Treshja kunder Dyshes.

[erzeni]

Shtypi sotem per konfliktin mes treshes dinamovite Gjinushi, Mejdani ,Klosi ndaj dyshes tiranase Nano, Berisha.



. . . . . . .

Gjinushi: Ai që mund të quhet front, do të formohet me të gjitha forcat që e kundërshtojnë këtë pakt personal mes Nanos dhe Berishës

INTERVISTE/ Flet Kryetari i PSD: Saliu po bredh nëpër rrethe sepse baza e PD është kundër pazareve

Gjinushi: Pakti im me Meidanin
"Një front kundër linjës politike Nano-Berisha"


---------------------------------------------------------

al.kre

TIRANE

Kryetari i PSD-së, Gjinushi, shpjegon se është shumë afër në qëndrime me ish-presidentin Meidani. Gjinushi thotë se ish-presidenti është vlerësuar nga ana e PSD-së për qëndrimin e tij realist në lidhje me paktin Nano-Berisha. Në një intervistë për Gazetën, Gjinushi nuk e përjashton mundësinë e një pakti, ku Meidani të bëjë pjesë në frontin e disa politikanëve që janë kundër marrëveshjes mes lidershipit të PS-së dhe të PD-së. "Ky front mund të veprojë vetëm në rast se pakti mes Nanos e Berishës bëhet linjë politike dhe i dëmton institucionet e shtetit", thotë Kryetari i PSD

Dje Gjinushi e ka komentuar këtë marrëveshje, duke e quajtur personale dhe aspak institucionale mes pozitës dhe opozitës. Kryetari i socialdemokratëve i ka quajtur dy persona të dështuar Nanon dhe Berishën, duke thënë se ata po ua hedhin të tjerëve baltën që ia kanë hedhur njëri-tjetrit për 10 vjet me radhë. Faktin se marrëveshja mes Nanos dhe Berishës është personale, Gjinushi e shpjegon se ajo s'do të zgjasë shumë. Në të kundërt, sipas tij, do krijohet një front për të mbrojtur institucionet shtetërore nga kjo marrëveshje personale mes dy personave.

Cilat janë marrëdhëniet tuaja me ish-presidentin Meidani?
"Marrdhëniet miqësore janë shumë të mira, siç kanë qenë gjithmonë. Ne kemi vlerësuar edhe qëndrimin politik të ish-presidentit Meidani, për çështje që lidhen me paktin e fundit mes Nanos dhe Berishës. Qëndrimin e tij kundër, Meidani e ka bërë publik. Për qëndrimin dhe përvojën e tij ne e kemi vlerësuar. Sepse gjithë këtë që po ndodh Meidani e shikon me realizëm".

Ju deri më tani keni dhënë komente rreth asaj që e quani pakt Nano-Berisha, si mendoni që ta kundërshtoi këtë?
"Ne s'kemi asnjë kundër marrëveshjes së bërë mes partive. Ajo që është shkruar në marrëveshje dhe ku thuhet se pozita dhe opozita do të bashkëpunojnë është gjë e mirë. Ne e mbështesim, s'ka asgjë të keqe të pranohet një politikë e re, por duhet që gjithçka të diskutohet në tryeza. Të merren vendime të përbashkëta, duke i diskutuar çështjet. Ne vërejmë se nuk po veprohet kështu dhe marrëveshja funksionon si një pakt personal mes dy personave.
Nëse kjo kthehet në linjë, ne do të reagojmë në front kundër këtij pakti. Deri tani ai është një pakt personal dhe ne mendojnë se nuk ka ndonjë jetë të gjatë për të vazhduar. Elektorati i së Majtës është më i qetë, sepse shikon se ka rënë paqja në PS, por e kundërta ndodh në bazën e PD-së. Shikoni Berishën sesi po bredh në rrethe; ka javë që përpëlitet të sqarojë bazën, çka tregon se PD-ja nuk pyetet për marrëveshjet e fshehta që lidh, por ndodhet para faktit të kryer".

Keni gjetur mbështetës në partitë e tjera për këtë qëndrim tuajin dhe si mendoni se do të reagojë ky front për të cilin ju flisni dhe kush do të bëjë pjesë në të, do jetë Meidani?
"Nëse qëndrimi dhe marrëveshja mes Nanos dhe Berishës kthehet në një linjë politike në dëm të institucioneve të shtetit, ne sigurisht që do të reagojmë ndaj saj. Ai që mund të quhet front, do të jetë me të gjitha forcat që e kundërshtojnë këtë pakt personal mes Nanos dhe Berishës. Dhe nga ata ka, si brenda PS-së, ashtu edhe në parti të tjera politike, që e kanë kundërshtuar paktin. Ashtu siç e ka kundërshtuar edhe ish-presidenti Meidani. Në këtë moment do të shikohen edhe veprimet, por ne tani kërkojmë që marrëveshja mes pozitës dhe opozitës të zbatohet në rrugën e duhur".

