Eksperimenti i katert me ish-Jugosllavine

[Brari]

Ne "korrieri" Vetoni thote:


------------

Eskperimenti i katert i bashkimit mes Serbise dhe Malit te Zi, pa emrin Jugosllavi


Nga Veton Surroi



1.Pothuajse nje shekull pas aneksimit te Malit te Zi nga Serbia, keto dy shtete nenshkruajne edhe nje akt kushtetues te perbashket. Keso here, per dallim prej tre hereve te tjera, emri Jugosllavi nuk permendet. Pas 13 vjetesh te vdekjes se Jugosllavise, politikanet e ketyre dy shteteve me ne fund tejkaluan sindromin e te amputuarit, pra ndjenjen qe e ka njeriu te cilit i jane prere gjymtyret se po i kerruhet kemba a dora.

Dhe, ky nuk eshte i vetmi rezultat i ritualit makaber ne Beograd me te cilin varrosej trupi i vdekur mbi dhjete vjet me pare. Ai tjetri imediat eshte se per dallim prej shtetit per nje perdorim, sikur faculetat e letres, qe u formua dhjete vjet me pare, nga Milosheviqi e i quajtur serish Jugosllavi, politikanet e Beogradit dhe Podgorices keso here nenshkruan karten kushtetuese te dickaje qe nuk mund te quhet shtet. Me kete u definua e kaluara: nuk ka me Jugosllavi te Kralit, Titos e Milosheviqit. Por, nuk u definua saktesisht e ardhmja: do jene dy shtete te cilat do te paraqiten bashkerisht para shteteve te tjera, me mundesi qe pas te vjetesh te vendosin per nje rruge vetjake, ne baze te percaktimit me referendum. Per me teper, me aktin e nenshkrimit te Kartes kushtetuese (ose me saktesisht, atehere ku te kaloje votat ne parlamentet e shteteve anetare) ne fakt u vulosen edhe dy sisteme politike e ekonomike qe nuk jane automatikisht te nderlidhura e as te nderlidhshme. Mali i Zi do te vazhdoje te paguaje me euro, Serbia me dinare; doganat do te jene nen kontroll te shteteve e pa marreveshje paraprake per union doganor dhe institucione te perbashketa ne kete sfere; ushtaret e oficeret malazez do te sherbejne ne shtetin e tyre pos nese e deshirojne te kunderten; Parlamenti i bashkesise se re sipas gjendjes se tanishme do te kete po aq kompetenca sa edhe dega e ndonje partie politike ne province para dhjete vjetesh- pra te protestoje ashper...

2.

Pse atehere gjithe kjo zhurme mediale rreth Kartes kushtetuese? Per shkak te disa interesave marketingu dhe disa kthesave konceptuale.

Nga aspekti i marketingut, Bashkimi Evropian, si kumbare i bashkesise se re Serbi-Mal te Zi mund te pretendoje se e ka penguar procesin e cintegrimit te metejme te Jugosllavise, duke e ruajtur nje lloj bashkesie shteterore, ne vend te nje lufte mes republikash, sic ishte bere zakon gjate dhjetevjeteshit te kaluar. Te njejten gje mund ta thote edhe Koshtunica, si kryetar i mundshem i ardhshem i Serbise. Nga aspekti konceptual, qe te gjithe mund poashtu te pranojne se kane blere tre vjet qeverisjeje te padefinuar meqe nuk kane ndonje zgjidhje me te mire. Mali i Zi nuk kishte shumice kritike per pavaresi, Serbia jo se jo, ndersa pavaresimi i Malit te Zi, mendohej ne Bruksel dhe ne shume kryeqytete te botes, do te mund te shpejtonte ambicjet e kosovareve per pavaresi ndonese nuk kane treguar asnje rezultat te rendesishem ne vetqeverisje.

Kosova, ne fakt eshte vendi ku bashkedyzohen marketingu dhe koncepti. Karta e re kushtetuese le ne forme simbolike (por juridike) Kosoven nen pushtet te Beogradit ndersa de facto per shume njerez ne Bashkim Evropian, modeli i ngjizjes artificiale te Serbise dhe Malit te Zi do te mund te sherbente qe neser ky propozim t'i behej edhe Kosoves. Ne fakt, keto zera do te shtohen gjate vitit te ardhshem, ne vecanti kur behet fjale per marredheniet e Bashkesise se re serbo-malazeze me Bashkimin Evropian.

