Zaptimi i tokes tokes nga pushtetaret

[Maars]

Vledhja e prones nga pushtetaret dhe njerezit e tyre eshte nje nga problemet me te medha dhe me pasoja negative te pallogaritshme, me te cilin po ndeshen Shqiptaret qe prej "fundit" te komunizmit, dhe ndarjes se Partise te Punes ne PD e PS. . Ne kete rastin ketu poshte te marre nga Korrieri, njerezit e kryeqytetarit te Lacit kane arritur deri aty sa te kerkojne te zaptojne edhe pronat e Kishes.




Korrieri

Nipat e kryetarit të bashkisë, terror në kishën e Laçit

Rrëfimi i Patër Mikelit: Vëllezërit Astrit dhe Ylli Vlashi ndërprenë meshën me ofendime dhe kërcënime dhe tentuan të më godisnin mua

LAÇ - Nipat e kryebashkiakut të Laçit terrorizuan mbi 300 besimtarë dhe sulmuan meshtarin e kishës së Shën-Ndout, Patër Mikel Pllumajn. Ngjarja e rëndë ndodhi paraditen e djeshme, rreth orës 11:00, në kishën e Laçit, ku dy vëllezërit Vlashi, nipër të kryetarit të Bashkisë së Laçit, kanë prishur meshën, duke sharë dhe ofenduar priftin. Patër Mikeli është detyruar disa herë të ndërpriste meshën, për shkak të fjalëve ofenduese të dy të rinjve dhe kërcënimeve të tyre, ndërsa i ka shpëtuar dhunës, falë ndërhyrjes së personave të pranishëm. Konflikti për motive pronësie është qetësuar me ndërhyrjen e policisë së Kurbinit, e cila ka larguar nga kisha e Shën-Ndout dy të rinjtë, për t’i shoqëruar në komisariat.



***

Rreth orës 11:00 të paradites, në kohën kur në kishën e Laçit po mbahej mesha, dy vëllezërit Astrit dhe Ylli Vlashi kanë hyrë në kishën e Shën-Ndout, ku sipas Patër Mikelit kanë filluar të ofendonin që nga larg meshtarin e kësaj kishe, i cili po mbante meshën për rreth 300 besimtarë të feve të ndryshme, të cilët e frekuentojnë vazhdimisht këtë kishë në ditët e marta dhe të shtuna. Ndërhyrja e dhunshme e nipave të kryetarit të bashkisë, Luigj Isufi, ka shkaktuar panik te besimtarët, të cilëve u është kërkuar të braktisin kishën, pasi do të qëllonin priftin. “Pastaj më janë sulur mua, për të më zbritur nga foltorja e kishës që po jepja meshë. Në këto momente ka hyrë shoferi im dhe priftërinjtë, të cilët ndodheshin të pranishëm. Situata për pak ka degjeneruar dhe unë jam detyruar që disa herë të ndërpres meshën, derisa e kam lënë plotësisht”, - rrëfen për “Korrierin” Patër Mikeli. Sipas tij, ky konflikt ka ardhur si rezultat i vendosjes në territorin e kishës së Shën-Ndout, të një lokali nga ana e vëllezërve Vlashi, të cilët kanë pasur mbështetjen e pushtetit lokal dhe Gjykatës së Rrethit të Kurbinit. I pyetur nga “Korrieri” për akuzat e ngritura nga Patër Mikel Pllumaj, kryebashkiaku i Laçit, Luigj Isufi, ka mohuar çdo ndërhyrje apo lidhje me këtë konflikt. “Kushdo që ka ankesa ndaj personit tim, për funksionet politike apo si kryetar bashkie, le të bëjë kallëzim tek autoritetet e shtetit”, - u përgjigj kryetari i Bashkisë së Laçit, Luigj Isufi.



***

Sipas Patër Mikel Pllumajt, dy të rinjtë janë zaptues të tokës së kishës, duke ndërtuar edhe lokalin aty. “Kemi dërguar çështjen në gjykatë dhe Gjykata e Kurbinit, me një vendim absurd, pa asnjë lloj dokumenti, u ka dhënë të drejtë për ndërtimin e lokalit në territorin e kishës Astrit dhe Ylli Vlashit. Ne kemi apeluar vendimin dhe nga frika se mos Apeli do e hedhë poshtë vendimin, kanë menduar këtë incident. Unë do të theksoj faktin që ishte pikërisht një klerik i kishës katolike që denoncoi publikisht abuzimet me rrugën që lidh Laçin me Kishën e Shën-Ndout para kryeministrit Sali Berisha, i cili në fjalën e tij u shpreh se do të vazhdonte investimi, sipas projektit, edhe për pjesët e papërfunduara, por që nuk u arrit. Po kështu, faktin e zaptimit të tokës e di edhe kryeministri, pasi ia kemi bërë prezent gjatë këtij takimi, si dhe kërcënimin që i është bërë Patër Ndojt, por deri tani nuk kemi parë që strukturat e shtetit të lëvizin, por vetëm të heshtin”, - shton më tej Patër Mikeli. Prifti i kishës së Laçit shton më tej në denoncimin e tij, se i gjendur pa përkrahje, u është drejtuar mediave, duke kërkuar zbatimin e ligjeve. “Jemi kundër çdo lloj kërcënimi apo hakmarrje primitive. Kërkojmë vetëm të zbatohen ligjet”, - thotë Patër Mikel Pllumaj për “Korrierin”. Ky nuk është rasti i vetëm i kërcënimeve të priftërinjve në këtë kishë. Në vitin 2002, Patër Ndue Gashaj u sulmua ndërsa vinte te kisha e Laçit, duke u grabitur me armë.





DENONCIMI



“Apelimi i vendimit

solli incidentin”



“Ne kemi apeluar vendimin dhe nga frika se mos Apeli do e hedhë poshtë vendimin, kanë menduar këtë incident. Unë do të theksoj faktin, që ishte pikërisht një klerik i kishës katolike që denoncoi publikisht abuzimet me rrugën që lidh Laçin me Kishën e Shën-Ndout para kryeministrit Sali Berisha, i cili në fjalën e tij u shpreh se do të vazhdonte investimi, sipas projektit, edhe për pjesët e papërfunduara, por që nuk u arrit. Po kështu, faktin e zaptimit të tokës e di edhe kryeministri, pasi ia kemi bërë prezent gjatë këtij takimi, si dhe kërcënimin që i është bërë Patër Ndojt, por deri tani nuk kemi parë që strukturat e shtetit të lëvizin, por vetëm të heshtin”, - shton më tej Patër Mikeli.





Letra e Mikel Pllumajt



“Tokat e kishës së Laçit po

grabiten nga njerëz me pushtet”



Gjatë periudhës së komunizmit, Kisha Katolike ka pësuar një ndër persekutimet më të egra, që konsistonte në dy drejtime: eliminimin fizik të pjesëtarëve të saj dhe grabitjen e pasurisë, pra të pronave që kisha i kishte në zotërim para vitit 1945. Pasi ra komunizmi, u mendua se gjërat do të rregulloheshin dhe se do të ktheheshin të gjitha pronat e grabitura nga shteti komunist. Kisha Katolike, pas vitit 1990, doli e shkatërruar krejtësisht dhe pa asnjë pronësi të vetën. Duke parë këtë panoramë të dhimbshme ku gjendej kisha, të krijohej përshtypja se prania e Kishës Katolike në Shqipëri kishte ardhur për herë të parë në vitin 1990, e pra, Kisha Katolike është në Shqipëri që prej dy mijë vjetëve, që në kohën e Shën-Palit. Më është besuar detyra e përkujdesjes për pronat që prej datës 15.01.2008, nga Provinca Françeskane Shqiptare “Zoja Nunciatë”.

Sa për një freskim historik të memories, të mos harrojmë se Kisha e Shën-Ndout në Laç daton që në shekullin XIV. Themeluesi i arkeologjisë shqiptarë, At Shtefën Gjeçovi, i ka lënë të shkruara të gjithë kufijtë e pronësisë që i përkasin kishës së Shën-Ndout në Laç-Sebaste. Këto dokumente gjenden në Arkivin Qendror të Shtetit Shqiptar në Tiranë. Ky ent kishtar po trajtohet sot në mënyrë shumë të padrejtë nga disa instanca shtetërore. Konkretisht, nga gjykatat që në shumicën e rasteve janë të kushtëzuara nga presione deputetësh e kryetarë bashkish, si dhe nga korrupsioni që ekziston brenda tyre.

