Nga Manastiri filloj Pranverë e re me Demokracinë e Re

[Progres]

Nga Manastiri filloj Pranverë e re me Demokracinë e Re



Demokracia e Re, dhe lideri i saj, njëherësh edhe kandidat për kryetar shteti, Imer Selmani, filloi karvanin për fushatën zgjedhore.

DR-ja, u prit nga një numër i madh i simpatizantëve në Qytetin e Alfabetit dhe themelimit të historisë Shqiptare në Manastirit. Tubim e hapi bartësja e listës për këshilltarë të komunës së Manastirit Luljeta Qazimi, e cila u shpreh para të pranishmëve se kjo është një pranverë e re, e Demokracisë së re, e cila do të sjell ndryshime të mëdha në funksionalizimin e politikës në vend.

Ndërsa Mahmut Jusufi, kandidat për kryetar të komunës së Tetovës, u shpreh i bindur në fitoren e DR-së, jo vetëm në Tetovë, por në shumë komuna të tjera, për shkak se qytetarët e Maqedonisë, janë ngopur me premtime boshe, me korrupsion, njerëz të interesit vetjak etj.

Ndërsa krejtësisht në fund fjalim të tij mbajti edhe lideri i kësaj partie, Imer Selmani, i cili u shpreh i gatshëm që ai dhe ekipi i tij, janë të gatshëm që të qëndrojnë më afër qytetarit duke i zgjidhur problemet e tyre thelbësore.

“Në këtë kohë kur vendet e ndryshme të rajonit po ballafaqohen me problemet e krizës ekonomike, po thuaje se çdo qytetarë vendi i tyre i punës është bërë shumë i pa sigurt. Por me ardhjen në skenë të DR-së, ka ardhur koha edhe për ndryshime në vetë jetën e qytetarit. Për të arrit këtë vendit i duhet integrim i menjëhershëm në NATO dhe Bashkimi Evropian, dhe Demokracia e Re e ka këtë vizion. Ju bëjmë apel të gjithë oponentëve tanë politik se ka përfunduar koha e politikanëve të dështuar të cilët nuk hezitojnë të luajnë me fatin e fëmijëve tanë duke dhënë vetëm premtime boshe, por këta politikanë do të filtrohen më 22 marsi”, tha Imer Selmani lider i DR, dhe kandidat për kryetarë shteti. Selmani gjithë ashtu potencoi disa fjalë shumë thelbësore edhe për kandidaturave e tij në garën presidenciale. “ Planet dhe projektet e hartuara nga unë dhe ekipi im profesional janë të bazuar shumë afër halleve të çdo qytetari të Maqedonisë. Prandaj nëse vij në këtë post, do të tregoj se Maqedonisë dhe qytetarëve të saj i duhet një armatë profesionale dhe e integruar në NATO”. shtoi Selmani.

Përndryshe, konventa në Manastir ishte edhe fillimi i fushatës së Demokracisë së Re për zgjedhjet lokale dhe presidenciale të 22 Marsit. Sot është paralajmëruar tubimi i rradhës të DR-së, në Komunën e Haraçinës.

[Driinii]

Mbani mend BDSH-ne?!
Fati i njejte do ta gjeje maqedonofillin I.Selmanin!

[Faik]

Selmani: Bashkë të zgjidhim çështjen e emrit për të hyrë në NATO

Kandidati i Demokracisë së Re për kryetar të Maqedonisë, Imer Selmani, mysafir i Alsatit, në kuadër të intervistave të emisionit "Maqedonia voton" kushtuar zgjedhjeve presidenciale dhe lokale.

Alsat: Si do t'u sqaroni votuesve se sillni pranverë të re, që, siç thotë Thaçi, Selmani i cili ka shijuar të gjitha privilegjet e pushtetit, u ngrit lartë në shkallët e tij me PDSH-në, ndërsa ia kthejë shpinën partisë kur ajo humbi pushtetin?

