Ana e bukur e medaljonit

[AsgjëSikurDielli]

Mbretëresha e Zelandës së Re nderon me çmim, shqiptarin nga Kosova


AUKLEND (31 Dhjetor) - Masar Krasniqi, një shqiptar nga Kosova, është nderuar me Çmimin e Mbretëreshës, një çmim ky i lartë që u jepet njerëzve të shquar në Zelandën e Re për merita të veçanta. Gazeta më e madhe e Zelandës së Re "The Neë Zealand Herald"(NZH) shkruan në numrin e sotëm se Masar Krasniqi ka emigruar para gjysmë shekulli në skajin më të largët të rruzullit- "fundin e botës" në Zelandën e Re. Ky çmim i lartë u jepet njerëzve të shquar në këtë vend për merita të veçanta të cilat i kontribojnë mirëqënies dhe ardhmërisë së Zelandës së Re. Zotin Masar Krasniqi e thërrasin në Zelandën e Re "babai" i komunitetit dhe i palodhuri duke punuar me të drejtat e refugjatëve është nderuar me Çmimin e Mbretëreshës për Shërbim në Komunitet, citon gazeta në fillim të shkrimit. Gazeta vazhdon duke shkruar se kur zoti Krasniqi mbrriti para 50 vjetëve në Zelandën e Re ishte një azilant politik i rëndomotë si gjithë azilantët kur fillojn "aventurën" me rrugët e kurbetit. dxh/mr (QIK/BalkanWeb)

[AsgjëSikurDielli]

PRISHTINE (3 Janar) - Kongresisti amerikan Henry Hyde do të riprezentojë rezolutën për pavarësinë e Kosovës të njohur deri më tani me emrin "Gilman-Lantos", në seancën e ardhshme të Kongresit në Ëashington. Koha është të prezentohet kjo rezolutë para se të aprovohen projektligjet për dy vitet e ardhshme, thonë për zyrtarë të Lidhjes Qytetare Shqiptaro-Amerikane. dxhko (BalkanWeb)

[AsgjëSikurDielli]

Aeroporti i Prishtinës do të certifikohet sipas standardeve ndërkombëtare

Viti 2002 në aviacionin kosovar

PRISHTINË, 5 JANAR - Aeroporti i Prishtinës (AP), i shkatërruar plotësisht pas konfliktit të vitit 1999, vitin 2002 e përmbylli me 5.700 fluturime dhe më se 900 mijë udhëtarë, duke mos llogaritur këtu refugjatët dhe ushtarakët, tha të shtunën për KosovaLive Adem Gashi, drejtor i AP-së. Gashi tha se Aeroporti i Prishtinës ka bërë të gjitha përgatitjet për vitin 2003 që të operojë normalisht si aeroport ndërkombëtar, për çka edhe do të certifikohet sipas standardeve ndërkombëtare. “Në muajt korrik dhe gusht të vitit 2002, kur mërgimtarët ktheheshin për pushime në vendlindje, kishte 570 deri 580 fluturime në muaj, kurse brenda një dite 18 deri 20 sosh”, thotë Fetie Sibahu, përgjegjëse për fluturime në AP, e cila shton se edhe tash brenda ditës bëhen 16-18 fluturime. Sipas drejtorit të AP-së, fluturimet po zhvillohen pa probleme, kurse kërkesat për shërbimet e pasagjerëve dhe kompanive plotësohen me rregull. “Linjat më të shpeshta janë për Zvicër dhe Gjermani, ndërsa me zgjerimin e AP-së janë krijuar kushte më të mira për shërbime edhe më cilësore për pasagjerët”, tha Gashi. Gashi tha se me fillimin e punës së terminaleve të reja është ngritur shkalla e sigurisë 200 për qind, sepse në hyrje të tyre bëhet një kontroll detaj, qoftë e pasagjerëve apo përcjellësve të tyre. “Nga katër sportele sa kishim dikur, tani kemi nëntë sosh, nga dy hyrje-dalje tash janë katër, nga tre parking- pozicione, tash janë pesë”, tha ai. Sipas tij, problemet me të cilat janë ballafaquar aviokompanitë më herët kanë qenë instalimi i dobët i navigacionit, mirëpo kjo tek ne është përmirësuar falë donacionit nga Britania e Madhe IFD me 10 milionë DM që ka bërë edhe ndriçimin komplet dhe vendosjen e stabilimenteve për udhëheqjen e aterimit dhe fluturimeve. AP-ja është porta kryesore e lidhjes së Kosovës me vendet perëndimore. Si aeroport i vetëm civil, ai nuk ka kapacitete të mjaftueshme për fluturime sipas kërkesave gjithnjë në rritje, sidomos gjatë verës dhe për festat e vitit të ri, kur mërgimtarët kthehet për pushime. Gashi ka thënë se në AP nuk mund të bëhen fluturimet natën, pasi që përgjegjësit e KFOR-it kanë konstatuar se nuk ka kushte të mjaftueshme sigurie. AP-ja është rihapur më 15 tetor të vitit 1999 nga Kombet e Bashkuara (KB), nën organizimin e stafit lokal dhe mbikëqyrje të faktorit ndërkombëtar. (KosovaLive)