Nxitim

[SkenderRusi]

NXITIM



Nuk di pse ndodh

që veç nxitohem,

Në mes të natës

e nis ditën!

Poshtë syve

rrathët po më shtohen,

Si ca ishuj

tmerrësisht të frikshëm!





S’më kanë pëlqyer

asnjëherë flladet,

Po erërat

që me erërat puthen,

Zemra më bredh

Në maja malesh,

Ndaj ditët që kërkoj,

më duhen!





Nuk di pse ndodh

që veç nxitohem,

(Duhen jetuar të gjitha jetët!)

Kur gjysma e botës

është “e vdekur”

Unë shkoj,jetoj,

tek gjysma tjetër!

10 janar,2009

QIELLI,SHIU DHE UNË



Qielli po bie

mbi një qiell tjetër,

Me pëllëmbën e shiut

më godet me inat!

Se unë paskam thënë

që ndritkam më tepër,

Sesa yjet e tij atje lart!





Qielli i tërë u bë prej drite,

Më qëllon me vetëtima

të më djegë!

Se unë paskam thënë

që arushën e vogël,

Do ta bëjmë shtëpi

për poetë!



Qielli i tërë

u bë bubullimë,

Më godet që lart

me gjëmime!

Se unë paskam thënë

që arusha e madhe,

Nuk ndrit më shumë

se nëna ime!







2 dhjetor,2008

[Palma]

Faleminderit per keto momente qe na dhuroni gjate leximit...

[mondishall]

I dashur Skender! Me percolle sot nga Korca me vargjet e tua dhe me prite ketu po me vargje. Me dhe pas emocionet tek degjoja poezite nga zeri tend dhe me dhe prape emocion ketu. Sa bukur te shlodhesh mes vargjesh pas nje udhetimi. Faleminderit!
---------------------------------------------
Të krijosh domethënë...të krijosh.

[shigjeta]

Disa nga krijimet e fundit te poetit Skender Rusi

Gjithnjë e më pak po japim të puthura

Gjithnjë e më pak
.......... po japim të puthura,
Të hidhura, pa sheqer
..........kafet po i pimë!
Ditët tona (ato më të bukurat)
I mbajmë veshur
..........edhe prapë ngrijmë!

Gjithnjë e më pak
..........po japim përqafime,
Përpiqemi
..........po nuk i shmangim dot dimrat!
Tani edhe mes nesh
...........kanë filluar grindjet,
Ashtu kot më kot,
...........siç fillojnë shirat!

Gjithnjë e më pak
..........po gjejmë njeri-tjetrin,
Nëpër këtë pyll
..........me drurë të pikëlluar!
Ndoshta është kështu
..........me të gjithë njerëzit,
Ndoshta ndodh kështu
..........me çdo të dashuruar!

9 korrik 2009


PASQYRA E THYER

E goditi pasqyrën
..........me grushtin e saj
...............të vogël,
Se nuk i pëlqeu vetja fare!
Ajo u thye në një milion copë,
(Secila kish fytyrën e kësaj vajze!)

E shkreta vajzë e pafaj,
Në vend që ta pjestonte,
E shumëzoi fytyrën e saj!


NJË GRUA E ÇUDITSHME

U dashurova me
...............një grua
....................pothuajse të bukur,
Ajo është
..........herë-herë
...............pothuajse e çuditshme!
I pëlqen ta prek
..........veç në shtëpinë e muzgut,
Kur gjithçka të jetë
..........pothuajse lunatike!

U dashurova me
..........një grua
...............pothuajse të kendshme,
Ajo është
..........herë-herë
...............pothuajse e pazakonshme,
Është e pa arsye
..........po unë, pikërisht për këtë,
E kam ngritur
..........kasollen
...............në pyllin e saj të flokëve!

U dashurova me
..........një grua
...............pothuajse të rrallë,
Ajo është
..........herë-herë
...............pothuajse e pakuptimtë!
NJëlloj si unë
..........që jam ky shall i bardhë,
Që e mbështjell
..........të gjithën
...............që të mos më ikë!

23 gusht, 2009


NJË BURRË I SHËMTUAR QË KA RËNË NË DASHURI

Sot kam parë një burrë
..........të shëmtuar,
(E kish sjellë ndajnata në park!)
Krihej me gishtat
..........e zverdhur nga nikotina,
...............Por s’bëhej dot i bukur, aspak!

Ishte ulur në një stol me puthjen,
Priste të vinte
..........mbretëresha e muzgut!

Ajo shfaqej gjithnjë
..........e rrethuar me fllade,
Nga frymëmarrja e atij
..........që desh të bëhej i bukur!

O Zot, po ajo ishte e rënë nga qielli!
S’e them dot
.....pse e kishte zgjedhur atë!
Është një mister
.....që nuk e zgjidh dot Skënderi,
Ndërsa parku hesht e nuk bën zë!

16 shtator 2009


BUKURI E RREZIKSHME

Ti je më e bukur se sa duhet,
Është një bukuri
..........pothuajse e frikshme!
Por nuk mund të ndodhë,
...............s’mundet,
T’u japësh nga bukuria jote
...............të gjithëve!

Mua më mjafton
..........qoftë edhe fare pak,
Aq sa mund të ketë
..........një bukuri e zakonshme!
Edhe meteorët e bukur
..........digjen atje lart,
Sapo prekin
..........në ajrin e kësaj bote!

Ti je më e bukur se sa duhet,
(Bukuri të tilla
sulmohen prej të gjithëve!)
Nga dreqin
..........më ra mua ky fat,
Me një bukuri të tillë
...............të rrezikshme!

6 tetor 2009

[mondishall]

I vecante prej kohesh, ne gjetje te fabules, ne ndertimin e vargut, ne kompozimin e poezise, mik Skenderi s'me le pa shijimin e fjales poetike. Njekohesisht, me sjelljet ketu te krijimtarise se tij nga shigjeta, forumi pasurohet me cilesisht ne temen e letersise. Bej te njohur se se shpejti nga ky poet do kemi nje liber te ri me poezi, disa prej te cilave pata fatin t'i degjoja recitueshem aq prekshem e ndjesisht nga vete autori, ne nje bisede miqsh. I uroj shendet fizik e shpirteror e frymezim te pashtershem.