c'shte tarikati?

[ruela]

selam alejkum

Ju lutem mund te me shpjegoni c'eshte tarikati?
ruela

[ocean]

selam alejkum

Ju lutem mund te me shpjegoni c'eshte tarikati?
ruela

Alejkum Selam

Ana shpirterore e Islamit (Sufizmi) shoqëronte muslimanët e devotshëm, të sinqertë dhe qëndronte afër shpirtërave të vetmuar të besimtarëve muslimanë që kërkonin shpëtimin, prehjen e tyre personale në Allahun përmes praktikimit religjioz asket te kohe pas kohshëm, përmes meditimeve të njëpasnjëshme.

Herë pas here, gjindej një udhëheqës shpirtëror që ndriçonte rrugen e besimtarëve/ithtarëve. Kështu formohej një rreth apo grup i besimtarëve (dishepujve) muslimanë. Ky rreth apo grup, jetonte disa gjenerata pas vdekjes së udheheqësit shpirteror, i cili para se të vdiste caktonte pasardhësin e tij i cili do të udhëhiqte dishepujt e mbetur dhe besimtaret e tjerë muslimanë ne rrugen e Allahut me pastërtinë me të madhe të mundshme shpirtërore.

Ky grup apo rreth i ngushtë i njerëzve i udhëhequr nga një prijës shpirtëror i devotshëm njihet me emrin Tarikat apo edhe Vëllazëri.

Kështu, çdo tarikat apo vëllazëri është e lidhur përmes nje zinxhiri autentik, pra silsilës, prej themeluesit të tarikatit deri te profeti Muhamed a.s. Në këtë mënyrë, çdo sufi beson se shpirti profetik i predikuar nga tarikati apo vëllazëria ku bën pjesë ai, është bazamenti ezoterik i fesë Islame.

Pershendetje

[abdurrahman_tir]

selam alejkum

Ju lutem mund te me shpjegoni c'eshte tarikati?
ruela

- Çka është Tarikati (rruga sufite)


Fjala tarikat, rrjedh nga gjuha arabe e cila d. m. th. rrugë të cilës duhet ecur, metodë e cila duhet të ndiqet, gjendje dhe pozitë. Në fillim tarikati kishte kuptim të largimit prej dynjasë për ta fituar ahiretin dhe të rrugës e cila do të ndiqej me edukimin e fuqive shpirtërore, kontrollimin e shtytësve të unit dhe të karakterit njerëzor. Ndërsa më vonë, me tarikat nënkuptohej tërësia e rregullave dhe parimeve etike-sociale të ndjekura nga ana e personave që marrin edukatë shpirtërore nën kontrollin e një shejhu dhe brenda një teqeje të caktuar. [22]


Qëllimi i tarikatit është t’i nxjerr në pah vlerat shpirtërore me origjinë hyjnore të fshehura në brendinë e ithtarit të tarikatit (murid) dhe t’ju ndihmoj atyre ta gjejnë All-llahun xhel-le sha-nuhu.



Themeluesi i çdo rruge (tarikati) nga ana e pararojës së tij (shejhu) i cakton disa rregulla dhe adete.



Sipas sufive rrugët e arritjes tek All-llahu janë të panumërta. Secili në mënyra dhe rregulla të ndryshme arrin tek All-llahu dhe e realizon me metoda dhe rrugë te ndryshme.



Tarikatet në bazë të metodologjisë së tyre ndahen në tre grupe:



1. Tarik-i ahjar - rrugë shpirtërore në të cilën përparohet vetëm nëpërmjet namazit, agjërimit, leximit të Kur’anit, haxhit dhe xhihadit të pandërprerë. Personat që e ndjekin këtë rrugë kanë nevojë për më tepër përpjekje se sa dy grupet e tjera.


2. Tarik-i ebrar - rrugë shpirtërore në të cilën përparohet nëpërmjet përpjekjes (muxhadele) dhe stërvitjes kuptimore (rijadat). Përpjekja dhe stërvitja në këtë rrugë kanë për qëllim që personi të largohet prej sjelljeve të liga dhe të furnizohet me më të mirat.


3. Tarik-i shuttar - është rrugë e shkrirjes, ekstazës (fena, vexhd), përkushtimit (teslimijjet), meditimit (tefekkur) dhe falemnderimit (shukr). Personat që ecin në këtë rrugë (salik) përpiqen që ta pastrojnë unin e tyre dhe të ngrihen sa më lartë shpirtërisht.[23]


Ndërsa në bazë të metodave të edukimit dhe arsimimit mistik, tarikatet ndahen në dy grupe dhe atë tarikate “shpirtërore” dhe të “Unit”.


