Ferit Ramadani

[gjakushi]

EKSTAZË E NGRIRË

U kërlesh qëllimi, shkoj kot , u përlot
ndjesia e përgjakur nga fjalëgoditjet vrer !
Mesnata gulon e derdh zi !
Tani jam kot -
në damar i ngrirë - në zemër i prerë !


I shtirur ? Sërish dal nga vetja dhe vdes !
Dashuria nuk ka formulë të bëjë meshë !
Atje ku mblidhen shpirtrat -
një qiri e ndez,
të shikojnë pse tretem , pse mbes pa peshë !

Ngrysen e zbardhen ditët, netët ! Prapë vetmia :
- si shpellë piratësh më përpin e grin!
Përflaket dëshira,
vajton kënga , Lyra,
Unë jam Orfeu - përbijë babëzinë !

Në Ferr të Dantes më digjet trupi
Shpirti im Ti! E ndjen ç' është zvarrë ?
Jo ! Shtirje s'ka -
Ka ngrirje supi !
Ekstazë e ngrirë më bën të marrë !

[gjakushi]

KUR TË MË JESH E ZEMËRUAR

Ti m`u rrëfeve për sëpari shkrepëtimtare në stoli,
Un` ëndërrova se në zemër po më valon një mall i ri.
O, ç'ka që m`u venit qipalla me kaq të ngjethur të pafaj?
Haj!shkretëtirë-e-zemrës`s`ime! Dhe haj! e zeza jetë,haj!

Sipas titullit dhe poezisë së Lasgush Poradecit,
në perkujtim lindjen e tij më 27 dhjetor 1899 në Pogradec,

Mbete ylli që kurrë nuk shuhesh , po ndriçon nga lartësia
mendje ndrituri i lirikës që vetëton si dashuria !
Meditimi nuk ka fund , po gjithmon del e bën ylber
lozonjare një vashë turret mbjell blerim e sjell pranverë !

Në anësi duken gjithe dritat, si shkendijat marrin flakë
hapërojnë djalëria me dalldisje bëjnë uratë !
Moj e bukura e Dheut që Lasgushi të ndoq nga pas
Ndalu pak të të puth syrin se kjo zemra do të plasë !


Por si fladi i pranverës ndihesh këndshëm flokëlëshuar
vetulla një kaptinë lirike flakëron zjarr e s'ka të shuar
Se çerpiku me dritherimë, loti si shkëmb - rrokulliset,
vjen e shpallë një tundullimë se pa ty gjithcka ngryset !


Varfëri ndjen shpirti, por edhe zemra ngrin e s'shkrin
mbesin rrezet nëpër mbjegull dielli jo nuk arrin!
Ti je diell si tha Lasgushi, ai kolos , ai muzë amuri
që nga lindja deri sot hije rëndë i buzëqesh nuri !

[gjakushi]

NË PRVJETORË JANARËSH


Kushtuar Jusufit, Bardhoshit dhe Kadriut



Në përvjetorë janarësh mes nesh si viganë
gjithmon me një pamje , me një qëndrim !
Shtrihet kobmisteri si u vranë !
- U vrafshin nëpër shekuj deri në shfarim!

Kosova shtet ringritet mbi jetën e martirëve,
ju arkitektë që i kënduat për rritë !
Tiranët si mumje - toborr i sahanlëpirsve,
shtërzojnë e rënkojnë të ndalin atë dritë !

Si mund të shuajnë gjithë atë vullkan ,
ai doli nga zemrat e martirve të idealit !
- Jusuf Gërvalla Diell - ndriçoj anembanë,
se shqipja e Kosovës rrit lisat e malit!

Në përvjetor janarësh regëtimë, mall e zjarr,
del gjama si ngrica pushton me pikëllim !
Tre martirë të përjetshëm, të gjallë në varr
Shqiptarëve u flasin për shtigjet Bashkim!

U kanë bërë vendin heronjtë , atdhetarët
nuk ndalon frymëzimi i praron lirika
Janë vezullimkushtrimi qe perndez janarët
Rroftë shqiptaria ! Rroftë Republika!

[gjakushi]

BINI PËR LIRI ...!


Mihal Gramenoja është nga ata shkrimtarë të vitëve të fundit të Rilindjes që luftuan për çështjen kombëtare dhe me pushkë.Lindi më 1871 në Korçë, në një familje me ndjenja atdhetare.
Më 1907 ishte antar i çetës së Çerçiz Topullit dhe luftoi në Shqipërinë e Jugut. Xhonturqit e burgosën disa herë. Mori pjesë në Kongresin e Manastirit dhe më 1912 në Shpalljen e Pavarësisë. Nga viti 1915-1919 jetoi në Amerikë, ku përfaqësoi shqiptarët e Amerikës në Konferencën e Paqes në Paris.Në vitet 1921-1924, mbrojti idealet demokratike.

