Nevzat Haznedari, ekzekutuesi i Beqir Ballukut, Petrit Dume, Hito Çako

[altin55]

U bera kurjoz dhe ja pashe fytyren ja ku e kini

http://www.flickr.com/photos/2207444...67708/sizes/m/

[altin55]

Rrëfimet e Kristo Budos, ish Sekretar i Komitetit Ekzekutiv të Fierit dhe kryeinspektor i Kryeministrisë ...

"Kryehetuesi Nevzat Haznedari më torturonte me hekur të skuqur"


Ndërsa Gjykata e Lartë e shpallte të pafajshëm dhe urdhëronte lirimin e tij në sallën e gjyqit, Kryehetuesi i Republikës, gjeneral Nevzat Haznedari, urdhëronte të rikthehej përsëri në qeli. Kështu i ka ndodhur 85 vjeçarit Kristo Budo, ish-kuadër i lartë i brigadave partizane gjatë luftës dhe më pas Kryetar i Degës së Brendshme të Peshkopisë, Sekretar i Komitetit Ekzekutiv të rrethit të Fierit e Inspektor i Përgjithshëm i Kryeministrisë, i cili në vitin 1960 u arrestua duke u akuzuar si agjent i zbulimeve greke. Pasi i kishin pushkatuar babanë po me të njëjtën akuzë, vetë krerët më të lartë të Ministrisë së Brendëshme.e torturuan Budon për dy vjet me rradhë në pyjet e Qafë Krrabës. Për të gjitha këto e peripecitë e shumta që kaloi në burgjet e regjimit komunist të Enver Hoxhës ku vuajti për 15 vjet me rradhë, ai ka shkruar kujtimet e tij. Një pjesë prej tyre që Budo ia ka dhuruar "Gazetës", po i botojmë më poshtë në këtë shkrim.

TORTURAT NË PREZENCËN E HAZBIUT
Në majin e vitit 1959 kur isha me shërbim në rrethin e Tropojës, u arrestova. U akuzova se isha vënë në shërbim të grekëve. Akuzën e kam hedhur poshtë dhe kam deklaruar si në hetuesi, në tortura dhe në sallën e gjyqit, se kurrë nuk kisha tradhëtuar atdheun. Kam kërkuar të bëheshin verifikime, mbasi akuzat nuk ishin të vërteta. Këtë gjë e kam thënë edhe përpara Kadri Hazbiut, bile edhe me një letër me shkrim. E kam thënë edhe para Rexhep Kollit, Aranit Çelës, Faik Minarollit, Nevzat Haznedarit, Asaf Kondit etj. U mbajta për dy vjet e gjysëm në hetuesi (birucë) pa me nxjerrë në gjyq në kundërshtim me ligjet në fuqi. Gjatë kohës që kam qenë në hetuesi, për muaj e muaj me rradhë më janë bërë tortura nga më çnjerzoret të cilat nuk kanë ndodhur as në kohën e inkuizicionit. Këto tortura më bëheshin në pyjet e Qafë-Krrabës dhe aty më kanë djegur mishrat e trupit me hekur të skuqur në zjarr. Aty më janë hequr të dhjetë thojtë e këmbëve, duke m'i hequr një nga një me dhimbje të mëdha deri sa më binte të fikët. Aty më rrihnin deri sa urinoja gjak dhe këmbët e trupi më ishin nxirë, aty mbahesha nën tortura gjithë ditën dhe vetëm në mbrëmje më sillnin në birucë gjysëm të vdekur. Aty përveç dhimbjeve më duhej të përballoja edhe provokimet e njëmbasnjëshme të atyre që fuste në birucën time Nevzat Haznedari, të cilët për mua mbeten njerzit më të poshtër që kam njohur ndonjëherë. Në këto tortura merrte pjesë vetë Nevzat Haznedari (drejtor i Hetuesisë në atë kohë) ky njeri mizor e xhelat, në ndërgjegjen e të cilit rëndojnë aq krime e persekutime sa është zor t'i përshkruash të gjitha. Ishte ky Nevzat që në kohën e Koci Xoxes në vitin 1948, u kritikua ashpër për dhunën arbitrare. Dhe ja tani në vitin 1960, po ky Nevzat në një post më të rëndësishëm, përdor po ato metoda dhune, bile akoma më të rënda, dhe në vënd që t'i ndalet dora, për "merita" gradohet gjeneral. Në këto tortura antinjerzore marrin pjesë gjithashtu oficerët Asaf Kondi, Irfan Hoxha etj. Ndërsa oficeri Hilmi Dume, më bënte injeksione për të mos iu mbetur në dorë. Në prezencën time Kadri Hazbiu jepte urdhëra për tortura. Një ditë më tha: "Kam urdhër për të vënë nën torturë". Kush mund të urdhëronte Kadri Hazbiun përveç Enver Hoxhës dhe Mehmet Shehut, dy diktatorëve më të mëdhenj të shtetit tonë? Si pjesmarrës i Luftës Nacional-Çlirimtare dhe për aktivitet revolucionar jam burgosur dhe internuar edhe në kampin famëkeq të Prishtinës, por më duhet të pohoj se tortura të tilla nuk më janë bërë as në okupacionin fashist.

