Per Motrat Muslimane

[abdurrahman_tir]

Statusi i gruas para dhe pas Islamit
nga shejh Salih el-Feuzan
Burimi: libri i tij, Tenbihat alaa Ahkam Tekhtessu bil-Mu'minat [f.6-11]





Statusi i gruas para Islamit



Ajo që mendohet me "para Islamit" këtu është periudha e njohur si xhahilije [ditët e injorancës], në të cilën jetonin Arabët në veçanti dhe e gjithë bota në përgjithësi. Kjo ishte kur njerëzit s'kishin ndonjë të dërguar midis tyre dhe nuk kishin kurrfarë udhëzimi. Në një hadith qëndron:"Allahu shikoi në ata – Arabët dhe joArabët – dhe i urreu të gjithë, përveç disa njerëzve ndër Njerëzit e Librit [që mbeten të udhëzuar në porosinë e vërtetë]."



Në shumicën e rasteve, gruaja e kësaj periudhe jetonte në kushte mjaft të rënda, posaçërisht në shoqëritë Arabe, ku ata urrenin që t'u lindte vajzë. Pra, midis Arabëve ishin ata që i varrosnin vajzat e tyre ndërsa ato ishin ende të gjalla, gjersa ajo vdiste nën dhé. Dhe, midis tyre ishin ata që i linin të jetonin vetëm që të jetonin një jetë poshtëruese dhe degraduese. Allahu thotë:"Kur ndonjërit nga ata i vinte lajmi për lindjen e vajzës, fytyra e tij bëhej e errët dhe vrerosej. Ai fshehej nga njerëzit për shkak të lajmit të keq që pranonte. A do ta mbajë atë me turpërim apo do ta varrosë në dhé?" Padyshim, i lig është vendimi i tyre."[Nahl:58-59]



Allahu thotë:"Dhe kur foshnja femër, e cila është varrosur në tokë, të pyetet se për çfarë mëkati është vrarë ajo."[et-Tekuir:8-9]



Fjala meu'udeh i referohet foshnjes femër që është varrosur e gjallë dhe është lënë të vdesë brenda në tokë. Dhe, po të kursehej nga varrosja për së gjalli dhe të lihej të jetonte, atëherë, vërtet, ajo do ta gjente veten duke jetuar një jetë degraduese. Kjo meqë asaj nuk i lejohej që të trashëgonte hise nga prona e të afërmëve të saj, pavarësisht çfarë pasurie posedonte ai dhe pavarësisht nga skamja apo nevoja e skajshme që ajo mund të kishte. Në fakt, ajo pjesëtohej si pjesë e pronës së burrit të saj të vdekur, mu siç pjesëtoheshin paratë e tij në trashëgimi!



Asokohe mund të gjindeshin një numër i madh grash që jetonin nën një njeri, meqë ata nuk kishin ndonjë kufi për numrin e grave që mund t'i martonin. Kështu që ata nuk shfaqnin kurrfarë interesimi për atë se çfarë mund t'u ndodhte grave si rezultat i kësaj, siç është jetesa në kushte shtrënguese, parehatia dhe drejtësia.




Satusi i gruas pas Islamit



Por, kur erdhi Islami, ai i pezulloi këto padrejtësi nga gruaja dhe ia ktheu asaj nderin dhe vetëbesimin në njerëzimin. Allahu thotë:"O njerëz, vërtet Ne ju krijuam nga një mashkull dhe një femër."[el-Huxhurat:13]



Kështu, Allahu përmend që ajo ishte ortake e burrit në zanafillën e njerëzimit dhe njëlloj, ajo është ortake më burrin shprehur në shpërblimin apo denimin për veprat e bëra. Allahu thotë:"Kushdo që bën vepra të mira, qoftë mashkull apo femër, ndërsa është besimtar[e] i vërtetë, atij do t'i japim një jetë të mirë dhe do ta shpërblejmë në mënyrën më të mirë për atë që bënte."[en-Nahl:97]



Allahu thotë:"Kështu që Allahu t'i denojë mashkujt dhe femrat hipokritë dhe mashkujt dhe femrat idhujtarë."[el-Ahzab:73]



Dhe, Allahu ka ndaluar që femra të konsiderohet si pasuri trashëguese në pasurinë e burrit të saj të vdekur, siç thotë:"O ju që besoni, ju është ndaluar të trashëgoni gruan pa vullnetin e saj."[en-Nisa:19]



Pra, Allahu i dha asaj pavarësi në individualitetin e saj, në mënyrën që asaj iu mundësua të trashëgojë në kundërshtim me të qenit objekt trashëgimie. Dhe, Allahu i dha gruas të drejtë trashëgimie në pasurinë e të afërmëve të saj. Allahu thotë:"Duhet të ketë hise për mashkullin dhe hise për femrën nga ajo që lihet nga prindërit dhe të afërmit e tyre, qoftë ajo pronë e vogël apo e madhe."[en-Nisa:7]



Allahu thotë:"Allahu ju urdhëron në lidhje me trashëgiminë e fëmijëve tuaj: mashkullit t'i jepet hise sa dy femrave. Nëse ka vetëm bija, dy apo më shumë, hisja e tyre është dy të tretat e trashëgimisë; nëse është vetëm një [bijë], pjesa e saj është gjysma."[en-Nisa:11]



Kjo vlen po ashtu edhe për tekstet tjera ku qëndron se gruaja mund të trashëgojë, qoftë ajo nënë, bijë, motër, apo grua.



Në sferën e marrëdhënieve martesore, Allahu e kufizoi martesën e mashkullit me më së shumti katër gra, me kusht që ai t'i trajtojë të gjitha gratë e tij me drejtësi dhe barabartë sipas mundësive të tij. Dhe, Ai e detyroi burrin që të jetojë me to në dashamirësi, siç thotë:"Dhe jetoni me to ndershmërisht."[en-Nisa:19]



Ai e bëri dhuratën të drejtë të saj dhe urdhëroi që ajo t'i jepet asaj tërësisht, përveç asaj çka ajo lejon nga vullneti i mirë. Allahu thotë:"Dhe jepjani gruas dhuratën me bujari. E, nëse ato, nga vullneti i mirë i tyre, e zvogëlojnë ndonjë pjesë të saj, merreni atë dhe shijoni atë pa frikë nga pasojat."[en-Nisa:4]



Dhe, Allahu e bëri atë kujdestare që urdhëron për të mirë dhe ndalon nga e keqja në shtëpinë e burrit të saj, dhe udhëheqëse e fëmijevë të saj. Pejgamberi [salallahu alejhi ue selam] ka thënë:"Gruaja është kujdestare e shtëpisë së burrit të saj dhe ajo do të pyetet [në ditën e gjykimit] përsa i përket atyre që janë nën kujdesin e saj." Po ashtu, Allahu e ka bërë detyrim për burrin që ai të shpënzojë në të dhe ta veshë atë në mënyrën e duhur.



Ajo që armiqtë e Islamit dhe degët e tyre duan sot me zhveshjen e gruas nga nderi dhe të drejtat e saj:



Vërtet, armiqtë e Islamit – apo më mirë armiqtë e njerëzimit – sot, ndër mosbësimtarët, hipokritët dhe ata që kanë sëmundje në zemrat e tyre, janë tërbuar lidhur me atë çka gruaja muslimane ka arritur nga nderi, lavdia dhe dëlirësia në Islam. Kjo ngase armiqtë e Islamit ndër mosbesimtarët, hipokritët dhe ata që kanë sëmundje në zemrat e tyre, duan që gruaja të shërbejë si një kurth me anë të së cilës do të mund t'i joshin dhe kapin ata me iman [besim] të dobët dhe ata që kanë natyrë të çoroditur, pasi të kenë përmbushur dëshirat e tyre të prishura me të [gruan]. Allahu thotë:"Por ata që ndjekin epshet e tyre dëshirojnë që ju të shmangeni pamasë [nga rruga e drejtë]."[en-Nisa:27]



Dhe ata që kanë sëmundje në zemrat e tyre midis muslimanëve, dëshirojnë që gruaja të jetë një artikull i lirë, duke iu ekspozuar këtyre njerëzve të dëshirave epshore dhe prirjeve djallëzore. Ata duan që ajo të shërbejë si artikull i hapur përpara syve të tyre, në mënyrë që ata të argëtohen me paraqitjen e bukur të saj apo ndoshta të bëjnë me të gjëra shumë më të këqija se kjo.



Për këtë shkak, ata harxhojnë mund të madh në përpjekje për të bërë gruan që të dalë jashtë shtëpisë së saj, në mënyrë që të merr pjesë më mashkujt në punët e tyre, duke punuar krahpërkrah me ta. Apo, që ajo të shërbejë dhe të kujdeset për mashkullin si dado nëpër spitale, apo stjuardesë në avion, apo mësuese e profesoreshë në shkollat e përziera të pandara, apo që ajo të jetë aktore në teatre, apo këngëtare, apo spikere në format e ndryshme të mediave, kështu duke e vërë në dukje fytyrën e saj dhe duke joshur mashkujt me zërin dhe paraqitjen e saj.



Ndërsa, revistat imorale kanë publikuar fotot e vajzave që shfaqen në mënyrë provokative dhe të zhveshura, si mënyrë për t'u bërë marketing revistave të tyre. Disa afaristë dhe kompani i kanë marrë këto foto po ashtu si mënyrë për të raklamuar prodhimin e tyre, duke vendosur këto foto në reklamat dhe ekspozitat e tyre.



Këto akte djallëzore janë menduar për t'ia hequr mendjen nga detyra e saj e vërtetë, e cila është në shtëpinë e saj. Kjo e detyron burrin që të angazhojë shërbëtore femra për të rritur fëmijët e tyre dhe për t'u përkujdesur për punët e shtëpisë, gjë që rezulton në çapkënëri dhe ligësi të madhe.



Sidoqoftë, ne nuk e kufizojmë gruan nga puna jashtë shtëpisë së saj, sa kohë që ajo u përmbahet direktivave vijuese:



1. Ajo duhet të ketë nevojë që ta kryejë këtë punë apo bashkësia ku ajo punon prej saj kërkon ta kryejë këtë punë, me kusht që për këtë punë s'mund të gjindet ndonjë mashkull.



2. Ajo duhet ta bëjë këtë pasi të përmbushë detyrimet që i ka në shtëpi, gjë e cila është puna parësore e saj.



3. Kjo punë duhet të jetë në një ambient ku ka vetëm femra, siç është rasti kur ajo mëson vetëm femrat, apo kur punon si doktor apo dado për pacientët femra. Dhe, puna e saj duhet të jetë e ndarë nga mashkujt.



4. Njëlloj, atë asgjë s'mund ta shtrëngojë nga mësimi i çështjeve fetare. Në fakt, kjo është e detyrueshme për të. Dhe, atë asgjë nuk e parandalon që të mësojë lidhur me aspektet e fesë së saj, sa kohë që ka nevojë për këtë dhe mësimi i saj mbahet në ambient ku ka vetëm femra. Dhe, nuk prish punë nëse ajo merr pjesë në orët mësimore në mesxhid [xhami] dhe kështu me radhë, ndërsa është në pajtim me këtë dhe e ndarë nga mashkujt. Kjo mund të shihet tek gratë në fillim të Islamit [dmth Sahabijat], në atë se ato punonin, studionin dhe ishin të pranishme në mesxhid.

[abdurrahman_tir]

Nga Shejh Abdul-Aziz Ibn Baz, rahimehullah





Statusi i gruas muslimane në Islam është një status madhështor dhe i lartë, ndërsa efekti i saj është mjaft i madh në jetën e çdo muslimani. Vërtet gruaja muslimane është mësuesi i parë në ndërtimin e një shoqërie të drejtë, me kusht që ajo të ndjek udhëzimin nga Libri i Allahut dhe Suneti i të Dërguarit (sallallahu alejhi ue selam). Meqë mbajtja me Kur’an dhe Sunet e distancon çdo musliman, qoftë mashkull apo femër, nga devijimi në çdo çështje. Devijimi të cilin e ndjejnë popujt e ndryshëm, dhe të qenit e tyre të devijuar nuk ndodh vetëm se nga të qenit larg rrugës së Allahut, të Lartësuarit, më të Lartit – dhe nga ajo me çka erdhën Lajmëtarët dhe Pejgamberët e Tij, paqa e Allahut qoftë mbi ta. Pejgamberi (sallallahu alejhi ue selam) ka thënë:



“Unë po lë pas juve dy çështje. Ju s’do të devijoni përderisa mbaheni për këto të dyja, Librin e Allahut dhe Sunetin tim.”[1]



Rëndësia e madhe e rolit të gruas muslimane - qoftë si bashkëshorte, motër, apo bijë, dhe të drejtat që asaj i takojnë apo obligimet që ajo i ka ndaj të tjerëve – janë shpjeguar në Kur’anin fisnik, dhe janë detajizuar më tutje në Sunetin e dëlirë.