1) Tarikatet shpirtërore (ruhanijje) - Këto tarikate bazë të sistemit të tyre e kanë shpirtin dhe nëpërmjet kryerjes së farzeve, sunneteve[24], ibadeteve nafile, përkujtimit të pandërprerë të All-llahut xhel-le shanuhu dhe lidhjes kuptimore (rabëta)[25] përpiqen ta arrijnë pastërtinë shpirtërore. Në procesin edukativ-arsimor sufik (sejr-i suluk) të këtyre tarikateve ka disa shkallë që duhet të kalohen edhe atë:


a) Kalb (zemra)
b) Ruh (shpirti)
c) Sir (sekreti)
ç) Hafi (fshehtësia)
d) Ahfa (metafshehtësia/gjysëmfshehtësia)
dh) Letaif-i nefs (shëmbëlltyra e unit)
e) Letaif-i kul-l (shëmbëlltyra e tërësisë)



Zotërimi i këtyre shkallëve dhe kapërcimi i tyre bëhet nëpërmjet vird[26] të posaçëm të emrave të All-llahut xhel-le shanuhu, dhe si rezultat arrihet në pastrimin e fundmë të shpirtit të njeriut nga të gjitha njollat e kësaj bote dhe kthimin e tij në origjinalitetin parazanafillor.



2) Tarikatet e unit (nefsanijje) janë tarikatet që bazë të sistemit të tyre e kanë unin dhe që kanë zhvilluar një metodologji të caktuar në luftën kundër pasioneve dhe lakmive negative të unit njerëzor. Personi (saliku) i cili e zgjedh këtë rrugë duhet që nëpërmjet shtatë pozitave ta pastroj unin e tij. Këto pozita (sipas besimit të tyre sh. a.) janë:



a) Nefs-i emmare - Është uni që e urdhëron të keqen dhe zemrën e tërheq nga e liga. Saliku në këtë pozitë veten e konsideron si më të ulët në qenësi dhe mundohet që t’i heshtë pëshpërimat e brendshme të epshit të tij.
b) Nefs-i levvame - Është uni që pengohet për gabimet e bëra dhe që e fajëson veten. Herë pas here e urdhëron të keqen, por shpejt pendohet dhe kthehet e bën vepra të mira.
c) Nefs-i mulhime - Është uni që frymëzohet nga një intuitë e brendshme për të keqen si e keqe dhe për të mirën si e mirë. Ai i kahëzon veprat e njeriut në bazë të këtij frymëzimi, e kundërshton shejtanin dhe pasionet epshore të paligjshme.
d) Nefs-i mutmainne - Është uni i shëndritur me dritën e zemrës, i pastruar prej cilësive të liga dhe me etikë të përsosur. Ai është i bindur se do të përgjigjet para Zotit për veprat e bëra. Veprat e mira i bën me dashuri dhe sinqeritet.
e) Nefs-i radije - Është uni që tregon kënaqësi për të gjitha gjendjet në këtë botë. Ai nuk ngren krye në asnjë fatkeqësi të kësaj bote por gjithmonë është i nënshtruar pranë Fuqisë Krijuese.
f) Nefs-i merdijje - Është uni me të cilin është i kënaqur All-llahu xhel-le shanuhu.
g) Nefs-i kamile - Është uni që ka arritur pozitat më të larta shpirtërore. Saliku në këtë pozitë është i përsosur dhe mund të bëhet udhërrefyes për të tjerët.[27]



Tarikatet më të njohura dhe më të përhapura në botën islame janë:



