Atentat ndaj gjyqtarit te Gjykates se Larte, Ardian Nuni

[Brari]

Agjensia e Lajmeve "SOT"
Atentati ndaj Nunit, Topi sulmon SHISH dhe policinë për paaftësi
Presidenti Topi viziton Ardian Nunin në Spitalin e Ushtarak
Presidenti i Republikës Bamir Topi duke reaguar për ngjarjen e rëndë të agresionit me armë zjarri ndaj gjyqtarit të Gjykatës së Lartë, Ardian Nuni kritikoi organet e policisë dhe Shërbimit Informativ Shtetëror pasi nuk kanë arritur të parandalojnë ngjarjen. “Këto struktura- thuhet në deklaratën e kreut të shtetit- nuk duhet të mjaftohen vetëm me bilance të situatës, por të parandalojnë akte të tilla në mënyrë që jeta e gjyqtarëve dhe e gjithë qytetarëve të jetë më e sigurt”. Presidenti i Republikës, Bamir Topi vizitoi dje Ardian Nunin, i cili gjendet i shtruar dhe nën kontrollin e mjekëve në Spitalin Ushtarak pas një sulmi me armë zjarri ndaj tij, mbrëmjen e ditës së diel, datë 8 shkurt 2009. Kryetari i Shtetit, u interesua për shëndetin e z. Nuni tek mjekët dhe Drejtori i Spitalit Ushtarak, Bedri Miho, të cilët po e mbikëqyrin atë dhe duke u përshëndetur e folur miqësisht me gjyqtarin Nuni dhe familjarët e tij, Presidenti Topi i uroi shërim dhe rikthim sa më të shpejtë në detyrë dhe një shëndet të mbarë në vijim. Më pas, Presidenti Topi iu përgjigj interesimit të mediave lidhur me këtë ngjarje. “Fatmirësisht zoti Nuni ka shpëtuar pa dëmtime serioze, por ajo që është më serioze është pikërisht tentativa e këtyre agresorëve për të sulmuar sistemin e drejtësisë.
Sistemi i drejtësisë natyrisht përbëhet nga individë sikurse zoti Nuni, të cilët gjatë gjithë karrierës së tyre janë munduar që të bëjnë drejtësi. Por cili është apeli? Apeli është shumë i rëndësishëm në të tilla raste. Duhet që organet specifike, jo ato që do të japin drejtësi, por ato që duhet të parandalojnë situata të tilla, sikurse janë shërbimet inteligjente, policia kriminale dhe struktura të tjera të specializuara duhet të bëjnë një punë më të madhe paraprake dhe të mos vijnë të bëjnë vetëm bilancin kur ndodhin situata, sepse profilaksia për të mbrojtur jetën e çdo qytetari është shumë e rëndësishme. Unë mendoj që sistemi i drejtësisë në Shqipëri do të vazhdojë të operojë me më shumë profesionalizëm dhe jam i bindur që organet e policisë do të bëjnë të mundur identifikimin e autorit dhe sikurse tentativa ka qenë ekstreme, patjetër që edhe gjykimi duhet të jetë me masa ekuivalente, që do të thotë që të jepet drejtësi vetëm mbi bazën e shtetit ligjor”,- u shpreh Topi. Pyetjes lidhur me mundësinë e ndryshimeve ligjore për garantimin e jetës për funksionarët e lartë të shtetit, Presidenti Topi iu përgjigj “Unë besoj se këtu nuk është çështja vetëm për funksionarët e lartë të shtetit, sepse nuk mund të bëjmë një ndarje midis kategorive shoqërore, njerëzve të veshur me pushtet dhe njerëzve pa pushtet. Është shumë shumë e rëndësishme që të forcohet shteti ligjor, ku çdo qytetar i Shqipërisë të jetë i sigurt kudo ai punon dhe jeton dhe besoj që ka vend për përmirësim të ligjit dhe mbi të gjitha një përmirësim të përkushtimit dhe profesionalizmit të njerëzve, që punojnë në struktura që duhet të bëjnë parandalimin e këtyre situatave”.
I pyetur për mbi domethënien e këtij sulmi të parë ndaj një përfaqësuesi kaq të lartë të drejtësisë, Kryetari i Shtetit tha:“Të mos kthehemi në retrospektivë, sepse vite më parë është ekzekutuar dhe avokati Koçi, i nderuari zoti Koçi. Unë mendoj se pavarësisht nga kjo situatë reformat, që janë bërë në drejtësi dhe përkushtimi i njerëzve që merren me drejtësinë sigurisht që ka një progres. Nuk besoj që të jetë pjesë ky moment, por duhet parë dhe duhet zbardhur ngjarja nga organet kompetente. Unë mendoj që të flasësh përpara organeve kompetente në këtë moment do të ishte gabim dhe do të ishte paragjykim. Kështu që le t’i lemë organet kompetente, që të shprehen në mënyrë profesionale dhe objektive në momentin e duhur”.Interesimit të gazetarëve, nisur nga kjo situatë, për rishikimin e funksionimit dhe të organizimit të shërbimeve sekrete, Presidenti Topi iu përgjigj “Unë kur dhashë apelin, e dhashë për shumë struktura dhe natyrisht që në të gjitha strukturat ka vend jo vetëm për përmirësim, qoftë në organizim, në struktura, por mbi të gjitha në përkushtimin e individëve specifikë, sepse ata që punojnë, kudo që punojnë, qoftë në organet e policisë, të inteligjencës, por edhe të administratës shtetërore, cilido duhet të punojë me seriozitet dhe përkushtim, sepse cilido mund të bëhet barrierë dhe të bëhet paralizues për situata të tilla”.

************************************************** **
Ruçi: Plagosja e gjyqtarit, shteti të krijojë më shumë siguri

Partia Socialiste ka reaguar ashpër ndaj sulmit me armë që iu bë mbrëmë anëtarit të Gjykatës së Lartë, Ardian Nuni. Kryetari i Asamblesë Kombëtare, Gramoz Ruçi, e ka cilësuar si akt të shëmtuar ndaj drejtësisë, plagosjen e Nunit dhe sipas tij, shteti duhet të kontribuojë më shumë për sigurinë e të gjithë njerëzve. Gramoz Ruçi, së bashku me Sekretarin për Çështjet Ligjore, Fatmir Xhafajn, e vizituan nga afër në Spitalin Ushtarak, gjyqtarin Ardian Nuni, duke i uruar shërim të shpejtë.
Për mediat, kryetari i Asamblesë Kombëtare të PS, Gramoz Ruçi, u shpreh: "Të gjithë kemi nevojë për sistemin shëndetësor dhe gjyqësor. Kur preket një anëtar i Gjykatës së Lartë, mendoni se sa i sigurt është një qytetar i thjeshtë në rrugët e këtij vendi. Ky është një apel për politikën shqiptare dhe veçanërisht për mazhorancën dhe ekzekutivin aktual.