Sekreti i rëndësisë së saj gjindet në barrën e pamasë dhe përgjegjësinë që i është ngarkuar asaj, si dhe vështirësitë që ajo duhet mbartur – përgjegjësi dhe vështirësi, disa nga të cilat as burri nuk i mbart. Për këtë, nga obligimet më të rëndësishme që i takojnë një personi, është mirënjohja që duhet treguar nënës, si dhe mirësia dhe shoqërimi i mirë me të. Dhe në këtë çështje, asaj duhet dhënë përparësi ndaj babait. Allahu i Lartësuar thotë:



“Dhe Ne e kemi obliguar njeriun me sjellje dhe shërbim të mirë ndaj prindërve të tij. Nëna e tij e mbarti atë në dobësi pas dobësisë, dhe vështirësi pas vështirësisë, dhe pas dy viteve ia ndau gjidhënien. Trego mirënjohje dhe falënderim ndaj Meje dhe prindërve tu. Tek unë është destinacioni përfundimtar.” Llukman: 14



Allahu i Lartësuar thotë:



“Dhe Ne e kemi obliguar njeriun me sjellje dhe shërbim të mirë ndaj prindërve të tij. Nëna e tij me mundim e mbart dhe me vështirësi e lind atë. Ndërsa mbartja dhe gjidhënia e tij zgjatë tridhjetë muaj.” Ahkaf: 15



Një njeri erdhi tek i Dërguari i Allahut (sallallahu alejhi ue selam) dhe tha: “O i Dërguar i Allahut, kush nga i tërë njerëzimi ka të drejtë në shoqërimin tim më të mirë?” Ai u përgjigj:



“Nëna jote.”



Njeriu pyeti, “Pastaj kush?” Ai u përgjigj:



“Nëna jote.”



Njeriu pastaj pyeti, “Pastaj kush?” Kështu që Pejgamberi prapë u përgjigj:



“Nëna jote.”



Pastaj njeriu prapë pyeti, “Pastaj kush?” Ai u përgjigj:



“Babai yt.” [2]



Pra, kjo kërkon që nënës t’i jepen tre herë më shumë mirësi dhe trajtim të mirë sesa babait.



Sa i përket bashkëshortes, statusi i saj dhe ndikimi i saj në qetësimin e shpirtit është treguar qartazi në ajetin fisnik, në thënien e Tij, të Lartësuarit:



“Dhe prej shenjave të Tija është kjo: Që Ai krijoi për ju bashkëshorte nga mesi juaj, që ju të gjeni prehje dhe qetësi në to. Dhe Ai vendosi dhembshuri dhe mëshirë mes jush. Vërtet në këtë ka shenja për ata që mendojnë.” Rum: 21



El-Hafidh Ibn Kethir (v.774H) – Allahu e mëshiroftë – tha ndërsa po shpjegonte termet muweddeh dhe rahmeh, të cilat ndodhin në ajetin e sipërpërmendur:



“El-muweddeh do të thotë dashuri dhe dhembshuri, kurse er-rahmeh do të thotë mëshirë dhe keqardhje – meqë njeriu martohet ose për shkak të dashurisë që ka ndaj saj, ose për shkak të dhembshurisë dhe keqardhjes ndaj saj, duke i dhënë asaj fëmijë nga vetë ai…” [3]



Dhe pozita unike të cilën e mori Hatixheja – Allahu qoftë i kënaqur me të – bashkëshortja e Pejgamberit (sallallahu alejhi ue selam), pati një efekt të pamatshëm në qetësimin dhe të bindurit Pejgamberin (sallallahu alejhi ue selam), kur engjëlli Xhibril (alejhis selam) erdhi për herë të parë në shpellën Hira. Kështu, Pejgamberi (sallallahu alejhi ue selam) iu kthye Hatixhesë (radiallahu anha) me Shpalljen e parë dhe me zemrën e tij që dridhej dhe rrihte rreptë, dhe ai i tha asaj:



“Më mbulo! Më mbulo!”



Dhe ajo e mbuloi atë gjersa përfundoi frika e tij, pas së cilës ai i tregoi Hatixhesë (radiallahu anha) çdo gjë që ndodhi dhe tha:



“Kam frikë se do t’më ndodh ndonjë gjë.”



“Kurrë! Pasha Allahun, Allahu kurrë s’do të të turpërojë ty. Ti mban lidhje të mira familjare, u ndihmon të varfërve dhe të gjorëve, i shërben mysafirët bujarisht dhe i ndihmon ata që janë dëmtuar nga fatkeqësitë.” [4]



Dhe mos e harroni A’ishen (Allahu e mëshiroftë) dhe ndikimin e madh të saj. Meqë edhe Sahabët e mëdhenj merrnin diturinë e hadithit prej saj, dhe shumë nga Sahabijaat (femrat Shoqëruese) mësuan prej saj vendime të ndryshme që i përkasin çështjeve të gruas.



Dhe unë s’kam dyshim se nëna ime – Allahu e mëshiroftë – pati një efekt mjaft të madh në mua, në inkurajimin që më bëri për të studiuar; dhe në këtë ajo më ndihmoi. Allahu ia shtoftë shpërblimin dhe e shpërbleftë atë me shpërblimin më të mirë për atë që bëri për mua.



Dhe po ashtu s’ka dyshim se shtëpia në të cilën ka mirësi, butësi, dashuri dhe kujdes, së bashku me terbijen (edukimin) korrekt Islamik do të kenë efekt të pamasë në njeriun. Pra, ai do të jetë – nëse do Allahu – i sukseshëm në marëdhëniet e tija dhe në çdo çështje – qoftë ajo kërkim i diturisë, tregti, përfitim material, apo tjetër pos kësaj. Pra, unë vetëm Allahun e lus që të na japë sukses dhe të na udhëzojë në atë që Ai e do dhe me të cilën Ai është i kënaqur. Dhe paqa e mëshira e Allahut qofshin mbi Pejgamberin tonë Muhamed dhe familjen e tij si dhe Shoqëruesit dhe pasuesit e tij.





--------------------------------------------------------------------------------
Shënime

1. Hasen: Transmetuar nga Malik në el-Muwata (2/899) dhe el-Hakim, nga Ibn Abas (radiallahu nahu). Është bërë autentik nga Shejh el-Albani në es-Sahihah (nr.1871).

2. Transmetuar nga el-Buhari (nr.5971) dhe Muslim (7/2), nga Ebu Hurejre (radiallahu anhu).


3. Tefsir Kuranil Adhijm (3/439) të el-Hafidh Ibn Kethir.


4. Transmetuar nga el-Buhari (1/22) dhe Muslim (1/130), nga rrëfimi i gjatë i A’ishes (radiallahu anha).

[abdurrahman_tir]

Pyetje: Çfarë thoni rreth thirrjes [da'ues] për tek Allahu përsa i përket femrës?



Përgjigje: I tërë falënderimi i takon Allahut. Ajo është sikurse mashkulli. Asaj i takon që të thërrasë për tek Allahu, dhe të urdhërojë për të mirën dhe të ndalojë nga e keqja. Kjo ngase teksti nga Kur'ani Fisnik dhe Suneti i dëlirë e dëshmon këtë, ndërsa thëniet e dijetarëve janë të qarta në lidhje me këtë. Andaj, asaj i takon që të thërrasë për tek Allahu, të urdhërojë për të mirë dhe të ndalojë nga e keqja me një mënyrë sjelljeje islamikisht të ligjëruar, gjë që kërkohet edhe nga mashkulli po ashtu. Krahas kësaj, asaj i takon që të mos ketë frikë [e të tërhiqet] nga thirrja për tek Allahu nga dëshpërimi dhe padurimi, për shkak se disa nga njerëzit e përçmojnë atë, apo e mallkojnë, apo e përqeshin. Por, ajo duhet t'i durojë këto gjëra, edhe nëse ajo sheh tek njerëzit atë që konsiderohet si lloj përqeshjeje dhe ngacmimi. Veç kësaj, ajo duhet të ketë kujdes për një çështe tjetër, e kjo është që ajo të jetë një shembull dëlirësie, dhe të mos kontaktojë me mashkuj që s'janë të afërm me të dhe të mos përzihet me ta [mashkujt]. Më saktë, thirrja [da'ueja] e saj duhet të bëhet duke pas parasysh ruajtjen e vetvetes nga gjithçka që do të konsiderohej e dënueshme për të. Kështu që nëse ajo thërret mashkujt për në Islam, atëherë ajo duhet ta bëjë këtë duke qenë e mbuluar dhe pa u përzier apo shoqëruar me ta. Ndërsa, kur ajo thërret femrat, ajo duhet t'i thërrasë ato me urtësi. Ajo duhet të jetë e ndershme dhe e sjellshme ashtu që të mos refuzohet thirrja e saj, e të thonë femrat tjera, "Përse ajo nuk fillon me vetveten?" Po ashtu është e detyrueshme për të që të mos vishet në atë mënyrë që do të joshte njerëzit. Ajo duhet të jetë larg nga të gjitha shkaqet e joshjes, siç është zbulimi i bukurisë së saj dhe të qenit e ëmbël në të folmen e saj [veçanërisht me mashkuj], nga çështjet të cilat do të bënin që ajo të qortohet apo të flitet keq për të. Pra, duhet t'i kushtohet kujdes thirrjes për tek Allahu në manerizmin, i cili nuk do ta dëmtonte fenë dhe reputacionin e saj.

[abdurrahman_tir]

Nga dijetarja Umm Abdillah el-Uedije, Allahu e ruajtë
Burimi: Nasihati lin-Nisa





Imam el-Buhari ka thënë [7/133]:"Muhamedi më ka treguar se Abdeh na e ka transmetuar nga Hisham bin Urweh nga babai i tij se ai ka thënë:'Kam dëgjuar Abdullah bin Xhafer të thotë:'Kam dëgjuar Aliun, radijallahu anhu, të thotë:'Kam dëgjuar të dërguarin e Allahut, salallahu alejhi ue selam, të thotë:'Më e mira ndër gratë e tij [Xhenetit] është Merjem dhe më e mira ndër gratë e tij është Hatixha'". Po ashtu e transmetuar nga Muslim [4/2430].



Është me vend për ne gratë, që ta ilustrojmë me shembull këtë grua virtuoze dhe poashtu edhe me gratë tjera virtuoze si A'isha, Allahu qoftë i kënaqur me të. Ajo ka aq shumë virtyte, saqë disa nga dijetarët i dhanë përparësi A'ishes më shumë sesa Hatixhes, Allahu qoftë i kënaqur me të, për shkak të dëshmive të shumta që gjenden lidhur me virtytet e saj. Ajo përhapi dituri dhe konsiderohet të jetë midis atyre që transmetuan më së shumti thënie të pejgamberit, salallahu aljehi ue selam. Siç ka thënë poeti:



"Shtatë sahabë kallëzuan më shumë se një mijë [hadithe] dhe ata cituan
Hadithin nga i zgjedhuri, më e mira krijesë
Ebu Hurejra, Sa'd, Xhabir, Enes,
Sidikah [dmth A'isha], Ibn Abas, dhe poashtu Ibn Umer."




Dhe, es-Sujuti ka shkruar një tjetër poezi dhe tha:



Ata që transmetuan me bollëk,
Ebu Hurejra, dhe ai që e vijon atë është Ibn Umer,
Enes, el-Hibr [dmth Ibn Abas], el-Hudri [dmth Sa'd],
Xhabiri, dhe bashkëshortja e pejgamberit [dmth A'isha].




Imam et-Tirmidhi, Allahu pastë mëshirë ndaj tij, ka thënë [nr.3883]:"Na është transmetuar nga Humeid bin Mes'edeh, se Zijad bin er-Redi na ka treguar, se Halid bin Selemeh el-Mekhzumi na ka treguar, se Zijad bin er-Rebi na ka treguar, nga Ebu Berdeh nga Ebu Musa se ai ka thënë:'Kurrë nuk ka pasur hadith që ka qenë i vështirë për ta kuptuar nga shoqëruesit e të dërguarit të Allahut, salallahu alejhi ue selam, dhe që e pyesnin A'ishen, përveçse ata gjenin se ajo kishte njohuri lidhur me të". Zinxhiri i transmetimit është Hasan.



Kështu qëndron puna edhe me pjesën tjetër të bashkëshorteve të pejgamberit, salallahu alejhi ue selam, si Umm Sulejmë, gruaja e devotshme, prika [mehri] e së cilës qe Islami.



Imam el-Buhari ka përmendur në Sahi-në e tij:



"Umm ed-Derda po rrinte ulur në një tubim burrash që kishte të bëjë me namazin, dhe ajo ishte Fekihe [dmth dijetare]. Disa nga sahabijet thanë:'O i dërguar i Allahut, jemi mundur nga burrat me numër, pra na e cakto një ditë që të mësojmë atë çfarë Allahu të ka mësuar ty'. Kështu që ai u tha atyre:'Mblidhuni në këtë-e-këtë ditë'. Ato u mblodhën dhe ai u shkoi atyre, i këshilloi e i urdhëroi ato. Nga ajo çfarë ai u tha atyre:'Nuk ka grua që i rritë [edukon] tre fëmijë përveçse se kjo do të jetë mburojë për të nga zjarri'. Një grua tha:'E dy?' Ai tha:'Edhe dy'".



I dërguari i Allahut, salallahu alejhi ue selam, ishte i patundur në lejimin e tyre për të dëgjuar mirësi dhe ai u jepte atyre këshilla të veçanta për to.



