"Njihni pavarësinë e Kosovës"

[Drini_i_Zi]

Drejtuesit e komunitetit musliman të Shqipërisë përmes një peticioni do t'i drejtohen Konferencës Islamike me kërkesën për të njohur pavarësinë e Kosovës.



"Njohja e lirisë pavarësisë dhe të drejtës për vetëvendosje është e drejtë e të gjithë popujve", tha përfaqësuesi i Komunitetit musliman shqiptar imami Ahmet Kalaja.

Besimtarët musliman të Shqipërisë pritet që brenda dy javësh t'i dërgojnë një peticion Organizatës së Konferencës Islamike, ku i kërkojnë asaj njohjen e pavarësisë së Kosovës. Peticioni do të firmoset nga besimtarët duke u shtrirë në të gjithë vendin.

"Ky është një peticion mbarë qytetarë, mirëpo pikënisja është pikërisht nga besimtarët musliman. Normalisht nga besimtarët sepse ky është në parim njohja e lirisë, njohja e pavarësisë. Njohja e të drejtës për vetëvendosje është e drejtë e të gjithë popujve. Neve, si mysliman shqiptar, na ka indinjuar shumë pse mos të zbatohet pikërisht ky parim bazë i islamit", tha ndëe të tjera Ahmed Kalaja.

Aktualisht nga 57 vende anëtare të kësaj organizate vetëm tre kanë njohur pavarësinë e Kosovës.

Në seancën e fundit të Organizatës së Konferencës Islamike është kundërshtuar pavarësia e shtetit më të ri nga Azerbejgjani dhe Egjipti, ndërkohë që një nga shtatë qëllimet e kartës së kësaj organizate që është edhe dokumenti bazë thotë se vendet anëtare duhet t'ju japin mbështetje të gjithë muslimanëve që luftojnë për ruajtjen e dinjitetit të tyre pavarësisë dhe ligjeve kombëtare.



Alsat.tv

[Drini_i_Zi]

Tirana, firmat në peticionin e Kosovës

Bardheblutë, pjesë e kërkesës për vendet anëtare të Konferencës Islamike, që të njohin pavarësinë

Nga fitorja në derbi te çësh
tjet madhore kombëtare.
Tirana konfirmohet si një
ndër klubet e pakta (për të mos
thënë e vetme) shqiptare që merr
pjesë aktive në komunitet. Drejtuesit
dhe futbollistët e 23-herë kampionëve
i janë bashkuar nismës
së Komunitetit Mysliman në Shqipëri,
që ka përpiluar një peticion
për njohjen e pavarësisë së Kosovës
nga të gjitha vendet që aderojnë në
Konferencën Islamike. Nëpërmjet
kësaj nisme synohet që Kosova të
fitojë sa më shumë mbështetje
ndërkombëtare, kur mungojnë dy
javë nga 1-vjetori i shkëputjes nga
Serbia. Më 17 shkurt 2008, Kosova
u vetëshpall shtet i pavarur. Por,
edhe pse ka mbështetjen e SHBAsë,
Anglisë dhe disa vendeve me influencë
në çështjet globale, shteti
më i ri në kontinent ende nuk është
njohur zyrtarisht nga Organizata
e Kombeve të Bashkuara (OKB).
Gjithsesi, procesi i mbledhjes
së firmave, të cilat do t‘i dorëzohen
vendeve të Konferencës së
Vendeve Islamike, anëtare e së
cilës është edhe Shqipëria që prej
vitit 1994, e ka kapërcyer aspektin
fetar. Përveç besimtarëve, ky peticion
ka gjetur mbështetje të gjerë
edhe jashtë Komunitetit Mysliman.
Kjo ka nxitur Refik Halilin,
njërin prej donatorëve të klubit
bardheblu e biznesmen i njohur,
drejtuesit e futbollistët që t‘i bashkohen
lëvizjes. Halili, i shoqëruar
nga kapiteni Devi Muka, drejtori
teknik i skuadrës, Alban Tafaj dhe
shumë pjesëtarë të tjerë të Tiranës,
ishin mes atyre që hodhën firmat.
Edhe pse në mesjavë (të
mërkurën, më 4 shkurt) i pret një
sfidë e vështirë me Shkumbinin,
kryeqytetasit e shkëputën vëmendjen
për disa çaste nga futbolli.
"Vendosëm që së bashku me
disa futbollistë të Tiranës, të cilët
dëgjuan për këtë nismë të nisur
nga qytetarët e Tiranës, të
bëheshim pjesë e peticionit për
njohjen e Kosovës", deklaroi donatori
Halili. "Në bazë të të dhënave
(edhe pse jozyrtare) flitet se është
një numër mjaft i madh qytetarësh
që i janë bashkuar kësaj iniciative
dhe kanë firmosur. Edhe
ne, pa bërë shumë komente, vendosëm
që t‘i bëjmë thirrje
vendeve islamike për të njohur
pavarësinë e Kosovës".
Peticionet
Nisma e besimtarëve myslimanë
në Shqipëri nuk është e
izoluar. Ajo qëndron përkrah një
tjetër iniciative, që ka nisur në
Prishtinë, e cila u kërkon vendimmarrësve
"të njihet vullneti i popullit
të Kosovës dhe që Kosova të
ketë vendin e merituar dhe të fituar
me shumë mund në familjen e
shteteve të pavarura dhe demokratike".
Të rinjtë, iniciatorë të këtij
peticioni, kërkojnë që vendi i tyre
të bëhet "tokë e shpresës": "Kjo
mund të realizohet vetëm nëse respektohet
dhe njihet ndërkombëtarisht
vullneti i popullit tonë". Ky
peticion, i shpërndarë në internet,
ka gjetur mbështetjen e afro 23200
personave, shqiptarë që jetojnë në
të gjithë botën.

