AC Milan - Djajte Kuq & Zi ne sezonin 2008-09

[Fittox]

Beckham do të heqë dorë nga paratë për Milanin

Mesfushori anglez David Beckham ka aq dëshirë të qëndrojë më gjatë te Milani, saqë është i gatshëm të heqë dorë nga paratë vetëm e vetëm që të qëndrojë në San Siro.
“Aktualisht Milani është më i rëndësishëm për mua sesa paratë, sepse në radhë të parë duhet të mendoj për futbollin dhe karrierën time”.

“Për mua është e rëndësishme të më mundësohet qëndrimi i përhershëm te Milani me ç’rast do ta kisha mundësinë të luaj rregullisht dhe do të isha pjesë e skuadrës së Anglisë për Botërorin 2010”.

“Personalisht ende nuk kam biseduar me drejtuesit e Galaxy, mirëpo dikush tjetër është duke e bërë këtë në emrin tim. Vërtet shpresoj se do të arrihet një marrëveshje”, ka thënë Beckham.

[MaDaBeR]

Presidenti i UEFA-s s’është dakord me huazimin 3-mujor: Pse të mos blihet një lojtar vetëm për një ndeshje?

Bekham, Bekham dhe gjithnjë Bekham. “Dalja” e fundit mbi transferimin e anglezit të Milanit është Mishel Platini, presidenti i UEFA-s, që shpreh dyshime mbi modalitetin e ardhjes te “Djalli” të mesfushorit 33-vjeçar. Në “shënjestër” të Platinisë është zgjatja e huazimit të ish-lojtarit të Los Anxheles Galaksi te Milani, e pakuptimtë për standardet europiane dhe aq më shumë për një periudhë fare të shkurtër, gjë që mund të krijojë raste negative edhe te skuadrat e tjera.

KUNDËRSHTIMI - “Problemi im nuk është Bekham, - tregon presidenti i UEFA-s, - por është Milani, që ble një lojtar për tre muaj. Pse atëherë të mos blihet një lojtar për një ndeshje? Për një finale të rëndësishme mund të blihen edhe pesë futbollistë. Është një situatë që duhet vlerësuar”, -është shprehur Platini nga Londra, ku ndodhej për të sponsorizuar fitoren e një kandidateje europiane gjatë organizimit të “Botërorit 2018″.

ARENA VË KUSHTE - Çështja “Bekham” vazhdon të përjetohet me shqetësim edhe në SHBA, më saktë, në klubin e Los Anxheles Galaksi. Pas deklaratave të Bekhamit, që konfirmoi dëshirën për të qëndruar te Milani, nuk mungon dhe përgjigjja e klubit amerikan. Kjo është ajo që të paktën lexohet në adresën zyrtare të klubit në internet: “Nuk besoj se është e drejtë që klubet e mëdha në botë të bëjnë komente pa biseduar në radhë të parë me ne, - shkruan trajneri i Los Anxhelesit, Brus Arena, në kuadër të çështjes, duke iu referuar Milanit për Bekhamin dhe Bajernit të Mynihut për

Donovanin. - Unë them këtë: ne do të respektojmë çdo marrëveshje për huazimin dhe do të bëjmë gjithçka që është e mundur”. Ndërkohë, nga Amerika ka ndërhyrë për çështjen në fjalë edhe Jonah Fridman, gazetar i “Sports Illustrated”, si dhe një nga zërat më autoritarë në fushën e futbollit amerikan: “Edhe pse klubi i Galaksisë do t’i imponohej, Bekhami nuk do të ishte një figurë e vlerësuar në Los Anxheles në sezonin e ardhshëm, - shpjegon Fridman, që pastaj vazhdon. - Unë këshilloj të bëhet një këmbim me një lojtar, me Ronaldinjon, të bëhet një tur i Milanit në Kaliforni dhe një binjakëzim me kuqezinjtë si ai i Real Salt Lake me Realin e Madridit dhe i Kolorado Rapids me Arsenalin”.

