Topi dekoron të pushkatuarit e vitit 1951

[Antimafia]

Në studimin historiko-juridik të Uran Butkës shfaqet lakuriq një pushtet kriminal terrorist

"Bomba në Ambasadën Sovjetike", si u përgatitën listat e vdekjes

Më 19 shkurt 1951, në orën 17 e 47 minuta u hodh në oborrrin e ndërtesës së Ambasadës Sovjetike një sasi e vogël dinamiti me potencial të reduktuar. Një krisje e fortë dhe disa xhama të thyer. Asgjë më shumë. Alarm në Ministrinë e Brendshme dhe në qarqet e larta politike të Tiranës. Shqetësim në Ambasadën Sovjetike në Tiranë dhe në Ministrinë e Jashtme të BS.

Një javë më vonë, Tirana dhe gjithë Shqipëria do të tronditej nga masakra e natës së 26 shkurtit 1951, të cilën historiani Uran Butka (autor i librit më të fundit të tij "Bombë në Ambasadën Sovjetike") me të drejtë e cilësi si ngjarjen më tipike të krimeve të komunizmit e njëherësh më kundërligjore dhe më me pa precedent në historinë e legjislacionit shqiptar e të huaj.

Nëpërmjet këtij libri të konsideruar si "Studim historiko-juridik", gjithkush mëson se si shfaqet lakuriq një pushtet kriminal terrorist, që nuk respekton as legjislacionin që ka hartuar vetë. Duke iu referuar burimeve historike dhe arkivore Prof. Uran Butka shprehet në këtë libër se, si ish-ministri i Brendshëm, Mehmet Shehu, një ditë pas kësaj ngjarje të sajuar, në seancën e datës 20 shkurt 1951, gjatë raportimit në Byronë Politike të KQ të PPSH do ta konsideronte këtë ngjarje politike "të kalibrit të madh", bile më e madhe se një atentat që mund të bëhej kundër nomenklaturës së kuqe.

"Ministri i Brendshëm kërkoi nga Byroja Politike që arrestimet të bëheshin qysh atë natë, pa u bërë hetime për ngjarjen dhe pa gjetur provat e personat e pandehur. Ai kërkoi që të arrestoheshin menjëherë 100 ose 150 vetë, nga të cilët 10 ose 15 më të rëndësishmit të pushkatoheshin pa gjyq. Ky terrorizëm shtetëror ishte në natyrën e shtetit totalitar komunist, që kishte marrë fuqinë me krime e me gjak dhe kërkonte ta mbante me terror dhe masakra", shprehet Butka në librin "Bombë në Ambasadën Sovjetike". Ky ishte sipas tij edhe motivimi politik i kupolës komuniste për masakrën me pretektstin e "bombës" në Ambasadën Sovjetike. Dhe arrestimet që u kryen më datën 20-23 shkurt 1951, mandej pushkatimet dhe burgimet, të cilat, ndonëse u bënë për shkak të hedhjes së një sasie të vogël dinamiti në Ambasadën Sovjetike në Tiranë, më 19 shkurt, ora 17.45, nuk kishin asnjë lidhje me këtë incident dhe asnjë lidhje me ndonjë akt tjetër terrorist. Këto ishin arrestime dhe dënime politike, përgatitur qysh më parë nga Sigurimi i Shtetit dhe Ministria e Brendshme dhe të urdhëruara nga Byroja Politike e KQ të PPSH.

Gjatë promovimit të librit "Bombë në Ambasadën Sovjetike" që u organizua dje nga familjarë të viktimave në sallën e madhe të Muzeut Historik Kombëtare, autori i tij Uran Butka provoi se, arrestimet u bënë mbi listat e vdekjes, të parapërgatitura nga Sigurimi i Shtetit në Ministrinë e Brendshme.

"Lista e parë, e përgatitur nga sektori i parë i Drejtorisë së Sigurimit, me kryetar Pilo Shanto, mban titullin tronditës: Personat e arrestuar që propozohen për t'u ….. (Mbi pikat, titullarët mund të shkruanin ç'të dëshironin: për t'u pushkatuar, për t'u burgosur etj). Nga kjo listë e gjatë, krerët e Ministrisë së Brendshme zgjodhën dhe shënuan me kryq emrat e Tefik Shehut, Hekuran Trokës, Lluka Rashkoviç, Haki Kodrës, Thoma Katundit, Mehmet Ali Shkupit, Gjon Temalit, Fadil Dizdarit dhe Pandeli Novës.

