Vetura Teknologjia e Fundit

[Slimshaddy]

Shume teme interesante, vetem vazhdo

Te mbeshtes mendimin

[new-man]

Maska e re e ftohësit dhe logoja më e madhe janë risitë më të dukshme në limuzinën e ridizajnuar,derisa përmban edhe më shumë detaje të kromuara.

As hapësira për udhëtarë nuk është harruar, prandaj këtu është vendosur timoni i ri dhe tabela e re e instrumenteve, të inspiruara nga modeli XC60.

Sa i përket motorizimit, Volvo S80 së shpejti do të pajiset me dy motorë pesë-cilindërsh me naftë prej 2.4 litrash me 205 e 175 kuaj fuqi, ku të dytë kanë të njëjtin moment të rrotullimeve prej 420 Nm.

Pos kësaj, janë avancuar edhe sistemet e vozitjes dhe amortizimit, për të fituar tipare më të mira të vozitjes.

Risi paraqet edhe versioni ekologjik S80DRIVe me motor 1.6 litrash me naftë (109 KF e 240 Nm), i cili sipas të dhënave të fabrikës shpenzon vetëm 4.9 litra në 100 kilometra të kaluara.

[new-man]

Korporata indiane "Tata", prodhuese e automjeteve luksoze "Jaguar" e "Land Rover", në javën e dytë të muajit prill do të fillon të pranojë rezervimet për modelin Nano, automjetin më të lirë të udhëtarëve në botë.

"Tata" në fund të vitit të kaluar ka paralajmëruar se automjeti i ri i vogël “Nano” do të shitet në tregun indian për 100.000 rupi (1.988 dollarë), që është pothuajse gjysma e çmimit të modelit tjetër me radhë i cili mund të blihet në këtë vend.

Presidenti i kompanisë Ratan Tata ka planifikuar që shitja të filloj në tremujorin e fundit të vitit 2008, por ky afat është shtyrë sepse drejtoria e kompanisë është detyruar të gjej lokacion të ri për ndërtimin e fabrikës, pas protestave të fermerëve me rastin e uzurpimit të tokës bujqësore.

"Tata", që gjithashtu është prodhuesi më i madh indian i kamionëve dhe autobusëve, planifikon që modelin Nano ta shes edhe në Evropë për 5.000 euro (6.347 dollarë), shkruan gazeta gjermane "Bild" duke u thirrur në një intervistë me Ratan Tatan.

Kompania indiane versionin evropian të automjetit Nano do ta paraqes në panairin e automjeteve të Gjenevës në fillim të muajit të ardhshëm.

[YlliRiaN]

Po me pelqejka ky Bugatti Centenaire
Teme interesante per te apasionuarit pas Veturave na sille ende

[new-man]

Një ditë para hapjes zyrtare të panairit të automjeteve në Gjenevë, Opel ka publikuar fotografinë e parë të automjetit elektrik – Ampera.

Ampera në fakt është Chevrolet Volt me maskë të përparme të ridizajnuar. Bëhet fjalë për automjetin që në General Motors e quajnë E-REV, respektivisht automjet elektrik me autonomi të zgjatur. Ampera niset nga 220 qeli litium-jon të cilat elektromotorit i mundësojnë zhvillimin e 120 kW fuqi dhe moment rrotullimi prej 370 Nm.

Me bateri të mbushura Ampera është në gjendje të kalojë 60 kilometra, kur në aksion futet motori standard 1.4 litërsh benzinë me katër cilindra dhe djegie të brendshme i cili me punën e tij sërish mbush baterinë, respektivisht indirekt elektromotorin, dhe një rezervuar karburant mundëson autonomi prej 500 kilometrash shtesë.

Nuk dihet se kur Ampera do të paraqitet në prodhim serik në Evropë, mirëpo me këtë të dhënë General Motors mund të befasoj qysh nesër.

[STUDENTI USHT]

ne maqedoni eshte mbajtur evenimenti i cili po vashdon si tradit qe disa vite te zgjithet vetura e vitit per ket vit konkurentet ishin shum te fort pasi qe kemi te bejm me makina me te sofistikuara po mbrenda gjith atyre konkurenteve siq jan MERCEDES TOJOTA MAZDA WOLLSFAGEN AUDI etjer .
jurija vendosi qe ket qmim si vetur e viti te zgjithet WOLSFAGENI tipi GOLF 6.
pasi qe i mundi gjish te lart permendurit ne aspektin tekniko teknologjik ju tha edhe ki qmim i vitit si vetura e vitit.

[new-man]

I shumëprituri Abarth Coupe do të duhej të paraqitej në sallone të shitjeve në fund të vitit 2010 apo më së largu në fillim të vitit 2011.

Automjeti sportiv me dy ulëse do të vendoset në platformën e Fiatit 500, derisa dizajnimi i është lënë Abarthit.

Nën kapak të motorit do të gjenden dy lloj motorësh; 1.4 litërshi turbo me 135 kuaj fuqi në versionin standard dhe ai më i fuqishëm, Coupe Abarth, do të ketë në dispozicion 158 KF.

Kur merret parasysh masa e vogël e automjetit, përshpejtimi do të jetë për tu respektuar, kështu që Coupe me motor më të vogël deri në 100 km/h do të arrijë për tetë sekonda e ai më i fuqishëm për shtatë.

Çmimi për modelin standard do të duhej të jetë rreth 12.800 euro.

[new-man]

Frontier Crew Cab është një kamionët me katër dyer dhe zë pesë pasagjer, përderisa punon në sistemin e ngrehjes me dy dhe katër rrota.

Motori i tij është 261 kuaj fuqi dhe harxhon deri në 11 litra në 100 km. Makina ka gjashtë shpejtësi dhe bënë një lirim standard të gazrave. Ajo harxhon më shumë kur motori i saj ngre me të katër rrotat. Harxhimet rriten nga 11-14 litra në 100 km.

Seria e re e kamionetave Nissan është krejtësisht e re dhe kushton nga 22 210 – 29 740 dollarë.

[new-man]

Automobili 350Z Roadster është me dy dyer dhe zë vetëm dy pasagjer. Është një makinë sportive dhe vlen vetëm për adhuruesit e shpejtësisë.

Motori i saj është 306 kuaj fuqi dhe harxhon 12 litra në 100 km. Ka gjasht shpejtësi manuale dhe bën lirim mesatar të gazrave. Shpejtësitë mund të jenë edhe automatike sipas dëshirës.

Ky projekt i dalë në treg i Nissan është i vitit të kaluar dhe kushton nga 36 870 deri në 41 570 dollarë.

[new-man]

Esperante është një makinë me dy dyer, sportive dhe luksoze për dy pasagjer dhe ka gjashtë shpejtësi.

Motori i saj është 305 kuaj fuqi dhe bënë një lirim mesatar të gazrave. Ndërruesi i shpejtësive mund të bëhet edhe automatik, përderisa motori i saj mund të rritet deri në 420 kuaj fuqi. Makina harxhon 14 litra në 100 km.

Esperante 2008 ka një çmimin prej 92 256 deri në 128 319 dollarë.