17 shkurt 2009 - 1 vjetori i shpalljes se Pavaresise se Kosoves

[iliria e para]

Oj Kosova e cliruar
edhe pse e cunguar
Pas sa shekujsh gezon lirine
sot feston Pavarsine

GËZUAR KOSOVË!

[iliria e para]

Harrova te them se jam duke par ndeshjen(drejperdrejte nga Prishtina) ne mes te Prishtines dhe Dinamos(Tirane), dhe nuk shoh flamur tjeter pervec kuq e zi...Pra eshte fjala per publikun

[Tulipani Zi]

Gezuar Nentorin e Trete te Shqiperise!

Nentori i Trete nuk ka ardhur ende. Do te vije kur te bashkohemi pergjithmone e gjithe Shqiptaret ne trojet e tyre etnike te jetojne brenda nje kufiri. Deri atehere perpjekja vazhdon.

Gezuar 1 vjetorin Kosova Jone.

[MaDaBeR]

1 vit Pavarësi. Liderët: Kosova me sfida të reja

PRISHTINE-

“Shëtitja e Lirisë", Tirana përshëndet përvjetorin e parë të pavarësisë së Kosovës

Ora 14:00-Bashkia e Tiranës, me rastin e 1 vjetorit të shpalljes së Pavarësisë së Kosovës, fton të gjithë qytetarët në ecjen paqësore "Shëtitja e Lirisë" përgjatë bulevardit ''Dëshmorët e Kombit.''
Ky aktivitet pason atë të zhvilluar një vit më parë në ditën e shumë pritur për të gjithë shqiptarët, 17 shkurtin 2008, ditën e shpalljes së pavarësisë së Kosovës.

Edi Rama: Shteti i Kosovës mrekulli e shekullit të XXI

Ora 13:00-Kryetari i partisë më të madhe opozitare në Shqipëri, Edi Rama përshëndeti sot një vjetorin e shpalljes së pavarësisë së Kosovës. Në një konferencë të posaçme për shtyp, kryesocialisti Rama tha se “shteti i Kosovës është një mrekulli ie shekullit të 21”. Sipas Ramës ëndrra që dukej e pamundur u bë realitet vetëm një vit më parë. Kryesocialisti vlerësoi maksimalisht figurat e liderëve kosovarë në drejtimin e shtetit të ri. Sot një vit më pas, sipas Ramës, Kosova është duke ndërtuar rrugën drejt BE-së. “Për këtë arsye, Kosova po punon për institucionedemokratike dhe po drejtohet me sukses nga Kryeministri Thaci e me urtësi nga Presidenti Sejdiu.
Në emër të PS-së, Rama falënderoi SHBA, BE e partnerë të tjerë ndërkombëtarë të Kosovësqë ndihmuan shtetin e ri. Rama shprehu besimin se Shqipëria do jetë e bashkuar me Kosovën sa u përket aspiratave të njëjta sic është integrimi dhe interesa të tjera të Kosovës.

Haradinaj uron popullin, kritikon institucionet

Ora 12:30-Kryetari i Aleancës për Ardhmerinë e Kosovës, Ramush Haradinaj i ka uruar qytetarët e Kosovës, me rastin e njëvjetorit të pavarësisë.
Në urimin e tij, Haradinaj e ka cilësuar 17 shkurtin si ditëlindjen tonë e përbashkët, si qytetarë të shtetit të Kosovës. Megjithatë, i pari i AAK-së as kësaj radhe nuk i ka kursyer kritikat për udhëheqësit institucional të Kosovës, duke i akuzuar ata se po e shndërrojnë shtetin në pronë private.

“Nuk mund të jemi ne rehat, kur jemi dëshmitarë të shndërrimit të shtetit në pronë private të një udhëheqësie, e cila dëshiron të monopolizojë të gjitha të mirat që i kemi trashëguar, të gjithë historinë tonë dhe ardhmërinë tonë, dhe e cila e ka transformuar pushtetin në një korrupsion të organizuar”, ka potencuar Haradinaj.