. . . . .
Ish-presidenti: Fatkeqësisht nuk kam një zyrë

Meidani: Akuzat e Berishës? Nuk më bëjnë më përshtypje ulërimat e rrugës


--------------------------------------------------------------------------------

Ish-presidenti Meid-ani i cilësoi shpifje të paskrupullta akuzat e hedhura ndaj tij, si një mbrojtjës i ish-kreut të SHISH-it, Fatos Klosi. Në një intervistë për Top-Channel, ai e cilësoi absurd faktin që ende nuk gëzon asnjë zyrë dhe detyrohet t'i shprehë mendimet e tij në ambiente publike.

Ju akuzoheni nga Berisha si mbrojtës i Klosit...
Nuk e di se çfarë deklaron zoti Berisha. Etika ime qytetare dhe si ish-president nuk më lejon të merrem me shpifje të paskrupullta të çdo individi. Më lejoni t'ju kujtoj një histori të vogël. Para pak kohësh, në apartamentin e ri më ka bërë përshtypje një individ që ulërin rrugës, sidomos kur e ngacmojnë. Në fillim dilja në dritare për të parë se ç'bëhej, ndërsa tani nuk më bën më përshtypje e bërtitura e tij, ndërkohë që i bën akoma përshtypje qenit tim.

A jeni takuar me Klosin?
Nuk kam pasur mundësi, por në mënyrë normale mund të takohem edhe me të, në qoftë se këto ditë do të bëj një vizitë në Fakultetin e Shkencave të Natyrës për të takuar disa miqtë e mi të vjetër.

Me se po merreni aktualisht?
Eshtë një jetë fare ndryshe, nuk është me atë intensitet si më parë, përpiqem që të luaj një rol pozitiv nëpërmjet shkrimeve, nëpërmjet kontakteve, por intensiteti i mëparshëm më mungon. Edhe kushtet janë të tilla, që e krijojnë këtë mungesë intensiteti.

Jeni thjesht Rexhep Meidani apo anëtar i Partisë Socialiste?
Ju më pyesni si qytetar dhe ky është Rexhep Meidani.

E morët teserën e partisë?
Aktualisht po përgjigjet qytetari Meidani, i cili fatkeqësisht nuk ka një zyrë ku mund ta ndihmojë edhe shtypin me mesazhet e tij dhe fatkeqësisht u detyrova të zbres nga kafeneja për të dhënë këtë intervistë.

Kur do të merreni drejtpërdrejt me politikën?
Unë po merrem me politikë dhe po vazhdoj të merrem me politikë dhe me shoqërizim, sepse jam i bindur që përvoja jetësore është e tillë që mund të jap një kontribut, sado modest, për shoqërinë shqiptare.

. . . . . .
Komisioni "Ngjela" ka shprëndarë në mbledhjen e djeshme formularë në të cilën përcaktohen drejtimet e punës që duhet të ndjekin ekspertët e Komisionit në grumbullimin e dokumentacionit të nevojshem mbi punën e deritanishme të SHISH-it

Komisioni parlamentar i drejtuar nga Ngjela ka aprovuar emrat e tetë teknicienëve. Pritet OK nga Qeveria

Njerëzit e Gazidedes hetime Klosit
Ekspertët që janë zgjedhur kanë qenë më parë në SHIK


--------------------------------------------------------------------------------

Ish-ekspertë të Shërbimit Informativ kombëtar (SHIK) kryesisht të kohës së Gazidedes, tashmë do të jenë në shërbim të Komisionit hetimor për SHISH-n, për të verifikuar veprimtarinë e këtij institucioni dhe të Klosit.