Nga Ibn Xhubejr nga Ataa nga Xhabir bin Abdillah se ai ka thënë:



"Pejgamberi, salallahu alejhi ue selam, u çua për ditën e bajramit [të Fitrit]. Ai filloi me namazin pastaj mbajti hutben. Pasi e mbaroi, erdhën gratë. Kështu që ai i këshilloi ato ndërsa mbështetej në supin e Bilalit dhe Bilali kishte veshur një rrobe të gjerë. Ai përkujtoi gratë për lëmoshën".



Dhe, në një transmetim nga Ibn Abas:"Ai mendoi se gratë nuk e kishin dëgjuar, kështu që i këshilloi ato dhe i urdhëroi ato për lëmoshë".



Ibn Xhurejxh i tha Ataas:"A mendon se është me vend që imami t'i këshillojë ato [dmth gratë]?" Ai tha:"Kjo padyshim është e drejtë e tyre [imamëve], dhe çfarë të keqe që ata mos ta bëjnë këtë?"



Ndaj, kjo çështje s'është diçka e veçantë për të dërguarin e Allahut, salallahu alejhi ue selam. Kështu, është me vend që dijetarët dhe pushtetarët t'u kushtojnë vëmendje çështjeve të grave mu sikur që i dërguari i Allahut, salallahu alejhi ue selam, iu drejtohej atyre.



Selefus-Salih [paraardhësit e devotshëm] iu drejtoheshin atyre dhe u transmetonin dituri mu sikur që vepronin me burrat, që ato të udhëzoheshin për në çelësat e shkëlqesisë dhe të parandaloheshin nga e keqja. Pra, bindja nuk mbështetet në mënyrën e duhur përveçse me anë të diturisë, dhe dituria është absolutisht akti më i dobishëm i bindjes.



Kjo është thënë qartë nga një Zahide [askete], Fekihe, Alime [dmth dijetare]. Ajo është Umm Derda, Allahu qoftë i kënaqur me të, dhe ajo tha:"Kam kërkuar adhurim në gjithçka, dhe nuk kam gjetur gjë më të mirë dhe më të kënaqshme për veten time sesa ndenjia me dijetarët dhe përfitimi nga këshillimi i tyre". Pra gratë e sotshme kanë nevojë edhe më shumë për të ngjashmet me të, të cilat janë askete, virtuoze, dhe dijetare që edukojnë të tjerët.1



--------------------------------------------------------------------------------
1. Citat nga libri 'Inajetun Nisa bil Hadith en-Nebeui' nga Meshur bin Hasan, f.13.

[abdurrahman_tir]

Marrë nga Tefsir Ibn Kethir





Thënia e Allahut:



"Allahu do të japë lehtësi pas mundimit".



Ky është një premtim i vërtetë nga Ai. Dhe vërtet, premtimet e Allahut janë të vërteta dhe Ai kurrë s'i then ato. Kjo është një thënie e Allahut:



"Vërtet, së bashku me çdo mundim është lehtësimi. Vërtet, së bashku me çdo mundim është lehtësimi". [Inshirah, 5-6]



Është një hadith me rëndësi që duhet ta përmendim këtu. Imam Ahmed shënoi që Ebu Hurejre ka thënë:"Një burrë dhe gruaja e tij nga gjeneratat e kaluara qenë të varfër. Një herë e një kohë, burri u kthye nga një udhëtim. Ndërsa ndjente uri dhe lodhje, ai shkoi te gruaja e tij dhe i tha:'A ke gjësend për të ngrënë?' Ajo tha:'Po, prano përgëzimet për furnizimin nga Allahu'. Ai prapë i tha asaj:'Nëse ke diçka për të ngrënë ma sjell atë'. Ajo tha:'Prit edhe pak'. Ajo po pritte mëshirën e Allahut. Kur u zgjat çështja, ai i tha asaj:'Çohu dhe më sjell çfarëdo që ke për të ngrënë, se vërtet jam uritur dhe lodhur'. Ajo tha:'Do ta bëj këtë. Së shpejti do ta hap kapakun e furrës, pra mos u ngut'. Kur ai ishte i zënë dhe nuk insistonte për një kohë, ajo tha vetmevete:'Do të shikoj në furrë'. Kështu, ajo u çua dhe shikoi në furrën e saj dhe e gjeti atë të mbushur plot me mish qengji, dhe havani me shtypësin e tij ishte plot e përplot me farë drithi; ai [havani] po thërmonte farën vetvetiu. Kështu, ajo mori çfarë kishte në havanin me shtypës, pasi e shkundi atë që të nxirrte gjithçka që kishte brenda, dhe po ashtu mori tërë mishin që gjeti në furrë". Ebu Hurejra shtoi:"Pasha Atë, në dorën e të cilit është jeta e Ebu el-Kasimit [pejgamberit Muhamed], kjo është thënia e njëjtë që Muhamedi tha:"Po të kishte marrë ajo çfarë kishte në havanin dhe të mos e kishte zbrazur krejtësisht duke e shkundur atë, ai do të vazhdonte të thërmonte farat deri në Ditën e Gjykimit".



"Dhe shumë qytete u rrebeluan kundra urdhërit të Zotit të tyre dhe të dërguarit të tyre, dhe Ne i morëm ata në një llogari të ashpër. Ne do ta dënojmë atë me një torturë të tmerrshme. Kështu ata shijuan pasojën e hidhur të punës së tyre, dhe pasoja e punës së tyre ishte humbja. Allahu ka përgatitur për ta një torturë të rëndë. Kështu që kini frikë [takua] Allahun, o njerëz mirëkuptues. O ju që besoni, vërtet Allahu jua ka zbritur një Përkujtues, një të dërguar që jua lexon ajetet e Allahut të cilat përmbajnë shpjegime të qarta, për t'ju nxjerrë nga errësira në dritë. Dhe kushdo që beson në Allahun dhe bën punë të drejta, Ai do ta pranojë atë në Kopshtet nën të cilat rrjedhin lumenj, për të jetuar aty përgjithmonë. Vërtet, Allahu ka bërë për të një furnizim të shkëlqyeshëm". [Talak, 8-11]

[abdurrahman_tir]

Autor: Abdurrezak Bedër





Me të vërtetë, femra muslimane, nën hijen e mësimeve të drejta islame dhe udhëzimeve të tij të urta, jeton një jetë të ndershme, të mbushur me respekt dhe ndershmëri, që nga dita e parë e ardhjes se saj në këtë botë, duke vazhduar kështu në të gjitha etapat e jetës së saj, si vajzë, pastaj si nënë, si bashkëshorte, si motër, si hallë, si teze. Ajo, në të gjitha këto periudha, ka të drejtat e saj të veçanta dhe gëzon meritat e saj plot respekt dhe ndershmëri.



1- Në kohën kur ajo është vajzë, feja Islame thërret në bamirësi ndaj saj dhe përkushtim në rritjen, mbikëqyrjen dhe edukatën e saj, që ajo të formohet si një grua e mirë, e mbrojtur dhe e ndershme. Po ashtu, ka qortuar ashpër jobesimtarët para islamit, për varrosjen e vajzave të tyre për së gjalli dhe urrejtjen që kishin për lindjen e tyre. Thotë i madhëruari:



"Dhe kur ndonjëri prej tyre përgëzohet me lindjen e vajzës, atij i nxihet fytyra dhe mbushet plot hidhërim. Ai fshihet nga njerëzit, për shkak të keqes që u lajmërua. Ai pyet vetveten, a ta mbajë atë (vajzën), i përulur, apo ta varrosë. Sa i keq është gjykimi i tyre!..." (En-Nahl-58/59)



Transmetohet nga Mugire Bin Shu'bete se pejgamberi ka thënë:"Me të vërtetë, All-llahu jua ka ndaluar juve mosrespektimin e nënave, koprracinë dhe të kërkoni (pa nevojë), si dhe varrosjen e vajzave për së gjalli…" (Transmeton Buhariu dhe Muslimi)



Ibni Haxheri ka përmendur se, para Islamit, jobesimtarët vajzat e veta i kanë varrosur në dy mënyra:



- E para, burri e ka urdhëruar gruan e vet që, kur të vinte koha e lindjes, lindja të bëhej afër një grope. Në qoftë se do t'u lindte djalë, e linin të jetonte; në qoftë se do t'u lindte vajzë, e hidhnin në gropë.



- E dyta, kur vajza i mbushte gjashtë vjet, burri i thoshte gruas së vet që ta parfumonte dhe ta zbukuronte vajzën, gjoja se do t'i vizitonin disa të afërm. Pastaj, largohej me vajzën në shkretëtirë, derisa të vinte te ndonjë pus dhe i thoshte vajzës që të shikonte në pus, ndërsa ai e shtynte nga pas dhe e shkelte. (Fet'hul-Bari)



Kurse, Islami e ka konsideruar vajzën si begati të madhe dhe dhuratë të çmuar nga All-llahu i madhëruar:



"Vetëm i All-llahut është pushteti i qiejve dhe i tokës. Ai krijon çka të dojë. Kujt të dojë, Ai i dhuron vetëm femra ose vetëm meshkuj, ose i dhuron çift, meshkuj e femra, dhe kë të dojë e lë pa fëmijë (steril). Ai është i dijshëm dhe i fuqishëm". (Esh-Shura, 49/50).



Dhe, nga pejgamberi transmetohet të ketë thënë:"Ai i cili ka një vajzë dhe nuk e varrosë atë për së gjalli, nuk e nënçmon dhe nuk i jep përparësi djalit ndaj saj, All-llahu do ta futë në xhenet". (Transmeton Ahmedi)



Ukbete Bin Amir ka thënë se e ka dëgjuar të Dërguarin e All-llahut të thotë:"Kush i ka tri vajza dhe bën durim në rritjen e tyre, si dhe i vesh e i mbath nga pasuria e vet, ato do të jenë për të shpëtim nga zjarri". (Transmeton Ibni Maxheh)



Pejgamberi, në një hadith tjetër, thotë:"Kush i rrit dy vajza, derisa ta arrijnë moshën madhore, unë dhe ai, në Ditën e Gjykimit, do të jemi si këta dy gishtërinj (dhe ka bashkuar gishtërinjtë e vet)". (Transmeton Muslimi)



Imam Ahmedi ka transmetuar se pejgamberi ka thënë:"Kush i rrit dy apo tri vajza, ose i rrit dy apo tri motra, derisa ta arrijnë moshën madhore, ose ai vdes duke u përkujdesur për to, unë dhe ai do të jemi si këta dy gishtërinj (dhe i bëri bashkë gishtin tregues dhe tjetrin pranë tij). (Musnedi i Ahmedit)



Xhabiri bin Abdil-lah ka thënë se i Dërguari i All-llahut ka thënë:"Kush i ka tri vajza dhe i strehon ato, iu siguron ushqim dhe i mëshiron, për të bëhet obligim hyrja në xhenet. Njëri nga të pranishmit pyeti:'Po ai i cili ka dy vajza?' I dërguari i All-llahut tha:'Po, edhe ai, i cili ka dy vajza". (Transmeton Buhariu, në Edebul-Mufred)



Transmeton Aisheja se një beduin erdhi tek pejgamberi dhe i tha atij:"Ju i puthkeni fëmijët e juaj?! Ne nuk i puthim". Atëherë, pejgamberi i tha:"Unë nuk kam asgjë në dorë, nëse All-llahu ka larguar mëshirën nga zemra jote". (Transmeton Buhariu dhe Muslimi)



2- Islami ka thirrur për respektimin dhe nderimin e veçantë të gruas, si nënë. Ka thirrur për bamirësi ndaj tyre, që të angazhohemi të jemi në shërbim të tyre, të bëjmë lutje për ato dhe mos t'u shkaktojmë asnjë lloj shqetësimi, por t'i trajtojmë ashtu siç trajtohen shokët më të mirë. Thotë All-llahu:



"Ne e urdhëruam njeriun të sillet mirë ndaj prindërve të vet, ngase nëna e vet me mundim e barti dhe me vështirësi e lindi, ndërsa bartja dhe gji-dhënia e tij zgjati tridhjetë muaj (e ai vazhdon të jetojë), derisa të arrijë pjekurinë e vet dhe, kur t'i mbushë dyzet vjet, ai thotë:'Zoti im, më inspiro të të falënderoj për të mirën Tënde që ma dhurove mua dhe prindërve të mi, të bëj vepra të mira, të cilat i pëlqen Ti, dhe m'i bëj të mirë pasardhësit e mi. Unë pendohem te Ti dhe jam musliman". (El-Ahkaf, 15)



All-llahu, në një ajet tjetër, thotë:



"Zoti yt ka dhënë urdhër të prerë që mos të adhuroni askënd, pos Tij, dhe të silleni mirë me prindër. Nëse njërin prej tyre ose që të dy i ka arritur pleqëria pranë kujdesit tënd, atëherë mos u thuaj atyre as 'of', as mos u bë i vrazhdë ndaj tyre, por thuaju fjalë të buta dhe, në shenjë mirësjelljeje, shtrije pranë tyre krahun tënd përulës dhe mëshirues, dhe thuaju;'Zoti im, mëshiro ata dy sikurse më edukuan mua kur isha i vogël". (El-Israë, 23/24)



Transmeton Ebu Hurejra se i është thënë të Dërguarit të All-llahut:"Kush është më meritori për mirësjelljen time?" Pejgamberi tha:"Nëna jote". "Pastaj kush?" – u pyet prapë. "Nëna jote" – u përgjigj ai. "Pastaj kush?" – edhe një herë u pyet. "Babai yt" – ia ktheu. (Transmeton Buhariu dhe Muslimi)


Abdull-llah Ibn Omeri ka thënë:"Erdhi një njeri të pejgamberi, që t'i jepte besën për hixhret (shpërngulje prej një vendi, i cili banohet me jobesimtarë, në një vend që banohet me besimtarë), pasi i kishte lënë prindërit e vet duke qarë për të. Atëherë, pejgamberi i tha:"Kthehu te ata dhe bëji të qeshin ashtu siç i bëre të qajnë". (Transmeton Ebu Davudi dhe Ibni Maxheh)



Thotë Abdull-llah bin Mesud:"E kam pyetur Pejgamberin se cila është vepra më e dashur te All-llahu?" Tha:"Falja e namazit në kohen e vet". I thashë:"Pastaj cila?". Tha:"Mirësjellja ndaj prindërve". I thashë:"Pastaj cila?" Tha:"Xhihadi në rrugën e All-llahut". (Transmeton Buhariu dhe Muslimi)



Islami e ka ndaluar t'u shkaktohet prindërve ndonjë shqetësim apo çfarëdo lloj dëmi, bile e ka llogaritur një gjë të tillë si mosrespektim ndaj prindërve, për çka do të llogaritet në Ditën e Gjykimit, bile, bile e ka konsideruar prej mëkateve më të mëdha.