Selmani: Unë si Imer Selmani, por jo vetëm unë, shumë intelektual, shumë njerëz që e duan vendin, shumë njerëz që kanë dhënë kontribut në mënyra të ndryshme për Republikën e Maqedonisë, në një moment pamë dhe konstatuam se perspektiva, përparimi i shtetit nuk qëndron në grindje, në akuzat të ndërsjella, në promovimin e dhunës në zgjedhje, në krijimin e politikës, e cila u sjell dëm qytetarëve, shqiptarëve, por edhe qytetarëve të tjerë të Republikës së Maqedonisë, por duke krijuar ambient pozitiv. Jorastësisht, si rezultat i kohës, në shtatorë të vitit 2008, shumë ish anëtarë të PDSH-së, por edhe të PPD-së dhe BDI-së, si dhe intelektual dhe studentë, të cilët për herë të parë u
inkuadruan në politikë, krijuam një ambient pozitiv, mund të them bile edhe lëvizje, e cila është në pajtim me slloganin Pranvera e Re, në kuptimin e pranverës së re politike, e cila jep shpresë dhe fryte dhe paralajmëron një të nesërme të re për Republikën e Maqedonisë, për shqiptarët, dhe për të gjithë qytetarët.

Alsat: Cilat do të ishin prioritetet tuaja kryesore nëse do të zgjidheni për president të Republikës së Maqedonisë?

Selmani: Duhet të jemi të vetëdijshëm si opinioni dhe qytetarët maqedonas janë të vetëdijshëm se gjendemi në një udhëkryq të madh, në një moment kur duhet të arrijmë ujdi për shumë çështje kyçe dhe të mëdha, të cilat duhet të trajtohen në mënyrë adekuate, sepse prej tyre varet perspektiva jonë integruese në NATO dhe BE.
Unë si president i ardhshëm, nëse zgjidhem në zgjedhjet presidenciale, kuptohet se gjënë e parë që do ta bëjë është që aktorët e rëndësishëm politik në Maqedoni, të marrin një vendim unanim, pushteti dhe opozita, për çështje të brendshme dhe të jashtme politike. Kur flasim për politikën e brendshme e kemi parasysh sfidën, detyrimet që duhet të përballen për ndërtimin e marrëdhënieve të mira ndëretnike në vendin tonë. Ndërsa sa i përket politikës së jashtme, këtu kuptohet janë marrëdhëniet e mira fqinjësore, zgjidhja e të gjitha kontesteve duke u nisur nga kontesti me emrin kushtetues me Republikën e Greqisë dhe duke vazhduar të vendosim marrëdhënie të mira edhe me Bullgarinë, Serbinë, Kosovën dhe Shqipërinë. Kemi nevojë për t'i respektuar fqinjët tanë, por kemi shumë nevojë që edhe ata të na respektojnë neve dhe rajoni i Ballkanit të mos mbetet problem për Evropën, por ne të reagojmë maksimalisht me kapacitetet tona që së bashku me vendet tjera të rajonit të bëhemi pjesë e rëndësishme e BE dhe NATO.

Alsat: Nuk ka parti dhe politikan dhe kandidat për president prioritet i të cilit nuk janë integrimet euroatlantike, por këtu ekziston një pengesë e madhe, problemi me emrin. Si do ta përballoni këtë pengesë?