Komisioni "Ngjela" ka shprëndarë në mbledhjen e djeshme formularë në të cilën përcaktohen drejtimet e punës që duhet të ndjekin ekspertët e Komisionit në grumbullimin e dokumentacionit të nevojshem mbi punën e deritanishme të SHISH-it. Tetë ekspertët, të cilët janë përzgjedhur në mënyrë të barabartë sipas propozimeve të bëra nga dy partitë kryesore, ajo Socialiste dhe ajo Demokratike, janë pothuaj të gjithë specialistë të fushave të ndryshme si: juristë, ekonomistë apo të fushës së kriminalistikës, që kanë punuar pranë SHIK-ut në kohën e Bashkim Gazidedes. Por, këta duhet më parë të marrin autorizim nga këshilltari për sigurinë kombëtare pranë presidencës, pasi asnjë gjykatë apo organ tjetër nuk mund të autorizojë një person për të kryer hetime pranë një institucioni të tillë siç është SHISH. Sipas burimeve brenda Komisionit, këta e kanë filluar punën konkrete disa ditë më parë, duke bërë të mundur grumbullimin e një pjese të materialeve, që konsiderohet si shumë e rëndësishme në faktimin e akuzave të ngritura nga opozita në drejtim të SHISH-it. Nga këto dokumente është arritur pothuaj në të njëjtin përfundim me konkluzionet e Kontrollit të Brendshëm të Këshillit të Ministrave, të cilat ua ka vënë në dispozicion kryeministri Nano anëtarëve të Komisionit. "Tashmë edhe ne kemi arritur në përfundimin se SHISH-i ka pasur dijeni se do të ndodhte vrasja e deputetit Azem Hajdari, por ka heshtur, ndërkohë që po vërtetohen edhe abuzimet me fondet e këtij institucioni, ku përfshihen edhe ato të përfituara nga shërbimet e huaja, të cilat arrijnë në miliona dollarë", u shpreh një prej anëtarëve të Komisionit. Po ashtu, sipas tij, shumë shpejt do të grumbullohet edhe materiali i nevojshëm që do të vërtetojë akuzën që rëndon mbi SHISH-in për përgjim të politikanëve, si të spekrtit të majtë, ashtu edhe atij të djathtë. Nga ana e ekspertëve kjo punë shikohet si një thikë me dy presa, pasi nga njëra anë do t'u duhet të njihen me materiale të cilat do të nxirrnin fakte kompromentuese për politikanë që njihen si të papërlyer; ana tjetër, se përballë këtyre fakteve mund të mos arrihet deri në fund suksesi nga ana e Komisionit hetimor, i cili do të heshtë përpara këtyre materialeve.


Lista e ekspertëve që do hetojë SHIK-un e Klosit

Rrok Nikaj
Mëno Dede
Theofan Gjermenji
Besnik Xhidri
Neshat Fana
Memo Pashai
Sino Sinoruka
Dashnor Memishi

. . . . .
Drejtues të shtypit pritet të rrëfejnë në Kuvend

Komisioni: Të thirren dhe gazetarë


--------------------------------------------------------------------------------

Implikimi i SHISH-it me median do të jetë në planin e punës së Komisionit hetimor për Shërbimin Informativ Shtetëror. Krahas 3 drejtimeve të deritanishme si: vrasja "Hajdari", përgjimet politike apo abuzimet me fondet nga ky institucion, deputetët e këtij komisioni, si dhe ekspertët e ngarkuar pranë tij, do të fillojnë të hetojnë rreth implikimit të SHISH-it me median. Në këtë drejtim pritet që anëtarët e Komisionit të thërrasin për shpjegime një pjesë të mirë të drejtuesve të gazetave, të cilat mund të kenë publikuar shkrime ku janë pasqyruar fakte apo materiale lidhur me çështjet mbi të cilat do të hetojë ky komision. Njëkohësisht do të hetohet edhe rreth mundësisë së investimit nga Shërbimi Informativ Shtetëror për një pjesë të shtypit të shkruar, për qëllimet e drejtuesve të këtij institucioni. Sipas anëtarëve të Komisionit, është përpiluar një listë paraprake për personat që do të dëshmojnë, ku përfshihen kryeredaktorë apo edhe botues të gazetave, gjatë viteve të mëparshme kur mund të kenë ndodhur edhe ngjarjet, por që emrat e tyre nuk bëhen publikë.

