I biri i Hysen Sheshorit: Babai im asnjehere nuk e ka akuzuar Berishen

[brooklyn2007]

• Nga Tedi Blushi
Nje nga ish të përndjekurit e regjimit komunist akuzon kryeministrin Berisha se ka kërkuar “varjen e tij në litar” në gjyqin e vitit 1975. “Gazeta Shqiptare” riboton sot të plotë intervistën dhënë në 2002.

TIRANE- Hysen Sheshori është një prej mijëra të përndjekurve të regjimit komunist. Por në ndryshim nga të tjerët, ai është një rast unikal. Është i tillë jo se ka përjetuar më shumë persekucion, dhimbje e tortura në krahasim me bashkëvuajtësit e vet. As sepse ka bërë më shumë burg se të tjerët. Madje as edhe për arsyen se i ka shpëtuar fatmirësisht dënimit me vdekje. Hysen Sheshori është një rast unikal për dëshminë tronditëse që jep. Ai akuzon direkt kryeministrin Sali Berisha, se ka qenë “një dëshmitar i rremë” në gjyqin e ngritur ndaj tij. “Ai u ndal para trupit gjykues dhe pas formaliteteve, me një theks malësori, me eufori, filloi të flasë para trupit gjykues duke treguar se si e kishte gjetur traktin që kishte përmbajtje të theksuar armiqësore, të cilin e tundte para trupit gjykues dhe sallës. ‘...Ky njeri është armik i betuar i partisë, prandaj duhet të varet në litar’, - tha ai duke bërtitur”, - rrëfen Sheshori në një intervistë dhënë në dhjetor të vitit 2002 për gazetën “Plaga”, organ i Shoqatës së ish-të Burgosurve Politikë të Shqipërisë. Pyetjes se kush ishte ky “dëshmitar i rremë”, ai i përgjigjet qetësisht se “ky njeri, i cili është një komunist pasionant e fanatik i pandreqshëm, që për me arrit në majat më të larta të hierarkisë së pushtetit komunist ka përdorur dhe traktin tim duke ndikuar drejtpërdrejtë në dënimin tim me vdekje, ishte Sali Ram Berisha”. Insistimit të gazetarit nëse, a është i bindur për këtë dëshmi tronditëse që jep, Sheshori me një ironi therëse i kthehet: “Unë mund t’ju them që asnjëherë nuk mund të harrohet bisha që të kafshon”. Intervistën e botuar në dhjetor të ’02-it tek “Plaga”, e çuditërisht të lënë në heshtje e pa shumë bujë për 7 vite me radhë, “Gazeta Shqiptare” po e riboton sot sërish.
Kalvari i vuajtjeve
Hysen Sheshori përbën një rast unikal në Shqipëri, e ndoshta dhe në tërë Europën Lindore, edhe për faktin se i vetëm për gjithë kohën e diktaturës ai ka shpërndarë 41.100 trakte në një periudhë 13-vjeçare, nga viti 1961-1974. Dhe për 13 vjet me radhë është ndjekur nga Sigurimi famëkeq i Shtetit, për ta arrestuar në vitin 1974 dhe për ta dënuar me vdekje në vitin 1975. Fatmirësisht atij më pas iu fal jeta dhe dënimi u kthye në 25 vjet burgim, nga të cilat bëri vetëm 17 vjet. “Sot duket se jam i gjallë, por kjo nuk do të thotë që jetoj”, - përfundon intervistën e tij Sheshori.