Lista e dytë, e përgatitur në sektorin e dytë të Sigurimit nga drejtori, kapiteni i parë, Rasim Dedja, përmbante tetë propozime, nga të cilat u përzgjodhën për t'u pushkatuar, duke u shënjuar me nga një kryq përbri emrit: Ali Qoraliu, Zyhdi Herri, Gafurr Jegeni, Petro Konomi, Jonuz Kaceli dhe Sabiha Kasimati.

Lista e tretë e parapërgatitur në sektorin III të Sigurimit nga major Edip Çuçi, ka titullin vrasës: Lista e elementit që propozohet për t'u dënuar me vdekje.

Kryetari i Sektorit III të Sigurimit mund t'i propozonte prokurorisë e Gjykatës t'i gjykonte e dënonte sipas fajeve që duhet të provoheshin, por jo ta vendoste vetë dënimin me vdekje! Sigurimi i Shtetit ishte vendosur mbi organet e drejtësisë, të cilat kishin mbetur formale dhe zbatonin verbërisht urdhërat e vendimet e Ministrisë së Brendshme. Një shtet policor, më kriminali në gjithë vendet komuniste të Lindjes.

Nga lista e tretë, e hartuar më 22. 2. 1951, u përzgjodhën për t'u pushkatuar: Pjerrin Guraziu, Qemal Kasaruho, Anton Delhysa, Niko Lezo, Myftar Jegeni, Manush Peshkëpia.

Emrat e Sabiha Kasimatit, Reiz Selfos, Qemal Kosoruhos dhe Manush Peshkëpisë, u vendosën në listat e pushkatimit nga Enver Hoxha, i cili i njihte mirë personalisht.


Akuza e Prokurorit ushtarak, Siri Çarçani, mban datën 25.2.1951 dhe përmban akuzën: Janë vënë në shërbim të spiunazheve të huaja imperialiste; janë bërë anëtarë të një organizate terroriste. Kanë propaganduar rrëzimin me dhunë të pushtetit popullor dhe kanë hedhur parrulla pro shpërthimit të një lufte të re nga ana e imperialistëve amerikano - anglezë e satelitëve të tyre", shprehet Butka. Pas analizës juridike të fakteve, ai provon se "Akuza është kolektive, për të gjithë e njëjta akuzë, ndonëse të akuzuarit, siç është provuar edhe në hetuesi - nuk kanë asnjë lidhje apo bashkëpunim me njëri-tjetrin; nuk janë pjestarë të ndonjë organizate politike apo terroriste; nuk kanë pasur asnjë aktivitet për akuza të tilla". Duke iu referuar gjyqeve të para politike të vitit 1945, Prof. Butka shprehet se, "nuk ka pasur asnjë rast të tillë të ngjashëm, ndonëse të pandehurit i kanë përfshirë në grupe armiqësore, por për secilin janë dhënë akuza e prova të veçanta. Ndërsa në vitin 1951, kemi një akuzë të përgjithshme me tri reshta, asnjërit nuk i përmendet akuza për pjesëmarrje ose dijeni për ndonjë akt terrorist, aq më pak për bombën në Ambasadën Sovjetike - për shkak të së cilës u arrestuan".








Dëshmi tronditëse të vetë prokurorëve e gjykatësve të asaj kohe se si ekzekutuan pa gjyq 22 intelektualët e pafajshëm

Absurdi: Gjykoheshin njerëz që ishin vrarë një ditë më parë dhe nuk ekzistonin fizikisht

Në librin e tij "Bombë në Ambasadën Sovjetike", Uran Butka sjell dëshmi tronditëse të vetë prokurorëve e gjykatësve të asaj kohe, se si u sajuan akuzat dhe si u ekzekutuan pa gjyq 22 intelektualët e pafajshëm. Le t'iu referohemi disa fakteve.