TENTATIVA IME PËR VETËVRASJE
Tortura të tilla ishin të padurueshme jo më për njerzit por as dhe për kafshët, prandaj një ditë vendosa që t'i jepja fund jetës sime duke përplasur kokën me forcë në murin e birucës. U hapën dy plagë por kafka nuk u ça. Për qepjen e plagëve u suall doktor Llambi Ziçishti. Unë e kisha të qartë se tentativa për vetëvrasje ishte e dënueshme dhe një plus negativ për mua, por në ato kondita që ndodhesha, preferova më mirë vdekjen. Aajo ishte shpëtim. Nuk mjaftuan të gjitha këto e shumë veprime të tjera arbitrare fizike e psiqike, por Kadri Hazbiu me Nevzat Haznderain arritën deri aty sa që kundra meje të nxirrin dëshmitarë persona që ishin dënuar me vdekje, të cilët për të shpëtuar lëkurën e tyre dhe të nxitur nga Haznedari bënin lloj lloj shpifjesh e deponimesh jo të vërteta. Por ata mjeranë nuk i pashë më në gjyqin tim dhe siç mora vesh nga prokurori ata ishin ekzekutuar. Duhet thënë gjithashtu se Kadri Hazbiu e të tjerë ishin mjaft të kompromentuar në çështjen time, ata mbanin përgjegjësi ligjore për të gjitha ato që kishin bërë kundra meje, prandaj kërkonin me çdo kusht që me anë të gjyqit të më dënonin me vdekje dhe në këtë mënyrë të mbulonin njëherë e mirë veprimet e tyre antiligjore e t'i vinin kapak çështjes.

PROCESI HETIMOR
Duhet të pohoj se me procesin tim nga ana e Prokurorisë janë marrë tre veta: Aranit Çela, Prokuror i Përgjithshëm dhe dy zëvëndësat e tij, Faik Minarolli dhe Vangjel Kocani. Dihet se me ligj organet e Prokurorisë ngarkohen me kontrollin e procesit të hetimit dhe me zbatimin e ligjshëmrisë në hetime. Por në rastin tim ato bënë të kundërtën dhe zbatonin ato që u thoshte Hetuesia, në dëm të të pandehurit dhe të vërtetës. Këtë pohim po e ilustroj me disa shembuj që kanë të bëjnë vetëm me mua dhe jo me të tjerët. Ishte vetë Aranit Çela që me cilësinë e Prokurorit të Përgjithshëm lëshonte autorizim pas autorizimi për zgjatjen e procesit tim për dy vjet e gjysëm pa u nxjerrë në gjyq. Këtë gjë nuk e lejonte Kodi Penal. Ai ishte në dijeni se ndaj meje përdoreshin tortura fizike nga më çnjerzoret dhe dhuna në hetime, të cilat ndaloheshin me ligj, por Araniti nuk merrte asnjë masë për ndalimin e tyre. E vërteta është se atëhere dhe më vonë ndaj torturuesëve të mi nuk u mor asnjë masë dënimi. Ne letrën time të 7 marsit 1963 dërguar personalisht Aranit Çelës, unë kam folur edhe për torturat që më ishin bërë por ndonjë përgjigje nuk mora kurrë. Është fakt se zëvëndësi i tij, Faik Minarolli, hipte në makinë së bashku me Nevzat Haznedarin , kur më çonin mua për të më torturuar në pyjet e Qafë-Krrabës. Ja pra kjo ishte Prokuroria që kontrollonte procesin hetimor.