Selmani: Koncepti im dhe oferta ime për zgjidhjen e këtij problemi është ky. Së pari, kjo çështje nuk duhet të shikohet në pako me identitetin dhe me emrin e Republikës së Maqedonisë, por duhet të ndahet në dy pjesë. Ajo për të cilën duhet të bisedojmë me Greqinë është çështja rreth emrit të Republikës së Maqedonisë, si një prej kushteve tashmë elementarë për inkuadrimin tonë në NATO, do të thotë për sigurinë e vendit dhe integrimin në BE, ndoshta edhe për procedurat për liberalizimin e vizave.
Kontesti me emrin them se duhet të ndahet prej identitetit sepse identiteti i një populli është që krijohet nga vetë historia diçka që nuk ka ndodhur me masa administrative, që të mund të shtrembërohet ose të ndërtohet me marrëveshje për një periudhë të shkurtër. Shqiptarët kanë qenë dhe janë shumë të kujdesshëm për ndjenjat e bashkëqytetarëve të tyre maqedonas, kur bëhet fjalë për identitetin, dhe nëse ju me kujdes vëreni, do të shikoni se nuk ka shqiptarë në Maqedoni, por edhe më gjerë, i cili pajtohet me politikën greke dhe se çdo shqiptarë dëshiron të jetë pjesë e NATO dhe BE.
Për tu zbatuar kjo formulë duhet të ulemi dhe t'i intensifikojmë bisedimet me Greqinë sa i përket përdorimit zyrtarë të emrit mes Maqedonisë dhe Greqisë. Kjo sa i përket emrit të shtetit, ndërsa intensifikimi i bisedimeve duhet të vazhdojë nën patronazhin e Kombeve të Bashkuara, por presidenti i ardhshëm i Republikës së Maqedonisë duhet të tregojë kapacitete dhe nisma se është i gatshëm drejtpërdrejtë të bisedojë me përfaqësuesit grek për të zgjidhur këtë kontest. Të mos fshihemi pas problemit, të mos mendojmë se koha do ta zgjidhë problemin, dhe më sa paku na duhet që presidenti i ardhshëm, i cili do të zgjidhet, ta gjejë ose ta adresojë fajin, se ndonjë para tij nuk e ka zgjidhur këtë çështje, të mos na kalojnë pesë vite duke kërkuar fajtorin.

Alsat: Çka do të ndryshonit si president në raport me Qeverinë duke pasur parasysh se kryetari dhe qeveria grinden për kursin që duhet të ndiqet në politikën ndërkombëtare?

Selmani: Nëse zgjidhem president, do të bëjë të pamundurën që të qetësohet gjakrat në Republikën e Maqedonisë lidhur me kontestin me Greqinë. Së pari, të mos e provokojmë bashkësinë ndërkombëtare, miqtë tanë dhe palën greke me ndonjë sjelle tonën, deklaratë ose vendim tonin. Duhet të qetësohet situata dhe në Republikën e Maqedonisë dhe në Republikën e Greqisë, me qëllim që të nisen bisedime intensive dhe konstruktive, pas disa muajsh, edhe në nivel të drejtpërdrejt paralelisht duke vazhduar bisedimet me ndërmjetësimin e Kombeve të Bashkuara. Unë nuk shoh arsye pse kryetari i Republikës
së Maqedonisë të mos ulet me kryetarin e Republikës së Greqisë ose me kryeministrin dhe të bisedojë për të gjetur zgjidhje të përbashkët.

Alsat: Presidenti aktual thotë se qeveria e ka uzurpuar këtë çështje?

Selmani: Nëse vazhdojnë akuzat e ndërsjella mes presidentit dhe kryeministrit vështirë se do të mund të gjendet zgjidhje. Zgjidhje do të arrihet atëherë kur, aktorët politikë në qeveri dhe opozita të ulen dhe marrin vendimin përfundimtarë. Nuk ka kush të na ndihmojë ose nuk do ti japim mundësi askujt për të na ndihmuar, SHBA-ve, të cilat fuqishëm na mbështetin, ose miqve tanë në Evropë, nëse ne në shtëpinë tonë kemi qëndrime diametralisht të kundërta mes presidentit dhe kryeministrit. Nga ana tjetër, pala greke që duhet të negociojë këtë e merr si provokacion. Mendoj se në këtë mënyrë nuk mund të arrihet zgjidhje. Moszgjidhja e kontestit me Greqinë do të thotë izolim dhe bllokim të procesit të integrimit në NATO dhe EU, ndërsa një vend si Maqedonia, mund të paramendojmë, nëse për disa vite mbetet jashtë proceseve integruese në NATO dhe BE, çfarë pasojash do të ketë në stabilitetin e brendshëm politik dhe në zhvillimin ekonomik, kur dimë se problemi kryesor momentalisht është ekonomia. Çdo familje dëshiron të ketë siguri materiale në kohën e një krize globale, e cila gradualisht e kaplon edhe vendin tonë. Risku që problemet ekonomike edhe më tutje të përshkallëzohen, në Maqedoni është shumë i madh.