. . . . . .
Ngjela: Stop hetimeve për PS e PD


--------------------------------------------------------------------------------

Kryetari i Komisionit hetimor për SHISH-in, Ngjela, u ka kërkuar ekspertëve që do të punojnë pranë këtij komisioni që të jenë tepër të kujdesshëm në dokumentacionin që do të sjellin, veçanërisht ato materiale që mund të kompromentojnë, si Partinë Socialiste dhe atë Demokratike. Nga materialet e para mësohet se kanë dalë edhe fakte që mund të jenë kompromentuese për të dyja forcat politike, por që janë cilësuar nga kryetari Ngjela si të panevojshme dhe që nuk u shërbejnë pikave në të cilat është orientuar puna e këtij komisioni. Ai u ka kërkuar atyre që të përqendrohen vetëm në piketimet e deritanishme si: vrasja e deputetit Hajdari, përgj-imet politike dhe abuzimet me fondet, ndërkohë që nga ekspertët u shpjegua se ka materiale që mund të prekin ndonjë parti, por ndihmojnë në zbardhjen e së vërtetës.

.....

[Nard]

Komisioni Hetimor per SHISH-in eshte ngritur nga Kuvendi i Shqiperise ne kundershtim me "Rregulloren e Kuvendit" dhe me ligjin "Per komisionet hetimore".
Komisionet ne sipas ketyre ligjeve perbehen nga te gjitha grupet parlamentare te Kuvendit. Ne komisionin "Ngjela" jane perjashtuar te gjitha partite e tjera, pra e kane kthyer kete komision ne pseudokomision.
Kane perjashtuar ne menyre flagrante forcen e trete politike ne vend Partine Demokrate (Reformatoret), PLL dhe PBK, pra nje parti perendimore dhe dy te tjera nacionaliste.

Qellimi: Ky komision heton kryesisht vrasjen e deputetit Azem Hajdari. Javet e fundit z.Berisha nderroi taktike duke akuzuar grupe terroristesh per vrasjen e tij, dihet nga te gjithe se z.Berisha ka akuzuar z.Nano si urdherusin e vrasesve te z.Hajdari, per te cilen ai eshte shprehur se ka mjaft prova.

Pra me kete komision vetem me besnike te dy partive PDSH dhe PS kerkohet te fshihet e verteta mbi vrasjen e z.Hajdari si dhe shume probleme te tjera, vjedhje, dosje te politikaneve te korruptuar te dy partive (PS-PDSH) qe nuk duan te behen publike nga dyshja Nano-Berisha.

Anetaret e komisionit "Ngjela" jane te akuzuar direkt si te perlyer ne korrupsion: S.Ngjela; i akuzuar si avokat i firmave piramidale dhe debitor i tyre, ish Minister i Drejtesise. B.Fino; i akuzuar nga z.Nano si i perfshire ne afera koruptive dhe me linja te pista trafikantesh. M.Muçi; i akuzuar per korrupsion ne Ministrine e Privatizimit, po nga z.Nano etj etj.
Vallja dyshe "Nano-Berisha", ka ngaterruar ritmin e kohes, vallja e tyre tashti nuk kercehet me. Ata paten si muzike kallashet per dhjete vjet, muzika e sotme ato i çorienton, sado qe mundohen te luajne kembet dhe duart si te moderuar. Atyre u tingellon ne koke melodia e qiftelise dhe e daulles.

Fansat e ketyre dy lidereve duhet ta kuptojne se diçka nuk shkon, prandaj te analizojne me vemendje veprimet e tyre, ne menyre reale dhe pa tifo.

Ju falenderojme per mirekuptimin

[Brari]

Mirseerdhe z Nard ne kete forum!

