Pr. Dr. Sadi Bexheti vs Hazbi Lika

[Raim]

Sadi Bexheti do e fitoje Tetoven, per shume shkaqe, nder me kryesoret eshte korrupsioni i Hazbi Likes, banesat e atij qe kane mbij si kepurdha dhe fillimi i shkatrimit te BDI-s.

Kam plas tuj qeshe

kush fol per shkatrrim

[Tigrimelara]

Abdulhadi Veselin se shoh askund mos e kane larguar edhe kete nga PDSH-ja ?

[Cimo]

Hazbi Dollari (HAZBI LIKA).

[Alienated]

Siç theksohet në letrën e hapur, “nëse për të tjerët dita e zgjedhjeve është ditë feste dhe kanë ndjenjë festive, ju rikujtojmë se në Brodec çdo ditë (edhe dita e zgjedhjeve) është ditë zie dhe do të jetë kështu përherë, përderisa djemtë tanë mbahen në burg”.

Bashkësia Lokale e fshatit Brodec njoftoi të premten se ka marrë vendim të prerë për të bojkotuar zgjedhjet vendore dhe presidenciale të 22 marsit. “Në takimin e fundit të përbashkët të Këshillit familjarë dhe Bashkësisë lokale të fshatit Brodec, të mbajtur më 06.06.2009, përfaqësuesit e bashkësisë locale, familjarët e të arrestuarve dhe viktimave nga akcioni policorë “Stuhia malore” dhe gjithë banorët e fshatit Brodec, njëzëri vendosën që të bojkotojnë zgjedhjet lokale dhe presidenciale të 22 Marsit dhe të gjitha zgjedhjet e ardhëshme përderisa nuk lirohen bashkëfshatarët tanë të pafajshëm”, thuhet në kumtesë. Siç theksohet në letrën e hapur, “nëse për të tjerët dita e zgjedhjeve është ditë feste dhe kanë ndjenjë festive, ju rikujtojmë se në Brodec çdo ditë (edhe dita e zgjedhjeve) është ditë zie dhe do të jetë kështu përherë, përderisa djemtë tanë mbahen në burg”. “Shprehim keqardhje për partitë më të vogla shqiptare të cilët ndoshta nuk kan faj dhe përgjegjësi për tragjedinë tonë, e që detyrimisht do të duhet të respektojnë këtë vendim njejtë si kolegët e tyre nga partitë më të mëdha të cilat, nëse njëra nuk meriton votën tonë ngase na vrau, burgosi dhe maltretoi djemtë tanë, tjetra heshti para dënimit të tyre me 120 vjet burg dhe vazhdon të heshtë edhe pse është partner në Qeveri. Nuk do të lejojë më Brodeci që askush të bëjë kampanjë me ne dhe tragedinë tonë, andaj i ftojmë partitë politike që karavanet e tyre parazgjedhore ta harrojnë rrugën për në Brodec dhe mos të na rëndojnë më tepër tragjedinë, krizën, pikëllimin dhe gjendjen e rëndë në të cilën jetojmë”, thuhet në kumtesë. “Prej sot, anëtarët e Bashkësisë locale dhe Këshillit familjarë do të dalim në fshatrat e Malësisë së Sharrit dhe përreth, dhe do të kërkojmë nga të gjithë bashkëqytetarët që të na mbështesin dhe solidarizohen me dhimbjen tonë dhe ti bashkangjiten bojkotimit të zgjedhjeve për të dëshmuar vëllazërinë, humanizmin dhe solidaritetin që ka pasur malësia e Tetovës ndër shekuj”, theksohet në kumtesën e nënshkruar nga Kadri Dauti.

NACIONAL

[Alienated]

Abdulhadi Veselin se shoh askund mos e kane larguar edhe kete nga PDSH-ja ?

Ke sportski duhet t'jete

[Livia5]

ntervistoi: Ardian MEHMETI

Kandidati i PDSH-së, prof.dr Sadi Bexheti për komunën e Tetovës në intervistën për “Shqip media” flet për misionin e tij për një Tetovë ndryshe...


Cilat ishin arsyet për të garuar për zgjedhjet vendore për qytetin e Tetovës dhe nominimi juaj nga PDSH-ja ?