Alsat: A do të thotë se do të kërkoni nga qeveria që t'i shfuqizoj vendimet për riemërimin e rrugëve, aeroporteve..?

Selmani: Si kryetar i ardhshëm gjënë e parë që do ta kisha bërë është që të ulem me kryeministrin dhe liderët e opozitës. Patjetër duhet të gjejmë gjuhë të përbashkët, ndërsa nëse dikush me këmbëngulje dëshiron që Maqedoninë ta hedh në humnerën e izolimit, dhe me kokëfortësi përpiqet që Maqedonia të mos ketë perspektivë, mendoj se kjo shumë shpejtë do të reflektohet, shumë shpejtë qytetarët do ta shohin dhe do ta vlerësojnë palën negative. Nuk ka njeri në vendit tonë, secili e do të mirën.
Mirëpo, problemin duhet ta shikojmë me sinqeritet dhe drejtësi. Nuk duhet ta përziejmë identitetin e popullit maqedonas me emrin e Republikës së Maqedonisë. Identiteti është çështje që nuk duhet të preket, e cila nuk duhet të jetë as pjesë e negociatave të Maqedonisë me Greqinë. Kjo është ndjenja e çdo qytetari, ndjenja e një populli. Shqiptarët kishin presione të mëdha në kohën e Jugosllavisë. Kur shqiptarët, veçanërisht në Kosovë, kishin presione administrative që të deklarohen si kosovarë, që të humbet identiteti shqiptarë, që të identifikohen si popull i veçantë prej shqiptarëve të Shqipërisë. Por, kjo nuk i shkoi për dorë asaj politike. Në këtë drejtim jam shumë i sigurt se nuk do të ketë sukses as politika e cila me masa administrative do ta ndërronte identitetin e një populli, në këtë rast të maqedonasve.

Alsat: Të shpeshta janë paralajmërimet se nëse Maqedonia e prolongon integrimin në NATO dhe BE mund të shkaktohen përçarje etnike, por edhe ndarje, respektivisht se shqiptarët nuk do të jenë pafundësisht të durueshëm për të shtyrë këtë integrim për shkak të ndishmërisë së maqedonasve me problemin e emrit.

Selmani: Unë do të jap vlerësimin tim, i cili korrespondon me një realitet të cilin për çdo ditë e shikojmë dhe e ndjejmë. Problemi nuk është te shqiptarët e Maqedonisë. Një pjesë e popullit maqedonas ndihet si popull maqedonas me prejardhje antike, ndërsa pjesa tjetër ndihet si popull me prejardhje sllave. Kjo krijon ndarje dhe shkakton rreziqe te vet populli maqedonas.
Shqiptarët vazhdojnë të jenë konstruktiv, vazhdojnë të jenë më pozitiv prej një pjesë të madhe të maqedonasve, të cilët përçajnë etninë maqedonase. Disa thonë se janë tradhtarë, disa thonë se janë patriotë. Disa thonë se kanë prejardhjen prej Lekës së Madh, disa thonë se burojnë prej sllavëve, si shumë popuj tjerë të Ballkanit. Kështuqë ndarja dhe rreziqet për Maqedoninë do të vijnë prej vetë popullit maqedonas nëse vazhdon kjo politikë. Populli shqiptar me hapat e tij, me dëshirën e madhe për të qenë pjesë e NATO-s dhe BE-së, nuk tregojë ndonjë nervozizëm të theksuar, edhe pse si njeri nuk flas nga aspekti i bashkësisë etnike, por thjeshtë si qytetarë. Më gjeni një qytetarë të Maqedonisë i
cili nuk dëshiron të jetë pjesë e familjes së madhe evropiane ose të NATO-s, kush nuk dëshiron që fëmijët e tij të jetojnë në vend ku ka perspektivë të sigurt ekonomike, infrastrukturë të mirë. Nuk ekziston kështu familje. Të gjithë ne duam të jemi pjesë e një shoqërie më të mirë, të cilën vetë ne do ta respektojmë, por edhe shteti i cili respekton qytetarët e vet.

