17 shkurt 2009 - 1 vjetori i shpalljes se Pavaresise se Kosoves

[Hard_Style]

Urime - Urime

[celyy]

Urime Festen te gjith atyre qe ndiejn veten Shqiptar.

[Kavir]

Pershendetja ime per kete dite mbareshqiptare eshte kenga çame:
Ne kte bote te madhe,
ndodhin mrekullite.
Njerezit le te ndahen,
BASHKOHEN nje dite!

[e panjohura]

Urime ditelindjen per shum vite Kosoveee, por ma mer mendja se gezimi nuk eshte i plote tek ata qe e ndjejn veten tamam Shqiptare, arsyet jane te shumta, duke nisur nga Mitrovica .. Gjithsesi Gezuar per shum mot

Lere qe jemi te ndar,por nuk pane te aresyeshme qe sot te i shmangen redukimeve,po na lan ne terr me ore te tera!Marri!

[D@mian]

Gezuar 1-vjetorin e Pavaresise.


Sa me shume njohje te reja dhe ne OKB me kembe te mbare kete vit!

[Albo]

Gezuar 10 vjetorin e clirimit te Kosoves dhe 1 vjetorin e shpalljes se pavaresise!

Ne jemi brezi i bekuar i shqiptareve pasi jemi ne qe po jetojme ne epoken e lirise. Dhjetra breza shqiptaresh para nesh luftuan, derdhen gjak, vuajten, sakrifikuan gjithcka ne menyre qe femijet, niperit e sterniperit e tyre sot te mund te jetonin te lire. Prandaj, ne kete pervjetor te pare te pavaresise, duhet jo thjeshte te gezoni, por te ngazelloheni kur te sillni nder mend se sa mijera shpirtra shqiptaresh para nesh nuk arriten dot ta shihnin kete dite. Gjithashtu, te gjithe duhet te jemi te pergjegjshem se pergjegjesia e brezit tone eshte te ruajme, mbrojme e kultivojme kete liri ne menyre qe femijet tane te mos shohin me flaket e tmerret e luftes por te rriten ne paqe e liri.

Nga ana tjeter, nuk duhet te kemi asnje iluzion qe pavaresia e Kosoves eshte ende e brishte, nuk eshte e materializuar, nuk eshte e institucionalizuar, ngelet ende shume pune per tu bere ne kete drejtim. Problemi me i madh i pavaresise se Kosoves nuk eshte njohja e shteteve te huaja, problemi me i madh eshte se shteti i ri i Kosoves ende nuk ka kontroll ne gjithe territorin e vendit, nuk gezon mbeshtetjen e plot nga gjithe elektorati shqiptar, dhe shteti i Kosoves nuk perfaqeson ende gjithe qytetaret e Kosoves, por vetem shumicen shqiptare. Sic e thashe ne kete forum edhe 1 vit me pare, sfida me e madhe per pavaresine e Kosoves do te jete integrimi i minoritetit serb ne Kosove ne jeten politike, ekonomike dhe shoqerore te vendit. Edhe pas nje vit, qeveria e Kosoves se bashku me EULEX kane bere shume pak progres ne kete drejtim.

Nje sfide tjeter per qeverine e institucionet e Kosoves eshte mbeshtetja e elektoratit shqiptar qe deri me sot eshte marre si e falur. Shqiptaret e Kosoves vertet dine te festojne e gezojne keto dite te shenuara, por nuk mund te genjehen me lugen bosh. Duan te shohin reforma konkrete, duan te shohin investime publike, hapjen e vendeve te punes, kreditimin e bizneseve te vogla, luften kunder korrupsionit ne administrate ne menyre qe te krijojne kushtet e nevojshme qe vete emigrantet kosovare ne bote te mund te kthehen ne vendlindje dhe te investojne kursimet e tyre, te investojne ne arsim ne menyre qe shteti me popullsine me te re ne moshe ne Evrope te terheqi vemendjen e investitoreve te huaj.

Populli i Kosoves nuk meriton nje pavaresi gjysmake, populli i Kosoves meriton nje pavaresi te plote, nje pavaresi qe nuk sjell vetem nje pavaresi ne leter, por sjell nje ndryshim te madh te ndjeshem ne jeten dhe mireqenien e gjithe banoreve te Kosoves nga viti ne vit.

"Pune pune nate e dite, qe te shohim pakez drite" thote Naim Frasheri, dhe kjo vlen per qeverine e Kosoves, kjo vlen per gjithe qytetaret e Kosoves, kjo vlen edhe per gjithe shqiptaret ne bote.