Shqetsimi juaj se mos komisioni Fino-ngjela tallet me hetimet kunder Shikut eshte i drejte.
Kritikat filloni me Finon, gruaja e te cilit ka gisht ne Korrupsionin e viteve te fundit.
Ne se nuk jeni grupi juaj ne ate Komision mos e tragjedizoni sepse keni fusha plot ku mund te luftoni.
Kto dite gjykata denoi me vetem 2 vjet burg kriminelin pellumb Neli qe vrau gruan dhe te "dashurin" e gruas.
Me kete ju dha zemer e krah cdo banditi te vrase gruan, pra vajzen e dikujt sa here qe tu shkrepet.
Ju e dini se vrasja e grave nga burrat e "ndershem" shqiptare eshte bere epidemi dhe eshte harruar per cudi qe zgjidhjet e problemeve te "nderit te Familjes" i ben Gjykata ashtu si ne cdo shtet modern (jo Nigeriano-taleban).
Ku jemi ketu.. ne cfare shekulli??
Komisionet Parlamentare jane ne varesi te numrit te deputeteve dhe ne se nuk merrni pjese diku mos qani as ju as ato partite e vogla me nga 7 antare..
Megjithate ju z Nardi (dreret e pdr) keni mundesi te kontrolloni edhe duke mos qene ne kete Komision sepse jeni brenda ne Parlament.
Filloni luften kunder korrupsionit ne vete Partine tuaj.
Kush ja dha truallin Lush Per Palit per te ngritur Klub ne lulishten e bukur pran ministrise mbrojtjes.
Shkoni ne Fier ku policia kapi nji trafikant vajzash dhe i cili rezultoi pronar hoteli 9 katesh. Po keshtu rezultojne pronar hotelesh ne Plazh e Tirane dhjetra trafikante te tjere vajzash.
Zbuloni kush ja dha trafikanteve lejen e truallit.
Ngriheni popullin ne kembe qe te denohen maksimalisht ata qe rrembyen vajzen e mitur ne Roskovec para nji jave.
Zbuloni kush e dha lejen e truallit per ngritjen e kullave te "bin-ladenit" ne krah te ish ministrise vjeter te jashtme(perballe piramides Enverit ) dhe ku i gjeten mundesite per biznes bashkpronaret e atyre kullave Skendo dhe Kosta.
A nuk ju ra ne sy juve Drereve gjate ndertimit qe autostrada Laprake-Vore nuk ka asnji mbi kalim ose nenkalim per te lidhur fshatrat ne te dy krahet e Autostrades dhe kjo ben qe katundaret nevojtare te cajne autostraden me karroca e Gomere dhe ajo autostrade qe nga fillimi e deri sot eshte bere Varreze ku hane koka cdo dite dhjetra njerez.
Pse nuk ju vret veshin juve fakti qe ish kompleksi i kampeve te puntoreve dhe kuadrove megjithe PISTEN ne plazhin e Durresit eshte bere Prone e nji familjeje mafioze te tmershem te Hasanajve.
Pse Gaz Demi eshte bere pronar i Hotel Butrintit ne Sarande?
Kush eshte ai..mos valle eshte krijuesi i Lidhjes Prizerenit apo organizatori kongresit Manastirit.

Keni plot objekte per tu ceplendisur juve e nuk ju ka mbetur vetem Komisioni anti-Klos per te luftuar korrupsionin.

Megjithate per inat te Vjehrres mos shkoni te fleni me Mullixhine...pra te beheni ne nji front me Skafistet e Gjinushit.
Atij Sali Kelmendit i thoni se Tiranen ngeli ta zbukuroje Ed Rama sepse Saliu ish i zene me dhenje trojesh per kioska.


Suksese!

[Nard]

Z.Brari,
Une ngrita nje shqetesim per Komisionin Hetimor "Ngjela", qe nuk ka te beje me probleme te tjera, gjithsesi ju mund te keni te drejte ne ato qe shkruani.
Persa i perket menyres se ngritjes se komisionit dhe perfaqesimit qe eshte bere ne kundershtim me ligjin, desha mendimin tuaj dhe te tjerve.
Persa i takon problemeve te tjera ne mund te shkembejme pikepamje ne adresat private.
Gjithsesi ju falenderoj per pergjigjen.
Nardi

[Brari]

RD

------------

Shkrimtari i madh përshëndet marrëveshjen pozitë-opozitë në një takim me të rinjtë elbasanas

Kadare: Janë të izoluar kritikët e marrëveshjes

Shkrimtari ynë i madh Ismail Kadare ka vizituar Elbasanin, duke u bërë "karshillëk" pushtetarëve qendrorë dhe lokalë, që kanë qenë sot të pranishëm në Elbasan. Qindra të rinj, studentë dhe të shkollave të mesme, kanë përshëndetur me entuziazëm praninë e shkrimtarit të shquar Kadare, shoqëruar nga botuesi i tij Bujar Hurdhri, ndërkohë që Kadare ka bërë kujdes që takimi i tij të mos ishte zyrtar, me solemnitet pushtetarësh, por një bashkëbisedim me lexuesit e tij, ku nuk kanë munguar as pyetjet politike. Duke folur për letërsinë, Kadare u shpreh se, "fatkeqësisht, letërsia shqiptare në botë është pak e përkthyer, edhe pse Shqipëria hyn ndër vendet ku shkrimtari respektohet, ashtu si dhe letërsia e tij. Publiku shqiptar hyn ndër ata më të mprehtët dhe me sensibilitet".