Alsat: Shpresoni se keni kapacitete të mjaftueshme për t'i qetësuar të gjitha këto kundërshti?

Selmani: Unë do ta shtroja këtë pyetje. A thua mendoni se presidenti i ardhshëm i shtetit nga radhët e VMRO-DPMNE ose nga LSDM do të kishte kapacitet më të madh se Imer Selmani, për të krijuar ambient pozitiv mes pushtetit dhe opozitës, asaj maqedonase dhe shqiptare, dhe mes maqedonasve dhe shqiptarëve dhe bashkësive të tjera etnike? A mund të ketë kandidat më të mirë, nuk do të përmend emra, i cili do të kishte kapacitet dhe mundësi për të krijuar miqësi më të mirë me Kosovën, Shqipërinë, Bullgarinë, Greqinë, Serbinë? Mendoj se populli dhe qytetarët duhet të vlerësojnë, sepse neve ndonjëherë na kaplojnë emocionet, ndonjëherë etnike, ndonjëherë partiake, ndonjëherë politike, duke pasur parasysh se vitet e ardhshme janë vendimtare për vendin tonë, vendimtare për gjetjen e rrugës së vërtetë, sepse gjendemi në udhëkryq. Besoj se qytetarët do të manifestojnë pjekuri politike, sepse më 22 mars dhe kuptohet më 5 prill në rrethin e dytë, vetë qytetarët e kanë mandatin të vendosin për fatin e tyre. Mandatin e tyre ia besojnë një kandidati, i cili në 5 vitet e ardhshme duhet ta menaxhojë fatin e 2 milionë qytetarëve.

Alsat:Nëse hyni në garë me rejting të lartë te votuesit dhe bile te pjesa maqedonase e elektoratit. Si e sqaroni këtë?

Selmani: Unë kam një arsye, sepse përpiqem që edhe ta sqarojë. Ndihem shumë mirë kur kam mbështetje të madhe prej elektoratit shqiptar, turk, boshnjak, romë ose prej bashkësive tjera etnike. Mirëpo, po ashtu ndihem mirë kur marrë mbështetje ndoshta nga një përqindje e vogël, por e rëndësishme e elektoratit maqedonas. Arsyeja kryesore ndoshta qëndron në atë që unë si politikan gjashtë vite isha kryetar i Sarajit, dhe ia dola që në një komunë, e cila është shumetnike, në kuadër të qytetit të Shkupit, të bëjë diçka me të cilën do të krenohen edhe shqiptarët edhe maqedonasit. Arsyeja e dytë është se unë si ministër, por edhe si zëvendëskryeministër i Maqedonisë, karrierën time nuk e
ndërtova duke abuzuar me interesat nacionale dhe etnike, por karrierën time e ndërtova duke marrë vendime të guximshme dhe të vërteta, të cilat ishin të dobishme për qytetarët shqiptar dhe maqedonas si dhe për bashkësitë tjera etnike. Do të thotë, masat dhe reformat, ndryshimet që u bënë në sferën e farmacisë, luftën kundër korrupsionit, ndryshimi i ligjeve, privatizimi, transformimi në sektorin e shëndetësisë, ishin masa prej të cilave besoj se kanë pasur dobi të gjithë qytetarët dhe kjo ndoshta është arsyeja kryesore pse tashi kanë besim në kandidatin për president Imer Selmani, te i
cili besojnë se mund të marrë vendime të shëndosha, të mira dhe pozitive për shtetin, si
kryetar i ardhshëm i Maqedonisë.

Alsat: A do të përpiqeni qe besimin qe e keni sipas anketave ta forconi me tubime në mjedise maqedonase?

