Kryq e Tërthor

[illiriani]

(Mëkati)

duke munduar të bësh kryq
bëje trupin tënd
hap duart e ofroju vllaut

kryqi nuk të bën shqiptar

2.
varret tona
vërtet nuk kishin mermer
kishin nga dy kuja

po ja që edhe kujat mbijetuan
epitafet fallse karpatoide

nenat tona linden shumë fëmij
që dinin ku ishin kalbur kujat e eshtrat
sistemin e dy fëmijve
na diktuan armiqët se frigoheshin
nga bomba biologjike shqiptare

varret tona
vërtet nuk kishin mermer
kishin nga dy kuja

po kujat dhe eshtrat ishin tonat

e mermeret e tjerëve ishin të huaja
dhe të huaja janë sot në trojet e shqipes
edhe eshtrat e tyre të huaja

3.
termat -
anadollak e romak
nuk të bëjnë shqiptar

shqipja ka flatra prej flake

tej anadollakut e romakut
bëni kryq e bini shahadet

shqipja ka flatra prej flake

urata e mallkimi
u krijuan para profetëve
njeriu ra në gjunj
para bubullimës zonit të qiellit
uroj begatinë e tokës plleshmërinë
nga shirat e prajta
edhe -
mallkoi kuçedrat që zunë grykat e ujit
që i kthyen në vërshima gjaku

4.
epitafet e varreve tona
lexohen në sytë e fëmijve tanë
më mirë se në mermeret e huaja

lexohen në legjenda të gjalla
epitafet tona

5.
kot thua se flet shqip
kur shqipen e përthekon me kamca
zemra që rreh shqip
nuk thuret në kryqëzime të huaja

ka diçka të thellë të kaltër
si deti si qielli
deti e qielli një bojë kanë

një bojënjeri
shqiptar
shqipe e kaltrive

6.
terri i kryqëzimeve
nuk iu takon shqipeve
nëse mendon në shënjtëri
nxirre mbishkrimin e varrit të gjyshit
nëse në ty rrjedh gjaku i tij

ruaju varreve
se janë me shënja kohe
varret lypin nderim

çdo pllambëtoke jona
është varr -
epitafi je ti
mos të shëmbet dashuria e gjakut
ashtu si shëmben varret

mbi varret tona
përkunden djepat e fëmijve tanë

çdo pllambëtoke jona
është varr
edhe fole shqipje!

4.Kalendor, 2003

[illiriani]

SHQIPJA KA FLATRA PREJ FLAKE

flatra prej flake
shikime nga lartësitë
sheh edhe lëvizje minjsh edhe peshq nënujë
e nënujet siellen vorbullë
nga shtërzimet thahet vrushkulli e mbetet pigment kohe

nënujet siellen vorbullë

[xhulia]

Sa te bukuuuuuraaaa! Eee c'a nuk prodhon nje mendje e madhe...

[Zani]

4 kalendor!?
psssss....te jete kungull valle?

[illiriani]

Nezir Myrta / VDEKJE NDASIVE!


...s'dij
ç'po na ngjet nganjëherë
po bijmë pre e fjalës gati therror
edhe e dijmë se i duhemi njeritjetrit
si buka e uji
si buka kripa e zemra!

Ndasitë na tëhuajsuan tejmase
lum ai që i then ndasitë me fuqinë e fjalës
ato urrejnë fjalën - bashkim

vdekje ndasive -
në mes gjakut e gjuhës shqipe!

nganjëherë edhe grenxa shëron më shumë
se heterotipet e ilaçit që ngallë kompeksin e bukur
nganjëherë më i ëmbël është helmi i grenxës
se mjalti i fjalve kryq e tërthor
o ty ta pafsha hënën në ballë!

Vdekje ndasive në mes gjakut e gjuhës shqipe!

Hesht! Ti zani i zi që thrret në dy teha
bëhesh edhe më i ligë se je kur nuk e din zbulimin e zjarrit
edhe me shkrepsë në dorë
zjarri i fjalës ka një tjetër gjenetikë të gjallë
hieroglifi i parë i zjarrit është zanorja e parë
e ti mbetesh gojëhapur pas mijëra epokash
vetëm me shkrola gjarpërore!

Vdekje ndasive në mes gjakut e gjuhës shqipe!

(7.Kalendor, 2003)