Basha: Shqiptarët do të lëvizin pa viza në BE brenda vitit 2009

[Duaje Siveten]

Azhensia e Lajmeve "Sot", Friday, 29 May 2009 10:07

“Logjika e Zemrës” sipas Alisë dhe zbatimi pikë për pikë i saj për 19 vite rresht!!

Nga Besi BEKTESHI

Nuk është keq kur përpara fushatave elektorale, ato që kanë mundësi të rikuperojnë pamjet filmike dhe dokumentet që shteti dhe media e tij deri në vitet ‘92-‘93 kishte, ti lejojnë të dalin për arsye përfitimi, por që në fakt përfitimin e kanë edhe aty ku duket se ka jo përfitim. Në një nga këto regjistrime si gjithmonë të dobëta, të errëta, të vrazhda, por të kontrolluara dhe të sekretuara shikohet dhe dëgjohet që “Sekretari i Parë i PPSH-së” dhe më vonë Presidenti i Shqipërisë, Ramiz Alia të deklarojë përpara zgjedhësve të tij një sërë batutash, por ajo që më ka bërë të rizgjohem pikërisht në ato vite ishte batuta “me logjikën e zëmrës” që Alia tha në sallën e madhe të Pallatit të Kongreseve që PPSH-ja, e ka ndërtuar për të bërë pikërisht kongreset e saj. Me “logjikën e zëmrës”... fjalë dhe batutë më interesante, më sinjifikative për kulturën gjysmë bolshevike dhe gjysmë feudale të Alisë, për monstruozitetin partiak dhe moral të tij, batutë më alogjike dhe sinjifikative për njerëzit e dyzuar se sa kjo, nuk është parë dhe dëgjuar ndonjëherë. Ramiz Alia me thënien e tij “me logjikën e zëmrës” ka dashur ti kthejë zgjedhësit në “copa mishi me dy sy”, ka dashur ti kthejë në figurina të vogla, dhe ka dashur ti mbajë si idiotë të plotë në medemek ecjen drejt demokracisë.

Se si mund të ketë logjikë zemra, vetëm një trashëgimtar i vërtetë, megjithëse servil dhe serfist në politikë si Alia, mund ta thotë. Një muskul që tkurret energjikisht vetëm instiktivisht vendoset në “logjikë” dhe pikërisht zëmrën duhet të pyesin njerëzit kur shkojnë të votojnë. Si si mund të ketë “logjikë zëmra” vetëm një model mbijetese dhe obskurantizmi ideor si te Alia, mund ta ideojë dhe pranojë, por edhe përhapë të të tjerët. Zemra nuk ka pasur dhe nuk do të ketë kurrë logjikë. Kur bëhen veprimet me zemër, të gjithë e dinë që “logjika mungon”, sepse patjetër nuk është e nevojshme. Këtë njerëzit e kanë vërtetuar në dashuri, sport, art dhe pasione të tjera, ku logjika mungon dhe ka vetë “zemër”.

Gjithmonë i dyzuar, Alia ka deklaruar se edhe “zemra mund të ketë logjikë” dhe zgjedhësit e tij, duhet të votonin me pikërisht logjikën e zemrës e cila as që i bie krahut të logjikës. Mirëpo ne atëherë nuk ja vinin veshin komunistit të vjetër i cili po përgatiste “komunistët e rinj” sipas modelit të “logjikës së zemrës”. Alia me teorinë e “logjikës së zemrës” po shpërndante në të gjithë mjedisin pluralist dhe partiak të Shqipërisë, pikërisht “mungesën e logjikës” që është edhe sot e kësaj dite sunduese. Ai e ka thënë këtë në vitet ‘90-‘91, por zbatimi vazhdon edhe sot e kësaj dite, sepse është një model të menduari dhe jetuari.

Logjika e pasionit dhe zemrës në besimin e partive dhe lojës pluraliste me to është zbatuar në njerëzit poshtë partitokracisë, militantëve, njerëzve të devotshëm dhe turmave në salla dhe tubime. Alia praktikisht i ka bërë thirrje të gjithëve të humbin mendjen, të mos përdorin trurin dhe arsyetimin, sepse të gjitha këto i zëvendëson “logjika e zemrës”. Sepse me këtë”logjikë idiote” një popull dhe një sera e madhe politikanësh, kishin shtypur dhunuar dhe vrarë popullin e tyre. Tani Alia po tentonte goditjen e fundit që këtë “logjikë zemre” nuk do të shpërndante dhe zbatonte në vetëm PPSH-në dhe pastaj PS-në, por edhe në të gjitha partitë e tjera të pluralizmit shqiptar. “Logjika e zemrës e tyre” si një demagogji e Alisë dhe të gjithë botës komuniste dhe realisht shtypëse, por frymëzuese ndaj personit në drejtim të partisë u shpërnda absolutisht në të gjitha, përfshi akoma më shumë PD-në, e cila duhet të ishte ashpërisht, parti kundër këtij postulati ogurzi ramizian. Me logjikën e zemrës, shqiptarët arritën të prishin të gjitha institucionet e një shteti punist dhe të poshtër, por duke ngritur po me logjikën e zemrës, institucionet e reja njësoj si ato që prishën. Me këtë “logjikë” si PD-ja në vitet e para, por edhe PS-ja mbas luftës dhe shkatërrimit në vitet ‘97-‘99 ndërtuan po këto institucione që nuk ka të bëjnë me demokracinë. Sepse logjikën e merrnin nga zemra.

