17 shkurt 2009 - 1 vjetori i shpalljes se Pavaresise se Kosoves

[new-man]

Gëzuar Përvjetorin e Pavarësisë së KOSOVËS të gjithë Shqiptarëve...!!!



.

[new-man]

Happy Kosovo Independence Jubilee...!!!



.

[Solida]

po kosova sapo e ka festuar pavarsin e shum pritur e kosvarve.

[Dardanius]

festimet per Pavaresin e Kosoves

[Solida]

une si per vete jam qnak

[COB]

- Cilat jane disa prej arritjeve te shtetit te Kosoves ne kete vitin e fundit?

Arritja më e rëndësishme e Kosovës ishte shpallja e pavarësisë.Në vijim njohjet ndërkombëtare nga fuqitë e mëdha botërore si psh. SHBA,Anglia,Franca,Gjermania,Turqia.
E dyta miratimi dhe aplikimi i Kushtetutës së Republikës së Kosovës.


- Cilat jane disa prej deshtimeve te shtetit te Kosoves ne kete vitin e fundit?

Dështimet janë të shumta. Në fillim mos angazhimi i Ministrisë së jashtme Kosovare për lobim dhe prezentim të një Kosovës Paqëdashëse dhe Stabile. Pastaj Korrupcioni me shkallën më të lartë në Evropë. Trafikimi jashtëzakonisht I madh i materieve narkotike,gjithashtu dhe mos angazhimi total I qeverisë së Kosovës në Integrimin etnikor dhe krahinor të Veriut Kosovar. Në këtë pikpamje mund të vështrohet edhe mosrespektimi i pikës kufitare në Podujevë,pa marrë masa në kufirin shtetëror Kosovë-Serbi që shkaktoi Buxhet'it të Kosovës shuma të mëdha hollash etj...

- Cilat jane disa prej problemeve me imediate me te cilat perballet Kosova?

Kosova përballet me lobimin mjaf aktiv të Sërbisë dhe Rusisë në Arenën Ndërkombëtare,polifëtyrësinë e Serbëve që e urrejnë Josip Broz Tito'n, e që bllokojnë njohjen e Kosovës nga venden Arabo-Islamike në emër të tij.

Shkalla 40% e papunësisë është gjithashtu një problem mjaft serioz.Kualiteti i dobët i arsimimit,shëndetësisë dhe të tjerë.


- Cilat jane zgjidhjet qe ju sugjeroni per keto probleme?

Për Lobim të Kosovës është kot të pritet diqka nga SHBA'të.Ata kanë problemin e tyre mjaftë stërmadhe.Duhet të kemi mardhënie të mira me Turqinë dhe Pakistan'in gjë që mund të ndikojë shumë në njohjen e Kosovës si shtet të Pavarur dhe Sovran. Normalisht Angazhim Maksimal...

Për papunësinë,shkallën e ulët të arsimimit dhe shëndetësisë duhet të merren reforma radikale. Duhet të zgjedhim Liderin apo Lideren që në fillim synon pasurimin e Buxhetit të Kosovës,e jo Buxhetit të tyre personal e familjor.


- A ka ndryshuar pozitivisht mireqenia juaj dhe familjes suaj nga nje vit me pare?

Cdo vit që vjen, vjen me shpresa të mirënjohura,me shpresën e zhvillimit në të gjitha sektet e jetës private.

[kiniku]

Sa i perket te arriturave, vetem se eshte shtuar perqindja e atyre qe diten e kalojne me me pak se 1 euro e 20 centi ne dite. Eshte shtuar numri i te varferve. E di, tash do thoni se eshte krize globale.

(interesant, per cdo gje ka justifkim, per fat te keq ne Kosove ka shume te tille qe gelltisin keto justifikime).

Se sa te pashkolle jane Kosovaret dhe shembull qe ve ne pah mentalitetin e tyre prej skllavi, ja nje shembull: Me 16 shkurt, nje dite para pavarsise, bashke me gazete ditore vinte gratis nje liberth, nje album (nuk di si t'a quaj ndryshe), nje fletushke dikund 30 faqe, me leter te kualitetit te larte, me foto te politikanve tone dhe sukseset e arritura. Ne vend fabrikave, rrugeve, ndertesave, puntorive apo dic tjeter qe tregon se dicka po leviz, se dicka eshte punuar per kete vit, ne kete fletushke kishte foto te politkanve tone, te zgerdhire e me dhembet e palare, duke i shtrenguar duart me Bushin, Sarkozin e figura tjera botrore. Album personal.