3.

Per sa i perket Kosoves dhe vullnetit te qytetareve te saj, cilado forme e bashkejeteses se zgjedhin serbet e malazezet nuk mund t'i imponohet. Per me teper, shekulli I kaluar ka treguar se eksperimentet ne krijimin e shtetit te nderlikuar e qe nuk respektojne interesin e atij qe e nderton , perfundojne si eksperimente te deshtuara. Madje edhe ne rastin paraprak te Jugosllavise se Milosheviqit te cilet e ndertuan dy popuj te nje barku, serbet e malazezet. Nuk ka arsye te besohet e kunderta edhe keso here.

Andaj, karta e dakorduar kushtetuese ne Beograd eshte e barazvlefshme me tre vjet te blera kohe, pas te cilave te gjithe ne do te jemi me te mencur. Edhe BE-ja, edhe Serbia e Mali i Zi. Por, edhe ne kosovaret, te cilet do te percjellim me vemendje dy perpjekjet kyce te faktoreve qe inauguruan kete karte: Si te binden dy shtetet se kjo bashkesi funksionon dhe si te binden kosovaret se kjo bashkesi po funksionon e se duhet te kycen ne te.

4.

"Nomen est omen",- thone latinet e vjeter. Emri mban fatin, do te ishte ne perkthim te lire. Para dhjete vjetesh kur u formua Jugosllavia e Milosheviqit, prej Serbise e Malit te Zi, shkrova se shteti i ri do te duhej quhej Serbia e Zeze. Tashme me duket se ia gjeten tamam emrin ketij shteti pretendent: Serbia e Mali i Zi. Pas nje kohe, per nga natyra, goja e njeriut i shkurton keto nderlikime, dhe do te kerkoje ta quaje, o Serbi o Mal i Zi.

[Kresha]

Pse insistohet për dialogun mes Kosovës dhe Serbisë?