Siri Çarçani dëshmon: "Unë kur kam nënshkruar aktakuzën, nuk kam pasur dosje hetimi të dërguar nga Drejtoria e Sigurimit të Shtetit. Personat që kanë emrat në aktakuzë, unë nuk i kam njohur fare dhe si prokuror nuk kam marrë pjesë në hetimet që zhvillonte Sigurimi i Shtetit. Unë nuk i kam lexuar dhe as i kam parë proces verbalet e marrjes në pyetje të të pandehurve dhe as ndonjë material tjetër të dosjes hetimore. Pasi nënshkrova aktakuzën, më duket se ia kam dhënë Sotirit dhe se ku ka përfunduar ajo nuk e di. Për dijeninë time, Gjykata e Lartë Ushtarake nuk ka zhvilluar gjyq ndaj këtyre të pandehurve". Nga këto pohime të mëvonshme të Siri Çarçanit, rezulton se ai nuk e ka hartuar akt akuzën, po e ka nënshkruar atë që i është servirur nga Ministria e Brendshme. Nuk ka parë dosje hetimore, nuk ka marrë pjesë në hetime, madje nuk i ka njohur kurrë viktimat. Dhe ajo çka është thagmë, është pohimi i tij se "nuk është zhvilluar gjyq ndaj këtyre të pandehurve".

Akuza e prokurorit ushtarak është e mbështetur në nenet 2, 3,7 dhe 8 të ligjit nr. 372 datë 12.12.1946. Mirëpo, sipas këtij ligji dhe legjislacionit në fuqi, nuk janë respektuar e kryer proçedurat ligjore, po janë shkelur skajshmërisht e anashkaluar ato.

Me aktakuzën e datës 25.02.1951 të prokurorit, të gjithë të akuzuarit janë dërguar për gjykim në Gjykatën e Lartë Ushtarake nën akuzën e parapërgatitur "për faje kundër popullit e shtetit". Siç rezulton nga aktet e dosjes hetimore, asnjërit të të pandehurve nuk u është komunikuar ndonjë akuzë; nuk është bërë ndonjë proces hetimor ndaj tyre me përjashtim të Gjon Temalit, që është pyetur nga seksioni i Sigurimit të Shtetit (edhe në këtë rast nuk i është komunikuar atij ndonjë akuzë konkrete, por vetëm thuhet "mbi akuzën që i atribuohet".) Procesverbali i hetimit nuk është firmosur as nga i akuzuari as nga hetuesat që e kanë marrë në pyetje. Asnjë provë nuk e ka shoqëruar të ashuquajturin hetim ndaj 22 intelektualëve të pafajshëm. Kjo, shprehet historiani Butka e bën hetimin inekzistent dhe të gjitha veprimet të kundraligjshme. Gjykata Ushtarake me kryetar nën kolonel Shuaip Panariti dhe anëtar kapiteni i parë Vangjel Kocani dhe kapiten i parë Nonda Papuli, e ka filluar shqyrtimin e çështjes më 26.02.1951 (sipas vendimit të kësaj gjykate që mban datën datën 27.02.1951) dhe është shprehur për dënimin e të gjithë të akuzuarve me vdekje - me pushkatim, duke u bazuar po në Ligjin 372 datë 12.2.1946. Ky gjykim, nëse është bërë, është tërësisht i kundërligjshëm, sepse nuk janë pyetur fare të pandehurit, nuk është hetuar gjatë gjykimit, nuk ka pasur dëshmitarë e ballafaqim, nuk janë paraqitur prova, nuk është lejuar prokurori dhe as apelimi. "Ky vendim është i formës së prerë dhe i ekzekutueshëm menjëherë shprehet gjykata në fund të vendimit". Në fund është firmosur nga kryetari dhe Vangjel Kocani dhe nuk është firmosur nga anëtari i Gjykatës Nonda Papuli, dhe sekretari Hidaji Bejo. Pra, procesverbali ka mbetur i pafirmosur plotësisht. Të gjitha këto e bëjnë gjyqin, nëse është kryer, të kundërligjshëm.