************************************************** *****************
Topalli: Prokuroria të hetojë deri në fund për sulmin ndaj Ardian Nunit
Kryetarja e Kuvendit, Jozefina Topalli vizitoi dje në mëngjes në Spitalin Ushtarak, anëtarin e Gjykatës së Lartë Ardian Nuni, të plagosur një natë më parë pranë banesës së tij. Kryetarja e Kuvendit, u interesua për gjendjen shëndetësore të Nunit dhe falënderoi mjekët e spitalit ushtarak për përkujdesin e tyre. Kryetarja e Kuvendit dënoi agresionin ndaj gjyqtarit Nuni por, vijoi ajo, është e rëndësishme që tashmë ai është jashtë çdo rreziku për jetën. Kryetarja e Kuvendit tha se policia ka ndaluar tashmë disa persona dhe kërkoi që Prokuroria e Përgjithshme të hetojë deri në fund. Mjekët e spitalit ushtarak siguruan se nga aspekti shëndetësor, zoti Nuni nuk ka asnjë problem serioz dhe për 24 orë do të dalë nga spitali.


************************************************** **********

Gjykata e Lartë: Sulmi, atentat ndaj pushtetit gjyqësor
Anëtarët e Gjykatës së Lartë kanë reaguar duke e dënuar ashpër sulmin agresiv me armë zjarri ndaj njërit prej gjyqtarëve të saj, Ardian Nuni. “Sulmi ndaj gjyqtarit Nuni, përbën një atentat të rënde jo vetëm kundër Gjykatës së Lartë, por edhe kundër pushtetit gjyqësor të Republikës së Shqipërisë. Kjo ngjarje, por edhe disa të tjera që kanë ndodhur gjatë viteve të fundit ndaj gjyqtarëve, personelit të gjykatave, familjarëve dhe pronës së tyre, përbëjnë një shqetësim të madh jo vetëm për gjyqtarët por edhe për gjithë shoqërinë shqiptare, e interesuar aq shumë për funksionimin normal të shtetit të së drejtës”- thuhet në deklaratën për shtyp të shpërndarë nga Gjykata e Lartë."Duke marre shkas nga kjo ngjarje shume e rende, kërkojmë zbatimin me korrektësi dhe përgjegjshmëri të dispozitave ligjore për mbrojtjen dhe garantimin e jetës, shëndetit dhe integritetit të gjyqtarëve. Prekja e një gjyqtari përbën në vetvete një kërcënim serioz për shoqërinë, rendin, demokracinë dhe shtetin e së drejtës. Opinioni publik dhe organet kompetente duhet ta kenë të qartë se gjykatat janë institucione në shërbim të qytetarëve e të shoqërisë. Gjykatat, si institucionet që japin drejtësi dhe mbrojnë të drejtat e palëve në gjykim nëpërmjet zbatimit të ligjit, duhet t'u garantohen masa të plota sigurie. Askush nuk duhet të guxojë, të kërcënojë jetën apo të denigrojë autoritetin dhe integritetin e çdo gjyqtari të Republikës"- vazhdon më tej deklarata.
Më pas gjyqtarët kërkojnë fuqishëm nga organet kompetentet të merren masa të menjëhershme ligjore, institucional, jo vetëm për zbardhjen e ngjarjes dhe vënies para përgjegjësisë ligjore të fajtorëve, por edhe zbatimin e dispozitave ligjore në funksion të sigurisë së gjyqtareve dhe te gjykatave, për parandalimin e ngjarjeve të tilla në të ardhmen.


*************************************************

KSHH: Sulmi presion ndaj gjykatave në tërësi
Komiteti Shqiptar i Helsinkit (KSHH), dënoi dje aktin e rëndë kriminal ndaj anëtarit të Gjykatës së Lartë, Ardian Nuni, duke e cilësuar ngjarjen si presion që i bëhet jo vetëm individëve të veçantë, por edhe Gjykatave në tërësi.
"Kjo ngjarje është një sinjal që tregon nevojën për të marrë në mbrojtje efektive, sidomos gjyqtarët që ndihen të kërcënuar, për të rritur sigurinë në gjykatat që japin drejtësi dhe në organet e tjera të specializuara në luftën kundër kriminalitetit. Rritja e sigurisë së tyre i shërben rritjes së pavarësisë, forcimit të shtetit ligjor dhe mbrojtjes së lirive dhe të drejtave të shtetasve", thuhet në deklaratën e shpërndarë për mediat. Komiteti Shqiptar i Helsinkit kërkoi përmes kësaj deklarate nga organet kompetente zbardhjen e kësaj ngjarjeje dhe kapjen e autorëve të saj.

*************************************************
Berisha: Sulmi, kriminal, përpara ligjit autorët e krimit
Kryeministri Berisha dënoi me ashpërsi “aktin e shëmtuar kriminal” të atentatit ndaj anëtarit të Gjykatës së Lartë, Prof. Dr. Ardian Nuni duke e cilësuar atë edhe si një sulm kriminal kundër drejtësisë. Në një deklaratë për shtyp të kryeministrisë thuhet se “Kryeministri Berisha ka kërkuar nga autoritetet kompetente të ndërmarrin të gjitha veprimet e duhura për të gjetur dhe vënë përpara ligjit të autorit të këtij akti tejet kriminal”. Kryeministri Berisha vizitoi mbrëmë pas mesnate gjyqtarin e Gjykatës së Lartë Ardian Nuni, i cili ndodhet i shtruar në spital Ushtarak. Gjatë kësaj vizite, Kryeministri Berisha shoqërohej edhe nga Ministria e Shëndetësisë, zonja Anila Godo.


************************************************** **

Braçe: Atentati ndaj Nunit, presion ndaj drejtësisë
Presion ndaj drejtësisë e ka quajtur opozita atentatin ndaj anëtarit të Gjykatës së Lartë, Ardian Nuni, plagosur mbrëmjen e së dielës nga persona ende të paidentifikuar. “Plumbat ndaj gjyqtarit Nuni janë rritje e presionit politik mbi këtë gjykatë”, është shprehur nënkryetari i grupit parlamentar të PS-së, Erion Braçe gjatë seancës së djeshme parlamentare. Sipas Braçes, Kryeministri ka bërë gjithçka për të intimiduar sistemin e drejtësisë dhe kjo tregohet edhe me ligjet e votuara në parlament, duke patur parasysh ligjin për hapjen e dosjeve dhe e ka akuzuar kryeministrin e vendit për anashkalimin e halleve të qytetarëve që kërkojnë më tepër nga sistemi i drejtësisë, duke renditur në krye hallin e tij politik dhe biologjik.