Muskuli pa tru, por që nga “logjika e madhe, që ka arrin të shkatërrojë dhe të maskarojë çdo gjë”. Sot kemi ardhur në prag të 28-qershorit të vitit 2009-të. Me këtë dua të them se kemi 19-të vite që vazhdojmë me “logjikën e zemrës” së Alisë i cili sot patjetër shikon i kënaqur arritjen e vet madhore që është një Shqipëri as mish as peshk, e masakruar politikisht dhe moralisht, por edhe ekologjikisht dhe në të gjitha sistemet e matshme të botës demokratike dhe europiane.

Me logjikën e zemrës krijuan mega skandalin e firmave dhe vjedhjes masive të lekëve të shqiptarëve, vjedhjen e votave të ‘96-tës që vazhdon edhe sot. Vjedhjen e tenderëve dhe energjisë, por edhe të çdo lloj sistemi tjetër në shërbime dhe sigurime. Me logjikën e zemrës vramë njeri tjetrin dhe dogjëm vendin. Me logjikën e zemrës, arritëm të mbytemi në ujë apo maleve dhe po me këtë logjikë arritëm të shuajmë çdo pjesë të vogël të një karakteri moral të mirë te shqiptarët. Po më këtë logjikë, arrijmë të pranohemi në NATO, të bëjmë Gërdecin dhe të vjedhim pa fund, dhe të kemi një sistem korruptiv dhe latant të drejtësisë dhe po ashtu arsimit dhe shëndetësisë, po me këtë logjikë socialistët kanë vjedhur dikur dhe po me këtë logjikë, vjedhin sot demokratët. Po me këtë logjikë deliri politik i joni çon në piedestale njerëz të hurit dhe litarit, për tu paraqitur në sy të popullit që ka “logjikën e zemrës” si njerëz të idealeve, dhe që zgjidhin hallet e pikërisht popullit.

Të votosh sot me “logjikën e zemrës” domethënë të shkosh mbas të marrëve që nuk kanë lëshuar dhe nuk lëshojnë kurrë pushtetin. Por, po me këtë logjikë shkohet edhe mbas atyre që vijnë me parulla demokracie dhe punojnë vetëm për “demokracinë e xhepit të tyre”. Të shkosh mbas “logjikës së zemrës” domethënë të mos dish se të gjithë ato që janë prej kohe kryetarë partish si fantazma dhe të vërteta, të jenë në jetë të jetëve. Të shkosh mbas kësaj logjike do të thotë ti përjetosh gjithfarë shushunjash politike që pushtetin e përdorin kundër qytetarit model, atij që nuk ka nevojë të integrohet në Europë, sepse ka qenë përjetë aty. Të votosh sot me logjikën e zemrës do të thotë të shkosh mbas atyre që “pronarin e rropën më keq se sa Enveri, për të bërë pronarë një sasi njerëzish që ju duhet për votime”. Të votosh me logjikën e zemrës sipas modelit të Alisë, do të thotë të mos kesh respekt për pronën dhe pronarët, as për punën dhe mbrojtjen sociale. Të votosh me këtë logjikë, do të thotë të ndërtosh një shtet paçavure dhe në shërbim të kastave që po bëhen familje dhe fitojnë e fitojnë pafundësisht. Me logjikën e “zemrës” shkohet drejt shtetit të plehrave dhe tymit, ku të fortët dhunojnë qytetarët dhe ju servilosen pushtetarëve.

Me logjikën e “zemrës” sa më shumë bërtitet për demokraci, aq më pak demokraci ka. Sa më shumë bërtitet për integrim, aq më larg jemi dhe sa më shumë bërtitet për vlera, aq më shumë antivlera prodhohen. Fatkeqësisht në një indoktrimin maksimal përgjatë dekadave nën diktaturë, jetojmë në një vend kur “logjikën e zemrës” e kanë injektuar përditë. Kjo logjikë bën një shumicë njerëzish të vazhdojnë të votojnë për liderë dhe parti që janë si dy pika uji, në ngjashmëri vesesh dhe faktesh si dikur. Janë shumë të tillë dhe janë faktet që tregojnë se prej viteve të famshëm 90-91, nuk kanë lëshuar njëherë pushtetin. Prishin ndërtojnë dhe shkatërrojnë, mbasi kanë ndërtuar dhe kanë vetëm një standard që është ai i shpejtësisë, vetëm në pasurim dhe pushtet të pakufishëm. E keqja është se mungon edhe alternativa, sepse si majtas dhe djathtas po me konceptin ramizist të “logjikës së zemrës” veprojnë. Pa e thirrur një herë të vetme trurin në punë. Vetëm për të pyetur veten. Mos me të vërtetë jemi kaq të qytetëruar sa të konsiderohemi me standarde europiane? Ne, vendi i pluhurit dhe plehrave dhe politikanëve sundimtarë dhe të korruptuar. Ne, vendi i gënjeshtrave dhe parullave gënjeshtare. Ne, vendi ku jeta është e rëndë dhe modeli abuziv shtetëror dhe privat të merr shpirtin. Ne, vendi me një administratë idiote dhe të paaftë për punën që ka, dhe tepër e aftë për të gjithë punët e tjera që duhet të ndalohen me ligj.