Për mëmëdhenë, për mëmëdhenë,
vraponi, burra, se s'ka me pritë!
Të vdesim sot me besa-besë
pranë flamurit të kuq që u ngrit,

Miahil Grameno


Si nuk shterri ajo llavë vullkani me gjithe ato që të ranë
në Oxhak tymi të shkonte majë qielli për Shqipëri !
E puthura, nuk ishte një portret morali që thau dynjanë
e mbushi me mister jetën që hyri në zi!

Nuk doli shfrimi për kujtime, as për Varrin e pagezimit
ishte kushtrimi të mbrohet kombi nga anatema
Në kryengritje Çerçiz Topullit i shkonte uratë e rrefimit
-Bini për liri ! Mos ndaloni djema!


- Mjaft e mallkuan gjuhën, dhe tokën na robëruan
do të vijë koha ta përmbysin e ta ndezin flakë ...!
Kanë hy djajtë të zhdukin, sa gjatë ne pësuam,
mos ua lejmë brezave të ndjehen të ngratë !

Fliste Mihail Grameno , por kleri nuk prante
në parapavi skema, ngriste strategji !
Tokën e shqipes , në katërsh e ndante
bënte kusuritje nëpër treg të zi!

- Ngriteni shqiptarë t' luftojmë honxhobonxhot !
Ata që detonojnë , ata që kërkojnë nënshtrim!
Tha Mihail Grameno i ligësuar në zemër
Në Oxhak ra heshtja , kur ai s'pa agim...!

[gjakushi]

TE RRAPI O ! NË MASHKULLORË !

Aleksandër Gjoni :Në Selanik ra pre e intrigave greke dhe u pushkatua padrejtësisht nga francezet Themistokli Gërmenji - korçari , patriot dhe luftëtar ...!

Mbrëmja binte si gjithmon mbi rugën Egnacia ,
hapte kaptinën frymëzimi , kur isha në Selanik!
Në shesh tek Kuvendi shprehnin mëllefin njerëzia,
- E kuptove shqetesimin?, më tha një mik!

Jetonte ai , dhe shkruante prej kohësh atje !
Aleksandër Gjoni i Korçës , dikur Republikë !
Më shoqëroi dhe me tha : Vëlla më ndje !
Këtë art të kësaj jete tepër e kam frigë !

Kjo botë dallgëzimesh ! Kjo botë misteri !
Këtu në Selanik ka thurrë rrjet për nënshtrim !
Atje - qëndron e vetmuar shtëpia e Hasan Prishtinës,
Tutje kësaj rruge është vrarë një trim!

Ia ke dëgjuar zërin që e këndon balada ?
Po serenata Korçe , lirika si kurorë ?
Ballëlartë me balluke, me fustanela të arta
shfaqet si yll tek Lisi O - n'Mashkullorë !!!

Është Çerçiz Topulli , ai trim , ai martir,
që Korçës Lule, i dha, dhe gjuhën, lirinë !
Franca , junanit e shpërbleu me xhevahir
ta realizojë vrasjen , të përdorë pabesinë !

U ndalëm tek Kulla shekullore ! Deti turfullonte.
Pikërisht ato çaste nga qielli u shua një meteor !
Jehona për Çerçizin deri në qiell shkonte :
- Te Rrapi o ! Në Mashkullorë ...!

[gjakushi]

NËPËR ZGRIPE KOHE

Me rastin e 20 vjetorit te perkujtimit per Naser Veliun



Në çdo shkronjë, tek çdo lule - ti, lule për Atdheun
Hero që ia fale jetën lirisë dhe bashkimit ?
Dy dekada i heshtur del në prilli i gjakosur-
lidh plagët e shekullit me dorën e pajtimit !

Ishe i pa lodhur në shtigje për të rindezur idenë
na kishin mbuluar me shtypje ne kurtha ranë lotët !
Nga Sermnova u thy heshtja dhe e mori dhenë
Në Kullë me Avniun për gjumë nuk u kotët !

Nëpër zgripe kohe , në katandi tufanësh
Ju në përballje prinit, për jehonë kushtrimi !
U përndoqën djajtë me çeta prej tiranësh !
që të vrasin trimat të bëhet nënshtrimi!

Ju lisa të lartë dje! Ju bij të ardhmërisë
Gjithmonë me një qëndrim të bëhet tërësia !
Gjak e jetë ia falët në lule të rinisë -
Buka - bukë !,të thirret , Ku është Iliria!

[gjakushi]

NË PRVJETORË JANARËSH


Kushtuar Jusufit, Bardhoshit dhe Kadriut



Në përvjetorë janarësh mes nesh si viganë
gjithmon me një pamje , me një qëndrim !
Shtrihet kobmisteri si u vranë !
- U vrafshin nëpër shekuj deri në shfarim!