Ebu Bekrete ka thënë:"Pejgamberi ka thënë:'A doni t'ju informoj për mëkatin më të madh (tri herë e përsëriti të njëjtën pyetje)". Ata thanë:"Po, gjithsesi, o i dërguari i All-llahut'. Tha:"Të bërit shokë All-llahut, mosrespektimi i prindërve," - pastaj u ul, pasi ishte i shtrirë, e tha - "edhe dëshmia e rrejshme", dhe vazhdoi ta përsëriste atë, saqë menduam: ah, sikur të heshte". (Transmeton Buhariu dhe Muslimi).



Thotë Aliu:"Ka thënë pejgamberi:"All-llahu e mallkon atë, i cili i mallkon prindërit (nuk i respekton ata)". (Transmeton Muslimi)



3- Islami nxit në respektimin e femrës si bashkëshorte, duke e obliguar burrin me obligime ndaj saj, ashtu siç ajo ka obligime ndaj tij. Prej të drejtave të gruas në islam janë: mirësjellja ndaj tyre, bamirësia ndaj tyre, si në ushqim, ashtu edhe në veshmbathje; sjellja me butësi ndaj saj, të behet durim me ato, të trajtohen me respekt, ngase, në islam, njerëzit më të mirë janë ata, të cilët janë më të mirët me familjen e vet. Prej të drejtave të saj, po shtu, është t'u mësohet atyre feja, të kihet xhelozi për to, t'u ruhet nderi i tyre, dhe, përgjithësisht, të ketë mirësjellje ndaj tyre. Prej ajeteve përmbledhëse të të drejtave të gruas është fjala e të madhëruarit:



"... dhe kaloni jetë të mirë me to…" (En-Nisa, 19)



Po ashtu, në Sunet ka ardhur një numër i konsiderueshëm i haditheve që edhe më tepër e përforcojnë respektimin e të drejtave të femrës dhe përkujdesjen që duhet pasur për to. Prej këtyre haditheve është ai që e transmeton Ebu Hurejra, se i dërguari i All-llahut ka thënë:"Silluni mirë me gratë, ngase gruaja është krijuar nga një bri i shtrembër, e gjëja më e shtrembër në bri është pjesa më e lartë e tij. Në qoftë se doni ta drejtoni atë, do ta thyeni; në qoftë se e leni ashtu, ai do të mbetet i shtrembër. Dhe silluni mirë me gratë". (Transmeton Buhariu dhe Muslimi)



Thotë Neveviu:"Në këtë hadith, potencohet sjellja me butësi ndaj tyre, bamirësia ndaj tyre, durimi në sjelljen e tyre jo të mirë, të përballohet dobësia intelektuale e tyre, urrejtja e shkurorëzimit pa ndonjë arsye, dhe, njashtu, mos të pritet nga to të jenë të përkryera. All-llahu e di më së miri". (Sherh Sahih Muslim)



Po ashtu, në një hadith tjetër që e transmeton Ebu Hurejra, i dërguari i All-llahu thotë:"Besimtari me imanin (besimin) më të plotë është ai, i cili e ka moralin më të mirë, ndërsa më të zgjedhurit e juaj janë ata që sillen më së miri me gratë e veta". (Transmeton Ahmedi, Ebu Davudi dhe Tirmidhiu)



Xhabir Bin Abdil-lah thotë se pejgamberi ka thënë në hutben e tij, në haxhin lamtumirës:"Kini frikë All-llahun se si po silleni me gratë, ngase ju i keni marrë ato emanet nga Zoti, dhe ju është bërë hallall fjetja me to, me fjalën (lejen) e All-llahut. Ndërsa, ato kanë për obligim që mos t'i bëjnë konak askujt që ju e urreni, e në qoftë se ato bëjnë një gjë të tillë, atëherë edukoni ato me një rrahje të lehtë. Ju keni për obligim furnizimin dhe veshmbathjen e tyre, aq sa keni mundësi". (Transmeton Muslimi)



Me frazën "mos t'i bëjnë konak askujt që ju e urreni" mendohet që mos t'u japin leje për hyrje a qëndrim në shtëpitë tuaja askujt që ju e urreni, qoftë burrë apo grua.



Ebu Hurejra thotë:"Ka thënë i dërguari i All-llahut:'Mos ta urrejë një musliman një muslimane (mos ta urrejë burri gruan e vet), se në qoftë se urren një cilësi të saj, e pëlqen një tjetër". (Transmeton Muslimi)



Me frazën "Mos ta urrejë" mendohet që kush prej jush nuk e pëlqen një cilësi të gruas së vet dhe nuk është i kënaqur më atë cilësi, mos ta urrejë atë, ngase në të mund të ketë virtyte tjera të larta dhe sjellje tjera shumë të mira.



Transmeton Aisheja se pejgamberi ka thënë:"Gratë janë si motrat e burrave". (Transmeton Ahmedi, Ebu Davudi dhe Tirmidhiu)



Thotë Ibni Ethiri, duke komentuar frazën "Si motrat":"Të ngjashëm dhe të njëjtë në moralin dhe natyrën e tyre, sikur ato të ishin një pjesë e ndarë nga burrat, ashtu siç është krijuar Hava nga Ademi." (En-Nihajtu fi Garibil-Hadithi vel-Ether).



Në këtë hadith, aq qartë bëhet thirrje për mirësjellje ndaj grave dhe trajtim të shkëlqyer ndaj tyre si edhe për butësi e bamirësi, sa nuk do koment.



4- Islami porosit të respektohet femra si motër, si hallë apo si teze, duke urdhëruar që të mbahen lidhjet me to dhe t'u ndihmohet atyre, si dhe të ruhet pozita dhe të drejtat e tyre. Për gjithë këtë ka premtuar një shpërblim të madh. Transmeton El-Mikdam bin Madekerib se e ka dëgjuar pejgamberin të thotë:"Me të vërtetë, All-llahu porosit të silleni mirë me nënat tuaja, pastaj ju porositë të silleni mirë me nënat tuaja, pastaj ju porosit të silleni mirë me baballarët tuaj, pastaj ju porosit të silleni mirë me më të afërmit". (Transmeton Buhariu, në Edebul-Mufred, dhe Ibni Maxheh)



Ebu Seid el-Hudrij thotë:"Ka thënë i dërguari i All-llahut:'Nuk ka kush që i ka tri vajza, apo tri motra, dhe përkujdeset për to, përveçse do të hyjë në xhenet". (Transmeton Tirmidhiu dhe Ebu Davudi)



Thotë Aisheja:"Ka thënë pejgamberi:'Farefisi është lidhje nga Zoti. Kush e mban atë lidhje, All-llahu e ruan atë; kush e humb atë lidhje, All-llahu do ta humbë atë". (Transmeton Buhariu dhe Muslimi)


Transmeton Enes bin Malik se pejgamberi ka thënë:"Kush dëshiron t'i shtohet rrizku (furnizimi) dhe t'i zgjatet jeta, le të (vizitojë) mbajë lidhje me farefisin". (Transmeton Buhariu dhe Muslimi)



5- Bile, sikur femra të jetë një e huaj për njeriun, që nuk është e afërm e tij e ajo ka nevojë për ndihmë, Islami nxit për përkujdesje, për bamirësi dhe ndihmë ndaj saj dhe për këtë ka përgatitë shpërblime të mëdha. Transmetohet nga pejgamberi të ketë thënë:"Ai që përkujdeset për një të ve, apo për një të varfër, është si muxhahidi në rrugën e Allahut, apo si ai që falet vazhdimisht dhe nuk pushon, apo sikurse ai që agjëron pandërprerë". (Transmeton Buhariu dhe Muslimi)



Kjo që u tha më lart është një gjë shumë e paktë nga respekti dhe nderi që e gëzon femra nën hijen e mësimeve islame. E, ku mund ta gjejë femra një përkujdesje kaq të madhe, respekt dhe bamirësi të lartë! Bile, (nuk mund të gjejë) as përafërsisht në ndonjë fe tjetër, përveç kësaj feje, me të cilën All-llahu është i kënaqur për robërit e vet.




Përktheu: Gazmend Mehmeti

[abdurrahman_tir]

Shejh Bedijudin Shah er-Rashidi es-Sindi
"Khutbat Rashidije", faqe 122-123





Nëna e besimtarëve, Aisha, radijallahu anha, ka transmetuar më shumë se dy mijë hadithe. Ajo ka qenë mësuesja e të gjithë të dijshmëve dhe atyre qe merren me jurisprudencë. Sahabët i drejtoheshin asaj për çështjet më të mëdha. Pasi që i qe shpallur ajeti në kaptinën Ahzab1, i dërguari i Allahut, salallahu alejhi ue selam, i sugjerojë asaj të konsultohej me te atin [Ebu Bekrin] dhe të vendosë nëse do të parapëlqente shkëlqimin e kësaj jete mbi atë të jetës së përtejme. Nëna e besimtarëve, Aisha, radijallahu anha, iu përgjigj:"Nuk kam nevojë të konsultohem për këtë çështje me prindërit e mi. Parapëlqej ahiretin [dmth të dërguarin e Allahut, salallahu alejhi ue selam] më parë sesa këtë botë.



Esma bint Umeis, radijallahu anha, bashkëshortja e Ebu Bekrit, radijallahu anhu, ka qenë një grua tepër e duruar. Kur ajo mori lajmin për vrasjen e të birit, Muhamed bin Ebi Bekr, radijallahu anhu, në vend që të qante e të vajtonte, ajo zotëroi hidhërimin e vet dhe u ul qetë në xhami. Për këtë shkak, asaj i rrodhi gjak.



Tabi'inja Ummus-Suhba ka qenë një grua adhuruese dhe askete. Gjatë sëmundjes qa pati, asaj i qe ofruar një lloj i veçantë i pijes dehëse në një gotë. Ajo iu lut Allahut:"O Allah! Nëse e di që vërtet i dërguari yt e ka ndaluar këtë pije dehëse, atëherë më ruaj nga kjo dhe më shëro pa e përdorur këtë". Gota u thye dhe pija rrodhi, dhe ajo u shërua.2 Ajo zgjohej natën dhe thoshte se po habitej me sytë e vet, sesi ata [sytë] e dinin se do t'u duhet të flenë një kohë të gjatë në varr dhe pavarësisht nga kjo, ata duan të flenë këtu!!3



Umm Derda es-Sugras i qe thënë se dikush po ankohet në ty tek halifeja Abdul Malik. Ajo u përgjigj se nuk i bënte edhe aq, meqë "Nëse dikush po më akuzon padrejtësisht, atëherë dikush duhet të më ketë lavdëruar padrejtësisht po ashtu [gjë që nuk e meritoj]".4



Kur Lejla, gjyshja e halifes Umer bin Abdul Aziz, ishte fëmijë, një grua e moçme e shtëpisë i tha që, kur pjesa e fundit e natës të bjerë, ajo t'i shtonte ujë qumështit, meqë ishte koha e mëngjesit. Ajo u përgjigj:"Si mund ta bëjë këtë, kur udhëheqësi i besimtarëve [Umeri, radijallahu anhu] e ka ndaluar këtë?" Gruaja ia ktheu:"Oj e marrë! A po të sheh tani udhëheqësi i besimtarëve?" Vajza e vogël iu përgjigj:"Më sheh Allahu! Nuk do ta bëjë një gjë të tillë".5



Ka shumë të tilla raste prej të cilave motra ime mund të marrë mësim. Do t'i lusja që, në vend të rrëfenjave tjera dhe novelave, ato të preokupohen me studimin e përkthimit të Kuranit dhe Hadithit. Me këtë, ato s'do ta përmirësojnë vetëm veten e tyre, por edhe fëmijët e tyre po ashtu do të përfitojnë nga kjo. Allahu i lartësuar ka urdhëruar gratë e të dërguarit të Allahut, salallahu alejhi ue selam, që Kuranin ta recitonin në shtëpitë e veta.6



Edhe shtëpitë tuaja duhen të jenë si të tyret, në mënyrë që Kurani dhe Hadithi të lexohen, të studiohen dhe të mësohen përmendsh.



