Mërmëris...

[Agim Metbala]

Udhëheqësit!?

Çuditërisht të vetkrijuar
Të krijuar veç në sytë e botës
Kodi i tyre, ende i pazbuluar
Mbetur ende, enigma e kohës.

Dikur shpallur nga qielli vetzbritës
Dikur, zbritës nga tempuj perëndish
Sot të pjellur nga mitra e politikës
Që vazhdon të vetmbarset, çuditërisht!-------------------------------------------------
Të krijosh domethënë... të krijosh.

Përshëndetje të përzemërta Mondi, ka kohë që s'kam shkruar asnjë fjalë në temën tuaj - jo se s'të përcjelli, frikësohem mos bëhem monoton me vlerësimet e mija të shpeshta...

Më pëlqeu shumë strofa e dytë... unë politikanët i sulmoj me të gjitha mjetet e mundshme. kuptohet poetikee poezi, karrikatura, humoreska, aforizma... por ta dish se ata nuk besdisen aspak, janë të operuar nga të gjitha shqisat...
Përshëndetje Mondi...ne do vazhdojmë ta kryejmë detyrën tonë, do ta respektojmë dhëntin që na ka falë vet Zoti...

[mondishall]

Përshëndetje të përzemërta Mondi, ka kohë që s'kam shkruar asnjë fjalë në temën tuaj - jo se s'të përcjelli, frikësohem mos bëhem monoton me vlerësimet e mija të shpeshta...

Më pëlqeu shumë strofa e dytë... unë politikanët i sulmoj me të gjitha mjetet e mundshme. kuptohet poetikee poezi, karrikatura, humoreska, aforizma... por ta dish se ata nuk besdisen aspak, janë të operuar nga të gjitha shqisat...
Përshëndetje Mondi...ne do vazhdojmë ta kryejmë detyrën tonë, do ta respektojmë dhëntin që na ka falë vet Zoti...

Eeh, i dashur Agim, sa kemi per te thene e gjithmone pak themi, por thencim dicka qe ja vlen te thuhet, te ndjehet e shijohet, ndryshe....
Pu, puu, kaloi mesnata dhe s'me iket akoma per gjume. Nje cast te saj, se si me erdhen ca mendime, qe ngjajne apo jo me vargje, une ashtu po i rradhis.

Absurditet, apo...(1)

E vara veten
Mbyturazi i bëra gjyqin.
E dënova veten
Akuzën akoma s'e di!!!


Absurditet, apo...(2)

Shkoj gjumit i pafjetur
Shkoj zgjimit i pazgjuar
Mes tyre gjysëm i vdekur
Mes tyre gjysëm jetuar.
------------------------------------------------------
Të krijosh domethënë...të krijosh.

[Çaushi]

[QUOTE=mondishall;2184041]

Paske të drejtë

Paske të drejtë e dashur
U bëra një muaj femër
Oh, ç'mashkull i keq qenkam shfaqur
Që s'dija tjetërlloj një zemër!

Qenkam veç fajtor, e dashur
Të lutem, nuk kërkoj të më falësh
Nuk di nga ç'botë kam ardhur
Të lutem pak nga jotja t'më japësh!

Tash jam avokat i përjetshëm
E pranoj këtë zanat ëngjëllor
Ne meshkujt në botë të vetëm
Pa femrën qënkemi, një KOT!.[/QUOTE]

Shkoj gjumit i pafjetur
Shkoj zgjimit i pazgjuar
Mes tyre gjysëm i vdekur
Mes tyre gjysëm jetuar.

Mondi i dashur!
Vetem shpirti poetit si Ti ,ben mrekulli me imagjinaten e krijimit!T'lumte!

[mondishall]

Nje vit si sot. GERDEC!!!

Rihedhje vargjesh....


Sot tmerri më tundi vendit
Shqipërinë time, vendit e tundi
Sot dhimbja më shumë më dhembi
Përkulja më shumë më përkuli.

Sot plaga më plagë m'u hap
S'u mbyll njëher', dreqi ta marë!
Sot gjakun për gjakun e jap
Dhe jetën për jetën e vrarë.

Sot gjëma u bë më gjëmë
Ku arma e vrarë po na vret
Ne Zotit veç mirë po i bëjmë
Ç'ka që na i bën jetën ferr?

Mallkuar qoftë!!!

Më iku e mbetura buzëqeshje
M'u zbeh çdo rreze e diellit
S'kam ndjerë kaq shumë rrahje zemre
S'kam urryer kaq ndjenjën e qejfit.

S'më është dukur kaq fallco jeta
S'kam fjetur kurrë kaq zgjuar
Një gjysmë e ftohur vetja
Me gjysmën tjetër përvëluar.

Ne luftën me paqe e vramë
Pse paqja me luftë na vret?
Mallkuar qoftë çdo armë
Mallkuar çdo djall që e shkreh!!!