Ne, vendi ku drejtësia duket në sjelljet dhe fytyrat e gjykatësve dhe prokurorëve, për të mos u ulur te duart dhe veshjet apo shtëpitë dhe të tilla gjëra “që nuk kanë rëndësi”. Ku të shikosh qytetërim, në rrugë, superstrada apo pallate dhe midis tyre. Ku të hedhësh shikimin, në plazhet tona të “pastra” apo te “çmimet e ulëta” dhe shërbimin e “kulturuar”. Të besosh te diagnostikimi, apo në shërbimin shëndetësor që është një gënjeshtër e madhe dhe një rrjepje masive e popullit që medemek është i siguruar??!! Të besosh te arsimi që gjithkush e kupton se është një farsë që fillon në kopsht dhe mbaron në universitet në vitin e fundit. Po, duhet të “kënaqemi” me rrugët e shtruara dhe investimet e Berishës. Janë më tepër se të socialistëve dhe kjo nuk do shumë debate, sepse kështu është.
Por edhe aty ka vjedhje dhe abuzime dhe gënjeshtra me tepër “kripë” që përdoren pastaj për fushatë. Midis “Shillës dhe Karibdës” njëra me pushtetin qendror dhe tjetra me pushtetin e Tiranës, duhet të zbatojmë pastaj edhe shprehjen e Alisë “me logjikën e zemrës”. Këto janë edhe zgjedhjet e 28 qershorit, të cilat do të vërtetojnë edhe kartat dhe predispozitën për zgjedhje të lira dhe të ndershme. Por a ka mundësi që njerëz që duan të përdoret “logjika e zemrës” të bëjnë zgjedhje të lira dhe të ndershme??!

Nuk ka mundësi, dhe në qoftë se ka, ajo është shumë e pakët. Vetëm 92-shi ka qenë një logjikë e tillë, por edhe 91-shi më përpara dhe ndoshta zemra aty “hynte në punë edhe pse ishte e marrë nga ajri i lirisë”. Një herë të vetme duhet përdorur truri dhe mëndja, për tu përballur me realitetin dhe për ta ndrequr atë. Por dihet qartë se përpara kemi pikërisht pasuesit e Alisë që edhe pse e shajnë dhe i thonë “komunist” janë tepër, por tepër më të rrezikshëm se sa ai. Sepse janë bijtë e tij moralisht dhe politikisht. Prandaj që çdo gjë të demokracisë e ndërtojnë në bazë të parimi ramizist të “logjikës së zemrës”.

Çdo gjë që në çdo rast ka treguar se nuk është demokraci, dhe nuk ka të bëjë me lirinë. Çdo gjë dhe çdo aspekt.

[_AuLoNa_]

aulodhe..

cfare bejne per te ulur papunesine.. kryetari i tiranes edvin rama.. kryetari i korces peleshi.. kryetari i durresit vangjeli.. kryetari i vlores shpëto gjikaj.. i gjirokastres i fierit i elbasanit i beratit etjetj.. qe jane te ps-se..?

asgje skan bere..

pra thuaj oj auavullone.. tahir bashtoves..se kercen bukur.. ne cirkun e edvinit..


..

[Nice_Boy]

Tabaku: Vetëm me Qeverinë Berisha Shqiptarët do të lëvizin pa viza

Albana Kamberi

INTERVISTA/Flet zv/ministria e Integrimit: PD-ja do fitojë, Shqipëria ka pësuar ndryshime të jashtëzakonshme

Kandidatja për deputete e PD-së në kryeqytet: Vendin e presin sfida shumë të rëndësishme të cilat mund të përballohen me sukses vetëm nën drejtimin e një ekipi serioz dhe të sprovuar. Lista jonë më përfaqësuese, ja përse Tirana dhe shqiptarët do të votojë për ne

Viti 2009 do të ishte për 29 - vjeçaren Jorida Tabaku, nëse mund ta themi në gjuhën popullore, viti i korrjes së asaj fare që e reja tiranase kishte mbjellur falë investimit të saj intelektual dhe politik, por edhe duke marrë “shpërblimin” për familjen e saj e cila ndonëse në 50-vjet të regjimit komunist ishte përndjekur, në vitet e pluralizmit nuk ishte përfaqësuar aq sa duhej. Ndonëse angazhimi i saj pranë qeverisjes së PD-së në nivel ekspertize ka qenë gjatë gjithë mandatit të saj të parë në vitet 2005-2009 këtë vit Jorida do të mund të realizonte atë për të cilën kishte punuar dhe ëndërruar: Angazhimin direkt të saj në qeverisje dhe politikë por për Kabinetin Berisha të cilin ajo e quan shumë të suksesshëm. Këtë vit zonja Tabaku ka marrë doktoraturën në ekonomi, është emëruar zv/ministre nga kryeministri Berisha si dhe është kandiduar në Tiranë, qytetin e saj të lindjes si kandidate për deputete e PD-së, forcës politike së cilës ajo, familja dhe fisi i Tabakëve i kanë dhënë vazhdimisht mbështetje gjatë 18 viteve të pluralizmit. Për këtë ndihet mirë, e vlerësuar dhe krenare. 29 - vjeçarja, pinjolle e familjes Tabaku ka mbaruar Fakultetin Ekonomik dhe ka kryer një sërë studimesh pasuniversitare, kryesisht në Angli dhe SHBA, dhe pavarësisht mundësive të paraqitura, asnjëherë nuk e ka marrë në konsideratë mundësinë për t’u rialokuar jashtë vendit. E rritur që e vogël me frymën e djathtë në një intervistë ekskluzive për gazetën “55”, zonja Tabaku rrëfen ambiciet e saj në politikë. Premton se do të jetë mbrojtëse e parimeve të lirive të zgjeruara ekonomike dhe shtetit ligjor duke qenë se janë edhe shtylla të programit të PD-së të cilat sipas saj janë themelore për arritjen e objektivit final të gjithë shqiptarëve, zhvillimit dhe integrimit evropian i vendit.