(s.gGazetaShqiptare/BalkanWeb)

[xhori]

mos more, edhe kete ka bere sala..... prit kur te thot brari qe kjo eshte nje montatur e edvinave

[brooklyn2007]

Sheshori: Dëshmia e rreme e Berishës në gjyqin tim

Në një intervistë dhënë në
dhjetor të vitit 2002, për
gazetën “Plaga”, organi i
Shoqatës së ish-të Burgosurve
Politikë, Hysen
Sheshori rrëfen se në sallën
e gjyqit, nga ku mori dënimin
me vdekje, nuk ka pasur një
dëshmitar dosido, por vetë
Sali Berishën. Ai sqaron se
pastaj iu fal jeta dhe dënimi
u kthye në 25 vjet.
Z. Hysen, cili ishte motivi
që ju shtyu t’u
kundërviheshit regjimit
duke vënë trakte?
Cënimi i pronës private,
që për mua ishte i shtrenjtë.
Sepse ishte e lidhur me dinjitetin
tim dhe me qenien
time; ishte arsye kryesore që
më detyroi të bëj këtë veprim,
duke iu përgjigjur në
këtë formë. Ajo pronë e vogël
ishte për mua atdheu im, të
cilin ma mohuan.
Z. Hysen, çfarë përmbajtje
kishin traktet tuaja
dhe, a kishin ndonjë shenjë
dalluese ato?
Nga viti 1961 deri në vitin
1974 ishte një kohë e përzier
me urrejtje, e cila më shtyu
që ta shpreh atë me ngjitjen
e parullave, nga e cila ndjeva
një farë sadisfaksioni
personal
edhe për shumë
viktima të tjera,
duke i bërë thirrje
asaj pjese të pastër
të popullit shqiptar
për një luftë
kundër partisë shtet.
Z. Hyseni, ju
lutemi mund të na
thoni si u zhvillua gjyqi dhe
a i mbani mend dëshmitarët?
Në një sallë ku morën pjesë
rreth 300 persona me një trup
gjykues të papranueshëm dhe
me një gjendje fizike jo normale,
si pasojë e torturave
gjatë hetimit, për avokat as
bëhej fjalë, unë dola para
trupit gjykues. Gjatë gjykimit
pashë shumë dëshmitarë që
nuk i njihja, të cilët bënin
dëshminë të frikësuar dhe pa
më parë mua. Në mendje më
mbeti vetëm njëri, që ishte i
veçantë nga të tjerët. Trupgjatë
dhe energjik, me hap të
sigurt u paraqit për dëshmitar.
Ai u ndal para trupit gjykues
dhe pas formaliteteve, me një
theks malësori, me eufori, filloi
të flasë para trupit gjykues
duke treguar se si e kishte gjetur
traktin që kishte përmbajtje
të theksuar armiqësore,
të cilin e tundte para trupit
gjykues dhe sallës...”Ky njeri
është armik i betuar i partisë,
prandaj duhet të varet në
litar”, - tha ai duke bërtitur.
Mua, më shumë se kërkesa e
tij për të më varur në litar, më
bëri përshtypje mënyra e
ndërtimit të dëshmisë, që ishte
e njëjtë me atë të hetuesve
që më torturonin dhe më kryesorja,
trakti që ai e nxori nga
xhepi ishte i vitit 1962, ndërsa
unë po gjykohesha në vitin
1975. A mund të guxonte njeri
që ta mbante një trakt të tillë
në atë kohë për 13 vjet?
Po kush ishte ky njeri?
Ky njeri, i cili është një komunist
pasionant e fanatik i
pandreqshëm, që për me arrit
në majat më të larta
të hierarkisë së pushtetit
komunist ka përdorur
dhe traktin tim
duke ndikuar drejtpërdrejtë
në dënimin
tim me vdekje, ishte
Sali Ram Berisha.
A jeni i sigurtë z.
Hysen?
Unë mund t’ju
them që asnjëherë
nuk mund të harrohet bisha
që të kafshon.
Sa vjet u dënuat dhe sa
bëtë?
Fillimisht u dënova me vdekje,
pastaj m’u fal jeta dhe dënimi
u kthye në 25 vjet. Nga
këto, bëra 17 vjet pa asnjë ndihmë.
Z. Hysen, si e ndjetë veten
kur kryetari i PD-së dhe
më pas kryetari i shtetit ishte
dëshmitari juaj, që kërkoi
t’ju varnin në litar për veprimtarinë
tuaj antikomuniste?
Kur dëgjova nëpërmjet radios
se në Europën Lindore po
frynte era e lirisë, s’kish si të
mos gëzohesha, por kur pashë
se në krye të atyre që protestonin
ishte njeriu që më ka
mbetur i ngulitur si simbol i
pjesës më të keqe të këtij populli,
fërkova sytë se nuk po u
besoja. Shumë njerëz gëzoheshin,
ndërsa unë i thosha
vetes: “Medet, po shpëtojmë
nga shiu, e po biem në
breshër”. Unë jo vetëm që
nuk i kisha bërë ndonjë të
keqe, por as nuk e njihja fare,
ndërsa ai që më shihte për
herë të parë, m’u vërsul me
akuza si bisha që do të shqyejë
prenë e vet.
Si dhe ku jetoni?
Që nga dita e “transferimit
prej burgut izolues në ambientet
e burgut të hapur 17
mars 1991 e deri sot, duke mos
m’u kthyer dinjiteti që është i
lidhur me pronën. E kaloj
natën tek një dashamirës i imi
që është dhe shok vuajtjesh,
ndërsa ditën e kaloj në Bibliotekën
Kombëtare dhe
pjesën tjetër, meqë jam i
lodhur nga vuajtjet dhe
mosha, e kam të nevojshme që
të pushoj, prandaj në drekë e
tremb gjumin me syhapur
stolave të parqeve dhe bordurave
të rrugëve.
Po sot, si e ndjeni veten?
Sot duket se jam i gjallë,
por kjo nuk do të thotë që jetoj