Vështirësitë më të mëdha për mua kanë qenë me pronat e kishës së Shën-Ndout në Laç-Sebaste. Prona për të cilën bëhet fjalë vërtetohet me certifikatë pronësie të lëshuar nga ZRPP në Kurbin, në regjistrin e pasurive të paluajtshme të saj me nr. pasurie 500. Gjykata e Laçit e nxjerr kishën e Shën-Ndout në Laç pa të drejtë pronësie. Për këtë pronë, që në janar të 2008-ës e kemi hapur tri herë gjyqin me palën kundërshtare në Gjykatën e Kurbinit-Laç, dhe që në të tria herët kemi dalë pa sukses, vetëm e vetëm pse në Shqipëri ligjin e bën Maliqi. Më datë 19.02.09, në orën 12:00, kryetari i kësaj gjykate, Alfred Gjoni, e shpalli vendimin sërish negativ. Kjo padrejtësi në lidhje me këtë pronë u pa edhe në vendimet e Policisë Ndërtimore, në mosekzekutimin e vendimeve të marra nga kjo instancë, për shkak se persona të veshur me pushtet ndërhynë që mos të ekzekutohen këto vendime. Provinca Françeskane Shqiptare “Zoja Nunciatë” nuk kërkon gjë tjetër, përveç pronat e saj, ato prona që i ka të sajat për shumë shekuj veprimtarie në Shqipëri. Moskthimi i këtyre pronave dhe përkatësisht i pronave të kishës së Shën-Ndout në Laç, do të thotë cënim i drejtpërdrejtë i lirisë fetare, duke penguar funksionin e saj.

[juanito02]

Ashtu eshte se jane bere si ujqer se e kane te qarte se do ikin.
Po ju iken koha e sbejne dot pallat as karabinane se bejne dot.
Se po u be pallati fituan. Kujt do ja marin leket pronaret banoreve te pallatit qe i kane blere sa qimet e kokes?
Kjo eshte loja e ngutur e pushtetit.

[Maars]

Kthimin e pronës e pengojnë politikanët që duan të bëhen pronarë të bregdetit
Nga Niko Nesturi, Kryetar i shoqatës atdhetare-kulturore “Bregdeti”

Mesazh drejtuar ambasadores së Bankës Botërore, zonjës Nuamah, kryeministrit, Sali Berisha, dhe ministrit të Financave, Ridvan Bode


Siç kemi bërë publike në shumë shkrime të mëparshme, por të pavlerësuar nga ana juaj, ne ju kemi bërë thirrje shqiptarëve në emigracion të sensibilizojnë instancat ndërkombëtare për grabitjen e organizuar që politikanët shqiptarë po bëjnë me pronat turistike. Skandali me plazhin e Jalës, që shpërtheu nga një letër që iu drejtua direkt drejtorit të Bankës Botërore (BB), është vetëm fillimi që do të demaskojë grabitësit e bregdetit turistik. E vërteta sapo ka filluar të dalë në sipërfaqe, sepse skandali i Jalës është vetëm një rast nga ai mal i madh i një megakorrupsioni të përbashkët të politikanëve shqiptarë dhe Bankës Botërore. Përfaqësia e Bankës Botërore në Tiranë ka gabuar rëndë dhe jo vetëm zonja Nuamah si ambasadore aktuale, por dhe pararendësit e saj kanë bërë veshin e shurdhër ndaj kërkesave të kryesisë së shoqatës “Bregdeti”. Ne kemi kërkuar shumë e shumë herë që bashkëpunimi dhe komunikimi i Bankës Botërore me qeverinë shqiptare të ketë si parakusht që të mos dhunojë të drejtën e shtetasve për pronën. Ambasadorja e BB pranon si gabim miratimin e dhëndrit të kryeministrit Berisha si drejtues të projektit për zhvillimin e turizmit. Kjo është të përpiqesh të fusësh minaren në thes ose t’u hedhësh pronarëve hi syve. E vërteta është ndryshe, zonja Nuamah. Ne, shoqata “Bregdeti”, ju kemi kërkuar që projekti juaj të ketë si kusht paraprak kthimin e pronës tek i zoti.

Deri më sot, zonja Nuamah dhe pararendësit e saj kanë heshtur ndaj ankesave tona të përsëritura që financimet e BB të mos favorizojnë politikanët, që po grabisin pronat tona. Me zonjën Nuamah kryesia e shoqatës “Bregdeti” ka zhvilluar takime dhe formalisht jemi pritur me shumë mirësjellje prej saj. Në një nga takimet e fundit, përpara shpërthimit të skandalit të Jalës, kryesia e shoqatës veç të tjerash i deklaroi ambasadores së BB se, për sa kohë qeveria shqiptare nuk kthen pronat tek i zoti, por e disponon bregdetin sipas interesave klanore dhe pa respektuar titujt e pronësisë, të gjitha paratë dhe projektet që miratohen në emër të zhvillimit të turizmit ne do t’i denoncojmë si pará vrasëse. Zonja ambasadore le të ketë mirësinë t’i rivlerësojë dhe t’i pohojë këto takime dhe letrat e shumta që i janë drejtuar dhe t’i deklarojë këto në shtyp, së bashku me planin që ne i kemi dorëzuar lidhur me radhën e punës për veprimet për respektimin e të drejtës së pronës konform parimeve të Konventës Evropiane të të Drejtave të Njeriut, detyrimeve kushtetuese dhe zgjidhjeve që ne i kemi propozuar. Kthimi i pronës tek i zoti dhe jo demagogjia me kompensime, janë e vetmja zgjidhje, në mënyrë që të marrë fund përkrahja dhe financimi ndërkombëtar i kamufluar me ndërmjetësinë e BB dhe FMN, i katrahurës dhe i anarkisë së pronës. Pavarësisht nga hartimet e bukura të politikanëve të djathtë apo të majtë deri sot, dallojmë situatën e mosdashjes për të zbatuar parimin themelor të një shteti demokratik, atë të respektimit të së drejtës së shtetasve për të gëzuar pronën e tyre të trashëguar dhe politika 18-vjeçare kundër pronarëve të ligjshëm vazhdon edhe sot. Kryeministri Berisha prej 18 vjetësh po insiston në linjën e tij si kundërshtar i pronarëve të ligjshëm, ndonëse është kritikuar rëndë për anarkinë e pronës, jo vetëm nga ne për mosmbajtjen e fjalës dhe të premtimit për të na udhëhequr në demokraci, por është kritikuar publikisht edhe nga ambasadori i britanik, gjerman, francez, OSBE, nga ambasadori i KE dhe së fundi edhe nga raporti i Departamentit amerikan të Shtetit. Kjo flet qartë për qëndrimin konsekuent antipronar të politikanëve shqiptarë dhe se zgjidhja e problemit të pronës realizohet vetëm nëpërmjet kushtëzimit nga faktori ndërkombëtar. Kryeministri Berisha çuditërisht vazhdon të deklarojë kompensim, kur duhet të respektojë titujt e pronësisë, të çlirojë pronat e zaptuara nga kthetrat e politikanëve dhe më parë duhet të përfundojë kthimin fizik. Nëse pronarët tiranas, lushnjarë apo gjirokastritë do të kompensohen në bregdet, po ne, bregdetasit, ku do të na shpërngulin këta politikanë? Mos vallë ne, bregdetasve autoktonë, duan të na çojnë në majë të Tomorit e të Korabit dhe pas kësaj ne të punësohemi kamerierë në bar-restorantet që ata kanë filluar të ndërtojnë në bregdet? Nëse BB mbështet këtë platformë, edhe ne e deklarojmë se ajo është një shpërdoruese e parimeve bazë të demokracisë. Kush duhet t’i thotë “Ndal!” kryeministrit dhe qeverisë shqiptare që insiston të vazhdojë të shkelet neni 181 i Kushtetutës? Nuk e dimë, nëse reagimi për shkeljen flagrante të Kushtetutës i përket Presidentit të Republikës apo Prokurores së Përgjithshme. Si mund të flitet për kompensim, kur akoma nuk ka përfunduar kthimi i trojeve të lira? Përse policia ndërtimore prish ndërtimet me leje ose edhe ato që mund të kanë qenë pa leje, por që pronarët i kanë ndërtuar mbi trojet e veta dhe kryeministri ka heshtur ndaj kërkesave tona të shumta që policia ndërtimore të zbatojë ligjin dhe të shembë ndërtimet pa leje të kryera nga politikanët dhe personat e mbështetur prej tyre që nuk kanë të drejtë pronësie për truallin e zënë në mënyrë të kundërligjshme? Zoti kryeministër nuk ka dhënë asnjë përgjigje për 12 kërkesat që i kemi paraqitur për zgjidhjen definitive dhe pa shpenzime të problemit të pronës dhe as për kërkesat e Rezolutës së Kuvendit Mbarëbregdetar. Kjo strategji e politikës antipronar dhe antishqiptare pas vitit 1991, e kombinuar me heshtjen e zgjatur të përfaqësuesve të institucioneve ndërkombëtare të akredituara në Tiranë ndaj ankesave tona e ka nëpërkëmbur më shumë popullin punëtor, patriot dhe paqedashës të bregdetit. Gjithsesi, kritika e Departamentit amerikan të Shtetit ndaj mosrespektimit të së drejtës së pronës private të trashëguar, ndonëse shumë e butë, e detyroi zotin Berisha të shprehet i gatshëm për zgjidhje. Dihet botërisht se as politikanët as dhe drejtuesit e projektit që BB financon, nuk janë pronarë ose trashëgimtarë të pronave tona. Sot dëgjuam nga ministri i Financave, zoti Ridvan Bode, që i kërkon Bankës Botërore vazhdimin e projektit. Ne përsëri iu themi “Ndal!”, pasi, për sa kohë nuk është kthyer prona tek i zoti, këto janë justifikime që favorizojnë mafien e trojeve turistike.