Albo

[Guri i Kuq]

Gezuar 10 vjetorin e clirimit te Kosoves dhe 1 vjetorin e shpalljes se pavaresise!

Ne jemi brezi i bekuar i shqiptareve pasi jemi ne qe po jetojme ne epoken e lirise. Dhjetra breza shqiptaresh para nesh luftuan, derdhen gjak, vuajten, sakrifikuan gjithcka ne menyre qe femijet, niperit e sterniperit e tyre sot te mund te jetonin te lire. Prandaj, ne kete pervjetor te pare te pavaresise, duhet jo thjeshte te gezoni, por te ngazelloheni kur te sillni nder mend se sa mijera shpirtra shqiptaresh para nesh nuk arriten dot ta shihnin kete dite. Gjithashtu, te gjithe duhet te jemi te pergjegjshem se pergjegjesia e brezit tone eshte te ruajme, mbrojme e kultivojme kete liri ne menyre qe femijet tane te mos shohin me flaket e tmerret e luftes por te rriten ne paqe e liri.

Nga ana tjeter, nuk duhet te kemi asnje iluzion qe pavaresia e Kosoves eshte ende e brishte, nuk eshte e materializuar, nuk eshte e institucionalizuar, ngelet ende shume pune per tu bere ne kete drejtim. Problemi me i madh i pavaresise se Kosoves nuk eshte njohja e shteteve te huaja, problemi me i madh eshte se shteti i ri i Kosoves ende nuk ka kontroll ne gjithe territorin e vendit, nuk gezon mbeshtetjen e plot nga gjithe elektorati shqiptar, dhe shteti i Kosoves nuk perfaqeson ende gjithe qytetaret e Kosoves, por vetem shumicen shqiptare. Sic e thashe ne kete forum edhe 1 vit me pare, sfida me e madhe per pavaresine e Kosoves do te jete integrimi i minoritetit serb ne Kosove ne jeten politike, ekonomike dhe shoqerore te vendit. Edhe pas nje vit, qeveria e Kosoves se bashku me EULEX kane bere shume pak progres ne kete drejtim.

Nje sfide tjeter per qeverine e institucionet e Kosoves eshte mbeshtetja e elektoratit shqiptar qe deri me sot eshte marre si e falur. Shqiptaret e Kosoves vertet dine te festojne e gezojne keto dite te shenuara, por nuk mund te genjehen me lugen bosh. Duan te shohin reforma konkrete, duan te shohin investime publike, hapjen e vendeve te punes, kreditimin e bizneseve te vogla, luften kunder korrupsionit ne administrate ne menyre qe te krijojne kushtet e nevojshme qe vete emigrantet kosovare ne bote te mund te kthehen ne vendlindje dhe te investojne kursimet e tyre, te investojne ne arsim ne menyre qe shteti me popullsine me te re ne moshe ne Evrope te terheqi vemendjen e investitoreve te huaj.

Populli i Kosoves nuk meriton nje pavaresi gjysmake, populli i Kosoves meriton nje pavaresi te plote, nje pavaresi qe nuk sjell vetem nje pavaresi ne leter, por sjell nje ndryshim te madh te ndjeshem ne jeten dhe mireqenien e gjithe banoreve te Kosoves nga viti ne vit."Pune pune nate e dite, qe te shohim pakez drite" thote Naim Frasheri, dhe kjo vlen per qeverine e Kosoves, kjo vlen per gjithe qytetaret e Kosoves, kjo vlen edhe per gjithe shqiptaret ne bote.

Albo

----------
Kosova është shtet në rend të parë falë këmbnguljes njëqindvjeçare të shqiptarëve të cilët kurr nuk e pranuan coptimin e Shqipërisë në fillimtë shek.20-të.
Shteti i Kosovës ka mbështetjen e gjithë shqiptarëve dhe të shumicës së pakicave,përveçë pakicës serbe e cila në çdo variantë nuk është e vullnetshme të pranojë realitetin e ri.Kryeneqësinë e saj e ushqen idea e Serbisë imperiale dhe pansllaviste,ide kjo që mohon dhe e konteston edhe shtetin aktual shqiptar tash e njëqind vjet.
Droj se problemi i veriut është pasojë edhe e pikëpamjeve të ideologëve të tipit Qosja me shokë,të cilët haptazi janë deklaruar për ndarje të veriut të Kosovës.Pinjollët e Qosjes janë aktualisht pushtet ,aqë sa mund të kenë pushtet shqiptarët në kushtet e një protektorati të dyfisht,ishin edhe me 1999 dhe ....
Jam dakort me pjesen tjetër,sidomos ate të nënvizuar.