1. Tarikati Kadirijje - Abdul-Kadir Gejlaniu ka vdekur (v. 562h/1166)
2. Tarikati Jesevijje - Hoxha Ahmed Jeseviu ka vdekur (v. 562h/1167)
3. Tarikati Rifaijje - Ahmed er-Rifaiu ka vdekur (v. 578h/1182)
4. Tarikati Medjenije - Ebu Medjen Shuayb bin Huseyin, ka vdekur (v. 590h/1193)
5. Tarikati Kubrevije - Nexhmuddin Kubra, ka vdekur (v. 618h. /1221),
6. Tarikati Suhreverdije - Ebu Hafs Omer Shehabuddin Suhreverdî, ka vdekur (v. 632h/1234)
7. Tarikati Çishtije - Muinuddin Hasan el-Çishtîu, ka vdekur (v. 633h/1236)
8. Tarikati Ekberijje - Muhjuddin ibn Arabiu, ka vdekur (v. 638/1240)
9. Tarikati Shazelije - Ebu'lHasan Shazelîu, ka vdekur (v. 656h/1258)
10. Tarikati Bektashije - Haxhi Bektash Veliu, ka vdekur (v. 669h/1270)
11. Tarikati Mevlevije - Mevlana Xhelaleddin Rumî, ka vdekur (v. 672h/1273)
12. Tarikati Bedevije - Ahmed bin Ali Bedeviu, ka vdekur (v. 675h/1276)
13. Tarikati Desukijje - İbrahim Desukîu, ka vdekur (v. 676h/1277)
14. Tarikati Sadije - Saduddin bin Musa Xhebbavî, ka vdekur (v. 700h/1300)
15. Tarikati Nakshibendije - i themeluar nga Bahauddin Nakshibendî, ka vdekur (v. 791h/1388)
16. Tarikati Halvetije - Omer bin Ekmeluddin Lahixhî, ka vdekur (v. 800h/1397)
17. Tarikati Bajramije - Haxhi Bajram Veli, ka vdekur (v. 833h/1429) [28]




23. Burime sufite, Eraydin, Selçuk, Tesavvufi dhe Tarikatet, fq. 24
24. E që sunneti autentik është i pastër nga këta
25.e ke tek tema e [partite dhe sektet]tek postimi me titull "Kujdes nga Tarikatet Sufiste (Dervishët)"

26. Lloje të ndryshme të dhikrit që i veprojnë sufitë, këto dhikre nuk kanë bazë në sunnetin e të Dërguarit të All-llahut, sal-lAllahu alejhi ve sel-lem, disa i bëjnë me zë(xhehri)-si rifaijtë dhe kadirijtë, e disa pa zë(hafijj)-si melamijtë dhe nakshibenditë, disa prej tarikateve dhikrin e bëjnë duke qëndruar në këmbë si mevlevijtë(sema) dhe kadirijtë ndërsa të tjerët e bëjnë ulur, disa lëshojnë zëra të çuditshme duke qarë në një ambient të errët.
27. Burime sufite, Yilmaz, Kamil, Hyrje në Tesavuf, fq. 194-195.

[ruela]

selam alejkum

faleminderit per shpjegimet qe me dhate dhe qe mesova dicka me shume per tarikatet.Po islami cmendim ka per tarikatet?

[ocean]

selam alejkum

faleminderit per shpjegimet qe me dhate dhe qe mesova dicka me shume per tarikatet.Po islami cmendim ka per tarikatet?

Alejkum Selam

Moter e nderuar po te flas aq sa di nga ajo qe kam mesuar une. Allahu me falte ne gabofsha dicka.

Nga kendveshtrimi radikal (Vehabizmi) I Islamit, Tarikatet (Sufizmi) jane te devijuara nga Islami. Por ky qendrim nuk perfshin mazhorancen ne Islam edhe pse pretendohet ashtu nga ana radikale e Islamit.

Mund te flas per veten time, une e kam perqafuar Islamin nga ana shpirterore e tije pra Sufizmit, (te bazuar ne Kur’an dhe Sunnet) ketu kam gjetur ngrohtesine dhe dashurine e Islamit. Ashtu ka dashur Zoti per mua.

Thene kete njeri duhet te kete shume kujdes sepse me aq sa kam mesuar une ne Sufizem do te gjesh njerez nga te dy anet e spektrit. Ata qe kane devijuar plotesishte nga ana e jashtme e Islamit por gjithashtu aty do te gjesh edhe besimtaret me te devotshem te Islamit. Ketu qendron I gjithe keqkuptimi per sufizmin.

Sufizmi I bazuar ne Kur’an dhe Sunnet eshte grada me e larte e Islamit qe te shpie ne zgjim-ndricim.

Sot ka disa nivele te ndrysme te zgjimit ne mes te Muslimaneve, disa e percjellin themelin fundamental esencial te Islamit, apo vetem anen e jashtme te Islamit, (gje qe eshte plotesishte ne rregull dhe e domosdoshme) mandej kemi nga ata qe deshirojne te thellohen me shume dhe te kuptojne domethenien e gjerave, mandej kemi nga ata qe deshirojne te thellohen edhe me shume ne Islam dhe qe deshirojne te kuptojne domethenien e domethenies qe deshirojne ta njohin Realitetin, qe deshirojne ta njohin Driten, te Verteten.