Njerezit shikonin kete album e thonin "shiqo trimat tone, sa te menqur qe jane".

[KILI MERTURI]

kiniku, mbas të gjitha këtyre cafrë the, a është e udhës të urosh?!!!

Nejse.

Kili

SHQIPËRIA ETNIKE ËSHTË GJAKU IM QË NUK FALET!

[kiniku]

kiniku, mbas të gjitha këtyre cafrë the, a është e udhës të urosh?!!!

That is my friend, the right question.

Pergjigje te sakte mund te jap ndonjehere edhe i marri, mirpo, pytje intelegjente ben vetem njeriu i menqur.

[Llapi]

Sa i perket te arriturave, vetem se eshte shtuar perqindja e atyre qe diten e kalojne me me pak se 1 euro e 20 centi ne dite. Eshte shtuar numri i te varferve. E di, tash do thoni se eshte krize globale.

(interesant, per cdo gje ka justifkim, per fat te keq ne Kosove ka shume te tille qe gelltisin keto justifikime).

Se sa te pashkolle jane Kosovaret dhe shembull qe ve ne pah mentalitetin e tyre prej skllavi, ja nje shembull: Me 16 shkurt, nje dite para pavarsise, bashke me gazete ditore vinte gratis nje liberth, nje album (nuk di si t'a quaj ndryshe), nje fletushke dikund 30 faqe, me leter te kualitetit te larte, me foto te politikanve tone dhe sukseset e arritura. Ne vend fabrikave, rrugeve, ndertesave, puntorive apo dic tjeter qe tregon se dicka po leviz, se dicka eshte punuar per kete vit, ne kete fletushke kishte foto te politkanve tone, te zgerdhire e me dhembet e palare, duke i shtrenguar duart me Bushin, Sarkozin e figura tjera botrore. Album personal.

Njerezit shikonin kete album e thonin "shiqo trimat tone, sa te menqur qe jane".

Shteti i Kosovës dhe shoferi i çmendur
“Ekziston edhe një barsoletë tjetër, e cila me humorin e saj e ilustron më se miri qëndrimin e nihilistëve të Prishtinës ndaj shtetit të Kosovës. Kjo është barsoleta për ngasësin e makinës i cili po e ngiste makinën në autostradë në drejtimin e kundërt me atë të lejuarin sipas rregullave të komunikacionit. Duke parë se të gjitha makinat tjera po lëviznin në kahun tjetër u habit dhe tha: qenkan çmendur sot të gjithë, po ecin në drejtimin e gabuar”.

më 22.02.2009 në ora 13:15
Blerim Latifi

Në punët e ekzistencës së shtetit ekziston një qëndrim ekstrem ndaj kësaj ekzistence. Herë quhet anarkizëm e herë nihilizëm politik. Mund të ketë edhe ndonjë term tjetër që tash nuk po më kujtohet por esenca është e njëjtë. Fjala është për një mohim ose devalvim të plotë të ekzistencës së shtetit.

Që nga dita e shpalljes së pavarësisë së Kosovës e deri sot, pra një vit pas lindjes së shtetit të Kosovës, këtij nuk i ka munguar ballafaqimi me këtë qëndrim.
Janë dy variacione të nihilizmit politik ndaj shtetit të Kosovës. Njëri artikulohet në Beograd, tjetri në Prishtinë. Natyrisht perspektiva e tyre është e ndryshme dhe rrjedhimisht edhe qëllimet e ndryshme. Momenti ku puqen këto dy variacione është konstatimi i tyre se shteti i Kosovës është një qenie fantome. Nihilistët e Beogradit për të argumentuar vetën thirren në disa dokumente të së drejtës ndërkombëtare, e këta të Prishtinës në përkufizimet akademike për shtetin të shpërndarë nëpër librat e shkencave sociale. Sipas logjikës së tyre nëse shteti i Kosovës nuk përputhet me këto definicione ai nuk ekziston. Njësoj si në atë barsoletën që tregohet për Hegelin, mendimtarin e njohur gjerman të shekullit të XIX. Kur studentët i thanë : profesor kjo që po thoni ju bie në kundërshtim me faktet atëherë ai iu përgjigj atyre me cinizëm : aq më keq për faktet. Pra, nëse fakti i shtetit të Kosovës nuk përputhet me definicionin e filan fistekut për shtetin aq më keq për këtë fakt. Kjo na tregon se këta nihilistët tanë e marrin botën mbrapshtë. Mendojnë se ekzistenca e shtetit del nga definicionet e tij, e jo sikurse ndodhë në realitet ku definicionet dalin nga fakticiteti i shtetit. Ekzistojnë kush e di sa variacione të lindjes dhe zhvillimit të shteteve dhe jo vetëm një, sepse situatat historike gjithmonë janë të veçanta. E tillë ka qenë edhe situata që rezultoi me lindjen e shtetit të Kosovës.