Ne, si shoqatë “Bregdeti”, jemi të gatshëm që në prani, me garanci dhe me ndërmjetësi të përfaqësisë së KE në Tiranë, zotit Helmut Lohan, të paraqesim edhe njëherë zgjidhjen definitive dhe pa faturë financiare të pronës në zonën turistike, duke filluar me argumentet juridike dhe projektligjin përkatës. Miratimi me procedurë të shpejtuar i këtij projektligji do të plotësojë njëkohësisht edhe kërkesën e ministrit të Financave, zotit Ridvan Bode, që t’i hapet rrugë projektit të zhvillimit të turizmit dhe do të lehtësojë shkeljen flagrante të të drejtave të njeriut të bërë nën emrin e Bankës Botërore.

[Brari]

mundesite jane sot qe.. harta e vendit te kompjuterizohet nga ekspertet qe besoj i kemi.. tash me kuintale..

psh .. te jepet cdo meter katror i shqiperise.. dhe qe kushdo qofte gazetar nepunes a qytetar kurioz.. te ulet ne kompjuter e te klikoj mbi nje pike te hartes.. kudo qofte nga vermoshi ne konispol..nga maqellara ne golem.. etj.. e te dali se.. cpermban ajo pike.. ne kte rast ajo pika eshte nje siperfaqe territori e shqiperise.. e ne varesi te shkalles se hartes.. do tregohet madhesia e zones.. dhe..ktu desha te dal.. te cfaqet ne kompjuter.. ..se ky teritor i takon x katundi a qyteti.. e konkretisht i takon x ndermarrjeje shteti apo private.. a individi te caktuar..me emer mbiemer adres e te gjitha..
dhe keshtu dime se..kush ka gllaberuar e kush ka mbetur me gjisht ne goje..

psh klikojme te nje pike ne rajonin ... po themi radhimes..
e del aty.. nga ketu deri atje.. kjo fushe a zon plazhi.. a koder me ullinj a magaze me te mbathura.. a motel a restaurant a pallat.. ka keta pronare zyrtarisht..
hasanin pronar te magazeve..aq e kaq metra katrore.. ka sinanin..pronar te ullishtes a zeqirin pronar te pllazhit..

e keshtu me radhe merret vesh cdo gje..

se pd..thot i vodhi ps.ja trojet..
ps thot i vodhi argita me fazlliun.. e poplli kenaqet duke degjuar pallavra..

kadastrat jane.. le ti hedhin ne nje harte elektronike te dhenat e cdo metri katror te shqiperise e tja vene pronarin.. dhe keshtu kuptohet e verteta..


..

vetem kjo e zbardh te verteten e i jep fund spekulimeve..

kur isha para ca vjetesh ne shqiperi.. me thoshin.. i sheh ato kodra ne hamalle e rrushkull.. po i shoh i thashe mikut..
i ka marre tak braho.. tha..
kur jeshe nashi.. po i njejti person me tha..i sheh ato kodrat ne porto romane.. po i shoh i thash..
i ka blere argita..

ke te besoj i ziu njeri..

kur lexon Klos ardianin ne rol jeshilo-dashesi.. gjithmon do vesh re.. se ciftja e tij si analisto enciklopedik.. i pa-anshem.. gjuan per kryetara komunash te pd-se qe shkulin peme e bejne pallate..
prita nje dizaj.. kur duall puna e jeshillikut pran diges se liqenit qe edvinua do e bej beton e pallate.. qe jeshillik-dashesi klos mos po thot gje..
jo re fare.. o po qy re.. thash me vete.. pse spo kullundris gje..
kur u cfaq.. por..
ku thoni ju..
kish marre ciften e kish dal pe gjah kunder nje komunari demokratikas..ne baldushk..lol.. edhe atij ja fshikullonte gjemat qe na paskish bere..

prandaj.. o dajt.. si i pa-anshem qe je.. pra pa parti.. si te duket qy mendimi im ..

le ta dhiskutojmekte..

behet dot kjo harta apo..



..

[Maars]

Hahahhhh Komunisti ja nxorri dosjen Klosit.
Po c'a lesh Klosi thua ti ?? Ketu ne kete teme s'po flitet per Klosin, por per nje prift qe po ja bejne Kishen lokal nipat e pushtetarit, dhe per te gjithe ish pronaret qe po vidhen per here te dyte nga pushtetaret dhe militantet e degjeneruar. Ke ndonje gje per keta hajdute te lartpermendur, a ndonje shkrim per vjedhjen apo zaptimit e prones nga PS (se per PeDet e dime qe ti je i paditur dhe i painformuar). . Po te kesh hajde shkruaj, po s'ke gje ik mos na caj t*** me idiotizmat e tua.

[Maars]

Vazhdojme me hajdutet e lidhur me qeverine

Kryetari i Komunës: Mu ofrua 1 milion euro ryshfet që t’i dorëzoja Kakomenë
Nga Faktori Plus

Kryetari i Komunës së Nivicës, Vladimir Kumi në një intervistë me gazetarin Mero Baze në emisionin e tij “Faktor Plus”, hedh dritë mbi disa të vërteta në lidhje me konfliktin që fshati Nivicë ka me qeverinë për pronësinë e Kakomesë. Sipas Kumit, deri më tani asnjë përfaqësues i “Club Mediterran” nuk është paraqitur në zyrat e Komunës për të kontaktuar me këtë të fundit, dhe personi i vetëm i interesuar për këtë çështje është presidenti i Kompanisë Riviera Dritan Çela. Sipas Kumit, pas kësaj historie fshihet një aferë e pastër korrupsioni dhe ryshfeti në rangjet më të larta qeveritare dhe në sistemin e drejtësisë.



Së bashku me mua është Vladimir Kumi, kryetar i Komunës së Lukovës në rrethin e Sarandës, një nga komunat tipike ku përplasen interesat e pronarëve nga njëri krah dhe interesat e investitorëve nga krahu tjetër, përplasen problemet e paqartësisë që janë shfaqur me shpërndarjen e tokës pas vitit 1991, të pronarëve të rinj dhe pronarëve të vjetër. Komuna juaj më së shumti është e njohur nga precedenti i fshatit Kakome dhe incidentet e banorëve të fshatit me investitorët. Çfarë po ndodh aktualisht në Kakome, si po zhvillohen ngjarjet?