GJYQI: I PAFAJSHEM
Gjykimi i çështjes sime ka një histori më vete. Një ditë përpara se të më nxirrin në gjyq, më thërriti Nevzat Haznedari e më tha: "Letrën që i ke bërë familjes ne nuk do t'ja japim. Ti kërko mëshirë dhe thuaj se jam i luftës dhe i varfër etj". Të veproja siç kërkonte Nevzati, do të thosh të pranoja faje që nuk i kisha bërë kurrë. Mua më gjykoi Kolegji Ushtarak i Gjykatës së Lartë. Trupi Gjykues përbëhej nga koloneli Sotir Spiro (kryetar) dhe nënkolonel Rasim Bazo e Sami Kolaneci antarë. Përfaqësues i akuzës ishte Vangjel Kocani. Sekretare ishte Vangjeli Terova, ndërsa avokat Nexhmedin Shehu. Edhe para gjyqit unë nuk e pranova akuzën as tërsisht dhe as pjesërisht dhe deklarova se kurrë nuk e kisha tradhëtuar atdheun. Kërkova që të bëheshin verifikime pasi akuzat nuk ishin të vërteta. Gjithashtu aty fola dhe për akuzat çnjerzore që më ishin bërë. Megjithë refuzimet e prokurorit, trupi gjykues pranoi kërkesat e mija. Kështu Kolegji Ushtarak, mbas një raporti të gjatë i cili filloi më 21 shtator 1961, u përsërit më 2 tetor 1961 dhe mbasi iu ktheu organeve të Sigurimit dosjen time hetimore si të parregullt duke caktuar një sërë detyrash për verifikime, thirrje dëshmitarësh, vënie në dosje dokumetesh që mungonin etj, më datën 24 nëntor 1961 mori vendimin përfundimtar duke më deklaruar mua të pafajshëm për mungesë provash dhe urdhëroi lirimin tim të menjëhershëm nga burgu. Pafajësinë time e kërkoi dy herë dhe avokati im të cilin e pashë për herë të parë aty në sallën e gjyqit, ku i dhashë edhe akt-akuzën pasi nuk i ishte dhënë as ajo, pa le të takohej me mua në qeli gjatë hetimeve. Megjithatë ai më mbrojti mirë duke u mbështetur vetëm në seancat gjyqësore, në deponimet e mia, të dëshmitarëve e të dokumentave që u suallën në gjyq sipas kërkesës sime".

[altin55]

Nuk para merem me lexime te tilla, por u bera kurjoz dhe lexova ca per kete kryekriminel, ky ka qene xhin i keq, madje ka perdunuar dhe gra te burgosura. Shperblimin ky do ta mari ne diten e rringjalljes