--------------------------------------------------------------------------------
1."O pejgamber, thuaju grave tua: Nëse e doni jetën e kësaj bote dhe shkëlqimin e saj, atëherë, ejani! Unë do t'ju furnizoj dhe do t'ju liroj [shkurorëzoj] bujarisht". [el-Ahzab, 28]
2."Tahzib".
3. Përmbledhur nga "Khazarxhi".
4."Tahzib", vëll.12, f.466.
5. "Biografia e Umer bin Abdil Aziz" nga Abdullah bin Abdil Hakim, f.17-18.
6."Kujtoni [O anëtarët e familjes së pejgamberit] atë çfarë recitohet në shtypit tuaja nga ajetet e Allahut dhe el-Hikmeh [dmth Sunetin e pejgamberit]". [el-Ahzab, 34]

[abdurrahman_tir]

Tefsir Ibn Kethir – nga sureja en-Nisa, 34





Allahu ka thënë:



"Gratë e drejta janë kanitat", të dëgjueshme ndaj burrave të tyre, siç është shprehur Ibn Abas dhe të tjerët.



"…dhe ruajnë kur burrat e tyre s'janë të pranishëm". es-Sudi dhe të tjerët kanë thënë që kjo do të thotë se ajo ruan nderin e saj dhe pronën e burrit të saj kur ai s'është i pranishëm.

Dhe thënia e Allahut:"Çfarë i urdhëron Allahu të ruajnë", do të thotë [burri] i mbrojtur është ai të cilin e mbron Allahu. Ibn Xherir ka shënuar që Ebu Hurejre ka thënë se i dërguari i Allahut, salallahu alejhi ue selam, ka thënë:



"Gruaja më e mirë është ajo e cila kur e shikoni, ajo ju kënaq; kur e urdhëroni, ajo ju dëgjon; dhe kur s'jeni të pranishëm, ajo mbron nderin e saj dhe pronën e juaj". Pastaj, i dërguari i Allahut recitoi ajetin:



"Burrat janë mbrojtës dhe mbajtës të grave…", deri në fund të ajetit.

Imam Ahmedi shënoi që Abdur-Rahman bin Auf ka thënë se i dërguari i Allahut, salallahu alejhi ue selam, ka thënë:



"Nëse gruaja fal pesë namazet ditore, agjëron muajin e saj [të Ramazanit], ruan nderin e saj dhe dëgjon burrin e saj, asaj do t'i thuhet:"Hyn në parajsë nëpër cilëndo portë".

[abdurrahman_tir]

nga shejh Muhamed Musa Nasr
shkëputur nga libri i tij, el-Munafikun [f.79-80]





1. Shfaqja e bukurisë së tyre



Teberruxh apo shfaqja e femërisë, bukurisë fizike që duhet mbajtur të fshehtë nga të gjithë jo-mehremët1 e popullsisë mashkullore, dhe synimi për t'u bërë burim joshjeje dhe fitneje është shenjë hipokrizie.



Është tragjike të shohësh femra të shumta që shfaqen në publik sikur të ishin copa mishi që ua shesin vetveten shikuesve, të cilët s'dojnë asgjë më shumë se t'i fëlliqin ato.



Sot është bërë normë që fizika femërore të jetë artikulli më i lirë që ekspozohet në pazar. Në të vërtetë, fizika femërore konsiderohet si një mjet për të shitur produktet dhe shërbimet tjera.



Femra që nuk e ruan modestinë e saj dhe nuk hedh vellon mbi bukurinë e saj, është një femër që kërkon ta irritojë Allahun dhe të dërguarin e Tij ndërsa tregon dashuri dhe bindje ndaj dreqit dhe legjioneve të tij. Veprat e saj janë veprat e femrës mosbesimtare dhe veshja e saj është veshje devijuesish, edhe nëse ajo pohon të ketë iman [besim] dhe nder.



Allahu thotë:"O fëmijët e Ademit! Ne ju kemi dhuruar veshje që ju të mbuloheni [të mbuloni organet gjenitale] dhe si një zbukurim. Por, veshja e drejtësisë është më e mirë. Këto janë ndër shenjat [ajat] e Allahut, që ata të përkujtojnë [dmth të lënë pavërtetësinë dhe të ndjekun të vërtetën]." [el-A'raf:26]



I dërguari i Allahut paralajmëroi femrën duke thënë:"Ato që bëjnë teberruxh janë munafikaat [femra hipokrite]."



Referoju librit të bekuar të imam Albanit, "Hixhabi i femrës Muslimane" për një komentim të plotë të kësaj çështjeje.




2. el-Mukhteli'at: Femrat që kërkojnë divorc nga burrat e tyre pa asnjë arsye



Në hadithin e treguar nga Ahmedi, en-Nesa'i, dhe et-Tirmidhi nga Ebu Hurejre dhe Theuban, i dërguari i Allahut [salallahu alejhi ue selam] ka thënë:



"el-Mukhteli'at janë femrat hipokrite."2



Khul' [divorci] është përcaktuar nga dijetarët të jetë njëjtë sikur heqja e teshave. Kjo do të thotë që femra kërkon të heqë [dmth divorcon] burrin nga ajo. Ky kuptim është marrë nga fjalët e Allahut:



"Është bërë e ligjshme që të bëni marrëdhënie seksuale me gratë e juaja në netët e agjërimit. Ato janë libas [dmth mbulesë e trupit apo veshje] për ju dhe ju jeni libas për to…" [Bekare:187]



Kuptimi juridik i termit [khul'] nënkupton që femra t'ia paguajë një shumë të caktuar parash mashkullit [burri të saj] për t'i dhënë fund jetës bashkëshortore të tyre. Nëse paratë [prona] nuk këmbehet, atëherë khul' është i paplotë dhe i pavlefshëm.



E marrë në kompleks, procesi i khul' lejohet me ligjin Islamik nëse kjo bëhet si duhet dhe kërkohet për arsye të drejta. Arsyet e vlefshme për khul' ndryshojnë sipas rrethanave, por në përgjithësi disa nga arsyet e vlefshme për kërkimin e khul' janë:



1.Bashkëshorti ka temperament të ashpër


2. Ai e lëndon [keqtrajton] bashkëshorten e tij


3. Bashkëshortja druan që po mbeti me të, s'do të mund të zbatojë urdhërat e Allahut në atë me çka Ai e ka detyruar, siç është dashuria dhe shoqëria e dyanshme.



Khul', i cili është i ndaluar dhe ia atribuon gruas atë që e përshkruajtëm me fjalët e të dërguarit të Allahut [salallahu alejhi ue selam], është ai që bëhet pa ndonjë arsye të vlefshme fetare, morale apo pa arsye të shëndoshë. Ky lloj khul'i e çon femrën në nifak [hipokrizi], ngaqë ajo përçmon ligjet e Allahut përsa i përket dashurisë dhe shoqërisë së dyanshme.



Për sqarim të mëtutjeshëm në lidhje me këtë çështje, referoju librave të verifikuara të fikhut dhe pyeti dijetarët kur nuk e di.



--------------------------------------------------------------------------------
1. Mehremi i referohet grupit të njerëzve që janë të ndaluar për gruan për shkak të lidhjeve martesore apo të gjakut.
2. Sahih el-Xhami‘ [6681] and es-Sahihah [632]

[abdurrahman_tir]

që beson në All-llahun dhe Ditën e Gjykimit
Përmbledhi dhe përgatiti:
Ebu Muslim Mexhdi bin AbdulUehab el-Ahmed



E lavdëruan:
Shejh Ali bin Hasen el-Halebi el-Etheri,
Unejstete el-Albani Ummu Abdallah, e bija e shejh Albanit



Përktheu:
Unejs Shuajb Murati





- Hyrje (lavdërim)
nga shejh Ali bin Hasen bin Ali el-Halebi el-Etheri



E falënderojmë All-llahun me një falënderim të sinqertë. Paqa dhe shpëtimi i All-llahut qofshin mbi të dërguarin e tij, familjen e tij, shokët e tij dhe pasuesit e tij.



Në “Sahihu Muslim” në hadithin e Temim ed-Dari, All-llahu qoftë i kënaqur me të, Pejgamberi, alejhi selam, ka thënë: “Feja është këshillë. E pyetën: Për kënd, o i Dërguar i Allahut? Ai tha: Për Allahun, Librin e Tij, të Dërguarin e Tij, për udhëheqësit e muslimanëve dhe për njerëzit e rëndomtë.”



Dhe nga njerëzit e rëndomtë është edhe motra (femra) e cila është nënë bujare, motër e sinqertë, bijë respektuese, grua e mirësjellshme. Me rregullimin e gruas rregullohet e gjithë shoqëria; kur ajo të jetë ndikuese dhe e ndikuar, e ditur dhe praktikuese e saj (diturisë) në vendet e duhura me një qëndrim të bindur.



….Këto janë fjalë këshilluese, shprejhe udhëzuese, thënie drejtuese, përgatitur dhe përmbledhur nga vëllai ynë në islam, Ebu Muslim - Lusim All-llahun që të kemi dobi prej saj, me shpresë se do të has në zemra dhe vesh të hapur dhe shpirtëra të etur… me të vërtetë All-llahu është dëgjues dhe përgjegjës…



Dhe lutja jonë e fundit është: Falënderimi i takon Zotit të Botëve.
Shkruar nga Ebul-Harith Ali bin Hasen bin Ali el-Halebi.


19/6/1418 h, Zerka, Jordan.




- Hyrje



Falënderimi i takon All-llahut, Zotit të botëve. Paqa qoftë mbi të dërguarin e All-llahut, familjen e tij, shokët e tij dhe këdo që e pason udhëzimin e tyre deri në Ditën e Gjykimit.



Kjo broshurë është e vogël në formatin e saj, megjithatë madhështore në kuptim, që i është kushtuar motrave respektuese dhe të përqendruara, përkujtuese dhe frikësuese për kundërshtaret, thirrje në përkushtim ndaj mbulesës islame nga një musliman këshillues e xheloz ndaj ndalesave të All-llahut, pikënisje e së cilës është besimi në All-llahun dhe Ditën e Gjykimit; duke qartësuar disa shkaqe që ndikojnë tek motra në neglizhencën ndaj përkushtimit - duke pasuar kënaqësitë e kota dhe epshet e ndryshme - që përmban përkujtim të Ditës së Fundit - llogarinë dhe dënimin - duke thirrur në sinqeritet ndaj All-llahut dhe kujdesin ndaj asaj çka ka urdhëruar dhe ndaluar Ai, posaçërisht në atë që ka të bëjë me mbulesën islame, e që pajisja me të është obligim i çdo motre nëse del nga shtëpia e saj apo nëse del para atyre me të cilët i është lejuar martesa.



Patjetër duhet të ndalemi, që ta di çdo motër se All-llahu mbulesën nuk e bëri respekt dhe nderim vetëm për të, por e bëri të jetë pengesë për rrugët e degjenerimit të meshkujve dhe rënien e tyre në mëkate sado të vogla që të jenë ato. Siç u përmend më lart kuptojmë se dalja e saj nga shtëpia në këtë gjendje jo vetëm që përmban në peshorën e saj mëkatin ndaj urdhërit të All-llahut, por edhe mëkatet e çdo njërit që ndikohet nga ajo!! Të kenë kujdes motrat në thëniet e tyre: “se braktisja e mbulesës është liri personale” ose “nuk mbulohem derisa të bindem.” Këto janë gjëra të cilat ua luhatin besimin e tyre.



Porosia ime për motrat muslimane është që të shpejtojnë në përkushtim ndaj urdhërave të All-llahut, duke ua rikujtuar atyre fjalën e All-llahut subhanehu ue teala:”Kur All-llahu ka vendosur për një çështje, ose i dërguari i Tij, nuk i lejohet asnjë besimtari dhe besimtareje që në atë çështje të tyre përsonale të bëjnë ndonjë zgjidhje tjetërfare, e kush kundërshton All-llahun dhe të dërguarin e Tij, ai është larguar shumë larg nga e vërteta.” (Ahzab: 36)



Dhe thënia e Muhamedit, alejhi selam:”Me të vërtetë All-llahu ështe xheloz, e po ashtu edhe besimtari është xheloz. Xhelozia e All-llahut është kur robi i Tij gjindet në atë që All-llahu e ka ndaluar për të.”



Paqa dhe shpëtimi i All-llahut qofshin mbi Muhamedin, alejhi selam, familjen e tij dhe të gjithë shokët e tij.



Shkruar nga Unejsete el-Albani Ummu Abdallah, e bija e shejh Albanit.