Kur nuk di kush se çka të bëjë me Kosovën, përmend dialogun me Beogradin

VETON SURROI
1.
Para një jave në Athinë, në një mbledhje të Klubit Ballkanik, atmosfera e qetë paksa u turbullua kur deklarova se po qe se ky klub (i përbërë kryesisht prej ish-kryetarësh, kryeministrash e prijësish politikë të vendeve ballkanike) e mban mbledhjen në Beograd, atëbotë nuk mund të llogaritet pjesëmarrja ime në këtë mbledhje, për shkaqe të thella morale. Ceka se Beogradi është vend i cili ende nuk e ka spastruar historinë e luftës dhe krimeve në Kosovë, ende mban në gjirin e vet kriminelë të luftës dhe se do të ishte e pamoralshme prej meje që të shkoj në një mbledhje në vend të tillë. Përgjigja që mora nga njëri prej prijësve serbë, Dragolub Miçunoviqit, është se në Beograd nuk është më në pushtet Milosheviqi, se dikush ende përpiqet të portretojë Serbinë si të pandryshuar dhe se, pa marrë parasysh të gjithat, shqiptarët e Kosovës dhe Serbia duhet të bisedojnë. Pak ditë më vonë, Rada Trajkoviq, në një mënyrë reflektoi mbi këtë gjë, duke thënë se shqiptarët i frikësohen dialogut me Beogradin, përkatësisht me Serbinë. Dhe, pothuajse, njëkohësisht, nga disa kryeqytete të botës, nga persona të përgjegjësive të ndryshme politike e intelektuale, u përsërit se dialogu mes shqiptarëve të Kosovës dhe Beogradit duhet të fillojë së shpejti.
2.
Kjo punë e dialogut, e fryrë sot, më duket pak si puna e dialogut gjatë pothuajse tërë dhjetëvjetëshit të viteve nëntëdhjetë. Të gjithë thonin se çështja e Kosovës do zgjidhur me dialog, ndërsa zhvillimet shkonin krejtësisht në drejtim të kundërt. Për shqiptarët ishte shpjegim i gatishmërisë për të vepruar padhunshëm (duke u përpjekur për të fshehur pamundësinë e veprimit tjetërfare), për serbët zyrtarë ishte shpjegim i gatishmërisë për të biseduar nën tytën e pushkës (duke tentuar të fshehet mosgatishmëria për çfarëdo zgjidhje tjetër) e për bashkësinë ndërkombëtare ishte shpjegim se është i një parimi që po kjo bashkësi ndërkombëtare përpiqej t’i qëndrojë besnike (duke fshehur se nuk ka vendosur të merret me çështjen e gjenocidit ashtu siç duhet të merret, me aplikim të politikës së mbështetur me forcë). Tash ngrihen zërat rreth dialogut pak a shumë sepse nuk e ka kush idenë se si të ecet përpara rreth çështjes së Kosovës. Kosova nën kësi lloj protektorati e ka mbërritur optimumin e këtij lloji të qeverisjes (mosqeverisjes) dhe për të kaluar në stad tjetër nevojitet një ide tjetër. Rrugica më e shkurtër për të kaluar në stad tjetër është që të gjithë të drejtohen kah statusi, e rrjedhimisht edhe kah dialogu i Kosovës me Beogradin. Kjo rrugicë, megjithatë, kthehet në të kundërtën e vetes. Çfarë do t’i ndihmojë dialogu me Beogradin Kuvendit të Kosovës që të miratojë më shumë ligje, Qeverisë që të qeverisë, apo tërë sistemit të vendosjes kosovare të ushtrojë kompetencat e veta e të kërkojë më shumë sish? Apo, çfarë do t’i ndihmojë dialogu me Kosovën Beogradit që të vendosë se a do të orientohet kah një kurs proevropian apo do të mbesë të zgjedhë mes një laryshie nacionalistësh, prej Koshtunicës e deri te fashizmi i Sheshelit?
3.
Dialogu, megjithatë, do të ndodhë. Së pari, sepse ka ndodhur edhe gjatë këtyre tre vjetëve: kosovarët e niveleve të ndryshme janë takuar me serbë të niveleve të ndryshme në kontekste të tubimeve ndërkombëtare në vende të treta. Së dyti, sepse kësi takimesh do të ketë, dhe ato do marrë si çëshje të natyrshme, pa i fryrë jashtë kontekstit, siç u bë me atë të paradokohshëm të Luzernit, ku edhe kryeministri e edhe kryetari i Kuvendit të Kosovës duhej të jepnin arsyetime fare të panevojshme se përse kishin qenë në një tryezë me Çoviqin e ministrin Mihajloviq. Por dialogu është hapi i parë drejt negociatave. Edhe tash, sikur para dhjetë vjetësh, problemi themelor nuk është se a duhet dialog (e negociata) por përse duhen ato, kur duhen mbajtur e si duhen parapërgatitur ato dhe çfarë do të jetë konteksti i tyre, përkatësisht brenda çfarë kornize të projektuar të ardhmërisë duhet të mbahen. Me këtë, që tani, mund të shtrohen tri rrafshe për të cilat do parapërgatitur. I pari është i tërë kompleksi i luftës, prej viktimave e krimeve të luftës deri te efektet ekonomike të shkatërrimit. I dyti, tërë kompleksi i çështjeve të përditshmërisë, pra prej transportit deri te ato energjetike. Dhe i treti, i tërë kompleksi i cili mbështetet mbi rrafshin e integrimit evropian: pra si të projektohet ardhmëria e Kosovës dhe e Serbisë brenda këtij dhjetëvjetëshi kur çdonjëri prej këtyre shteteve objektivisht do të ketë, ndonëse me rrugë të ndara, ardhmëri të përbashkët si anëtarë të BE-së.
4.
Ardhmëria evropiane? Kjo duket shumë larg dhe shumë çështje e ndërlikuar për ata që insistojnë çdo ditë se do mbajtur dialogu mes Kosovës dhe Serbisë. Por, pa e projektuar ardhmërinë, biseda mes institucioneve kosovare dhe atyre të Serbisë do të mbetej vetëm në atë të së kaluarës, për të cilën gjë Serbia, e cila ende nuk e ka kaluar denacifikimin, është po aq e gatshme sa edhe më 12 qershor të vitit 1999.

Marre nga Koha Ditore

[Eni]

KOSOVE: RIHAPET DISKUTIMI PER STATUSIN PERFUNDIMTAR

Te gjithe, pervec Shqiptareve, jane perpjekur ta shmangin nje gje te tille, por tani e ardhmja e Kosoves eshte shtruar per diskutim.