Arsyet janë nga më të ndryshmet por mbi të gjitha dominon dëshira për ndryshimet të cilat mendoj se është koha të bëhen në këtë komunë. Është vizioni i qartë për një Komunë bashkëkohore dhe me kapacitet të madh zhvillimor i cili duhet racionalisht dhe në mënyrë strategjike të menaxhohet. Unë bindshëm deklaroj se kam kapacitet të dëshmuar menaxhues dhe se mund të bëj ndryshime të dukshme në të gjitha sferat jetësore se kjo komunë është e begatë dhe ato të mira duhen shfrytëzuar për përparimin e Komunës dhe ngritjen e standardit jetësor të qytetarëve.


Oferta juaj për qytetarët e komunës së Tetovës. Cilat janë synimet dhe projektet që ju do të realizoni?


Oferta ime është shumë e gjerë dhe prek të gjitha sferat e jetës së përditshme dhe zgjidhjen e çështjeve që brengosin qytetarët e Komunës së Tetovës por mbi të gjitha mendoj se ka ardhur momenti që Komuna e Tetovës të bëhet komuna e Qytetarit Tetovar dhe fjala e Tij të jetë me vlerë dhe inicuese e projekteve të reja. Programi im i punës ofron një sërë aktivitetesh dhe projektesh të cilat i takojnë ekonomisë, arsimit, urbanizmit, kulturës, turizmit, ekologjisë etj. Poashtu nuk duhet lënë anësh edhe aspektin social të ofertës sime ku parashihen: trajtim i veçantë për njerëzit e moshuar dhe përfundimisht në Tetovë është momenti i ndërtimit të Shtëpisë për përkujdesjen e njerëzve të moshuar. Komuna jonë ka një nevojë të domosdoshme për krijimin e qendrës për përkujdesjen e personave me të meta apo të hendikepuar.
Në Komunën e Tetovës ende nuk kemi trajtim të institucionalizuar të personave të cilët janë të varur nga mjetet narkotike dhe prandaj ato janë edhe faktorë të cilët pengojnë dhe prishin qetësinë e qytetarëve të zakonshëm. Ne do të krijojmë një qendër të këtillë dhe me këtë rast do të mund të mbikëqyrim këtë anomali të shoqërisë sonë dhe zhvillimin e saj me qëllim që të merren masa parandaluese për personat të cilët bëjnë distribuimin e këtyre mjeteve.

Pas konfliktit të vitit 2001 një numër i madh i pjesëtarëve në atë konflikt mbeten të hendikepuar dhe një numër i konsiderueshëm i familjeve mbetën pa më të afërmit e tyre. Poashtu edhe të burgosurit politik nga kjo Komunë nuk janë në numër të vogël. Të gjitha këto sakrifica ata nuk i kanë bërë për interesa personale por për të mirën tonë mirëpo fatkeqësisht këto persona as që përmenden më. Unë bindshëm deklaroj se këto persona do të jenë ndër prioritetet në agjendën tonë dhe se Komuna do të krijon fond të rregullt i cili së paku do tu lehtëson jetën këtyre familjeve.


Ku e bazoni suksesin tuaj të deritanishëm, duke ju njohur më parë si një personalitet i respektuar në lëmin profesionale, por më pas edhe në postin e rektorit të USHT-së?


Motoja ime gjithnjë ka qenë se puna e bën njeriun dhe nga puna jetojmë dhe kudo ku kam qene i kyçur e kam dëshmuar këtë devizë. Të gjitha sukseset që i kam arritur gjatë karrierës sime po edhe si rektor ia përshkruaj gatishmërisë për sakrificë dhe devotshmërisë për punën. Ajo që kam arritur gjatë mandatit tim si rektor i Universitetit Shtetëror të Tetovës për një vit akademik, d.m.th akreditimin e të gjitha programeve studimore deridiplomike deri atëherë të pa-akredituara, akreditimin dhe lansimin e studimeve të magjistraturës si dhe ri-themelimin e fakulteteve, hapjen e fakultetit të ri në Kumanovë, internacionalizimin e Universitetit si dhe një sërë aktivitetesh tjera të natyrave të ndryshme që për publikun janë mirë të njëhura, është arritur me punë dhe me kontribut të madh timin dhe stafit të kyçur. Suksesi im nuk bazohet në fjalë por në punë.


Ku duhet pikërisht në Tetovë të kushtohet vëmendja për zhvillimin e këtij qyteti ?