Krahas proçesverbalit e vendimit që përshkruam më lart, datë 27.2.'51 mbështetur mbi Ligjin 372, datë 12.12.'46 në dosjen gjyqësore, ekziston edhe një proçesverbal tjetër -vendimi, po me datën 27.2.'51, pa numër vendimi e pa numër protokolli, që gjykon të akuzuarit, por mbi bazën e ligjit të ri "Mbi gjykimin e organizatave terroriste", që ishte dekretuar një ditë më parë, më datë 26.2.'51, por që u miratua më 5 mars 1951 nga Këshilli i Ministrave për t'u bërë i zbatueshëm. Pra, viktimat u "gjykuan" dhe u pushkatuan në mesnatën e datës 26 shkurt, kur dekreti u miratua më datën 5 mars, ndërkohë që s'ishte botuar ende në Fletoren Zyrtare! Absurdi i këtij gjykimi, nëse është bërë, por që "dokumentohet" nga ky proçesverbal i falsifikuar, qëndron në faktin tragjik, se të akuzuarit nuk ekzistonin më, ata ishin vrarë në mesnatën e datës 26.2.51 dhe ishin hedhur - të lidhur me tela me gjemba, në një gropë të përbashkët buzë lumit të Erzenit, pranë urës së Beshirit. Madje, njëri prej tyre, Jonuz Kaceli, ishte vrarë më parë gjatë torturave në birucat e Sigurimit të Shtetit. Pra, "gjykoheshin" njerëz që ishin vrarë një ditë më parë dhe nuk ekzistonin fizikisht, si në një teatër absurd dhe proçesverbali u hartua të nesërmen në datë 27.2.'51, pas ekzekutimit të tyre, siç është vërtetuar plotësisht më vonë.

Rasim Dedja, kryetar i sektorit të dytë të Sigurumit të Shtetit, dëshmon: "Gjatë pyetjes së të pandehurve nga ana e hetuesve të ngarkuar me këtë çështje, shumica e të cilëve ishin operativë të Sigurimit, janë mbajtur shënime dhe nuk janë mbajtur procesverbale të rregullta në pozitën e të pandehurit dhe hetuesit. ...Për pushkatimin e këtyre personave nuk është bërë gjyq dhe këtë e them, pasi nga pyetjet që bëheshin në zyrat e Ministrisë së Brendshme, ata janë çuar direkt në vendin e pushkatimit dhe nuk u është lënë kohë për gjykimin e çështjes…" ( Nga dëshmitë e Rasim Dedes, 19.11.1993)

Po ç'ishte ligji i ri mbi gjykimin e organizatave terroriste. E para s'ishte ligj - sepse nuk u miratua në Parlament (Kuvendin Popullor). Ishte një dekret - i formuluar nga Ministria e Brendshme dhe i firmosur në ditën e pushkatimit nga Presidenti i Republikës, Omer Nishani dhe Sekretari, Sami Baholli. Ky dekret u hartua menjëherë për të justifikuar vrasjet e paligjshme të 22 viktimave. Dihet se arrestimi dhe pushkatimi i tyre pa gjyq bëri bujë brenda e jashtë Shqipërisë. Ministri i Brendshëm, M.Shehu, frymëzuesi dhe zbatuesi i këtij dekreti, deklaroi në atë kohë me mburrje: "Dekreti i Kuvendit Popullor i datës 26 shkurt është një armë shumë e fortë në duart e pushtetit tonë për të goditur pa mëshirë armiqtë e brendshëm".

Historiani i mirënjohur Uran Butka nëpërmjet këtij studimi historiko-juridik konkludon se, "Ky dekret i zi, i paprecedent në legjislacionin shqiptar dhe të huaj, siguronte e përligjte arrestimet, vrasjet dhe burgimet masive nga ana e organeve të diktaturës pa respektuar etapat e proçedurës penale, binte në kundërshtim me Kushtetutën dhe me ligjislacionin e asaj kohe.


Akuza dhe dënimi i 22 martirëve, ishin politike


Prof. Butka argumenton gjithashtu se nga pikëpamja juridike, shqyrtimi dhe dhënia e dënimit nga Gjykata Ushtarake mbi bazën e dekretit të zi nr. 1223 dt 26.2.1951, ka qenë i kundraligjshëm, kjo edhe për arsye se të gjithë veprimet hetimore janë kryer jo në bazë të ligjit apo dekretit të ri, mbasi ato janë kryer pa dalë ky dekret. Pra, veprimet hetimore e gjyqësore i kanë paraprirë ligjit. Nga ana tjetër, Butka sjell në vëmendjen e opinionit faktin se të gjithë këto veprime të paligjshme, mbyllen me një vendim po të kundraligjshëm. Në vendimin gjyqësor, megjithëse viktimat akuzohen për organizim dhe pjesëmarrje në një organizatë terroriste, nuk sillet asnjë provë, asnjë dëshmi, nuk thuhet asnjë emër organizate, asnjë veprim i saj, nuk bëhet asnjë arsyetim dhe analizë.