Ja si i raporton prokurori ushtarak Nevzat Haznedari Gjykatës së Lartë Ushtarake. “Sot më datën 3 Korrk 1946 në orën 5 të mëngjesit, u ekzekutuan të dënuarit me vdekje: Qenan Dibra, Hivzi Golja, Sami Qeribashi, Telat Drini, Tut Mëniku, Xhait Koka, Mehmet Ali Beshiri, Shaban Balla dhe Ali Kavaja. Fjala e fundit e secilit në çastin e ekzekutimit ishte: 1) Telat Drini - Rroftë Shqipëria me Kosovën. 2) Hivzi Golia - Rroftë Shqipëria me Kosovën. 3) Tut Mëniku -Rroftë Shqipëria me Kosovën. 4) Qenan Dibra - Rroftë Shqipëria me Kosovën. 5) Xhait Koka - Rroftë Shqipëria me Kosovën. 6) Mehmet Ali Beshiri - Rroftë Shqipëria me Kosovën. 7) Shaban Balla - Ju lë kujdes fëmijën. 8) Ali Kavaja - Rroftë Zogu I, Mbret i Shqiptarëve. Rroftë Shqipëria me Kosovën. Vdekjen e kemi hak. 9) Sami Qeribashi - Më në fund t’u plotësua dëshira, o Prokuror. Edhe ti një ditë do ta paguash si unë. Rroftë Shqipëria me Kosovën. Qenan Dibra dorëzon një letër të drejtuar familjes. Prokurori i gjykatës së lartë ushtarake. Kapiten I, Nevzat Hasnedari.

[djaliepirotas]

Flm Century.
Kjo eshte nje pune e lavderueshme me ja zbulu surratin kesaj bishe me emrin Nevzat Haznedari. I humbte kopja per jete mos me u perserit me mbi kete toke.

[Sander_K]

dhe ai i grupit te xhevdet mustafes e kishte Nevzat Haznedari....behet fjale per te njejtin njeri? U vra diten e vrasjes se xhevdetit ne stacionin e rrogozhines (ishte agjent i sigurimit te shtetit)

A per fotografine e tij me kujtohet nje dshprehje e nje filmi shqiptar: qenka i pashem dreqi- I zgjedhin komisaret
Klyshi ku..rves i shkofte shpirti ne hale

[Sander_K]

me falni ai qe u vra ne rrogozhine me xhevdetin eshte sabaudin haznedari, vellai i ketij halese

[Brari]

mos flisni kot..

ma kadal burra..
sander kmafishja..lol..vre kho..

sic e sqaroj centuri.. nevzati eshte nga leskoviku.. pra matan korce-ersekes.. e ska asnje lidhje me hasnedaret sabaudin etj.. qe jane dibrane te ardhur ne durres.. ne koh te zogut..

pra te mos ngaterrojme gjerat..

qe thoni ju nevzati ka vdekur qe ne vitet 80 ta ne mos gaboj ndoshta me heret..
kurse regjimi enverit i ka vazhduar krimet deri ne 90 ten.. pra ai regjim kishte shum nevzate..

direkt enveri e ramizi u a kan diktuar nevzateve ne cdo kohe se cfar torturash e flliqsirash do bejne me sejcilin qe ata lart.. pra dulla me mizin.. i kishin vene ne lista per ti eleminuar..

nuk kish nevzat ne vlor 97 -tat..

por luiza kishte.. caushe kishte.. altin arapo dardha kishte..

pra ppsh ka prodhuar mijra nevzate..
kte desha te them..

ja shikoni si nuk komentojne kelisheria enveriste.. qe i kemi ketej verdalle..
pak ju a kemi bere thon e qeshin me vehte..
hmm..

[djaliepirotas]

Si nuk te rrihet mer Braro pa futur icik nga ajo garnitura jote uizo-causho-arapo-dardhiste-gjinosho-edviniste....
Me karar o djal se bohen bajat pastaj e ste ndigjo kush.
Jeshem te ai shejtani qe thua ti, ne Nevzati dhe halerat qe ka bere me duart e tija prej gorille.
Kish hetuesa plooot, edhe ka, edhe do kete..po si ai jezit sma do menja te gjëç.
Nuk ka ndritur si hetues, ka bere ëmër si sadist, xhelat.

[altin55]

qe thoni ju nevzati ka vdekur qe ne vitet 80 ta ne mos gaboj ndoshta me heret..

No no je gabim ka vdekur ne 1984 i shkateruari

pra ppsh ka prodhuar mijra nevzate..
kte desha te them..

..

Ketu ke plotesisht te drejt

[white-knight]

Tiranë, 1965. Enver Hoxha, udhëheqës i Partisë së bashku me kuadro të larta të Shtetit dhe të Ushtrisë.