Në Kakome aktualisht janë duke u kryer punime për rrethimin e territorit nga kompania Riviera. Dihet që kjo kompani ka pasur prej katër vjetësh një konflikt institucional, jo vetëm me komunën e Lukovës, por edhe me qeverisjen e sotme të zotit Berisha. Ndërsa më parë me qeverisjen e Nanos, ka pasur një leje ndërtimi për të ndërtuar fshat turistik, e cila ka përfunduar në shtator të vitit 2007.


Kompania ka filluar të punojë, pra a ka paraqitur ndonjë kërkesë pranë jush për leje ndërtimi?


Kompania aktualisht është duke bërë rrethimin e territorit, por unë thashë jo pa qëllim që ka pasur një leje nga KRRTRSH, i cili është organi i vetëm për të dhënë lejen përfundimtare në zonat me përparësi të turizmit.


Cila është procedura për të marrë një leje ndërtimi për fshat turistik, pra cila është procedura që duhet të ndjekë kompania?


Një kompani për të marrë lejen e ndërtimit për strukturë turistike, pra jo vetëm fshat, por për të gjithë strukturën turistike në zonën e bregdetit, duhet që në radhë të parë në pronën apo territorin që ajo do të ndërtojë, nuk duhet të ketë konflikte pronësie. Kodi i Procedurës Civile e ka saktësuar qartë, që në rast se ka një konflikt gjyqësor, asnjë organ tjetër shtetëror nuk mund të lidhë kontratë për atë territor pa u zgjidhur konflikti i gjykatës. Në rastin e komunës së Lukovës ka më shumë se një konflikt gjyqësor. Njëri është mes pronarëve dhe AKKP-së, një konflikt tjetër gjyqësor është mes kompanisë Riviera dhe qarkut Vlorë i cili ka ezauruar kompetencat e KRRTRSH-së së Republikës, dhe pa përfunduar këto konflikte gjyqësore nuk mund të kishim më asnjë marrëveshje, as shtetërore, as lokale për ndërtimin e një strukture turistike siç është rasti i Kakomesë.


Nga pikëpamja shtetërore, pasi ju jeni një përfaqësues i tij, si ka proceduar, apo si ka filluar punën kompania pa leje ndërtimi?


Kompania ka bërë një njoftim në komunën Lukovë që pas rifreskimit të lejes së ndërtimit për fshatin turistik nga qarku i Vlorës. Por, dihet që në rast se një institucion jep një leje dhe ajo skadon, atëherë vetëm ai institucion ka të drejtë ta rifreskojë këtë leje. Pra, lejen e KRRTRSH-së të Kryeministrit Nano duhet ta rifreskonte vetëm KRRTRSH e zotit Berisha. Ata s’mundën ta merrnin dot këtë leje, por kanë marrë një leje nga qarku i Vlorës që edhe unë si kryetar i Komunës, jam pjesë e qarkut të Vlorës, dhe kam votuar kundër kësaj së bashku me zotin Sharra, por me një maxhorancë brenda KRRT-së së qarkut është marrë e drejta e lejes dhe në këtë leje e kemi ankimuar në gjykatën e rrethit Vlorë.


Kush e ka ankimuar?


Komuna e Lukovës sepse komuna ka KRRT-në e vet, dhe lejet standarde janë në një format të tillë ku firmos edhe kryetari i komunës, dhe kryetari i qarkut, edhe kryetari i Këshillit të Ministrave, që është dhe kryetari i KRRTRSH. Kompania këtë leje nuk e ka dhe është duke e bërë fakt të kryer.


Cila është procedura që duhet të ndjekë Komuna në këtë rast për të frenuar një ndërtim pa leje?


Komuna ka ndjekur procedurat ligjore, që janë ankimime brenda sistemit të administratës shtetërore, pra ankimime në qeveri, por duke bërë dhe ankimime në gjykatë. Nga qeveria ka pasur një vesh të shurdhër duhet thënë, ndërsa në gjykatën e Sarandës nuk është marrë masa e pezullimit për këto ndërhyrje dhe masat e pezullimit janë të paapelueshme, kjo dihet, dhe ne kemi ndërmarrë një iniciativë për hapjen e çështjes, ndërkohë që jemi duke kontaktuar dhe me administratën ndërkombëtare që është këtu, pra OSBE-në apo KE-në për këtë çështje.


A ka polici ndërtimore komuna dhe a ka fuqi që ta frenojë këtë ndërtim që është jashtë rregullave ligjore?


Policia e komunës që në momentin e parë ka shkuar dhe u ka kërkuar lejen. Jo firmës Riviera, se atje nuk ka ardhur firma Riviera, por kanë ardhur disa shoferë me tre- katër mjete transporti, ngarkuar me rrjeta dhe shtylla hekuri për të bërë rrethimin së bashku me njerëz që njihen si persona me precedentë në zonë, dhe përplasja ka qenë midis njerëzve të rrugës dhe policisë së komunës. Sot, për absurd të kësaj lloj përplasjeje, inspektori i policisë së komunës është në burg prej tre muajsh dhe vazhdon të mbahet atje, kryeplaku i fshatit Nivicë është në burg dhe vazhdon të mbahet atje, dhe dy qytetarë të tjerë të fshatit vazhdojnë të jenë në burg.


Pra inspektori i policisë që ka shkuar për të zbatuar ligjin ndodhet në burg dhe personat që e shkelën atë ndodhen jashtë?


Po, ata që kanë shkelur ligjin dhe kanë dhe denoncime penale nga ana e komunës, vazhdojnë të jenë jashtë...


D.m.th, më fal, shteti ka arrestuar policin e ndërtimores dhe ka lënë të lirë ndërtuesin?


Po, shteti ka futur në burg policin dhe nuk është se ka lënë jashtë vetëm ndërtuesin, por edhe njerëzit e rrugës, që për herë të parë në këtë lloj marrëdhënie janë gjendur në krah të investitorëve. Në rast se në vitin 2004, unë kam qenë kryeplak atëherë, dhe jam arrestuar, dhe pas një gjyqi maratonë një vit unë kam marrë pafajësinë për akuzën “Për kundërshtim të punimeve të kompanisë Riviera”, në një tokë që unë dhe fshatarët e tjerë e quajmë tokën tonë, sot kryetari i fshatit dhe inspektori i policisë së ndërtimit, që shkon dhe i kujton detyrimet ligjore që ka kompania Riviera, arrestohet. Por, në rast se herën e parë ne kishim përballë abuzimin e shtetit, sot kemi përballë dhe njerëzit e rrugës. Unë, me gjithë dyshimet e mia, nuk mund të them se kush i vë këta njerëz të rrugës, që janë asgjë më shumë se rrugaçë nga Saranda, Qafa e Gjashtës, Delvina nga Fieri nga Vlora, që për dy muaj rresht kur fshati i Nivicës, por edhe inspektorati i ndërtimit, dhe komuna e Nivicës, ka qenë në mbrojtje të pronës së vet, dhe jo pronë e pretenduar, por pronë e komunës së Lukovës me vendim të KM, për transferimin e pyjeve dhe kullotave e kaluar që në qershor të vitit 2005, me të gjitha aktet e transferimit tek komuna Lukovë, me kontrata të lidhura mbi këtë territor dhe këtë pronësi për administrim pyjesh dhe kullotash.


Pra, ti si kryetar komune je pa polici ndërtimore?


Unë sot kryepolicin e komunës për ndërtimin e kam në burg, një inspektor tjetër është trembur nga presioni dhe ka dhënë dorëheqjen, imagjinoni në ç’situatë jemi...


Po policia e shtetit çfarë qëndrimi ka mbajtur në këtë histori?


Policia e shtetit ka qenë në dy lloj marrëdhëniesh. Komisariati i Sarandës ka mbajtur një qëndrim përgjithësisht korrekt, por drejtori e policisë së qarkut të Vlorës me drejtorin e saj Vehbi Bushati ka qenë tërësisht e implikuar. Ka pasur raste që ajo ka ardhur dhe ka arrestuar policin e komunës në mes të natës.


Investitori është nga Vlora apo jo?


Investitori i Rivieras, po është e vërtetë që është nga Vlora.


Mendoni që ka pasur një veprim klientelist të policisë së Vlorës në këtë rast?