Selmani: Shtabi tashmë e ka përgatitur programin. Prezantimin e kemi në Manastir. Atje prej ku nisëm fushatën shqiptarët dhe turqit janë pakicë, por është shumë i rëndësishëm dhe ka rëndësi simbolike për bashkësitë etnike, por poashtu edhe shumë i rëndësishëm edhe për maqedonasit në Maqedoni. Do të jem i pranishëm në më shumë se 100 tubime, nuk flas për tubime të mëdha por për tubime të vogla me kontakte të drejtpërdrejta me qytetarët, duke u fokusuar në grupet nga të gjitha shtresat, sociale dhe të moshës. Do të jem i pranishëm në Maqedoninë Qendrore dhe Perëndimore. Kam oferta për të shkuar
edhe në Shtip, dhe në Strumicë, edhe Prilep. Mendoj se do të gjej kohën e duhur si kandidat për president t'i prezantojmë interesat e njerëzve sikur të jetë e nevojshme të ndryshojmë një pjesë të programit edhe pse mendoj se ai është e mirë, konstruktiv dhe e reflekton nevojën e qytetarit të jem i pranishëm gjithkund ku është e nevojshme për ta prezantuar programin.

Alsat: A mund që vendi i fillimit të fushatës dhe rejtingu juaj të merren si tregues se marrëdhëniet ndëretnike ndryshojnë ose ju bëni përjashtim?

Selmani: Nëse i ndjekim marrëdhëniet ndëretnike jo vetëm muajin ose vitin e fundit, do të shikojmë se prej vitit 90 e këndej ka përmirësime. Ka hapa që dallohen prej atyre të viteve 90-të. Për fat të keq, ende në RM ekzistojnë qendra të cilat nuk duan që Maqedonia të jetë shtet i qytetarëve të barabartë, shtet i cili edhe maqedonasit edhe shqiptarët do ta ndjejnë si të veten, poashtu edhe turqit, ta ndiejnë shtetin si të vetin, ai duhet të demonstrojë kapacitet.

Alsat: Ku janë ato qendra, në partitë?

Selmani: Shpeshherë ato janë në partitë politike si dhe jashtë. Më mirë do ishte që këto qendra të identifikohen dhe mos t'u japim rëndësi të madhe. Nuk desha ta përmend këtë, por si thotë popullia nxorët fjalët prej goje. Tensionet me gjendjen e nxënësve në Strugë, me turne të pastra etnike, veçanërisht para zgjedhjeve, nuk është problem që nuk mund të zgjidhet, në një shtet ku funksionon ligji. Shumë lehtë mund të identifikohen nxënësit që shkaktojnë probleme dhe kundër tyre të ndërmerren masa pedagogjike. Kjo është temë në vete, por dua të them se ende në shtetin tonë ka njerëz të cilët mendojnë se më e rëndësishme është që të ketë incidente ndëretnike sesa të kemi zhvillim dhe harmoni
në frymën e Marrëveshjes së Ohrit dhe të kemi marrëdhënie të mira midis nesh, me fqinjët tanë, të jemi familje e madhe dhe e pasur e integruar në NATO dhe BE.
Nuk mjafton vetëm të shfaqim dëshirë për të qenë anëtare të NATO dhe BE. Për t'u anëtarësuar duhet të krijojmë ambient në shtetin tonë, t'i plotësojmë kriteret, dhe të dëshmojmë se kemi kapacitete për të pasur raporte të kulturuara mes nesh, mirë të sillemi me fqinjët. NATO është strukturë e madhe e shteteve prej pesë fqinjëve tanë që kemi, poashtu edhe BE, e cila ka 27 anëtare. Edhe në jetën private, nëse një familje nuk ka marrëdhënie të mira me fqinjët e saj nuk mund të jetë e respektuar as në fshat, e as në qytet. Duhet të tregojmë se kemi kapacitete të brendshme për t'u zhvilluar në të gjitha sferat, edhe në fushën e politikës, ekonomisë dhe të raporteve mes nesh. Ta përmbyll, Maqedonia ka perspektivë, ka edhe potencial njerëzor, në Maqedoni ka njerëz të guximshëm. Këto zgjedhje janë vendimtare sepse njëkohësisht mbahen zgjedhje presidenciale dhe lokale dhe qytetarët duhet të marrin vendim më të mirë, ata që kanë merita të marrin përgjegjësi për t'i çuar proceset përpara.

