Ndrron jete.. ambasadori Lublin Dilja

[Brari]

standart

--
Varroset në Nju Jork ish-ambasadori Lublin Dilja

BEQIR SINA NJU JORK



Qindra bashkatdhetarë përcollën për në banesën e fundit ish-ambasadorin e Shqipërisë në SHBA, diplomatin Lublin Dilja, i cili ndërroi jetë një javë më parë në moshën 51-vjeçare. Qindra bashkatdhetarë, politikanë, afaristë, veprimtarë, artistë, shkrimtarë, studentë dhe njerëz të thjeshtë, nga Nju Jorku, Uashingtoni, Nju Xhersi, Pensilvania, Kenektiket, Bostoni e tjerë, u mblodhën në shtëpinë mortore "Walter B. Cooke Funeral Home", për të përcjellë trupin e pajetë të ambasadorit Lublin Dilja, i rrethuar nga dhjetëra kurora e buqeta me lule të freskëta. Të gjithë njerëzit lanë një shënim në librin e zisë, si dhe kaluan për një çast në heshtje, duke u përkulur përpara arkivolit me trupin e tij që t'i shprehnin, edhe një herë para ndarjes, gruas së tij dhe dy fëmijëve që qëndronin përball arkivolit, respektin dhe të zëvendësonin fjalët e dhimbjes për ndarjen e tij nga jeta. Gjatë rrugës për në "banesën" e fundit, vargu i gjatë i makinave në krye me arkivolin, kaloi shumë afër për herë të fundit, përpara godinës së Misionit të Përhershëm të Kombeve të Bashkuara, dhe godinës "pallatit të Qelqtë" së OKB-ës, ku nga viti 2002 e deri në fund të jetës (1 shkurt 2009), ai ishte Ministër Fuqiplotë në Misionin e Përhershëm të Republikës së Shqipërisë pranë OKB-së dhe zëvendëspërfaqësues i këtij Misioni. Të enjten trupi diplomatik i shteteve të akredituara pranë Kombeve të Bashkuara, në Nju Jork, bëri homazhe dhe la shënime në librin e zisë. Ambasadori Lublin Dilja me kërkesë të familjes e varrosë të shtunën në Nju Jork.



Më 1 shkurt 2009, vdiq në një spital të Nju Jorkut, pas një sëmundjeje të rëndë ambasadori Dilja. Lublin Dilja lindi në Elbasan më 10 tetor të vitit 1957, ku kaloi edhe vitet e fëmijërisë. Shkollën e lartë ai e kreu në Universitetin e Tiranës, Fakulteti i Gjuhëve të Huaja, dega anglisht. Pasi përfundoi shkollën, në vitin 1980, ai punoi fillimisht si mësues i gjuhës angleze. Më pas kreu disa kualifikime pasuniversitare për psikologji-pedagogji, si dhe kurse për diplomacinë në Shtetet e Bashkuara, në Britani e Itali. I ndjeri ka pasur një karrierë të spikatur si profesor në Universitetin e Tiranës dhe atë të Elbasanit dhe si punonjës shkencor në Institutin e Pedagogjisë dhe të Psikologjisë. Ai kishte titullin “Doktor i Shkencave”. Nga viti 1993 deri në 1997, Lublin Dilja ishte ambasador i Republikës së Shqipërisë në Shtetet e Bashkuara. Në shtator të vitit 2001 ai u zgjodh deputet i Partisë Demokratike në Kuvendin e Shqipërisë. Nga viti 2002 e deri në fund të jetës, ai ishte Ministër Fuqiplotë në Misionin e Përhershëm të Republikës së Shqipërisë pranë OKB-së dhe njëkohësisht zëvendëspërfaqësues i këtij misioni. Lublin Dilja lë pas vetes gruan Nora dhe dy djem, Luarad dhe Kevin.


09/02/2009

[Guri i Kuq]

Ngushllime familjes,miqve dhe shtetit shqiptar.
brar,po si eshte e mundur qe i ndjeri,qe ishte ambasador i Shqiperise ne OKB, mos te varroset me nderimet shtetrore ne atdhe ?
Rrespekt e nderim per familjen,por personeli diplomatik ne keto raste eshte me shume se familja dhe vullneti personal i te ndjerit.

Edhe nje here,ngushllime per kete humbje te madhe.

[ardita04]

Dhe ngushellime familjes se tij bashkeshortes dhe dy djemve te tij .

Kam pasur nderin e madh qe ta kem pasur profesor ne universitet kete figure te shquar dhe me vlera te pakrahasueshme nje profesor i talentuar dhe nje njeri i fantastik nuk gjej fjale qe te pershkruaj figuren e ketij njeriu te madh .

Me kujtohen leksionet e tij te Psikologjise se Zhvillimit dhe sot me duket sikur me tingellon ne vesh zeri i tij si dhe menyra e tij e te folurit me aq pasion ku ne nje auditor me rreth 300 studente nuk degjohej as miza por mbizoteronte nje qetesi totale dhe meqe leksionet me te i kishim ne oret e fundit per shkak te angazhimeve te tjera te tij zgjateshin dhe me teper ishte e vetmja nga lendet ne te cilat ne shkonim me qejf dhe ishte e rralle te beheshin mungesa .

Kaq bukur fliste dhe kaq i talentuar ishte sa kur dilje nga leksioni pyetja e pare qe beje ishte a do te jemi dhe ne ndonjehere prinder dhe edukatore kaq te mire .

Nuk gjej fjale per te pershkruar kete njeri te madh vecse Nderim dhe Respekt per Jete dhe


FALEMINDERIT PROFESORI YNE I NDERUAR PER GJITHCKA



P.S Brar nje faleminderim nga zemra per kete postim per kete njeri qe meriton shume respekt dhe nderim qe krahas bindjeve te tij partiake dinte te ishte nje njeri me vlera qe gezonte respektin si te te majteve dhe te djathteve .

[M_u_Z_a]

Nuk po me besohet... ka qene profesori im ne universitet.
Sa e shkurter dhe e cuditshme eshte jeta...
Me humben fjalet...