Shkrimtari ynë i shquar ka shprehur respektin e tij për disidencën shqiptare dhe veçanërisht për disidentët e letrave, një prej të cilëve ai ka cilësuar shkrimtarin Bilal Xhaferri, si më i shquari i kohës së tij. Megjithëse ai tha se, "në Shqipërinë e Enver Hoxhës nuk di ndonjë që të ketë dalë hapur dhe të botojë në shtyp thirrje politike anti regjimit, sepse në Shqipëri nuk ka patur zbutje, por ka patur stalinizëm, deri në fund të regjimit diktatorial".

Duke dashur të jetë sa më korrekt me të rinjtë që e pyetën atë për realitetin shqiptar, Kadare u shpreh se, "pavarësisht nga klasa politike për të cilën unë kam rezerva, Shqipëria ka një të ardhme të sigurtë dhe të begatë, me ose pa këtë klasë politike. Kjo nuk është një klasë politike e shkëlqyer, por ajo nuk mund të pengojë rrjedhën e historisë, sepse shqiptarët kanë një shans të madh historik. Interesat jetike të shqiptarëve koinçidojnë me frymën europianizuese. Këtu e shikoj unë të ardhmen. Pavarësisht se ka njerëz që duan ta minosin këtë situatë, sepse nuk janë dakort me marrëveshjen pozitë– opozitë, që për mua është pozitive, ata janë të izoluar. Duan a s’duan ata, Shqipëria e ka marrë rrugën e vet drejt Europës".

Ndërsa në lidhje me interesimin dhe vlerësimin e rinisë për veprat e tij, ai u shpreh se, "më vjen mirë që në Elbasan gjej këtë klimë që më pëlqen" dhe që ai e përgëzoi këtë me faktin se "elbasanasit janë bashkëbisedues të kulturuar", se "Elbasani është qyteti që udhëhoqi arsimin shqiptar, duke e çuar Normalen në troje mbarëshqiptare".

H. Zane






----------------

Nardi !

partia juaj pdr ose Partia e Pollos thone se ne votimet e fundit ka marre vota sepse njerzit e ngaterronin me Pd e Berishes.

Megjithate juve perseri mbetet Parti e vogel.

Sipas votave kerkohet dhe perfaqsimi.
Kur ke pak adhurues do te thote se perfaqson pak njerez dhe natyrisht ske pse kerkon ne cdo komision te kesh perfaqsues sepse ashtu i bie qe nji deputet i juaji te jete i kudondodhur ne cdo komision e deputet te partive te medha te mos puthin kurre ne asnji komision, pra te kemi disproporcion te drejtash.
Partia juaj di arithmetik dhe ti permbahet arithmetikes, hesapet e te ciles i ka bere populli ne Votim.

Juve deshet te hyni ne Komisionin NGJELA jo per te zbardhur KRIMET por per ti mbuluar ato ashtu si BIZHGAT E FINOT.

Ju jeni bere rezerve e Mafies.
Nuk e di a sepse jeni servila nga natyra apo ndani me ta fitimet.

Nuk eshte e vertete se ju ka perzene Berisha juve por juve menduat se Berisha eshte "anije qe po mbytet" dhe vrapuat te ikni.
Kjo pa burreri ju falet por bashkveprimi juaj i koheve te fundit me Gjinush-Braho-Broka -Mejdanet bie ere e keqe.

Akoma nuk po shikoj qe ju te mendoni vete si Parti.

Juve ju lexojne populli pa deklaruar akoma qendrimet.
E dini si ju lexojne?

Mjafton te dihet cka thene Berisha dje dhe te pritet se cdo thoni ju Neser.

Sikur Berisha te thote sot se Toka e zjarrte ndodhet ne skajin me jugor te kontinentit Amerikan ju te nesermen do thoni..jo kjo eshte shpifje sepse ajo ndodhet ne Veri te Kanadase.


miqesisht
Brari

[Nard]