Gazeta Shqiptare

[arbereshi_niko]

Deti eshte plot me uje, por nuk e lan nevojen, ajo del me arrogancen qe e karakterizon gjithnje ne siperfaqe.
Ajo nevoja qe ka zbrit nga alpet me frena dore, nje dite do te groposet!

[Zjarri]

pershendetje te xhithve
un mendoi qe osht turpi ma i madh kombetar qe ky sala te jet ne politiken shqiptare,
lere ma edhe kryeminister,
ky njeri i pa njeri duhet sa ma shpejt te laegohet nga skena politike.

[Qyfyre]

Nuk eshte vetem Sala jo, se nuk do arrinte deri ne maje Sala po te ishte i vetem. Po jane te gjithe njesoj, prandaj arrijne keta te mbajne pushtet.

[gesti_7]

Tani i bie qe do ndryshojme ligjin, "se na e qortuan te huajt", dhe te gjejme nje ligj me te pershtatshem, qe te heqim edhe deshmitaret e disa gjyqeve specifike sepse "na kane detyruar" te deshmojme ne kete gjyq. te vjen per te vjelle me gjithe keta sherbetore te devotshem te sistemit, qe gjoja e denojne. Keta njerez jane me keq edhe se pasardhesit direkt te PPSH (PS).
Nejse, do i gjendet zgjidhja qe edhe kesaj radhe te dale i palagur, po he mos e vrisni mendjen o ju qe e ngritet ne kult me keq se Enver Hoxha.

[Nice_Boy]

1975 .. ateher 99% kan qen pjes e partis Enverit.. deshte s'deshte.. kshtu .. tani ashtu kshtu ..koha e zgjedhjeve.. Edvini duhet me punu .. sa me shum me nxjerr/shpif gjona sa me shum me fitu noj vote!

niemand

[Hard_Style]

..ncncncn ...aj medet haj ....lloj lloj magari e udheheq Shqiperin...

[Tevelizori]

..ncncncn ...aj medet haj ....lloj lloj magari e udheheq Shqiperin...

po de....
edhe une them ashtu.
duhet me kene veq nje lloj magari me te udheheq e jo lloj lloj.