“DUA TË QËNDROJ!” - Ndërkohë, Devid Bekham ngre zërin, duke folur qartë mbi të ardhmen e tij: “Kam një kontratë me Los Anxhelesin, por dëshira ime është të qëndroj te Milani dhe shpresoj që të dyja klubet të gjejnë marrëveshjen. Kam zbuluar një marrëdhënie të mirë me mjedisin dhe tani do të më pëlqente te qëndroja në Itali, - tha mesfushori anglez. - Milani është ekipi i duhur që të vazhdoj të ruaj këtë nivel dhe të mund të luaj me Anglinë.”
Erion ABULE

200 milionë stërlina
Viktoria, shumë më e pasur se Devid
E pasura e familjes është Viktoria. Të paktën, sipas asaj që publikohet nga “Daily Express”, që ka bërë llogaritë në xhepat e Bekhamëve: në 2008-n, aktiviteti i Viktorias ka sjellë 200 milionë stërlina. Pak më shumë se 20 janë ato të fituara nga Devidi. Dhe për Viktorian ka mbërritur një ofertë e re pune: anëtare e jurisë në programin televiziv anglez “X Factor”. Një zgjidhje e mirë për t’u kthyer në Europë dhe për të pasur afër Devidin, menaxherët e të cilit po punojnë që të qëndrojë te Milani. Përveç kësaj, “Spice Boy” pret edhe thirrjen e Fabio Kapelos nga kombëtarja për miqësoren me Spanjën.

Në miqësoren ndaj Gllazgout, trajneri Ançeloti vlerëson: Duhet të jetë më pak “brazilian”!

Tiago Silva, një promovim “me hatër”
Tiago Silva e ka kaluar me sukses edhe “provimin” e dytë me fanellën kuqezi. Pas debutimit në miqësoren me Hanoverin, qendërmbrojtësi brazilian, i blerë nga Milani në merkaton e janarit, ka lënë një përshtypje të mirë edhe në takimin miqësor të zhvilluar parmbrëmë në Gllazgou kundër Reinxhërsit (ndeshja përfundoi në barazim 2-2. Për kuqezinjtë shënuan Kaka e Pato). Një provë e mirë, që gjithsesi u venit pak me gabimin që bëri në rastin e golit të parë të skocezëve.

“Tiago ka gjithçka, - ka komentuar trajneri Ançeloti, - këmbë, fizik, nuhatje taktike. Duhet të mësojë të jetë vetëm më pak ‘brazilian’ dhe më konfident me topin. Megjithatë, mua më pëlqeu, është një lojtar mbi të cilin besoj se mund të synohet shumë, sepse ka treguar gjëra të mira.” Por përveç Tiagos, me Milanin debutoi edhe Mationi, i marrë në janar nga Gremio (por edhe ky, sikundër Tiago, duke qenë lojtar jokomunitar, do të luajë me “Djallin” sezonin e ardhshëm). “Nuk luajti keq as Mationi, ashtu si pjesa tjetër e repartit mbrojtës, - shpjegon trajneri kuqezi. - Pato e Kakà shënuan, por më pëlqyen shumë edhe Ronaldinjo, Sheva e Inzagi, që pati shumë raste për gol. Në përgjithësi, kjo miqësore ishte një provë e mirë. Skuadra më pëlqeu dhe sa vjen e përmirësohet. Në pjesën e dytë luajtën edhe më mirë”. Edhe Tiago Silva, “e arkivon” me kënaqësi debutimin e parë me fanellën kuqezi në Skoci: “Jam i kënaqur se si shkoi ndeshja, - shtoi braziliani. - U ndieva mirë në fushë me shokët. Më vjen keq për golin e dytë që pësuam, por në një miqësore mund edhe ta pësosh. Jam i lumtur për Kakanë e Paton, sepse janë dy lojtarë të pabesueshëm, të aftë të bëjnë ndryshimin në çdo moment”.

