Prend Ukaj

[shigjeta]

Shkeputur nga vellimi “Rektima mëkatesh”

Jetoj me orët

Jetoj me orët,
Të vjedhura
Në xhepat e dit’ve

T’pamirat i përtyp
Dhe i shtërzej
N’çdo jashtëqitje.

Te ky skajmal
Si në mitet
Vras dhe fal…


Femra ime

Femra ime e erosit
E hirshme, e dlirë
Si Ajkuna e eposit


***
Në nje degë druri t’pyllit tim
E lë vjerrë një eshtër
Që ma kallëzon rrugën nesër.


***
N’i varr prehen, atje në mal
Eshtrat e ëndrrave të mia -
Kufomë e ngrirë në mëkat


As po di…

As po di, ku humbova, as ku gabova, për dreq
As po di, pse bëra mirë, as pse gjeta keq

As po di, pse e gdhenda emrin n’ata gurë
As po di, pse shlyer ma kanë dikund

As po di, pse po vij, as pse po shkoj
As po më ndalë, as po më lëshon…

Ah, n’i muzg, n’i muzg t’murmë
Te ky dhé kam me pasë prehë

Herëdovonë, herëdovonë.



Nata – Tash e pafundme

Nata, tash e pafundme
Zhduket në humbellën e mosgjësë…

N’hjekë, prej zorit
Frymë marr thellë
Deri në fund t’zgorit

Në varrterr
Dy sytë më mbetën çelë…

[shigjeta]

Në pritje të një hingëllime..

Kalorësi me kalë, egërshan
Iku nga ditëjeta ime
S’e di kah më hupi, ku m’u fsheh?

U rashë an’ për anë, gjithkah dromeve
Ndër imështa, suka e mrize
Askund s’e gjeta, për besë

Rreshpeve, këmbët ndërgjakë, prapë
Vrik, sulem mbas kalorësit idhnak,

Në pritje të një hingëllime…


Në troje të shkimbur gjëmash

Ndëshkuar ma paskan rracën dhe sharë,
Mallkuar dhe namë, pa shkak, pa faj.

Në troje të shkimbur gjëmash,
Në beteja t’humbura, pa lavd.

Prej vitesh,
Jetuar kam i ndërkallur
N’psherëtimën e një emri,
Që digjet
Ndër shkarpa zjarri…

Sak, me emblemën e kumtit
Të ringjallur.


Prorë në ëndrrat

Prorë e prorë n’ëndrrat
Një ëngjëll më ulet

Djalli, doemos
E nguc, e nguc…

Dhe ëngjëllin, dhe t’paudhin
T’i pranoj me duhet

Koh’ e dhelprës është –
Më tha dikush

[Bahtir Hamza]

yes yes and yes