Z.Brari,
Me vjen keq qe flisni shume me "tifo" politike dhe nuk tregoheni realist, te pakten keshtu mu krijua bindja nga ato qe ti shkruan.
Duhet te keni te qarte se PDr ka dale mbi pese here ne zgjedhje qe nga 24 Qershori dhe ka patur nje rritje te konsiderushme ne elektoratin shqiptar (11 Nentor 2001 zgjedhjet ne Delvine parlamentare dhe ka fituar 13.2 %, me 17 Shkurt 2002 ne Lezhe zgjedhje lokale dhe ka fituar 12.6 %, pra pa sigel por me emra kandidatesh). Ky eshte argument qe duhet te bindesh qe kjo parti po rritet dhe po behet e besueshme. Nje argument tjeter per 24 Qershorin 2001, votat qe kane marre kandidatet tane jane te njejta ose ne diference te vogel (+-) me ato qe ka marre partia, cka do te thote se nuk ka asnje vote te dhene kot.
Ne u ndame nga Berisha, jo kur ai ishte i mbytur (i tille ishte ne 1997) por atehere kur e kuptuam se ai nuk mund te ndryshoje, kur ai e kishte te pamundur me ate imazh qe vazhdon te kete qe te fitoje besimin e elektoratit te qendres dhe te djathte.
Ne nuk u ndame, por nje pjese e mire e deputeteve dhe politikaneve te PD mbeshtetem Pollon ne kandidimin e tij, me vone te gjithe ne u perjashtuam nga z.Berisha.
Per arsye kohe dhe vendi po e le me kaq, po deshe argumente te tjera mund te jap sa te duash, hamendjet i kam pak inat.
Pershendetje Nardi

[Nard]

Z.Brari,
Persa i perket komisionit hetimor per SHISH-in, nuk na ka ngelur ndonje merak qe nuk morem pjese, se ai degjeneroi ne punen e tij. Ndoshta ju nuk keni informacionin e duhur, por ju bej te qarte qe na baze te ligjeve dhe rregullores se Parlamentit, cdo komision parlamentar krijohet me perfaqesimin e te gjitha grupeve parlamentare, ne menyre te vecante ato hetimore. Mund te lihet jashte ndonje grup qe eshte krijuar me deputet "borgj" si Lacoja ose Agrarja, por kurrsesi grupi i trete politik ne Parlament.

Prezenca e jone ne kete komision vetem sa e kishte bere me te besueshem, dhe nga ana e jone do te ishte kerkuar kryesisht te hidhej drite mbi vrasjen e z.Hajdari (dhe jo me broqkulla; a'eshte spiune Xhoana Nano, apo pse Klosi ka hargjuar leke me shume se duhet).
Ky komision u ngrit per te hequr balten e dy protogonisteve te politikes shqiptare te ketyre 12 viteve, balte qe ja kishin hedhur njeri-tjetrit per 12 vjet rresht.
Kater vite rresht Berisha akuzoi Nanon si urdherusin dhe organizatorin e vrasjes se z.Hajdari, duke thene qe kam prova te pakundershtueshme per kete (tashti Prokuror te Pergjithshem ka ish-keshilltarin e tij, pse nuk ja dergon keto prova?!!).
Nuk e di a'keni dijeni se c'fare i bene zj.Hajdari 'berishianet' ne nje mbledhje partie kur ajo priti per ngushellim Ilir Meten nje vit me pare, kurse kete vit Berisha ishte ne te njejten kohe me 'marksistin' Servet Pellumbi tek shtepija e Azemit!!!
Pse ndodhin keto?!! Se Berisha ka ndryshuar kursin dhe eshte bere mik per koke me Fatosin ta gezoje dhe ja pafte hajrin, por me keto veprime vetem po len te djathten shqiptare pergjithmone ne opozite!!
Para disa muajsh z.Pollo i kerkuan qe te jete zv/Kryeminister dhe Minister i Jashtem, ne kembim te votave tona per President z.Nano, ai nuk e pranoi nje gje te tille, por u rreshtua ne nje tavoline me Berishen dhe e detyruan Nanon te terhiqej dhe President sot eshte Mosiu. Berisha i harroi te gjitha dhe sot me shume e mbron ai qeverine socialiste se komunistat qe jane ne radhet e PS.
Nese keni ndonje gje te paqarte apo ju deket e tepert, me shkruaj se une perseri te pergjigjem, por te lutem me shume kerkoj te jesh me realist dhe argumentues.
Pershendetje Nardi

[ganoid]

z nardi!
me vjen mire qe nje kryetar i nje grupi parlamentar ,sic jeni ju,ben pjese ne forumin tone.
brari duhet ta dish mo mik vellai qe partia demakrate e re eshte e vetmja parti ne spektrin politik shqiptar qe ndarjen e vendeve ne parlament e ka bere ne proporcion me votat e marra nga cilido kandidat i saj.dhe ske se si ta quash partia e "pollos" kur dihet qe pollo seshte deputet edhe pse eshte kryetar i kesaj partie pasi per te njejten arsye u nda nga doktori (smundi te duroje diktaturen e dr berishes).
se dyti partia e "poolos " (ashtu sic te pelqen ty ta quash) humbi mbi tre vende ne parlament nga mafiozlleku i nanos dhe prap se prap ,ne te mire te vendit , i pranoi ato zgjedhje me kusht ndryshimin e kushtetutes per ligjin e zgjedhjeve.
dhe se treti e uroj personalisht nardin dhe stafin e partis se tij per hyrjen ne si vezhgus ne partite e djathta evropiane dhe ne te njejten kohe i uroj dr berishes te beje durim se do ti vije edhe atij koha per tu fut.
shendet!