Unë në mediat lokale të Sarandës kam ngritur një akuzë ndaj drejtorit të policisë së Vlorës, kam ngritur një akuzë publike për kryetarin e gjykatës së Sarandës, i cili muaj më parë më ka kërkuar mua të bashkëpunoj për t’i krijuar mundësinë kompanisë Riviera për të investuar në zonë, po kështu dhe kryeprokurori i Sarandës më ka kërkuar mua disa ditë më parë që të mos të mbështesim protestën e fshatarëve të mi për zonën. Unë shikoj një lidhje të tillë që kompania ka kapur nivele të tilla siç është gjykata e Faktit, gjykata e Apelit, Vlorë, dhe ka kapur prokurorinë e rrethit, si dhe totalisht policinë e shtetit. Dhe nga komunikimet e mija që kam pasur me drejtorin e përgjithshëm të policisë së shtetit Ahmet Prençi përgjatë dy muajsh qëndrese civile të njerëzve të bregdet në këtë zonë, kam pasur deklarime se nuk do të përzihet në këtë çështje. Sepse kjo çështje është një çështje administrative që duhet të zgjidhet vetëm në rrugë ligjore. Por, për fatin e keq, në natën e 9 shkurtit, apo në të gdhirë të datës dhjetë, policia e shtetit zbriti me qindra forca policore, autoblinda dhe arriti të pushtojë një territor të komunës. Unë e them me dhimbje, tamam pushtim. Dhe sot aty po bëhet një rrethim që një gazetare e famshme e Financial Times, e konsideroi si një burg dhe jo si një territor të destinuar për qëllime turistike.


Pse ka ndërhyrë policia pa mbaruar procesi gjyq1ësor. Me çfarë motivi pra ka ndërhyrë policia në favor të biznesmenit?


Unë mendoj se çdo gjë është e paguar dhe për këtë është implikuar që më parë ministri i Turizmit, Ylli Pango, i cili është deklaruar dhe më parë se: “Komuniteti i Nivicës këtu ka humbur pronësinë. Unë kam rrëmuar – thotë ai – në arkivat e shtetit dhe kam gjetur se Niviciotët e kanë humbur të drejtën e pronësisë”.

Unë nuk e di se çfarë interesi paska një ministër të rrëmojë në arkivat e shtetit për çështje pronësie. Por edhe në rast se do të ishte e vërtetë kjo, ka institucione të tjera që merren më këtë gjë. Unë mendoj se zoti Pango është marrë me këtë gjë dhe më është krijuar bindja ime se zoti Pango është marrë personalisht me këtë gjë. Se deri ku shkon kjo, nuk di ta them, por kam bindjen se ka dhe një implikim qeveritar në këtë çështje.


Zoti Kumi, përveç problemit të Kakomesë, si paraqitet gjendja e pronësisë në fshatrat e tjerë që mbulon komuna juaj?


Unë do të thosha që në të gjithë hapësirën e bregdetit, që nga Ksamili dhe deri në Karaburun, kemi një situatë të sabotuar të çështjes së pronësisë. Nuk themi që është faji vetëm i kësaj qeverie, ka qenë faji i disa qeverisjeve. Ka qenë shumë e lehtë për të bërë regjistrimin e pronësisë në zonën e bregdetit. Në rast se do i referoheshim dokumenteve të vjetra të pronësisë në zonën e bregdetit, ndryshe nga sa kam biseduar me kryeministrin Berisha në atë kohë, ka kadastër të vjetër, ndryshe nga veriu që nuk ka kadastër. Këtu ka dokumente të vjetra. Boshti i ligjit 7501 për dhënien e tokës individëve që jetonin në fshat, dhe që ishin produkt i kooperativave apo NB-ve, e ka themelin pikërisht tek ata njerëz që e kishin futur tokën e tyre në kooperativën bujqësore apo NB. Pra, themeli i atij ligji janë anëtarët themelues të kooperative. Dhe për këtë kanë të gjithë dokumente, që nga fshati ynë, që është fshati i parë nga Saranda dhe deri në zonën e Palasës, që ishte kooperativë deri në vitet e fundit të komunizmit, e kanë dokumentacionin e saktë për pronën që kanë futur në kooperativë. Kështu që këtu ka një mungesë vullneti nga ana e qeverisë për ta bërë këtë regjistrim pasurie. Dhe sot në këtë situatë postkomuniste, por jo demokratike, ne ndodhemi në këtë situatë me prona të paregjistruara. Unë kam shtëpinë time që e kam ndërtuar pa regjistruar, kam dhe shtëpinë time nga stërgjyshërit e mi 400 vjeçare, të paregjistruar. Ndërkohë që gjyshi im e ka të regjistruar. Dhe deri në vitet ‘51, pak kohë para se të hynim në kooperative, të gjitha këto prona ishin të regjistruara. Dhe thuhet që morëm ato që kishim, ose përfituam nga reforma, pra kemi një situatë tërësisht të qartë. Por këtu nuk ka pasur vullnet për ta regjistruar.


Tani si janë të ndara tokat, janë ndarë me 7501 dhe nuk janë regjistruar?


Në fshatrat tona ne kemi gjysmat e tyre, pra në Shën Vasil, Lukovë dhe Borsh ne kemi një ndarje toke relativisht sipas pronës, ose të qartë nga ana ligjore. Ka disa shkelje në Piqeras, në tagrin ligjor për ta vendosur ndarjen, por këtë tagër e ka ose Kontrolli i Shtetit ose në bazë të ligjit për verifikimin e pronësisë, e ka prefektura. Kjo nuk është bërë, por shteti e ka shumë të lehtë që tu japë urdhër prefekturave që për gjashtë muaj dua të shpallni të ligjshme, apo të paligjshme ndarjen e tokës. Dhe atje ku kemi ndarje të paligjshme, funksionon e drejta e kthimit të pronës private ashtu siç ka qenë para hyrjes së në kooperative.

Pra, në zonën e bregdetit ne nuk kemi tituj pronësie, dhe duke mos pasur tituj pronësie, ne nuk japim dot leje ndërtimi dhe nuk zhvillojmë dot zonën. Dhe këtu na vijnë këta ndërtuesit e mëdhenj si me parashutë. Kur në bazë të ligjit të urbanistikës, në rast se duhet të ndërtojmë në zonën bregdetare, neni 65 dhe 66 ta ndalojnë. Neni 65 thotë që pa u bërë planet rajonale nuk mund të kryhen ndërtime në zonën e bregdeti. Dritan Çelës i jepet leje nga qarku i Vlorës pa u bërë planet rajonale. Ndërsa neni 66 e përcakton shumë qartë: Pa miratimin e infrastrukturës së zonës, që miratohet nga KRRTRSH, nuk mund të kemi zhvillim apo leje ndërtimi në zonë turistike. Edhe rruga për në Kakome tani është projektuar për tu bërë, me kërkesë të komunës Lukovë dhe në bashkëpunim me Ministrinë e Transporteve. Dmth, nuk kemi as rrugë atje, le pastaj kanalizime apo ujësjellës, e të tjera, që janë të gjitha probleme që lidhen me pronësinë, por edhe me administrimin e bazave ligjore të hapësirave urbane.


Sa jeni në dijeni të studimit të integruar nga BB, a parashikohen aty njolla të zeza në Kakome. Ky projekt i cili po përflitet, e përfshin zonën e Kakomesë?


Unë kam qenë pjesë integrale e atij studimi, dhe them se kam disa njohuri të mjaftueshme për këtë studim. Mendoj se rregullorja që është bërë dhe studimet, do kenë bazë lokale. Studimet vendore tani sa kanë nisur. Janë bërë termat e referencës për hapjen e një tenderi publik, ku kompani të huaja apo shqiptare do të marrin pjesë në hartimin e një plani urbanistik për të gjithë territorin. Ne jemi në fillim të kësaj procedure, por në rast se është vendosur në masterplan që 100 metra nga vija e ujit nuk do të ketë ndërtime, në fshatin turistik të Kakomesë ndërtimet shkojnë deri në vijën e ujit.


Pra, e kanë rrethuar deri në bregdet?


Pjesa është rrethuar nga vija e ujit deri në një distancë rreth 1 kilometër?


Po rrugët publike janë të hapura?


Eshtë bllokuar rruga komunale dhe nuk mund të hyhet në zonë.


Komuna s’ka të drejtë të hapë rrugën komunale?