Për ibret!!!

Çfarë tjetër përgatisni, faqezinj?
Të ket' mbetur tjetër gjë më e keqe?
Unë kujtoja xheç do bënit për të mir'
Sot tmerruar më vërtitet hija-vdekje.

Mor, po merni vesh, ç'do me thënë vdekje?
Kur të vjen edhe të mer nga s'e pandeh?
Se një shtet roit i tëri, s'ësht në vete
Opozitë dhe pozitë, për ibret!!!


...e dimë!

Pashë vargun të shpërthyer gjithandej
Dhe kujtova se filloi Apokalipsi
Më besoni, as tani mendjen s'po mbledh
Sy e veshë harruan ç'ësht' shikimdëgjimi.

Copra gërmash të përgjakura në shpirtdhënie
Brinjë fjalësh shkrumbëzuar drejt asgjësë
Çakërdisur rendin vargjet nëpër mendje
Tash e dimë në të gjallë, ferri ç'është!
------------------------------------------------------
Të krijosh domethënë...të krijosh.

[mondishall]

Poshtë reve

Nuk di ç'do preferoja sot
Në pamundësi me qënë sipër resh
Mendim i shkrehur ç'më thot'
Kokëposhtë veten time ta kthej.

Të ndjej njëherë poshtë, retë
Mbi kokë si Atlasi, Tokën ta mbaj
Pastaj të dy të përqafojmë qiejtë
Dhe poshtë reve, le të kthehem, pastaj.
----------------------------------------------------
Të krijosh domethënë...të krijosh.

[mondishall]

Lajmreklama

Shikoj lajme, dëgjoj lajme
Gjithandej.
Sa hap sytë, sa mbyll sytë
Lajme gjej.

Shikoj ëndrra, dëgjoj ëndrra
Prap' me lajme.
Sa dal jashtë, futem brenda
Në mes fjalve.

Flas me vete, flas me tjetrin
Lajme prapë.
Pjesë e jetës që na mbeti
Veç reklamë.
----------------------------------------------------
Të krijosh domethënë...të krijosh.

[riza2008]

Paske të drejtë

Paske të drejtë e dashur
U bëra një muaj femër
Oh, ç'mashkull i keq qenkam shfaqur
Që s'dija tjetërlloj një zemër!

Qenkam veç fajtor, e dashur
Të lutem, nuk kërkoj të më falësh
Nuk di nga ç'botë kam ardhur
Të lutem pak nga jotja t'më japësh!

Tash jam avokat i përjetshëm
E pranoj këtë zanat ëngjëllor
Ne meshkujt në botë të vetëm
Pa femrën qënkemi, një KOT!
-------------------------------------------------
Të krijosh domethënë... të krijosh.

Pershendetje Mondi!Te gjitha me pelqyen,kjo qe veçova me terhoqi me shume.Eshte kenaqesi kur shetis neper krijimet e shokve dhe e ndjej veten si ne shtepine time.Te uroj mbaresi.Me respekt Rizai

[mondishall]

Dhe shëtitja i dashur Riza pa një kafe apo pije, sikur nuk shkon. Po dhe në mungojne këto, ne ja gjejmë anën qerasjes dhe përshëndetjes me vargje.

ViktiMiu

Viktima, viktima, të gjithë!
Dëgjuat? Fajtor vetëm Një
Maçok-ai, ata-minjtë
Që çarku i kthetrës i zë.

Të gjithë, të gjithë, viktima!
Veç Një tash mbetet fajtor
Ata të strukur ndër vrima
Ai me të tmerrshmit, thonj!

Dëgjuat? Legjendat po mbushin
"Viktimat" e djeshëm dhe sot
Më shumë ata që Miushin
E patën, e paskan për rol!
----------------------------------------------------
Të krijosh domethënë...të krijosh.

[mondishall]

Dy botët



Fle ëndërra në shpirtin e zgjuar

Zgjohet në gjumin e shpirtit

Mes saj ne të dy bashkuar

Jasht' saj skajuar infinitit.



Mos qenkan dy botë jetese

Që mbajnë njeriun dyzuar?

Njera mbaron me vdekje

Tjetra, infinitit shkuar.

----------------------------------------------------
Të krijosh domethënë...të krijosh.

[mondishall]

Poeti i vërtetë

Poeti i vërtetë s'e njeh ofendimin
Naiv mbetet i gjori, edhe pas vdekjes
I vërteti poet s'e pranon lavdimin
Në anijen e tjetrit, kapiten të mbetet.

Më kot kërkoni vesin e poetit
Antidotën e tij në vargje do gjeni
Sikurse ngrohtësinë nga rrezja e diellit
Që dhe vetë ngrohet, në varg poeti.
----------------------------------------------------
Të krijosh domethënë...të krijosh.