27 Rexheb, 1418 h.





Bismilahirr-Rrahmanirr-Rrahim



Falënderimi i takon All-llahut që i krijoi krijesat për ta adhuruar Atë, siç thotë edhe në Kur’an: ”Unë nuk i krijova xhinët dhe njerëzit për tjetër, vetëm se që ata të më adhurojnë Mua.” Edh-Dharijatë: 56. Dëshmoj se nuk ka Zot tjetër që meriton të adhurohet pos All-llahut, i Cili e ka bërë këtë ummet nga ummetet më të mira, dhe dëshmoj se Muhamedi, alejhi selam, është i vetmi që meriton të ndjeket, i cili ngriti flamurin e Njëshmërisë dhe vuri pengesë në çdo rrugë që shpien në shirk (politeizëm) apo që i devijon pasuesit e tij, deri në Ditën e Gjykimit.



"O ju që keni besuar, kini frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)



"O ju njerëz! Kini frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe kini frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (en-Nisa:1)





"O ju besimtarë, kini frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja. E kush respekton All-llahun dhe të Dërguarin e Tij, ka shpëtuar me një shpëtim të madh." (el-Ahzab: 70-71)



Thënia me e vërtetë është thënia e All-llahut, kurse udhëzimi më i mirë, është udhëzimi i Muhammedit salallahu 'alejhi ue sel-lem. Veprat më të këqija janë ato të shpikurat, çdo shpikje është bid'at dhe çdo bid'at është lajthitje, e çdo lajthitje çon në zjarr...



Me këtë broshurë të cilën e kam shkruar në pika të shkurtra kam synuar disa këshilla për motrat, të cilat kanë humbur rrugën dhe pasojnë shejtanët. Kam shtjelluar në të çështje të rëndësishme, nga të cilat motra duhet të ruhet dhe të kujdeset, dhe e kam titulluar “Për çdo motër që beson në All-llahut dhe Ditën e Gjykimit.”1



Lus All-llahun subhanehu ue teala që kjo broshurë t’iu sjell dobi motrave muslimane dhe të udhëzohen në atë që All-llahu e do dhe është në pëlqim me të.2



Mexhdi bin Abdul Wehab el-Ahmed - Ebu Muslim, All-llahu e faltë



--------------------------------------------------------------------------------
1.Kjo broshurë është botuar më parë duke mos e publikuar emrin tim dhe është shpërndarë falas, dhe në këtë ribotim janë disa shtojca, përmirësime, heqje etj.


2.Hadithet që gjinden në këtë broshurë janë të vërteta, nëse janë në Buhari dhe Muslim apo në njërën prej tyre, unë jam bazuar në to, e nëse jo, jam bazuar në librat e Muhamed Nasirud-din Albanit, All-llahu e meshiroftë.






Për çdo motër që beson në Allahun dhe Ditën e Gjykimit




Për çdo motër që beson në All-lahun dhe në Ditën e Gjykimit…. Por që ka humbur rrugën nga mendjelehtësia e saj, duke e bërë shejtani që ta harrojë këtë e të zhytet në këtë botë të shkurtër dhe të shurdhër, duke e ditur se rinia e saj kalon shumë shpejt, bukuria e saj deformohet, shkëlqimi i saj humbet, ose me vdekje të shpejtë, ose me ndonjë sëmundje prej së cilës nuk ka shpëtim nëse ajo vjen.



“Dhe ruajuni ditës kur do të ktheheni tek All-llahu, dhe secilit njeri i plotësohet ajo që e ka fituar, dhe atyre nuk u bëhet e padrejtë.” (el-Bekare: 281)



Motër! Me të vërtetë frika në All-llahu subhanehu ue teala është çelës i çdo të mire, lumturi në këtë botë dhe në botën e amshueshme. Fatkeqësitë dhe problemet ndodhin si shkak i gabimeve në frikë, humbjes së sinqeritetit apo humbjes së një pjese të saj, përgjigje në urdhërat e All-llahut subhanehu ue teala, largim nga mëkatet - kjo është lumturia në këtë botë, shpëtimi në botën e amshueshme, siç thotë All-llahu në Kur’an: ”E s’ka dyshim se ata që thanë:”All-llahu është Zoti ynë,” dhe ishin të paluhatshëm, atyre u vijnë engjëjt (në prag të vdekjes dhe u thonë “Mos u frikësoni dhe mos u pikëlloni, keni myzhde xhennetin që ju premtohej. (u thonë) Ne kujdesemi për ju si në jetën e kësaj bote, ashtu edhe në botën tjetër, ku do të keni atë që dëshironi dhe gjithçka kërkoni.” (Fussilet: 30-31)



Motër! All-llahu e di atë që ke në veten tënde, e di edhe atë çka ti e fshehë në gjoksin tënd: “A nuk e di Ai që ka krijuar, kur dihet se Ai depërton në thellësi të sekreteve, i njeh hollësitë.” (el-Mulk: 14) Andaj ki frikë All-llahun, i Cili të përcjellë në vende të vetmuara dhe të hapura; edhepse ti nuk e sheh Atë, Ai të sheh ty. Punoji të gjitha veprat tua për hir të Tij, se nëse vepra nuk është bërë me sinqeritet ndaj Tij dhe sipas metodës së Pejgamberit, alejhi selam, ajo vepër refuzohet nga kryesi i saj; mbështetur në hadithin e Muhamedit, alejhi selam ku thotë: ”Kush shpif diçka që nuk është nga ne, ajo është e refuzuar,” (Buhariu: 2697, Muslimi: 1718) duke u ngarkuar me atë vepër/mëkat për atë se e ka bërë një vepër jo për hir të All-llahut, e që është dashur të bëhet për hir të All-llahut.



Motër! Dije se orët e ardhshme janë duke u afruar dhe askush nuk mund të të shpëtojë prej tyre. Nuk të sjellë dobi asgjë përveç asaj që ke kaluar në respekt ndaj All-llahut; nuk të sjellë dobi burri, prindi, fëmiu, pasuria, të gjitha këto janë të kota në atë ditë (Ditën e Gjykimit). Dhe ato (motra) që thonë: “se Babai ose burri nuk dëshirojnë që unë të mbulohem” apo arsye të ngjashme, duhet ditur se tek All-llahu nuk do të kenë arsyetim në Ditën e Gjykimit, se njerëzit do të distancohen dhe nuk do ta ndihmojnë njëri-tjetrin, madje as më të afërmin e tyre që e kanë pasur në këtë botë, siç thotë All-llahu në Kur’an: “Atë ditë njeriu ikën prej vëllait të vet, prej nënës dhe babait të vet, prej gruas dhe prej fëmijëve të vet. Atë ditë secilit njeri i mjafton çështja e vet.” (Abese: 34-37)



Motër! Çfarë përmbledh pasuria e kësaj bote dhe zbukurimi i saj, me çdo gjë që ka në të: veturat e saja, paraqitjet e mrekullueshme dhe… Çfarë përmbledh? Çfarë rezultati sjell e gjithë kjo edhe sikur të jetosh 1000 vite e pastaj të jesh nga banoret e zjarrit – All-llahu na ruajt - edhe vetëm një ditë të vetme?!



“Ata kërkojnë prej teje t’ua ngutësh dënimin, por All-llahu nuk e then premtimin e Vet, pse një ditë të Zotit yt është sa njëmijë vjet, si llogaritni ju.” (el-Haxh: 47)



E çka sikur të jesh prej banoreve të zjarrit me mijëra vite?!! Zjarr i cili shkatërron, i cili djeg trupa, lëkura, i cili është shumë frikësues dhe i dhembshëm, ku nuk do të ketë vdekje, siç na e ka përshkruar All-llahu në Kur’an: “Dhe ata thërrasin: ”O Malik, le të na e marrë shpirtin Zoti yt!” Ai u thotë: “Ju do të jeni aty përgjithmonë!” (Zuhruf: 77)



Motër! Çka do të bëhet me ty kur e di se do të kalosh mbi urën e cila është më e mpreht se shpata, më e hollë se qimja e flokut, mbi zjarrin e xhehennemit që kalojnë njerëzit mbi të, e që nuk i shpëtojnë rënies në të përveç atyre që kanë bërë vepra të mira, siç thotë All-llahu në Kur’an:”Dhe nuk ka asnjë prej jush që nuk do t’i afrohet atij. Kjo (pamje e xhehennemit) është vendim i kryer i Zotit tënd. Pastaj (pasi që të kalohet ai) do t’i shpëtojmë ata që janë ruajtur (prej mëkateve), e zullumqarët do t’i lëmë aty të gjunjëzuar.” (Merjem: 71-72)



Pra, motër e dashur, ki frikë All-llahun dhe këtë ditë dhe mos të të lënë gjurmë lavdërimet e njerzëve për bukurinë tënde, veshjen tënde apo kënaqësitë e përkohshme, e që si çmim për të ke paguar jetën e pafund që ka kënaqësi të papërshkruara, me jetën e kotë dhe të rrejshme, pastaj a nuk frikësohesh nga dënimi i All-llahut i cili të shikon, e di atë që ti vepron?!!



Motër! Çka thua sikur ta kishe ushqyer, furnizuar me veshmbathje një grua gjatë tërë jetës tënde, e pastaj në fund ajo t’i kundërshtojë dhe refuzojë të gjitha mirësitë që ke bërë ndaj saj, a nuk e meriton ky refuzim një dënim të ashpër?



Me të vërtetë All-llau të dhuroi mirësi të shumta, duke filluar nga ajo kur ti ishe në barkun e nënës e gjer në vdekje, siç thotë All-llahu në Kur’an: ”Dhe çdo të mirë që keni, ajo është prej All-llahut, mandej edhe kur ju godet e keqja, ju vetëm te Ai e ngritni zërin (me lutje).” (Nahl: 53)



E çka do të bëhet me ty kur e di se të kanë përfshirë të mirat e All-llahut, të cilat nuk numërohen e që janë shndërruar në mëkate dhe kundërshtim ndaj urdhërave të Tij. Por edhe më e keqe është thirrja në mekate dhe shkatërrimi i robërve përmes zbukurimeve.



Motër! Nëse shfaq bukurinë tënde para njerëzve, kjo është sikur të reklamosh material shitës para njerëzve, kështu që vjen njëri të të shikojë pastaj tjetri, e që kjo ndikon në prishjen e zemrave dhe mendjes së rinisë, duke i habitur ata në humbjen e kohës në mëkat ndaj All-llahut, dhe e gjithë kjo që të jesh e bukur, duke anashkaluar All-llahun dhe kënaqësinë e Tij!!



Motër! A dëshiron që të jesh shkaktare e futjes së vëllait tënd musliman në zjarr në Ditën e Gjykimit!? Pra ki frikë All-llahun!



Motër! Dije se All-llahu është i Butë, Bujar, por mos harro se është edhe ndëshkues i ashpër, pra kërko bujarinë, butësinë, mëshirën e gjerë, faljen e madhe të Tij, dhe kthehu te All-llahu para se të vijë koha e caktuar e që nuk ka kthim mbrapa, thotë All-llahu në Kur’an:”E kur ndonjërit prej tyre i vjen vdekja, ai thotë: o Zoti im, më kthe që të bëjë vepra të mira e të kompenzoj atë që leshova!” Kurrsesi, (kthim nuk ka) e kjo është vetëm fjalë që e thotë, e ata kanë para tyre një perde deri në ditën kur ringjallen.” (el-Mu’minun: 99-100) Thotë All-llahu në Kur’an:”Kush bënë ndonjë të keqe ose e ngarkon veten e pastaj kërkon falje te All-llahu, ai e gjen All-llahun Falës e Mëshirues.” (en-Nisa: 110)



Motër! Me të vërtetë All-llahu është Bujar, Falës dhe Mëshirues, që fal mëkatet edhe nëse janë sa kodra, nëse robi pendohet sinqerisht dhe pastrohet nga mëkatet duke mos e përsëritur veprimin e tillë, duke insistuar me një insistim të mirëfilltë, dhe duke u larguar nga ndalesat.



Thotë All-llahu në Kur’an:”Thuaj: O robërit e Mi, të cilët e keni ngarkuar me shumë gabime veten tuaj, mos e humbni shpresën në mëshirën e All-llahut, pse vërtet, All-llahu i fal të gjitha mëkatet, Ai është që fal shumë dhe është mëshirues.” (Zumer: 53)



Me të vërtetë All-llahu është Bujar; nëse pendohet robi, All-llahu ia zëvendëson të këqijat me të mira, Subhanallah! Të këqijat dhe mëkatet sa kodra ia zëvendëson me të mira sa kodra, dhe mirësinë me mirësinë e All-llahut!



Thotë All-llahu në Kur’an: ”Përveç atij që është penduar dhe ka bërë vepër të mirë, të tillëve All-llahu të këqijat ua shndërron në të mira. All-llahu është mëshirues, andaj Ai fal shumë.” (Furkan: 70)



Motër! Unë mendoj se kjo porosi ka lënë gjurmë në ty, dhe të janë përlotur sytë e pikëlluar për atë që ka kaluar nga jeta jote, duke qenë ti shkaktare për fundosjen e shumë vëllezërve muslimanë në mëkate. Kur ke qenë e zbukuruar dhe e parfumosur, duke dalur me rroba të tejdukshme, duke shfaqur çelësat e zbukurimit të trupit tënd, duke u bërë në atë gjendje që të tjerët të ngopen me shikime ndaj teje pa kurrfarë ndalese, duke ua shfaqur atyre bukurinë tënde dhe rininë tënde të veprojnë ashtu siç dëshirojnë ata.