- Në harkun kohor prej rreth një muaji, jeni vlerësuar dy herë: së pari duke u emëruar si zv/ministër e Integrimit, dhe së dyti duke kandiduar në qytetin tuaj të lindjes si kandidate për deputete. Si ndjeheni?

Në fakt janë tre, po t’i shtoj edhe një arritje tjetër në planin shumë personal që është marrja e Gradës Doktor i Shkencave në Ekonomi. Sigurisht që është një vlerësim shumë i madh. Vlerësimi vjen për dy faktorë kryesorë; së pari jam e kënaqur sepse është vlerësuar investimi im personal, investimi im profesional që kam bërë gjatë këtyre 9 viteve të fundit. Së dyti më është dhënë mundësia që unë të kontribuoj dhe ti bashkohem këtij ekipi të suksesshëm qeverisës, këtij ekipi fitues, që gjatë këtyre katër viteve ka bërë ndryshime të jashtëzakonshme. Dhe ky është privilegji më i madh, fakti që ndërmjet të gjithë të rinjve që kanë qenë të gatshëm të kontribuojnë, në këtë rast jam përzgjedhur dhe unë.

- Në fakt angazhimi i të rinjve në në qeverisje ka qenë një prioritet i qeverisë. Ky vlerësim i ardhur nga ana e liderit të Partisë Demokratike dhe kryeministri Berisha, vjen tek ju thjesht si një e re nga shoqëria civile, apo ju keni dhe lidhje me PD-në?

Eshtë e vërtetë që qeveria Berisha iu ka krijuar shumë hapësira të rinjve për tu angazhuar dhe dhënë kontributin e tyre, jo vetëm në qeverisje por duke iu krijuar dhe të tjera hapësira fal reformave të ndërmarra që të mund të realizojnë objektivat e tyre. Në rastin tim mendoj se kam avantazhin që i kam pasur të dyja. Pavarësisht se kam qenë simpatizante, militante e Partisë Demokratike për shumë kohë, kam qenë anëtare e saj që në vitin 2001, nga ana tjetër kam 10 vite që punoj në shoqërinë civile. Nuk i kam përzier asnjëherë këto dy elementë, ashtu siç ka ndodhur me shumë të tjerë. I kam mbajtur të veçuar angazhimin tim me Partinë Demokratike dhe njëkohësisht angazhimin tim me shoqërinë civile. Për këtë arsye besoj se angazhimi im me shoqërinë civile do të më ndihmojë akoma dhe më shumë duke kuptuar edhe një pjesë tjetër të realitetit shqiptar, i cili ndoshta brenda administratës nuk kuptohet. Eshtë e vërtetë se ftesa më ka ardhur nga Kryeministri, por dua të theksoj se kam gjetur një përkrahje dhe mbështetje të gjerë brenda strukturave të Partisë Demokratike, si për postin e zëvendësministres, ashtu dhe vendosjen e emrit tim në listën e kandidatëve për Tiranën.

- Duke qenë se ju keni qenë e angazhuar me shoqërinë civile, si i keni parë zhvillimet që kanë ndodhur në Shqipëri gjatë këtyre katër viteve të fundit?

Unë i kam parë këto zhvillime jo vetëm nga pikëpamja e shoqërisë civile, por edhe si akademike. Kam bërë shumë studime në terren. Temat e mia të Masterit dhe e Doktoraturës që sapo kam përfunduar, lidhen me bizneset e vogla dhe me nxitjen e sipërmarrjes dhe kjo ka qenë një fushë në të cilën unë kam investuar dhe studiuar shumë në realitetin shqiptar. Pikëpamja ime lidhur me këtë fushë është se, bizneset shqiptare sot e kanë më të lehtë për të bërë biznes se katër vite më parë. Nuk ka më barriera financiare, është përmirësuar me 48 vende pozicioni i Shqipërisë në lidhje me sigurimin e financimit për bizneset e vogla, është reduktuar barriera e krijimit të biznesit, është reduktuar taksa për bizneset. Në të gjithë botën, taksa e sheshtë që është vendosur nga kjo qeveri konsiderohet si promotor zhvillimi dhe njëkohësisht presupozon që do të ndihmojë një grup shumë të gjerë biznesesh. Shembulli më konkret është rritja e numrit të bizneseve të krijuara, vendet e punës të hapura dhe që do të vazhdojnë të hapen. Kjo liri ekonomike, kjo lehtësi e të bërit biznes sigurisht që është faktori më pozitiv. Sigurisht që ka pasur ndryshime të jashtëzakonisht pozitive në shumë fusha, ku dua të përmend bumin infrastrukturor, reformën fiskale, sukseset në luftën kundër korrupsionit dhe kriminalitetit, paketën në mbështetje të fermerëve që do të vazhdojnë edhe në katër vitet e ardhshme, etj., të cilat jo vetëm që mundësuan anëtarësimin në Nato por që e kanë afruar Shqipërinë më shumë se kurrë me BE. Por, ajo që unë dua të vlerësoj krahas investimit në lehtësinë e të bërit biznes, është njëkohësisht dhe sektori i arsimit. Kjo qeveri është fokusuar në këto katër vite, në liberalizimin e arsimit dhe në institucionalizimin e të drejtës universale për arsim. Është një e drejtë që duhet t’i jepet çdo individi. Pastaj e përcakton vetë universiteti, e përcakton vetë tregu i punës se kush është më i mirë dhe kush është më pak i mirë. Por, kjo qeveri ka parimin që tu japë të gjithëve të njëjtat të drejta dhe ky parim i zbatuar si në arsim, si në ekonomi, e në çdo sektor tjetër, ka qenë faktori bazë që ka sjellë një rritje të vazhdueshme ekonomike.