Nga Tim Judah* ne Londer (BCR No 391, 16-Dec-02)

Qe prej perfundimit te luftes ne Kosove, ceshtja e statusit te saj perfundimtar ka qene pikpyetja me e madhe ne politiken e Ballkanit. Kjo ceshtje deri me tani nuk eshte diskutuar. Megjithate, nje sere zhvillimesh te reja brenda dhe perreth Kosoves tregon se tani ka filluar nje periudhe e re ne kete drejtim.

Gjate diteve dhe javeve te fundit, Sekretari i Pergjitheshem i OKB-se dhe ambasadoret e vendeve te Keshillit te Sigurimit kane vizituar Prishtinen dhe Beogradin. Michael Steiner, shefi i UNMIK, ka shkuar ne Uashington ku ka diskutuar me administraten Amerikane dhe ne New York me OKB-ne rreth kesaj ceshtjeje.

Steiner gjithashtu se fundi ka shkaktuar nje diskutim te madh kur ka paraqitur propozimin e tij qe Bashkimi Europian te marre ne dore kontrollin e UNMIK - por vetem pasi te jete vendosur statusi perfundimtar i protektoratit.

Ne Prishtine, politikanet Shqiptare jane shprehur me zemerim rreth vendimit te Serbise dhe Malit te Zi te marre me 7 Dhjetor per miratimin e nje kushtetute per bashkimin e tyre te ri. Ne parathenien e kesaj kushtetute thuhet ne menyre te qarte se Kosova eshte pjese e Serbise.

Te gjitha keto zhvillime te bejne te shtrosh pyetjen se cfare po ndodh? Aresyeja e pare per shkrirjen e akujve ne lidhje me kete ceshtje jane ererat e ngrohta qe fryjne nga Iraku. SHBA deshiron te perqendrohet ne luften ndaj terrorizmit dhe ne nje lufte te mundeshme ndaj Saddam Husein. Per rrjedhim, zera te fuqishem ne Uashington po kerkojne pakesimin e perfshirjes Amerikane ne Ballkan ne menyre qe te lirohen keto forca per tu perdorur ne zonen tjeter te konfliktit.

Nje menyre per te arritur nje gje te tille eshte qe Serbet dhe Shqiptaret te nxiten te bisedojne rreth se ardhmes se tyre. Por Amerikanet deshirojne qe edhe Europianet te ndihmojne ne kete drejtim. Gjate nje konference te nivelit te larte te koheve te fundit ne Institutin Amerikan te Paqes ne Uashington, USIP, pjesemarresit Amerikan e kane bere te qarte se nje prej menyrave qe Europa mund te ndihmoje SHBA ne Irak, do te ishte qe te merrte persiper me teper peshe ne Ballkan.

Per cudi, USIP, (www.usip.org) ka menduar me teper per mundesine e se ardhmes se Kosoves se cdo organizate tjeter ne Beograd apo Prishtine.

Aresyeja e dyte qe ceshtja e statusit perfundimtar te Kosoves ka hyre ne axhenden politike eshte se per sa i perket UNMIK, kjo eshte ceshtja e ardheshme ne rendin e dites - sic percaktohet edhe ne mandatin e tij, te dhene nga Rezoluta 1244 e Keshillit te Sigurimit. Tani qe jane ngritur dhe po funksionojne Institucionet e Perkoheshme te Vete-Qeverisjes, detyra e UNMIK eshte te punoje per "zhvillimin e nje procesi politik me synim percaktimin e statusit te ardheshem te Kosoves".

Aresyeja e trete se perse politikanet dhe analistet po kthejne vemendjen nga Kosova ka te beje me BE. I gjithe rajoni ka shume nevoje te filloje te levize drejt anetaresimit ne BE por organizata eshte e perbere nje grup shtetesh, dhe jo nga territore me status te papercaktuar.

Deri me tani, Serbia dhe Mali i Zi as nuk mund te fillonin te mendonin rreth ahpjes se diskutimeve per nje Marreveshje per Stabilizim Asocim, SAA, me Brukselin sepse ato nuk dinin nese ishin ende pjese e nje vendi apo jo. Marreveshja per Stabilizim Asocim eshte hapi i pare madhor drejt anetaresimit ne BE dhe nje marreveshje e tille percakton procesin qe duhet te kryeje nje vend per te afruar sa me teper legjislacionin me standartet Europiane.

Bashkimi i ardheshem i Serbise dhe Malit te Zi do te thote qe kjo ceshtje te pakten per tani, eshte zgjidhur.