Komuna është tërësisht e bllokuar dhe nuk mund të kryejë asnjë veprim. Edhe inspektorati pyjor nuk mund të kryejë veprime në atë zonë. Kjo e fundit është rrethuar nga rreth 30 policë privatë të tre- katër shoqërive private.


D.m.th, policia private e kompanisë është më e fuqishme se ju?


Kjo bëhet nën drejtimin e Drejtorisë së Policisë së Qarkut Vlorë.


Meqenëse ju po flisni për mundësinë e hartimit të planeve urbanistike në bregdet, a jeni të interesuar si komunitet për investimet e huaja?


Ne jemi jashtëzakonisht të interesuar për investime, të huaja apo vendase. Unë do doja se çfarë do të donim ne që të investohej atje, qoftë për Kakomenë, qoftë dhe për një marrëveshje që komuniteti jonë do ta pranonte. Ne do të donim që Kakomeja të ishte një zonë e hapur, jo zonë e mbyllur. Sepse në rast se zonës tonë do t’i hiqeshin disa plazhe, si Kakomeja, zona do të varfërohej. Sepse këto plazhe të mbyllura do të sillnin fitime për disa x persona apo y, s’ka rëndësi. Kjo zonë, ashtu siç ka pasur gjatë gjithë kohës një rrugë për të shkuar në det, sërish kjo rrugë duhet të jetë e hapur. Nga ana tjetër, plazhi nuk duhej të ishte në administrim privat, ose të paktën gjysma e plazhit duhej të ishte në administrim komunal, në funksion publik. Sepse në rast se do e heqim këtë plazh, hoteleria e Sarandës, e gjithë zona e pellgut të Delvinës apo komunës tonë të Lukovës, që e ka frekuentuar këtë plazh dhe në atë gjendje siç është, ashtu natyrale, do të humbiste një aset të vlefshëm. Pra, ne e duam të hapur. Dhe e treta, kjo çështje duhej të negociohej përpara se të zgjidhen problemet me pronësinë, sepse çështja e pronësisë mund të kërkojë vite të tëra dhe kjo pengon zhvillimin. Komuniteti i ka përfaqësuesit e vet në këshillin e komunës dhe ky këshill mund të merrte një vendim se si ajo, ashtu si pronë komunale, t’i japë të ardhura asaj komune. Jo të jepej për 600 mijë euro për 25 vjet. Për një shumë të tillë edhe unë mendoj se do merrja borxh diku dhe do e merrja atë si pronë, sepse janë 700 mijë metra katrore. Pra mund të kishte dhe një çmim më të lartë. Bankat e Shqipërisë mund të jepnin një vlerësim real të asaj prone dhe deri në kohën që t’i jepej pronarëve, ato fitime të shkonin për infrastrukturën e komunës. Komuniteti i pronarëve, qoftë këtu apo qoftë në Strasburg kur t’i njihej kjo pronë, mund të merrte fitimet e tij, por nuk do të humbiste përfitimet që do të vinin nga kjo pronë, qoftë në bazë të marrëveshjeve, kontratave që mund të lidheshin etj.


Realisht si e shikoni problemin ju aty, është vërtet një kompani që do të bëjë një investim serioz, apo është çështje e biznesit shqiptar që kërkon ta përdorë për interesa të tij?


Unë nuk besoj që aty bëhet fjalë për ndonjë kompani të huaj. Madje marrin njerëz që nuk dinë të flasin asnjë gjuhë dhe bëjnë sikur flasin italisht për tu hequr si përfaqësues të Club Med. Unë them se në rast se aty do të ishte Club Med, me ftesat që i kemi dërguar, ai do të kishte ardhur të paktën në zyrat e komunës Lukovë, dhe për vetë emrin e tij serioz që ka në fushën e turizmit.


Ju si kryetar komune s’keni asnjë kontakt me investitorët e huaj?


Jo, absolutisht. Unë besoj se aty ka njerëz që kanë investuar shumë në ryshfete. Edhe mua më është ofruar një ryshfet nga zoti Çela, rreth 1 milion euro.


Ju e keni të provuar?


Unë po e them, s’ka rëndësi, më ka dërguar njerëz në ditët e grevave për të marrë paratë dhe për t’i dhënë fund. Nuk jam duke bërë një akuzë përpara gjykatës. Por ne jemi përpara një realiteti shqiptar, që flitet për një aferë korruptive nga ana e kryeministrit të mëparshëm. Kryeministri i sotëm, kur ka marrë takime me mua si përfaqësues i Nivicës në atë kohë, ma ka pranuar këtë aferë korruptive, dhe i keni parasysh akuzat e tij në atë kohë kur ishte në opozitë, dhe jo vetëm një herë. Më mbrapa kjo ka vazhduar në të njëjtën mënyrë, politika e ryshfetit sërish ka funksionuar.


Po Partia Republikane çfarë qëndrimi ka në lidhje me këtë çështje?


PR ka pasur një qëndrim shumë pozitiv në të kaluarën, ndërsa sot me sa duket ka probleme të tjera që e shqetësojnë më shumë dhe nuk mendoj se e ka në vëmendje këtë çështje.


Sa të mundshme e shikoni realizimin e një premtimi që zoti Berisha ka dhënë pak ditë më parë se do të kompensojë pronarët e tjerë me troje turistike në bregdetin jugor. Ka troje të lira në bregdetin e jugut?


Në rast se Berisha bën fjalë për bregdetin tonë, sepse unë e njoh shumë mirë problemin e pronësisë në këtë bregdet, madje mund ta them saktë se cilat janë pronësitë. Pra, janë pronësi individuale, pronësi kolektive, ka dhe pronësi të ashtuquajtura “musha”, të fshatarëve që janë kthyer në toka bujqësore dhe që janë ndarë me ligjin 7501, dhe nuk është dhënë verdikti përfundimtar për këto troje. Po u bë dhe kjo, atëherë në bregdet nuk ka asnjë metër tokë të lirë. Pra, brenda këtij territori, të merret tokë për të kompensuar pronarë të tjerë, unë e shoh si një ogur shumë të keq për të përplasur pronarët me pronarët, dhe shqiptarët me shqiptarët. Kjo më duket një politikë, jo vetëm e papërshtatshme, por edhe një politikë e rrezikshme.


Nga pikëpamja politike, kush ju mbështet në të gjithë këtë histori, apo këtë betejë që keni ndërmarrë për të mbrojtur pronat tuaja?


Nuk shikoj asnjë lloj mbështetje, por nuk jam pesimist se nuk do të kemi dhe në të ardhmen një lloj mbështetje. Unë mendoj se forcat politike po e gjejnë vetveten, dhe në të ardhmen e afërt do të ketë dhe mbase edhe propozime konkrete për zgjidhjen e çështjes. Por nuk dua që këto premtime të jenë premtime fushatash elektorale dhe mbrapa të harrohen apo të shikohen interesat e tjera.


E gjithë kjo përdorje e institucioneve, si prokuroria, gjykata apo dhe administrata shtetërore në favor të një biznesmeni, ju bën optimist se do t’i japin zgjidhje këtij problemi?


Nuk jam optimist për dy gjykatat e niveleve të ulëta dhe të mesme. D.m.th, Gjykata e Faktit dhe ajo e Apelit mendoj se janë gjykata të ndikuara nga politika e ditës. Qoftë nga PS-ja kur ishte, qoftë nga PD-ja tani. Të gjithë kanë njerëzit e tyre të afërm që punojnë në administratë dhe janë mjaft të ndikuara nga kjo. Unë kam një eksperiencë disa vjeçare për këtë çështje, pra për Kakomenë dhe di ta vlerësoj situatën. Por edhe sot që ne jemi të detyruar të hapim gjyqe si komunë për procedurat, për marrje të masave të pezullimit. Pra, duke i dalë në mbrojtje pronës publike, nuk fitojmë ne që jemi shtet, por fiton biznesi. Ai zotëria atje, Dritan Çela u thotë: “E pe se çfarë bëra unë, solla 400 policë, kush m’i dha ata”. Pra, gjyqtarët e shohin dhe janë të detyruar që të marrin vendime në favor të tij, ose për raste analoge. Edhe për Gjykatën e Apelit. Ne kemi gjyqin në Gjykatën e Apelit këto ditë. Unë vërej se gjyqi është thirrur gjashtë apo shtatë muaj para kohe. Unë do doja që gjyqi të thirrej që të nesërmen kur ndodhi ajo në Gjykatën e Faktit. Por çfarë dua të them. Sjellja duke kapërcyer 600 apo 700 çështje për të sjellë këtë, mund të jetë veprim i lidhur me interesat e qeverisjes së sotme, ose me interesat e biznesmenit. Por ka dy momente, nga njëra anë biznesmenët paguajnë, nga ana tjetër pushtetarët e paguar nga këta biznesmenë bëjnë presion. Kështu veprohet. Mendoj se në Gjykatën e Lartë mund të ketë ndonjë shansi, por kemi vendosur dhe marrëdhënie me Gjykatën e Strasburgut. Gjithsesi, ajo pret që ne të përfundojmë procedurat me sistemin e drejtësisë në Shqipëri. Kështu që do të zgjasë edhe disa vite për të zgjidhur problemet me drejtësinë.