************************************************** **

Nishani: Autori i krimit shumë shpejt para drejtësisë
Ministri i Brendshëm, Bujar Nishani ka garantuar zbardhjen e ngjarjes së anëtarit të Gjykatës së Lartë, Ardian Nuni duke e cilësuar akt të rëndë kriminal, dhe sipas tij autori i krimit do të dal përpara drejtësisë. Këtë deklarim, ministri Nishani e ka bërë gjatë fjalës së tij në seancën e djeshme parlamentare, i cili ndër të tjera ka theksuar se janë ndërmarrë të gjitha hapat e nevojshme për zbardhjen e kësaj ngjarje, kapjen e autorit dhe vënien e tij përpara drejtësisë. "Padyshim që akti i atentatit ndaj gjyqtarit është një akt i rëndë kriminal, ndaj dua të informoj se është ngritur një grup hetimor, që po heton intensivisht së bashku me Prokurorinë e Krimeve të Rënda. Garantoj deputetët se kjo ngjarje do të zbardhet plotësisht dhe autori i këtij krimi të rëndë do të vihet përballë drejtësisë". Sipas ministrit të brendshëm, kjo është një garanci e cila vjen edhe për shkak të atij standardi që Shqipëria ka arritur jo vetëm me goditjen e krimit të organizuar dhe trafiqeve, por dhe me zbardhjen e ngjarjeve të rënda kriminale, të cilat kanë ndodhur vitet e kaluara. "Sot shumë nga këto ngjarje janë zbardhur, ndaj dua t'ju garantoj se institucionet e shtetit dhe të zbatimit të ligjit, po punojnë në mënyrë intensive dhe autorët shumë shpejt do të vihen para drejtësisë",- theksoi Nishani.

-----------------------------------




ceshte ki ardian nuni..?


BalkanWeb.com thote...


URL: http://www.balkanweb.com/index.php?id=33463
Atentati ndaj gjyqtarit, Withers: Të zbulohen autorët e ngjarjes


(Dërguar më: 10/02/09) Ambasadori amerikan shprehu shqetësimin e tij personal në lidhje me ngjarjen e ndodhur dy ditë më parë ndaj gjyqtarit Nuni, duke kërkuar dhe theksuar së agjencitë ligj zbatuese duhet të bëjnë më së miri punën e tyre në kuadër të zbulimit dhe venies para drejtësisë të autorëve të ngjarjes. Deklarata e ambasadorit amerikan në Tiranë u bë gjatë takimit të zhvilluar sot me kryetaren e Gjykatës së lartë Shpresa Becaj me rastin e zgjedhjes së saj në këtë post.

TIRANE- Ambasadori amerikan në Tiranë Xhon Withers ka reaguar ndaj atentatit kundër gjyqtarit të gjykatës së lartë, Ardian Nuni. Ambasadori amerikan shprehu shqetësimin e tij personal në lidhje me ngjarjen e ndodhur dy ditë më parë ndaj gjyqtarit Nuni, duke kërkuar dhe theksuar së agjencitë ligj zbatuese duhet të bëjnë më së miri punën e tyre në kuadër të zbulimit dhe venies para drejtësisë të autorëve të ngjarjes.

Deklarata e ambasadorit amerikan në Tiranë u bë gjatë takimit të zhvilluar sot me kryetaren e Gjykatës së lartë Shpresa Becaj me rastin e zgjedhjes së saj në këtë post. Ambasadori amerikan u shpreh se organet e pavarura të drejtësisë duhet të jenë në front të luftës antikorrupsion në respekt absolut ndaj parimeve demokratike.
Withers dhe Becaj deklaruan se sistemi gjyqësor në një vend demokratik është një nga hallkat më të rëndësishme me një vlerë të pazëvendësueshme.

Withers u shpreh se jo vetem ai por dhe vendi i tij do të jenë gjithmonë të gatshëm për të bashkëpunuar për një drejtësi të pavarur për të bërë të mundur funksionimin sa më mirë të shtetit ligjor.

(e.n/ News24/ Balkanweb)

[Albo]

Plumba anetarit te Gjykates se Larte

Artan Cena
E Marte, 10 Shkurt 2009

TIRANE - Atentat ndaj anetarit te Gjykates se Larte, Ardian Nuni. Nje person ende i paidentifikuar, e ka qelluar me kater plumba te nje pistolete "TT", por fatmiresisht nuk kane qene vdekje prures. Ka qene ora 22:50 minuta e mbremjes, duke gdhire dita e djeshme, kur 40-vjecari Nuni po kthehej nga kafja me disa miq te tij dhe eshte qelluar me arme. E me pas eshte derguar menjehere ne Spitalin Ushtarak ne seksionin VIP, duke u marre nen kujdesin e mjekeve. Bluzat e bardha kane bere dhe njoftimin e uniformave blu, e menjehere eshte dhene alarmi. Ne vendin e atentatit kane mberritur dhjetera forca policie, qe kane bllokuar cdo gje dhe kane nisur hetimet. Ne vendin e ngjarjes jane gjetur vetem 4 gezhoja e asnje prove tjeter.

Deshmia

Gjyqtari Ardian Nuni, ka rrefyer per policine te gjithe ngjarjen duke treguar se, nuk e ka pare ne fytyre personin qe e ka qelluar. "Pak para se te nisesha per ne shtepi dhe te me ndodhte atentati isha me disa miq duke pire nje kafe ne zonen e ish-bllokut. Nga ora 22:30 minuta, sic ishim te gjithe ne u ngritem dhe do te iknim secili per ne shtepi. Me makinen time, te llojit "Peugeot", kam ikur ne drejtim te baneses, tek rruga Komuna e Parisit. Makinen e kam parkuar ne afersi te pallatit ku banoj, por pak me larg se heret e tjera pasi nuk kishte vend me afer. Kur po ecja per ne hyrjen e pallatit, tek rrugica ne erresire kam vene re se, dikush po me ndiqte pas. Nuk i vura rendesi ne fillim, por kam kthyer koken. Ai ishte i ri, rreth moshes 30 vjec dhe ne koke kishte nje kapele, si tip kapuci te zi. Nuk i dukeshin floket dhe fytyren nuk ja pashe dot per shkak te erresires. Me sa vura re ishte i veshur sportiv. Por instinktivisht kam kthyer koken". Nuni ka treguar per policine se, ne momentin kur ka kthyer koken qe te shikonte kush ishte pas tij, ka pare armen e atentatorit dhe eshte mundur qe te largohej sa me shpejt. "Pashe qe ne dore kishte nje si lloj pistolete dhe menjehere jam mundur qe te largohem nga rrezja e armes. Por ai e ngriti pistoleten dhe ka qelluar disa here. Plumbat me kane kapur ne pjesen e shpatulles dhe ne kofshe. Duke qene i plagosur, u ula tek shkallet e pallatit dhe kam kerkuar ndihme duke thirrur se, me qelluan me arme. Nderkaq agresori, qe nuk ia pashe fytyren, eshte larguar me vrap neper rrugica, duke u munduar te humbte gjurme. Dukej i frikesuar pasi qelloi me pistolete. Pas thirrjes per ndihme, disa persona te njohur kane ardhur aty dhe me makine me kane sjelle ne Spitalin Ushtarak, ku me pas mjeket me futen ne trajtim intensiv dhe ne sallen e operacionit, ku me hoqen plumbat", ka thene anetari i Gjykates se Larte, Ardian Nuni, gjate deshmise se tij, te marre gjate mesdites ne Spitalin Ushtarak, Tirane.