Nga e majta: SADIK BEKTESHI, SPIRO MOJSIU, KADRI HAZBIU, BEQIR BALLUKU, ENVER HOXHA, MEHMET SHEHU, PETRIT DUME, MIHALLAQ ZIÇISHTI, ARANIT ÇELA.

Artan LAME

GJENERAL-MAJOR SADIK BEKTESHI, partizan, anëtar themelues i Komitetit Central të Partisë Komuniste, Drejtor Politik i Ushtrisë Popullore. Në fund, armik i Partisë dhe i popullit. Në kohën e luftës ishte burgosur dhe internuar në Itali si i burgosur politik, fillimisht në Napoli dhe më pas në Ventotene. Vërtet i shpëtoi me një vit burgut fashist, por nuk ia hodhi dot burgut të Komandantit, ku qëndroi 20 vjet, për të vdekur të paktën i lirë në demokraci pak vite më parë.

GJENERAL-MAJOR SPIRO MOJSIU (1900-1980). Ushtarak karriere që në kohë të Zogut, pastaj të Italisë, e pastaj të Partisë. Gjeneral, deputet, shef i shtatmadhorisë. Megjithëse i goditur nga pak, kohë pas kohe, arriti t‘ia hidhte Enver Hoxhës duke vdekur nga pleqëria vetëm një vit para zbulimit të komplotit të poliagjentit Mehmet Shehu, në të cilin Komandanti do t‘i kishte gjetur patjetër ndonjë rol sa për ta vënë pas murit.

KADRI HAZBIU (1922-1983). Partizan, Komandant Brigade, Gjeneral, Ministër i Brendshëm mbi 20 vjet, deputet, Ministër i Mbrojtjes dhe në fund armik i betuar i Partisë dhe i Popullit. U pushkatua pas njëmbëdhjetë muaj hetuesie si ajo që dinte të të bënte Komandanti.

GJENERAL-KOLONEL BEQIR BALLUKU (1917-1974). Partizan, Komandant Brigade, Komandant Divizioni, Gjeneral me tre yje (i vetmi që arriti këtë gradë), Kryetar i Shtatmadhorisë, deputet, 22 vjet Ministër i Mbrojtjes, Zëvendëskryeministër dhe, në fund, armik i betuar i Partisë dhe i popullit. Pushkatuar.

MEHMET SHEHU (1913-1981) Vullnetar në Luftën e Spanjës, partizan, Komandant Brigade, Gjeneral, Hero i Popullit, deputet, Ministër i mbrojtjes dhe 27 vjet rresht Kryeministër (kryeministri më kohëgjatë i Shqipërisë). Në fund, poliagjent dhe armik i betuar i Partisë dhe i popullit. U vra a e vranë, nuk u mor vesh asnjëherë. Mua më ka mbetur në mendje versioni i të birit Bashkim Shehu, i cili thotë "Mehmet Shehun e vetëvranë".

GJENERAL-LEJTNANT PETRIT DUME. Partizan, Komandant brigade, Komandant divizioni, Hero i Popullit, deputet, me dy akademi sovjetike, shef i shtatmadhorisë mbi 10 vjet, në fund armik i betuar i Partisë dhe i Popullit, plus akuza "tradhëti e lartë kundër atdheut". Pushkatuar me 1975.

GJENERAL-MAJOR MIHALLAQ ZIÇISHTI. Partizan, Gjeneral, Zëvendësministër i Brendshëm. Në vitin 1982, vëllai i tij Lambi Ziçishti, Ministër i Shëndetësisë pushkatohet dhe natyrisht që ai përfundon në burg si vëlla i armikut.

Njëri pas tjetrit, të gjithë këta i dënoi ARANIT ÇELA, i cili në cilësinë e Kryetarit të Gjykatës së Lartë, drejtoi gjyqet e tyre. E ku ta dinin ata të shkretë se pikërisht ai burri me veshje civile, që rri i ndrojtur në fund të rreshtit, do t‘i çojë të gjithë në plumb.