Përkundrazi, edhe nga shpjegimet e të akuzuarve (nëse janë pyetur vërtet) nuk del asnjë e dhënë që ata të jenë pjesëmarrës të ndonjë organizate, të kenë njohje dhe të kenë biseduar midis tyre. "Të marra në tërësi këto shkelje të ligjit, si edhe mungesa e plotë e një hetimi, e një gjykimi, si edhe ekzistenca e një dokumentacioni të pasaktë, kundërthënës e të pafirmosur, e bëjnë "vendimin" e Gjykatës Ushtarake të kundërligjshëm, duke e vënë atë dhe trupin gjykues përpara përgjegjësisë ligjore", shprehet zoti Butka. Pikërisht, duke u bazuar në fakte të tilla ai konkludon se, akuza dhe dënimi i 22 martirëve, ishin politike.

.

[Ana_E_Malit]

Po ju ore Shqipetare,sa mire rrini gati sote ti hiqni plumin dikuj vec per nje llafe goje,kurse keto gjakeprishur akoma i keni te gjalle para syve, dhe nuk ju hyne gje ne kembe bile. Me vjen keq ta them, por ajo qe i ndodhi Shqiperise ne 97-ten, a'i "revolucion" duhej ti ndodhte ne 90-91 dhe ti pushkatonit pa gjygje ato monstra byroje,qe ju nxine jeten per se gjalli per 50 vjet rresht. Mos thoni qe nuk deshem lufte civile,se ate e bete gati shume mire ne 97-ten,kur ishte ne pyetje leku-materializmi, qe ju vet deshet te pasuroheshit mbrenda dites.pa e lodhur prapanicen aspak.

Pa u vendosur drejtesia ne vend, te atyre 50 vite mizori kanibalesh ateista,minimalisht moralisht po them, kam frige qe Shqiperine do vazhdoi te mallkoi Zoti dhe ato shpirta qe i vrau e internoi-masakroi kulshedra komuniste.

[Shkelqesia_E_Tij]

Kisha nje arsye qe nuk shkruajta ,per respekt te vajzes ,Luljete s qe eshte nje njeri i mrekullushem,dhe forumin e lexojne shume ,nuk doja ta lendoja ,se ato e vuajne kete gje dhe sot dhe kesaj dite ,kur vdiq e shkreta ne internim ,varrimin ja beri ajo ne shtepine e saj ,ai kishte dhe nje femi te vogel qe nuk ishte mire mentalmente ,dhe ajo e shkreta si nene donte ta shifte ,ta perkethelte .
Dhe e shifnte e fshehur nga aneksi ,pa guxuar te jepte nje te puthur ,sepse ai ngaqe nuk ishte shume ne rregull,mund ta nxirrte sekretin tia thoshte babait .
dhe pastaj behej nami.
Mua te gjithe historite me vuajtje te asaj kohe me bejn keq ,nganjehere nuk dua ti kujtoj,prandaj kur lexoj ndonjehere ndonje te ri qe ka nostalgji per ate kohe(mund ta kete trasheguar dashurin per sistemin e kaluar nga familja )them o zot nuk e dini çfare flisni .
Faleminderit Amerikes , Gorbaçovid dhe papa Vojtiles per te gjithe keto dite qe ne gezojme (sado me shume probleme ,por nuk ka te krahasuar).

Nuk duhet te kete ASNJE shqiptar qe te krenohet apo te ndiej nostalgji me nje fatkeqesi kombetare siç ishte sistemi diktatorial i Enver Hoxhes.

