Rruga e Arberit: Berisha siguron financimin e rruges nga kompania kineze

[Florim07]

http://vimeo.com/5423895

[Albo]

Berisha me kinezët, siguron financimin e ‘Rrugës së Arbrit’

Në javët e fundit të qeverisjes së tij, kryeministri i vendit, Sali Berisha duket si i ka dhënë zgjidhje financimit të ‘Rrugës së Arbrit’. Përmes faqes të tij zyrtare në “Facebook”, ai njoftoi se kompania kineze “CSCEC” ka paraqitur një ofertë të leverdishme për përfundimin e 27 kilometrave të ‘Rrugës së Arbrit’ që kanë mbetur pa u ndërtuar, përfshirë tunelin e Qafë-Murrizit dhe Urën e Vashës. Sipas Berishës, oferta në çdo aspekt është shumë e leverdishme, pasi shmang rritjen e borxhit publik.

“Kompania do bëjë vetë financimin e plotë (koncesion) ose të pjesshëm të ndërtimit të rrugës me një kredi që qeveria kineze i akordon asaj për këtë vepër. Sipas një opsioni tjetër, qeveria shqiptare mund të bëhet bashkëfinancuese me shumën 70 milionë euro. Në të dyja rastet pala shqiptare duhet të marrë përsipër pagesën e përvitshme të fitimit të munguar nga trafiku për vitet e nxjerrjes së investimit nga kompania. Oferta, në çdo aspekt, është shumë e leverdishme. Ajo nuk rrit borxhin publik. Mbi bazën e saj, sipas ligjit do hapet së shpejti tenderi ndërkombëtar”,- shkruan Berisha. Rruga e Arbrit është rruga e dytë e kombit. Me ndërtimin e tunelit të Murrizit, distanca midis Shkupit dhe Tiranës shkurtohet me 103 km, kurse ajo midis Peshkopisë, Bulqizës dhe Tiranës bëhet përkatësisht 60 dhe 30 min”, përfundon Berisha në Facebook.

Kjo çështje u diskutua gjatë një takimi dje me një delegacion të Partisë Komuniste të Kinës, i kryesuar nga Drejtori i Drejtorisë së Marrëdhënieve me Europën Lindore dhe Azinë Qendrore, Tian Yongxiang. Delegacioni shoqërohej nga ambasadori i Republikës Popullore të Kinës në Shqipëri, Ye Hao. Kryeministri vlerësoi projektet e përbashkëta dhe u ndal tek iniciativa e qeverisë së drejtuar prej tij për mësimin e gjuhës kineze në shkollat e vendit, si një hap me rëndësi në zhvillimin e marrëdhënieve mes të dyja vendeve. Kryeministri Berisha vlerësoi edhe bashkëpunimin në lidhje me ndërtimin e ‘Rrugës së Arbrit’, si një projekt madhor jo vetëm për vendin por edhe për rajonin.


MAPO

[Albo]

Haxhinasto: Në prill, kinezët fillojnë ndërtimin e Rrugës së Arbrit

Analiza

Rruga e Kombit do të mirëmbahet nga një kompani private dhe kontrata do bëhet e njohur brenda 2-3 javëve, deklaroi dje, ministri i Transporteve dhe Infrastrukturës, Edmond Haxhinasto, në analizën vjetore të Autoritetit Rrugor. Sipas tij, ky model do të aplikohet edhe në rrugë të tjera të vendit. Tri çështje ishin në fokus të analizës: Siguria Rrugore, ndërtimi i infrastrukturës sipas standardeve të reja dhe projekti i mirëmbajtjes me Bankën Botërore rreth 125 milionë dollarë. Rruga e Kombit dhe Rruga e Arbrit janë dy sfidat e para që do të zgjidhen gjatë vitit 2015. Ministri nuk dha afate se kur pritet qe të konkretizohet kontrata e parë për administrimin e rrugëve me pagesë, por për Rrugën e Arbrit deklaroi se në prill 2015, do të fillojnë punimet. Sipas ministrit Haxhinasto, do të jetë një kompani kineze që do të kryejë punimet e kësaj vepre publike. “Besoj se brenda muajit prill do miratojmë ligjin përkatës për akordimin e kontratës së Rrugës së Arbrit kompanisë kineze e cila paraqiti ofertën”, tha ministri. Sa i përket mirëmbajtjes së rrugëve, Haxhinasto tha se, “Kjo është hallkë themelore për të garantuar efikasitetin, shpenzimin e duhur të parave publike dhe taksave të qytetarëve, për të pasur investime të qëndrueshme në rrugë dhe t’i ofrojmë biznesit dhe qytetarëve cilësi të lartë”, tha ai. Projekti për mirëmbajtjen e rrugëve në bashkëpunim me Bankën Botërore që pritet të finalizohet gjatë këtij viti do të mundësojë riformatimin e sistemit të mirëmbajtjes. Riorganizimi institucional i ARSSH u njoh si domosdoshmëri, që do të sillte efektet e pritura për këtë çështje. Ministri Haxhinasto bëri me dije se paralelisht me projektin e mirëmbajtjes së rrugëve, po punohet nga ekipi i Ministrisë për vendosjen e kategorisë së re të kompanive që do të kontraktohen për mirëmbajtjen. “Situata si ato të fundvitit të kaluar nuk duhet të përsëriten, ku kompanitë që kishin përgjegjësi të mirëmbanin akse të rëndësishme të vendit nuk arritën ta bënin këtë. Qëllimi ynë nuk është penalizimi, por çdo kontratë ka detyrim zbatueshmërinë e saj”, tha ai. Ministri vlerësoi arritjen për finalizimin e manualit të ndërtimit brenda këtij viti. “Miratimi i standardeve të ndërtimit të rrugëve është në fazën përfundimtare, tashmë mbas 24 vjetësh do të kemi referenca për çdo vepër rrugore që ndërtohet në Shqipëri, për të sjellë unifikim të veprave të reja, ky manual do të jetë Kushtetuta e ndërtimit të rrugëve”, deklaroi Haxhinasto.

Shqip