Besimtari Dhe Demonët.

[daniel00]

Tema është e gjerë dhe e thellë, por për momentin po prekim disa pika.


Njeriu është nje qenie sa e thjeshtë dhe komplekse. Njeriu është frymë, ka shpirt dhe jeton në trup (1 Thes 5:23; Heb 4: 12).1) Njeriu ESHTE frymë (ndërgjegja, intuita, aftësia komunikuese me Perëndinë),
2) Njeriu KA shpirt (psikika: mendje, vullnet, emocione)
3) Njeriu JETON në trup fizik

Kur Adami mëkatoi, vdiq frymërisht (Zan 2:17; 5:5). Sot të gjithe njerëzit janë mekatarë (Rom 3:23) dhe per pasoje te vdekur frymerisht (Rom 6:23, Ef 2:1), nën pushtetin e errësirës (Kol 1:13), dhe Satani është ati i tyre frymëror (Gjoni 8:44).

Jezusi i tha Nikodemit se njeriu që "nuk ka rilindur, nuk mund ta shohë mbretërinë e Perëndisë" (Gjoni 3:3,5). Duke besuar Ungjillin, fryma e vdekur e një mëkatari ri-lindet. Ai merr një frymë të re, dhe kështu bëhet njeri i ri, krijesë e re (2 Kor 5:17; Ef 3:16; Gal 6:15; 1 Pj 3:4; Rom 8;16; Ef 4:24). Ri-krijimi apo ri-lindja e frymës njerëzore ndodh në momentin e shpetimit dhe është një frymë e re e shenjtë e drejtë dhe e pastër, sipas shëmbëlltyrës së Jezusit.

Në momentin e shpëtimit, përvec rikrijimit të frymës tonë, ndodh edhe mrekullia tjetër. Vetë Zoti, përmes Frymës së Shenjtë vjen dhe banon brenda nesh (Gjoni 14:16-17; Rom 8:9; Gal 4:6). Tani fryma e njeriut të rilindur dhe Fryma e Shenjtë janë një (1 Kor 6:17).

- - -

Pyetje: A është një i pashpëtuar i demonizuar?
Përgjigje: Të demonizuarit janë gjithmonë të pashpëtuar, por të pashpëtuarit nuk janë të gjithë te demonizuar. Shumica e njerëzve në botë nuk janë të demonizuar, por disa prej tyre po.

- - -

Pyetje: Ku ndryshon një i pashpëtuar nga një i demonizuar?
Përgjigje: Një i pashpëtuar është një person që është i vdekur frymërisht, i ndarë nga Perëndia, dhe është në mbretërinë e djallit. Por një i demonizuar është një person i pashpëtuar, brenda të cilit, në frymën e tij, ka hyrë një frymë e ligë demonike. Për shkak se kjo frymë ka hyrë në pjesën më të thellë të njeriut, ajo e kontrollon atë.

- - -

Pyetje: A është një i krishterë i rilindur i demonizuar?
Përgjigje: Jo! Nëse dikush është i rilindur, Fryma e Perëndisë banon brenda të shpëtuarit, dhe djalli nuk ka vend aty. Por djalli mund të influencojë ose shtypë një të krishterë (në masën që e lejon vetë besimtari) në shpirtin (mendjen, emocionet) dhe trupin e tij. Por demoni nuk mund të hyjë dhe të marrë kontroll brenda në një frymë të rilindur.

- - -

Pyetje: C'forma të kontrollit ka djalli mbi njeriun?
Përgjigje: Djalli mbi njeriun mund të ketë 3 forma ose mënyra të kontrollit:

a) Ndikimi - Kur dikush është i influencuar nga një frymë demonike, por nuk është detyrimisht nën kontrollin e frymës së ligë. Kjo mund t'ju ndodhë edhe të shpëtuarve edhe të pashpëtuarve. (Rasti i Pjetrit i cili i ndikua nga Satani te Mateu 16:22,23)

b) Shtypja - Kur dikush, në një pjesë të qënies së tij, kontrollohet dhe torturohet nga një frymë demonike, dhe vetë është jashtë kontrollit. Por demoni nuk banon brenda frymës së personit. Kjo mund t'ju ndodhë edhe të shpëtuarve edhe të pashpëtuarve. (Veprat 10:38).

c) Pushtimi ose zotërimi - kur demoni ka hyrë brenda në frymën e njeriut dhe e kontrollon. Kjo nuk u ndodh të rilindurve, por vetem te pashpëtuarve. (Luka 4:33-37)

- - -

Pyetje: Në planin personal: A duhet të ketë frikë një besimtar i rilindur nga një demon?