Metoda per te kerkuar keto pergjegje qe jane nje impulse nga zemra e njeriut qe nga fillimi I kohes, eshte qe njeri ta interiorizoje Sheriatin. Kjo metod mund te gjendet ne fjalen el-Tarikah. Eshte metod per te interiorizuar Sheriatin, ne menyre qe I tere personaliteti im te rrezaton komandat e Sheriatit ne menyren me natyrale, pa ndonje sofistikim apo artificialitet. Ai person qe interiorizon Sheriatin nepermjet metodes se Tarikatit, eshte I bekuar me realizimin e te Vertetes (Ma’fiah). Ne qofte se besimtari perparon edhe me tutje ne kete rruge ai/ajo arrin Realitetin (Hakikah)

Ne shekullin e 13-te. rryma e vetme qe perhapi shume besimin islam ishte rryma sufiste e cila mundesoi qe Islami te shtrihet deri ne Spanje, Azi e gjetiu.

Doktrina sufiste eshte mjaft hermetike ne formulimin e saj. Fundamentalisht, sufizmi permban konceptin e unionit me Allahun kurse Islami ortodoks apo literalist, vendos besimtarin në ndarje me Allahun. Shikuar nga ky aspekt, sufizmi ben pjese ne filozofite me te avansuara te planetit. Ne shkence, fizika kuantike dita dites eshte duke e vertetuar ate qe ana shpirterore e Islamit e ka mesuar qe nga ardhja e Profetit a.s.

Moter e nderuar po qe se je e vendosur ta perqafosh Islamin (me fale se ndoshta ju veq keni vendosur) fillo qe nga themeli me faljen e namazit, zekatin, ramazanin, deshmo Zotin Nje, beso ne engjujt, ne librat e shenjte etj. Kur ti pervetesosh keto, (anen e jashtme te Islamit) po qe se zemra te deshiron qe te vazhdosh me tutje ne ndriqimin shpirterore, sufizmi permban nje thesar vigan te zgjuarsise dhe literatures me ane te se ciles mund te mesosh se si te vazhdosh me tutje.

Me fale se ndoshta e zgjata pak
Kalofshi mire

[ruela]

Selam alejkum vella i dashur

Faleminderit per pergjigjen dhe flm per keshillen qe te behem muslimane por me pare duhet te pyesesh njehere sepse une kam 13 vjet qe jam ne islam praktikante e rregullt.Por te kerkosh dije ne islam eshte gje emire dhe une e bera se me duhet per dicka.
Zoti ta shperblefte
rudina

[ocean]

Selam alejkum vella i dashur

Faleminderit per pergjigjen dhe flm per keshillen qe te behem muslimane por me pare duhet te pyesesh njehere sepse une kam 13 vjet qe jam ne islam praktikante e rregullt.Por te kerkosh dije ne islam eshte gje emire dhe une e bera se me duhet per dicka.
Zoti ta shperblefte
rudina

Alejkum Selam e nderuara Rudina,

Me fale per keqkuptim, dhe faleminderit per keshille se me te vertete duhej te pyesja njehere per poziten tende ne Islam.

Pajtohem plotesisht me ju se po te kerkosh dije ne Islam eshte gje e mire, edhe po te jete njeri shume i ditur. Une jam ende i ri ne Islam. Me siguri se ju dini shum gjera qe une nuk i di sa i perket Islamit. Kam filluar ta praktikoje perafersishte para 3 viteve edhe ende di shum pak.

Ju faleminderit shume per mirekuptim

[abdurrahman_tir]

Selam alejkum vella i dashur

Faleminderit per pergjigjen dhe flm per keshillen qe te behem muslimane por me pare duhet te pyesesh njehere sepse une kam 13 vjet qe jam ne islam praktikante e rregullt.Por te kerkosh dije ne islam eshte gje emire dhe une e bera se me duhet per dicka.
Zoti ta shperblefte
rudina

selam alejkum moter e nderuar
me behet qejfi per kete mendim "Por te kerkosh dije ne islam eshte gje emire ....."
Allahu te ndihmofte ne gjetjen e te vertetes.
besoj se e ke te qarte se çeshte tarikati dhe se çfare praktikash kane ithtaret e tarikateve te ndryshme.besoj se e di edhe se çeshte Teuhidi dhe nese jo kliko ketu:
http://www.forumishqiptar.com/showthread.php?t=105289

[ruela]