Po deri tani të gjithë para zgjedhjeve flasin për intervenime të ndryshme dhe zhvillim ekonomik dhe uljen e papunësisë mirëpo konkretisht shume pak aktivitete bëhen në këtë drejtim. Zhvillimi ekonomik është një term i gjerë i cili kërkon qasje të shumanshme. Fokusimi në përkrahjen e ndërmarrjeve të vogla dhe të mesme dhe në hapjen e bizneseve të reja do të ketë ndikim edhe në zhvillim të mirëfilltë ekonomik po edhe në uljen e papunësisë. Në këtë drejtim do të punohet edhe në krijimin e programeve trajnuese për rikualifikimin e fuqisë punëtore, investime në zhvillimin e bujqësisë si sektor më i organizuar ekonomik. Poashtu, një aspekt tjetër ku Tetova ka perspektivë është zhvillimi i turizmit dimëror d.m.th investimi kapital në Kodrën e Diellit dhe promovimi i kësaj qendre turistike në plan ndërkombëtar do të ndikon dukshëm në përmirësimin e gjendjes ekonomike të Komunës së Tetovës. Çështja e ujit të pijshëm është një ndër problemet më dominante në Komunë posaçërisht gjatë stinës së verës dhe është e domosdoshme qasja serioze ndaj këtij problemi. Nuk flas si ekspert i kësaj lëmie por besoj që zgjidhja e këtij problemi do të jetë primare për Komunën tonë dhe këtë zgjidhje do ta mundësojmë përmes partneritetit privat-publik. Vetëm për sqarim në këtë drejtim kemi projekte të cilat do të përmirësojnë gjendjen momentale me ujin e pijshëm në Komunën e Tetovës dhe këtu përfshihen:

Uji teknik – d.m.th. ndërtimi i rrjetit paralel të ujit teknik i cili do të jetë pa pagese dhe do të përmbush nevojat për vaditje të oborreve, larje të veturave, nevojat industriale pasi që për momentin 30% të ujit të pijshëm në Komunë përdoret për plotësimin e këtyre nevojave.

Ujërat e Sharrit – projekti i cili është realizuar në vitet e 50-ta ka paraparë transportimin e ujërave të Sharrit në sistemin e hidrocentralit të Mavrovës por faza e projektit ku këto ujëra duhet të kthehen prej Vrutoku përmes kanaleve në fushën e Tetovës nuk është realizuar dhe kjo ka pasur ndikim në ndryshimin e makro dhe mikro klimës jo vetëm në Tetovë por në gjithë fushën e Pollogut. Ne si Komunë do të angazhohemi që kjo fazë e projektit të realizohet me çka do të sigurojmë ujë të bollshëm për nevojat e bujqësisë dhe për përmirësimin e ambientit jetësor të banorëve të Komunës tonë.

Centralet e vogla të rrymës – në vitet 1992-1994, me ndërtimin e kaptazheve për ujë, prej ujërave të ashtuquajtura Uliveriç – Vakëf nga Sharri u ndërtuan edhe 4 centrale me fuqi 2 megavat që janë financuar nga ndërmarrja publike komunale e Tetovës. Qëllimi i këtij projekti ka qenë që kjo rrymë të përdoret për nevojat e qytetarëve të Tetovës mirëpo Qeveria i përvetësoi dhe ia dha në shfrytëzim koncesionerit austriak i cili sot ua shet qytetarëve të Tetovës. Jam i bindur se edhe këtë projekt t’ia kthej Komunës së Tetovës, të cilës edhe i takon dhe do të mundësojmë që së paku ndriçimi rrugor, institucionet arsimore dhe publike si dhe një pjesë e shtresës me gjendje të rëndë sociale të kenë rrymën falas.

Ekzistojnë poashtu edhe projekte të tjera mjaftë të rëndësishme të cilat do të jenë në dobi të qytetarëve ku ndër të tjera mund të përmend: Qendra Banjiçe e cila do të shndërrohet në një qendër rekreimi dhe sporti, Teqeja e Shipkovicës parashihet të shndërrohet në një qendër për rekreimin e fëmijëve duke marrë parasysh se aty parashihet rikonstruimi i objektit të ashtuquajtur të ushtrisë, Deponia e hedhurinave nga amvisëria e cila parashihet të ndërtohet me investime të huaja ku do të bëhet riciklimi i hedhurinave, Lumi Shkumbin – ku parashihet krijimi i liqeneve të vegjël me kaskada, rregullimi i parqeve dhe vendparkimeve të reja etj.