[KILI MERTURI]

Si gjithmonë ata që mendojn drejt dhe realisht , kritikohen dhe shahen, kjo tani vetëm na është bërë traditë.

Qosja , jo që ishte për ndarje , por ku pa realitein dhe gjithashtu pa se cfarë të ardhme jemi duke hyrë , pat thënë se një ide e dhënies 10% të Kosoves shkijeve do të lironte pjesën tjetër të teritorit të jet e lirë , pra 90% e Kosoves e lirë.

Disa e dinë se kur u vizatuan kufit e Kosoves ka pas lëvizje të tilla që Kosova Lindore mbeti jasht , e u fut Leposaviqi , dihet kjo me qëllim që të ket përzierje të popullsisë dhe të båhet mëi leht kolonizimi.

Qosja deshi vetëm ta kthej Kosven në kufijt e saj të vërtet . Me lëvizje kufijsh në veri , lëvizet edhe në lindje.

Shtrohet pyetja : A është më mirë një Kosovë 90% e lirë e 10% e okupuar , apo 100% e okupuar sic është sot. Kosva është peng i 5% të populltes shkije . Cdo gjë që po ndodh në Kosvë po bëht sipas qefit të kësaj pakise .
Të përmendi vetëm: Kushtetuten, 6-pikëshin , flamurin ,,hymnin , planprogramet edukativo-arsimore . A po don mo?!!!

Unë do të nihesha shumë më mirë në 90% shqiptre , se sa kështu si jemi sot. Pastaj natyrish edhe Kosva Lindore të integrohet ne pjesen natyrore të vet. Nuk ka më mirë.

Njerzit duhet të logjikojn pak para se të shkruajn për mendimet e dikuj tjetër, sidomos duhet të paraqite e tër idea e të përmendurit.

Aktualish , pushteti i Kosves nuk ka kurfar lidhje me Qosjen.
A nuk po të shofin sytë ku po shkojn për nderime këta a, te rugoviqi , më së largu dje!

Kili

SHQIPËRIA ETNIKE ËSHTË GJAKU IM QË NUK FALET

[Llapi]

Uizner: SHBA-të janë të vendosura të garantojnë suksesin shtetëror të Kosovës

Mitrovica nuk ka rrugë tjetër që mund të ndjekë. Në qoftë se Kosova vetë është një shoqëri e fortë dinamike, gradualisht barrierat mes pjesës veriore të qytetit dhe asaj jugore do të zhduken. “Një integrim funksional do të ndodhë”, thotë Uizner.
Uizner: SHBA-të janë të vendosura të garantojnë suksesin shtetëror të Kosovës

Frenk Uizner, ish përfaqësuesi amerikan për bisedimet për statusin e Kosovës thotë se viti i parë i pavarësisë së Kosovës ka qenë i suksesshëm, pothuajse në çdo aspekt. Ambasadori Uizner thekson rëndësinë parësore për suksesin e mëtejshëm të shtetit më të ri të Evropës, për sot dhe për të ardhmen, e ka ekonomia e vendit. Ai beson se edhe komuniteti ndërkombëtar, e më shumë se ai, qytetarët e Kosovës kanë shumë arsye për të qenë të kënaqur me arritjet e deritanishme.

Ekonomia mbi të gjitha

“Paqja është ruajtur dhe marrëdhëniet miqësore mes grupeve etnike kanë qenë përvoja e këtyre 12 muajve në të gjithë territorin. Krahas këtyre Kosova arriti të ketë Kushtetutën e saj, janë ngritur ministritë e saj, institucionet e sigurisë publike, programet e ndihmës nga jashtë janë strukturuar, EULEX-i ndodhet në vend dhe po vepron, Kosova ka hyrë në komunitetin ndërkombëtar e njohur në Evropë, në Amerikën e Veriut dhe përtej”, thotë Uizner, që sipas tij, është një fillim shumë i mirë, por ende mbetet mjaft për t’u bërë.