Oj Motër e dashur! Nëse zemra jote është qetësuar dhe shiprti yt kërkon të vërtetën, dhe je nënshtruar ndaj ligjit të Krijuesit i Cili i di veprimet tua dhe çka iu sjell dobi atyre, obligohesh që të dish rrugën e shpëtimit, duke mësuar rregullat e fesë tënde, duke kryer obligimet me të cilat na ngarkoi All-llahu, dhe të ndaloi nga të këqijat që të jesh nga të lumturit në këtë botë dhe në botën tjetër. Dhe kjo lumturi nuk arrihet vetëm se pasi të mësosh – të e dallosh - të vertetën nga e kota, të drejtën nga gabimi në çdo punë dhe vepër.



Motër! Mos dëgjo pasuesit e së kotës që thonë se (besimi është të besosh me zemër!) Kjo që thonë ata është rruga e shejtanit, dhe me këtë mundohet shejtani që t’i largojë njerëzit nga e vërteta të cilën e zbriti All-llahu, në mënyrë që njeriu të largohet nga veprat e mira trupore, duke u zhytur gradualisht në mëkate. Ndërsa besimi i kërkuar nga Islami është: besim i cili rezulton në punë të mira, që janë në pëlqim me atë që ka urdhëruar All-llahu dhe i dërguari i Tij, alejhi selam; Besimi Islam është: Ajo që mbizotëron në zemër dhe vërtetohet në vepër.



Motër! Mos dëgjo pasuesit e së kotës duke thënë: “Mbulesa është burg, ndalesë, shkelje e të drejtave… deri në fund të këtyre shprehjeve të kota, ngase All-llahu nuk ka urdhëruar që mbulesa të jetë burg, apo ndalesë ose shkelje e të drejtave, por e ka bërë mbulesën mburojë, pengesë, dritë dhe mbikqyrje për femrën muslimane, kudo që ajo të shkojë, thotë All-llahu në Kur’an: ”O ti pejgamber, thuaju grave tua, bijave tua, dhe grave të besimtarëve le të vëjnë shamitë (mbulojë) e veta mbi trupin e tyre, pse kjo është më afër që ato të njihen (se nuk janë rrugaçe) e të mos ofendohen. All-llahu fal gabimet e kaluara, Ai është mëshirues.” (el-Ahzab: 59)



Motër! Dije se All-llahu të ka respektuar dhe të ka ngritur në vendin e merituar, për këtë edhe ka urdhëruar që të vishesh me veshje Islame, gjë që është respekt, nder për ty (motër), mburojë që mos të jesh objekt reklamimi që të të shikojë secili që dëshiron, në çdo kohë, e që kjo mbulesë të jetë pengesë për të tjerët që mos të zhyten në mëkat.



Në mënyrë që mbulesa të jetë sa më Islame ashtu siç ka urdhëruar All-llahu dhe i dërguari i Tij, patjetër duhesh që t’i plotësosh disa kushte Islame e që janë:



1. Mbulimin e gjithë trupit përveç fytyrës dhe duarve3, edhepse mbulimi i tyre është më i sinqertë dhe më i preferuar. Kjo është mbulesa e grave të selefëve, All-llahu qoftë i kënaqur me ta, duke ju prirë në këtë gratë e pastra të pejgamberit, alejhi selam, All-llahu qoftë i kënaqur me të gjitha.



2. Që mos të jetë mbulesa e saj për mendjemadhësi, që të ngritet me të para të tjerëve, apo që të tjerët t’i kthejnë shiqimet nga ajo e që pastaj të bëhet mendjemadhe edhe nëse është mbulesë Islame, por qëllimi të jetë i kundërt. Thotë Muhamedi, alejhi selam:”Kush vesh rroba të mendjemadhësisë në këtë botë, All-llahu do ta vesh atë me rroba të nënçmimit në ditën e gjykimit, dhe do të hudhet në zjarr.” Xhilbabul-Mer’etul Muslimetu: 213



3. Të mos jenë të tejdukshme, në mënyrë që të dallohet lëkura e saj, për çka Muhamedi, alejhi selam, thotë: ”Do të vinë në fund të ummetit tim gra që do të jenë të veshura por të zhveshura, dhe në kokat e tyre kanë paruka (si gunga të devës). Mallkoni ato se me të vërtetë ato janë të mallkuara.” Xhilbabul-Mer’etul Muslimetu: 125



Kanë thënë dijetarët se Muhamedi, alejhi selam, ka pasur për qëllim ato gra të cilat vishen me rroba të holla, të cilat e përshkruajnë trupin e njeriut. Ato vetëm duken të mbuluara, por në realitet janë të zbuluara. Xhilbabul-Meretul Muslimetu: 127



--------------------------------------------------------------------------------
3. Ndërsa këmbët e gruas janë avret (vend i turpshëm) dhe duhet të mbulohen, dhe kjo nuk mjafton vetëm me çorapë por duhet të jenë të mbuluara edhe nga lart, në mënyrë që mos të dallohen këmbët, e për këtë janë fjalët e pejgamberit, alejhi selam, kur e kanë pyetur për gratë, të cilat i kanë pasur këto cilësi (këmbët e zbuluara), dhe kanë dashur t’i zgjasin një pëllëmbë më shumë. I ka thënë Ummu Selemetu: “Ende ka mundësi të të duken këmbët.” I është përgjigjur: “Le t’i zgjasin sa një bërryl…” (Silsiletul-Ehadith es-Sahihatu, 1864)

--------------------------------------------------------------------------------

4. Të mos jetë e ngushtë, në mënyrë që të dallohen pjesët e trupit. Kallëzon Usametu bin Zejd, All-llahu qoftë i kënaqur me të: Më ka dhuruar Muhamedi, alejhi selam, një material4 të tejdukshëm, të cilin ia kishte dhuruar atij Dihjetul-Kelbi, kurse unë ia dhurova gruas sime, e Muhamedi, alejhi selam, më pyeti: “Pse nuk po e veshë materialin që të kam dhuruar?” I thashë: Ia kam dhuruar gruas time. Ai më tha: “Urdhëroje që të veshë diçka5 poshtë saj, se kam frikë se mos ia përshkruan madhësinë e eshtrave të saj.” Xhilbabul-Meretul Muslimetu: 131



5. Të mos jetë e parfumosur. Nga fjala e Muhamedit, alejhi selam:”Çdo grua e cila parfumoset dhe del nga shtëpia e saj dhe kalon pranë njerzëve që t’ia ndiejnë erën asaj, ajo është prostitutë.” Xhilbabul-Meretul Muslimetu: 137.



6. Të mos jetë mbulesa e saj në gjasim me rrobat e meshkujve. Transmetohet nga Ebu Hurejra, All-llahu qoftë i kënaqur me të, se:”I ka mallkuar pejgamberi, alejhi selam, meshkujt që veshin rroba të femrave dhe femrat që veshin rroba të meshkujve.” Xhilbabul-Meretul Muslimetu: 141.



7. Mbulesa të mos u gjasojë mbulesave të mosbesimtarëve. Transmetohet nga Abdullah bin Amër: Më ka parë pejgamberi, alejhi selam, veshur me rroba (ngjyrë të kuqe) dhe më tha: ”Me të vërtetë këto janë rroba të mosbesimtarëve, andaj mos i veshni.” Muslimi: 2077,27



8. Që në veten e tyre mos të jenë zbukurim. Thotë All-llahu në Kur’an:”Të mos zbulojnë stolitë e tyre.” (Nur: 31) Thotë All-llahu në Kur’an:”...dhe rrini në shtëpitë tuaja e mos shfaqni bukurinë tuaj si shfaqej6 në injorancën e hershme.” (el-Ahzab: 33) Ka thënë Muhamedi, alejhi selam: ”Mos pyet për tre gjëra7!” Ndër to ka përmendur… dhe një grua që i ka munguar burri i saj pasi që e ka mashtruar dunjaja, e që pastaj është zbuluar…” Sahih: 542



Gjithashtu edhe fjala e Muhamedit, alejhi selam:”…Gratë më të këqija nga ju janë gratë e zbuluara, të shfrenuara, dhe ato janë hipokritet, të cilat s’do të hynë në xhennet, ashtu siç nuk hyn korbi i kuq8.” Sahih: 1849



--------------------------------------------------------------------------------
4.Material nga Egjipti, i bardhë e i tejdukshëm.

5.Diçka poshtë tyre që e pengon përshkrimin e trupit.

6.Shfaqje e bukurisë.

7.Për shkak se janë nga të humburit.

8.Korbi i kuq është shpend që ka sqepin dhe këmbët e kuqe. Kjo është shembull se sa të pakta janë ato që hyjnë në xhennet nga gratë, për atë se ky lloj i shpezëve është shumë i rrallë.

--------------------------------------------------------------------------------

Këto janë kushtet e mbulesës së vërtetë që e bëjnë mbulesë të mirëfilltë, mbulesë Islame që të krijosh respekt ndaj All-llahut subhanehu ue teala, të krijosh mbrojtje nga ujqit, të cilët dëshirojnë që ti të zbulohesh e që ata të ngopen me shiqime ndaj teje.



Motër! Sikur ti të plotësosh këtë urdhër të All-llahut në veten tënde, me një plotësim të mirëfilltë, me qetësi të plotë në lëvizjet e tua, do të ishe dritë mbi dritë. Nuk mjafton vetëm mbulesa pa moral të brendshëm. Gjithashtu gruaja është e urdhëruar të jetë e qetë në sjelljet e saja dhe të ndërprejë shikimet, ta ruaj gjuhën e saj, ta kontrollojë veten e saj, ta kaplojë turpi, t’i pakësojë fjalët, siç thotë All-llahu në Kur’an: ”Thuaju edhe besimtareve të ndalin shikimet e tyre, të ruajnë pjesët e turpshme të trupit të tyre, të mos zbulojnë stolitë e tyre përveç atyre që janë të dukshme.” (en-Nur: 31)



Motër! Në mënyrë që të jesh grua e sinqertë, dëshirova që të të këshilloj me pak fjalë për disa gjëra që mos të gjindesh në to për shkak të mosnjohjes së ligjit të All-llahut:



Ruaju motër muslimane!: që ta vësh mbulesën tënde për çështje personale, apo që të dukesh më e bukur, apo për shkak të modës së caktuar, por bëje këtë si respekt ndaj All-llahut dhe të dërguarit të Tij, si mbrojtje, pastrim, siç thotë All-llahu në Kur’an:”E kush është që e shpreson takimin e Zotit të vet le të bëjë vepër të mirë dhe në adhurim ndaj Zotit të tij të mos e perziej askënd.” (Kehf: 110)



Ruaju motër muslimane!: nga ndryshimi i krijesës së All-llahut9. Pejgamberi, alejhi selam ka thënë: ”I ka mallkuar All-llahu ata që vendosin paruka edhe atyre që u vendoset paruka.” Muslimi: 2122,115. Në një transmetim tjetër:”I ka mallkuar All-llahu ata që bëjnë tatuazhe dhe atyre qe iu bëhet tatuazh, ato që ndukin vetullat dhe atyre që iu nduken vetullat,… dhe ato që e ndryshojnë krijesën e All-llahut.”10 Buhariu: 4886, Muslimi: 2125.



Ruaju motër muslimane!: nga shoqërimi me ato që janë të zbuluara, ato që janë të prishura në moral, që gjithnjë dëgjojnë vetëm gjëra të këqija, duke marrë për bazë fjalën e Muhamedit, alejhi selam:”Shembulli i shoqërimit të mirë dhe shoqërimit të keq është si shembulli i atij që mban (shet) parfum dhe i farkëtarit; ai që mban parfum, ose të dhuron, ose ta shet atë apo së paku thithë nga ai erë të këndshme, ndërsa farkëtari të djegë rrobet apo së paku thithë nga ai erë të papëlqyer.” Buhariu: 5534



--------------------------------------------------------------------------------
9. Këto janë tetë kushtet dhe argumentet e mbulesës në pika të shkurtra, të marra nga libri i dobishëm “Xhilbabul-Meretul-Muslimetu” nga dijetari i shekullit el-Albani, All-llahu e shperbleftë.

10.a) heqja e qimeve në përgjithësi ose krejtësisht përveç nën sqetulla dhe në pjesët e turpshme ku duhet te heqen.
b) vendosja e parukës apo zgjatja e flokëve me bistek artificial.
c) që të shpojë ndonjë pjesë të trupit e më pas të vendosë ngjyrë të kaltër.
d) në ndryshimin e krijesës së All-llahut hyn edhe qëllimi për zbukurim.