Mjeket

Gjate dites se djeshme Ardian Nuni, i eshte nenshtruar nderhyrjes kirurgjikale. Mjeket kane mundur qe t'i nxjerrin nje plumb nga shpatulla dhe nga kofsha dy plumbat 7.56 milimetersh, duke e nxjerre ate totalisht jashte rrezikut per jeten. Nderkohe qe me pas 40-vjecari, eshte derguar ne repartin e reanimacionit ku ka qene nen trajtim te perhershem. Te shumte kane qene familjaret dhe te njohurit qe e kane kontaktuar dhe vizituar, duke i uruar sherim te shpejte atij.



Autori i dyshuar

"Kur po ecja per ne hyrjen e pallatit, tek rrugica ne erresire kam vene re se, dikush po me ndiqte pas. Nuk i vura rendesi ne fillim, por kam kthyer koken. Ai ishte i ri, rreth moshes 30 vjec dhe ne koke kishte nje kapele, si tip kapuci te zi. Nuk i dukeshin floket dhe fytyren nuk ia pashe dot, per shkak te erresires. Me sa vura re ishte i veshur sportiv. Por instinktivisht kam kthyer koken".

[Brari]

100 meter larg zyrave te jozit te topit e te saliut.. guxon dikush te mbaj kobure.. e jo vetem ta mbaje por dhe te qelloje mbi mish njeriu.. me plumba.. e te ike pastaj ne pun te vet mbas kryerjes se krimit..

kte na tregon atentati..
pra nuk eshte aspak gjendja se si do duhej te ishte .. vendi inë ne 2009 -ten..

shum keq..

ja si tallen kapobandat me shtetin..
kan vrare e bere te 999 -tat e shteti u a ha m.unë..

ja cthot gazeta per pafuqine e shtetit berisho jozo -topo-ist ndaj bandave ps-iste..

--

Agjensia e Lajmeve "SOT"
Shtyrja e proceseve gjyqësore, avokatët kërkojnë lirimin e të pandehurve
Numri i madh i të pandehurve në një proces lejon avokatët për justifikime
Për të shpëtuar nga krimet që kanë bërë shumë të pandehur që po gjykohen nga drejtësia shqiptare, kanë zgjedhur një metodë të veçantë shpëtimi. Tashmë nuk po kërkohet më avokati që do ta mbrojë më mirë por avokati që do të mund të mungojë më shumë dhe të justifikojë sa më bukur mungesën e tij. Shtyrja e seancave gjyqësore është bërë gangrenë për drejtësinë shqiptare. Jo vetëm gjyqtarët dhe prokurorët po ankohen për këtë fenomen por edhe vetë avokatët shprehin ankesa për kolegët e tyre që ndjekin një mënyrë të gabuar të mbrojturi. Qëllimi kryesor i shtyrjes së seancave gjyqësore është përfundimi i afateve të paraburgimit. Janë shumja dosje bandash që vazhdojnë të gjykohen për vit ë tëra në Gjykatën e Krimeve të Rënda, por edhe pse kanë me vite të tëra për to janë zhvilluar vetëm disa seanca pasi pjesa më e madhe janë shtyrë për shkak të mungesës së avokatit. Një ndër faktorët e shtyrjes është mungesa e avokatëve por shpesh herë protagonist bëhen edhe vetë të pandehurit që ka pasur edhe raste kur ata kanë braktisur sallën në mënyrë demonstrative. Tre ndër gjyqet që janë më problematiket në Gjykatën e Krimeve të Rënda është ai i bandës së Durrësit, bandës së Lushnjës si dhe i bandës së Cërrikut. Këto tre procese gjyqësore kanë njohur vetëm shtyrje të vazhdueshme dhe ende nuk i është gjetur një zgjidhje për shmangien e fenomenit.
Avokatët që duan që seanca të vazhdojë kërkojnë ndarjen e gjykimit për të pandehurit pasi shumë të pandehur po mbahen të izoluar edhe pse nuk janë fajtorë dhe duhet të vuajnë vetëm për shkak të qëllimit të bashkëvuajtësve të tyre dhe mbrojtësve për të shtyrë procesin deri në përfundim të afateve të paraburgimit. Nga 58 seanca të bëra në total për bandën e Durrësit 40 janë shtyrë, ose për mungesë të dëshmitarit ose për mungesë të avokatëve mbrojtës. Në këtë proces do të merren në pyetje mbi 100 dëshmitarë por edhe pse kanë kaluar dy vjet nuk është dëgjuar dëshmia e asnjë dëshmitari. Është bërë një problem shumë serioz për mbarëvajtjen e punës në gjykatë dhe proceset gjyqësore zgjasin me vite të tëra. Ka pasur edhe raste kur kanë mbaruar afatet e paraburgimit dhe gjykata duhet të lërë të lirë të pandehurit. Ka pasur edhe raste kur për shkak të mbarimit të afateve të procesit të gjykimit janë mbyllur procese gjyqësore siç mund të jetë ai i dosjes së “14 shtatorit”. Për shtyrjen proceseve gjyqësore, gjykatat i janë drejtuar ministrisë disa herë me kërkesa dhe i kanë kërkuar zgjidhje të këtij problemi por ministria nuk ka bërë asnjë lëvizje duk e lënë që ky fenomen të bëhet akoma dhe më i theksuar. Të pandehurit shkojnë në sallë dhe bëjnë si drejtues të procesit gjyqësor. Ata kërkojnë avokatin që kanë zgjedhur vetë ndërkohë që avokati nuk është paraqitur në sallë për dhjetëra seanca me radhë. Ndërkaq gjykata pranon kërkesën e tyre dhe sërish procesi vazhdon shtyrjet pasi avokati sërish nuk paraqitet. Në të shumtat e rasteve avokatët paraqesin raporte mjekësore, duke justifikuar mungesën e tyre. Në një proces gjyqësor gjykata ka marrë aq shumë raporte për avokat të caktuar sa nuk mund ti bëjë dot asnjë punonjëse femër në nëntë muaj të shtatzënisë.
Gjykata për shumë raste ka bërë përjashtimin e avokatit problematik, por e njëjta strategji ndiqet edhe nga kolegët e tjerë të cilët vazhdojnë sërish mungesat për të plotësuar qëllimin që i është sugjeruar edhe të pandehurve, atë të shtyrjes së seancave për mbarimin e afateve të paraburgimit. Për të shmangur këtë fakt gjykata në shumë procese ka bërë pezullimin e afateve deri në seancën e ardhshme, kjo me kërkesë të prokurorëve për të shmangur ndonjë dukuri të paparashikueshme. Por pezullimi i afateve të paraburgimit dhe mungesa sërish e avokatit ka çuar që proceset të zgjasin me vite të tëra. Proceset gjyqësore më problematike janë ato që zhvillohen në Gjykatën e Krimeve të Rënda si dhe në Gjykatën e Shkallës së Parë për çështjet penale. Për shkak se në gjykim janë shumë të pandehur, avokatët bëjnë mungesa edhe duke u alternuar, njëherë mungon njëri dhe njëherë tjetri në mënyrë që të justifikojnë mungesat dhe ta bëjnë shtyrjen e procesit sa më të lehtë. Kjo shkon në dëm edhe të shumë të pandehurve të cilët pretendojnë në pafajësinë e tyre, edhe pse ata kërkojnë përshpejtim të procesit, sërish ai shtyhet për shkak të strategjisë së ndjekur nga bashkëvuajtësit e tyre. ka edhe shumë avokat që kërkojnë ndarjen e dosje dhe të gjykimit për shkak të shtyrjeve por kjo nuk është pranuar thuajse në të gjitha rastet nga gjykata për shkak të kërkesave të prokurorit të çështjes, i cili ka bërë hetimin për të gjithë në të njëjtën dosje dhe nuk mund të lejojë që të ndahen hetimet pasi të pandehurit dyshohen për krime në bashkëpunim



