Fërçkovski: Kantonizim nëse izolohet Maqedonia
04/03/2009 11:00:40
Kandidati për president i LSDM-së, Lubomir Frçkovski ka theksuar se nëse Maqedonia do të vazhdojë të jetë e izoluar nga NATO dhe BE, atëherë shqiptarët në Maqedoninë Perëndimore do të kërkojnë kantonin e tyre
Këto vërejtje i ka bërë kandidati për presidenti i LSDM-së, Lubomir Frçkovski gjatë tubimit me qytetarët në Prilep, ku u hap edhe gara e tubimeve zgjedhore të kësaj partie.
Sipas tij, politika që drejton qeveria aktuale për emrin është tejet e dëmshme.
“Mbajtja e Maqedonisë në izolim dhe varfëri pa hyrje në NATO, do të nxisë shqiptarët në Maqedoninë Perëndimore për t`u ndarë në kanton. Ata do të ndahen nëse vazhdon politika aktuale e Qeverisë”, ka theksuar Fërçkovski.
Sipas tij, Qeveria aktuale e ka bërë vendin më të varfër në rajon, duke kritikuar edhe planet e fundit qeveritare që siç i quajti ai mashtrime me miliarda dollarë. Nga LSDM kanë bërë të ditur se Qeveria nëpërmjet presioneve të ndryshme kërcënon të punësuarit në administratë që të japin votën e tyre për VMRO-DPMNE. (INA)
Përgjigju Duke Cituar
Krijoni Kontakt