Por cfare do te ndodhe me Kosoven? Ceshtja e Marreveshjes se Stabilizim Asocimit ka shkaktuar alarm ne ministrine e jashteme Jugosllave. Ajo tani mendon se ceshtja e Kosoves duhet te zgjidhet ne menyre qe Serbia dhe Mali i Zi te mund te fillojne procesin e arritjes se marreveshjes me BE.

Per fatin e mire te te gjitha paleve, BE, sipas vete fjaleve te nje zyrtari te saj, "ka nje imagjinate te pafund". Me 6 Nentor, shume prej anetareve te qeverise se Kosoves kane fluturuar ne Bruksel per te marre pjese ne nje mbledhje me Komisionin Europian. Ky veprim mund te quhet edhe si fillimi i nje politike te dyfishte ndaj Serbise dhe Kosoves.

Ideja eshte qe Serbia dhe Mali i Zi te fillojne procesin e Stabilizm Asocimit, i cili do te "ndalet" zyrtarisht per shkak te pritjes se nje zgjidhjeje perfundimtare te statusit te Kosoves. Ne te njejten kohe, Kosova do te nise nga ana e saj kete process, megjithese ne menyre jo krejtesisht zyrtare.

Nderkohe, takimi i organizuar nga USIP, ka treguar edhe disa zhvillime te tjera. Se pari, eshte vene re se zyrtaret dhe analistet Amerikane jane shume me teper te gatshem per mbeshtetjen e nje Kosove te pavarur se sa koleget e tyre Europiane, dhe se ata jane shume me te interesuar per fillimin sa me te shpejte te bisedimeve.

Megjithate, te dyja palet te dyja palet jane te vendosura te nxisin Serbet dhe Shqiptaret te fillojne sa me pare bisedime ne lidhje me ceshtje konkrete si tregtia, transporti dhe energjitika. Zyrtare te UNMIK jane shprehur se ne fillim te vitit te ardheshem ata do te ftojne zyrtaret e Beogradit dhe te Prishtines te fillojne bisedime ne lidhje me keto ceshtje.

Zerat per fillimin e bisedimeve te mundeshme kane shkaktuar nje fare alarmi ne rradhet e politikaneve Shqiptare te Kosoves, te cilet i tremben nje perpjekjeje te mundeshme per ti detyruar ata te pranojne nje zgjidhje tjeter te ndryshme nga pavaresia, per shembull nje fare marredhenie formale me bashkimin e ri ndermjet Serbise dhe Malit te Zi.

Ne Beograd, ku ceshtja e Kosoves ka qene krejtesisht tabu qe prej Qershorit te vitit 1999, shume pak njerez kane filluar te diskutojne haptazi per te. Zyrtarisht, politika eshte "jo ndarje, jo pavaresi". Megjithate, strateget Serbe kane nje problem. Nese ata nuk pranojne asnje prej ketyre mundesive atehere cfare zgjidhje do te jepnin ata pervec nje reintegrimi te mundeshem te 1.8 milion Shqiptareve te cilet i urrejne ata dhe te cilet do te perfaqesohen ne qeveri dhe ne parlamentin e Serbise dhe te bashkimit te ri?

Gjate muajve te fundit, Nebojsha Coviq, kryetari i Qendres Koordinuese per Kosoven dhe Metohine, organizmi i cili merret direkt me Kosoven, ka filluar te flase per nje rajonalizim. Ky eshte nje term i perdorur ne vend te autonomise de jure per zonat e banuara nga Serbet. Por ky nuk mund te jete nje plan afatgjate.

Megjithate, me 22 Nentor, ai ka shkruajtur nje artikull per te perditeshmen e Beogradit Politika, i cili duket si fillimi i nje strategjie te re. Ai duket se deshiron te thote (megjithese jo ne menyre shume te qarte) se ceshtja e Kosoves mund te zgjidhet duke lejuar qe Kosova te mbetet ne gjirin e Serbise, por ne te njejten kohe, ajo ose ndoshta vetem pjesa e banuar nga Shqiptaret, mund te kete nje status te ngjashem me ate te Republika Srpska ne Bosnje Herzegovine.