--

[Albo]

Nuni, atentati per motive te dobeta

E Merkure, 11 Shkurt 2009

Tirane- Grupi hetimore i cili eshte duke hetuar per atentatin ndaj gjyqtarit Ardian Nuni, ka vene ne shenjester dy persona te dyshuar si autore. Burime nga policia bejne me dije se ende nuk ka asnje prove bindese, e cila do te implikonte dy personat ne kete ngjarje. Grupi hetimore ka perjashtuar dje pisten e nje atentati per shkak te detyres se tij, si anetar i Gjykates se Larte, duke hetuar per goditje per shkak te motiveve te dobeta. Dje Nuni eshte rikthyer serish ne banese te tij.

Hetimet

Atentati ndaj anetarit te Gjykates se Larte eshte duke u hetuar vetem ne pisten, per qellimin ndaj tij, per shkak te detyres si pedagog, piste kjo e hedhur edhe nga vete Nuni gjate marrjes se tij ne pyetje. Pas perjashtimit te pistes se atentatit ne lidhje me detyren e tij si gjyqtar, grupit hetimor ka marre dje ne pyetje pedagoget e Fakultetit te Drejtesise, si dhe nje numer te caktuar studentesh, per ndonje konflikt te mundshem te 40-vjecarit ne kete profesion. Nga ana tjeter mesohet se kreret e komisariateve, jane mbledhur dje per te diskutuar ne lidhje me kete ngjarje, ne te njejten kohe nje takim "koke me koke" kane zhvilluar edhe drejtuesit e dy prokurorive, ai i Prokurorise se Tiranes, Genti Xholi si dhe drejtuesi i Prokurorise se Krimeve te Renda, Olsian Cela. Burime nga policia konfirmuan dje se, gjate mengjesit te djeshem policia ka shoqeruar rreth dhjete persona te tjere, te cilet dyshohen se kane dijeni ne lidhje me rrethanat e ngjarjes, ose te dyshuar konkret per kete atentat. Nga shoqerimet dyshohet se vetem dy prej tyre, te kene lidhje direkt me kete ngjarje.

Sherimi

Anetari i Gjykates se Larte ka lene pasditen e djeshme Spitalin Ushtarak, duke u rikthyer ne banesen e tij. Nuni u qellua me arme zjarri, pistolete, mengjesin e se henes, nga persona ende te paidentifikuar. Mjeket qe po e mbajne ne vezhgim, kane deklaruar se gjendja shendetesore e gjyqtarit, paraqitet e mire dhe pas kryerjes se ekzaminimeve mjekesore dhe konsultave eshte marre vendim, qe ai te mjekohet ne banese. Si pasoje e 4 plumbave, gjyqtari Nuni ka pesuar demtime ne 2 organe, ne ekstremitetin e siperm te majte (ne krahun e majte) dhe ne legjionin lumbar ne inde te buta, muskulature, por pa rrezik per jeten.

Atentati ndaj Nunit

Ngjarja ndodhi mengjesin e se henes, ne rrugen "Medar Shtylla" ne Tirane, kur persona ende te paidentifikuar qelluan me arme zjarri ne drejtim te 40-vjecarit Ardian Nuni, i njohur per aktivitetin e tij, ne sistemin e drejtesise shqiptare. Nga prilli i vitit 2007, Nuni eshte anetar i Gjykates se Larte. Ndersa perpara se te emerohej ne kete detyre, ai ishte anetar ne KLD. Paralelisht me kete detyre Nuni ka punuar si pedagog edhe ne Fakultetin e Drejtesise, ne te cilen ka dhene lenden e te Drejtes Civile.

Pistat

Grupi hetimor ngriti tre pista, ne lidhje me atentatin ndaj anetarit te Gjykates se Larte. Pista e pare ishte ajo e goditjes per shkak te detyres se tij si gjyqtar, e dyta ajo e profesionit si pedagog dhe e treta per motive te dobeta. Policia ka perjashtuar pisten per nje atentat per shkak te funksionit te tij si gjyqtar, duke hetuar vetem dy pistat e tjera.

KJ

[Brari]

Agjensia e Lajmeve "SOT"

