Kam një tjetër Shqipëri
Hartën e tjetrës Shqipëri
Do ta gjeni në Atlasin e Shpirtit
Ku shqip dëgjoni, shënoni një pik'
Aty fillon dhe vazhdon kufiri.
Është harta më shqiptare e botës
Satelitët zor ta krijojnë
Dhe brenda, dhe jashtë Evropës
Gjithkund ku shqiptarët jetojnë.
Më fal që të zgjodha ndryshe, Shqipëri
Mbetur në 28 mijë kilometrat katrorë
Ka kohë që aty s'më nxe, sa herë vij
Ndaj rend Shqipërisë tjetër, nëpër botë.
Mirëmëngjes Mondi,Postuar më parë nga mondishall
Me vonesë po e pi kafenë e mëngjesit, duke rilexuar e rilexuar poezinë tënde "Kam një tjetër Shqipëri"...
Bukur Mondi, fatkeqësisht që shumë veta ndjejnë të njejtin përjetim në të dy shtetet shqiptare - mbi të gjitha, ne mbajmë shpresën në sqetull se do bëhet më mirë...
Përshëndetje Mondi!
I dashur Agim! Kam idene qe njeriu naten i vetem mes erresires, eshte me i paster se njeriu i dites. Kam dy nete rradhazi qe e provoj kete jetese vetmie naten, ne nje lloj pune te imponuar nga rrethanat, por qe e bej me kenaqesi. Kishte kaluar kete nate mesnata dhe pas nje lexim libri, me erdhen vargjet e mesiperme. Ec e shpjegoje pse tani pse me erdhen keto e jo te tjera vargje. Ishte pas mesnate, erresire me pak drita perreth, i vetem fare....
Te pershendes dhe falenderoj per vleresimin.
Poeti Xhevahir
Kush tha, poeti s'flet?
Ai flet me vargun e tij.
Kush tha, poeti s'ec?
Ai ecur është në poezi.
Poeti ësht' më i pasëmuri
Më i sëmuri është, njëkohësisht.
Se jetën e tij e vuri
Në vdekje dhe lindje, pafundësisht.
Poeti s'është mëshira
Mëshira është alergji e poetit
Poeti është lavdia
Mbret pa kurorën e mbretit.
Poet është dhe Xhevahiri
Xhevahiri është vetë poeti
Magjia e fjalës së shpirtit
Perëndim dhe lindje dielli.
Sfidë
Iik!
E nga vendi s'lëviz
Vetja urdhër s'pranon.
Rrii!
E vetja u ngrit
Kthen kokën e vëngër m'shikon.
Shikoo!
E sytë mbyllen në çast
Vetja vetveten shikon.
Dëgjoo!
Sirenat s'më futin në grack'
Odisenë e lidhur, s'fidoj!
Pershendetje per ty Mondishall dhe te gjithe Shpirt xhevarhiret e tjere qe i keni fjalet flori. Me kenaqesi i lexoj te gjitha poezite e tua dhe je i shkelqyer. Respekt!
My Code is Honer & Pride!
Te shkelqyera jane fjalet e tua isLand, qe me emocionojne dhe frymezojne per me shume ne krijimtari. Mbetem gjithmone i perkulur para cdo vleresimi e kritike dashamirese. Perqafime!
Poezite e tua jane Emocion per secilin lexues qe i lexon .
Te falenderoj dhe pershendes jul-linda me pak vargje...
Më pëlqen nata
Mes natës ndjehem më i vërtetë
Askush veç saj, s'ma prek qënien time
Jam pa kufij hapësire në jetë
Një qendër e vogël gjithësie.
Mes natës shoh më shumë dritë
Papirusin qiellor deshifroj kollaj
Aty takoj lashtësisë Perënditë
Dhe vetë Zotin, takoj pastaj.
---------------------------------------------------------------
Duke u përpjekur për ekzistencën e përhershme, njeriu zgjat më shumë ekzistencën e përkohshme të tij.
Depresion
Besim i shkrirë në zhgënjimin e ngjizur
Qartësi e shikimit në mjegullnajën e akullt
Hedhje hapash në humnerën e shpirtit
Fjalë të thëna në përçartjen e plakur.
Guxim i ngulur në tehun e frikës
Mendim i murrosur në kafkën e kokës
Gjumë i paardhur nga nata e ditës
Jetë e mbrapshtë, në mbrapshtësinë e botës.
---------------------------------------------------------------
Duke u përpjekur për ekzistencën e përhershme, njeriu zgjat më shumë ekzistencën e përkohshme të tij.
Regullat e Postimit
Përgjigju Duke Cituar
Krijoni Kontakt