Njeriu i cili influencon shume Coviq eshte njohesi i mire i ceshtjes se Kosoves, Profesor Branislav Krstiq, i cili eshte edhe zevendesi i tij ne qendren e koordinimit. Krstiq ka pranuar se ai eshte nje admirues i Lordit Owen - i cili ka propozuar ndryshimin e kufinjve ne Ballkan. Mesa duket Coviq ka vendosur te paraqese i pari pozicionin e tij. Ai momentalisht po paraqet pozicionin e tij maksimalist, te cilin ai e di mire se do te jete i papranueshem nga Shqiptaret, por ne te njejten kohe ai ka lene te kuptohet edhe pozicionin e tij minimalist - nje fare ndarje te mundeshme te Kosoves.

Por megjithate, duket se deri ne percaktimin e statusit perfundimtar do te kaloje nje kohe e gjate. Bisedimet e verteta per kete ceshtje, dhe jo vetem takimet mundane, veshtire se mund te fillojne vitin e ardheshem, por disa vezhgues optimist mendojne se nje gje e tille mund te ndodhe ne vitin 2004.

*Tim Judah eshte autori i librave Kosova: Lufte dhe Hakmarrje dhe Serbet: Historia, Miti dhe Shkaterrimi i Jugosllavise.

© Institute for War & Peace Reporting

[Brari]

Kosova nuk duhet te ndahet.
Boll ka marre Serbia Toka Shqiptare gjate ketyre 200 vjetve

Serbet ne Kosove duhet te pranojne verdiktin e Shumices qe jeton ne Kosove.
Shumica, pra Shqiptaret, duan nji KOSOVE Republike.

Serbet ne se pranojne te jetojne ne kete Republike...jane te mirse ardhur..ne se Jo le te shkojne tek Shteti tyre, Serbia.

Injorimi i Rugoves nga Tirana duke hapur inisiativa Tirane-Beograd e Beograd-Tirane eshte nji loje e pa hijshme.

Iliri duhet te jete transparent.
Vepron Ai me kok te vete...pra me urdhera te Nano-Fino-Ruco-Zabit-Namikve...ose dikush nga "lart" e cpon me hosten mullaqeve Lir Meten dhe ai bredh neper Ballkan..??

Kjo duhet sqaruar..

Dje ai i ka dhene porosi Agim Cekut te TMK-se qe duhet te pranoje ne TMK dhe maxhup te kombsive te tjera..
Natyrisht me urdher te Ilirit..pra PS-se si Ceku..e Xhaviti e Ashimi e banda e tyre pranojne cdo gje..
Por Iliri duhet te dije qe populli njeh per Zot Rugoven..
Pamvaresisht se CEKU e ka bere TMK-ne kazerme ku flejne naten hajdutet e Ashimit, ai duhet te kuptoje se kjo nuk shkon gjate..
Nji dite Ceku duhet ta dorzoje TMK-ne tek Parlamenti i Kosoves i cili ne Shumice eshte LDK-ist...dhe eshte LDK-ist sepse populli si ne votimet parlamentare dhe lokale Voten ja jep LDK-se.
Ai dhe gjithe gjeneralet e TMK-se duhet te njohin RUGOVEN si Kryetarin e tyre e jo te sillen si lapangjoze zyrash partish e zyrash spiunazhi.
A- ja e Ushtarakut eshte ti bindet Autoritetit te Shtetit...dhe Ai Shtet..pra Kosova ka Rugoven President.
Jane zagaret e PDK-se qe i japin krahe Ilir Metes te luaje politike anti-Kosove.

Iliri duhet ti thote Shefave atje "lart" se Ai ska c'fare ben ne Kosove asnji fare diplomacie sepse Kosova ka Rugoven e zgjedhur brenda rregullave qe bota vet i pranon..pra me Votim te lire..

Servilizmi i enveristeve te Kosoves ndaj padronve te tyre ne Tirane eshte i neveritshem dhe i rrezikshem.

[Kresha]

Postuar më parë nga Brari
Nji dite Ceku duhet ta dorzoje TMK-ne tek Parlamenti i Kosoves i cili ne Shumice eshte LDK-ist...dhe eshte LDK-ist sepse populli si ne votimet parlamentare dhe lokale Voten ja jep LDK-se.
Ai dhe gjithe gjeneralet e TMK-se duhet te njohin RUGOVEN si Kryetarin e tyre e jo te sillen si lapangjoze zyrash partish e zyrash spiunazhi.

Pasi nuk do qe ushtaret e TMK-se te sillen si lapangjoze zyrash partish, pse propozon qe ajo te kaloje ne duart e LDK-se?

[Brari]

Sepse LDK eshte shumica e popullit te Kosoves.pik.
Nuk e them une kte por e ka thane populli.
A morre vesht o Kresh trimi..