--------------------------------------------------------------------------------

Ruaju motër muslimane!: nga shikimet që ka ndaluar All-llahu subhanehu ue teala në meshkujt, televizion apo revista degjeneruese që thirrin në prishjen e moralit, duke përkujtuar fjalën e All-llahut subhanehu ue teala: ”Thuaju edhe besimtareve të ndalin shikimet e tyre, të ruajnë pjesët e turpshme të trupit të tyre.” (en-Nur: 31)



Ruaju motër muslimane!: në zhveshjen e rrobave nëpër butiqe, në rrobaqepësi, në sallone të frizereve apo në çdo vend përveç në shtëpinë tënde, duke u frikësuar se mos po hyn në rangun e thënies së Muhamedit, alejhi selam: ”Çdo grua e cila zhvesh rrobat e saja në tjetër pos në shtëpinë e saj, vetëm se është larguar turpi mes saj dhe All-llahut.” Adabu Zefaf: 141.



Ruaju motër muslimane!: nga të përshëndeturit me dorë burrat e huaj edhe nëse është shok i burrit tënd, biri i axhës, biri i hallës, biri i dajës, biri i tezës dhe të gjithë ata që hyjnë në këtë dispozitë.



Bazuar në fjalën e Muhamedit, alejhi selam:"Unë nuk e preku dorën e gruas (së huaj)." Sahihul-Xhami: 7177 apo “Unë nuk përshëndes me dorë gratë.” Sahih: 529 apo fjalën e Muhamedit, alejhi selam:”Sikur të shpohet ndonjëri nga ju me shufër të hekurt në kokë, është më e mirë sesa të prek dorën e një femre që nuk i lejohet atij.” Sahih: 226.



Ruaju motër muslimane!: nga të llastuarit në fjalë, duke u bazuar në fjalën e All-llahut subhanehu ue teala:”O gratë e pejgamberit, ju nuk jeni si ndonjë grua tjetër, nëse keni kujdes e ruheni, andaj mos u llastoni në të folur e të lakmojë ai që ka sëmundje në zemrën e tij, po thuani fjalë të matura.” (el-Ahzab: 32)



Ruaju motër muslimane!: nga dalja e shpeshtë nga shtëpia përveç nëse është nevoja, dhe mos dil pëveç kur ke nevojë, duke u bazuar në fjalën e All-llahut:”Dhe rrini në shtëpitë tuaja.” (el-Ahzab: 33)



Ruaju motër muslimane!: që nëse del nga shtëpia për nevoja të domosdoshme mos të ecësh në mes të rrugës, duke marrë për bazë fjalën e Muhamedit, alejhi selam: ”… Me të vërtetë për to nuk është mesi i rrugës.” Sahih: 2/512 nën hadithin 856.



Ruaju motër muslimane!: mos të udhëtosh vetëm, apo edhe me një grup të grave pa ndonjë njeri ta afërt, duke u bazuar në fjalën e Muhamedit, alejhi selam: ”Nuk i lejohet gruas e cila beson në All-llahun dhe në Ditën e Gjykimit, që të udhëtojë më shumë se një ditë dhe një natë pa të afërmin e saj.” Buhariu: 1088, Muslimi: 1339, 419.



Ruaju motër muslimane!: në mbathjen e këpucëve të cilat duke ecur lëshojnë zë që ngacmojnë shikimet, sikur ato këpucë që kanë pjesën e mbrapme më të lartë (me take), para meshkujve të huaj.



Ruaju motër muslimane!: nga rritja e thonjëve, duke u mbështet në fjalën e Muhamedit, alejhi selam: ”Pesë gjëra janë nga natyrshmëria… ndër to edhe shkurtimi i thonjëve.” Buhariu: 5889, Muslimi: 257.



Ruaju motër muslimane!: nga veshja e pantollonave, veshje të ngushta e të tejdukshme të cilat paraqesin pjesët e turpshme, e të shfaqësh pjesët e trupit para prindërve tu, vëllezërve tu, grave tjera, ngase nuk lejohet për një grua që të zbulojë trupin para tjetërkujt pos burrit të vet.



Ruaju motër muslimane!: nga muzevir11, duke u bazuar në fjalën e All-llahut subhanehu ue teala: ”Mos e respekto askënd që betohet shumë dhe është i poshtër! Që është përgojues e bart fjalë ndër njerëz, shumë koprrac ndaj rrugës së mbarë, i pafrenushëm, mëkatar, që është shumë i vrazhdë, e më në fund edhe kopil (nuk i dihet baba).” (el-Kalem:10-13) Muhamedi, alejhi selam, thotë:”Nuk hyn në xhennet bartësi i fjalëve.” Sahih: 1034. Gjithashtu thotë: ”Do t’i gjesh hipokritët njerëzit më të këqij në Ditën e Gjykimit te All-llahu, të cilët dikujt i paraqiten me një fytyrë e dikujt tjetër me fytyrë tjetër.” Sahih Edabul-Mufred: 316



Ruaju Motër muslimane!: nga përgojimi12 duke u bazuar në fjalën e All-llahut subhanehu ue teala:”O ju që keni besuar, largohuni prej dyshimeve të shumta, meqë disa dyshime janë mëkate dhe mos hulumtoni për zbulimin e të metave të njëri-tjetrit, dhe mos përgojoni njëri-tjetrin; a mos ndonjëri prej jush deshiron të hajë mishin e vëllait të vet të vdekur? E atë pra e urreni! Kini frikë nga ndëshkimi i All-llahut, e All-llahu është mëshirues, Ai e pranon shumë pendimin.” (Huxhurat: 12)



Dhe fjala e Muhamedit, alejhi selam:”Kur më ngritën në Miraxh hasa në një popull që kishin thonjët nga bakri, me të cilat i lëndonin fytyrat e tyre dhe kraharorët e tyre. Unë pyeta: "Kush jane këta, o Xhibril?" Ai tha: ”Ata janë që kanë ngrënë mishin e njerzëve dhe kanë dëmtuar nderin e tyre.” Sahih: 533.



Ruaju Motër muslimane!: nga shpifja13 për motrat tua muslimane, duke u bazuar në fjalën e All-llahut az-ze ue xhel-le: ”Vërtet ata që i akuzojnë gratë e ndershme, besimtare të pafajshme, janë të mallkuar në këtë botë dhe në botën tjetër dhe ata i pret një denim shumë i madh.” (Nur: 23)



Apo fjala e Pejgamberit, alejhi selam, ku thotë:”Largohuni shtatë gjërave (shkatërruese). I thanë: O i dërguari i All-llahut, cilat janë ato? Ai tha: ”… dhe përmendi shpifjet ndaj grave besimtare të mira e të pafajshme.” Buhariu: 2766, Muslimi: 89.


--------------------------------------------------------------------------------
11. Bartja e fjalëve nga një njeri tek tjetri me qëllim të përçarjes mes tyre.

12. Përgojim: t’ia përmendësh vëllait atë që e urrenë. Ka thënë Pejgamberi, alejhi selam: “A e dini çka është përgojimi?” Ata thanë:“All-llahu dhe i dërguari i Tij e dinë.” Pejgamberi, alejhi selam, tha:“Përmendja e vëllait me atë që ai e urrenë.” Ata thanë: “E nëse e ka atë që e themi.” Ai tha:”Nëse e ka atë që e thuani, kjo është përgojim e nëse nuk e ka atë që e thoni vetëm se keni bërë shpifje.” Sahih: 1419.

13. Shpifje d.m.th. të thuash për një grua se është prostitutë, apo gjëra të ngjashme me këtë kuptim.

--------------------------------------------------------------------------------

Ruaju Motër muslimane!: nga gënjeshtra, duke u bazuar në fjalët e Pejgamberit, alejhi selam: ”Vërtet gënjeshtra çon në padrejtësi e padrejtësia çon në zjarr, dhe një njeri gënjen derisa te shkruhet tek All-llahu gënjeshtar.” Buhariu: 6094, Muslimi: 2607.



Motër! Nëse je e martuar apo rrugës për martesë, e ke obligim që ta respektosh burrin tënd, të njohësh obligimet ndaj tij në mënyrë që të fitosh xhenetin e Zotit tënd, duke u bazuar në fjalët e Pejgamberit, alejhi selam:”Shiko vetveten ku qëndron (me respekt) ndaj tij (burrit tënd). Me të vertetë ai është xhenneti dhe zjarri yt.” Adabuz-Zefaf: 285.



Motër! Duhet ditur se të drejtat e burrit janë çështje shumë me rëndësi për ty, për arsye se në to kanë ardhur përgëzime.



Thotë Pejgamberi, alejhi selam:”Sikur t’i dinte gruaja obligimet ndaj burrit, nuk do të ulej kur servohet dreka dhe darka, derisa të largohet nga ai.” Sahihul Xhamia: 5259 Thotë Pejgamberi, alejhi selam:”Nuk i lejohet njeriut t'i bëjë sexhde njeriut. E sikur të lejohej t’i bëhet sexhde njëri-tjetrit, do ta kisha urdhëruar gruan t’i bëjë sexhde burrit të vet, prej të drejtave të mëdha që ai ka ndaj saj …” Sahihul Xhamia: 7725.



Motër! Mos kërko nga burri yt shkurorëzim, duke u bazuar në fjalët e Pejgamberit, alejhi selam:”Çdo gruas e cila kërkon shkurorëzim nga burri i saj pa ndonjë arsye, i është ndaluar era e xhenetit.” Irvaul Galil: 7/100



Motër! Kujdesu për edukimin e fëmijëve. Ua mëso atyre dashurinë ndaj All-llahut dhe Pejgamberit, alejhi selam, dhe veshi ata me veshjen e sinqeritetit që nga femijëria, e ndoshta do t’ia rikthejnë këtij umeti autoritetin që e ka humbur.



Motër! Dije se shtëpia jote është pushteti yt dhe ti je mbikqyrëse e saj, duke u bazuar në fjalët e Pejgamberit, alejhi selam:”Çdo person nga bijt e Ademit është përgjegjës; burri është përgjegjës për familjen e tij, gruaja është përgjegjëse për shtëpinë e saj.” Sahihul Xhamia: 4441.



Dëgjoji motër -All-llahu ta mundësoftë respektimin e Tij – thëniet e mosbesimtarëve pasi që kuptuan rolin e gruas e cila e bën të jashtëzakonshme dhe të palodhshme. Ka thënë njëri nga ata: "Me të vërtetë gruaja mund ta udhëheqë shtetin nëse qëndron në shtepinë në të cilën është udheheqëse e familjes."



Ka thënë një tjetër: Kur All-llahu e veçoi gruan me lindjen e femijëve, nuk kërkoi nga ajo që t’i lë ata dhe të punojë jashtë, por e bëri punë të saj qëndrimin në shtëpi në rritjen dhe edukimin e fëmijëve.



Motër ruaju! - All-llahu ta mundësoftë në respektimin e Tij - pasimit të hapave të shejtanit dhe largohu nga çdo send i cila synon prishjen e moralit tënd dhe dëgjimit tënd, dhe largohu nga kjo sikur qe ikë nga luani. Bëhu grua e mençur në kujdesje ndaj All-llahut, të dish kur dhe ku të qeshësh, të dish si dhe me kënd të flasësh, si të ecësh dhe me kënd.



Duro padrejtësinë që të është bërë e mos të interesojnë fjalët e pasuesve të epsheve, te cilët dëshirojnë që gruaja të jetë mjet reklamues dhe epshet e tyre të ngopen me shikim ndaj teje.



Ka thënë Pejgamberi, alejhi selam:”Do të vijë koha kur durimi në të kapurit për fenë do të ketë vlerën sa pesëdhjetë dëshmorë prej jush.” Sahihul Xhamia: 2234.



Përfundimisht, e dashura Motër! Nëse nuk ka ndikuar në zemrën tënde kjo e vërtetë që e ke dëgjuar dhe nuk i përgjigjesh urdhërit të All-lahut, atëherë le të jenë kundërargument ndaj teje fjalët e Pejgamberit, alejhi selam:”Unë kam parë se shumica prej jush janë banore të zjarrit.” Muslimi: 79.



A dëshiron të jesh nga banoret e zjarrit?



Thënia e Pejgamberit, alejhi selam: ”Me të vërtetë banorët më të pakët të xhennetit janë gratë.” Sahihul Xhamia: 1570.



Të këshilloj që të kesh në mendje çdo herë fjalën e All-llahut az-ze ue xhel-le:”E për sa i përket atij që e ka tepruar, dhe i ka dhënë përparësi jetës së kësaj bote, xhehennemi do të jetë vendi i tij.” (en-Naziat: 37-39)



E nëse nuk frikohet zemra jote që të levizë në respektim ndaj All-llahut para se të përfundojë caktimi, ti me të vërtetë je prej të vdekurave. Thotë All-llahu:”Pse në të vërtetë sytë nuk verbohen, por verbohen zemrat në krahrorë.” (Haxh: 46)



Motër! Ka thënë Pejgamberi, alejhi selam:”I gjithë ummeti im do të hyjë në xhennet përveç atij që refuzon. I thanë: O i dërguar i All-llahut, kush refuzon? Ai tha: "Kush më respekton mua hyn në xhennet, e kush bën mëkat ndaj meje vetëm se ka refuzuar.” Buhariu: 7280.



Dhe lutja jonë e fundit është: Falënderimi i takon vetëm All-llahut, Krijuesit të Botëve.



Paqa dhe mëshira e All-llahut qoftë mbi të dërguarin e Tij.