- Meqë folët për arsimin dhe si akademike besoj keni ndjekur në debatet e fundit televizive, përfaqësues politikë të Partisë Socialiste por dhe specialistë që përkrahin aksiomën e tyre të cilët e kanë parë me shumë dyshim reformën në arsim. Madje kanë shkuar deri atje sa kanë komentuar me ironi përsa i përket liberalizimit të arsimit të lartë me shtimin e numrit të studentëve në universitetet publike apo dhe hapjes së universiteteve private. Cili është komenti juaj rreth këtyre qëndrimeve?

Të dëgjosh një politikan ti thotë rinisë së vendit të tij, dhe më konkretisht të diplomuarve të 4 viteve të fundit, se je e pavlerë dhe e pashpresë dhe se ne do të punojmë për rininë ‘e ardhshme, është njësoj si të dëgjosh një prind t’ja thotë këtë fëmijës së tij, dhe si zgjidhje të bëjë një fëmijë tjetër. E pra një prind i vërtetë nuk do ta bënte kurrë këtë. Kjo është shumë e trishtueshme. Teoritë socialiste në këtë drejtim ngjasojnë si dy pika uji me ato të Partisë së Punës në sistemin plotësisht të centralizuar ekonomik, arsimor dhe të punësimit, ku ishte Partia që vendoste se sa dhe kush do të shkollohej dhe se ku do caktohej në punë kushdo që diplomohej. Partia Demokratike beson tek liria dhe është e bindur se këtë funksion duhet ta kryejë tregu i lirë. Ajo çfarë ne mendojmë se duhet të ofrojmë janë mundësi të parabarta për këdo që dëshiron të shkollohet. Sigurisht që zhvillimi i vazhdueshëm i vendit dhe rritja ekonomike do të krijojë mundësi në rritje punësimi dhe do të kërkojë angazhimin e njerëzve gjithnjë e më të shkolluar. Rritja e numrit të studentëve çon vetëm në përmirësimin e tregut të punës. Për ata të diplomuar që ndoshta nuk janë të aftë të punësohen nga bizneset e mëdha apo institucionet të tjera, ne po krijojmë të gjitha lehtësitë që nesër të mund të hapin një biznes të tyre dhe të kthehen në një promotor real zhvillimi. Këto studentë që neve po i çojmë në universitete, do të krijojnë vende të reja pune. E përmenda dhe pak më parë që, ne si e djathtë kemi disa parime. E drejta universale për studim është një parim bazë, që nuk duhet t’ia mohojmë askujt. Asnjë shqiptar që do të studiojë nuk do të pengohet.

- Le ti kthehemi edhe një herë sfidës tuaj të fundit. Kandidoni për Parlamentin Shqiptar duke qenë në listën e Tiranës. Meqë vini nga shoqëria civile dhe, politika në momentet kyçe merr nga shoqëria civile pjesën më të mirë të saj, nëse kjo ftesë do t’ju ishte bërë nga një tjetër forcë politike a do e pranonit?

Sigurisht që jo. Parimet dhe bindjet e mija janë të djathta, bazohen tek një shtet i vogël por ligjor dhe liria e individit. Unë në asnjë moment nuk kam pasur dyshim në politikat e kësaj qeverie, sepse përfaqësojnë bindjet e mija, të familjes sime, të të parëve të mi. Për më tepër unë nuk mund të jem dot me një forcë tjetër politike, kur unë vij nga dy familje të mëdha ish-pronarësh, familje sipërmarrësish të sekuestruar dhe arsimtarësh të përndjekur politikë. Sigurisht që e vetmja alternativë është alternativa e djathtë, që hapi portën e lirisë dhe demokracisë në fillim të viteve ’90 dhe që e ka afruar më shumë se kurrë Shqipërinë me familjen Evropiane në këto katër vite reformash të rëndësishme.

- Duke qenë së vini nga dy familje të mëdha ish-pronarësh dhe të pereskutuarish, për lexuesit por dhe votuesit a mund të dimë më shumë për prejardhjen e Jorida Tabakut?