[Kresha]

Postuar më parë nga Brari
Sepse LDK eshte shumica e popullit te Kosoves.pik.
Nuk e them une kte por e ka thane populli.
A morre vesht o Kresh trimi..

Une po marr vesh cka po mundohesh te thuash, mirepo e ke gabim.

1) LDK-ja i ka fituar 40+ % te votave (nuk me kujtohet numri ekzakt) ne zgjedhjet e fundit. Qe te jesh shumice duhesh ti fitosh 50% + 1 vote.

2) Nese e marrim parashysh se me shume se 40 perqind e njerezve ne listat elektorale nuk kane dalur ne votime, atehere numri i perkrahesve te LDK-se nuk del me shume se 30%.

Ate cka e ka thene populli nuk eshte e njejte me ate qe thua ti.

Tani une po te them A MORRE VESH.

Shnet

Kresha

[Brari]

Ai qe nuk del ne Votim nuk perben popull.

Populli eshte pjesa e ndergjegjshme e dykembshave qe jetojne ne nji vend ku flitet nji gjuhe e ku ka bashkjetese ne shekuj.

Ata qe nuk dolen ne Votime ne Kosove jane drogashet , hajnat dhe lahperat.

Shumica e ndergjegjshme votoj per LDK-ne.
Pakica frikacake u tremb nga trimat e Ashimit dhe votoj per Pdk-ne.

[Kresha]

Postuar më parë nga Brari
Ai qe nuk del ne Votim nuk perben popull.

Populli eshte pjesa e ndergjegjshme e dykembshave qe jetojne ne nji vend ku flitet nji gjuhe e ku ka bashkjetese ne shekuj.

Ata qe nuk dolen ne Votime ne Kosove jane drogashet , hajnat dhe lahperat.

Shumica e ndergjegjshme votoj per LDK-ne.
Pakica frikacake u tremb nga trimat e Ashimit dhe votoj per Pdk-ne.

Kisha pase deshire ta di se kush na e paska shpikur kete definicion per popullin.

A eshte i ndergjegjshem apo i pandergjegjshem, me shkolle apo pa shkolle, fshatar apo qytetar, nuk ka rendesi.

Nese 40 e me shume perqind e popullit drogohen, vjedhin, e jane lahpera (sic thua ti) e te pandergjegjshem, atehere ska cka na duhet as Rugova, as LDK-ja, as mendimet e Vetoni, as ky forumi ku debatojme... Rezultati do te ishte i njohur - shkaterrimi total.

Populli nuk doli ne votime pasiqe nuk kishte per ke te votonte. Fjale plot, e vepra pak (fajin e kan edhe kompetencat e shkreta te cilat i kane) ishte e vetmja gje qe i ofrohej POPULLIT (te gjithe atyre qe kane te drejte te dalin ne zgjedhje).

Kresha

[Brari]

Nji shqiptar qe i ka te pakten 20 vite ne shpine eshte i ndergjegjshem qe minimumi qe behet per atdheun eshte te japesh voten nji here ne 2 ose 4 vjet.

Te mos prishesh gjumin nji dite ne 4 vjet dhe ne kete rast me preteks se " valla kurrnjani nuk vlen...valla kejt mu-ta jane..etj" te mos shkosh ne kutine e Votimit ku nji bote ta ka garantuar lirine dhe sigurine eshte nji poshtersi e pa justifikueshme.

Sikur te shkonte polici Serb e tu thosh ..berzo..shiptari m-uticki shu-rricki..ne votim.. ..me vrap i kishin lene krevatet e Cajin e rusit e kishin shkue me brek e pa brek me votu per ndoj far Zorrani ose Miloradi.
Eshte kulmi i te menduarit prej kopuku e dallkauku anadollak mos dalja ne Votime.

Nuk eshte e vertete se askush nuk qenka i mire e nuk kan ku me votue.
Sa mire sapo dikush asht zgjedh dikund ...ata "mos-votuesit" menjiher shkojne te paret ne Zyren e tije me ja lyp ndoj privilegj..e me i cu rrushfete e me ju lepie.

Kush nuk voton ose asht hajn-lahper qe nuk i intereson politika po vec si me vjedh ose eshte spiun i Serbise qe nuk do asnjerin prej Shqiptareve te kandiduar..sepse i ka lidhjet me UDB.



......