Ambasadorët urojnë Pavarësinë e Kosovës

Ora 12:05-Ambasadorët e vendeve të Quintit në Prishtinë kanë uruar presidentin Sejdiu dhe popullin e Kosovës në përvjetorin e pavarësisë së Kosovës. Sejdiu i ka pritur me shampanjë ambasadorët të cilët i kanë përsëritur mbështetje shtetit të ri. Në takim i pranishëm ishte edhe Përfaqësuesit Civil Ndërkombëtar, Pieter Feith. “Ne do të jemi të sigurt me mbështetjen tuaj karshi provokimeve që na vijnë” u ka thënë presidenti, Fatmir Sejdiu ambasadorët e vendeve të Quintit. Ai ka thënë se Kosova do të jetë shtet demokratik i gjithë qytetarëve e më një kujdes të veçantë për komunitetet. Edhe Kryeministri Thaçi ka falënderuar shtetet e Quintit për ndihmën që kanë dhënë gjatë këtyre viteve

Thaci: Sot kemi sfidë ndërtimin e vendit

Ora 12:00-Kryeministri i Kosovës Hashim Thaci me rastin e 1 vjetorit të pavarësisë së Kosovës përshëndeti këtë ditë të madhe dhe garantoi se tani shtrohet përpara sfida më e madhe për popullin kosovar, ndërtimi i vendit.
”Viti ynë i parë ishte vit i krenarisë. Cdo qytetar ka hisen e pavarësisë së Kosovës. Sot festohet në cdo familje, kudo dhe në diasporë. Festa tejkalon kufijtë e Republikës sonë. Të gjithë punojmë por qëllimin e kemi të përbashkët; të ndërtojmë një Kosovë më të mirë.”
Kryeministri kujtoi se shteti i ri është njohura zyrtarisht nga 54 shtete të botës dhe pret që në muajt e ardhshëm të njihet nga shumë të tjera. Në këtë kuadër kryeministri garantoi se “shumë shpejt Kosova do të njihet nga e gjithë bota dhe do të bëhet anëtare me të drejta të plota e organizatave ndërkombëtare, BB e FMN”. ”Kosova ecën e sigurt për integrimin në NATO dhe BE”.

Kreu i qeverisë bëri me dije se kabineti i tij nga dita e pavarësisë ka punuar duke shënuar një vit plot suksese.
”Viti që lamë pas, ishte viti i suksesit historik. U punua për decentralizimin e institucioneve të Kosovës. Duke punuar themi se s’ka sfidë që nuk mund t’ia dalim, rritja ekonimike, 6%. Përvjetorin e parë e shënojmë me shumë vende të reja pune, me e sigurt për biznesin vendas e të huaj. U arrit standard më i lartë jetese”, tha Thaci duke kujtuar se Kosova e ka merituar pavarësinë.

Në kuadër të sakrificave që janë bërë për ditën e madhe të pavarësisë, Thaci shprehu falënderim për qytetarët kosovarë dhe ndërkombëtarët që i dhanë Kosovës lirinë. Thaci theksoi se dita e sotme është vetëm për tu festuar nga një shoqëri shumetnike sic është ajo e Kosovës.
”Sot të gjithë kemi ditëlindjen, respktojmë të kaluarën tonë, shënojmë festën e lirisë në një shoqëri shumetnike”, tha kryeministri në fjalën e tij përshëndetëse me rastin e ditës së pavarësisë së Kosovës.

Presidenti Sejdiu: Serbia po lufton realitetin e ri

Ora 11: 40 Presidenti i Republikës së Kosovës Fatmir Sejdiu ftoi serbët të bashkëpunojnë për të forcuar shtetin e Kosovës. Në fjalën e rastit para deputetëve të Kosovës, me rastin e përvjetorit të Pavarësisë Presidenti Sejdiu tha se Kosova tashmë prej një viti po punon si shtet i pavarur me simbolet e veta, Kushtetutën, Forcën e Sigurisë dhe Shërbimin e Inteligjencës së saj.