[Maars]

Pyetje publike kryeministrit Berisha për pronat e bregdetit
Nga Niko Nesturi, Kryetari i shoqatës AK “Bregdeti”

Zotërinj të nderuar. Këto ditë mediet kanë qenë të mbushura me shkrime dhe emisione për pronat, por po kështu ka ndodhur edhe para fushatave të mëparshme elektorale. Në emër të pronarëve autoktonë të bregdetit turistik Vlorë-Sarandë, që akoma nuk ka marrë sa tokat e as ullinjtë e trashëguar nga të parët, reagojmë për sa vijon: I pari që historikisht dolët në skenën politike me premtimin për liri-demokraci dhe kthimin e pronave te pronarët ishit ju, z. Sali Berisha, në 1991. Me votat e pronarëve (që menduan se do iu ktheheshin pronat e grabitura), dhe të të përndjekurve, ju fituat mazhorancën dhe u bëtë president. Pas kësaj ju dhe jo vetëm shkelët premtimin, por deri sot i keni luftuar pronarët e veçanërisht ata të Bregdetit. Pas jush në skenë dolën z. Sabri Godo dhe z. Fatmir Mediu, si kryetarë të Partisë Republikane, i fundit, më i riu dhe i padëgjuar për pronat ka dalë z. Aleksandër Garuli që pati guximin të japë intervista dhe të thotë broçkulla për shoqatat e pronarëve duke aluduar sikur Partisë Republikane pronarët i paskan dhënë prokurën apo të drejtën për të na përfaqësuar.

Ne, pronarët e bregdetit, e kemi kritikuar shumë herë në shtyp Partinë Republikanë dhe deputetin Arian Madhi, por këto nuk i paskan vlejtur z. Garuli. Ne aprovojmë mendimet e shprehura në shtyp me datë 13.03.09 të z. Ahmet Sulstarova i shoqatës “Pronësi me Drejtësi”, që iu përgjigj publikisht deputetit Aleksandër Garuli, kritikë që vlen për gjithë politikën pseudo-demokratike që po e fundos Shqipërinë në kaos dhe korrupsion të paparë.

Lidhur me pronat, po analizojmë shkurtimisht mazhorancën. Me këtë nuk duam të mbrojmë aspak të majtët (pjesën hajdute të saj). Pretendimet tona për grabitje të pronave ju lutemi të na i pohoni ose të na i kundërshtoni në shtyp ju, zoti kryeministër. Nëse ju do ta neglizhoni këtë, ne do ta kërkojmë përsëri nga ju, nga Transparency International, nga USAID dhe gjithë ndërkombëtarët, si dhe nga ai që do vijë pas jush deri në zgjidhjen e plotë sipas 12 kërkesave që kemi paraqitur bashkë me shoqatën “Pronësi me Drejtësi” ose sipas kërkesave që ju kemi paraqitur nga Kuvendi Mbarëbregdetar. Zgjidhja e problemit të pronës në zonën turistike për një qeveri është e thjeshtë, nëse në regjistrat e ZRPP do të shtohet edhe një kolonë, ku shteti të pasqyrojë origjinën e pronës para vitit 1945, një kolonë tjetër të periudhës së diktaturës, ku të shënohet “pronë shtetërore” dhe në kolonën e regjistrimit të ri të pas vitit 1991 mënyrën dhe ligjin e zbatuar për përfitimin dhe transkriptimin e pronës te pronari aktual. Kështu gjërat nuk fillojnë nga e para, por korrigjohen paudhësitë e kurdisura nga hajdutët e infiltruar në politikë dhe në pushtet në këto 18 vjet. Ky plotësim juridik i kryer në regjistrimet në ZRPP për qarkun e Vlorës do të nxjerrë në dritë pronarët e ligjshëm që ju gabimisht apo qëllimisht jeni mësuar t’i quani ish-pronarë dhe pseudo-pronarët, që ju, politikanët, i quani “pronarë të rinj”. Analiza e fakteve do tregojë se prej të dy krahëve është organizuar një vjedhje masive dhe prandaj të dy palët e ruani me fanatizëm njëri-tjetrin. Deri tani kjo politikë ka ecur duke e mashtruar popullin dhe institucionet ndërkombëtare. Shpesh të huajt janë shfrytëzuar ose implikuar rëndë në këtë zullum që ka arritur në pika kritike, siç është rasti i ekonomistit peruan, Hernando de Sota, për legalizimet, skandali i Bankës Botërore, ai i ClubMed të Francës dhe Kakomesë etj

Ju, z. Berisha, u prononcuat përsëri në media për pronat, dhe në vijim të deklarimit të Partisë Republikane ju ftojmë të shpreheni në shtyp në radhë të parë ju, si kryeministër, por dhe çdo forcë politike që kërkon votat e popullit të Bregdetit, për sa vijon:

