Londer:KURTH Shqiptareve Qe Prodhonin Euro Falco

[Shijaksi-London]

KURTH SHQIPTAREVE QE PRODHONIN EURO FALCO

GAZETA SHQIPTARE


Sërisht shqiptarët bien viktima të gazetarit investigativ Mazher Mahmud.


Gazeta britanike NEWS OF THE WORLD nëpërmjet gazetarit investigativ Mazher Mahmud, ka depërtuar në grupin e shqiptarëve kësaj rrale në qytetin e Leedsit të cilët falcifikonin paundin britanik dhe monedhën europiane euro.

Ka qën sërisht një kontakt shqiptar i gazetarit, i cili i ka treguar atij rreth aktivitetit të fallcifikimit të parave nga një grup shqiptarësh të cilët banonin në qytetin e Leedsit dhe që kishin lidhjet e tyre me një grup tjetër po shqiptarë në veri Londër.

Në krye të grupit të falcifikatorëve sipas Mahmud qëndronte një shqiptar me emrin Myzafer Murataj.
Nëpërmjet një personi i cili e njihte Myzaferin, gazetari hyn në bisedime me të duke pretenduar se donte të blente, në sasi të madhe kartmonedhash të falcifikuara paund.

Ai fillimisht takohet me Muratajn në hollin e Queens Hotel në Leeds ku dhe ai banonte. Në takim Murataj shoqërohej nga dy persona të tjerë të cilët mendohet se ishin bashkëpuntor të tij.

Murataj një djalë rreth të 30 tave, i veshur me një xhaketë të zezë lëkure, dhe me disa varse floriri në qafë, hyn direk në temë duke i thënë gazetarit se nëse ai ishte gati ai mund ti shiste atij një sasi prej 10.000 kartmonedhash paund të falcifikuara prerje 20 paundëshe, me një vlerë gjashtë paund për një prerje 20 ce.

“Unë i përdor ato nëpër pabet e Leedsit ka thënë Murataj i cili më vonë i ka treguar gazetarit se nëse ai ishte i interesuar edhe per euro ai mund ti siguronte sepse edhe ato ai i falcifikonte.

Kjo oferetë e shqiptarit bëri që gazetari ti kushtonte më shumë vëmendje oferetës së re të hedhur në tavolinë nga Murataj, duke harruar pazarin e kartmonedhave paund, dhe duke shprehur njëkohësisht interes për një shumë të madhe eurosh të falcifikuara.

Për të përfunduar biznesin Murataj i kërkon Mahmudit një takim në stacionin e trenit Victoria në Londër.

Kur euro hyri në qarkullim, Janarin e shkuar u pretendua se ajo ishte e pamundur që të falcifikohej, por Murataj ditën e takimit me gazetarin në një kafene në stacionin e trenit nxjerr nga xhepi një top kartmonedhash euro prerje 50 duke buzëqeshur dhe duke reklamuar kualitetin e lartë të tyre.
Po ashtu ai ka treguar se paratë shtypeshin në Londër dhe se letra speciale për shtypjen e tyre vinte nga Shqipërija sëbashku me fillin sigurus që ka kartmonedha ka në mes.
Më pas Murataj ka thënë “Ne mund ti kemi gati dy miljon euro për dy orë, ju mund ti qarkulloni ato pa problem shumë shpejt sepse njerëzit në Britani nuk i dallojnë nga që nuk i përdorin.
Ç’do prerje 50 euro kushton 30 stërlina, por unë i shes 8 paund për copë, ka përfunduar ofertën e tij falcifikatori Murataj.

Në takim ai ka qënë i shhoqëruar nga një shqiptar tjetër i quajtur Nik, i cili ka ndërhyrë në bisedë duke thënë se “ Ne jemi në Wood Green në veri të Londrës dhe mund të na takosh kur të duash.”

Kartmonedhat e falcifikuara mjeshtërisht nuk dallohen fare nga origjinalet duke filluar nga pasha e letrës,si dhe kopjimi perfekt i hologramit.

Për të fituar kohe gazetari i ka thënë, shqiptarëve se pas disa ditëve ai do vinte të blente shumën në fjalë të eurove.

Gazeta pas botimit të shkrimit të dielën, i ka vënë në dispozicion të policisë të gjitha materialet filmike dhe fotografike mes gazetarit të saj Mazher Mahmud dhe shqiptarëve.


MAZHER MAHMUD TMERRI I SHQIPTARËVE.

Nëse grupet kriminale shqiptare derim dje kanë pasur frikë dhe u kanë treguar te kujdeshem nga policija tani duhet të kenë një frikë tjetër, kesaj rralle frikë nga një gazetar, i cili një një periudhë dy mujore ka vënë në shinjestër të investigimeve të tij aktivitetin kriminal në rritje të shqiptarëve në Britani.

Më 28 Tetor 2002 gazetari ka publikuar detajet e investigimit të tij, me disa falcifakatorë shqiptarë që kishin arritur të falcifikonin travel document një tip pasaporte për emigrantët në Britani.

Ndërsa në fillim të Nëndorit Mahmud tashmë i mësuar me shqiptarër duke pasur ndihmën e një INFORMOTORI bën investigimin më sensacional të vitit për gazetën NEWS OF THE WORLD duke pretenduar se Elbasanlliu Lulzim Balliu sëbashu me disa Rumun po përgatiste rrëmbimin e këngëtares Victoria Beckam.Ky investigim pushtoi të gjitha mediat elektronike dhe të shkruara botërore.
Si pasojë e këtij investigimi Balliu dhe kolegët e tij u arrestuan, por çuditërisht për ta nuk ka ende asnjë akuzë për rrëmbim paçka kanë kaluar plot 67 ditë nga dita e arrestimit. Ata mbahen në burg derim tani vetëm me një akuzë atë për vjedhje të një çallme antike.
Balliut do ti duhet të dalë para një trupi gjykues për të pestën herë rrallazi më 20 Janar datë ku ndoshta detektivat që po hetojnë këtë çështje do ti ngrinë akuza të reja.

Përderimsa aktiviteti Kriminal i shqiptarëve do të vazhdojë, po ashtu dhe Mazher Mahmud do jetë ndjekës afërt i tyre për të bërë investigime të tjera.
Mesa duket ai dhe shqiptrët kanë vendosur “mardhënje” të mira bashkëpunimi, ata me krime dhe Mahmud me investigime kundra tyre.