Ai thotë se institucionet duhet ta përqendrojnë punën tek ekonomia. “Gjendja e ekonomisë botërore është e vështirë. Kosova do të jetë nën një presion të madh, prandaj do të jetë e rëndësishme të krijohen vende pune brenda Kosovës, për t’iu hequr një pjesë të barrës punëtorëve të vendit. Do të jetë po ashtu e rëndësishme që të vazhdojë procesi i privatizimit, të sigurohet energji, të negociohen kontrata për energji, të rindërtohet KEK-ut, të përfundohet infrastruktura rrugore, në mënyrë që Kosova të zërë vend në qendër të ekonomisë rajonale, duke dhënë kontributin e saj dhe në të njëjtën kohë të krijojë vende pune për qytetarët e saj. Pra strategjia duhet të jetë ekonomia, edhe një herë ekonomia dhe përsëri ekonomia”, thotë Uizner. Ai në një intervistë për Zërin e Amerikës, thotë se duhet të luftohet dhe të dekurajohet korrupsioni, të ndëshkohet krimi. “Këto janë fusha që do të ndikojnë në pranimin eventual të Kosovës në Bashkimin Evropian, që është me shumë rëndësi për të ardhmen e saj”, thotë ambasadori.

E ardhmja ekonomike më e rëndësishme se e veriut

Uziner, thotë se e ardhmja ekonomike është më e rëndësishme se sa e ardhmja e veriut. “Me bindjen time më të thellë, them se ndërtimi i të ardhmes ekonomike të Kosovës, siç u shpreha më parë, është një sfidë edhe më e madhe se sa çështja e të ardhmes së veriut të Mitrovicës dhe integrimit të refugjatëve serbë. Këto janë probleme të rëndësishme me të cilat udhëheqja kosovare duhet të merret, por për momentin nuk ka mbetur shumë për t’u bërë për sa i përket Mitrovicës. Mitrovica nuk ka rrugë tjetër që mund të ndjekë, por në qoftë se Kosova vetë është një shoqëri e fortë dinamike, gradualisht barrierat mes pjesës së qytetet në veri të Lumit Ibër dhe pjesës në jug të tij do të zhduken. Një integrim funksional do të ndodhë, por kjo varet në një masë të madhe nga suksesi i jugut”, thotë Uizner, duke përsëritur sërish se ekonomia duhet të jetë preokupim kryesor. Diplomati amerikan thotë se SHBA-të janë të vendosura që ta garantojnë të ardhmen e Kosovës si shtet. “Ne kemi qëndruar krah për krah me të, ne e kemi ndjekur atë gjatë procesit të pavarësisë dhe ne jemi të vendosur për të garantuar që ajo të jetë e suksesshme si shtet. Interesi jonë është që i gjithë Ballkani të jetë një rajon i qëndrueshëm. Shtetet e Bashkuara kanë dhënë një ndihmesë të madhe për të sjellë zhvillimet në stadin e tanishëm. Ekzistojnë kërcënime ndaj paqes, që janë të dukshme në Bosnje, por mbetet ende punë për t’u bërë në drejtim të stabilizimit të mëtejshëm të rajonit. Ne do të vazhdojmë angazhimin tonë”, thotë Uizner, duke përsëritur se e njëjta politikë ndaj Kosovës do të vazhdojë edhe nën Presidentin Obama, ndërsa populli i Kosovës do të “përfitojë nga qëndrimi miqësor dhe dashamirës i Amerikës”.

Ish ndërmjetësi amerikan në bisedimet për Kosovën nuk e fsheh gëzimin personal për pavarësinë e Kosovës, të cilën e sheh si rezultat të sakrificës dhe vuajtjeve të gjata të shqiptarëve. “Personalisht mund të shprehem me një fjalë: Gëzim i pamasë. Jam tejet i kënaqur që populli i Kosovës pas brezash të tërë vështirësish të mëdha ka dalë më vete, është i aftë të shprehë vetveten dhe të ketë identitetin e tij, të gëzojë liritë, liritë që na ka dhënë Zoti e që ne të gjithë gëzojmë. Të shikosh materializimin e kësaj, të shikosh një vit lirie nga sundimi i huaj, prandaj jam i lumtur për Kosovën”, thotë Uizner, që pranon se realizimi i pavarësisë së Kosovës është një prej arritjeve më të mëdha në karrierën e tij diplomatike.

[Rina_87]

Dje ka qene nje dite madheshtore ne Pr. Ajo qe kam mbajt ne mend ishte nje fjali e Kupës (Jakup Krasniqit) tu Kosoves ne fjalimin qe mbajti ne seancen solemne te Parlamentit kur tha: sot e festojme diten e pavaresise se shtetit me te ri ne bote, i perbere nga populli me i lashte ne Evrope. Fjali domethenese.

Per hajer na qofte!