Si e vlerësoni punën e deritanishme të kundër kandidatit tuaj dhe a mund të thuhet se është realizuar diçka në drejtim të zhvillimit të këtij qyteti shqiptar?


Kampanja ime parazgjedhore nuk bazohet në të arriturat apo mossuksesin e garniturave të mëparshme të cilat kanë udhëhequr me Komunën e Tetovës por në vizionin tim për këtë Komunë. Secila garniturë ka vepruar në kohë të caktuar dhe në kushte administrative dhe financiare të caktuara por nuk ka dyshim se janë lëshuar apo nuk janë realizuar projekte për interesa partiake të cilat kanë shkuar në dëm të qytetarëve.


A mendoni se Tetova do të ndryshojë me ju ?


Jo që mendoj por jam i bindur pasi që në këtë garë nuk hyj për interesa personale por për realizimin e strategjisë që unë i kam për Komunën e Tetovës.


Ju lutem të na përshkruani biografinë e juaj në pika të shkurtra ?


Jam lindur në fshatin Lisec të Tetovës më 01.11.1957, shkollimin fillor e kam kryer në Reçicë të Madhe, të mesmen në gjimnazin e Tetovës.

Studimet deridiplomike i kam kryer në Universitetin e Prishtinës ndërsa studimet pasdiplomike dhe të doktoraturës në Universitetin e Zagrebit ku edhe jam promovuar si doktor i shkencave të mjekësisë.

Kam punuar gati njëzet vite në Universitetin e Prishtinës dhe mandej jam kyçur edhe në Universitetin e Tetovës, ndërsa prej vitit 2007 kryej edhe detyrën e rektorit të Universitetit Shtetëror të Tetovës.

[Tigrimelara]

Do beni mire ta ndiqni ne TVM-Shqip Debatin me Hazbi Likes dhe Sadi Bexhetit, me duket se do jete diten e Enjte ora 20, ose ne mesnate ritransmetim.

Sa per debatin e kaluar ku ishin te gjithe ne ALSAT, te gjithe ishin nxenes te mire dhe e ndegjonin Kryetarin, vetem Sadiu ishte problematik.

[RaPSouL]

Një komunë moderne nuk mund të merret vetëm me çështje sipërfaqësore administrative, por duhet të hartojë dhe zbatojë projekte strategjike për zhvillim ekonomik, kulturor, arsimor, argëtues etj.

Komunës duhet t’i kthehen pasuritë e saja natyrore, si, bie fjala Kodra e Diellit që duhet urgjentisht të kthehet nën kompetencat e Komunës së Tetovës.

Komuna duhet të krijojë lehtësira për investime të huaja, veçmas të diasporës, që krahas interesit ekonomik ka edhe motive emotive për investime në vendlindje.

Komuna në parim duhet t’i plotësojë nevojat e qytetarëve për siguri, higjiene, furnizim, funksionim të komunikacionit, të krijojë parkingje dhe burime të tjera për ta ngritur kapacitetin financiar të komunës.

Ne këto dijmë t’i bëjmë!
Ne këto mund t‘i bëjmë!
Ne këto do t’i bëjmë!

Prof. dr Sadi Bexheti

[Alienated]

Të gjithë synojnë Tetovën

Në Maqedoni me 22 mars mbahen zgjedhjet presidenciale dhe lokale. Partitë politike shqiptare, më shumë janë të interesuara për zgjedhjet lokale.

Vlerësohet se cila parti politike shqiptare e fiton komunën e Tetovës që njihet si qendër e arsimit, kulturës dhe qyteti ku krijohet politika shqiptare në Maqedoni, ajo parti është edhe fitimtare në zgjedhje.

Korrespondenti i BBC-së harun Ibrahimi ishte në Tetovë dhe përgatiti materialin.

Tetova këto ditë është e veshur me petkun e fushatës parazgjedhore. Reklamat e kandidatëve të mundshëm për postin e kryetarit të komunës vërehen në çdo skaj. Beteja për këtë post do të zhvillohet në mesin e partive politike shqiptare për faktin se Tetova vlerësohet si një qendër arsimore e politike jo vetëm për shqiptarët e këtij qyteti por në përgjithësi për shqiptarët në Maqedoni. Në garat për kryetar komune janë gjashtë kandidatë, tre maqedonas dhe tre shqiptarë. Hazbi Lika kandidat i Bashkimit Demokratik për Integrim nga votuesit e Tetovës kërkon edhe një mandat dhe thotë se me ardhjen e tij në këtë post, para katër vitesh ai ka arritur që Tetovës t’ia ndryshojë pamjen.