[Nard]

Z.Mariglen,

Me vjen mire qe gjej realista edhe ne "Forum" edhe per çeshtje disi te nderlikuara politike, mbasi shtypi i ka percjelle ngjarjet sipas klaneve te caktuara politike.

Une lexoj here pas here "Forumin" marr pjese shume rralle ne te shkruar, por me teper me pelqejne ato analiza politike qe jane reale, te argumentuara qofshin keto edhe te hidhura per mua.

Une kam ndjekur mjaft rubrika interesante, sondazhe, te cilat me kane ndihmuar ne punen time, kjo mund te jete edhe nje lloj lidhje me njerzit qe flasin dhe mendojne krejtesisht te lire, kjo ju mungon shume politikaneve sot. Ato rrethohen nga njerez qe kane interesa, servila, qe vetem ju thurin lavdi per partite e tyre etj, pra duke u shkeputur ne nje fare menyre nga realiteti.

Partia Demokrate eshte nje parti e re, me fryme perendimore, nuk mund te krahasohet me partite e tjera (te cilat kane kaluar numrin 60), por perpiqet qe te jete nje parti kryesore ne vend qe te luaje nje rol percaktues ne spektrin e djathte shqiptar.

Jo me kot nje parti per gjashte muaj arrin te behet force e trete politike ne vend, dy fishon dhe trefishon rezultatin me pas, dhe se fundi pranohet anetare vezhguese ne PPE e vetmja parti nga trojet shqiptare ne kete formacion politik Europian ku marrin pjese disa kryeministra te Europes.

Por, vrejtjet, sugjerimet, alternativa te ndryshme, besoj se do te na benin mire qe ti degjonim dhe lexonim ne kete "Forum" p.sh: si mendohet te percillet marrveshja personale "Nano-Berisha", çfare mendoni per zgjedhjet lokale, si mendoni te paraqitemi ne si force politike, çfare problemesh mund te shtrohen ne Parlament, si mendoni per transparencen e piramidave etj.

Pershendetje
Nardi

[FATJON SOFTA]

Politika eshte nje shqetesim qytetar qe me te drejte ndjehet dhe perjetohet ne emigracion.Asnje vend ne bote nuk do te ishte indiferent perballe nje fakti te tille qe 30-40%e popullates se afte per pune ndodhet jashte kufijve zyrtare te shtetit.
Shqiperia dhe shqiptaret kane shume halle dhe kane jetuar ne pritje me iluzione per te hyre ne europe.Nje klase ka para me thes dhe nje pjese marrin buke me liste,rrofte emigracioni qe politka i qan hallin se iku truri kombit apo dikur e etiketuan jashteqitja e kombit ato qe pretendojne cmime nobel.
Nuk e kuptoj perse nuk luftohet qe te perfshihen ne votime shqiptaret ne emigracion duke ju mohuar shprehja e vullnetit tyre politik.
Shqiperia eswhte ende vendi i absurdeve,bllokmenet e djeshem dhe bllokmenet e rinj jane po ato por kane nderruar kostumin,fjalorin,kane marre nje pasaporte te demokracise,Deri kur?! Shume zhurme per komisionin Ngjela,perse Ngjela gjendet gjithmone kur: Amnistia Marsit,Kur Nano do dilte nga burgu Minister Drejtesie,Sek marr pub ne PD kur do vinte marreveshja,pse ne kete komision etj koincidenca per ironi te fatit.Kush e mori thesarin,qeveria sulmoi Z.Berisha,kush i hapi depot ne mars etj etj kur do merren pergj edhe kete rradhe me kot lodheni miqte e mi.Z Berisha mundet per fatet e ketij vendi te pranoi te pertype shume gjera por te presim e shpresojme....vitet rendin ....
Z Nardi e pergezoj per natyren e hapur qe ka dhe do ta vleresoja si indivit,ne Shkoder flasin mire per te,e kjo nuk eshte pak.Politika eshte jo e lehte dhe nuk behet brenda dites
Faleminderit sepse nuk thashe asgje