Sipas mentalitetit komunist, kapitalizmi ishte armiku i popullit dhe “prona private ishte ajo që lindte çdo ditë kapitalizmin, dhe si e tillë prona private u shpall armik. Me këtë slogan prej vitit 1945 deri në 1976 të gjithë pronat private në 100% në qytet dhe në fshat u shtetëzuan. Me Kushtetutën e vitit 1976 e gjithë toka u shpall pronë e shtetit, por kjo Kushtetutë u abrogua nga parlamenti në 1991. Bashkë me Kushtetutën e 1976 u shpallën pa vlerë dhe “tapitë“ e ndara sipas reformës agrare dhe sipas motivit “or ti dukagjinas zbrit nga mali, merre tokën që ta fali…” etj., etj. Pyetja e parë dhe më themelore: Në bindjen tuaj, zoti kryeministër, pronat e të shpronësuarve në zonën turistike pas vitit 1991 a i përkasin shtetit dhe pushtetit apo janë pronat private që komunizmi i kishte grabitur prej pronarëve? A i shkeli detyrimet kushtetuese shteti pluralist pas vitit 1991, kur filloi ta ndante tokën pa marrë parasysh kufijtë e para-kolektivizimit? A kishte ai shtet detyrim kushtetues ta kthente pronën tek i zoti? Pra, pronat e ish-kooperativave bujqësore të ndara me Ligjin 7501, ju, zoti Berisha, i konsideroni prona të kthyera sipas të drejtës së pronës apo bamirësi të politikanëve që iu ndanë lëmoshë familjeve të varfra sipas frymëve? Pyetja e dytë: A i disponon shteti të gjitha mundësitë dhe mekanizmat (institute topografie, dokumente të shtetëzimeve dhe të sekuestrimeve, dokumente të kadastrave dhe të Arkivit të Shtetit etj.), në mënyrë që qeveria të marrë përsipër të diferencojë se cilat janë pronat e shtetëzuara dhe cilat janë pronat me pronar juridik shtetin edhe para vendosjes së diktaturës? A jeni në gjendje ju, z. kryeministër, që për zonën Vlorë-Sarandë, t’i bëni publike para zgjedhjeve të qershorit 2009? Pyetja e tretë: Sa është numri i letrave dhe ankesave nga subjekte të shpronësuara, nga grupe pronarësh, nga grupe akademikësh dhe intelektualësh, nga shoqata “Pronësi me Drejtësi” dhe shoqata A. K. “Bregdeti” dhe sa është numri i artikujve të botuar në gazetat e ndryshme, kritikat dhe arsyetimet - për mosrespektim të së drejtës së pronës private dhe shkelje të detyrimeve kushtetuese - që i janë drejtuar Sali Berishës, kur ishte President i Republikës dhe sa tani si kryeministër? Sa është numri i ankesave drejtuar antikorrupsionit dhe sa është numri i rasteve të zgjidhura? Pyetja e katërt: Kush mban përgjegjësi se pse nuk janë zbatuar rekomandimet e Departamentit amerikan të ShBA, të KE dhe BE për kthimin e pronave dhe pse pronarët mbahen peng dhe komisionet nuk marrin vendime as për pronat që janë të lira? Pyetja e pestë: A jeni i bindur se qeveria ka përdorur në mënyrë abuzive fondin prej disa milionë dollarësh të vënë në dispozicion nga donatorët, USAID, etj., për sistemin e ri të regjistrimit të pasurive të paluajtëshme? Pyetja e gjashtë: A jeni i bindur se i ashtuquajturi regjistrim primar me vendime komisionesh (që janë më të këqija se ato të reformës agrare të kohës së diktaturës), mohimi i kadastrës së vitit 1945, nxitja e lëvizjes së lirë, nxitja e pushtimit të trojeve dhe e ndërtimeve pa leje ka krijuar anarkinë e pronës dhe minimumi ka futur konfliktin midis pronarëve të ligjshëm dhe pronarëve falsë, pra disa shqiptarë duhet të luftojnë kundër shqiptarëve të tjerë? Cili është, sipas jush, përgjegjësi historik i kësaj katrahure? Pyetja e shtatë: Ne, bregdetasit autoktonë, a kemi të drejtë, sipas Kushtetutës, që kërkojmë pronat që na ka grabitur diktatura dhe politikanët e post-diktaturës? Pyetja e tetë: Çfarë vlerësimi i jepni ju një kryeministri X, që pa bërë dallimin se cilat janë prona të shtetit dhe cilat janë prona që shteti i ka grabitur dhe duhet t’ua kthejë pronarëve, por që për 18 vjet akoma nuk i ka kthyer, që nuk përfill me mijëra kërkesa nga brenda dhe jashtë vendit dhe tani para zgjedhjeve insiston të bëjë legalizime, t’ua shesë tokën ndërmarrjeve private ose të kompensojë qytetarë të tjerë në pronat tona turistike që ne akoma nuk na janë kthyer? A mund të na informoni sa e ka vlerën e kompensimit në Evropë dhe në Gjykatën e Strasburgut 1 rrënjë ulliri, si dhe sa rrënjë ulliri janë shkulur e po shkulen nga politikanët për të hapur sheshe ndërtimi në ullishtat tona? Pyetja e nëntë: Cilët pronarë bregdetas kanë kërkuar nga mazhoranca një ligj apo vendim që të lejojë institucionet shtetërore të bëjnë shitjen e trojeve në favor të atyre shkelësve të ligjit që kanë ndërtuar pa leje në tokat tona dhe këto lekë qeveria t’ia japë pronarit të tokës?

Ju, zoti kryeministër, keni folur shumë për kompensimin e pronarëve. Shoqata jonë nuk ka kërkuar kompensim, por ka kërkuar dhe insiston për kthim fizik në kufijtë e paragrabitjes komuniste, ashtu siç është bërë në shumicën e territorit shqiptar pa folur për Çekinë dhe vendet e tjera ish-komuniste që shpëtuan ose u prekën lehtë nga mafia postkomuniste. Në shumë rrethe të veriut dhe ato verilindore prona ka vajtur 100% te pronarët e ligjshëm, sipas kufijve të para-kolektivizimit duke respektuar një parim moral dhe zakonor të lashtë, si dhe detyrim kushtetues, kurse në zonën turistike ju, zoti Berisha, nuk pranoni ta abrogoni Ligjin 7501 që de fakto është zbatuar në më pak se 25% të Shqipërisë. Pse në Bregdet është zbatuar një standard i dyfishtë dhe pronat shpesh janë ndarë sipas dëshirave dhe interesave të klaneve të politikës? Korrupsioni dhe udhëzimet e dhëna janë forca drejtuese në komisionet e kthimit të pronave, ZRPP dhe administratën shtetërore në qarkun e Vlorës që ashiqare ia bën me sy antikorrupsionit që ju reklamoni. Ne, zoti kryeministër, ju kemi kërkuar të urdhëroni prishjen e ndërtimeve pa leje që persona të tretë kanë bërë në troje turistike, ku ata nuk kanë asnjë të drejtë pronësie. Në fakt, Policia Ndërtimore ka ruajtur pushtuesit dhe ka prishur ndërtimet e kryera nga pronarët autoktonë të truallit, qoftë me leje dhe ndonjëherë edhe pa leje. Për sa kohë nuk bëhet reforma që pronat në zonën turistike të kthehen sipas kadastrës së para-kolektivizimit komunist, papastërtia është në mes të përfaqësuesve të politikanëve dhe ndërkombëtarëve që e shikojnë situatën dhe nuk kryejnë veprime efektive. Për ne ka rëndësi të kthehet fizikisht prona tek i zoti dhe jo zhurma mediatike se kërkesa për prishjet në Jalë u paraqit nga Banka Botërore apo dhëndëri i kryeministrit. Pyetja e dhjetë: Pse nuk urdhëroni zbatimin e ligjit që Policia Ndërtimore të prishë ndërtimet e personave të tretë në tokat e pronarëve dhe pastaj toka t’i kthehet të zotit?

Zgjidhja e problemit të pronës, nëse do të ketë vullnet politik, është e lehtë. Merrni në konsideratë Rezolutën e “Kuvendit të 8 Mbarëbregdetar për Pronën” i mbajtur më 10 gusht 2008 që ua kemi dërguar. Po ashtu, të zbatohen 12 kërkesat që ka paraqitur shoqata “Pronësi me Drejtësi” që edhe ne si Bregdet i mbështesim. Ne kemi të përgatitur një projektligji për zgjidhjen përfundimtare, të drejtë dhe të qëndrueshme dhe pa kosto të pronës në zonën turistike. Ky projektligj është në përputhje me të gjitha kërkesat e KE dhe të Kushtetutës, por deri tani vullneti politik ka qenë inferior ndaj korrupsionit dhe mafies së trojeve turistike. Për ne që nuk duam ta kthejmë Bregdetin në “Palestinë“, kthimi në origjinë i pronës së trashëguar është çështje e së drejtës dhe jo dëshirë e politikanit X apo Y. Pa pronat e etërve tanë ne nuk jemi më Bregdetas, pasi kjo pronë për secilin materializon dhe përfaqëson atdheun që askush nuk do të mund të na e mohojë, qoftë edhe në këmbim të parave apo premtimeve të tjera për kompensim. Sot, shoqata iu kërkon të gjithë pronarëve bregdetas, kudo ku ata jetojnë në Shqipëri, që këtë radhë të bashkojmë votat, por është akoma herët të deklarojmë se cilën forcë politike do mbështesim me votat tona apo do shënojmë unanimisht fjalët “më parë ktheni pronat tek i zoti”. Ne do të bashkërendojmë punën tonë me shoqatën “Pronësi me Drejtësi”, pasi hallet i kemi të njëjta, dhe votat tona do t’i kushtëzojmë, sepse kanë kaluar 18 vjet dhe nuk duam të mashtrohemi më me “limonada politike”, por duam veprime konkrete. Ne ju kemi shkruar shumë artikuj, ku ju kritikojmë se ju, zoti Berisha, po ecni në drejtimin e kundërt, por ju keni heshtur. Tani po na kërkoni përsëri votat. Ndërkohë, nëse mazhoranca në këtë periudhë të shkurtër, por të mjaftueshme kohe, por përpara qershorit 2009, do të kryejë si duhet detyrat kushtetuese dhe ato të shtetit ligjor, siç janë përfundimi i procesit të kthimit në kufijtë e para 1945; çlirimi i trojeve tona nga uzurpuesit, do të spastrojë bregdetin nga ndërtimet pa leje të personave të tretë, që kanë uzurpuar tokat që kanë zot e shoqëruar dhe me largimin e inerteve, vetëm kjo do i japë të drejtë morale PD dhe PR t’iu drejtohen pronarëve, pasi kështu do fillojë të zvogëlohet dëmtimi i madh që i ka shkaktuar anarkia e pronës popullit të bregdetit

Nga gazeta Tema