"Sporti Shqiptar"

[MaDaBeR]

Pas katër ndeshjesh radhazi në stol, braziliani mund të luajë ndaj Rexhinës: Është mirë dhe mund të jetë

Pas katër ndeshjesh radhazi në stol, kundër Rexhinës Ronaldinjo duhet të kthehet titullar. “Është i gatshëm, ka mundësi që të kthehet të luajë, - tha dje trajneri i Milanit Karlo Ançeloti. -Nëse do të zbresë në fushë, do të luajë si fantazist. Ronaldinjo është mirë: paraqitja në miqësoren ndaj Gllazgout ishte një reagim pozitiv, është një profesionist serioz. Bekhami? Na ka dhënë një ndihmë të madhe, ndryshe nga ajo që pritej.

Tani të shohim, ka kohë deri më 9 mars…”

Çështja e radhës në shtëpinë e Milanit, pas asaj të Bekhamit që duket se është drejt zgjidhjes, është “Ronaldinjo”. Futbollisti brazilian, pas një muaji ku i ka nisur ndeshjet nga stoli, pritet të luajë sot ndaj Rexhinës si titullar dhe Ançeloti ka besim për këtë: “Ronaldinjo në Gllazgou tregoi se i vinte keq për mungesën e aktivizimit në formacion dhe donte të tregonte ndaj meje se kërkon të luajë, - shpjegoi trajneri kuqezi. - Janë reagime që një trajner i pret.

Ai është një lojtar serioz, i njeh rregullat e skuadrave të mëdha dhe deri tani është sjellë në mënyrë shumë profesionale”. Më tej, është e pamundur të mos flitet për Devid Bekhamin: “Ka dhënë mendimin e tij, tani do të shohim si do të ecin ngjarjet. Ajo që është e sigurt, është se Devidi nuk ia ka ndryshuar jetën Milanit, sepse kemi qenë të fortë edhe më parë, por sigurisht ka dhënë një ndihmë më të madhe nga ajo që pritej. E dinim që ishte një profesionist serioz, pastaj tregoi cilësitë e tij dhe me siguri roli që ka në fushë është ideal për të, sepse prej disa vitesh është gjithnjë e më pak mbrojtës dhe më shumë mesfushor”.
Për sa i takon ndeshjes me Rexhinën, Ançeloti nënvizon: “Është akoma shpejt, por duke konsideruar momentin, një javë para derbit me Interin, duhet të jemi të kujdesshëm për t’i dhënë vijimësi lojës sonë. Do të kemi vështirësitë e zakonshme”.

Sot në “San Siro” do të mungojë Pirlo i pezulluar. “Kemi luajtur dy muaj pa Pirlon në fillim të sezonit dhe e kemi zëvendësuar denjësisht me Gatuzon, Sedorfin e me Flamininë, - vazhdon Ançeloti. - Sigurisht, kohët e fundit Pirlo i ka dhënë një impuls të fortë cilësisë së lojës sonë, por mungesa e tij nesër (sot) nuk do të jetë ndonjë problem”. Lajme të mira vijnë edhe nga Nesta, sipas teknikut milanist: “Po punon mirë dhe të hënën do të fillojë të punojë me skuadrën. Është thuajse gati”.

"Sporti Shqiptar"

[MaDaBeR]

Trajneri i Los Anxhelesit ngre “flamurin e bardhë”: Të ndodhë çfarë të ndodhë!
Bekham, dorëzohet edhe Brus Arena

Fjalët e Devid Bekhamit që ka zbuluar publikisht dëshirën e tij për të qëndruar te Milani, kanë prekur (dhe trishtuar) edhe Brus Arenën. Trajneri i Los Anxheles Galaksisë, duket se ka ngritur “flamurin e bardhë” ndaj anësorit anglez dhe është dorëzuar përfundimisht: “Të ndodhë çfarë të ndodhë, - ka thënë Arena. - Cilido që të jetë përfundimi i çështjes, do të jetë për të mirën e klubit Galaksi”.

Pra, nuk është një lamtumirë, por edhe pak duhet, sepse tashmë “mësymja” e avokatëve të Devidit në Amerikë ka nisur dhe çështja ka marrë trajta shumë të sakta: “Spice Boy” kërkon të qëndrojë te Milani, Milani dëshiron ta mbajë dhe Galaksi duhet të arsyetojë.

