Shqiptarët dhe Amerika

[r'posa]

Te nderuar vellezër, ne kete tem mund ti raportoni aktivitetet e vellezerve tan nga Shtetet e bashkuara t'Amerikes.

Po filloj me lajmin me te ri, te keti muaji te bekuar !

[r'posa]

Një ekonomist amerikan e pranon Islamin

Në Qendrën Islame Shqiptaro-Amerikane të Wisconsinit, para një numri xhemati, një ekonomist amerikan e deklaroi kalimin e tij në Islam.

Të Shtunën në mbrëmje, me 12 Shtator, në dhjetë ditët e fundit të muajit të Ramazanit, në Qendrën Islame Shqiptaro-Amerikane të Wisconsinit, para një numri xhemati, një amerikan e deklaroi kalimin e tij në Islam.

Ricardo Pena, i lindur në 1971 në Pensilvania dhe i diplomuar në fakultetin e ekonomisë të Universitetit të Wisconsinit-Parkside, i frymëzuar nga mësimet e pastra dhe të drejta, të fesë Islame, si që u shpreh ai vetë, vendosi të kalojë në Islam.

Paraprakisht zhvilloi një bisedë me Mr. Bashkim Aliu i cili i sqaroi gjëra themelore që kishin të bëjnë me Islamin. Po ashtu, në bisedën e tij u ndal edhe në çështjen e ndalimit të dhunës në fe duke e komentuar gjerësisht ajetin e 256 të sures El-Bekare. Sa herë që e përmendte Muhamedin s.a.v.s. vendlindjen e tij –Mekken dhe vendin në të cilin emigroi-Medinen, nga sytë e muslimanit të rij rridhnin lotë.

Në faltore, Ricardo Pena e shqiptoi shehadetin dhe bashkë me Mr. Bashkim Aliun e nënshkruan deklaratën e kalimit të tij në Islam me vullnet, bindje të plotë dhe pa dhunë.

Më pas, të gjithë besimtarët prezent e uruan muslimanin e ri dhe ai së bashku me ata e fali edhe namazin e parë të tij, namazin e jacisë dhe të teravisë në faltoren e Qendrës Islame Shqiptaro-Amerikane të Wisconsinit.