“Ne sot jemi krenar për atë që bënë pararadhësit tanë dhe jemi me fat që na takoi të punojmë në pavarësi. Para një vit u realizua projekti që simbolizon edhe emrat e Ibrahim Rugovës dhe Adem Jasharit.. Qytetarët kanë një vit që marrin përgjegjësit dhe detyrimet që bën cdo shtet i pavarur”
Më pas Presidenti Sejdiu faledneroi të gjithë shtetet që kanë njohur pavarësinë e Kosovës duke vlerësuar në veçanti marrëdhëniet e mira me fqinjët, si Maqedonia e Malin e Zi.
Më tej presidenti Sejdiu akuzoi Beogradin se po përpiqet të destabilizojë Kosovën. “Serbia jo se nuk pranon realitetin por po e lufton atë, me tendencën për të na destabiluzar në disa pjesë të Kosovës. Politika destabilizuese e Beogradit nuk ndihmon as serbët dhe as ne”

Presidenti kosovar dha garanci se institucionet e Kosovës po punojnë cdo ditë që Kosova të bëhet pjesë integruese e NATO-s, dhe falënderoi OKB-në, KFOR, SHBA dhe BE për rolin që kanë luajtuar në Kosovë.
Kreu i shtetit më të ri në botë mbylli fjalimin me urimin “Zoti bekoftë Kosovën, dhe të gjithë miqtë e saj ndërkombëtarë"

Krasniqi: Kosova e pavarur sepse kishte ardhur koha!

Ora 11:30-Kryeparlamentari kosovar, Jakup Krasniqi kujtoi ne seancen solemne te Kuvendit se "si sot një vit më parë Kosova shpalli ndarjen nga Serbia dhe lindi si shteti më i ri". Krasniqi falënderoi kontributin e gjithë brezave kosovarë që ndihmuan për këtë proces të rëndësishëm dhe botën demokratike që mbështeti vazhdimisht kosovarët. “Para një viti në këtë sallë e shpallëm pavarësinë e Kosovës, lindja e shtetit më të ri të Europës e popullit më të vjetër të saj”. Sipas Krasniqit, pavarësia ishte e domosdoshme pasi Jugosllavia ishte shpërbërë, populli kishte shprehur vazhdimisht vullnetin e tij për liri dhe se kishe ardhur koha e vendosjes së drejtësisë. Krasniqi kujtoi në fjalimin e tij përshëndetës jetën që dhuruan për liri dëshmorë të saj si Adem Jashari që sic theksoi kryeparlamentari dha jetën në themelet e shtetit të ri.
Kryetari i Parlamentit të Kosovës theksoi se “në këtë ditë, falënderimi i parë i shkon të gjitha brezave që kontribuan për lirinë e vendit” si dhe u shprehu falënderim ndërkombëtarëve. “I shprehim falënderim botës demokratike, NATO-s, SHBA-ve, BE-ve.
Krasniqi në fund të fjalës së tij ftoi Serbinë të njohë pavarësinë e Kosovës dhe kjo për hir të komunitetit serb që jeton në Kosovës dhe atij shqiptar që vazhdon të jetojë në trojet serbe.
”Serbia të njohë pavarësinë e Kosovës. Ka ardhur koha që të vendosim epokën e bashkëpunimit dhe marrëdhënieve të mira mes dy vendeve”.

Nis seanca speciale e Kuvendit

Ora 11:10-Nen tingujt e himnit kombetar te Kosoves u hap seanca speciale e Kuvendit te Kosoves. Fjalen e mori i pari kryeparlamentari Jakup Krasniqi qe pershendeti 1 vjetorin e lindjse se shtetit te ri.

Rexhepi: Mitrovica do festoje e qete ditën e pavarësisë

Ora 11:00 Kryetari i komunës së Mitrovicës Bajram Rexhepi deklaron se janë marrë të gjitha masat për të siguruar rendin dhe qetësinë, sot në ditën e pavarësisë së Kosovës.
“Me KFOR, EULEX dhe policia e Kosovës dhe të gjitha strukturat komunale janë ndërmarrë të gjitha hapat. Kemi festuar në mënyrë dinjitoze edhe ditën e pavarisë një vit më parë në mënyrë dinjitoze do festojmë edhe këtë vit”- tha Bajram Rexhepi në një intervistë për radio Kosovën


Zveçan, serbët do shpallin te pavlefshme pavarësinë

Ora 10-30-Delegatët e Bashkësisë së komunave të banuara me serbë, do të mbajnë sot në Zveçan një mbledhje, në të cilën pritet miratimi i një deklarate, me të cilën pavarësia e Kosovës, shpallet e njëanshme dhe jo e vlefshme.

Në Zveçan sot udhëtojnë edhe deputetët e Kuvendit të Serbisë dhe disa ministra të Qeverisë serbe, si kundërpërgjigje për festimet, që po zhvillohen në pjesën tjetër të Kosovës, me rastin e njëvjetorit të pavarësisë.