Alsat: Thoni se Marrëveshja e Ohrit ka forcë të madhe kohezive. Si e vlerësoni skepticizmin ende të pranishëm?

Selmani: Mendoj se Marrëveshja e Ohrit duhet të shikohet nga aspekti pozitiv nga ana e të gjithë qytetarëve dhe bashkësive etnike. Prej syrit të një shqiptari duhet të shikohet se kjo marrëveshje krijoi mundësi se si të përparohet të drejtat e tyre ose të përfaqësohen drejtë ne administratën publike, miratimi i ligjeve ku do të mbrohen të drejtat dhe interesat e bashkësisë shqiptare, por edhe të bashkësive të tjera, si dhe shumë çështje tjera. Prej syrit të një maqedonasi, Marrëveshja e Ohrit duhet të shikohet ashtu që me këtë marrëveshje u ndërpre konflikti i vitit 2001, i cili rrezikonte shtetin. Marrëveshja e Ohrit duhet të shikohet si model dhe çelës për integrimin tonë në strukturat euroatlantike, si kohezion i fuqishëm edhe mes bashkësive tjera etnike që nuk janë shumicë, si shqiptarët, ashtu edhe të tjerët, shtetin e ndjejnë si të vetin. Nuk mjafton vetëm maqedonasit ta ndiejnë Maqedoninë si të veten. Do të jetë mirë kur së bashku maqedonasit, shqiptarët, turqit, serbët dhe të tjerët, e ndjejnë shtetin si të vetin.

Alsat: Takuat të falimentuarit, mendoni se mund t'i ndihmoni?

Selmani: Për këtë kategori të qytetarëve, shpeshherë është përdorur një terminologji, se janë viktima të tanzicionit. Kjo kategori mes të 50-tave dhe të 60-tave që shumë vështirë mund të gjenden në këtë krizë ekonomike. Ata mendojnë se zgjidhja e tyre duhet të jetë institucionale. Maqedonia nuk është aq shtet i pasur, por me buxhetin e saj, nëse mirë përcaktohen prioritetet, besoj se mund të gjejmë kapacitet të brendshme, kështu që edhe ky problem do të zgjidhej.

Alsat: A do të mbështetni ligjin për ndalimin e abortit?

Selmani: Kjo çështje më tepër është personale. Unë, si president i shtetit, edhe pse vetë jam besimtar, besoj në Zot, megjithatë e trajtojë këtë çështje si personale. Nuk janë të gjithë qytetarët e Maqedonisë ortodoks dhe mysliman, dikush ndoshta edhe nuk beson në Zot, prandaj kjo më tepër është çështje personale.

Alsat:A do të mbështetni legalizimin e martesave homoseksuale?

Selmani: Absolutisht jo. Nocioni i martesës nënkupton jetë martesore mes burrit dhe gruas.

Alsat: Cilat janë kriteret për përzgjedhjen e ambasadorëve?

Selmani: Përkatësia partiake dhe politika duhet të jetë në vend të fundit. Maqedoninë jashtë duhet ta përfaqësojnë persona që dinë më mirë ta prezantojnë vendin jashtë.

[Black_Mamba]

Mendoj dhe shpresoj se kjo parti do te kete sukses me te madh,edhe pse disa e quajn maqedonofil por ky njeri qe e udheheq mendoj se eshte shum me i mire se disa udheheqes qe jane ne partit tjera,jo se jam antare i saj dhe nuk jam duke folur ne gjuhen e antarit po thjesht kam nje simpati ndaj ketij ketij nje njeriu me duket se eshte puntor dhe besoj se do jete puntor gjithmon.