Një kal i çuditshëm

[SkenderRusi]

NJË KALË I CUDITSHËM



Në mesditën time

ndaloi një kalë

Vinte për të marrë

kalorësin e lodhur!

Nuk e di akoma

kush e kish dërguar,

Por di që kish kohë

që më vinte rrotull!



Ishte po ai

Me sytë prej gruaje,

S’kish patkonj në këmbë,

po taka smeraldi!

Unë e mbylla portën,

mbylla dhe dritaren,

Tani atje brenda

hynte vetëm ajri!



Nuk e di përse

E vështrova dhimbshëm,

Ai,sytë e gruas,

mbi mua i ndali!

Kam kaluar çaste

dhe më të çuditshëm,

Se sa me këtë grua,

brenda këtij kali!





Në mesditën time

ndaloi një kalë,

Krejt si në një ëndërr

që shohim në gjumë!

Ai beson lehtë

se do të më marrë,

Por unë do të ik

kur të dua unë!

30 janar 2009



SONTE



Sonte,nuk po gjej dot

asnjë shkak për të qeshur,

Sonte,e shoh që edhe ti

më je arratisur!

Hedh sytë në qiell,

ai paska vdekur,

Dhe yj nuk ka më,

(nuk di nga kanë ikur!)





Sonte,nuk kam asnjë trill,

për t’u bërë e bukur!

E ç’më duhet,kur s’kam më,

asnjë mik për të pritur!

Ti natë,apo dikush tjetër,

që rri pas teje strukur,

S’e mësuat dot kurrë,

përse ne kemi lindur!





Sonte,bota e tërë

po më rrëshqet nga duart,

Si të ishte pluhur,

nëpër gishta në rrjedh!

Sonte,ju që të gjithë

më keni harruar,

Dhe unë jam vetëm 21 vjeç.



21 janar 2009

[mondishall]

Mirse u ktheve i dashur Skender!
Me emocionuan vargjet e tua. Je mjeshter i poezise. E ben vargun kaq melodioz dhe prekes, sa te rikthen per ta rishijuar...
Shendet dhe vazhdimesi krijimi pac ne jete. Perqafime Mondi

[macia_blu]

Melodioz... e vertete!
Kjo poezia ka muzike te "trishte" kali ia kalon cudise.
Je i mahnitshem....
Urime...

[Diesel Industry]

bravo!.......me pelqeu shume mbyllja e poezise se dyte

[riza2008]

Pershendetje Skender!E njof penen tend prej vitesh.Ketu nuk behet llaf per te komentuar poezite e nje poeti profesionist.Suksesi i tij ne poezi ka qene dhe do mbetet i pa diskutushem.Une te uroj suksese ne krijimtarine tende dhe mos t'u ndalte muza kurre.Respekte nga Riza Çato.

[baobab_23]

gjithmone me duket sikur ngrijne sekondat kur lexoj vargje nga skenderi. me te flitet per art, dicka qe i jep fryme botes e te lejon te kapesh pas jetes me force. urime poet

[Besoja]

Përshëndetje Skënder!
Natyrisht që nuk kam çfarë të flas për poezinë tuaj sepse tashmë keni zënë vënd në poezinë shqiptare.
Ju uroj suksese dhe qofsh mirë!
Me respekt

[SkenderRusi]

ABSURDI YNË



Vetëm ti e kthen

ditën time në muzg,

Mëngjezin tim,

vetëm ti e bën mbrëmje!

Jetojmë në një botë

kur vjen një çast absurd,

Kur unë s’e njoh më veten,

as ti veten tënde!





Vetëm ti e hedh në erë

hapësirën time,

Më çon tepër larg

në një tjetër kohë!

Thërras emrin tënd

por ti s’më përgjigjesh,

U bëj zë perëndive,

por as ato s’më dëgjojnë!





Vetëm ty të kam lënë

brenda meje të bredhësh,

Të hysh gjer atje,

ku as unë s’jam futur!

Po,e ke pasur dikur

atë çelës,

Që tani të mungon,

sepse vetë e ke humbur!

[KUJTIM CAMI]

Përshëndetje Z.Skënder!
Kur pashë emrin tuaj mendova se mos dikush bënte ndonjë 'lodër' por kur lexova poezitë kuptova që vërtet ishte ajo penë që gjithnjë kam pas dëshirë ta lexoj.
Z.Skënder ju përshëndes dhe ju falenderoj për kënaqësinë që më jepni kur ju lexoj. Vërtet është në nderin e Forumit Shqiptar kur shkruajn mjeshtra të poezisë.
Për vargjet tuaja pa dyshim që s'mund ti komentoj, ç'të them, të bukura është pak. Shumë të bukura.......përsëri më duket pak!
Me respekt për Ju.

[Palma]

Edhe une bashkohem me parafolesin...
Thjesht faleminderit per kenaqesine qe na dhuroni me te tilla vargje.
Ju pershendes,
P alma