gazeta shqip

[strange]

Aktualisht nga 57 vende anëtare të kësaj organizate vetëm tre kanë njohur pavarësinë e Kosovës.

Gabohesh.



Me Text: 8 out of 57 OIC Member States (14.04%)

Marre nga: KosovaThanksYou

[YoUGoTNoGaMe]

Komuniteti mysliman shqiptar ndërmerr iniciativën për mbledhjen e samë shumë nënshkrimeve për peticionit "Bashkoni zërin tuaj me ne! OIK, njihni pavarësinë e Kosovës".

Myslimanët kërkojnë mbështetjen e qytetarëve për nismën e tyre që pavarësia e Kosovës të njihet në bllok nga vendet e Organizatës Islamike.

Dje, pranë xhamisë së Et'hem Beut në qendër të Tiranës, të rinj myslimanë kërkonin nga qytetarët ndërgjegjësim për nismën e tyre lidhur me kërkesën që do ia drejtojnë OIK, sa i takon Kosovës.

Qytetarë të shumtë firmosnin peticionin e tyre ndërsa pranë ishte afishuar një pankartë "Bashkoni zërin tuaj me ne! OIK, njihni pavarësinë e Kosovës". Një iniciativë e tillë do të shtrihet në të gjitha xhamitë e vendit. Dje ishte xhamia kryesore e kryeqytetit të vendit që mirëpriti qytetarët deri në orët e vona të firmosnin këtë peticion.

Nga autoritetet drejtuese të Komunitetit Mysliman nuk u bë e ditur nëse kjo ishte një nismë zyrtare e tyre apo ishte nismë e OJF-ve të këtij besimi. Madje mungoi dhe një qëndrim zyrtar për këtë nismë që zhvillohej para dyerve të xhamive. Kjo është një përpjekje tjetër e shqiptarëve që pavarësinë e Kosovës ta njohin dhe vendet e Organizatës Islamike, anëtare e së cilës është edhe Shqipëria.

Pavarësisht lobingut që ka bërë diplomacia shqiptare, nga kjo organizatë e njohur së fundmi një nga anëtaret e saj Malajzia, me të cilën Shqipëria ka marrëdhënie shumë të mira. Diplomacia shqiptare gjatë samitit të OIK në Senegal marsin e kaluar, dështoi që të përfshinte në dokumentin themeltar çështjen e Kosovës. Shqipëria përfaqësohej në këtë samit me zëvendësministren Edit Harxhin.

Gjatë këtij samiti, më aktive për çështjen e Kosovës ishte Turqia me anë të presidentit të saj Gyl dhe kryeministrin Erdogan, që kërkonin njohjen e pavarësisë së Kosovës në bllok nga ana e kësaj organizate.

Por deri më tani, përfshi edhe Malajzinë, bëhen katër vende të OIK që e kanë njohur pavarësinë e Kosovës. Kjo organizatë ka 53 anëtarë dhe një njohje në bllok e pavarësisë së Kosovës do të bënte që numri i atyre vendeve që e kanë njohur atë të arrinte në mbi 100.

Edhe myslimanët e Kosovës kërkuan muaj më parë që OIK ta njihte aktin e pavarësisë, por shtuan se shteti i ri duhej të ndryshonte sjellje ndaj kësaj organizate.

Drejtori i institutit "Riinvest" në Kosovë, Muhamet Mustafa është shprehur në mediat e atjeshme se "vendet arabe nuk e kanë të qartë se Kosova vërtet është shtet i pavarur apo është krijuar artificialisht nga shtetet perëndimore, andaj ne do informojmë drejt se Kosovës i takon në mënyrë natyrore pavarësia".

Por OIK jo gjithnjë ka qenë e vëmendshme sa i takon zhvillimeve në Kosovë. Gjatë luftës së Kosovës, rezolutat e kësaj organizate dënojnë dhunën mbi myslimanët e këtij vendi si dhe të Bosnje-Hercegovinës. Në faqen zyrtare të kësaj organizate njoftohet gjithashtu dhe për ndihmat që OIK ka dërguar drejt Kosovës.

marre nga IKUBINFO