Gjyqtari i plagosur nuk pranon të bashkëpunojë për hetimet
Ardian Nuni refuzon të flasë si dhe ti kontrollohen bisedat telefonike
Gjyqtari i plagosur katër ditë më parë nuk dëshiron të bashkëpunojë me grupin e hetimit për zbardhjen e ngjarjes. Këtë përgjigje grupi i hetimit e ka marrë kur ka shkuar për të marrë në pyetje të plagosurin, i cili ka refuzuar plotësisht që të bashkëpunoj. Ardian Nuni e ka justifikuar këtë veprim me statusin që ka si gjyqtar në Gjykatën e Lartë, por policia dhe prokurori i krimeve të rënda që po punojnë për këtë çështje hedhin hije dyshimi për presion të ushtruar ndaj tij si dhe nuk përjashtohet mundësia që Nuni kërkon të fshehë diçka. Sipas burimeve nga grupi i hetimit bëhet me dije se Nuni ka refuzuar të flasë si dhe nuk ka pranuar që të ushtrohet kontroll në telefonin e tij. Këto dy veprime mund të jenë tepër të rëndësishme për zbardhjen e krimit por Nuni ka refuzuar kategorikisht. Tashmë përveç vështirësive të hasura gjatë hetimeve policia duhet që të operojë në dy pista të reja që mund të jenë vendimmarrëse për hetimet dhe identifikimin e autorit. Grupi i hetimit ka ngritur pistën që Nuni e njeh autorin që e ka goditur por fshehë diçka me heshtjen e tij. Gjithashtu ata dyshojnë se dhe në deklarimet e tij të para mund të ketë dhënë informacion të rrem për të fshehur identitetin e autorit që mund të ketë qenë i njohur për Nunin.
Burimet e informacionit tregohen tepër të rezervuara por saktësojnë se ai mund të jetë plagosur për motive të dobëta ose për shkak të detyrës. Sipas hetuesve duke përdorur emrin e tij persona të ndryshëm mund të kenë bërë ndonjë Pazar të parealizuar dhe për këtë e ka pësuar juristi Ardian Nuni. Por ende nuk rezulton asnjë provë në hetime duke u penguar akoma më shumë nga i dëmtuari. Që prej katër ditësh grupi i hetimit nuk ka arritur të nxjerrë asnjë konkluzion përfundimtar duke ngritur vetëm pista hetimi të cilat pengohen nga i plagosuri i cili nuk dëshiron të ndihmojë hetimet. Të njëjta burime bëjnë me dije se do të zbardhen të gjitha bisedat telefonike që ka bërë Ardian Nuni kohët e fundit pasi dyshohet se ai mund të ketë marrë kërcënim edhe në telefon por që nuk do ti tregojë. Për këtë grupi i hetimit ka kërkuar tablatet telefonike që mund të japi detaje tepër të rëndësishme për të arritur tek autori.
Hetimet
Hetimet për zbardhjen e ngjarjes janë përqendruar në disa drejtime. Grupi i hetimit ka ngritur disa pista për zbardhjen e plotë të ngjarjes. Kjo ngjarje tashmë ka kaluar në duar të Prokurorisë së Krimeve të Rënda që prej ndodhjes së ngjarjes ka qenë e pranishme dhe në vendin e ngjarjes. Sipas burimeve zyrtare pranë prokurorisë, grupi i hetimit ka mbledhur të gjitha provat si në vendin e krimit si dhe të prova të tjera që mund të ndihmojnë në gjetjen sa më shpejt të autorëve. Të njëjtat burime bëjnë me dije se kanë në disa prova që mund të bëjnë zbardhjen e ngjarjes dhe momentin e ndodhje së krimit por ende nuk mund të përcaktohet nëse ka qenë një autor i vetëm apo më shumë si dhe kush është ai. Për përcaktimin nëse Nuni është goditur nga një pistoletë e vetme apo nga dy të tilla grupi i hetimit është në pritje të përgjigjes së ekspertizës balistike të plumbave dhe të katër gëzhojave të gjetura në vendin e ngjarjes.
Kjo përgjigje mund të dalë ditën e sotme dhe sipas grupit të hetimit do të jetë tepër e rëndësishme të zbulohet nëse ka qenë një apo më shumë autorë. Në këtë mënyrë do të saktësohet edhe pista nëse autori ka qenë i adresuar saktë për të kryer atentat apo ka pasur ndonjë ngatërresë objektivi. Grupi i hetimit ka mbledhur pamjet filmike të fiksuara nga kamerat e një pallati rezidencial ngjitur me pallatin ku banon gjyqtari Ardian Nuni. Për plagosjen e tij janë marrë në pyetje dhjetëra persona të dyshuar por policia nuk ka ndalur asnjë persona për këtë krim. Gjatë marrjes në pyetje nga grupi i hetimit, Ardian Nuni ka deklaruar se nuk ka pasur asnjë konflikt personal, për shkak të detyrës apo familjar.
Ai ka pohuar për grupin e hetimit se nuk ka asnjë dyshim se kush mund të ketë qenë atentatori. Ai ka pohuar se ka pasur një jetë shumë të qetë dhe si ai si dhe familjarë të tij nuk kanë pasur asnjëherë kërcënime. Gjithashtu edhe familjarë të tij kanë pohuar të njëjtin fakt. Ata kanë pohuar se Nuni nuk është ndjerë asnjëherë i shqetësuar për shkak të ndonjë problemi si dhe kohët e fundit, përkundrazi, ka qenë shumë i qetë. Por deklaratat e Nunit sipas policisë mund edhe mos të jenë të sakta dhe juristi kërkon të fshehë diçka. Tashmë hetimet kanë marrë një rrjedh tjetër deri në zbulimin se kush është problemi që fsheh gjyqtari i plagosur Ardian Nuni.

[Brari]

