve para zgjedhësve në 2005 dhe të drejtën për të kërkuar një mandat të dytë për të përfunduar këtë aks tashmë të filluar si edhe të tjerët.





rd

[DiAbLo-KiNg]

uuuurrraaaaa!

[flory80]

Kur qënka ndërtuar kjo se nuk e kishim dëgjuar?

[miki_al2001]

Edhe qeveria Maqedonase kishte miratuar ndertimin e kesaj rruge nga Kercova ne Diber(kufi),pjese e koridorit te tete.Do jete autostrade,poashtu edhe hekurudhe.Shpresojme te realizohet.

[Brari]

as un sdi kurgja per kte rrug por e solla shkrimin sepse ky sakiqi asht me duket burr i nderum ne tiran.. e besoj se nuk flet kot..
ishalla asht ashtu si thot ky..
mu me intereson kjo rrug se ka me mu ba ma i njofshem nicku..meqe kjo rrug kalon neper brara e katunde tjera te malsis tiranes qe jan shum te panjohur per mue.. e do desha me i pa ato vende qe sic me ka than.. gjyshja dikur..ka pas dal per gjah im gjysh ..

lol..

[Dito]

Rruga eshte ne ndertim, por se cka qe nja 6 muaj nuk punon me njeri aty sepse keto kohet e fundit shkoj shpesh me sherbim andej.
Si rruge le shume per te deshiruar pasi nuk eshte nje rruge e gjere si ajo e durres-morine, akoma me tej kjo rruge ka kthesa teper te frikshme, ata qe kane kaluar e kane pare besoj diku aty matane KLOS-it se cfare kthese te poshter kane ndertuar.

Dito.

[ilia spiro]

Ndertimi i infrastruktures rrugore i sherben zhvillimi te vendit, por mendoj qe kjo duhet bere e matur e jo te hidhen te gjitha parate per rruge, ne nje kohe ne vend ka papunesi, qe nuk ka drita, nuk ka uje, ka varferi te tejskashme ne shume zona dhe Shqiperia eshte vendi me i varfer i Evropes.

[YlliRiaN]

Hape shume i rendesishem per Shqiperine dhe nje mundesi e mire per nje zhvillim ekonomik te Shqiperise lindore

Nje ilustrim nga Google Earth ka do kaloje kjo rruge

[Florim07]

Në vend se Shkup-Tiranë të udhëtohet për 190 km përmes projektit të njohur tek shqiptarët si Rruga e Arbrit, në Qeveri ka kaluar projekti që ky aks rrugor të jetë për 180 km më i gjatë ose për të arritur në Tiranë nga Shkupi duhet kaluar 370 km.

Sipas projekteve të ekspertëve, Rruga e Arbrit duhej kaluar përmes aksit rrugor Gostivar-Mavrovë-Lugina e Radikës dhe Dibër, ndërsa qeveria ka zgjedhur aksin rrugor të Korridorit 8 që kalon përmes Gostivarit në Kërçovë, fshatin Izvor e deri në Dibër. Këtë vendim të qeverisë ekspertët e quajnë skandaloz dhe absurd.

“Pjesa ose projekti Kërçovë-Dibër, i cili njihet edhe si Rruga e Arbrit, do të fillojë në pjesën e dytë të vitit 2009, ndërsa për momentin në Agjencinë për rrugë është duke u reviduar projekti që shpresojmë të jetë i gatshëm për të filluar punën. Ka disa variante por unë tani nuk mund të them ku do të jetë traseja e kësaj rruge, sepse këtë do duhet ta përcaktojnë profesionistët dhe institucionet kompetente, por me rëndësi është që kjo rrugë të fillojë të ndërtohet e cila do të shkurtojë për disa kilometra distancën prej Shkupit deri në Tiranë dhe portin e Durrësit", deklaroi zëvendëskryeministri i Qeverisë së Maqedonisë, Abdylaqim Ademi.
“Kjo është variant që nuk mban, për shkak se ne bëjmë përpjekje të ndërtojmë autostradë me dy kahe, kurse kjo pjesë nga fshati Izvor nuk ndërtohet me dy kahe, tereni është i papërshtatshëm dhe kushton shumë më tepër, kurse nga Kërçova kemi një rrugë të paraparë me Korridorin 8. Kjo është tjetër rrugë, dhe është variant e Korridorit 8”, theksoi inxhinieri Shefki Aliti, pronar i kompanisë Mak-Alb.
Aliti thotë se zgjatja e aksit rrugor ose ndryshimi i projektit ‘Rruga e Arbrit’, është i pakuptimtë. Qëllimi i ndërtimit ose realizimit të projekteve të tilla, thotë ai, është të shkurtohet distanca e udhëtimit e jo të zgjatet.
“Ka shkurtim drastik prej Shkupit deri në Tiranë arrihet për 190 kilometra, kurse rruga ekzistuese në Korridorin 8 e cila duhet të ndërtohet ka distancë prej 370 kilometra. Për atë arritja në distancën e duhur sa ma shpejtë e ka peshën e vet ekonomike gjë e cila na mungon neve”, shtoi Aliti.
Ai thekson se vlera e ndërtimit të rrugës së Arbrit Gostivar-Dibër, në pjesën e Maqedonisë, kap shifrat prej 400 milion euro, ndërsa projekti që ka kaluar në Qeveri Gostivar- Kërçovë- Dibër, është parashikuar të përfundoj brenda 6 viteve dhe bashkë me Korridorin 8, që brenda saj përfshinë edhe projekte të infrastrukturës, hekurudhë, energjisë elektrike dhe telekomunikime, arrijnë vlerën prej 1.4 miliardë euro.

[antikonformisti]

Normal, a u rihet rahat tërbeshve, pa me i fut hundët ke Rruga e Arbrit dhe me e prish pak prujektin duke e zgjatur rrugën. Por e rëndësishme është se Rruga e Arbrit po bëhet.