Por ekziston edhe një barsoletë tjetër, e cila me humorin e saj e ilustron më se miri qëndrimin e nihilistëve të Prishtinës ndaj shtetit të Kosovës. Kjo është barsoleta për ngasësin e makinës i cili po e ngiste makinën në autostradë në drejtimin e kundërt me atë të lejuarin sipas rregullave të komunikacionit. Duke parë se të gjitha makinat tjera po lëviznin në kahun tjetër u habit dhe tha : qenkan çmendur sot të gjithë, po ecin në drejtimin e gabuar. I tillë është edhe perceptimi i nihilistëvve në fjalë. Për ta vetëm pikëpamja e tyre për atë se çka ka ndodhur prej 17 shkurtit e këtej në Kosovë është e drejtë dhe e saktë. Gjithë të tjerët: Institucionet e vendit, qytetarët që festojnë, Shtetet e Bashkuara të Amerikës, Bashkimi Europian, 55 shtetet që e kanë njohur Kosovën shtet të pavarur e sovran janë të çmendur. Ngasësi i veturës që lëvizë në drejtimin e gabuar të autostradës nuk do ta kuptojë se në fakt ai është i çmenduri derisa të mos takohet me ndonjë patrullë të policisë rrugore e cila do t’ia rrëfej të vërtetën dhe rregullat e lëvizjes në autostradë. Në rastin e nihilistëve të Prishtinës në vend të policisë rrugore është historia politike, e cila një ditë do t’ua tregojë të vërtetën e perceptimit të tyre. Njësoj sikurse bëri dhjetë vite më parë në kohën e Konferencës së Rambujesë. Edhe atëherë, sikurse sot, bërtisnin : mos nënshkruani atë që po na ofron Perëndimi sepse po duan të na mashtrojnë, po duan të na lënë nën Serbi, drejtimi juaj është i gabuar, nëse nënshkruani jeni tradhtarë.

Çka mund të hetohet prapa këtij qëndrimi është një mentalitet i rrënjosur në dy mite të famshme të enverizmit. Njëri është miti për “Europën si një njerkë e shqiptarëve”, i cili u zhvillua që nga Lidhja e Prizrenit e deri tek Konferenca e Ambasadorëve të fuqive të mëdha në Londër me 1912, si reflektim letraro-politik i ngjarjeve të asaj kohe. Më vonë, ky mit u mor dhe u bë politikisht i dobishëm në ideologjinë zyrtare të regjimit stalinist të Enver Hoxhës. Tjetri është miti komunist për “Perëndimin kapitalist që vetëm keq di të bëjë”, e të cilin Hoxha e kishte marrë nga Kominterni, Internacionalja Komuniste e themeluar dhe kontrolluar nga Bashkimi Sovjetik.

Janë dy data që shënojnë fundin e këtyre miteve. Viti 1989 për mitin komunist dhe viti 1999 për mitin e Europës Njerkë. Me 1989 e pamë se Perëndimi nuk ishte ashtu siç nga gënjenin komunistët dhe me 1999 e pamë se Europa ( civilizimi perëndimor) nuk ishte një njerkë për shqiptarët, por ajo na doli si një nënë, madje shumë e devotshme, që na mori në mbrojtje nga xhelati i Beogradit, i cili në fund iku nga kjo botë në vetminë e turpshme të një qelie europiane.

Të mendosh realitetin aktual duke pasur në prapavijë të mendimit mite të tilla të vdekura nuk është asgjë tjetër veçse një anakronizëm. Dhe në këtë pikë nihilistët e Prishtinës sikur takohen me ata të Beogradit. Edhe ata janë anakronik në mënyrën e tyre, sepse ende besojnë në diçka të cilës i ka ikur koha e ajo është sundimi i Serbisë mbi Kosovën.