Agjensia e Lajmeve "SOT"
Ambasadori amerikan Withers, celulari i gjyqtarit Nuni, dhe Drejtësia e përdhunuar shqiptare
Nga Kastriot Myftaraj
Pas atentatit ndaj gjyqtarit të Gjykatës së Lartë, Ardian Nuni, ambasadori amerikan Withers, në një takim me kryetaren e Gjykatës së Lartë, Shpresa Beça, takim ky qartësisht i sajuar për të bërë një deklaratë mediatike, u shpreh para mikrofonave dhe kamerave televizive se priste që: “agjencitë ligj-zbatuese do të bëjnë më së miri punën e tyre në kuadër të zbulimit dhe vënies përpara drejtësisë të autorëve të ngjarjes”. Agjencitë ligj-zbatuese, ose e thënë në terma më pak abstraguese, policia, SHISH, prokuroria etj., sigurisht që duhet ta bëjnë këtë gjë pa ua thënë ambasadori amerikan, se kjo është detyra e tyre. Nga deklarata që bëri ambasadori amerikan, të krijohet përshtypja se kishte një mosdashje tek agjencitë ligj-zbatuese për të bërë detyrën e tyre në këtë rast. Në rast se ishte kështu, ndërhyrja e ambasadorit amerikan ishte me vend dhe e mirëpritur. Por më pas doli se agjencitë ligj-zbatuese nuk mund ta bënin siç duhet punën e tyre për zbulimin e autorit të atentatit, apo edhe autorëve, siç u shpreh në shumës, në mënyrë kurioze ambasadori amerikan.
Gjyqtari i Gjykatës së Lartë, Nuni refuzoi t’ i vinte në dispozicion policisë celularin e vet, siç e kërkon procedura e rëndomtë e hetimeve. Kjo tregon se Ndershmëria e Tij, siç quhen gjyqtarët në SHBA, Nuni, nuk ka dëshirë që të zbulohet atentatori, apo atentatorët, për arsye që i di ai, por që nuk e nderojnë aspak jo më një gjyqtar, por as një qytetar të çfarëdoshëm. Gjyqtari i Gjykatës së Lartë, Nuni, ka zgjedhur në këtë rast të sillet ashtu siç sillen mafiozët, të cilët, në raste të tilla refuzojnë që të bashkëpunojnë me policinë, se zbulimi i së vërtetës do t’ i inkriminonte, dhe parapëlqejnë që të zgjidhin çështjen me vetëgjyqësi, duke i çuar atentatorit apo atentatorëve një skuadër vrasësish. Duket se gjyqtari Nuni e njeh mirë atentatorin apo atentatorët, si dhe motivin e atentatit të tyre, por nuk dëshiron që ato t’ i njohin dhe agjencitë ligj-zbatuese, si dhe opinioni publik, se atëherë do të merrte fund karriera e gjyqtarit Nuni, madje gjërat do të shkonin edhe më keq se kaq. Pati të drejtë nënkryetari i Këshillit të Lartë të Drejtësisë, Kreshnik Spahiu, kur tha me rastin e atentatit ndaj gjyqtarit Nuni, se mafia qëlloi ndaj drejtësisë. Vetëm se Spahiu mund të kishte shtuar se, nga mënyra si veproi gjyqtari Nuni drejtësia u dëshmua pjesë e mafies dhe parapëlqeu që ta zgjidhë çështjen në mënyrë mafioze.
Në rast se një mafioz që nuk dëshiron të bashkëpunojë me policinë, në një rast të tillë, do të refuzonte të dorëzonte celularin, atëherë ai do të ngarkohej edhe me një vepër penale shtesë, dhe celulari do t’ i sekuestrohej si provë materiale. Në rastin e Ndershmërisë së Tij Nuni policia nuk mund ta bënte këtë gjë, se Nuni ka imunitet, dhe nëse i merrej celulari, atëherë, larg qoftë, ky do të ishte cenim i pavarësisë së pushtetit gjyqësor dhe ambasadori amerikan, ambasadori britanik, Lëvizja “Mjaft”, G-99, shefi i Misionit të OSBE, Manjola Bejleri, Andrea Stefani, Ylli Manjani, Anila Basha, Gent Ibrahimi, Njazi Jaho etj., etj., do të jepnin alarmin. Ndershmëria e tij Nuni, për shkak të imunitetit ka luksin që virtualisht të sillet si një mafioz që është mbi ligjin. Gjyqtari Nuni i përket instancës më të lartë të gjyqësorit në Shqipëri. Imagjinoni se ç’ drejtësi prodhon gjykata e cila ka një gjyqtar që sillet kështu. Është dashur që ambasadori amerikan në Tiranë, meqenëse i hyri kësaj pune, t’ i drejtohej publikisht gjyqtarit Nuni, duke i kërkuar që të bashkëpunojë me agjencitë ligj-zbatuese, duke i kërkuar që të t’ u dorëzojë atyre celularin. Por, ambasadori amerikan nuk e bëri këtë gjë. Çështja “Nuni” zbulon standardin e dyfishtë që përdor ambasada amerikane në Tiranë. Ambasada amerikane është qartësisht e interesuar vetëm për formën e gjërave dhe jo për përmbajtjen e tyre. Forma e gjësë është që gjyqtarit Nuni iu bë një atentat dhe autorët duhen zbuluar dhe ndëshkuar, ndërsa përmbajtja është që gjyqtari Nuni sillet si një mafioz dhe nuk dëshiron të zbulohen autorët dhe motivet. Konkluzioni: Ambasada amerikane është protektore e mafies që ka kapur Shqipërinë në të gjitha anët, deri edhe në institucionet e drejtësisë. Pse ndodh kjo: Sepse ambasada amerikane nuk do që në Shqipëri të ndërtohet një shtet ligjor, por do pikërisht një shtet të kapur nga mafia, se duke pasur shtete të tilla në Ballkan dhe më gjerë, Europa do të ketë probleme.
Duket se as ambasadori amerikan Withers nuk është i interesuar që atentatori, apo atentatorët e gjyqtarit Nuni të dalin para drejtësisë. Tekefundit, para cilës drejtësi? Prokurorja e Përgjithshme Ina Rama është nomenklaturë e ambasadës amerikane, dhe gjithashtu një e që është mbi ligjin, si gjyqtari Nuni. Prokurorja e Përgjithshme banon në apartamentin superluksoz që i ka vënë bujarisht në dispozicion një kriminel, si shpërblim që atij prokurorja i ka mbyllur një çështje penale për përdhunim. Kjo do të thotë se Drejtësia është përdhunuar në Shqipëri, dhe sperma e kriminelit përdhunues është në fytyrën e ambasadorit amerikan Withers.
Mirë që ambasada amerikane na i ruan institucionet e drejtësisë se mos na i kapë Berisha, por pse nuk na i ruan dhe nga mafia? Se tashmë po na del që institucionet e drejtësisë janë të pavarura nga Berisha, por nuk janë të pavarura nga mafia. Kush do të na i mbrojë institucionet e pavarura të drejtësisë nga mafia, Presidenti i Republikës, Bamir Topi? Presidenti Topi shfaqet publikisht në kafenetë tek stadiumi “Qemal Stafa” në shoqërinë e të emëruarit të tij në Gjykatën e Lartë, Zamir Poda, i cili u rrëzua nga parlamenti. Tashmë Presidenti Topi nuk po e emëron anëtarin e fundit të Gjykatës së Lartë, duke pritur që Poda të fitojë gjyqin në Gjykatën Kushtetuese ndaj Kuvendit. Ç’ detyrime ka Topi ndaj Podës. Për këtë gjë duhen parë vendimet gjyqësore me Të cilat Topi ka marrë sipërfaqe të mëdha tokash në kodrat rreth Dajtit, si ish-pronar, a thua se ishte nga familja e Esat pashë Toptanit, pasurinë e të cilit gjithsesi e ka vënë sot, dhe jo nga një familje modeste tiranase. Nëse agjencitë ligj-zbatuese do të merreshin me pronat që ka marrë Presidenti Topi, dosja në prokurori do të çante tavanin. E ç’ mund të presësh tjetër nga Presidenti Topi. Ku ka parë bota një president republike, i cili i qeth flokët në modelin bishtpëllumbi si ky joni!
Në Republikën e Presidentit që i qeth flokët bishtpëllumbi, si adoleshent i viteve tetëdhjetë, ndodh që një gjyqtari të Gjykatës së Lartë t’ i bëhet atentat ndërsa është në orët e vona të natës në shoqërinë e Avokatit të popullit! Dhe pastaj Avokati i Popullit e çon në spital gjyqtarin. Në botë zyrtarët e këtyre niveleve kufizojnë në maksimum kontaktet mes tyre. Se pastaj si do të ndodhë që Avokati i Popullit të ndjekë një ankesë ndaj gjyqtarit Nuni, kur bashkë darkojnë në orët e vona të natës. Aq më tepër kur edhe gruaja e gjyqtarit Nuni, punon tek Avokati i Popullit? Ky është tribalizëm institucional.
Berishën mund ta largojmë me vota në qershor, por me mafien e drejtësisë që është jashtë rrezes së votës popullore, çfarë të bëjmë? Kësaj pyetjeje duhet t’ i përgjigjet ambasadori amerikan. Por, ambasadori Withers është njeriu i fundit i interesuar për t’ ju përgjigjur kësaj pyetjeje. Se nëse në Shqipëri agjencitë ligj-zbatuese do të bënin punën e tyre, siç thotë ambasadori amerikan, atëherë ambasadori Withers duhet të ishte penalizuar për çështjen e Gërdecit, se ishte vetë atasheu ushtarak amerikan në Tiranë, Harrison, i cili zbuloi vetëm një pjesë të implikimit të ambasadorit amerikan në këtë çështje. Unë dyshoj shumë që Mediu dhe Berisha do të kishin arrogancën që të ndërtonin mekanizmin e “Harmagedonit” në Gërdec, në rast se nuk do të ishin në lojë njerëz të ambasadës amerikane. Kjo është arsyeja që Prokuroria nuk thërret për të marrë të pandehur as partnerin amerikan të Delijorgjit, njëlloj përgjegjës me të, as specialistin amerikan të firmës së Delijorgjit, që siç është paraqitur me pamje televizive në emisionin “Faktori Plus” të Mero Bazes, ka qenë në Gërdec ditën e shpërthimit dhe jo në SHBA, siç është pretenduar.
Atentati ndaj gjyqtarit Nuni dhe ngjarjet që e pasuan atë, duhet të perceptohet ashtu siç e perceptojnë paleontologët kockën e kthetrës së një dinozauri, që e gjejnë nën tokë, dhe pastaj duke u nisur nga ajo ndërtojnë krejt skeletin e dinozaurit. Edhe këtu, duke u nisur nga kjo ngjarje, mund të ndërtohet gjithë struktura e simbiozës mafie-drejtësi në Shqipëri.

