Grupi i hakerëve nga Struga, deri më tani i kanë bërë dëm kompanisë në vlerë prej afro 20 000 euro dhe njëkohësisht ka penguar funksionimin e rrjetit social më të dashur të vizitorëve shqiptarë.
Hakerë të panjohur para 3 ditëve kanë sulmuar webfaqen më të vizituar shqiptare www.top.al. Pas disa hulumtimeve të bëra në lidhje me këtë çështje, mendohet se sulmuesit janë hakerë shqiptarë nga Struga.
Kjo faqe është regjistruar nga Demir Gajni, në bashkëpunim me kompaninë Estoniane për internet "Rate Solutions", e cila sot ka faqe të tilla në 30 vende të Evropës dhe me një tempo shumë të shpejtë, zgjerohet edhe në vende të tjera. "Kjo është e para herë që kemi një faqe të tipit të tillë në botën virtuale shqiptare." komenton Demir Gajni, drejtor i Top.al. "Deri më tani,shoqëria elektronike shqiptare ka shfrytëzuar faqe të mëdha në gjuhën angleze dhe gjuhë të tjera ndërkombëtare si Facebook.com ose Hi5.com. Unë jam shumë i kënaqur që më në fund, pas një pune dhe kontributi të madh, arritëm të ndërtojmë dhe zhvillojmë një faqe të stilit më modern për shfrytëzuesit shqiptarë të internetit mirëpo për fat të keq, që nga fillimi i zhvillimit të komunitetit shqiptar në këtë faqe, ne jemi ballafaquar me një sulm të madh kundër faqes sonë", sqaron Gajni.
Grupi i hakerëve deri më tani i kanë bërë dëm kompanisë në vlerë prej afro 20 000 euro dhe njëkohësisht ka penguar funksionimin e rrjetit social më të dashur të vizitorëve shqiptarë. Drejtuesit e webfaqes shqiptare dhe menaxherët nga Estonia lusin hakerët e panjohur të heqin dorë nga sulmet kompjuteristike (DDOS), pasi në këtë formë siç kanë bërë deri tani ata po dëmtojnë imazhin e shqiptarëve kudo në botë, e posaçërisht para drejtuesve të kompanisë bazë "Rate Solutions", të cilët edhe e kanë konfirmuar se bëhet fjalë për hakerë shqiptarë.
"Jemi të bindur dhe shpresojmë se së shpejti do të hasim në mirëkuptim që ky problem të zgjidhet në të mire të anëtarëve dhe qytetarëve tanë të cilët edhe me padurim e presin funksionimin e serishëm normal të faqes sonë www.top.al, e cila numëron një numër të madh të vizitorëve nga Shqipëria, Kosova, Maqedonia dhe kudo që jetojnë shqiptarët në bote." tha Demir Gajni.
Përgjigju Duke Cituar
Krijoni Kontakt