TEMA ËSHTË:
JEZU KRISHTI ËSHTË ZOT. PERSONI I JEZU KRISHTI NË BIBLËN. LIDHUR ME KËTË MË DUKET SHUMË INTERESANTE EDHE TEMA E NJALLJES SË TIJ, NË BIBLËN.
Tema e njalljes në BESËLIDHJEN E RE.
1. JEZUSI,I PARËLINDURI NË MES TË VDEKURVE.
a) Preludet.
Jezusi nuk beson vetëm në ngjalljen e të drejtëve në ditën e fundit.
Ai e di se misteri i ngjalljes duhet të përurohet nga ai, të cilit Perëndia i ka dhënë sundimin e jetës e të vdekjes.
Ai e shfaq këtë fuqi që ka marrë nga Ati duke sjellë në jetë disa të vdekur për të cilët i ishin përgjëruar: bijën e Jairit (Mk 5,21-42), birin e vëjushës së Nainit (Lk 7,11-17), Lazrin, mikun e vet (Gjn 11).
Këto ngjallje që kujtojnë mrekullitë profetike, janë tashmë lajmërimin e ngjalljes së tij të mbuluar me vel, që do të jetë në rendi tërësisht të ndryshëm.
Ai shton aty parashikime të qarta: Biri i Njeriut duhet të vdes e të ngjallet ditën e tretë
[Mk 8,31: Atëherë filloi t’u shpjegojë se Birit të njeriut i duhet të pësojë shumë; se pleqtë, kryepriftërinjtë e skribët do ta përbuzin; se do të vritet dhe se do të ngjallet pas tri ditesh;
Mk 9,31: U thoshte: “Biri i Njeriut do t’u dorëzohet njerëzve e ata do ta vrasin, por kur ta kenë vrarë, ai do të ngjallet pas tri ditësh”;
Mk 10,34: e filloi t’u tregojë se çka do t’i ndodhë: “Qe se po ngjitemi në Jeruzalem e Biri i Njeriut do t’u dorëzohet kryepriftërinjve e skribëve. Ata do ta dënojnë me vdekje e do ta lëshojnë në duar të paganëve. Do ta vënë në lojë, do ta pështyjnë,do ta frushkullojnë e do ta vrasin. Por ai, pas tri ditësh, do të ngjallet”].
Sipas Mateut kjo është “shenja e Jonasit”: Biri i njeriut do të jetë tri ditë e tri netë në gjirin e tokës
[Mt 12,40: Ai u përgjigj:
Breznia e prapë dhe lavire shenjë kërkon! Shenjë tjetër s’do t’i jepet përveç shenjës së Jonës profet. Sikurse Jona qe në barkun e përbindëshit të detit tri ditë e tri net, ashtu edhe Biri i njeriut do të jetë në zemrën e tokës tri ditë e tri net].
Kjo është shenja e Tempullit: “Rrënjojeni këtë tempull dhe unë do ta ngre për tri ditë...”; por ai fliste për tempullin e trupit të vet” (Gjn 2,19vv).
Ky lajm për një ngjallje të të vdekurve mbetet i pakuptueshëm për vetë Dymbëdhjetët
[Mk 9,10: ndërsa po zbrisnin nga mali, Jezusi u urdhëroi që të mos i tregojnë askujt çka panë deri që Biri i njeriut të mos ngjallet prej së vdekuri. Ata e mbajtën porosinë, por njëri-tjetrin e pyesnin çka do të thotë ajo fjalë: të ngjallet prej se vdekuri?],
e aq më tepër për armiqtë e Jezusit që gjejnë shkak për të ruajtur varrin e tij
[Mt 27,63v: I thanë Pilatit: Zotëri, na ra në mend se ai gënjeshtar, sa ishte ende i gjallë, tha: “Pas tri ditësh do të ngjallem” Prandaj urdhëro të ruhet varri deri të tretën ditë, që të mos vijnë nxënësit e tij, ta vjedhin e t’i thonë popullit: U ngjall së vdekuri. E do të jetë gënjeshtra e fundit më e zezë se e para”].
Torrkerry
Postuar më parë nga buja_20
Krijoni Kontakt