Pasuria e politikanëve duhet kontrolluar

[YlliRiaN]

Miratimi i Ligjit për deklarimin e pasurisë së zyrtarëve të lartë të institucioneve është i nevojshëm për ta zvogëluar korrupsionin dhe pasurimin e politikanëve në mënyrë të paligjshme. Nëse do të kishte transparencë në deklarimin e pasurisë së zyrtarëve, atëherë do të dihej saktë pasuria e një politikani dhe mundësitë për korrupsion do të zvogëloheshin. Këto konstatime janë nxjerrë në debatin e organizuar nga Instituti Demokratik i Kosovës (KDI), programi “Qendra për Avokim dhe Këshilla Ligjore”, që zbatohet në partneritet me “Transparency International”, me temë “Publikimi dhe deklarimi i pasurisë së personave zyrtarë të lartë”, të organizuar nga po ashtu u tha se përveç miratimit të Ligjit për deklarimin e pasurisë së zyrtarëve të lartë, duhet miratuar edhe Ligjin për financimin e partive publike.
Sipas një komunikate të KDI`së, në debat është vlerësuar se mungesa e vullnetit politik institucional, është arsyeja kryesore e cila ndikon në mungesën e transparencës së zyrtarëve të lartë karshi qytetarëve.

Të pranishmit në debat, kanë konsideruar se për të rritur transparencën dhe për ta zvogëluar korrupsionin, duhet miratuar Ligjin për Deklarimin e Pasurisë së Zyrtarëve të Lartë, ligj ky i kthyer prapa nga Qeveria, me mbështetje të Kryesisë së Kuvendit.

Merita Mustafa nga Instituti Demokratik i Kosovës (KDI), ka paraqitur krahasimet nga vendet tjera të rajonit, partnere të Transparency International, si Shqipëria, Maqedonia, Mali i Zi.

Sipas Mustafës, vendet e rajonit kanë praktika më të mira sa i përket deklarimit të pasurisë së zyrtarëve të lartë, për faktin se kanë infrastrukturë ligjore, gjë që në Kosovë mungon.

“Në bazë të të dhënave që ekzistojnë, në vendin tonë personat e lartë zyrtarë, nuk janë transparent dhe hezitojnë të bëjnë deklarimin e pasurisë. Po ashtu, tërheqja e Ligjit për deklarimin e pasurisë së zyrtarëve nga Qeveria, vendim ky i mbështetur edhe nga Kryesia e Kuvendit, dhe pa asnjë arsyetim, tregon më së miri për mungesën e transparencës së institucioneve tona”, ka thënë Mustafa.

Muharrem Mustafa nga Agjencioni Kundër Korrupsion, ka folur për procesin e deklarimit të pasurisë nga zyrtarë të lartë.

Mirëpo, duke iu përgjigjur kërkesave të OJQ-ve për bërjen publike të formularëve të pasurisë së zyrtarëve, Mustafa ka përjashtuar këtë mundësi, kjo pasi sipas tij, një gjë e tillë, nuk lejohet me Ligjin e Agjencisë.

“Bërja publike e formularëve të deklarimit të pasurive të zyrtarëve të lartë, nuk është e mundur, kjo pasi nuk e lejon ligji”, ka thënë Mustafa.


Merita Mustafa, nga KDI-ja tha se në bazë të të dhënave që ekzistojnë, personat zyrtarë të lartë nuk janë transparentë dhe hezitojnë të bëjnë publike deklarimin e pasurisë.
“Mungesën e transparencës së institucioneve tona e vërteton edhe tërheqja e Ligjit për deklarimin e pasurisë që është bërë nga ana e qeverisë, pa asnjë arsyetim, vendim ky i mbështetur edhe nga kryesia e Kuvendit të Kosovës”, tha Mustafa.

[Besoja]

Përshëndetje necky!
Më e plotë tema do të ishte.....pasuritë e politikanëve duhej të ishin kontrolluar por edhe kështu mirë është.Por jo vetëm këtyre.Gjykatësve,prokurorëve,mjekëve,kryetarëve të komunave e bashkive.Jo vetëm papunësia i varfëron njerzit por edhe këta me makutërinë e tyre pambarim.Janë pothuajse të gjithë të korruptuar dhe nuk ka bir nëne që i ndalon në pasurimin e tyre korruptiv.Një shoqëri e polarizuar në mënyrën më të turpshme,më të pandershme.Ndaj jam dakort me këtë temë interesante që ke hapur dhe unë po jap mendimin tim por duke qënë i bindur 100% se gjërat nuk ndryshojnë nga shkrimet apo poezitë e forumit por nga ndërgjegjësimi i klasës politike që ka 18 vjet që ka mbetur në klasë dhe ne i kalojmë me zor ata pa ju marrë asnjë lek dhe jo ashtu siç bëjnë ata me ne duke na zhvatur edhe për një shkresë.