[Duaje Siveten]

Nuk duhet te kete ASNJE shqiptar qe te krenohet apo te ndiej nostalgji me nje fatkeqesi kombetare siç ishte sistemi diktatorial i Enver Hoxhes.

i/e nderuar shkelqesi,

sistemi eshte njera ane e medaljes, tjetra eshte individi qe perfaqson sistemin, veçanerisht ne sisteme diktatoriale ... por edhe ne gjysme-demokraci (e cila ne aforizmen e gotes se ujit, nuk desheron te thote gjysme-diktature) na dalin individe si puna e salis ...

dikush mund te thote se e meriton populli ... mire, por edhe ky brezi i ri sikur po ndihet komfort me autoritaret si puna e salis, i cili mbahet me paterica, si nga brenda, ashtu edhe nga jashte ... ndersa ne ekran fodulleku meskin i tij eshte kellire e krupe-nxitese ...

individe si puna e enverit, salis e ndonji kandidati tjeter sigurimso-punist e moren ne qafe kete vend e kete popull ...

[saura]

i/e nderuar shkelqesi,

sistemi eshte njera ane e medaljes, tjetra eshte individi qe perfaqson sistemin, veçanerisht ne sisteme diktatoriale ... por edhe ne gjysme-demokraci (e cila ne aforizmen e gotes se ujit, nuk desheron te thote gjysme-diktature) na dalin individe si puna e salis ...

dikush mund te thote se e meriton populli ... mire, por edhe ky brezi i ri sikur po ndihet komfort me autoritaret si puna e salis, i cili mbahet me paterica, si nga brenda, ashtu edhe nga jashte ... ndersa ne ekran fodulleku meskin i tij eshte kellire e krupe-nxitese ...

individe si puna e enverit, salis e ndonji kandidati tjeter sigurimso-punist e moren ne qafe kete vend e kete popull ...

Ke dale jashte teme nuk po krahasonim sistemet dhe politikanet ,po flisnim per ate qe kishte ndodhur ne 1951,nqs ju besdisin vuajtjet tona ,je e lire ,i lire mos te na lexosh ,si nuk te lexoj une ty kur shkruan budallalleqe .
Prandaj duhej te ishte bere Rumani dhe ne Shqiperi ,qe te shkulej mire fara e keqe komunizmit,ik shko be muhabet me pensionistet e tiranes se re ,ne lulishtet qe ja ka bere Edi ,kane ngelur dhe ca me kapello.

[EuroStar1]

Ke dale jashte teme nuk po krahasonim sistemet dhe politikanet ,po flisnim per ate qe kishte ndodhur ne 1951,nqs ju besdisin vuajtjet tona ,je e lire ,i lire mos te na lexosh ,si nuk te lexoj une ty kur shkruan budallalleqe .
Prandaj duhej te ishte bere Rumani dhe ne Shqiperi ,qe te shkulej mire fara e keqe komunizmit,ik shko be muhabet me pensionistet e tiranes se re ,ne lulishtet qe ja ka bere Edi ,kane ngelur dhe ca me kapello.

Qetesohu saura !

Ndize nje nga kutia e rremes

[Maqellarjot]

Te dekorosh njerezit qe ju morr jeta nga duart e atyre qe sote akoma vegjetojn ne shoqerine e pandergjegjshme dhe indiferente te shqiperis, te ruajtur nga shteti "demokrat" Shqiptar jo vetem qe eshte nje turp i madh por eshte edhe nje mekat i mirefillt. Keta njerez nuk kan nevoj per dekorata por drejtesi.

Persa kohe sali berisha dhe gjith mbeturinat e sistemit komunist te cilet sote kamoflohen si Socialist apo Demokrat , shpirtrat e ketyre njerezve dhe shume te tjereve qe vuajten ne ate sistem kriminal nuk do te prehen kurr ne qetesi. Dhe kjo eshte nje pergjegjesi e drejt per drejt e shoqerise, sepse ashtu sic ndihmoj lulezimin e sistemit kriminal te komunizmit po perkrah edhe ate te sotmin duke perdorur te njejtat justiikime.

[Brari]

valla or maqo..ndihmsa si ty i duhen rucit..

vazhdo ndihmoje..

[halla mine]

Kjo foto e Xhaxhit me mungonte ne arkiv.. Ju falenderoj qe e sollet.

[saura]

Qetesohu saura !

Ndize nje nga kutia e rremes

Shyqyr zotit se pi ...
kam qene goce e mire ,nuk kam mesuar vese
E di si i thoshte Haxhiu nipit te vet kur e shikonte me DS ne dore ?
Pse nuk pi paket 'Partizani''ti lol
aq idiot dhe i keq ka qene ...