“Bëmë hapjen e një arterie kryesore të qytetit dhe bëmë rindërtimin e bulevardit të “Ilindenit”. Nuk kanë munguar as projekte të tjera si Malësia e Sharrit e cila tani është e gjitha me infrastrukturë të re, lagje të tëra në qytet si ajo e “Teqes”, po ashtu kemi punuar në ndërtimin e shtratit të lumit të qytetit, të cilën e kemi nis dhe jemi gati në përfundim të këtij projekti, është sheshi i qytetit. Unë mendoj se Tetova ende ka nevojë për mua që të vazhdojmë me këtë trend me qëllim që të t’i zgjidhim të paktën problemet infrastrukturore dhe problemet e tjera me të cilat preokupohen qytetarët.”

Por, kundërkandidati nga radhët e Demokracisë së Re, Mahmut Jusufi thotë se vlerat të cilat i ka patur në disponim Tetova, janë lënë pas dore. “Tetova këto vlera i ka pas që më herët edhe kur nuk ka qenë qytet universitar, pasi qytetërimi këtu ka qenë në nivelin e duhur. Në Tetovë është themeluar klubi i parë futbollistik në Ballkan. Tetova ka patur virtute dhe vlera shumë të larta, qoftë në sferën ekonomike, qoftë kulturore. Unë mendoj se Tetova ka kapacitet dhe që t’i rivitalizojë ato vlera dhe të jemi me të vërtetë shembull me llojin e vlerave të cilat sot i përcakton Evropa”, thotë Mahmut Jusufi.

Kandidati i Partisë Demokratike Shqiptare, Sadi Bexheti i cili lëshon postin e Rektorit të Universitetit të Tetovës për tu ulur në postin e kryetarit të komunës, thekson pikat se ku do të përqëndrohet nëse zgjidhet kryetar.

“Komuna ka shumë sfera të ndryshme, duke filluar prej pjesës ekonomike, ndërtimtarisë, ekologjisë, furnizimit me ujë të pijshëm, pastrim i rrugëve, rregullimi i rrugëve të ndryshme dhe normalisht të bëjmë sa më shumë parqe, gjelbrime, staza për ecjen e qytetarëve dhe njëkohsisht të krijojmë kushte për thithjen e investimeve të jashtëme.”

Në Tetovë, janë gërshetuar qytetërime dhe kultura të ndryshme gjatë historisë, ajo ka një kulturë të begatshme të mbështetur në tabanin popullor të popujve që jetojnë këtu. Në Tetovë jetojnë afro 200.000 banorë, nga të cilët rreth 83% shqiptarë, 12% maqedonas dhe 5% të tjerë, të vendosur në 92 vendbanime. Tetova radhitet ndër vendbanimet më të dendura në Evropë. Vetëm në qytetin e Tetovës jetojnë afro 90 mijë banorë. Atë e ndanë në dy pjesë lumi Shkumbin. Ka disa monumente historike, si Xhamia e Larme, Harabati Baba-Teqe apo Kalaja e qytetit, ka qendrën turistike Kodra e Diellit.

Bujqit e Tetovës me prodhimet e tyre janë të njohur në mbarë territoret e ish Jugosllavisë, ashtu siç janë të njohur edhe si mjeshtër të jashtëzakonshëm me pastiçeritë e tyre. Disa dhjetra mijëra banorë të Tetovës, përkohësisht punojnë dhe jetojnë në shtetet e Evropës Perëndimore. Ka një infrastrukturë relativisht të zhvilluar, ekonomi kryesisht të mbështetur në ndërmarje të vogla dhe të mesme, të cilat nuk mjaftojnë për ta zgjidhur problemin e papunësisë. Vetëm në qytet ka shtatë shkolla fillore dhe pesë të mesme me afro 100 mijë nxënës, dy universitete, atë shtetërore dhe atë të Evropës Juglindore, me mbi 16 mijë studentë, selitë e partive më të mëdha politike shqiptare janë mu në këtë qytet. Ky fakt ia dha Tetovës epitetin e qendrës vendase kulturore, arsimore dhe politkbërse për shqiptarët e Maqedonisë.

ShqipMedia

[panteri]

Turpi ka vetem nji emer: Ali Ahmeti- VOJVODA