Selam alejkum
Jo ju drejtova djalit me perpara...E di nuk eshte hera e pare qe degjoj keshilla per tu bere muslimane per tu falur.Por muslimanet duhet te komunikojne me perpara me tjetrin pastaj ti japin keshilla.Psh jo ne kete ramazan ne tjetrin po falja teravit tek dine hoxha dhe po dilja, nje goce ne mes te shkalleve (ajo pa te keq)mbase e nisur edhe nga veshja ime mu drejtua moter behu pak muslimane dhe fillo falu .Nuk jam ndjere me keq sepse asnje nuk ka te drejte te bej deklarata te tilla pa e ditur me ke eshte duke folur.Dhe pergjigjja ime ishte ne kete xhami kur ti se kishe kuptuar islamin une jepja mesime.

Sa i perket tarikatit mu donte informacion i plote sepse kam diskutua me dike per kete pune.

Megjitha faleminderit qe me kushtuat kohe dhe ma bete me te lete per t'ju drejtuar serish ne rast se do kem paqartesi ne lidhje me tema te tjera.

Selam alejkum dhe zoti jua shperblefte.
ruela

[Fakir]

selam alejkum

Ju lutem mund te me shpjegoni c'eshte tarikati?
ruela

es Selamun Alejkum

Të spjegohet vetëm Tarikati, nuk mundet sepse është i lidhur edhe me disa sende tjera. Në fakt mundë të spjegohet, por pa ato tjerat nuk ka efekt dhe nuk është "tamama", nuk është i përkryer.
E ato tjerat janë:

Një Sufi për të arritur cakun e tijë, duhet të kalojë në këto katër stacione:

1. Sheriat - Ligji i Islamit
2. Tarikat - Rruga shpirtërore
3. Hakikat - e Vërteta
4. Marifet - Njohja, pranimi.

Në Tarikatin Bektashi është Marifeti para Hakikatit.

Këto „stacione“ njëherit janë edhe dyer të cilat një Sufi një pas nji duhet ti kalojë apo ti hapë për të arritur deri tek Krijuesi. Këto nuk mundë të kalohen duke hyrë ne më shum se nji në të njejtën kohë. Këto kalohen rradhazi, njëra pas tjetrës.



Shejh ul-Ekber Myhidin ibn Arebi, këto katër “stacione” i përshkruan kështu:

Në nivelin e Sheriatit, „e jotja është e jotja dhe e imja është e imja“. Kjo do të thotë se Ligji i religjionit rregullon të drejtat individuale e njerëzve.

Në nivelin e Tarikatit, “e imja është e jotja, e jotja është e imja”. Nga dervishët kërkohet që ndermjet veti të jenë si vëllezër dhe motra dhe të ndajnë si të mirën, si të keqen ashtu edhe materialen.

Në nivelin e Hakikatit, „nuk k as e jotja as e imja“. Sufinjtë në shkalla më të larta e kuptojnë që gjithçka vjen nga Allahu, dhe se vet janë vetëm përgjegjës, administrator (të materiales) dhe se në të vërtetë nuk posedojnë asgjë. Ata të cilët e njohin të Vertetën, nuk ju interesojnë pasuria, sipërfaqsorja në përgjithsi si dhe autoriteti në shoqëri.

Në nivelin e Marifetit (Njohjes,Pranimit) „nuk ka as unë e as ti“. Me këtë pranohet se asgjë dhe askush nuk është i ndarë nga Allahu. Kjo është caku më i lartë i arritshmërisë së një Sufiu.


Sufizmi është sikur një Trëndafil. Therrat e trëndafilit janë Sheriati – Ligji i Islamit. Bishti (trupi) i trëndafilit është Tarikati – Rruga. Lulja e Trëndafilit është Hakikati – e Vërteta dhe në fund era e lules është Marifeti – Njohja,pranimi.
Therrat e mbrojnë trupin (bishtin), pa këto Trëndafili mundë të zhduket nga kafshët. Por edhe pa trupin (bishtin) therrat nuk do të kishin asnjë kuptim dhe do ishin pa vlerë se nuk kanë ku të rriten. Këtu shifet qartë thënia e Imam Shafiut: „Pa Sheriat nuk ka Tarikat, por edhe pa Tarikat nuk ka Sheriat“.
Trupi i Trëndafilit pa lulen, nuk do të kishte kuptim por edhe një lule e Trëndafilit pa aromë nuk do të ishte e kuptimtë dhe pa vlerë. Por edhe aroma e vetme pa Trëndafilin nuk do të kishte mundësi të ekzistojë.