Të gjithë, përfshirë dhe Arenën, që me sa duket ka nisur të reflektojë se nuk ia vlen më të “luftojë” me “Djallin” për mbajtjen e mesfushorit. Fjalët e tij mbi çështjen, duken mëse të qarta: “Kjo është një çështje, - shpjegoi trajneri amerikan, - dhe ne po presim të kuptojmë atë që do të ndodhë, njëkohësisht siç po kujdesemi për çdo çështje tjetër të klubit tonë. Gjithnjë duke vënë para çdo interes të skuadrës dhe të klubit”.

Dhe pikërisht në interes të skuadrës, Arena sqaron: “Nuk dua që zërat rreth Bekhamit të krijojnë vështirësi gjatë përgatitjes dhe të shpërqendrojnë skuadrën. Të ndodhë çfarë të ndodhë për Bekhamin”. Dhe aventura amerikane e Beksit duket se ka mbaruar.

——————————————————————————————-

Çështja
Mungon vetëm “OK”-i i Galaksisë

Ajo që dukej një e ardhme shumë e vështirë, vazhdon çdo ditë të fitojë pikë përqindjeje sa më shumë. Devid Bekham dhe Milani duken gjithnjë e më afër. Milani e ka shprehur dëshirën e tij për ta mbajtur pas fundit të huazimit futbollistin anglez, i cili ka zbuluar se kërkon të qëndrojë në Milano.

Por për të mbyllur marrëveshjen, mungon vetëm “OK”-i i Galaksisë, që gjithsesi duhet të vijë. Bekhami në Amerikë, fiton vetëm një përqindje mbi të drejtat e imazhit të tij, ndërsa Milani i paska afruar një marrëveshje, që e lejon lojtarin të marrë 100% të të ardhurave nga reklamat, hipotezë që mund të shërbejë për atë që “Spice Boy” të bindë klubin e Los Anxhelesit për ta lënë të ikë. Botërori po afrohet dhe Bekhami kërkon të jetë gati.

—————————————————————————————-

Ish-trajneri
Ferguson: Devid do të qëndrojë te Milani

Për Sër Aleks Fergusonin, Devid Bekham do të qëndrojë te Milani. “Spice Boy”, në pronësi të Los Anxheles Galaksisë, ish-benjamin i trajnerit të Mançester Junajtedit, para pak ditësh bëri të ditur qëllimin e tij se kërkon të vazhdojë të luajë me Milanin edhe pas fundit të huazimit, i caktuar në mars. Dhe trajneri i “Djajve të kuq”, është i sigurt që në fund Devidi do të qëndrojë me Milanin:

“Do të ishte gjëja më e natyrshme për t’u kthyer në formën më të mirë të tij, - tha Fergusoni. - Ky është një moment i artë për djaloshin, mendoj se do ta shfrytëzojë. Sigurisht, Galaksi ka shpenzuar shumë parà për Bekhamin dhe duhet të marrin një farë dëmshpërblimi. Por nëse unë do të kisha një mundësi të ikja te Milani, do të shkoja me vrap. Pas dy vjetësh nuk do të ketë më mundësi ta bëjë”.

"Sporti Shqiptar"

[km92]

Ca u bo puna e Bekamit? Do te qendroje apo jo

[oliinter]

shifni mire rexhinen se mos hani ndonje petull hahahahahaah

[MaDaBeR]

Ca u bo puna e Bekamit? Do te qendroje apo jo

Lexo pak me lart postimit tend dhe gjykoje vete pastaj!

[Fittox]

39' AC Milan [0 - 1] Reggina


33' [0 - 1] D.D. Gennaro


Ka ende loje ketu : por shpresoj te mbetet ky rezultat

[Fittox]

39' AC Milan [0 - 1] Reggina


33' [0 - 1] D.D. Gennaro


Ka ende loje ketu : por shpresoj te mbetet ky rezultat

Rezultati Perfundimtar:

AC Milan [1 - 1] Reggina

33' [0 - 1] D.D. Gennaro

67' [1 - 1] Kaka (pen.)

[Elena__Dr]

Ngushelime per milanin te roni vet e meritonte barazimin :P