Prostituta në prehrin e priftit

**Drini_i_Zi** · 26-02-2009, 16:35

Shkup, 25 shkurt - Ka përfunduar në pranga një banore e kryeqytetit, e cila nga një prift ka tentuar të marrë pesë mijë euro. Sipas të dhënave jozyrtare, bëhet fjalë për shqiptaren M.K., banore e Shkupit, e cila për arsye të panjohura kohë më parë ka ndërruar emrin e saj emër maqedonas, duke mbajtur të njëjtat iniciale. Ajo ka punuar si "masazhiste" në një sallon masazhesh në kryeqytet, ku përveç masazheve klientëve të zgjedhur u ka ofruar edhe shërbime seksuale. Kohëve të fundit klient i saj ka qenë një prift, identiteti i të cilit nuk bëhet i ditur. Duke parë mundësinë që ta kërcënojnë priftin, M.K. dhe mentori i saj vendosin që ta xhirojnë aktin seksual dhe pikërisht atëherë kanë filluar problemet e njeriut të fesë. Me kërcënime se xhirimet do të dalin në opinion, prej tij kanë kërkuar pesë mijë euro. E gjithë ngjarja ka dalë në opinion kur prifti ka vendosur të kërkojë ndihmën e policisë. Pasi ka rrëfyer rastin e tij para punonjësve të policisë, atij i janë dhënë para të shënuara, të cilat duhej të përfundonin në xhepat e M.K. dhe mentorit të saj. Nëpërmjet telefonit dy palët vendosin të takohen në një nga restorantet e Shkupit, ku prifti duhej të dorëzonte një pjesë të parave. Menjëherë pas pranimit të parave ka reaguar policia e cila ka vënë në pranga M.K. Ndryshe, është i njohur fakti që nëpër sallonet e masazheve ushtrohet prostitucion. Vetëm disa javë më parë policia e kryeqytetit vuri në pranga nënë e bijë, të cilat në sallonin e tyre prostituonin dy vajza.