Përfaqësoj dy familje shumë të mëdha, familjen Tabaku dhe familjen Turdiu, dhe sigurisht që është një krenari që përfaqësoj listën e Tiranës nën siglën e PD-së. Ndonëse e re në moshë dhe nuk kam arritur që ta jetoj sistemin diktatorial di fare mirë vështirësitë me të cilat është përballur familja ime si dhe shumë familje të tjera shqiptare gjatë atyre viteve. Familja e babait tim ka qenë një ndër familjet që në vitet ’30 ishte angazhuar në ekonominë e tregut. Kishte fabrikën e vetme të sapunit dhe parfumeve këtu në Shqipëri dhe madje eksportonte, por sistemi ia konfiskoi të gjitha pronat. Si mjaft familje të tjera të ngjashme gjatë 50 viteve të regjimit totalitar kanë vuajtur shumë dhe nuk iu dha kurrë vendi i duhur në shoqëri. Ndërsa nga familja e nënës, Turdiu, ka qenë familje arsimtarësh, kanë studiuar në universitetet më të mira jashtë Shqipërisë. Gjyshi im ka qenë i dënuar në Savër të Lushnjës ku me shumë pasion vazhdonte të jepte mësim nga 12 deri në 13 orë në ditë fshatrave të kësaj zone. Sigurisht që vuajtjet dhe aspiratat e familjes sime për sipërmarrjen e lirë dhe arsimin kanë ndikuar mjaft në formimin dhe bindjet e mia.

Nëse mundeni a mund të na komentoni listën e dy ekipeve ose forcave kryesore politike në Tiranë asaj të PD-së dhe PS-së?

Lista e Partisë Demokratike e Tiranës, është lista më përfaqësuese që është bërë. E them këtë sepse, në këtë listë mishërohen më së miri vlerat më të mira të zhvillimit të Tiranës në këto 18 vite. Gjen akademikë të përfaqësuar aty, janë familjet më të mëdhaja tiranase të përfaqësuar atje, është e përfaqësuar administrata, të gjithë ata persona të cilët kanë kontribuuar dhe kanë ndërmarrë reformat e suksesshme qeverisëse të këtyre 4 viteve, janë të përfaqësuar. Gjithashtu, është e përfaqësuar nga pikëpamja e ministrave, jo vetëm lista e Tiranës, por lista e çdo qyteti kryesohet nga ministrat e kësaj qeverie. Ne jemi të gjithë një ekip. Neve që të gjithë plotësojmë njëri-tjetrin, që të gjithë konsiderohemi se i japim kësaj liste një kontribut që nuk e ofron tjetri. Nuk dua të bëj komente për listën e Partisë Socialiste, sepse ndoshta nuk i njoh mirë të gjithë individët dhe nuk e di çfarë kontributi ata kanë dhënë, por sigurisht që kushdo do të ishte dakord me mua që një ushtri pa komandant, nuk ofron gjë tjetër veçse disfatë. Ndërkohë që jam e bindur se forca politike që përfaqësoj me të vërtetë e meriton fitoren, duke pasur parasysh jo vetëm vullnetin e palëkundur dhe arritjet e suksesshme që kemi pasur këto katër vjet, por dhe garancitë e padiskutueshme që ofron për suksesin e programit të PD në katër vitet e ardhshme. Ndoshta sistemi proporcional është i tillë që individi nuk evidentohet, por PD ka bërë të mundur që, krahas partisë, me këtë listë të votohet edhe për individin.

Nëse do të zgjidheni deputete, çfarë të rejash mendoni se do të sillni në Parlamentin Shqiptar?

Pa mëdyshje që rruga e reformave të suksesshme që kemi ndërmarrë dhe që sollën anëtarësimin e Shqipërisë në NATO, nënshkrimin dhe ratifikimin e MSA nga të gjitha parlamentet e BE, do të jetë dhe rruga që do të vazhdojmë dhe në katër vitet e ardhshme në mënyrë që në fund të mandatit tonë të dytë ta kemi çuar vendin në prag të anëtarësimit në BE, ndërkohë që kontributi im në Parlament do të jetë pikërisht në mbështetje të zbatimit të programit që do të sjellë këtë. Në veçanti, unë dua të fokusohem shumë tek arsimi, tek çështjet gjinore që kjo qeveri i ka pasur përzemër dhe do vazhdojë t’i ketë. Dua të fokusohem shumë tek bizneset e vogla, nxitja e tyre dhe mënyra se si ne mund të përmirësojmë këtë treg dhe këtë industri që është forca vibrante e ekonomisë shqiptare. Gjithashtu, si mund të përmirësohen marrëdhëniet e shoqërive tregtare. Ka shumë drejtime në të cilat unë mund të kontribuoj, por Parlamentin e ardhshëm e konsideroj pothuajse në të njëjtën frymë që është Parlamenti i sotshëm, por me angazhime akoma më të mëdha, në mënyrë që si fillim, brenda mesit të vitit që vjen të mundësojmë ëndrrën e çdo shqiptari për të lëvizur i lirë në Evropë..

- Përse mendoni se do të fitojë Partia Demokratike, dhe duke qenë se jeni me origjinë tiranase, a mendoni se tiranasit do votojnë maxhorancë PD-në?