Policia bllokon qarkullimin e makinave në disa rrugë

Ora 10:00-Përmes një komunikate për shtyp Policia Rajonale Prishtinë ka njoftuar se duke marrë parasysh paralajmërimet lidhur me aktivitetet e shumta që do të zhvillohen me rastin e kremtimit të përvjetorit të parë të shpalljes së pavarësisë së vendit, të martën – me 17 shkurt 2009, në Prishtinë do të jenë të bllokuar për qarkullimin e automjeteve disa segmente rrugore.
Me qëllim të mundësimit të zhvillimit të këtyre aktiviteteve që nga ora 08:00 e datës 17/02/2009 do të bllokohet trajektorja që lidhë rrugët :

Rruga “Nënë Tereza” nga semaforët kryesorë deri tek Hotel Grandi;

Rruga “Garibaldi” deri tek kryqëzimi me rrugën “Luan Haradinaj”;

Rruga “Luan Haradinaj” deri tek kryqëzimi me rrugën “Migjeni”;

Rruga “Migjeni” deri tek kryqëzimi me rrugën e UÇK-së, si dhe,
varësisht nga rrjedha e aktiviteteve mbetet në alternativë edhe bllokimi i rrugës së UÇK-se deri te rrethi tek Gjykata e Qarkut.

Madje policia kërkon mirëkuptimin e qytetarëve që në këtë ditë të shënuar të mos përdorin maksimalisht makinat.

Pavarësia e Kosovës, mijëra vetë drejt Prishtinës

Ora 08:35-Qyteti verior i Kukësit u kthye dje në një stacion të mbipopulluar festiv nga qindra banorë nga i gjithë vendi, që kishin marrë rrugën drejt Kosovës për të festuar njëvjetorin e Pavarësisë. Dhjetëra autobusë, furgonë e makina të ndryshme, erdhën në këtë qytet për të festuar disa orë e për t'u nisur më pas drejt pikës së kalimit kufitar të Morinit. Në morinë e automjeteve binin në sy targa të Sarandës, Vlorës, Përmetit, Tiranës, Durrësit, Shkodrës, Delvinës, etj. "Nuk mund të rrinim pa u mbledhur një herë këtu në Kukës e të bëjmë një festë të vogël, pasi Kukësi së pari, e gjithë Shqipëria, hapën dyert e dhanë sa mundën për lirinë e Kosovës", - pohon 65-vjeçari N.Habilaj, nga Vlora. Rreth mesditës, grupe fëmijësh të veshur me kostume popullore e me flamuj kombëtarë, u bënë epiqendra e një manifestimi festiv spontan në sheshin e qytetit, ku u grumbulluan qindra njerëz. Vonë, në autokolonë. festuesit u nisën drejt Kosovës, ndërsa policia që i shoqëronte kishte marrë të gjitha masat e sigurisë.

Kosova 1 vit e pavarur, Prishtina në festë

Ora 07:00-Më shumë se një mijë shqiptarë të Kosovës janë mbledhur që në orët e para të ditës së sotme në qendër të Prishtinës për të festuar një vjetorin e pavaresisë. Me flamuj kosovarë dhe amerikanë, turmat brohorsnin dhe përshendesnin kalimtarët dhe drejtuesit e mjeteve. Ndërsa sot në mëngjes rrugët e Prishtinës ishin të zbukuruar me flamujt e të gjitha shteteve që deri tani kanë njohur Kosovën. Gazetat kosovare sot kishin hapur faqet e para me festimet e pavarësisë së Kosovës.

Të shumte janë edhe kosovarët të cilët jetojnë në emigrim dhe që janë kthyer për të festuar në vendin e tyre të lindjes.

Institucionet e larta të Kosovës i bëjnë apel qytetarëve për qetësi. “I bëjmë apel qytetarëve për një festë solemne, të qetë dhe të hijshme” – deklaroi zv kryeministri Ramë Manaj një ditë para 17 shkurtit- duke shtuar se – Kosova dhe institucionet e tjera të Kosovës kanë ndërmarrë të gjitha masat e nevojshme të sigurisë për të gjitha festimet që kanë të bëjnë me përvjetorin e pavarësisë”- shtoi ai.

