Vetura Teknologjia e Fundit

[new-man]

KIA me ambicie të mëdha ka filluar këtë vit, e menjëherë pasi që është lajmëruar se në bazën e konceptit No 3 të paraqitur në panairin e Gjenevës do të krijohet një automjet i vogël për qytet, na erdhën edhe fotografitë e para të gjeneratës së re të Sorentos.

Edhe pse në shikim të parë duket se Sorento i ri sapo ka bërë ridizajnin, automjeti sportiv i KIA-s në krahasim me paraardhësin e vet dallon shumë. Koreanët kanë ngushtuar largësinë në mes boshteve, derisa automjeti është rritur në gjatësi dhe gjerësi. Gjithashtu është zvogëluar edhe lartësia e automjetit, e nën kapak të tij do të gjenden motorë të ri.

Edhe pse KIA mundohet shumë që të ruaj informacionet, para paraqitjes zyrtare të këtij automjeti në Seul gjatë muajit të ardhshëm, Sorento do të duhej të jetë me 2.2 litra me naftë dhe 200 kuaj fuqi, derisa ofertën me benzinë do ta përbëjë katër-cilindërshi 2.4 litërshi dhe V6 prej 3.6 litrash.

Të gjithë motorët do të duhej që fuqinë ta transmetojnë me anë të marshit manual, edhe pse në lojë është edhe marshi automatik me gjashtë shpejtësi.

[new-man]

Kjo makinë është me dy dyer dhe zë pesë pasagjer. Është një makinë sportive, por edhe familjare.

Motori i saj është 161 kuaj fuqi dhe harxhon 6 litra në 100 km. Ajo ka pesë shpehtësi manuale por mund të shndërrohet edhe në shpejtësi automatike.

Ky projekt i Scion është i vitit 2008 por këtë vit është aktiv në treg dhe kushton 16 150 dollarë.

[new-man]

Zinxhiri gjerman i supermarketeve “Lidl” së shpejti, përveç produkteve të lira ushqimore dhe artikujve për shtëpi, në ofertën e vet do të ketë edhe automjete.


Në bashkëpunim me distributorin gjerman ATG-Automobile GmbH, Lidl do të ofrojë automjete me çmim dukshëm më të lirë.

Zëdhënësja e zinxhirit të supermarketeve Petra Trabert ka paralajmëruar se Lidl me anë të faqes së tyre të internetit do të ofrojë modelin Opel Corsa me çmim prej 11.000 euro, dhe Volkswagen Cross Polo me çmim prej 14.000 euro që është madje 25 për qind më lirë sesa në shitjen e rregullt.

Kur merret parasysh se ekonomia gjermane është në recesion dhe se niveli i papunësisë është në rritje prej 8.3 për qind, Lidl beson se mund të ndihmojë në ndryshimin e kahjes së industrisë aktualisht më të goditur në Gjermani.

[new-man]

Automjeti sportiv korean Spirra S së shpejti do të fillojë shitjen edhe në Evropë.

Ky lajm nuk është edhe aq i ri, sepse edhe vitin e kaluar e kemi dëgjuar paralajmërimin, por kësaj radhe është zyrtar.

Tani për tani, megjithatë, dimë vetëm se çmimi për tregun holandez, ku edhe do të fillojë të shitet fillimisht do të jetë prej 125.000 deri në 150.000 euro.

Për këtë shumë pronari me fat merr një automjet kupe me motor V6 prej 2.7 litrash, i cili me ndihmën e kompresorit ofron 400 kuaj fuqi, derisa shpejtësinë deri në 100 kilometra në orë e arrin për 4.8 sekonda.

[new-man]

Smart fortwo 2009 është makinë me dy dyer dhe dy pasagjer. Konsiderohet më shumë makina familjare dhe për destinacione të shkurtra, kurse është edhe kabriolet.

Motori i saj është 71 kuaj fuqi dhe ka pesë shpejtësi manuale dhe nuk harxhon më shumë se pesë litra në 100 km.

Ky projekt i Smart është krejtësisht i ri dhe në treg mund të blihet nga 11 990 deri në 16 990 dollarë.

[new-man]

Edhe pse kemi dëgjuar thashetheme se Bugatti do ta paraqesë një model të ri, i cili do të jetë në mënyrë drastike më i lirë sesa ekstremi "Veyron", nga maja e kompanisë vjen një demantim i vendosur.

Franz-Josef Paefgen, njeriu i parë i kompanisë Bugatti, pohon se nuk është duke menduar për modelin më të lirë, por se modeli i automjetit të radhës do të jetë po aq ekstrem dhe i shtrenjtë si Veyron.

Paefgen ka deklaruar se është duke punuar në disa projekte, por ka refuzuar të flas më në detaje se aq.

Përndryshe, Bugatti në vjeshtë do të festojë ditëlindjen e tij të madhe – Ettore Bugatti punën e tij e ka filluar në shtator të vitit 1909. Në këtë kohë do të duhej të mbahej premiera, edhe pse me gjasë do të bëhet fjalë edhe për një edicion special të modelit Veyron.

[new-man]

Në intervistën e fundit njëri nga prijësit e njësisë së kompanisë Audi për zhvillim teknik Michael Dick ka theksuar se Audi është duke menduar për përpunimin versioneve të modeleve A3 – RS3, e tani kemi supozimet e para për mundësitë që do të mund të ofrojë automjeti.

Supozohet se nën kapakun e kompaktit do të duhej të gjendej motori i njëjtë 2.5 litërsh me turbo-mbushës prej 2.5 litrash nga modeli aktual TT-RS me 340 KF dhe moment të rrotullimit prej 450 Nm.

Fuqia do të transmetohej në mënyrë integrale në të gjitha katër boshtet me anë të gjeneratës së motorëve Quattro, derisa RS3 i radhës do të duhej të peshonte përafërsisht sa edhe TT-RS, mund të priten edhe performansa të ngjashme – 4.6 sekonda për arritjen e shpejtësisë prej 100 kilometrash në orë dhe shpejtësi maksimale elektronike prej 250 kilometrash në orë.

Nëse RS3 merr dritën e gjelbër për prodhim, atë mund ta presim para vitit 2011, kur është paralajmëruar dalja e gjeneratës së A3.

[new-man]

Equator Crew Cab është një makinë me katër dyer dhe zë pesë pasagjer dhe ka pesë shpejtësi, ndërkaq ngre me sistemin 4X4.

Motori i saj standard është 261 kuaj fuqi dhe shpenzon deri në 10 litra në 100 km. Makina bënë lirim standard ekonomik dhe preferohet për banorët të cilët jetojnë në vise malore.

Ky model i kësaj makine është i tëri i ri për këtë vit dhe ka dalë në shitje në SHBA. Ajo kushton nga 22 282 deri në 27 408 dollarë.

[new-man]

Forester është auto me katër dyer dhe zë pesë pasagjer. Ka karakteristike sportive me pesë shpejtësi.

Motorin e ka 170 kuaj fuqi dhe harxhon rreth 7 litra në 100 km. Ka pesë shpejtësi manuale dhe motori i saj me porosi mund t’i rritet fuqia në 224 kuaj fuqi. Makina bënë lirim mesatar të gazrave.

Ky model i Subaru-s është krejtësisht i ri për këtë vit, përderisa kushton nga 18 913 deri në 26 384 dollarë. Konsiderohet si një ndër makinat ekonomike dhe që nuk harxhon shumë.

[sleep]

Hemmm!Une nuk heq dore nga Benzi!
__________________________________________________ _______________________
red_dragon