Ishujt Maldive e njohin Kosovën

[YlliRiaN]

Ishujt Maldive e kanë njohur shtetin e pavarur dhe sovran të Kosovës. Lajmi i është konfirmuar nga autoritetet e këtij vendi kryetarit të Aleancës Kosova e Re (AKR), Behgjet Pacolli, bën të ditur Gazeta Express.

Maldive, që shtrihet në Oqeanin Paqësor, bëhet shteti i 55-të anëtar i OKB-së që e njeh Republikën e Kosovës, e cila më 17 shkurt 2008 e shpalli pavarësinë.

Kryetari i AKR-së, Pacolli, para 10 ditësh kishte paralajmëruar se Kosova do të njihet shumë shpejt nga ky shtet me popullsi myslimane. Sipas tij, realitetin e ri të krijuar në Kosovës së shpejti do ta njohin edhe disa shtete të tjera, si Katari, Namibia, Angola etj.

“Jam takuar me ministrin e Punëve të Jashtme të Ishujve Maldive. Dhe ai sot pritet ta takojë të ngarkuarin me punë në ambasadën e Kosovës në Washington, z. Avni Spahiu. Në agjendën e këtij takimi është njohja e Republikës së Kosovës nga ana e Maldives”, kishte deklaruar për Express, Pacolli.

FAKTE
Ishujt Maldive kanë territor 300 kilometra katrorë;
Përbëhet nga më tepër se 280 ishuj të grupuar në 19 atole (divizione administrative);
385 925 banorë;
Kryeqytet është Male;
E ka fituar pavarësinë më 26 korrik 1965 (nga Britania e Madhe);
Turizmi dhe nxjerrja e peshkut përbëjnë industrinë kryesore të vendit.

Nje Shtete i vogel por si thojne eshte mire per numer

[mimero]

U shtofshin ata qe duan dhe ndihmojne ne ceshtjen shqiptare

[Hard_Style]

Faliminderit Ishujt e Maldive ..... ju prift e mbara...

[YlliRiaN]

Ishujt Maldive e kanë njohur zyrtarisht shtetin e pavarur dhe sovran të Kosovës. Në sajtin zyrtar të Ministrisë së Punëve të Jashtme të Maldiveve, të enjten është publikuar njoftimi se ky vend, nga sot vendos marrëdhënie të plota diplomatike me Republikën e Kosovës.

“Kosova e ka deklaruar unilateralisht pavarësinë më 17 shkurt 2008. Shtetet e Bashkuara, Britania e Madhe, Franca, Australia dhe Japonia ishin në mesin e shteteve të para që e njohën shtetin e ri në Ballkan”, saktësohet në këtë njoftim.

Lajmi për njohjen pritet të bëhet i ditur zyrtarisht nga ministri i Jashtëm i Kosovës, Skënder Hyseni, sot pasdite, në një konferencë për gazetarë.

Maldive, vend me popullatë muslimane që shtrihet në Oqeanin Indian, bëhet shteti i 55-të anëtar i OKB-së që e njeh Republikën e Kosovës, e cila e shpalli pavarësinë para mëse një viti.

Kjo njohje ishte paralajmëruar më 6 shkurt nga kryetari i Aleancës Kosova e Re (AKR), Behgjet Pacolli. "Ju mund t'i thoni ministrit tuaj të Jashtëm se Maldivet i njohin pasaportat e Kosovës, ndërsa çështja e njohjes së plotë diplomatike mund të shtyhet përpara nëse ai më shkruan zyrtarisht”, thuhej në një letër që ministri i Jashtëm i Maldiveve, Ahmed Shaheed, ia kishte dërguar Pacollit.

[SaS]

duhen edhe 45 shtete te tjera qe te quhet de jure kosova e pavarur pra qe te njifet si shtet ne bote !!!

[Arpos]

Flm o popull i keti ishulli,.. qofshi te nderuar nga vlllezërit e juaj Shqiptar !

[Llapi]

shtetet te cilat e kan njoft Kosoven deri me tani 55 shtete

http://kosovothanksyou.com/

[Hard_Style]

...tenkjuuu........