Si sot një vit më parë Parlamenti i Kosovës deklaroi pavarësinë nga Serbia, një lëvizje e cila mbylli kapitullin e ish-
Republikës Jugosllave duke u bërë dhe shteti më i ri i botës. Kosova njihet nga 54 shtete, mes te cilave Shtetet e Bashkuara të Amerikës, Japonia dhe të gjithë vendet e BE, përvec 5 prej tyre, por pavarësia kundërshtohet nga Serbia dhe Rusia, India dhe Kina.

Qe nga ajo dite Kosova ka flamurin e saj, Kushtetutën, himnin, pasaportat, kartat e identitetit, shërbimin inteligjent si dhe ka hapur 18 ambasada pjesa më e madhe të cilave në vendet perëndimore. Republika e Kosovës synon tashmë që t’i bashkohet Fondit Monetar Ndërkombëtar dhe Bankës Botërore, megjithatë Serbia dhe Rusia po përpiqen që ta pengojnë anëtarësimin e Kosovës në institucionet ndërkombëtare.

Filatelia e Kosovës lancoi dy pulla postare me temën “Përvjetori i Pavarësisë”. Pullat përmbajnë deklaratën e pavarësisë dhe flamurin e Kosovës dhe i dedikohen të gjithë atyre që kontribuan për çlirimin, sendërtimin dhe shpalljen e pavarësisë.

Axhenda
Sipas programit për festimin e Ditës së Pavarësisë, të hartuar nga Qeveria, Kuvendi dhe Presidenca, sot më 17 shkurt, në orën 11:00 do të mbahet një mbledhje solemne e Kuvendit të Republikës. Me këtë rast do t'i adresohen Kuvendit dhe qytetarëve, presidenti, kryeministri, edhe kryeparlamentari. Në mesditë do të jetë një tubim me nxënësit dhe për të gjithë qytetarët dhe është titulluar "Ecja në pavarësi".

Ndërkaq në orën 18.00 do të shfaqet një koncert i Filarmonisë së Kosovës, nën përkujdesjen e Qeverisë së Republikës së Kosovës. Në orën 21.00 do të organizohet një koncert madhështor në Prishtinë, por edhe në qytete tjera të Kosovës.

Në orën 22.00 është parashikuar ndezja e fishekzjarreve, në kryeqytet, por edhe në të gjitha qytetet e Republikës së Kosovës. Ky organizim do të bëhet nën protokollin e shtetit dhe një komisioni ndërministror të cilin e përbëjnë zëvendëskryeministrat Hajredin Kuçi dhe Ramë Manaj, ministrat Enver Hoxha, Valton Beqiri, Ahmet Shala. Për mbulimin e këtyre aktiviteteve Qeveria e Kosovës ka ndarë nga buxheti, një shumë prej 150 mijë eurosh.
MItrovice
Radio serbe B92 bëri të ditur të dielën se një grup deputetësh serbë do të udhëtojnë sot nga Beogradi në veri të Kosovës, në Zvecan e cila kontrollohet nga Serbia për të organizuar një sesion të tyre parlamentar.
“Cdo provokim që mund të ndodhë në Kosovë- vecanërisht në pjesën veriore- do të përballet me reagimin e policisë- shtoi dje zv. Kryeministri kosovar.

BalkanWeb

[tregukosovar]

une nga stafi tregukosovar
ju urojme satfit forumi shqiptar nje vjetorin e pavarsis
gjithashtu edhe shqiptareve ne kosove e an e mban botes

pershendetje edhe urime
www.tregukosovar.com

[gjergj arianiti]

Gezuar festen e pavaresise gjithe shqiptareve te kosoves dhe uroj se shpejti te bashkuar me memedheun.

[loti_lena]

te mendosh se per nje vite do te behen mrekulli,eshte e kot.Disa prej nesh kemi menduar se me shpalljen e pavaresis se Kosoves do te zgjidhen te gjitha problemet.Por duhet te ndalemi dhe te mendojm me koke jo me emocione te shprehemI se >lideret tane nuk kane bere kete ose ate pune.Per mendimin tim te arritura ka por ,ka edhe shume ngecje,sidomos ne trajtimin e njerezve qe jetojn ne varferi te skajshme,pastaj shendetesia dhe me se shumti e qe eshte me e rendesishmja problemi i Mitrovices.Aty ka ngecur sepse ne ashtu po duam.S e po te donim do ta zgjidhnim aq shpejt sa qe nuk do te shiheshim fare.Por ,me gjithe ate i kemi zgjedhur lideret te na udheheqin dhe duhet te presim me shume nga ata ,URIME PRA 1 VJETORI I SHTETIT ME TE RI NE BOTE.