kmyftaraj@yahoo.com

[Dajti]

Mediat italiane: Shqipëria mbron padronet e drogës

• Shqipëria mbron padronët e drogës, në një shkrim investigativ në të përditshem italiane “La Gazeta del Mezogiorno” theksohet se Artan Shabani, Eno Prifti, Haliv Fici, Skënder Jusufi dhe Artur Vaqo konsiderohen nga policia italiane si padronët e trafikut ndërkombëtar të drogës drejt italisë dhe Euorpës. Edhe pse shumë të kërkuar në Itali ata vazhdojnë të strehohen të qetë në Shqipëri, ndërsa autoritet italiane janë të pakënaqur me mos ektrsdaimin e tyre nga autoritetet shqiptare. Version multimedial i ketij lajmi

ITALI- Artan Shabani, Eno Prifti, Haliv Fici, Skënder Jusufi, Artur Vaqo, Nako Uta dhe në fund Krenar Cubaj me Akil Dardhanjoni. Këta janë ata që konsiderohen nga policia italiane si zotërinjtë e drogës shqiptare, “padronët absolutë” të trafikut ndërkombëtar të heroinës dhe kokainës drejt Italisë dhe Europës, në një shkrim investigativ të gazetarit Luka Natile në “Ggazetta dell Mezzogiorno” me titull “Shqipëria mbron padronët e drogës”, theksohet se personat e lartëpërmendur janë në qendër të disa prej hetimeve më të mëdha të Drejtorisë Investiguese Antimafia të Barit, hetime të kryera mes viteve 1997 dhe 2008. Këto hetime janë pasuar me lëshimin e disa urdhrër arresteve nga prokuroria italiane, por deri tani pa rezultat për shkak se ata ende gëzojnë liri të plotë në Shqipëri, dhe konkretisht në Durrës dhe Vlorë, ku janë të paprekshëm dhe të qetë”. Janë gjithsej 148 shqiptarët e kërkuar nga drejtësia italiane qe ndodhen qetësisht në Shqipëri.

Mes dy vendeve Italisë dhe Shqipërisë, është në fuqi një marrëveshje ekstradimi që parashikon shkëmbimin reciprok të të kërkuarve. Por kjo marrëveshje ende nuk ka dhënë rezultatet e duhura pasi Shqipëria mes viteve 2007 dhe 2008 ka kapur “vetëm 89 shqiptarë me kërkesë të autoriteteve gjyqësore italiane, duke dërguar në Itali vetëm 72. Në të njëjtën periudhë në Itali janë arrestuar, me kërkesë të autoriteteve të Tiranës, 232 shqiptarë që gjendeshin në territorin italian, dhe 116 prej tyre janë ekstraduar.

Megjithatë, theksohet në shkrim, kur bëhet fjalë për të bërë realitet qëllimet e mira, ekstradimet bëhen më të komplikuara”. Artikulli vazhdon duke marrë shembull atë çfarë ka ndodhur të premten e kaluar përpara Gjykatës së Barit ku kreu i karabinierëve Mikele Dikolanxhelo, është paraqitur para gjykatësve me akuza të rënda ndaj drejtësisë shqiptare. Sipas tij “mes të hetuarve kryesorë të krimit të organizuar shqiptar, hetime të realizuara nga DIA e Barit dhe të koordinuara me Antimafian italiane, në kuadrin e operacioneve “Stafeta 2” dhe “Stafeta 3” dalin gjithmonë emrat e shqiptarëve Artan Shabani, Eno Prifti, Haliv Fici, Skënder Jusufi, që janë superbosët e trafikut narkotik drejt Italisë. Të gjithë këta superbosë të drogës janë ende të lirë, ka deklaruar Dikolanxhelo. Në të njëjtin hetim janë përfshirë dhe 16 të pandehur të tjerë. Katër “bosët” edhe pse janë në qendër të hetimeve ndodhen te gjithë në kërkim dhe jetojnë të qetë në Shqipëri, ku mësohet se kanë investuar fitimet e tyre të trafikut narkotik, në bizneset e ligjshme.

Magjistratura e Barit që ka kryer hetimet më të rëndësishme, është duke pritur prej kohësh ekstradimin e tyre, por deri tani asgjë nga autoritet shqiptare. Ndërkohë hetuesit italianë janë duke vazhduar punën e tyre për të zbuluar padronët e rinj shqiptarë të drogës.

Sipas policisë italiane ka ndodhur një ndryshim i përgjithshëm që konsiderohet një “rritje në cilësi” përsa i përket trafikut të drogës. Narkotrafikantët e Shqipërisë, të konsideruar “eksportuesit” kryesorë në Europë të heroinës tani tregtojnë dhe kokainën. Gjatë 10 viteve të fundit, DIA ka realizuar 10 operacione dhe ka hetuar mbi 400 persona.