Përgjigje: Jo! Nëse besimtari përballet me një influencë demonike, (qoftë sulm, ndikim apo shtypje) nuk ka pse të ketë frikë, por thjesh duke kuptuar kush ne jemi në Krishtin ta urdhërojmë demonin të largohet prej nesh, në emrin e fuqishëm të Jezusit dhe ai është i detyruar të largohet. (Marku 16:7; Mateu 10:8; Luka 10:17-20; Jakobi 4:7). Faktikisht demonët janë ata që kanë frikë nga të krishterët dhe të krishterët nuk kanë pse të kenë frikë nga demonët. Më i madh është Jezusi që jeton brenda nesh sesa djalli që është në këtë botë (1 Gjonit 4:4).

- - -

Pyetje: Kush mund ta dëbojë një demon nga një person i demonizuar?

Përgjigje: Cdo besimtar i rilindur mund të dëbojë demonët duke përdorur autoritetin që është në emrin e Jezusit (Marku 16:17). Nëse njeriu i demonizuar dëshiron të çlirohet, kjo është e mundur.


_ _ _


Sot ekzistojnë 3 Lloje grupimesh në kishën e vërtetë:


1) Grupimi i mposhtur.

Nga gjithçka që Perëndia na ka dhuruar në shpëtim (Ef 1:3), këta vëllezër, të paktën kanë pranuar faljen e mëkateve dhe janë të rilindur. Por përsa i takon fitores mbi të ligun, ata besojnë që është diçka e të ardhmes, që do ta përjetojmë vetëm kur të shkojmë në qiell. Një i demonizuar nuk mund të gjejë ndihmë te ata, sepse ata nuk besojnë që kanë të drejtë të përdorin autoritetin e emrit të Jezusit në kohën e tashme. Ungjilli që ata predikojnë duket goxha "i pjesshëm". Por ne nuk kemi nevojë për fitore kundër djallit në qiell, sepse në qiell nuk do të ketë djall. Eshtë këtu në tokë që Perëndia na ka dhënë pushtetin të ecim në fitore mbi forcat e errësirës


2) Grupimi militant.

Këta vëllezër janë të shpëtuar. Por ata e shohin veten në një betejë të përhershme kundra frymërave të liga. Ata besojnë që nëse ata luftojnë fort me metoda të ndryshme lutjesh dhe agjërime të shpeshta, atëherë mund ta mundin djallin. Ata "shohin" kudo demonë dhe djaj që duhen luftuar. Këta vëllezër të ngjajnë me gjuetarët e shtrigave dhe duken si Don Kishoti që luftonte me mullinjtë e erës. Ata nuk e kuptojnë që Jezusi e mposhti Djallin në kryq. Në vend që të dalin të ungjillizojnë dhe të bëjnë punët e Atit, e harxhojnë kohën e cmuar me "beteja" në ajër.


3) Grupimi fitimtar.

Këta janë vëllezërit që e kanë kuptuar që armiku ynë, djalli tashmë është i mposhtur nga Jezusi, përmes vdekjes dhe ringjalljes së Tij (Kol 2:14,15). Ata e dinë që tashmë gjithë pushteti në qiell dhe në tokë nuk i takon më djallit, por Jezusit (Mateu 28:18-20). Tani Jezusi i ka celësat e vdekjes dhe të hadesit (Zbul 1:18). Jezusi është në të djathtën e Atit dhe forcat e të ligut janë nën këmbët e Tij (Vep 2:34-35). Por kur Jezusi u ringjall nga vdekja, edhe ne u ringjallëm me Të, u ngritëm me Të, dhe u ulëm me të në vendet në qiellore (Ef 2:6). Meqenëse ne jemi trupi i Krishtit, atëherë djalli është nën këmbët tona. Halleluja!

Ne nuk kemi nevojë të luftojmë që të fitojmë mbi djallin. Jezusi e mposhti djallin për ne dhe e vendosi nën këmbët tona. Kur ne përballemi me një influencë demonike, ne nuk jemi në pozita të barabarta. Ne po përballemi me një armik jo vetëm inferior, por edhe të mundur. Ne luftojmë nga një pozitë fitoreje. Lufta jonë konsiston në deklarimin dhe pranimin e fitores si edhe në mbajtjen dhe shijimin e saj.