[Dar_di]

Ese kushtuar Pavarësisë së Kosovës


Mozaiku i zemrave të qeshura

“Fjalët janë të paafta e memece për ta shprehur gëzimin për momentin madhështor të Shpalljes së Pavarësisë së Kosovës”. Kështu ishte shprehur me admirim shkrimtari ynë i madh, Ismail Kadare.

Se si ishte ajo ditë për ne dhe mënyrën e përceptimit të saj nga ana jonë, do të përpiqemi të përshkruajmë emocionet dhe momentet më mbreslënëse të cilat i depozituam në kujtesë si një nga ngjarjet më të lumtura të jetës së kombit tonë.

Fytyrat e qeshura, fjalët përshëndetëse, mendjet e ndritura, shpirtërat e çiltër me duar të hapura, ishin nisur atë ditë drejt shesheve të zemrave të hareshme, që të ishin pjesë e një gjurme për një çast historik, ku secili dëshironte të zërë vend në Podiumin e Pavarësisë, e që ishte toka e Kosovës fisnike. Atë ditë të madhe, në të cilën po ngadhënjente e vërteta, u realizua dëshira e sinqertë e njerëzve të sakrifikuar dhe të drejtë, andaj edhe drejtësia po u buzëqeshte atyre. Mrekullia po ndodhte, e turmat e njerëzve nëpër fshatra e qytete, kishin filluar hapat e festimit të orëve të para të kanonizuara. I madh e i vogël, fëmijë e pleqë, burra e gra, djemë e vajza, të gjithë këta, me dashuri e mallëngjim i shprehnin fjalët “GËZUAR” e “URIME”, sot është fjala jonë, sepse ne e kemi rradhën tani. Çdokush ndiente thirrjen, kërkesën dhe peshën e fjalës PAVARËSI.

Shqiponja dykrenare, e trimëruar si gjithherë, i kishte hapur krahët në mes të flamurit kuq e zi dhe u thoshte bijëve e bijave të saj ,,ejani!, më përqafoni mua dhe unë të ju përkëdhel zemrat t`uaja të buta, ngase po e shoh gëzimin në sytë, fytyrat dhe gjuhët tuaja!” Ky zë behar e dashamirës, kishte bërë që gjithë shpirtërat e Tokës dhe Qiellit t`i përkuleshin përpara dhe ta nderonin si kurdoherë. Ajo u bënte grishje atyre për të festuar së bashku aktin e tillë historik, duke bërë kështu një kthesë të dashurisë për jetën.

Nënat buzëqeshnin, sepse kishin parë në ëndërr valimin e flamurit më parë, por nuk mund t`i ndërtonin ndjenjat e tyre apo edhe t`i pikturonin, e që tani erdhi çasti suprem, i cili nuk mund të vinte shumherë, dhe ajo ëndërr e tyre u bë realitet. E pabesueshme!- shpreheshin ato në pallatin e luleve me aromë të freskët, por që kundrimi i tyre ngjallte emocione, të cilat, në një mënyrë, për ato momente, me arsyetim, mund të ishin edhe të pakontrolluara.

Edhe qielli na kishte parë atë ditë, malet fërfëllenin nga era, duke shprehur kështu përshëndetjen dhe mirënjohjen e tyre për ëmbëlsinë e këtij epilogu. Lumenjtë ishin më të qetë se asnjëherë. Pra, gjithçka ishte në maje të piramidës së mrekullisë njerëzore, sepse po rilindte ajo që kishte vdekur më herët. Kjo ishte një rrugë e panjohur në fillim, e mundimshme, e sakrifikueshme, por që në fund u gjend edhe filli i saj i drejtë, që shpënte në drejtim të Panteonit të Pavarësisë. Ajo as nuk shikohej e as nuk prekej, por që ndihej në zemrat e njerëzve. E kuptonin se po lindte një emër i ri, që me vete kishte marrë edhe një epokë të re.