Kosova shtet ringritet mbi jetën e martirëve,
ju arkitektë që i kënduat për rritë !
Tiranët si mumje - toborr i sahanlëpirsve,
shtërzojnë e rënkojnë të ndalin atë dritë !

Si mund të shuajnë gjithë atë vullkan ,
ai doli nga zemrat e martirve të idealit !
- Jusuf Gërvalla Diell - ndriçoj anembanë,
se shqipja e Kosovës rrit lisat e malit!

Në përvjetor janarësh regëtimë, mall e zjarr,
del gjama si ngrica pushton me pikëllim !
Tre martirë të përjetshëm, të gjallë në varr
Shqiptarëve u flasin për shtigjet Bashkim!

U kanë bërë vendin heronjtë , atdhetarët
nuk ndalon frymëzimi i praron lirika
Janë vezullimkushtrimi qe perndez janarët
Rroftë shqiptaria ! Rroftë Republika

[gjakushi]

LETËR JUSUF GËRVALLËS!



Kohë korbash, lalashë që turren
për kazanin e hashasë mburren
se përziejnë mistere krijojnë verbësi
në damarin e rritës mbjellin hi!

Dhe dalin në shesh, në foltore
xhuxhmaxhuxhë në veprime, horre
dhe ndërrojnë për çdo çast astarin
pak pushtet të marrin!

Zgjohu! Dhe shikoi! Të kujtohesh!
Mos janë ata të Untergrupenbahut?
Se krijuesëve ua ngulin pas shpine
sikur janë figura të shahut!

Dorë e zezë ! Vepron kokë e krimit
T’a gjakosë legjendën mbi janarin !
shkina e sërbisë ia fal uratën
kaurria ia mbjell ugarin!

[gjakushi]

HESHTJA JOTE FLET SE VJEN PAVARËSIA


I kushtohet Heroit Harun Aliu - Komandant Kushtrimi i vrarë nga policia makosllave më 12 maj 2010

***

Harun Aliu, alias komandant KUSHTRIMI, u lind me 20 maj 1971 ne Hasanbeg te Shkupit.Shkollimin fillor e kreu ne vendlindje, ndersa shkollen e mesme ne Damask te Sirisë.Fakultetin e Historise ne Universitetin e Tetoves.
Më 1998 bashke me Qemal Shaqirin , dhe me Beqir Limanin themeluan celululat e para te UÇK, në zonën e dyte Operative. Pas burgosjes se Qemalit, pastaj pas vrasjes se Beqirit , Haruni ishte ne aktivitet te plote. I brengosur per vrasjebn e Beqes, poashatu edhe per vrasjen e Qemalit, ai, nuk u ndal, deri me 12 maj 2010, kur djallezisht e vrane inkuizitoret makosllave!

E shpallën krimin për vrasjen tënde Hero Harun Aliu
Kushtrimi ynë - dalzotësi për ligjësi legjitime

Asgjë nuk bëhet kot , asgjë nuk vjen vetvetiu
toka kishte bijtë, s'ishte nënë jetime!

Nuk mundemi të heshtim - kjo vrasje na ka thyer
se vepruan pas shpine shtypësit të përkrahur nga tuxharët

Sa herë ky fat i mallkuar palcën na e ka gërryer
E pësojmë ne, ashtu si e kishin përjetuar të parët !

Si ta vlerësojmë këtë vrasje, ku goditet Komandant Kushtrimi
Ai që lidhi trimat të dalin me vise nga robëria

Në Iliridë janë tendosur si hijena gjithë makotërbimi
por heshtja jote flet se vjen Pavarësia !


Tani nëpër vargje ke nisur të bëhesh jehonë
Date Beqir Limanin , sërish e ke fare pranë

Ishte nisma e mbarë për liri në këtë zonë
që tmerrsisht e shtypën armiqtë, që djallëzisht të vranë ...

[gjakushi]

RILIND PËRJETËSISHT

(Ndoc Gjetjes )


Rilind përjetësisht ! Poeti Ndoc Gjetja !
Ai hesht ! Vargjet derdhin sqotë !
Prej aty lind e rritet blerimi ! - Është vetja -
e kundronte jetën - të bëhet kuptimplotë !

E kanë nëpërkëmbur ? - Ashtu veprojnë djajtë !
Ata të zezën e mbjellin , e kultivojnë në gjak !
Ndoci - kërkonte horizonte ! Jo djathtë e majtë ...
Të kishte mirësia forcën për hak!

Nuk kërkoj të dalë në kuvendin e grindjes !
UNI i tij - shkëndija , ndez shpresë !
Në ritualin e vargut - ia la forcën bindjes,
se : E bardha një ditë, s'do të mbesë e zezë !

Arriti çasti i ndarjes! Poeti u nis n'rrugëtim !
U mbulua me heshtje ! Tash flet "Dhjata ime "!
Ndoc Gjetja mungon! Rritet në kujtim !
E sjell malli t'rilindur ! Flet për rizgjime!