Unë nuk kam as më të voglin dyshim që PD do të votohet jo vetëm nga ‘tironsit’ por nga të gjithë ata që me mund e me djersë kanë ndërtuar jetën dhe familjet e tyre në Tiranë që sot është e të gjithëve. Besoj se Partia Demokratike do fitojë për një sërë arsyesh. Besoj se do të fitojmë për ato që ne kemi arritur, sepse i kemi treguar shqiptarëve që ne dimë të punojmë dhe qeverisim. Besoj se do të fitojmë sepse ne kemi një ekip fitues, kemi një ekip përfaqësues, individë që kanë kontribuar dhe do vazhdojnë të kontribuojnë. Do të fitojmë sepse kemi vërtetuar vullnetin për ta qeverisur këtë vend me ndërshmëri dhe me transparencë. Besoj se do të fitojmë, sepse shqiptarët kanë besim në alternativën e paraqitur nga Partia Demokratike. Dëgjoj shumë argumente si politika e vjetër, politika e re, jemi të lodhur gjatë këtyre 18 viteve, etj, por, në këto 18 vite shqiptarët dinë ta bëjnë mirë dallimin midis 8 viteve të një qeverisje të korruptuar të klasës së vjetër që sot na sjell një politikë ‘të re’ dhe 4 viteve reforma dhe zhvillimi të vazhdueshëm të PD-së. Unë vërtet rrjedh nga një familje autoktone ‘tironse’, dhe kjo gjë jam e bindur që e bën të ndjehet mirë këtë shtresë që besoj se jo vetëm do ta vazhdojë por do ta rrisi mbështetjen e jashtëzakonshme për PD, por së pari jam përfaqësuese e PD e cila do të votohet pasi në të gjejnë mishërim aspiratat për liri, demokraci e integrim të të gjitha shtresave sociale-ekonomike, fetare, demografike e gjeografike të Shqipërisë.

Sidoqoftë nuk mund të rri pa përmendur faktin që gjatë vizitave të këtyre ditëve në shumë rrugica të vjetra ‘tironse’, më kanë emocionuar shumë takimet me shumë persona që më thonin “ne gjithmonë kemi votuar për PD-në, por tani që je edhe ti aty do të votojmë akoma dhe më shumë”

- Në pozicionin e zv/ministres së Integrimit, shihet që përsa i përket çështjes së integrimit, Shqipëria vazhdon të jetë shumë mirë, kujtojmë këtu anëtarësimin në NATO, nënshkrimin e MSA-së, ftesën për në BE si dhe së fundi, premtimi i qeverisë që brenda vitit të parë të qeverisjes në mandatin e dytë, do të ketë një liberalizim vizash. Sa është e mundur kjo?

Integrimi euroatlantik ka qenë dhe do të jetë prioriteti ynë kryesor. Ka qenë fusha ku ne kemi bërë më shumë dhe ku do vazhdojmë të bëjmë ende shumë. Fakti që ne u anëtarësuam në NATO, sigurisht që është meritë e të gjithë shqiptarëve, por ka qenë nxitja dhe vullneti politik i kësaj qeverie që e bëri të mundur nëpërmjet reformave rrënjësore që ndërmori dhe një lufte pa kompromis kundër korrupsionit dhe krimit të organizuar. Ne po luajmë një rol tjetër tashmë në rajon, ne nuk jemi më aktorë, por po bëhemi faktor dhe njëkohësisht po luajmë marrëdhëniet e fqinjësisë së mirë me të gjitha vendet e rajonit. Njëkohësisht në lidhje me Integrimin Evropian, është sfida jonë kryesore. Unë, së fundmi në këtë detyrë, po filloj të mësoj shumë se çfarë kemi bërë, çfarë do të bëjmë, ku kemi ecur dhe ku kemi pasur më pak progres. Ajo që mund të them me bindje të plotë është se, të gjitha reformat që ka ndërmarrë kjo qeveri, janë të gjitha në funksion dhe hapa të ndërmjetëm drejt integrimit tonë evropian.

Ura e Tabakëve dhe përfaqësimi për herë të parë i kësaj familje në politike

Ura e famshme të Tabakëve mbi të cilën kalojmë të gjithë sigurisht që do të ketë lidhje me mbiemrin Joridës. Familja e saj i ka fillimet të hershme, me ndërtimin e kësaj ure që mori emrin nga familja e tregtarëve të pasur të Tiranës, që bën të mundur lidhjen e dy anëve të qytetit. Pas luftës kjo familje u përndoq, iu sekuestruan pronat dhe e futën në rrethin e armiqve të pushtetit. Kjo urë ishte ndoshta e vetmja që të kujtonte emrin e asaj familjeje të madhe, një ndër themeluesit e këtij qyteti.

[kundraRRYMES]

Pershendetje

Mendoj qe shume persona ne kete forum po "topping up"(plotesojne) minutat e fushates elektorale pa dallim partije.

Pa dashur te perdor ironine dhe sarkazmen doja te uroja qeverine shqiptare per arritjen e saj ne integrimin e shqiperise ne EU. Jemi ne rruge te mbare nje rruge e gjate qe ka filluar ne 1990 me po te njejtet personazhe e me po te njejtet drejtues.

Pa dashur te delegoj fajin dua te them kur nje person deshton per gati 20 vjet duhet fare mire te largohet ashtu sic largohet nje drejtues i nje kompanie qe nuk ka rezultate.

Me vjen keq shume per shumicen e popullsise shqiptare per ata qe punojne e ropaten. Eshte per te ardhur keq kur lexojme qe shqiperia nuk i ka permbushur kushtet per te fituar nga liberalizimi i vizave. A kane cipe apo seder politikanet shqiptare. Dhe ju qe dilni ketu si zedhenes te tyre ju lutemi fshihuni atje ku jeni ju lutemi mos dilni me ne publik lini vend njerzve te zhgenjyer lini vend atyre qe me te vertete po punojne dhe qe kerkojne me teper sesa nje nje turme pseudo politikanesh te paafte.