Turmat e dendura të njerëzve ecnin nëpër rrugët e mbuluara e të zbukuruara me buqeta flamujsh. Ata dukeshin sikur milingonat e shumta që shëtisin në territoret e tyre. Plaku i vyshkur sikur një kasolle e pushtuar prej plumbave, atë ditë shndriste me pamjen e tij të hareshme. Fytyra i buzëqeshte, gjuha nuk i ndalej së foluri, e këmbët i punonin sikur penda me të cilën poeti thurrë vargje dashurie. Në duart e tij të buta, ai mbante flamurin kombëtar, të cilin vazhdimisht e puthte, e përqafonte dhe e shtrëngonte me aq dashamirësi e dashuri saqë, nganjëherë,na kujtonte çastet e kthimit në familje të bijëve tanë që punojnë në mërgim. Ai tregonte se ishte aq i lumtur, gjë që nuk i kishte ndodhur asnjëherë më parë, dhe sikur i lutej Zotit që tani t`ia merrte jetën. Nuk ishte kjo një trimëri të cilën ai donte ta shfaqte, por një fund modest e i kërkuar nga jeta e tij. Mirëpo, plisi i ishte ende i bardhë dhe i qëndrueshëm ndaj çdo stuhie apo sfide të jetës. Një bindje paradoksale, por, sipas tij, ishte e pranueshme për kohën.

Fëmijët, këta filiza të ardhshëm, mjaft tërheqës si gjithmonë, ishin pjesë e kësaj ngjarjeje të madhërishme e të tejçmuar. Secili dukej ndryshe, i stolisur me ngjyra të shumta, por më të këndshmet ishin ato kuq e zi. Edhe pse pa ndonjë skenar paraprak, ata me sukses luanin rolin e tyre. Madje, shfrytëzonin çdo kënd, që me bukurinë e luleve të binin në sytë e njerëzve dhe kështu t`i japin ovacionin e pastërt kësaj magjie të jetës. Ishin të ndërgjegjshëm, ndoshta relativisht, për rëndësinë e këtij kapitulli të jetës së tyre, dhe me kërshëri të madhe e prisnin orën vendimtare të individualizimit të vendit tonë.

Sekondat e kujtesës historike kishin filluar të memorizoheshin tek kreatorët e këtij episodi. Me vëmendje të posaçme ndëgjohej leximi i magjistares së jetës. Pëlhura kishte filluar te çepej, kulmi i shtëpisë po perfundonte dhe pika e fundit po derdhej nga kupa. Panteoni dukej sikur një koleksion ngjyrash me njerëz nga të gjitha anët. Ndjenjat ishin të përziera. Trupi sa dridhej nga të ftohtit, një shtytje e tillë i vinte edhe nga emocionet. Sytë e njerëzve i ngjanin yjeve të natës, fytyrat kaltërsisë së qiellit, të hareshëm e mjaft të këndshëm dukeshin të gjithë. Ishin këto caste mbreslënëse, derisa një zë kumbues i PAVARËSISË jehoi në katër anët e botës. Kjo festë e përcjellur me përqafime, urime dhe përgëzime, u bë gjurmë e paharrueshme për çdokend. Ajo ditë e madhe ishte një Nëntor i Dytë për shqiptarët, një rikthim i dashurisë për jetën dhe një histori tjetër për Kosovën. Mbi të gjitha, kjo ishte një festë e përgjithshme, me kujtime të njejta, me emocione të përbashkëta.

Të gjitha këto rrëfime përbënin një mozaik të vogël i cili përshkruante zemrat e qeshura.

17.2.2008

[KILI MERTURI]

lapi , a i ki pi hapat sot?

Fol per teme o laperi i forumit.

Po nejse , se po lypi shumë për një debill si puna e tij.

Kili

SHQIPËRIA ETNIKE ËSHTË GJAKU IM QË NUK FALET!

[iliria e para]

Per Llapjanin dhe gjithe "llapjanet", u preferoj te shiqojne (nese nuk e kan bere kete)programin shqip, ku muaren pjese te rinjet nga gjthe tervat shqiptare...Ndoshta kan rast te degjojne ndonje gje qe ndoshta kan harruar.. Ka tri pjese
http://www.top-channel.tv/new/video.php?id=3753