Me nderime

[B.C.B]

mua nuk ma mer mendja qe po futet Shqiperia kete vit ne EU.

[Nice_Boy]

Basha: Progres për heqjen e vizave

Brenda 12 muajve Shqipëria do të liberalizojë vizat me Bashkimin Evropian. Kreu diplomacisë shqiptare, Lulzim Basha vlerësoi me nota tejet pozitive përfundimin e punimeve të takimit të ministrave të jashtëm në Këshillin e Bashkimit Evropian për Ballkanin Perëndimor sipas të cilit vlerësimi për Shqipërinë e bën edhe më reale objektivin e Tiranës zyrtare për arritjen e një objektivi madhor siç është liberalizimi i vizave.

“Këshilli përshëndeti progresin e qartë të Shqipërisë dhe vendeve të tjera të Ballkanit Perëndimor në realizimin e standardeve të përcaktuara në udhërrëfyesit mbi liberalizimin e vizave dhe inkurajoi Komisionin Evropian që të paraqesë sa më parë një propozim, me qëllim që në rastin më të mirë, deri nga fundi i vitit 2009, të realizohet një regjim pa viza me ato vende që do të kenë plotësuar të gjitha standardet. Deklarata e djeshme e Këshillit të Ministrave të Bashkimit Evropian rikonfirmon qartësisht dhe bindshëm, se Shqipëria po përparon me shpejtësi drejt objektivit madhor, heqjen e vizave për qytetarët shqiptarë brenda 12 muajve”, tha Basha.

Më konkretisht, deklarata përfundimtare e Këshillit tëBashkimit Evropian për Ballkanin Perëndimor, rikonfirmon mbështetjen e dialogut për liberalizmin e vizave me Shqipërinë, Bosnje Hercegovinën, Maqedoninë, Malin e Zi dhe Serbinë mbi bazën e udhërrëfyesve të cilët përmbajnë standarde të qarta dhe realiste të vlerësimit për secilin vend.

“Konfirmimi i djeshëm i Këshillit të Ministrave të Bashkimit Europian është një lajm i mirë për të gjithë shqiptarët, pavarësisht bindjeve politike. Është e turpshme, e papranueshme dhe do të marrë përgjigjen e duhur spekulimi që zoti Rama dhe mediat e kontrolluar prej tij bëjnë me këtë lajm kaq të shumëpritur nga shqiptarët anë e mbanë vendit dhe jashtë në emigracion”, tha Basha.

[Duaje Siveten]

mua nuk ma mer mendja qe po futet Shqiperia kete vit ne EU.

edhe mue nuk ma merr mendja se Shqiperia do te futet ne EU para vitit ... qe jemi ne vijim ...

OOOOOPS!

[juanito02]

Qeveria e Bashes e mbaroi mandatin. Ska ku ti gjeje me vizat tani. Shqiperia ngeli prape jashte bile per turpin tone pas Maqedonise e Serbise.
Se ku eshte ajo rruga drejte qe thote Basha e di ai po ka hall sa te mare votat e do ta lere prape Shiperine varur per viza edhe 4 vjet te tjera, sic la varur legalizimet, shperblimet e te perndjekurve, ujin 24 ore, me stilin tipik te Berishes per ti lene gjerat varur.
Une se kuptoj se si ka me kokeboshe te mbajne shprese te Basha i cili ka bere gati valixhet per ne Holande, te shoqes i ka hequr fare shtetesine shqiptare, dhe e ka larguar.
Prisni ju qe e besoni tjua sjelle vizat ppreh holande pastaj.

[ILMGAP]

Une se kuptoj se si ka me kokeboshe te mbajne shprese te Basha.

Unë se kuptoj se si ka me kokeboshe te mbajnë shpresë te Politikanët e tanishëm (momental).

[DeuS]

Kete Bashen e degjova mbreme ne Opinion..
Ky ka nje vete-pelqim qe po kalon ne delir. Ka nje sharm Enverist dhe ajo qe eshte me skandalozja dhe qe vertet me ka bere te qesh disa here mbreme, ishte fakti se vetem recitoi te njejtat strofka te mesuara permendesh dhe nuk ju pergjigj konkretisht asnje kritike te oponentit socialist. Ai tjetri me fakte, kerkonte pergjigje..ky menjerehere sapo merrte te drejten e fjales, fillonte te recitonte dhe drejtohej nga kamera. Te vesh duart ne koke. Minister burri botes. Per mendimin tim duhet te konsideroje aktrimin si profesion. Mgjs, eshte e pamundur, se dikush duhet te abuzoje me sistemin, duhet te vjedhe mbi 300m dollare ne nje cope rruge, duhet te punesoje motra e kuneter neper ambasade bote dhe duhet me cdo kusht dikush i perkuleshem, bithlepires dhe servil si Basha, per te fryre xhepat e familjes kryeministrore. Orator qe te merr ne qafe kshu kur e degjon. Ama, e perseris, dje ka mbetur si i dhjere ne brreke para oponentit, qe me fakte, me llogjike, ja numeroi te tera para publikut.